رواية دكتورة سليل والشيخ الفصل الثاني 2 بقلم مجهول

 


رواية دكتورة سليل والشيخ الفصل الثاني بقلم مجهول



سليل
نزلو منها المصاب فحصته صدره مضروب حيل وراسه متأذي وشضايا بكتفه لازم اسويله عمليه بسرعه جنت مخبوصه وكتلهم فوتو لغرفة العمليات بسرعه صحت حسن بس هو جان فاتح عيونه بصدمه وصافن ضليت اصيحه وهو ميرد لزمته من كتافه وحركته
سليل/ حسن حسن دتسمعني حسن
حسن وهو صافن
حسن/ سجاد اخويه
سليل بصدمه/ شنووو؟
حسن وهو يبجي/ الله يوفقج سليل انقذي اخويه الله يخليج ما عندي غيره سليل حياة اخويه امانه عندج والله تموت امي اذا صارله شي
سليل/ حسن لتخاف
سليل
عفت حسن وفتت لغرفة العمليات جان سجاد بعده واعي
سجاد بتعب/ حسن اخويه وينه
سليل حجت ويه الممرضه
سليل/ بسرعه خلي المخدر منكدر نتأخر
الممرضه/ دكتوره شون راح تبدين والمخدر بعد ما اخذ جسمه
سليل التفتت على سجاد
سليل/ اسمعني زين راح تكدر تتحمل الوجع لخاطر حسن
سجاد بتعب/ كلشي اتحمل لخاطره 
سليل 
ما انترضت ياخذه المخدر بديت اطلع الشضايا من صدره بس بكتفه جانت كلش خطره لانه قريبه ع الكلب ضليت اشتغل بي وعديته مرحلة الخطر بس هو خسر دم هوايه طلعت من العمليه واني ما ادري شكد صارلي شفت حسن ويه مره ورجالين كبار يمكن اهله اجه عليه حسن ركض 
حسن/ ها سليل شبي 
سليل/ حسن يحتاج دم وبسرعه 
حسن/ فصيلة دمه O يعني مستحيل ياخذ من غيرO
سليل/ منو منكم فصيلة دمه O 
حسن / ابويه O
سليل/ عمو انت شكد عمرك 
ابو حسن/ 67 سنه بنيتي ليش 
سليل/ لا عمو ماكو شي حسن مستحيل ابوك جبير غيره اي احد بسرعه 
حسن/ خواتي اذنينهم O بس همه بالبصره 
سليل/ لحضه لحضه اني O تعال بسرعه اسحب مني دم 
حسن/ متأكده سليل 
سليل بعصبيه/ يلاااا ماعنده وكت راح نخسر اخوك 
اجه حسن بسرعه وسحب من سليل دم 
حسن/ هذا يكفي مو 
سليل/ اي رايحه 
حسن/ سليل راح تدوخين اكلي شي 
سليل وهيه تمشي/اوك اوك 
_
دائماً إبتسم فما زال في الحياة أمل..🥀
سليل 
فتت للغرفه وخليتله الدم بعدها حولنا على غرفة العنايه المشدده وطلعت 
ام حسن/ يمه شنو وضع ابني 
سليل/ خاله ارتاحي هو قوي والحمدلله تعده مرحلة الخطر وباجر انشالله يكعد لانه المخدر جان قوي كلش علي 
جد حسن/ بارك الله بيج بنتي 
سليل/ تسلم 
حسن/ سليل وين راح تروحين اليوم ما عندج مناوبه ارجعج للبيت 
سليل/ هه حسن اي بيت بس اروح ابدل ملابسي وارجع اخاف يصير مضاعفات عند اخوك وانت تدري اني لازمه حالته يعني ميصير يله ما اتاخر باي 
حسن/ باي
سليل 
رحت للسكن بدلت ملابسي 
واخذت المريول الابيض مالتي استأذنت من المديره وكتلها راح ابقه اليوم بالمستشفى وطلعت وصلت هناك اجه حسن 
حسن/ سليل فدوه احجي ويه جدي وابويه وامي خلي يرحون للبيت وياي 
سليل/ حاضر من عيوني 
مشينا رحنا يمهم 
سليل/ السلام عليكم 
الكل/ وعليكم السلام 
سليل/ انتو تكدرون ترجعون للبيت لانه هسه وجودكم هنانه ما اله اي فائده وبعدين هو لحد باجر يصحه ف اكيد من يصحه ما راح يحب يشوفكم هيج تعبانين مو صح 
ابو حسن/ اي صح يله بويه يله ام حسن امشو نروح نرتاح وسجاد سبع ما ينخاف علي 
ام حسن/ يمه شلون وليدي ما اكدر اعوفه 
سليل/ خاله وداعتج ماكو شي علي 
حسن/ يمه امشو اوديكم على بيتي واذا صار شي الدكتوره سليل تخابرني مو صح دكتوره 
سليل/ اي اكيد يله روحو 
الكل/ مع السلامه 
سليل/ الله وياكم 

سليل 
باوعت الساعه 1 بالليل اخذت اوراقي ورحت لغرفة سجاد حتى اچيك علي واسجل المعلومات جنت يمه شويه واندك الباب الدكتور احمد اليوم مناوبته هو 

سجاد
بعد ما سويت الحادث ضليت واعي واسمع كلشي لحد ما حجت وياي الدكتوره بغرفة العمليات اول ما بدت حست الوجع مو طبيعي بعدها فقدت الوعي حست على شخص فات للغرفه اني اكدر اسمع كلشي بس ما اكدر افتح عيوني او اتحرك بعدها سمعت الدكتوره كامت تحجي ويا 
الدگتورة للشيخ 
سليل/ دكتور احمد اتفضل محتاج شي 
احمد/ دكتوره سليل اليوم مو مناوبتج شعندج 
سليل/ مريض مسوي حادث يصير اخو الدكتور حسن 
احمد/ اهااا حسن هذا الجاي يطبق هنانه اي بعده مصار دكتور وحسب معلوماتي اخو شيخ عشيرتهم 
سليل بعصبيه/ اولا حسن فايت عمليات اكثر منك وهسه وحتى بدون ما يتخرج اكدر اكول علي افضل دكتور وثانيا والاهم طبعا هو انه اني ميهمني اذا كان شيخ عيشره والا شخص عادي لانه هو مريض حاله حال اي مريض مو كلمن جاي يتعالج لازم اعرف قصة حياته وهسه من رخصتك دكتور المريض لازم يرتاح 

سليل 
جنت دا امشي اريد اطلع ولزمني من ايدي دفعته حيل 
سليل بعصبيه/ دكتور احمد احترم نفسك 
احمد/ سليل بس انطيني فرصه صدكيني ما راح تندمين 
سليل/ اسمعني كلش زين يمكن انت لو ما سويت سوايتك جان ممكن اعتبرك صديقي بس هسه مستحيل دكتور اني حتى ما اجرعك 
احمد بعصبيه/ شسوويت شسووويت 
سليل/ صدك ما سويت شي مو لعد منو قبل فتره صار يمشي ويكول سليل وحسن بينهم علاقه حب ومتزوجين بالسر 
احمد/ اسف سليل جانت لحضة عصبيه 
سليل/ لحضه عصبيه لحضة ضعف ميهمني تني بسبب هاي عملتك تأخرت شهرين كاملين وتقييمي قللو من ممتاز الى جيد جدا وهلشي بسببك دكتور احمد رجاءا اتفضل اطلع بره 
احمد/ اسف من رخصتج رايح 
سليل/ الله وياك 

سليل 
من طلع هو متحملت كمت ابجي سحبت كرسي وسديت الباب وكعدت يم راس سجاد نزعت الگلاده امي لبستني اياها قبل ما تموت 

جان ابويه مسويها بيده ورغم بساطتها جنت اعشقها لانه الشي الوحيد الباقي من اهلي لزمتها وكمت ابجي واحجي 
سليل/ ليش عفتوني وحدي ليش كل يلي احبهم ماتو ليش ياربي والله تعبت امتحانك صعب ياربي قضيت كل حياتي واني اخاف اواجهه المجتمع اخاف كم كلمه هاي مو خوش بنيه ياربي حتى عمامي وخوالي يكرهوني كلهم واني ما اعرف السبب ساعدني يا الله ماما حبيبتي اليوم شفت ام حسن شكد خايفه على ابنها وتبجي يمه تمنيت اني هم تكون عندي هاي الام يلي تخاف عليه تمنيت يكون عندي اب من اتعب اروح اسند راسي على كتفه يمه هاي الحياة كلش صعبه وقاسيه واني كلش ضعيفه وما اكدر اواجهه ياربي ساعدني 
لبست الگلاده وكملت فحص وطلعت من الغرفه رحت للعياده مالتي خليت راسي ع الميز وما حسيت من نمت 

سليل 
فزيت الساعه 9 الصبح غسلت وجي وصحصحت اخذت ملاحضاتي وفتت لغرفة سجاد شويه ومام يفتح عيونه بس بطيئ 
سليل/ الحمدلله على سلامتك 
سجاد بتعب/ ااخ الله يسلمج 
سليل/ ممكن بس تكلي بشنو دتحس وين الوجع بالضبط 
سجاد/ عادي وجع ينحمل بس راسي وجع مو طبيعي
سليل/ اي لانه هسه صحصحت عادي بس شويه يروح 
سجاد/ ماشي يمته اكدر اطلع 
سليل/ بعد بسم الله توك فاتح عيونك 
سجاد
جنت راح احجي وفاتو امي وابويه وجدي وحسن اجه حسن وحضني حيل حست روحي راح تكلع من الوجع يلي صار بصدري بعدها حسيت على صوت الدكتور 
سليل بخوف/ لك حسسن شبيك وخر لا ينفتح الجرح ولك وخر يلاااا 
ابتعد حسن 
حسن/ يااا اسف اخويه تأذيت 
سجاد بتعب/ لا عادي مصار شي 
سليل 
اجت ام سجاد حضنته على كيفها وضلت تبوس بي وهو مبتسم كسيت بوكتها شنو معنى ام ابتسمت بس عيوني انملو دموع شفتهم شون خايفين علي وبس يحضنو ويبوسون بي 
سجاد/ شبيكم تره والله ما بيه شي شنو هو حادث بسيط واعرف منو يلي سوا 
الجد/ منو يغدر بينا ويسوي بشيخ سجاد هيج 
ابو حسن/ بس كول منو الا انجيبلك دمه 
سجاد/ يابه والله ماكو شي لا تخافون واحد عنده ثار قديم ويايه وراح بحال سبيله 
ام حسن/ ولك سجاد اني امك اعرفك تجذب علينا 
سجاد/ ههه اخ فديت ام كلب الطيب والله ما بيه شي 
حسن/ ماما بابا جدو امشو روحو ارتاحو لانه سجاد ميصير يحجي هوايه مو صح دكتور 
سليل/ اي صح لازم يرتاح وخلص وكت الزياره 
حسن/ سلوله اطلهم واجيج اعرفج ع الوحش 
سجاد/ ولك حسن.. 
حسن/هههه قبل ما تكول جملتك المشهوره راح اجاوبك ما اعقل الا اتزوج 
ام حسن/ ما ازوجك الا يتزوج اخوك 
حسن/ هو ميقبل يكره النسوان راح يضل عانس اني شعليه 
ابو حسن/ ابني صرت دكتور وبعدك غبي ابني البنيه تصير عاني الرجال مايعنس 
حسن/ هههه عادي نفس الشي يله يله طلعو خلص وكت الزياره 
ام حسن/دكتوره عينج على سجاد فدوه 
سليل/ اي خاله من عيوني لتخافين 
طلعو الكل 
سليل/ بعده راسك يوجعك 
سجاد/ اي بس مو كلش يعني صداع عادي بس ايدي شبيها 
سليل/ حاول لتحركها هوايه بس لحد ما يلتحم الجرح لانه فاتت حديده من السياره بي وكوه طلعتها منه 
سجاد/ ماشي 
فات حسن 
حسن/ اكلج سلول البارجه جانت مناوبة دكتور احمد وياج مو؟ 
سليل بعدم اهتمام/ اي ليش 
حسن/ ما حجه وياج شي او ضوجج بشغله 
سليل بثقه/ حسن انت تعرفني كلش زين يعني يلي يحجي وياي بكلمه اردها عشره ف ماكو داعي تخاف عليه
حسن/ احس سجاد كدامي وديحجي 
سجاد/ ولك حسن اعقل لخاطر ربك 
حسن/ ولك سجاد منو سوه بيك هيج والله اذا طلع سكي بمحله الا اسويها دم 
سجاد بحده/ حسن سد الموضوع 
حسن/ يعني صح كلامي واحد من ولد عمامي سوه هيج علمود تموت وياخذ المشيخه منك مو 
سجاد/ اي بس لتحجي كدام احد اني اعرف شون اجيبه للطريق 
حسن/ اووف اووف منك اكلك خواتك رشا وديمه كلوبها مناحه بجي عليك 
سجاد/ ديمه شجابها شون عرفت 
حسن/ اني كتلها 
سجاد/ راح تضل غبي وچماله دكتور ولك حامل شون تكللها ما خفت ع يلي ببطنها وينها هسه 
حسن/ بالبصره 
سجاد/ منو جابهه من العماره 
حسن/ غير رجلها (زوجها) قابل منو 
سجاد/ زين زين ورشا منو وياها بالبيت 
حسن/ ديمه و محمد زوج ديمه و عمار 
سجاد/ لك عمار ابن عمك
حسن/ اي 
سجاد/ بسرعه خابرها وكللها تدير باله منه ولا تخلي تاكل او تشرب اي شي من ايده هي وديمه 
حسن/ بس ليش شكو؟ 
سجاد بصياح/ بسرعه كتلك 
حسن/ اوك اوك لتصيح طالع اخابرهم بره 
سجاد/ اي 
طلع حسن
سليل/ ممكن بس ما تتعصب لانه هذا الشي راح يأثر عليك سلباً 
سجاد/ اني هادئ بس الموضوع دن يوصل يم شخص غالي عليه وتحديدا خواتي يلي همه قطعه من روحي مستحيل اهدئ 
سليل/ الله يحفضهم الك ويديمك الهم 
سجاد/ تسلمين 
اجه حسن 
حسن/ من البارحه راجع على بيتهم 
سجاد/ طبعا يرجع علمود يخبي اخو النذل 
حسن/ كافي ولك يلي يشوفك ميكول توك طالع من عمليه 
التفت على سليل 
حسن/ سلوله صار وكت تبديل الضماد مو صح 
سليل/ اي صح وانتي جنت منتضرتك حتى انت تبدلها 
حسن/ ههه تستحين من اخويه ولج 
سليل بجديه وخجل/ حسن ركز وياي اني الدكتوره سليل فهمت مو صديقتك هسه يله لازم تتعلم شون تبدل الضماد حتى اقيمك وادز التقييم للجامعه مالتك 
حسن/ فدوه للكتوره مالتي يلي راح تحرك جد جدي اذا ما تعلمت اضمد مثلها 
سليل 
جان حسن كل الاغراض يلي نحتاجها وساعد اخوه حتى ينزع التيشيرت واني واكفه يم راسه واعمله 
سليل/ اسمع هسه تفتح الشاش الابيض على مهلك حتى اذا جام معلك بشي ما يتأذه المريض 
حسن/ فتحته 
سليل/ هسه تأكد من انه الخيوط مشدوده زين 
حسن/ الخيوط كلش راخيه 
سليل باوعت على سجاد 
سليل/ گتلك اهدئ شوف وين وصلتنا العصبيه مالتك 
حسن/ يا ربي واحد اعند من الثاني يله ولج 
سليل/ اوك كمل 
حسن/ شسوي 
سليل/ اذا الخيط راهي بس مو كلش تكدر تشده بالشاش بي اذا كلش لا سوي خياط جديد 
حسن/ لا مو كلش 
سليل/ خلي من المعقم القوي كلش 
حسن/ بس راح يحركه راح يأذي هوايه 
سليل/ حسن القاعدتين يلي علمتك ياهم كلي اياهم هسه 
حسن/ اول شي لما نعقم جرح اي شخص حتى لو كان صغير نلهي بالكلام او بشي ثاني وما نحسسه بخطورة الوضعيه 
سليل/ جيد وثاني شي
حسن/ لما نعالج شخص نحبه نذب كلبنه خارج الغرفه وبس عقلنا يلي يشتغل حتى لا نعذب المريض 
سليل/ ممتاز يله لعد 
حسن/ سجاد راح تتحمل الوجع 
سجاد/ حسن فضها 
حسن/....... 


تعليقات