رواية دنيا قاتلة الفصل الثاني
(حاتم بسرعه أنقذ الموقف لأنه عارف إنها بنت ومش شيخ)
_حاتم..
يا جماعه ده خالي وأخرس ما بيتكلمش،
لو تسمحولي هطلع أنا أخطبلكم الخطبه
(وبعد انتهاء الخطبه وصلاة الجنازه
وإنتهاء مراسم الدفن)
_دنيا.. شد حيلك وربنا يصبرك
_حاتم.. شكرا يااا؟؟
_دنيا.. دنيا عمر القاضي
_حاتم.. حاتم سراج
_دنيا.. هيا القريه دي إسمها إيه
_حاتم..
قريه الطيبين عشان ناسها كلهم طيبين وفي حالهم
(ويسمعوا صوت واحد من أهل القريه بيقول
عوض أنتحر يا طيبين، عوض أنتحر يا طيبين)
_______________________
_(فيلا سعد الجلاد)_
_شروق..
مالك يا رشا مش على بعضك ليه
_رشا..
أنا برضوا اللي مش على بعضي،
كنتي بايته فين إمبارح يا بت
_شروق تعض باسنانه على شفايفها..
أحيه،رشا بتسألني كنت بايته فين، من أمتى يا رشا
_رشا..
يا بنت أنا أمك، ولازم أبقى عارفه أنتي بتعملي إيه عشان أغطي عليكي، عشان أبوكي لو عرف
إنك بتباتي بره البيت هيدبحنا إحنا الأتنين،
رسيني عشان لما تقعي تلاقيني
_شروق برفع حاجب..
رشا،مش هكرر سؤالي تاني
_رشا..
البت اللي ما تتسمى دنيا،
معكننه عليا وهيا عايشه وهيا ميته
_شروق..
هيا مين دي اللي ميته،
مين اللي قالك إنها ماتت،دنيا هربت يا رشا
_رشا بصدمه..
هربت، عرفتي إزاى يا بت إنها هربت
_شروق بسفاله..
عرفت من اللي كنت نايمه في حضنه إمبارح،
وهعرفلك باقي التفاصيل،
من اللي هنام في حضنه الليله
_رشا..
قادره يا بنت الجلاد، دا أنا وأنا في سنك،
ما عملتش ربع اللي إنتي بتعمليه ده
_شروق بوقاحه..
عشان كنتي خايبه يامه
_____________________
_(في مكتب سعد الجلاد)_
_سعد..
ها يا سيف عملت إيه
_سيف..
إستلمنا البضاعه ووزعناها على المخازن،
وفواز هيوزعها على التجار بالليل
_سعد..
إستلم أنته مهمه فواز في توزيع البضاعه على التجار وعينك في نص راسك عشان اللي ما تتسمى هربت وممكن تعملنا قلق
_سيف بخوف وقلق..
هيا البت دي بسبع ترواح ولا إيه،
ولا تكونش مخاويه جن،
وكل ما تقرب من الموت ينجدها
_سعد بغضب..
لا مخاويه ولا متنيله، هي مكتوبلها تموت على إيدين سعد الجلاد
_سيف بلوم..
ما كانت قدامك يا باشا،
وحضرتك اللي رفضت تخلص عليها،
كان زمانها ارتاحت وريحتنا
_سعد بتكبر..
كانت ضعيفه، وسعد الجلاد ما يستقواش على ضعيفه أنا عايز لما أقتلها تبقى واقفه قدامي بكامل قوتها، عشان أستمتع وأنا بخلص عليها
_سيف بتهور..
يا باشا العقل بيقول،
خلص على عدوك قبل ما يخلص عليك
أي إن كان بقى حالته إيه،ضعيف، سكران،
تاخده على خوانه، المهم إنك تخلص منه
_سعد بهدوء..
قولي يا سيف، بتحب الأيس كريم
_سيف بإستغراب..
أيس كريم إيه يا باشا، هو إحنا ف إيه ولا إيه
_سعد يكرر سؤاله..
بتحب الأيس كريم
_سيف..
بحبه يا باشا
_سعد..
لو عطيتك واحده آيس كريم هتعمل إيه
_سيف..
هاكلها،
وهاكلها بسرعه قبل ما تسيح وتقع على الارض
_سعد..
غبي، أنته يا سيف غبي،
قولي ليه، ولا ما تقولش ما تتعبش نفسك وتقول،
أنا هقولك، أنا لو معايا آيس كريم،
هحطها في فريزر، وكل شويه افتح الفريزر،
وابص عليها، والآيس كريمه عارفه إنها كده كده هتتاكل لا محاله، ولما أشبع واستكفى من النظر ليها وهي بتتعذب قدامي ومستنيه لحظه موتها،
أبدأ آخد منها لحسه ورا لحسه ورا لحسه،
وأستمتع وهيا بتنتهي بين إيديا بالبطيء،
فهمت يا سيف
_سيف بجرأه..
هوا حضرتك بتحبها يا باشا
(مع دخول رشا وسمعت سيف وهو بيقول لسعد
هو حضرتك بتحبها يا باشا)
_رشا بغيره..
هيا مين دي اللي بتحبها يا باشا
(سعد يقرب من رشا مع نظره غضب،
ويوجه كلامه لسيف)
_سعد..
هوا إحنا كنا بنتكلم عن مين يا سيف
_سيف بلخبطه..
عن الآيس كريم يا باشا
(وفجأه يلاقوا ضرب نار عليهم،وبسرعه سعد وسيف كل واحد يطلع سلاحه)
_سعد بصوت عالي..
سيف، خد رشا واطلعوا عند شروق وأمنهم
(وسيف ياخد مدام رشا ويخرجوا،
وهما خارجين رشا تمثل إن رجلها اتلوت،
وسيف من غير ما يفكر يشيلها ويطلع بيها عند شروق وشروق أول ما شافتهم ما علقتش وعملت نفسها مش واخده بالها لأنها واقفه ورا الستاره ومعاها مسدس وبتراقب اللي بيضرب نار على الفيلا)
________________________
_(فلاش باك قبل ضرب النار بدقايق)_
(عند بوابه الفيلا من الخارج)
_شيخ..
السلام عليكم، بعد إذنك يا إبني،
كنت عايز اتوضأ عشان أصلي العصر
_فرد الأمن..
أتفضل يا شيخ، أنته ربنا بعتك لينا من السما،
إحنا كمان لسه ما صليناش العصر
(وبدأ الشيخ يستدرجهم واحد ورا التاني،
لحد ما سيطر عليهم كلهم وأخد منهم أسلحتهم والشيخ دا كان دنيا ودخلت الفيلا،
واشتبكت مع الأمن اللي من داخل الفيلا،
وبدأت تضرب نار على مكتب سعد الجلاد)
______________________
_(فلاش باك في الوقت الحالي)_
(مكتب سعد الجلاد)
(سعد وهو بيتبادل دنيا ضرب النار بيتصل بفواز)
_سعد بغضب..
أنته فين يا زفت
(فواز باستغراب لما سمع ضرب نار
في التليفون وعصبيه الباشا)
_فواز..
يا باشا دنيا قتلت عوض وأنا رايح هناك،
هيا أكيد هتكون قريبه من بيته
_سعد بعصبيه..
دنيا عندي في الفيلا وبتضرب عليا نار
_فواز باستعجال..
يا باشا مسافه الطريق وهكون عندك،
وهتصل برجاله قريبه من الفيلا تسبقني،
(وبكل غضب) حكايه دنيا هتتقفل النهارده
____________________
_(عند شروق ورشا)_
(شروق بكل مكر وهيا متابعه دنيا من ورا الستاره مستنيه فرصه مناسبه عشان تضرب نار على دنيا)
_شروق..
هوا الغباء اللي عندك ده إنتي وارثاه من مين يا رشا
(رشا فهمت إنها بتتكلم على شيل سيف ليها)
_رشا بلخبطه..
إيه، رجلي اتلوت ف شالني، عادي يعني
_شروق بمكر..
رجلك اتلوت، عليا أنا برضوا يا رشا،
رجلك اتلوت يسندك،
مش يشيلك وإنتي تتشعلقي في رقبته،
وتحطي خدك على صدره، المشهد كله غلط يا رشا حتى توقيته ومكانه غلط،
إنتي مش واخده بالك إن فيه كاميرات في الفيلا وبعد الهجوم وضرب النار ده الكاميرات كلها هتتراجع
_رشا بخوف..
والحل إيه يا بنت بطني
(دنيا بقت في وضع مناسب لشروق
إنها تضرب عليها نار وشروق، وجهت مسدسها على دنيا)
_شروق بقلب ميت..
إدعي إن ضربتي تصيب
(وضربت شروق طلقه على دنيا، والطلقه سكنت في صدر دنيا)؟
