رواية مشاعر مؤقتة الفصل الثلاثون والاخير بقلم مجهول
عقيل : گعدت من الصبح وبدلت اعاين لروحي بلمراية
موش مصدگ جمارتي اليوم تصير اللي بشكل رسمي
طلعت من البيت وخابرتها بلطريق خاطر تزهب حالهة
الطريق كلة انا مشغل اغاني اعراس واتخيل نفسي
انا وياهة بيوم عرسنة اتخيل جمارتي بلبدلة البيضة
وشلون راح تطلع بيوم عرسنة ربي شتطلع هي من الله
حلوة وماعايزهة شي انوب تتجمل شتصير ربي عيني
عشگهة دوهني وسودني عين گلبي خاطر يحمل
عشگهة وصلت لبيتهة ودكيت عليهة خاطر تطلعلي
ورى شوي طلعت لابسة عباتهة ومخلية العباية على
وجهة صعدت بصفي وانا عاينتلهة بنضرة عاشگ
ولهان ويريد يرتوي من حبيبة رفعت ايدي وخرت
العباية من وجهة گربت وبستهة بشفتهة بوسة
طويلة بوسة تشرح هواي شغلات مايگدر الحچي
يشرحهة بعدت عنهة وخليت راسي على جبينهة
جمانة : احبك عقيل
عقيل : انا يابوية ماعندي چلمة توصف عشگي الچ
ماخترعوا كلمة تگدر توفي حگة
جمانة : ضربتة على خدة خفيف
عقيل : ايدچ يولي فصلي على هاي الدگة انتي
موش گدة
جمانة : خل نروح للمحكمة هسة وبعدين نتفاهم
عقيل : لتضنين انساهة الچ انا احاسبچ بعدين
جمانة : ساق السيارة واني مخلية عكسي علباب
وساندة راسي واباوعلة
عقيل : ولچ لا تعاينيلي راح ننگلب
جمانة : هههههههههه اوك بعد ماباوعلك
وصلنة للمحكمة وهو سوى كل الاجرائات
دزونة علمستشفى وسوولنة تحاليل
بسبب رتبتة يمشولة الامور بسرعة
رجعنة علمحكمة ودخلونة علقاضي
القاضي گال صيرو وجه بوجه وگام
يگول رددو وراية رددنة كل عهود الزواج
وقع القاضي علعقد وختمة ونطانياه
مانكر اني بهاي اللحظة ارتاحيت هواية لان خفت
لايصير شي يخرب الزواج واني ماعندي شي يثبت
نسب ابني طلعنة وهو طبگ العقد ونطانياه گال
خلي يمچ اخذني لمطعم تغدينة ورجعني للبيت
دخلت شفت تغريد وامي گاعدات يتغدن
سلمت عليهن وگعدت يمهن
ابتسام : هلا يمة عقدتو اليوم لو اجلوكم
جمانة : لا عقدنة هاچ شوفي يمة
ابتسام : اللهم صل على محمد وآل محمد
هاي شنو بنتي متأخر 50 مليون شدعوة هيج
طالبة منة خاف يگول عليچ طماعة
جمانة : لايمة هو حط المتأخر والمتقدم اني
متدخلت بهاي الامور
تغريد : مبروك حبيبتي ان شاء الله زواجة الدهر
يوم النفرح بجهالكم وغمزتلهة
جمانة : ضحكت ضحكة خفيفة لان اعرف شتقصد
مرت الايام لحد مأجة يوم العرس حجزت بصالون
وتغريد وياية وامي اصرت تجي وياية اخذناهة
على كرسيهة المتحرك امي طول مااحنة بلصالون
تصفك وتغني وية الاغاني اللي مشغلتهن ام الصالون
هواية فرحت من شفت امي هيچ فرحانة
بس بنفس الوكت حسيت بتأنيب الضمير لان
سويت هواية شغلات من وراهة بس شسوي
ماكدر احچيلهة يمكن متتحمل الصدمة ويصير بيهة
شي كملنة واجة هو اخذنة من الصالون
چانت حفلة بسيطة ببيتنة مابيهة بس جوارينة
لان گرايبنة منختلط بيهم وامي محبت وجودهم
المغرب اجة اخذني بسيارتة وفرني بلمنصور
واخذنة صور يم المصور بس چانت بنية اخذنة هواية
صور وعقيل يگللهة شني هاي الوضعيات الماسخة
نريد وضعيات رومانسية واني والمصورة متنة ضحك
كملنة وطلعنة وهو راد ياخذني لفندق بس اني گتلة
نروح للبيت احسن وصلنة البيت وهو شالني للغرفة
نزلني علچرباية
عقيل : هاي وفيت بوعدي جمارتي وخذيتچ جدام
العالم وصرتي بأسمي
جمانة : كفو حبيبي
عقيل : وهسة وين وعودچ اللي وعدتيني بيهن
جمانة : لفيت ايدي على رگبتة وتقربت همست بأذنة
اليوم جمانتك تراويك العشگ على اصولة
ليلة جديدة بمشاعر مختلفة كليا خالية من اي خوف
او اي رهبة فقط مشاعر الحب والعشق اللي تجسدت
بهاي الليلة اللي بعمري مانساهة
خليت راسي على صدرة وگلتلة راح تضل تحبني
هيچ طول العمر لو راح تخف مشاعرك وية الوكت
عقيل : الي يعشگ ماينطفي عشگة هاي شرارة
تبدي من العيون وتستقر بلگلب ومحد يگدر يطفيهة
اللي يتغير وية الوكت هذا اصلا مايحب اللي يحبك
راح يشوفك اجمل بشر بلكون وافضل بشر بلكون
كلة لو مهما چنت وانا عشگي الچ عشگ نقي
وصادق وميطفيه الوكت ولا اي شي ثاني
جمانة : غفيت واني استمع لكلامة الهادئ
والرومانسي اللي يحرك كل خلية بداخلي
ويخليهة تتراقص من الفرح من تحب الدنيا كلهة
راح تعرف انت تحب لان كلشي راح يفضحك
عيونك وكلامك واهتمامك بللي تحبة
عشت وية عقيل ايام سعيدة جدا مليانة حب واهتمام
والشي المميز بي حتى لو صار تقصير مني او غلط
هو ينبهني باسلوب حلو چان يريد ياخذني ونطلع
شهر عسل بس خفنة علحمل طلعنة لاربيل
وهو فتحلي الكرسي وخلاني انام وكل شوية
ينزلني استراحة واني گضيت الطريق انام
واگعد بعد 8 اشهر جبت ابني مسلم وفرحنة بي
والحمد لله امي من فرحتهة منتبهت اني جبتة
ب 8 اشهر كضت ايامي بين انتظاري لعقيل
وبين من ينزل لدوامة ويجي عندي وهاي الفترة
تصير من اجمل ايام حياتي وحتى من ينزل اجازة
يضل على اتصال بية ودائما يتطمن علية مسلم كبر
وصار عمرة سنتين واني وعقيل فرحانين بي
امي رجعت بعد العلاج الطبيعي تمشي على رجليهة
وفرحت هواية لان هاي چانت غايتي الاولى اللي
خضت هاي الرحلة كلهة علمودهة امي متعلقة
بمسلم وهو هم متعلق بيهة وينام يمهة
رحت للبصرة نوبة وحدة باول زواجنة
وضليت يوم واحد يمهم كلهم لطيفين
ورحبوا بية وتعرفت على گمرة ومتت ضحك
على سوالفهة وبعد مرحتلهم ماعرف ليش
لا عقيل طلب مني ولا اني طلبت منة گلت اكيد
ميريد احتك بحور اليوم واني احچيلكم القصة
مر على زواجي 4 سنوات ابني كبر وصار اشكال
يسولف ويحچي وية ابوه كامرا من ينزل اجازة
مانكر اغار واضوج من يروح للبصرة بس تعودت
وية الوكت لان اني حبيتة هواية وهو ممقصر وياية
بشي وهذا اكثر شي حبيتة بي انو هو ملتزم بكل
علاقاتة وشهم وصاحب اخلاق اللي سمعتة حور
مصارلهة اطفال ودائما تراجع اطباء وهي حاليا
طالبة كلية واني انتظر ابني يكبر حتى اقدم كلية
( هاي قصتي اتمنى حبيتوهة وحبيتو كل فصولهة
وكل المشاعر اللي ابدعت الكاتبة بأيصالهة صراحة
وممنونة منكم لكل تعليقاتكم الداعمة الية اني صح
تعذبت بحياتي وعشت العوز بس ابد مطلعت من
الطريق ولا تركت الصلاة والتسبيح ودائما من چنت
افتح القران تطلعلي اية ولسوف يعطيك ربك فترضى
جنت افرح واعتبرة وعد من ملك الملوك بلعوض
وفعلا الله عوضني بعقيل عن كل ايام العذاب اللي
عشتهن اتمنى تدعولي بلتوفيق واتمنى تدعون لحور
بلذرية الصالحة لان خطية من حقهة تجرب شعور
الامومة اللي هو غريزة داخل كل مرية)
حبايبي هاي نهاية قصتنة اتمنى عجبتكم
ونالت رضاكم استودعكم الله الذي لاتضيع وداعئه
وان شاء الله تعجبكم قصة انتظار الياسمين
وانا والايهم
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
