رواية خيط مقطوع الفصل الثالث 3 بقلم ملك ابراهيم

 


رواية خيط مقطوع الفصل الثالث بقلم ملك ابراهيم

_جريمـة قتـل لطفـلة وكمـان سـت مجـهولة الهويـة!.. 

وبعـد مـرور حـوالـي عشـرين دقيقـة، كنـا رجـعنا القسـم، وأنـا قـاعدة قـدام المكـتب بـراجـع صـور مسـرح الجـريمة، وخـالد كـان واقـف جـنب الشـباك بيتكـلم فـي التليفـون، وحسـام خـرج علـشان يتـابع آخـر التطـورات فـي القضـية.

كنـت لسه مركـزة فـي صـورة سـعاد وهـي شـايلة الطفـلة، لمـا البـاب خـبط مرتـين، وبعـدها العسـكري دخـل.

_يافـندم، محمـود عبـد الرحيـم وصـل.

رفعـت عينـي مـن الملـف.

_خلـيه يتفـضل يـا حسـام.

دخـل راجـل فـي أواخـر التلاتيـنات، ملامحـه مرهـقة، وعينيـه حمـرا كأنـه كـان بيعيـط أو مش نـايم مـن فتـرة.

قعـد قـدامي، وفضـل بـاصص للأرض مـن غيـر مـا يتكلـم.

حطيـت الملـف علـى المكـتب وسـألته بهـدوء.

_الـدوام لله يـا أستـاذ محمـود.

_ونعـم بالله يـافـندم.

_أنـا عـارفة إن الوقـت صعـب عليـك، بـس محتـاجين نتكلـم فـي شـوية تفاصيـل تخـص أختـك.

هـز راسـه بالموافقـة.

_اتفضـلي يـا فـندم، أنـا تحـت أمـرك.

_إمتـى آخـر مـرة شـوفت أختـك؟!.

محمـود فكـر شـوية قبـل مـا يـرد.

_مـن حـوالي شهـر ونص.

رفعـت عينـي ليـه بسرعـة.

_شهـر ونص؟!.. يعنـي قبـل وفاتهـا بفتـرة طويـلة؟.

_أيـوه، أصـل علاقتنـا مكنـتش أحسـن حـاجة.

_ليـه؟!. 

اتنهـد وبـص ناحيـة خـالد، اللـي كـان قفـل المكالمـة وقـرب مـن المكـتب.

_سـعاد كـانت عنيـدة، ومكنـتش بتحـب حـد يتـدخل فـي حياتهــا، خصـوصًا بعـد طلاقهـا.

خـالد سحـب كرسـي وقعـد قصـاده.

_طـيب، آخـر مـرة شـوفتها كـانت فيـن؟!. 

_فـي بيتهـا، روحتلهـا علـشان كنـت محتـاج أتكـلم معاهـا فـي موضـوع عائلـي.

_وكـانت لوحدهـا؟!. 

محمـود سـكت لحظـة، وبعـدها رد.

_أيـوه، كـانت لوحدهـا.

بصيتلـه شـوية، وبعـدها سحبـت صـورة سـعاد مـع الطفـلة مـن الملـف وحطيتهـا قـدامه.

_تعـرف الطفـلة دي؟!. 

أول مـا عينـه وقعـت علـىٰ الصـورة، وشـه اتغيـر، وإيـده اتحركـت بعصبيـة فـوق ركبتـه.

_لأ... معرفهـاش.

ابتسـمت ابتسامـة بسيـطة، ورجعـت ضهـري للكـرسي.

_غريبـة!.

_إيـه الغريـب يـا فـندم؟!. 

_أصـل أنـا لسـه مسألتـكش إذا كنـت تعرفهـا ولا لأ، ومع ذلـك جاوبـت بسرعـة أوي.

محمـود بلـع ريقـه، وبـص للصـورة تـاني.

خـالد اتدخـل بهـدوء.

_يـا أستـاذ محمـود، إحـنا مش بنحقـق معـاك علـشان نضايقـك، إحـنا بنحـاول نوصـل لحقيقـة مقتـل أختـك، وفيـه طفـلة مجهـولة الهويـة اتلاقـت مقتـولة فـي نفـس الفتـرة اللـي أختـك اختفـت فيهـا مـن حياتهــا.

محمـود رفـع راسـه فجـأة.

_طفـلة؟!.

بصيتلـه بتركيـز.

_أيـوه، طفـلة عندهـا حـوالي شهـر، واتلاقـت مقتـولة جنـب مصـنع معلبـات، ولسـه بنحـاول نحدّد هويتهـا.

محمـود فضـل سـاكت، وبعـدها حـط إيـده علـىٰ وشـه.

_يـا نهـار أبيـض!. 

فضـل محمـود بـاصص للصـورة اللـي قـدامه، وعينيـه كـانت بتتنقـل بيـن صـورة الطفـلة ووشـي، وكأنـه شـاف حـاجة كـان بيتمنـى إنهـا متظهـرش تـاني.

إيـده اتحركـت ناحيـة الصـورة، لكنـه رجعهـا بسرعـة، وبـدأ ياخـد نفسـه بصعـوبة، ووشـه اتغيـر تمامـًا.

خـالد قـرب منـه، وحـط إيـده علـىٰ المكـتب.

_إنت تعـرف الطفـلة دي يـا محمـود.

محمـود مـردش، وفضـل سـاكت لثـواني طويـلة، لحـد مـا رفعـت الصـورة قـدامه تـاني.

_اسمهـا إيـه؟!. 

_لينـا.

_لينـا ميـن؟.

_بنـت أختـي.

بصيت لخـالد، وبعـدها رجعـت بصيت لمحمـود، وبـدأت أسـأله عـن كـل حـاجة تخـص الطفـلة، وعـن سبـب إنـه أنكـر معرفتـه بيهـا مـن أول مـا شـاف الصـورة.

محمـود مسـح وشـه بإيـده، وبـدأ يحكـي بصـوت متقطـع.

_سـعاد كـانت مخبيـة عليـا حاجـات كتـير، وأنـا مكنـتش عـارف عنهـا حـاجة غيـر لمـا بـدأت تتصـل بيـا مـن فتـرة.

_إيـه اللـي حصـل؟!. 

_أختـي بعـد مـا جوزهـا مـات، حياتهــا اتغيـرت، وبقـت بتقفـل علـى نفسهـا، ومش بتسـمح لحـد يتـدخل فـي حياتهــا. وبعـد فتـرة عرفـت إنهـا خلفـت بنـت، بـس مكنـتش بتتكلـم عـن أبوهـا خالـص.

_يعنـي إنت كنـت عـارف إن عندهـا طفـلة؟!. 

_أيـوه، بـس مكنـتش عـارف إن الطفـلة اختفـت.

_طـب ميـن أبوهـا؟!. 

محمـود اتـردد شـوية، وبعـدها هـز راسـه.

_مكنـتش عـارف اسمـه فـي الأول، هـي كـانت بتقـول إنـه شخـص اتعرفـت عليـه بعـد وفـاة جوزهـا، وإنـه وعدهـا إنـه هيتجوزهـا ويعوضهـا عـن كـل حـاجة، بـس بعـد مـا خلفـت لينـا بـدأ يبعـد عنهـا.

_وبعـدين؟!. 

_بعـد فتـرة قالـتلي إنهـا اكتشفـت إنـه متجـوز، وإنـه كـان بيكـدب عليهـا طـول الوقـت. قالـتلي إنهـا مش هتسكـت، وإنهـا هتـروح لمراتـه وتحكيلهـا كـل حـاجة.

_إنت شـوفته قبـل كـدا؟!. 

_مـرة واحـدة بـس، مـن بعيـد. كـان طويـل، وجسمـه مليـان شـوية، وشعـره فيـه شيـب، وكـان بيعـرج فـي رجلـه الشمـال.

بصيت لخـالد، وافتكـرت وصـف عـم عبداللـه البـواب، نفـس المواصفـات تقريبـًا، ولكـن محمـود كمـل كلامـه بحـاجة خلتنـي أركـز معـاه أكـتر.

_قبـل اختفـاء لينـا بكـام يـوم، سـعاد اتصلـت بيـا وكـانت مرعـوبة، قالـتلي إن الراجـل دا عـرف مكانهـا، وإنـه بقـى يظهـر تحـت البيـت، وإنهـا خايفـة ياخـد البنـت منهـا.

_طـب إنت عملـت إيـه؟.

_طلبـت منهـا تيجـي تقـعد عنـدي، لكنهـا رفضـت. قالـتلي إنهـا هتتصـرف، وإنهـا مش عـايزة تدخـل حـد فـي الموضـوع.

_وآخـر مـرة شـوفتها إمتـى؟.

_مـن حـوالي شهـر ونص.

_ليـه مقولتـش الكـلام دا مـن الأول؟.

محمـود نـزل عينـه للأرض.

_علـشان كنـت خايـف.

_خايـف مـن إيـه يـا محمـود؟.

_مـن الراجـل دا، سـعاد قالـتلي إنـه مش شخـص سـهل، وإنـه لـو عـرف إنـي اتكلمـت ممكـن يأذينـي أنـا كـمان.

فضلـت باصـة لـه شـوية، وبعـدها طلبـت مـن العسـكري يجيـب أقوالـه كاملـة، ويثبـت كـل التفاصيـل اللـي حكاهـا.

خـرج محمـود مـن المكـتب بعـد مـا خلـص أقوالـه، وفضلـت أنـا وخـالد بنراجـع المعلومـات اللـي وصلتلنـا.

كـان واضـح إن الراجـل دا مش مجـرد شخـص دخـل حيـاة سـعاد وخـرج منهـا، دا كـان عـارف عنهـا تفاصيـل كتـير، وعـارف مكـان شقتهـا، وعـارف إنهـا بتحتفـظ بـأوراق وصـور ممكـن تفضحـه.

والأهـم مـن كـل دا إنـه كـان عنـده سبـب يخليـه يتخلـص منهـا ومـن بنتهـا.

بـس إحـنا لسـه معندناش اسمـه.

ولا عنوانـه.

ولا حتـى صـورة واضحـة ليـه.

طلبـت مـن خـالد يراجـع كامـيرات الشـوارع المحيطـة بعمـارة سـعاد، وطلبـت مـن حسـام يراجـع أي بلاغـات قديمـة تخـص تهديـدات أو مشـاجرات مرتبطـة بيهـا.

أمـا أنـا، فـقررت أرجـع لشقتهـا مـرة تـانية.

كـان فيـه إحسـاس جـوايا إنـنا فوتنـا حـاجة مهمـة فـي المكـان.

وصلنـا العمـارة بعـد حـوالي نص سـاعة، وطلعنـا للشقـة، وكـانت لسـه متحـفظ عليهـا.

دخلـت الصالـة وبـدأت أبـص لـكل ركـن فيهـا، وخصوصـًا المكـان اللـي كـانت فيـه الأوراق المبعثـرة.

خـالد كـان بيفحـص بـاب الشقـة، وبيحـاول يعـرف إذا كـان فيـه أي أثـر لمحاولـة فتحـه بالقـوة.

أنـا اتجهـت ناحيـة غرفـة النـوم، وبـدأت أراجـع الأدراج والدولاب، لحـد مـا لقيـت علبـة صغيـرة مستخبيـة تحـت مجموعـة هـدوم.

فتحتـها، ولقيـت جواهـا دبلـة قديمـة، وصـورة مقطوعـة مـن طرفهـا، وورقـة عليهـا رقـم تليفـون مكتـوب بخـط سـعاد.

مسكـت الصـورة وقربتهـا مـن النـور، وبـدأت أركـز فـي الجـزء اللـي ظاهـر منهـا.

كـانت صـورة راجـل واقـف جنـب سـعاد، لكـن وشـه متقطـع مـن الصـورة، ومتـبقي جـزء مـن كتفـه وإيـده.

_خـالد.

خـالد دخـل الأوضـة، وبـص للصـورة اللـي فـي إيـدي.

_لقيتـي إيـه؟.

_واضـح إن سـعاد كـانت مخبيـة صورتـه، بـس حـد قطـع الجـزء اللـي فيـه وشـه.

خـالد أخـد الصـورة وقلبهـا، ولقـى مكتـوب وراهـا تاريـخ قديـم، وتحته حرفيـن بـس.

حاولنـا نربـط التاريـخ بـأي مناسـبة أو حـدث، لكـن مكنـش فيـه حـاجة واضحـة.

صورت الورقـة اللـي عليهـا رقـم التليفـون، وبعتهـا لحسـام علـشان يحـاول يوصـل لصاحـب الرقـم.

وقبـل مـا نخـرج مـن الشقـة، لفـت نظـري إن فيـه درج صغيـر فـي الكوموديـنو مش مقفـول كويـس.

فتحتـه، ولقيـت جـواه مفتـاح صغيـر، ومعـاه ورقـة مطويـة.

فتحـت الورقـة، وكـانت مكتـوب فيهـا جملـة واحـدة.

«لـو حصـل ليـا حـاجة، دوروا علـى التسجيـل».

رفعـت عينـي لخـالد.

_تسجيـل إيـه دا كـمان؟.

خـالد بـص حـوالين الأوضـة، وبعـدها بـدأ يـدور علـى أي جهـاز تسجيـل أو فلاشة أو حـاجة ممكـن سـعاد سابتهـا.

فضلنـا نفتـش فتـرة، لكـن مفيـش أي حـاجة ظهرت.

لحـد مـا خـالد لاحـظ إن فيـه فتحـة صغيـرة فـي جـانب درج المكـتب، ولـما قـرب منهـا، اكتشـف إن فيـه جـزء مـن الخشـب بيتحـرك.

فتحنـا الجـزء دا، ولقينـا فلاشة صغيـرة مستخبيـة جـواه، أخدناهـا معانـا القسـم، وبعتهـا للفحـص.

وأول مـا وصلنـا، لقينـا أكـرم مستنينـا قـدام المكـتب، ومعـاه ملفيـن.

واحـد خـاص بتقريـر الطـب الشرعـي بتـاع الطفـلة، والتـاني نتيجـة تحليـل البصمـة الوراثيـة.

فتحنـا التقريـر الأول.

تقرير الطب الشرعي.. 

اسم الطبيب الشرعي: د. أكرم تهامي.

موضوع التقرير: فحص جثمان طفلة مجهولة الهوية، تم العثور عليها بجوار أحد مصانع المعلبات.

بيانات الجثمان.

النوع: أنثى.

العمر التقريبي: شهر واحد.

نتائج الفحص.

أظهر الفحص وجود آثار ضغط وإصابات سطحية بمنطقة العنق، مصحوبة بتغيرات في الأنسجة الرخوة واحتقان ونزيف موضعي، وهي إصابات تتوافق مع حدوث ضغط شديد على العنق.

كما أظهرت نتائج الفحص وجود تغيرات تشريحية تشير إلى أن الوفاة حدثت نتيجة الاختناق.

وبفحص منطقة العنق، تبين وجود انفصال كامل للرأس عن الجذع، مع آثار قطعية واضحة تشير إلى استخدام أداة حادة في عملية الفصل.

كما تبين وجود بتر بأصابع اليدين، مع حواف قطعية تشير إلى استخدام أداة حادة.

وتم رصد إصابة قديمة ملتئمة جزئيا بمنطقة الكتف، لا ترتبط بشكل مباشر بسبب الوفاة.

الرأي الفني.

الوفاة مرجح أنها حدثت نتيجة الاختناق الناتج عن الضغط على العنق، مع وجود آثار لعملية فصل الرأس عن الجذع وبتر أصابع اليدين باستخدام أداة حادة.

ويستلزم تحديد التوقيت الدقيق لكل إصابة، والتأكد من ترتيب حدوثها، استكمال الفحوص المعملية والتشريحية اللازمة.

خلصـت قـراءة التقريـر، وبـدأت أبـص لخـالد.

_يعنـي الراجـل خنقهـا الأول، وبعـدها فصـل راسهـا وبتـر صوابعهـا؟.

أكـرم رد وهـو بيقلـب فـي الملـف.

_دا اللـي بتشيـر ليـه الإصابـات، لكـن إحـنا محتاجيـن نثبـت الترتيـب النهائـي لـكل إصابـة بالفحـوص المكملـة.

بعـدها فتحنـا تقريـر البصمـة الوراثيـة.

تقرير تحليل البصمة الوراثية DNA.

تم فحص العينات المأخوذة من جثمان الطفلة مجهولة الهوية، ومقارنتها بالعينة المرجعية المأخوذة من السيدة سعاد.

وأظهرت نتائج التحليل تطابق المؤشرات الوراثية بما يؤكد أن السيدة سعاد هي الأم البيولوجية للطفلة محل الفحص.

النتيجة النهائية.

تم إثبات صلة الأمومة البيولوجية بين السيدة سعاد والطفلة مجهولة الهوية.

فضلـت باصـة للتقريـر شـوية، وبعـدها رفعـت عينـي.

_يعنـي لينـا هـي الطفـلة اللـي لقيناهـا؟.

أكـرم هـز راسـه.

_أيـوه، التحليـل أكـد إنهـا بنـت سـعاد.

خـالد قفـل الملـف، واتنهـد بضيـق.

_كـدا الراجـل دا قتـل أمهـا وبنتهـا علـشان سـر كـان ممكـن يطلـع للنـور.

_لسـه مش هنقـول إنـه هـو قبـل مـا نمسكـه ونثبـت كـل حـاجة.

فـي اللحظـة دي، دخـل حسـام المكـتب بسرعـة، وكـان واضـح عليـه إنـه وصـل لحـاجة مهمـة.

_يـا فـندم، الرقـم اللـي حضرتـك بعتيـه طلـع متسجـل باسـم شخـص، بـس المشكـلة إن الخـط اتقفـل مـن حـوالي شهـر.

_اسمـه إيـه؟.

_الاسـم اللـي متسجـل بيـه مختلـف عـن الاسـم اللـي ظهـر فـي بعـض المحادثـات، وكـمان فيـه أكـتر مـن عنـوان مرتبـط بيـه.

خـالد أخـد الورقـة وبـدأ يراجـع العناويـن.

_يعنـي الراجـل مستخـدم أكـتر مـن اسـم؟.

_غالبـًا، وفيـه عنـوان قديـم فـي شبـرا، وعنـوان تـاني فـي مدينـة نصـر.

بصيت لحسـام.

_عـايزة كـل البيانـات اللـي تقـدر توصـل لهـا عنـه، وصورتـه لـو موجـودة، وكـمان راجعـوا العربيـة السـودا اللـي اتكلـم عنهـا البـواب.

حسـام خـرج ينفـذ التعليمـات، وإحـنا بـدأنا نجهـز للتحـرك.

لكـن قبـل مـا نتحـرك، وصلنـا اتصـال مـن المعمـل الجنائـي بخصـوص الفلاشـة اللـي لقيناهـا فـي شقـة سـعاد.

التسجيـل كـان عبـارة عـن مقطـع صوتـي قصيـر، وصـوت سـعاد كـان واضـح فيـه وهـي بتتكلـم مـع شخـص مجهـول.

كـانت بتقولـه إنهـا عرفـت كـل حـاجة، وإنهـا مش هتسمـح لـيه يفضـل عايـش وسـط النـاس بصـورة الـزوج المحـترم، بينمـا هـو مخبـي عنهـا جوازه التـاني وبنته.

الصـوت التـاني كـان متوتـر، لكنـه حـاول يهـددها ويخوفهـا.

وبعـد لحظـات، سمعنـا سـعاد بتقولـه إنهـا هتـروح لمراتـه بنفسهـا.

التسجيـل انتهـى بصـوت حركـة عنيفـة، وبعـدها صـوت ارتطـام، ثـم انقطـع تمامـًا.

بصيت لخـالد.

_هـو دا صـوت الراجـل اللـي بندور عليـه؟.

خـالد رد وهـو بيعـيد المقطـع.

_ممكـن، بـس لازم نطابـق الصـوت ونشـوف إذا كـان فيـه تسجيلات تـانية.

طلبنـا مـن المعمـل الاحتفـاظ بالتسجيـل الأصلـي، وبـدأنا نراجـع آخـر المكالمـات اللـي كـانت بيـن سـعاد والرقـم المجهـول.

لكـن المفاجـأة إن الرقـم اللـي اتكلمـت معـاه سـعاد مش هـو نفـس الرقـم اللـي كـان متسجـل باسـم الشخـص اللـي وصلنـا لـه.

كـان فيـه رقـم تـاني، ورقـم تالـت، وكلهـم اتوقفـوا فـي أوقـات مختلفـة.

الراجـل كـان بيغيـر خطوطـه باستمرار.

وده معنـاه إنـه كـان واخـد احتياطاتـه مـن بـدري.

بعـد حـوالي سـاعة، وصلنـا بـلاغ مـن قسـم تـاني عـن شخـص بيحـاول يبيـع مـوبايل مـن غيـر علبـة، وبسعـر أقـل مـن قيمتـه بكتـير.

المواصفـات اللـي اتبلـغوا بيهـا كـانت مطابقـة لمـوبايل سـعاد.

طلبـت مـن خـالد يتحـرك معايـا، وخرجنـا بسرعـة مـن القسـم.

فـي الطريـق، كـان خـالد بيحـاول يتواصـل مـع القـوة اللـي هنـاك علـشان يتأكـد إن الشخـص لسـه موجـود.

لكـن قبـل مـا نوصـل، وصلنـا خبـر إنـه سـاب المحـل وخـرج مـن الشـارع الجانبـي.

طلبـت مـن السـواق يـزود السرعـة، وخـالد بـدأ يحـدد مكانـه مـن خـلال آخـر وصـف وصلنـا.

وصلنـا المنطقـة، وبـدأنا نلـف فـي الشـوارع الجانبيـة، لحـد مـا لمحـنا راجـل طويـل خـارج مـن محـل صغيـر، وبيحـاول يركـب عربيـة سـودا كـانت واقفـة علـى الناصيـة.

خـالد نـزل مـن العربيـة بسرعـة، وأنـا نزلـت وراه.

_شـرطة، وقـف مكانـك.

الراجـل بـص ورانـا، وأول مـا شافنـا فتـح بـاب العربيـة وحـاول يتحـرك.

جريـت ناحيتـه، وخـالد لـف مـن الناحيـة التانيـة علـشان يمنعـه مـن الهـروب.

لكـن الراجـل كـان أسـرع ممـا توقعنـا، ودفـع خـالد بقـوة وجـري ناحيـة شـارع جانبـي.

بـدأت المطـاردة بيـن المحـلات، والنـاس كـانت بتبعـد مـن طريقنـا، وأنـا بحـاول ألحقـه وسـط الزحمـة.

الراجـل دخـل حـارة ضيقـة، وفضـل يجـري لحـد مـا وصـل لنهايتهـا، وهنـاك حـاول يطلـع علـى سـلم عمـارة قديمـة.

خـالد كـان قـرب منـه، لكنـه لـف فجـأة وضربـه فـي كتفـه، وخـلاه يتراجـع كـام خطـوة.

استغليـت اللحظـة دي، وقربـت منـه، لكـن قـدر يفلـت منـي وينـزل مـن السلـم ناحيـة بـاب خلفـي.

خرجنـا وراه، ولقينـاه بيحـاول يركـب موتوسيـكل كـان مستنيـه فـي آخـر الشـارع.

خـالد طلـع سلاحـه وطلب منـه يقـف، لكـن الراجـل تجاهـل التحذيـر وحـاول يتحـرك.

فـي اللحظـة دي، عربيـة نقـل صغيـرة ظهـرت مـن الشـارع المقابـل، واضطـر يفرمـل فجـأة، ووقـع مـن علـى الموتوسيـكل.

وصلنـا لـه قبـل مـا يقـوم، وخـالد قـدر يثبـت إيـده، وأنـا سـاعدته لحـد مـا وصـل باقـي أفـراد القـوة.

الراجـل كـان بيقـاوم بعنـف، وبيحـاول يخفـي إيـده اليميـن تحـت جسمـه.

ولمـا فتشنـا هدومـه، لقينـا مـوبايل سـعاد فـي جيبـه، ومعـاه شريحـة تانيـة، ومفتـاح العربيـة السـودا.

لكـن المفاجـأة كـانت فـي حـاجة تانيـة.

لمـا كشفنـا عـن رجلـه الشمـال أثنـاء التفتيـش، ظهـر إنـه بيعانـي مـن عـرج واضـح، ودي نفـس العلامـة اللـي وصفهـا عـم عبداللـه.

بصيتلـه وأنـا واقفـة قـدامه.

_إنت بقى اللـي كنـا بندور عليـك.

مـردش، وفضـل بـاصصلي بنظـرة غريبـة.

خـالد قـرب منـه.

_اسمـك إيـه؟.

_أنـا معملـتش حـاجة.

_إحـنا لسـه مسألناش عملـت إيـه.

اتنقـل للقسـم، واتحفـظ علـى المـوبايل والعربيـة وكـل المضبوطـات، وبـدأنا نراجـع بياناتـه.

اسمـه الحقيقـي كـان مختلـف عـن الاسـم اللـي كـان ظاهـر فـي بعـض الأوراق، وكـان متجـوز بالفعـل مـن سيـدة تانيـة.

لكـن لمـا واجهناه بعلاقتـه بسـعاد، أنكـر فـي البدايـة، وقـال إنـه يعرفهـا معرفـة عاديـة، وإن المـوبايل اشتـراه مـن شخـص مجهـول.

حطيـت قـدامه صـورة سـعاد.

_تعرفهـا؟.

_لأ.

حطيـت صـورة تانيـة ليـه معاهـا.

فضـل سـاكت، وبعـدها طلعـت صـورة لينـا، فـي اللحظـة دي، وشـه اتغيـر، لكنـه حـاول يـداري ارتباكـه بسرعـة، خـالد لاحـظ رد فعلـه، وقـرب منـه.

_إيـه، الصـورة دي فكرتـك بحـاجة؟.

_معرفـش ميـن دي.

_دي بنتـك يـا أستـاذ.

رفـع عينـه بسرعـة.

_بنتـي؟!.

_أيـوه، البنـت اللـي أمهـا اتقتلـت، واللـي لقيناهـا مقتـولة جنـب مصـنع المعلبـات.

سـكت تمامـًا.

بـدأنا نعـرض عليـه الرسـائل اللـي لقيناهـا علـى مـوبايل سـعاد، والصـور اللـي بتجمعهـم، وبعـدها واجهنـاه بالتسجيـل الصوتـي.

كـان كـل مـا يسمـع جـزء مـن التسجيـل يحـاول يغيـر الموضـوع، أو يقـول إن الصـوت مش صوتـه.

لكـن لمـا شغلنـا آخـر جـزء مـن التسجيـل، ظهـر صوتـه بوضـوح وهـو بيهـدد سـعاد.

خـالد حـط إيـده علـىٰ المكـتب.

_إنت كنـت متجـوز سـعاد فـي السـر، وبعـد مـا خلفـت منـك لينـا، بـدأت تتهـرب منهـا، ولمـا عرفـت إنـك متجـوز واحـدة تانيـة، قـررت تفضحـك قـدام مراتـك.

الراجـل فضـل سـاكت، كملـت أنـا.

_ولمـا هددتـك إنهـا هتقـول لمراتـك علـى جوازكـم، قـررت تتخلـص مـن البنـت الأول، وبعـدها رجعـت قتلـت أمهـا علـشان تسكتهـا للأبـد.

بـدأ يرفـع صوتـه وينكـر، لكـن الأدلة كـانت بتضيـق عليـه مـن كـل ناحيـة.

لحـد مـا خـالد واجهـه بتفصيلـة مكنـش متوقـع إنـنا نوصـل لهـا.

_إنت عـارف إنـنا لقينـا أثـر إصابـة قديمـة فـي كتـف الطفـلة، صح؟!. 

الراجـل بـص لـيه بإستغراب، خـالد كمـل.

_الإصابـة دي سـاعدتنا نربـط بيـن الطفـلة والبيانـات اللـي عندنـا، وبعـدها تحليـل الـDNA أكـد إنهـا بنـت سـعاد.

حـاول يقـوم مـن مكانـه، لكـن العسـكاري منعـه.

فضـل سـاكت فتـرة طويلـة، وبعـدها بـدأ يتكلـم.

اعتـرف إنـه كـان متجـوز سـعاد فـي السـر بعـد وفـاة زوجهـا، وإنـه كـان بيحـاول يخفـي العلاقـة دي عـن زوجتـه التانيـة.

وقـال إن سـعاد فـي البدايـة كـانت موافقـة علـىٰ السريـة، لكنهـا بـدأت تغيـر موقفهـا بعـد ولادة لينـا، وطلبـت منـه يعـترف ببنتـه ويوفـر لهـا حيـاة مستقرّة.

لكنـه رفـض، وفضـل يأجـل ويتهـرب.

ولمـا سـعاد اكتشفـت إنـه متجـوز مـن واحـدة تانيـة، هددتـه إنهـا هتـروح لمراتـه وتحكيلهـا كـل حـاجة.

فـي الأول حـاول يخوفهـا، وبعـدها بـدأ يراقبهـا ويتـابع تحركاتهـا.

ولمـا عـرف إنهـا ناويـة تنفـذ تهديدهـا، قـرر يتخلـص مـن لينـا علـشان يقطـع الطريـق علـى أي دليـل يثبـت علاقتـه بيهـا.

اعتـرف إنـه وصـل للطفـلة، وخنقهـا، وبعـد وفاتهـا فصـل رأسهـا مـن جسمهـا وبتـر صوابـع إيديهـا، وبعـدها تخلـص مـن الجثمـان جنـب مصـنع المعلبـات.

وكـان فاكـر إن إخفـاء ملامـح الطفـلة وبتـر صوابعهـا هيخلـي التعـرف عليهـا صعـب.

لكـن بعـد كـدا، رجـع لسـعاد، وحصلـت بينهـم مواجهـة عنيفـة داخـل الشقـة.

كـانت سـعاد بتطالبـه يعـترف بكـل حـاجة، وهددتـه إنهـا مش هتسكـت، وإنهـا هتفضحـه قـدام مراتـه مهمـا حصـل.

وفـي اللحظـة دي، قتلهـا، وبعـدها حـاول يـدور علـى أي أوراق أو تسجيلات ممكـن تدينـه.

لكنـه مكنـش عـارف إنهـا خبـت الفلاشـة قبـل مـا يمـوتها.

ولا كـان متخيـل إن المـوبايل اللـي أخـده مـن شقتهـا هيكـون السبـب فـي وصولنـا ليـه.

بعـد انتهـاء التحقيـق، اتحـرزت كـل المضبوطـات، واتسجلـت أقـوال المتهم، واتحـول للنيابـة لاستكمـال الإجـراءات القانونيـة.

خرجـت مـن غرفـة التحقيـق وأنـا حاسـة بتقـل غريـب فـي صـدري.

القضيـة كـانت خلصـت، والجـاني بقـى فـي إيـد العدالـة، لكـن لينـا كـانت راحـت، وسـعاد راحـت معاهـا، وكـل دا بسـبب راجـل مكـانش قـادر يتحمـل نتيجـة كدبـه.

خـالد كـان واقـف مستنينـي عنـد بـاب المكـتب، وبـصلي وهـو بيقفـل الملـف.

_أخيـرًا خلصنـا يـا نـورس.

بصيت للصـورة اللـي كـانت فـي إيـدي، صـورة لينـا وهـي فـي حضـن أمهـا.

_عـارف يـا خـالد، أكـتر حـاجة وجعانـي إن البنـت دي ملحقـتش تعيـش أصـلًا.

خـالد سـكت شـوية، وبعـدها أخـد الصـورة وحطهـا جـوه الملـف.

_علـى الأقـل عرفنـا هـي ميـن، وعرفنـا ميـن اللـي عمـل فيهـا كـدا.

بصيتلـه، وبعـدها خرجـت مـن القسـم.

كـانت القضـية انتهـت، لكـن صـورة الطفـلة فضلـت فـي دماغـي.

طفـلة عندهـا شهـر واحـد، ملحقـتش تنطـق أول كلمـة، ولا تشـوف الدنيـا، ولا تعـرف حتـى إن الراجـل اللـي كـان المفـروض يحميهـا هـو نفسـه اللـي أنهـى حياتهــا.

أمـا سـعاد، فكـل اللـي كـانت عـايزاه إنهـا تعيـش مـع بنتهـا مـن غيـر خـوف، وإن الحقيقـة تطلـع للنـور.

لكـن الحقيقـة طلعـت بعـد مـا الاتنيـن ماتـوا.


شكرا لزيارتكم عالم روايات سكيرهوم

تعليقات