رواية بصمة وراثية الفصل الثالث 3 بقلم محمود الأمين

 

رواية بصمة وراثية الفصل الثالث والأخير بقلم محمود الأمين




لما دخلنا الورشه لقينا طارق مستخبي جواها، وعرفنا إن الصبي اللي عنده هو اللي قافل عليه باب الورشه، بس هو مش مستخبي مننا إحنا، واضح إنه كان خايف من حد تاني. قبضنا عليه واتحركنا بيه على قسم الشرطه عشان يبدأ التحقيق معاه ونعرف الحقيقه. قضيه ملغبطة، ودلوقتي هنعرف إيه اللي حصل فيها بالظبط.

وأول ما وصلنا المكتب عندي بدأت أتكلم مع طارق.

_ إحنا خلاص عرفنا كل حاجه يا طارق، واللي سلمك تسليم أهالي هي مراتك. جت هنا واعترفت إنك يوم الجريمه نزلت قبل صلاة الفجر، ولما رجعت هي صحيت وشافتك وهدومك عليها آثار دم، وساعتها أنت طلبت منها متتكلمش.

ودخلت أخدت دش وغيرت هدومك ونزلت عشان تصلي الفجر، وبعدها بلغت عن الجريمه. فأنا عاوز أفهم منك إيه اللي حصل بالظبط؟

= أنا هقول كل حاجه، ويمكن اللي هحكيه ده غريب شويه، وأغرب حاجه فيه هي الصدفه. أصل أنت متخيل إن واحد صاحبك ومقرب ليك كان على علاقه قديمه بواحده أنت حبيتها واتقدمت ليها واترفضت؟ وللأسف إحنا الاتنين معرفناش المعلومه دي غير بعد ما حصلت الجريمه.

الموضوع بدأ بعد ما أيوب خرج من السجن، كلمني في التليفون وقال إنه قرر يتوب عن كل حاجه غلط عملها، وبيفكر كمان يرجع مراته وعياله ويعيش في سلام. عاوز يبعد عن كل حاجه غلط عملها في حياته، بس اللي صعب عليه الموضوع إن طليقته رفضت ترجعله وقالت إن عمره ما هيتغير.

بس مش ده اللي خلاه رجع للطريق الغلط. في يوم وهو شغال على العربيه بتاعته، في واحد ركب معاه والعربيه كانت لسه فاضيه، ولكن الشخص ده طلب منه يطلع عشان عاوزه في مصلحه، وساعتها عرض يقتل واحده وعيالها في مقابل مبلغ كبير.

أيوب رفض العرض وقال للشخص ده إني توبت عن الغلط، بس الشخص ده رفع الفلوس لمبلغ ما يترفضش.

ساعتها أيوب كلمني وقال على المصلحه اللي معاه، وطبعًا أنا كنت معارض وقولتله يرفض، وإنه قرر يتوب وما يرجعش للسكة دي تاني. ولكن بعد تفكير كتير أيوب وافق على المصلحه، بس اتصدم إن العنوان اللي هينفذ فيه الجريمه هو نفس العنوان بتاع العماره اللي أنا ساكن فيها، وده اللي خلاه رجع يكلمني يومها عشان يبلغني إن الجريمه اللي هيرتكبها في الشقه اللي تحتي على طول.

وساعتها فهمت إن الشخص ده عاوزه يقتل مدام مروه وعيالها، ولما بلغني بالموضوع مش عارف ليه وقتها افتكرت اليوم اللي رحت اتقدم فيه لمروه، وطلعت هي من أوضتها وقالتلي مش عاوزاك، وشبه طردتني من البيت قدام أهلها. افتكرت كسر كرامتي وكرامة أهلي من مروه، وعشان كده سكت وما رضيتش أنصحه تاني.

وفي اليوم ده رجعت من الشغل وكنت عارف إن كلها شويه وهيوصل أيوب عشان ينفذ المهمه المطلوبه منه، وفضلت مستني على غير العاده وما دخلتش نمت. بس بعد 10 دقايق لقيت تليفوني بيرن، واللي بيتصل كان أيوب، وكان بيقول كلام غريب أنا مش فاهمه، كان بيقول:

: أنا مش هقدر أقتل الست دي، مستحيل أعمل كده في مروه!

كنت مستغرب هو يعرف مروه منين؟.. بس ساعتها طلب مني طلب، وهو إنه نسي باب البيت مفتوح، وطلب مني أقفله وأنا نازل أصلي الفجر.

ساعتها الشيطان سيطر عليا، وما كنتش شايف قدامي غير كرامتي اللي بهدلتها مروه زمان. وافتكرت إن في جوانتي من أيام كورونا كان موجود عندي، لبست الجوانتي وأخدت سكينه ونزلت، دخلت الشقه اللي كان بابها مفتوح لحد ما وصلت لأوضه مروه، واللي أول ما وصلت عندها فتحت عينيها، وقبل ما تصرخ حطيت إيدي على بوقها وقلتلها:

: أنا هعمل اللي أنا عاوزه برضاكي وهمشي، أحسن ما أعمله غصب عنك وأخلص عليكِ إنتي وعيالك.

دموعها نزلت على المخده وهزت دماغها إنها موافقه، وعملت معاها اللي أنا عاوزه، بس بعد ما خلصت اتفاجئت إن أنا بخلص عليها، وبعدها دخلت خلصت على عيالها، وخرجت من نفس باب الشقه المفتوح وطلعت على شقتي.

وساعتها مراتي شافتني وكانت مصدومه من الدم اللي على هدومي. طلبت منها تخرس، حطيت كل حاجه في كيس ودخلت أخدت دش، وعملت نفسي نازل أصلي الفجر، وساعتها بلغت الشرطه بالجريمه، وعشان كده البصمات اللي كانت في الشقه كانت بصمات أيوب.

_ أيوه، بس إحنا لما عملنا تحليل البصمه الوراثيه طلعت سلبيه؟

= عشان أنا تلفت البصمه دي، كنت عارف إن نتيجة العلاقه ممكن تكون في بصمات وراثيه، ولكن فيها خلل نتيجة الميه السخنه اللي أنا مسحت بيها ناتج العلاقه اللي بيني وبينها.

....

لما قال طارق كده افتكرت وصف تقرير الطب الشرعي اللي قال بالظبط إن العينه فيها خلل، وده بيصعب التعرف عليها وده اللي خلاني قولت ان العينة لا تطابق عينة حد منهم.. ورجعت بصيت لطارق وقولتله يكمل، وقال:

ولكن بعدها أيوب كلمني وقال إن الشخص ده بيهدده وخطف عياله، ودافع مقابل إنه يختار يا إما حياته يا إما حياة عياله. أيوب ما فكرش كتير واختار إن عياله يعيشوا.

الشخص اللي طلب من أيوب يعمل كده كان خايف أيوب يتمسك ويعترف، خصوصًا لما أيوب بلغه إن الست اللي عاوزه يقتلها دي كان بيحبها زمان وهي كمان كانت بتحبه. فخاف الشخص ده لأيوب يعترف عليه، وعشان كده خلاه عمل كده في نفسه.

_ أيوه، أنت من الصبح شغال تكلمني عن شخص مجهول، مين الشخص ده اللي طلب من أيوب يعمل كده؟

= اللي طلب من أيوب يعمل كده هو الأستاذ حامد جوزها، اللي كان طمعان في الفلوس اللي هتورثها بعد موت الحاج توفيق. تصور الجبروت خلاه خلص من مراته وعيالها، هو كان عاوز الميراث وأنا اللي نفذت عشان أنتقم منها.

_ كل ده عشان رفضت تتجوزك؟ ده لو كل واحد عمل زيك نص البلد دي هتموت.

= لو كنت حضرت الموقف مكاني، أظن كان كلامك هيختلف يا باشا.

....

بعد ما خلص طارق اعترافه وقال إن هو اللي عمل كده في مروه وعيالها، طلع إذن من النيابه بالقبض على حامد زوج مدام مروه، وفعلاً اتقبض عليه في محل عمله.

وساعتها اتواجه بكل الكلام اللي قاله طارق، خصوصًا إن حامد عرف إن طارق هو اللي نفذ الجريمه، وإن أيوب وطارق أصحاب، وعشان كده بدأت توصل رسايل تهديد لطارق إنه يعمل في نفسه زي ما أيوب عمل، وإلا هيخلص على مراته وابنه اللي لسه ما كملش ست شهور.. ولقينا الرسايل دي فعلًا على تليفون طارق.

وساعتها اعترف حامد وقال:

: أيوه، أنا اللي عملت كده. الطمع عماني لما عرفت هي هتورث كام؟.. وعشان أنا كنت مستعجل، أكيد مكنتش هستنى الحاج توفيق لما يموت، وعشان كده ولعت في البيت اللي كان فيه هو ومراته وابنه طلعت، بس من سوء الحظ إن طلعت في اليوم ده طلع ورديه مسائيه، وأنا ما أعرفش، عشان كده لما ولعت في البيت هو ما كانش فيه.

وعملت مشكله في الكهربا كده عشان الموضوع يبان إنه ماس كهربائي، ولكن في الحقيقه أنا ولعت في البيت ببنزين. واستغربت لما لقيت الموضوع اتقيد إنه ماس كهربائي بس، كنت فاكر إنهم هيكتشفوا موضوع البنزين.

بس عدم موت طلعت فتح قدامي باب إني أخلص منها ومن عيالها اللي قرفني في عيشتي، خصوصًا بعد موضوع الميراث، واللي عرفت فيه إن الحاج توفيق كان كاتب الجزء الأكبر لمراتي، وقلت إن الشك كله هيروح في طلعت عشان الموضوع ده.

ويوم ما اخترت واحد ينفذ الجريمه، القدر لعب لعبته وطلع نفس الشخص ده كان يعرف مراتي زمان وبيحبو بعض، ورفض ينفذ، واللي نفذ الجريمه كان طارق صاحب أيوب، كان بينتقم منها عشان رفضته زمان.

وكنت مستني الموضوع يهدى وهخلص من طلعت كمان، بس للأسف ملحقتش.

= وأنت اللي خطفت عيال أيوب مش كده؟

_ أنا كنت فاكر اللي اسمه أيوب ده أجمد من كده. واحد خارج من السجن أكيد قلبه ميت ومش بيخاف، بس لما كلمني في التليفون ولقيته بيقول مروه لأ ومش هعمل كده في اللي كنت بحبها، عرفت إن قلبه رهيف.

بس أكيد واحد زي ده لو اتقبض عليه هيعترف عليا على طول، وفي نفس الوقت مكنتش عاوز أظهر في الصوره خالص، فضغطت عليه بكارت عياله ونجحت إني أخليه يعمل كده في نفسه.

وكان فاضلي خطوه واحده إنّي أخلي طارق هو كمان يعمل كده في نفسه، وبكده القضيه كانت هتتقفل للأبد ومفيش حد هيعرف إن اللي ورا كل ده...

خلص الشيطان ده اعترافه، واتحول للنيابه هو وطارق، وبشغل من المحامين اتأجلت أول جلسه. لكن وهما راجعين على السجن بعربيه الترحيلات، يشاء القدر إن العربيه تتقلب بيهم وتتحرق، عشان تبقى نار في الدنيا ونار في الآخره.

وعلى رأي المثل: الطمع قل ما جمع.

انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم


شكرا لزيارتكم عالم روايات سكيرهوم

تعليقات