رواية مأساة حوريه الجزء الثاني الفصل الثالث والاربعون بقلم فريدة احمد
– أنا اطلقت يا بابا..
قالتها كنز بعد ما وقفت قدام أبوها، لينصدم الكل أما أبوها بصلها وقال بخشونة:
– يعني إيه اتطلقتي.. حصل إيه؟!
بلعت ريقها وهي مش عارفة ترد عليه، لتقول أمها وهي بتطمن عليها:
– إنتي كويسة يا حبيبتي؟!
وقبل ما ترد، أبوها قال:
– انطقي.. حصل إيه؟! عمل فيكي حاجة؟!
لتقول:
– ل.. لأ..
– أمال إيه؟!
لتقول بتوتر ورعب من أبوها وهي بتفرك إيديها:
– أ.. أنا اللي طلبت الطلاق!
ليقاطعهم في اللحظة دي زينة اللي دخلت وشها مخطوف، لتنصدم هي كمان وتقول باستغراب:
– كنز؟!
وسلمت عليها بسرعة، ثم بصت لأبوها وقالت:
– بابا.. عمتو زهرة تعبت وأغمى عليها، وخالو حمزة أخدها المستشفى!
........
يوسف كان لسه في العربية بعد ما وصل ميرا بيت أمها.. فجأة تليفونه رن، فتح ليتخض:
– مستشفى إيه؟! أنا جاي حالاً!
دخلت ميرا البيت بوهن وعيونها منفخة من البكا، وقفت ورا الباب وبقت تبكي بحزن وقهر على نفسها.
أمها خرجت من الأوضة لما حست بصوت الباب، لتتفاجأ بيها أول ما شافتها.. اتخضت وقربت عليها:
– ميرا حبيبتي. إيه اللي حصل؟!
وهي بتطمن عليها
لتمسح ميرا دموعها وتبص لها وتقول بسخرية:
– إيه اللي حصل؟! إطلقت.. مبسوطة يا ماما؟! مبسوطة بعد ما دمرتيني؟!..
سكتت سهر وهي بقت تبصلها وتقول:
– إنتي إزاي أم؟! إزاي قدرتي تضحي بيا كده؟! دخلتيني في انتقام رخيـ,ص بسبب حقدك.. كنتي فاكرة إيه؟! هيختارني قصاد أمه؟! ازاي قدرتي تعملي فيا كده.
دموعها نزلت وبقت تقول بقهر:
– إنتي حرام عليكي.. خلتيني أقرب منه وغصب عني حبيته، بس هو سابني بسببك!
سهر هنا أدركت الكارثة:
– يعني إيه؟! ده كان متجوزك عرفي، هنثبت إزاي انك كنتي متجوزة؟!
لتنظر لها بسخرية:
– إيه خايفة علي سمعتي.. لأ متقلقش هو طلع راجل وكتب عليا رسمي وبعدها طلقني!
لتتنهد سهر براحة:
– طيب خلاص، مفيش مشكلة هتتجوزي اللي أحسن منه!
لتصرخ فيها ميرا وتقول:
– إنتي مبتحسيش؟! هو عادي كده اللي حصلي. بقول لك أنا متدمرة، أنا عمري ما هسامحك.. عمري!
وسابتها واتجهت لأوضتها طلعت شنطة السفر وبقت تلم هدومها بدموع وهي مقهورة
دخلت سهر وراها:
– إنتي بتعملي إيه؟!
لترد بجمود وهي بتكمل اللي بتعمله بدون ما تبصلها:
– لو فاكرة إني هعيش معاكي يوم واحد بعد كده تبقي غلطانة!
– يعني إيه؟! هتروحي فين؟!
قالت بقلق وهي خايفة تنفذ اللي جي في بالها:
لترد ميرا وهي تأكدلها اللي خايفة منه:
– عند أهل بابا!
لتقول سهر بغضب:
– مش هسمح لك.. إنتي فاهمة؟!
– مش مستنياكي تسمحي لي!
وجرت شنطتها وخرجت رغما عنها وسابت لها البيت.
....
في المستشفى..
كانوا كلهم متجمعين حوالين زهرة.
دخل يوسف، قرب من أمه وميل باس راسها وقال:
– ألف سلامة عليكي..
بس أمه مردتش عليه، بل لفت وشها بزعل، فقال:
– أنا طلقتها..
بصتله بلهفة:
– بجد؟!
هز رأسه وباس إيدها، وهي قالت بدموع:
– سامحني يا حبيبي..
قالتها بندم وهي شايفة قد إيه زعلها مهانش عليه، لكن هو هان عليها زمان وحرمته من حب عمره.بقت في أشد الندم
لتكمل وتقول:
– أنا عارفة إنك شايل مني. حقك عليا
– ملوش لازمة الكلام ده يا أمي..
ورفع عينه على كنز اللي كان مستغرب وجودها، لكنه متكلمش ولا حتى سلم عليها، ولا هي كلمته، وكل واحد فيهم تلاش نظره عن التاني، فكل واحد فيهم كان زعلان على حياته؛ كنز حزينة على حياتها اللي خربت، ويوسف برغم إنه ما حبش ميرا، إلا إنه كان حزين إنه سابها، فهو كمان كان تعود على وجودها في حياته وخسارتها كانت صعبة عليه.
.........
مساءً..
ليلي دخلت الأوضة عند كنز اللي كانت واقفة بشرود ناحية الشباك والحزن كاسي ملامحها:
– حبيبتي.. إنتي كويسة؟!
اترمت كنز في حضنها وبقت تبكي:
– لأ يا ماما، أنا مش كويسة..
رفعت أمها وشها وبصت فيه:
– إنتي حبيتي حسام؟!
لتزداد دموعها وتقول:
– أنا مش هعرف أعيش من غيره!
واترمت في حضن أمها تاني، لتقول ليلي بحيرة:
– طب ليه أطلقتِ يا حبيبتي؟!
لتقول كنز وهي بتفتكر وقت ما يوسف قرب منها:
– مكنش ينفع يا ماما..
وهي تبكي اوي
..
دخلت ليلي الاوضة رحيم اللي كان مستنيها بصلها وقال:
– عرفتي منها السبب
ليلي قالت:
– مش عاوزة تقول.
ثم قالت بحيرة:
– بس الواضح انها حزينة دي مش مبطلة بكا. اللي فهمته انها مكانتش حابة انها اتطلقت... انا مش عارفة هي مخبية ايه
بصتله وسالته:
– هو انت كلمت حسام. قالك إيه
– مقالش كل اللي قاله كل شئ قسمة ونصيب
.......
ميرا وصلت عند بيت فخم في مطروح.. اتنهدت ودخلت، كان قاعد راجل في السبعين يبان عليه الهيبة والثراء، وده بيكون جدها لأبوها اللي توفى، وكان موجود باقي أفراد العيلة أعمامها وأولادهم وزوجاتهم
بمجرد دخولها، جدها فتح إيديه وقال:
– تعالي يابنت الغالي..
قربت ميرا وطت وحضنته وبقت تبوس إيده:
– وحشتني يا جدو..
– إيه.. هي أمك دخلت جوازة جديدة فقالت تبعتك؟!
قالتها عمتها بنبرة تحقير وسخرية، ليوقفها صوت والدها بحدة:
– نادية..
– هو أنا قلت حاجة يا بابا؟! أنا بسأل إيه اللي رماها علينا؟! مش خدت ميراثها ومنعت البنت عننا، دلوقتي إيه اللي حدفها علينا؟!
– اخرسي قلت! ده بيت جدها يعني بيتها، وحضني مفتوح لها لحد ما أموت.. إنتو فاهمين؟!
............
صباحاً..
زهرة قاعدة في الجنينة هي وكنز على ترابيزة قصاد بعض
بصت زهرة لثواني لـ كنز اللي واضح جداً الحزن على ملامحها، وبعدين قالت:
– أنا مش مصدقة غباءك.. هو إنتي مش كنتي مكلماني وقلتِ إنك شلتي من دماغك اللي حصل؟! أطلقتِ ليه؟!
لتقول كنز بشرود:
– حاولت.. بس مقدرتش أخدعه!
لتقول زهرة باستنكار:
– هو كان إيه اللي حصل يعني؟!
بصتلها كنز وقالت:
– اللي حصل إني سمحت ليوسف يلمسني وأنا على ذمة راجل.. فهمتي إيه اللي حصل؟!
– أيوة، بس مش مستاهلة إنك تفضلي تأنبي نفسك وضميرك يفضل يوجعك كده.. هو كان نام معاكي؟! دي حيالله بوسة عادي يعني!
– لأ مش عادي، مش عادي خالص! أنا خايــ'نة، وكان لازم أعاقب نفسي وأتحرم منه..
لتتجمع الدموع في عيونها وتقول:
– أنا مستاهلش حسام، هو حبني بجد وأخلص لي، وفي المقابل سمحت لواحد غيره يقرب مني! حسام كان بيحبني بجد وأنا كنت بفكر في يوسف.. أنا مكانش ينفع أكمل معاه وأخدعه أكتر من كده!
– مش إنتي قلت لي قبل كده إنك نسيتي يوسف
– كنت بدأت أنساه فعلاً، وفعلاً حسيت إن مشاعري ابتدت تتحرك ناحية حسام، وخلاص حياتي كانت استقرت معاه.. بس لما نزلت من أمريكا المرة اللي فاتت وشوفت يوسف، غصب عني حنيت..
دموعها بقت تنزل وهي بتكمل:
– بس أنا عايزة حسام.. مكنش عايزة أبعد عنه، أنا مش عارفة إزاي هعيش من غيره!
مسكت زهرة إيدها وقالت بحزن عليها:
– حاسة بيكي..
.......
حسام قاعد في مكتبه مغمض عينه ومرجع ظهره على الكرسي ودماغه مفهاش غير حاجة واحدة..وهي " كنز "
فتح عينه ومسح على وشه، وهو مستغرب نفسه. إزاي طلقها بالسهولة دي؟! إزاي قدر يتنازل عنها وهو روحه فيها؟! ازاي قدر يفرط فيها بالبساطة دي، لكن هو ده حسام رغم طبيعته المسيطرة الا انه كان استحالة يعيشها معاه غصب لكن بنفس الوقت كان اصعب ما مر عليه هو بعدها عنه
قام وقف وبخطوات بطيئة راح وقف قدام الإزاز الكبير اللي بيطل على الشارع الواسع، وبدا بيكلم نفسه:
– إيه مالك؟! من إمتى فيه ست بتعمل فيك كده؟!
لكنه رجع قال:
– بس كنز مش أي ست!
ومسح علي وشه وهو مش عارف إزاي هيكمل حياته من غيرها
......
تاني يوم صباحاً، وخصوصاً في أوضة زين وزهرة.
زين قاعد على الكنبة بيلبس جزمته قبل ما ينزل.
بينما زهرة قاعدة ساندة على السرير، فجأة تليفونه اللي كان على الكومود أعلن عن وصول رسالة. زهرة مسكته.. كانت بوسي بتبعت له.
بصت بسخرية على الرسالة اللي كانت على الشاشة وقالت:
– الغندورة بتبعتلك.. شكلك واحشها!
وهي تنظر له وبعد لحظات قالت:
– علي كده حبيتها؟!
ارتسمت على شفايفه ابتسامة كلها حب، ورد:
– أوي..
– للدرجادي؟!
بصلها وقال:
– أكتر مما تتخيلي.. واحدة مطيعة، وجودها مريح، مش بتعمل حاجة غير إنها تسعدني وبتخلق الراحة من عدم.. وفوق ده حلوة ونغشة و...
– و Easy slut!
قالتها بتهكم ونبرة تحقير سامة بعد ما كلامه ومدحه فيها ولعوا النار في قلبها.
لكنه رد عليها بعد ما نظر لها لحظات وقال:
– ليه دايرة تتمرقع مع واحد وهي على ذمة راجل؟! بتتسلى بإعجاب راجل غريب وهي على ذمة راجل تاني؟! اللي بتتكلمي في أخلاقها دي محترمة عنك!
لتنظر له بحدة:
– إنت تقصد إيه؟! تقصد إني أنا...؟!
ليقاطعها بتأكيد بعد ما تلاشى الهدوء من على ملامحه وحل محله غضب حارق:
– إنك متربتيش.. لأ أبوكي عرف يربيكي ولا أنا عرفت أحكمك.. بس ملحوقة!
وقام أخد مفاتيحه والتليفون وخرج.
لتنظر على أثره بغل وتقول:
– وديني لأندمك.. هد، مر حياتك يا زين، هد، مرك إنت وهي!
وقامت تلف في الأوضة بغضب وغل ملوش مثيل وهي تتوعد له ولـ بوسي بالهلاك. وقفت قدام المرايا تتنفس بعنف، ومن شدة غضبها وعصبيتها زاحت كل اللي على التسريحة دفعة واحدة وهي ما زالت تتنفس بعنف، شبكت صوابعها بين شعرها وبقت تهدي نفسها:
– اهدي.. اهدي يا زهرة، كله بأوانه!
وهي تقول:
– وديني لأدمرك إنت وهي
........
في بيت رحيم..
قاعدين بيفطروا وكنز قاعدة شاردة مش بتاكل.
– كلي يا حبيبتي..
قالتها ليلي لتنتبه كنز ليها وتقول:
– الحمد لله يا ماما.. شبعت!
وقامت اتحركت متجهة للسلم بس مكملتش خطوتين ووقعت فاقدة الوعي.
بعد ساعة.. كان الدكتور بيكشف عليها ليقول رحيم؛
– إيه اللي حصل يادكتور
– حصل إنخفاض في السكر في الد،م! عشان كده اغمي عليها
لازم تاخد جرعات الدوا في مواعديها وبلاش تتعرض لأي زعل أو ضغط نفسي.
وإستأذن ومشي
فاقت كنز بتعب وهي بتمتم بتلقائية:
– حسام..
وفتحت عيونها ببطء وهي متخيلة إنه جمبها زي كل مرة، بس للأسف المرة دي حسام مش موجود، بقت تبص حواليها لتنزل دموعها تلقائي
بينما هما كلهم قالوا بلهفة:
– حمد لله على السلامة..
وبقوا يتطمنوا عليها.
...........
في آخر اليوم..
في الجنينة كانت تمارا بتتمشى بهدوء لتتفاجأ بـ جواد اللي داخل مش قادر يمشي وواضح إنه مصاب
– إيه ده؟! مال رجلك؟!
سألته بقلق بس هو اتجاهلها وكمل طريقه وهو بيعرج بخطوات بطيئة.
اتضايقت جداً وتمتمت بغيظ:
– بتتجاهلني!
ولفت جريت وراه وبإيديها الاتنين راحت ضربته في ضهره بقوة لدرجة وقع على الأرض ليقول:
– يا بنت الـ...!
وقفت قدامه وبصت له بغيظ وغضب مُستَعِر:
– يعني أنا مخضوضة عليك وبسألك تقوم متجاهلني؟! إيه قلة الذوق دي؟!
قعد جواد على السلالم وهو ماسك رجله وبيتألم من الإصابة، وهي قعدت جنبه باهتمام وقلق حقيقي وهي بتمد إيدها تشوف رجله:
– إيه اللي حصل؟!
– دخل فيها مسمار..
قالت بتعجب:
– دخل إزاي وإنت لابس الكوتشي؟!
– نسيت أسأله!
اتغاظت جداً من طريقته، لكن كتمت غيظها ورجعت تاني قالت باهتمام:
– طب.. عملت إيه؟! روحت للدكتور
– لا، مش مستاهلة!
بصتله باستنكار وقالت:
– هو إيه اللي مش مستاهلة؟! ده أكيد رجلك هتتسمم! قوم يلا نروح للدكتور فوراً.. يلا قوم مستني إيه؟!
وهي بتشده وتقومه معاها.
كتم ضحكته بصعوبة على طريقتها واهتمامها اللي متحول لعصبية، وهي:
– إنت بتضحك على إيه؟! بقول لك يلا!
بعد وقت.. كان جواد وتمارا خارجين من عند الدكتور وهي بتسنده، بصلها شوية وقال بسخرية:
– أنا كويس يا تمارا.. متتعبيش نفسك!
بصتله بغيظ وقالت:
– صدق إني غلطانة إني بساعدك!
بصلها بسخرية وفتح العربية:
– اركبي..
– هو إنت اللي هتسوق؟!
– هو مش أنا اللي سُوقت واحنا جايين!
– أيوة، منا كنت هسوق وإنت مرضيتش.وبعدين ما أنا بعرف أسوق وإنت عشان رجلك...
– اركبي يا تمارا!
بصتله بغيظ من بروده واتنهدت وركبت.
وقبل ما يطلع بصتله وقالت بتردد:
– جواد..
بصلها بدون كلام لتقول بصعوبة:
– هو.. هو إنت نسيتني؟! يعني ما بقيتش تحبني؟!
قالتها وهي بتبصله بدموع متجمعة في عيونها ومستنية الإجابة برغم أنها كانت شايفة عنيه خالية من أي مشاعر ليها.
ليرد عليها بهدوء:
– الأيام بتنسي يا تمارا..
– بس أنا.. أنا لسه بحبك.. هو احنا ينفع علاقتنا ترجع تاني زي الأول؟!
رد بجمود وبدون تفكير:
– لأ..
– ليه؟!
– عشان أنا مش استبن يا تمارا!
رفعت عيونها ليه ليقول:
– ماهو مش معني إن جريك ورا زيدان مجبش نتيجة.. يبقي نرجع لـ جواد؟!
دموعها نزلت ومقدرتش تتنطق، رغم كلامه المهين الانها كانت مقتنعة انه عنده حق. عشان كده مقدرتش تلومه
طلع جواد بالعربية وقضو الطريق كله في صمت
بعد وقت
دخل جواد البيت وتمارا معاه وهي بتسنده، ليلي أول ما شافته قامت جرت عليه:
– إيه اللي حصل لرجلك يا حبيبي؟!
– دي حاجة بسيطة يا ماما
– طب طمني روحت لدكتور؟
بص لتمارا بتهكم ورد علي امه:
– أه كتر خيرها تمارا ودتني للدكتور
بصتله تمارا بغيظ وبعدها ادت كيس العلاج لليلي وقالت بهدوء
– العلاج بتاعه ياطنط
وخرجت علي بيتهم
تمارا دخلت البيت بوهن حورية اول ما شافتها
– تمارا!. مالك ياحبيبتي
بس تمارا قالت:
– مفيش ياماما
وطلعت علي اوضتها دخلت اترمت علي السرير دفنت راسها في المخدة وفضلت تبكي
.....
عند بوسي.. كانت نايمة، فجأة حست بإيد زين بتلمس شعرها بحنية.
فتحت عيونها وقامت اتعدلت:
– إنت جيت إمتى؟!
– لسه دلوقتي.. إيه اللي منيمك دلوقتي؟!
قالت:
– كنت زهقانة وأنا لوحدي فـ نمت.
قعد جنبها وقال:
– كان نفسك أعلن جوازنا.. مش كده؟!
رفعت وشها وبصتله فقال:
– حضري نفسك..
لتقول بدهشة وعدم تصديق:
– إنت.. إنت بتتكلم بجد يا زين؟!
زاح خصلة من شعرها وهو يتأملها:
– أُمم..
– ط.. طيب ومامتك؟! مامتك وافقت؟!
– العيلة كلهم موافقين..
لتقول بعدم تصديق:
– بجد.؟.
– بجد. عاوزك تحضري نفسك، عشان بكره فرحنا!
شهقت وقالت:
– فرح.. إنت هتعمل لي فرح؟!
بوسي كانت نايمة بتحلم إن زين جه يقولها كده، والحلم فضل مكمل وكأنه حقيقة ملموسة لدرجة انها اتخيلت انه جي تاني يوم وكانت في الفندق بفستان فرح من أحدث صيحات الموضة العالمية.والميكاب ارتيست منتشرين حواليها
وقفت تبص على نفسها في المرايا وهي تتنهد بسعادة عارمة كانت الفرحة مش سايعاها، وهي تقول لنفسها:
"أخيراً زين هيتجوزني قدام الدنيا والناس كلها!".
وفضل الحلم مستمر لحد أنه تخيلت ان طلع زين أخدها و نزلت إيدها في إيده قدام المعازيم، الكل بيباركوا لهم، وكانت شايفة إن العيلة مبسوطين بيهم جداً.. وعدت ليلة على بوسي في الحلم مكانت تتخيلها في الحقيقة و...
فجأة فاقت لتكتشف إن كل ده حلم عابر!
قامت قعدت وهي بتبتسم على نفسها بسخرية ممزوجة بحزن، غمضت عيونها ودموعها نزلت، بقت تبكي بوهن لحد ما قامت مسحت دموعها ووقفت قدام المرايا، وكلام زهرة رجع يتردد في ودنها حتى وهي متاكدة من نواياها السيئة، لكنها فكرت بعقل وقالت في نفسها "ليه مروحش واخد انا الخطوة دي وارفع عن زين الحرج
فكرت بكده خصوصاً أنها بقت حاسة إن زين بدأ يحبها، وإنه معندوش مشكلة في إعلان جوازه منها غير أمه!".
بقت تقنع نفسها إن حورية فعلاً ممكن تتقبلها لما تعرف قد إيه بتحب زين بجد
ورغم خوفها من رد فعل زين، حسمت أمرها،غمضت عيونها وهي بتطمن نفسها وتنهدت، وراحت تجهز.
بعد ساعات.. كانت واقفة قدام المراية وهي بتفنع نفسها وقالت: "اللي هتعمليه صح.صح يا بوسي".
وأخدت شنطتها وخرجت.
........
بعد ساعات.. في بيت موسى، كانوا كلهم متجمعين. الجرس ضرب، راحت الشغالة تفتح ليتفاجؤوا بـ بوسي اللي أول ما دخلت، زهرة اللي كانت واقفة اول ما شافتها داخلة إبتسمت بانشراح و قالت:
– تعالي يا حبيبتي..
وبصتلهم وقالت:
– أكيد عارفينها.. بس اللي لسه محدش يعرفه إنها بقت مرات زين الجديدة! اه والله شوفتو المفاجأة
وهي تنظر لزين اللي من سوء حظ بوسي كان موجود في البيت
زين كان متفاجأ وحرفيا بقي في موقف لا يحسد عليه.
الكل اتصدموا، وزهرة بصتلهم وكملت:
– بصراحة هي كانت قلقانة تيجي بس أنا أقنعتها!
لتكمل بعد ما حولت نظرها لـ حورية وقالت:
– قولتلها طنط هتتغاضى عن إنك بنت مين وإنها في النهاية عاوزة سعادة ابنها فهتتقبلك عادي وهتنسي إنك بنت اللي كانت مرات جوزها!
قالت اخر جملة بجحود وهي تنظر بشماته لـ حورية كأنها عدوتها و
شكرا لزيارتكم عالم روايات سكيرهوم
