رواية خيال سليم الفصل الرابع 4 بقلم منة خلف

 

 

 


رواية خيال سليم الفصل الرابع بقلم منة خلف


*قعدت حبيبة تفكر... يا ترى ايه معنى كلام حسام؟ وايه اللي بيشوفه سليم؟ ولكن، قبل ما تسرح في تفكيرها، كلمها اللي ديمًا حاسس بيها.*

*عاصم:* اخبار يومك النهاردة؟

*حبيبة بإبتسامة:* نفسي اعرف، بتدخل ازاي كل مرة في الوقت الصح؟

*عاصم:* قلبي بيحس.

*حبيبة:* امممم... تعرف اني اول مرة اعمل كدا؟

*عاصم:* تعملي ايه؟

*حبيبة:* اكلم حد وارتحله، وكمان من ورا اهلي... انا مستغربة نفسي اوي!

*عاصم:* مش يمكن عشان انا مختلف؟

*حبيبة:* اممم... بس متتغرش اوي... قولي بقا، حسيت ازاي اني مضايقة؟

*عاصم:* صدقيني، قلبي حس انك عايزة تتكلمي.

*حبيبة:* اه، بصراحة.

*عاصم:* وانا سامعك اهو.

*وبدأت حبيبة تقوله على سليم، وعلى اللي قاله حسام.*

*حبيبة:* بس كدا... قولي، بما انك دكتور أطفال وكدا يعني، مع اني اشك... بس ايه رأيك فموضوع سليم؟

*عاصم:* اي أشك دي!!!؟... على العموم، عندك حق، كان لازم اكون دكتور عيون... على الاقل استغل مهنتي واشوف عيونك اللي ملهمش حل دول!

*حبيبة:* وبعدين بقا، مش قولت مبحبش الكلام دا؟

*عاصم:* دا غزل عفيف... على العموم يا ستي، اظن ان سليم من الضغط النفسي، وإنه مش متقبل بعد باباه عنه... ممكن يكون بيتخيل انه بيتكلم معاه.

*حبيبة:* ومن رأيك كدا، اعمل ايه؟

*عاصم:* حاولي تقربي منه وتتكلمي معاه، من غير ما تسألي انه بيشوف ايه... لأنه ممكن يكون مخترع الشخصية دي من خياله، لأنه حاسس بالوحدة.

*حبيبة:* ايه الكلام الكبير دا؟... للدرجادي ابني متأثر ببعد باباه؟

*عاصم:* طبيعي، دا طفل... انا اظن لو قعدتي معاه وسرح في عيونك العسل دي، هينسى الدنيا.

*حبيبة:* مش شايف انك خدت عليا زيادة؟... واحنا يدوب عارفين بعض من شهر تقريبًا!

*عاصم بنكش:* وهو شهر دا قليل؟... دا أنا من اول ما شوفتك وانتِ خطفتيني!

*حبيبة وهي بتبتسم من غير وعي:* وايه كمان يا عم الاونطجي؟

*عاصم:*
البن في عينيك يغلب قهوتي،
لاتحرميني لذة الفنجانَ،
عربيةَ تلك العيون أليمة،
جمعت مذاق البن والهذيان.

*حبيبة:* وكمان شاعر!

*عاصم:* اه دا انا اعجبك اوي ، بحب اقرأ شعر اوي واقتبس منه... وبصراحة، اول ما قرأت الاقتباس دا، افتكرت اول يوم شوفتك فيه.

*حبيبة:* مش شايف انك مستعجل ولسة معرفتيش؟

*عاصم:* مسمعتيش عن الجواز من اول صيانة؟

*حبيبة:* مش كانت حب من اول نظرة باين؟

*عاصم:* لا لا، احنا لسة هنخطب.

*حبيبة:* انت مش محترم يا دكتور!

*عاصم:* هو أنا قولت حاجة؟... بصي بقا، من غير لف وكروان، انا عايز اطلب ايدك من الحج ممدوح.

*حبيبة بتوتر بتحاول تخفيه:* مش كانت من غير لف ودوران؟... وبعدين تطلب ايد مين؟... انا لسة معرفكش!

*عاصم:* هتعرفيني حاضر... بس، هل هتثقي فيا؟

*حبيبة:* هحاول.

*عاصم:* يعم ماشي.

*حبيبة:* طيب، عن إذنك بقا.

*عاصم:* قوام كدا؟... افهم من كدا انك بتهربي؟

*حبيبة وهي ضربات قلبها بتعلى:* افهم اللي تفهمه!

وقفلت فونها، وهي هتموت من الكسوف.

الله الله ربي لا أشرك به شيئًا 🤎

---

*جه الليل، ورجع سليم... وخالد دخل يسلم ويمشي.*

*حبيبة:* اهلًا يا حبيب مامي... حمدلله على سلامتك!

*سليم:* وحشتيني يا ماما... كان نفسي تبقي معايا النهاردة... تعالي شوفي، بابا جابلي ايه!

*حبيبة وهي بتلعب في شعره:* نشوفهم بكرة، اهم حاجة يلا نتعشى ونغير، لأن في مدرسة الصبح.

*خالد:* معلش، خلي خديجة تغيرله، لاني محتاج اتكلم معاكِ.

*حبيبة بضيق:* وانا مش عايزة!

*خالد:* بس انا عايز!

*حبيبة وهو صوتها بقا حاد وعالي:* مش بمزاجك يا خالد!

*سليم بدموع:* ماما... بابا... بلاش خناق!

*خديجة:* تعالى يا حبيبي... مالك مستنيك من بدري.

**سليم طلع، وهو نظره متعلق ب باباه.*

*خالد:* ايه؟... للدرجادي مش طايقة وجودي؟

*حبيبة:* متلومنيش... انت اللي عملت كدا، وبأيدك.

*خالد:* غلط... واعتذرت... وبحاول أصلح غلطي... هونت عليكِ كل الوقت دا وانتِ بعيدة عني؟

*حبيبة بتأفف:* متعملش نفسك مظلوم... مين اللي وصلنا لكدا؟

*خالد:* وانا معترف بغلطي ومش بكابر... بس انا مكسور من غيرك يا حبيبة... متشتت ومحتاجك جنبي... تعالي نرجع... وصدقيني، عمري ما هعمل كدا تاني.

*هنا حبيبة ابتدت تحن، ولكنها سمعت صوت...*

*الصوت:* الطبع عمره ما هيتغير... متصدقهوش... انتِ تستاهلي حد احسن منه!

*حبيبة بملامح جامدة:* امشي يا خالد.

*خالد:* بالسهولة دي؟

*حبيبة:* اظن سمعت ردي.

*خالد:* براحتك يا حبيبة... بس عايزك تعرفي اني كنت متمسك بيكِ لاخر لحظة... وانا صدقيني... مش هتشوفي وشي تاني... سلام.

اللهم ردنا إليك ردًا جميلًا 🤎
---

*بعد ما مشي خالد...*

*حسام:* ميستهلش منك كدا!

*حبيبة:* مش نقصاك خالص يا حسام... انا دماغي هتنفجر!

*حسام:* ويا ترى، ايه اللي شاغل بالك؟

*حبيبة:* ابني طبعًا!

*حسام بتريقة:* اه، ابنك!

*ممدوح... وهو متابع دا كله من داخل مكتبه... نده عليها.*

*حبيبة:* نعم يا بابا؟

*ممدوح:* روحي هاتي القهوة من امك في المطبخ وتعالي.

*حبيبة:* حاضر.

*حسام أخد بعضه وركب شقته.*

---

*في المطبخ، وريحة القهوة مالية المكان.*

*حبيبة:* الله يا ست الكل، واقفة بنفسك تعملي القهوة؟

*سناء:* شوفتي يا ست حبيبة... مردتش تخليني اعملها... وعلى فكرة، امك كدا من ساعة ما جيت هنا من اكتر من 15 سنة.

*حبيبة بغمز:* الحب ولع في الذرة!

*سهيلة:* بطلي لماضة، جاية ليه؟

*حبيبة:* بابا قالي أخد القهوة واروحله.

*سهيلة:* اممممم... ربنا يستر!

*حبيبة:* حاسة ان نبرة صوته لا تبشر بالخير!

*سناء:* متقوليش كدا، دا الحج ممدوح مفيش أطيب من قلبه!

*حبيبة:* بس انتِ عارفة قلبته!

*سهيلة:* استني بس، انا جاية معاكِ!

---

*حبيبة وهي بتخبط على باب المكتب.*

*حبيبة:* ادخل يا بابا؟

*ممدوح:* اه، ادخلي.

*سهيلة:* يختي، اوعي كدا... دا جوزي، هو أنا هستأذن؟!

*ممدوح ببتسامة:* طيب، انا عايز بنتي على فكرة!

*سهيلة:* ايش تقصد يا ممدوح؟... فيها شهر نكد دي!

*ممدوح:* لا، وعلى ايه... هو في حاجة تستخبى عليكِ يا ام حسام؟

*سهيلة بإنتصار:* اه، اظبط كدا يا وحوح يا حبيبي!

*ممدوح بهمس:* بلاش الدلع دا!

*سهيلة بضحك:* دي بنتك، مش حد غريب!

*ممدوح:* اقعدي يا حبيبة، واقفة ليه؟

*حبيبة:* بتفرج عليكم... رغم العمر دا، ولسة نفس اللمعة في عيونك كل ما تبصلها يا حج!

*سهيلة:* شوف البت هتحسدنا... قل أعوذ برب الفلق!

*ممدوح بيبص لسهيلة... بمعنى خفي عليها شوية.*

*ممدوح:* مبسوطة يا حبيبة؟

*حبيبة:* اهو، الحمدلله.

*ممدوح:* يبقا مفهمتيش سؤالي... منفسكيش ترجعي لجوزك وتلمي شملك، وابنك يكون وسطكم؟

*حبيبة:* هو أنا بقيت تقيلة ولا ايه يا حج؟

*ممدوح بصدمة:* شوف بنت ال... انتِ عبيطة يا بت!... انا بس شايف ان خالد اتغير... وان ابنك مش قادر على بعد ابوه... وانتِ كمان حالك مش عاجبني!

*حبيبة:* لا يا حج... خالد تاني لا!

*ممدوح:* طيب، هسألك سؤال وتردي عليا بصراحة.

*حبيبة:* اؤمر يا أبي العزيز.

*ممدوح:* في حاجة مخبياها عليا؟... حاسس في لمعة في عيونك جديدة!

*حبيبة:* احم... يعني، في عريس!

*سهيلة:* بجد يا موكوسة؟... امال مقيلاش ليه؟!

*ممدوح:* استني يا سهيلة... ومين دا؟

*حبيبة:* دكتور عاصم يا بابا.

*ممدوح:* اممممم... انا الواد دا مش مرتحله!

*سهيلة:* ليه بس يا ممدوح؟... دا الواد مز وقمر وعسل وخفيف الظل كدا!

*ممدوح:* محسساني قطعة جاتوه!

*حبيبة:* خليه يقعد مع حضرتك... وبعدين احكم عليه.

*ممدوح بنظرة خبث:* ولحق يخليكِ تدافعي عنه!

*حبيبة وهي بتوطي راسها بكسوف:* الرأي رأي حضرتك.

*سهيلة:* كلميه يا بت، قوليله ييجي يوم الجمعة... وروحي شوفي ابنك يلا... عايزة اقعد مع جوزي، اللي من ساعة ما جيتي وانتِ واخداه مني!

*حبيبة بضحك:* اوكيشن... بس عشان تعرفي اني اللي في القلب!

*سهيلة:* شوف بت ال... روحي يا بت!

*ممدوح بضحك:* مفيش فايدة... عمركم ما هتعقلوا!

*سهيلة:* ليه، وانت واخدني مجنونة ولا ايه يا حبيبي؟

*حبيبة جريت قبل ما امها تمسك فيها... وهي هتوقع من كتر الضحك.*

*وهي راكبة رايحة عند ابنها، سمعت صوته بيقول:*

*سليم بعياط:* متخدش ماما مني... انا بكرهك... لا لا، خلاص مش هقولها اني بشوفك!

*حبيبة فتحت الباب فجأة... لقيت سليم بيعيط لوحده وبيصرخ... جات خديجة على الصوت.*


شكرا لزيارتكم عالم روايات سكيرهوم

تعليقات