رواية قرة عيني الفصل الرابع
كان غيث ينظر بصدمه لبياناتها فكان مكتوب أنها شخصيه طيبه و حنونه لكن ما لفت أنتباهه
أنها لم تعش طفولتها و شخصيه شديده
غمض غيث عينيه وهو يقول
غيث : معقوله دي تكون صدفه ؟ نفس الصفات الي أمي قالت عليها
نظر غيث لصفاتها ليجد صفه مكتوبه على جنب وهي أنها كتومه
غيث : طيب خلينا نشوف هنتعامل مع الصفه دي أزاي
قام غيث بفتح جوجل بلاي ليبحث معلومات عن تلك الشخصيه
عند ريم و شهد
العامل : حضرتك ده مستعمل فا بالتأكيد سعره هيبقى أقل
ريم بهمس : مفيش مشكله يا شهد و نشوف حاجه تانيه نبعها وتكمل الألف
تحدثت شهد معه وهم يقومون بالأتفاق
نظرت شهد لريم لتقوم بهز رأسها لها ليتم بيعه
بعد دقائق خرجوا من متجر الهواتف
ريم بفرحه : كده ناقص لينا ميه جنيه ممكن الطرح بتوعي يجيبوهم
شهد بابتسامه : أه أن شاء الله كده كده مش ناقص غير الطرح بتوعك
بينما هم يسيرون نظرت ريم لشهد لتقول
ريم : هو احنا هنعمل فرح ؟
شهد : لا لأن ده في الآخر جواز مش على حب ده علشان مصلحه حبيبة وأنا عايزاها تتجوز بأسرع وقت ممكن مش وقته فرح ومش فرح أنتي شوفتي هي كانت هتنتحر كذا مره أزاي
هزت ريم رأسها لها وهي تنظر أمامها بحزن
ريم : أنا مش فاهمه برضوا أيه الي يخلي واحد يتجوز واحده هو عمره ما شافها ؟
شهد : عندك حق بس المهم دلوقتي نساعد أختنا واحنا لو لقينا غيث بيتعامل معاها وحش هنطلقهم
ريم بدهشه : أسمه غيث ؟
شهد : أه لما أداني رقمه الي كان في الورقه كان كاتب أسمه على جنب
قامت ريم بهز رأسها لها
عند حبيبة
أستيقظت حبيبة بفزع أثر الكابوس رغم أنها تحلم به كثيراً ألا أنه مازال يخيفها
كانت تتنفس بسرعه وهي تنظر حولها بخوف
حبيبه بدموع : أنا أمتى هتخلص من الكابوس ده
فجأة قامت دعاء بفتح الباب و الضوء مما جعل حبيبة تغمض عينيها و تجعد ملامحها
دعاء : هاي
دعاء : أيوه يا بنتي زي ما بقولك كده
دخلت دعاء وهي تتحدث مع صديقتها على الهاتف
نظرت حبيبه لها بغضب لتضع الوساده على رأسها لتمنع الضوء أن يصل لها
دعاء بحماس : يلا يلا ماشي هفتح دلوقتي
قامت دعاء بفتح فيلم من على هاتفها و رفعت الصوت وهي تتحدث مع صديقتها وتضحك بصوت مرتفع
فتحت حبيبة عينيها بغضب و الوساده مازالت على رأسها لتضغط بيديها عليها تكاد تنفجر من تصرفات أختها
عند ريم و شهد
كانت ريم و شهد يجرون في المول وهم يبحثون عن الحقيبه و الناس ينظرون لهم باستغراب
ريم بصوت عالي : تعالي يا شهد شوفي دي كده
ذهبت شهد لها
شهد بدهشه : هي فعلاً بس دي أغلى من ألف جنيه ؟
تنهدت ريم ليجلسون على أريكه صغيرة أمامهم وهم يشعرون باليأس
غيث : أنتوا كويسين ؟
نظروا ورائهم بصدمه ليجدوا غيث يقف خلفهم وهو ينظر لهم بهدوء
ليلتفتوا له
غيث : شوفتكم قاعدين كده و شكلكم مش كويس في حاجه ؟
سردت ريم ما حدث معاهم تحت صدمه شهد التي تحاول أن تجعلها تصمت
ريم : ولما جمعنا الفلوس لقيناها أغلى
ضربت شهد ريم على رأسها وهي تنظر لها بغضب
نظرت ريم لها بضيق وعدم فهم
غيث : هي فين الشنطه دي ؟
أشارت ريم عليها ليذهب غيث نحوها و يقوم بحملها و الذهاب للمحاسب
غيث : لو سمحت هاخد دي
قام غيث بالمحاسبة على الحقيبه ليأخذها و يناولها لهم
شهد بحرج : أستاذ غيث مكنش ليه لزوم
غيث بهدوء : مفيش حاجه أنتوا زي أخواتي
نظر غيث حوله ثم لهم مره أخرى ليقول
غيث : روحوا أدوها الشنطه ولما تقنع باباكم قولولي بس انا كنت عايز أسئل عن حاجه
شهد : أتفضل
غيث : هي أختكم أسمها أيه ؟
أبتسمت شهد لتقول
شهد : حبيبة
قام غيث بهز رأسه لها ليذهب من أمامهم بهدوء بينما ريم و شهد ينظرون لبعض بهدوء
بعد ساعات
كانوا يقفون وراء باب الغرفه التي بها ناصر و دعاء
ريم بتوتر : هي أتأخرت كده ليه هو مش وافق ولا أيه ؟
وفي وقت أنتهاء جمله ريم خرجت دعاء من الغرفه وهي تنظر لهم
دعاء بثقه : تم
