رواية لعنة شوق الفصل الرابع
تملكتني صدمة هزت أركاني ثم سألته : من جوزي ؟! من معتز أزاي يعني؟ مش فاهمة !! أنت تعرف معتز منين؟
أصبحت ضحكة أسامة هيستيرية بينما شعرت للمرة الأولي بالرعب أثناء حديثي معه !
أستجمعت شجاعتي وسألته للمرة الثانية ولكن بأسلوب حاد قليلاً : ما تتكلم يا أسامة، أنت تعرف معتز منين؟ وأيه اللى يخليه يحكيلك أصلاً عن علاقته بيا؟
أسامة وهو لا يزال يضحك : هو أنتِ متعرفيش إن جوزك صاحبي يا قلبي !! ده أنا ومعتز نعرف بعض من سنين. ده حتى النهاردة هيتأخر علشان هيكون معايا!!
فى تلك اللحظة أنهارت أعصابي تماماً !!
ودارت في ذهني عشرات الأسئلة ... معقول يكون أسامة ومعتز أصحاب؟!
معقول معتز ممكن يعرف إني كلمت أسامة من وراه ؟!
معقول بمكالمتي لأسامة أكون ورطت نفسي ورطة مش هطلع منها سليمة؟! بالعكس دي مصيبة ممكن أعيش بيها عمري كله تطاردني أنا وأهلي وولادي !!
فقدت النطق في تلك الأثناء وتلك الأسئلة تلاحق تفكيري في كل إتجاة.
إذا كان ذلك حال معتز وما أراه معه من ذل ومهانة ، فما باله إذا ما عرف أني اتصلت بأسامة وكلمته؟!
قطع أسامة تفكيري وكأنه يجلس داخل رأسي ويري ما يدور فيه قائلاً : مالك يابنتي خوفتي كده ليه ؟
أجبته بتلعثم : أزاي يعني معتز هيكون معاك الليلة؟ أنت تعرفه منين؟ عايزة أعرف كل حاجة عن علاقتك بمعتز.
فأجابني : بسهولة كده ؟! لأ . ده موضوع كبير مش هينفع فى التليفون، لما نتقابل هبقي أحكيلك كل حاجة.
زاد توتري بدرجة كبيرة وبالرغم من أني طلبت لقاء أسامة من دقائق إلا إنني تراجعت في تلك اللحظة .
أسامة: متخافيش يا شوق، أنا صحيح تليفوني بيسجل المكالمات بس أكيد يعني مش هخلي حد يسمعنا. ثم عاد أسامة للضحك بصورة هيستيرية شديدة !!
سألته بخوف : بتسجل ! أنت بتسجل كلامنا ده يا أسامة؟
أجابني بهدوء : مش مكالمتك أنتِ بس يا قلبي، ده التليفون بيسجل كل المكالمات عموماً ، بس متخافيش لو فعلا قابلتيني مفيش مخلوق خالص هيعرف إننا أتقابلنا .
قُلت له بخذلان: ليه كده يا أسامة؟ ده أنا كنت فاكرة إنك الوحيد اللى ممكن أطمن وانا بكلمه ومش خايفة !! معقول يا أسامة بتساومني لمجرد إني اتصلت بيك؟!
رد أسامة : ليه بتسميها مساومة؟ أنا مقولتش حاجة. كل اللي قُلته إني مش هينفع أفهمك حاجة فى التليفون. نتقابل يا شوق وأحكيلك كل حاجة ...
قاطعته : لكن أنا مش هينفع أقابلك أصلاً. أنا بس قولت كده لأني كان نفسي أشوفك وحبيت أقولك علي اللي في نفسي. لكن أنا مش بخړج من البيت ولا ينفع أقابلك أصلاً.
قالي بهدوء شديد : خلاص فكري يا شوق وأنا هستنى منك رد . لأني عايز أشوفك بجد، وعندي كلام كتير جداً هيفرق معاكي لو عرفتيه.
أنتهت المكالمة وقعدت أفكر في كلام أسامة وكنت خايفة وبفكر .. يا تري أسامة ممكن فعلاً يقول لمعتز علي كلامي معاه ؟! معقول للدرجادي ممكن يكون أسامة بتاع زمان أتغير قوي للدرجادي؟!
أستمر تفكيري لفترة خاصة أني أعرف أسامة جيداً و إنه لايمكن يفكر يعمل أي تصرف يسبب لي أذي من أي نوع !! كنت علي يقين أن حبه لي حب كبير وأستثنائي !!
لكنني في ذلت اللحظة لابد وأن أكون حريصة للغاية ، ربما يكون أسامة أو أحساسه من ناحيتي قد تغير !!
وظلت حيرتي وتفكيري المتردد حتي عاد معتز في وقت متأخر من الليل ورآني وأنا جالسة أشاهد التليفزيون !! فسألني: أنتِ لسه صاحية؟
كنت شاردة الذهن أفكر في كلام أسامة حتي أنني لم ألاحظ دخول معتز ! فكرر سؤاله مرة أخري ولكن بأسلوبه المعتز المعتاد : أنتِ اطرشتي ولا ايه؟ بقولك مش أتخمدتي ليه لحد دلوقتي ؟
لم أعرف ماذا حدث لي في تلك اللحظة حتي أنني نهضت من مكاني وأقتربت منه ووقفت أمامه مباشرة وتكلمت بشجاعة وثقة غابت عني من سنين : أصحى براحتي وأنام براحتي ، روح أنت أتخمد ومتقومش تاني علشان أرتاح منك بقي ومن قرفك!!
كان لساني ينطق بهذه الكلمات في ثبات بعكس الخوف والتوتر الذان يتملكان قلبي وأحساسي الداخلي .
لكن معتز وقف في صدمة يحاول إستيعاب كلامي. وتأكدت من ذلك حين سألني في ذهول : شوق أنتِ بتقولي ايه؟
أجبته بمنتهى الثقة : اللى سمعته. ولا أنت وقعت على ودانك؟! بقولك ايه أنا مش نقصاك. عايز تتخمد أنت أتخمد، مش عايز يبقى نقطني بسكوتك بقى علشان دماغي وجعاني !!
أستخدمت معه نفس طريقته في الكلام ونفس أسلوبه المهين المستفز الذي طالما أهانني وجرحني به سنين طويلة !!
فجأة رأيت معتز يرفع يده اليمني وقبل أن يهوي بها على وجهي أستجمعت جرأتي مرة أخري ، وأمسكت بيده قائلة بجرأة : لو أيدك أترفعت عليا تاني هستبيع وعليّ وعلي أعدائي، هولع فيك وفي البيت وفي العيال كمان !! يلا غور من وشي بقي !
رأيت نظرة الصدمة والذهول فى عينيه للمرة الأولي. بينما كنت أنا لا أعرف كيف تكلمت معه بهذه الحدة ولا أعرف مصدر تلك الجرأة التي سيطرت عليّ حينها!!
تركني معتز وأنصرف من أمامي بعد ما سحب يده بهدوء، ثم أنصرف ودخل غرفته . بعدها بدل ملابسه ونام دون أن ينطق بأي كلمه !
لم أراه أو أسمع صوته بعدها في تلك الليلة حتي صباح اليوم التالي و كنت مازلت مستيقظة ولم أنم طوال الليل.
أستيقظ معتز وتعجب حينما لم يجدني نائمة فى مكاني! خرج من الغرفة ليراني مازلت كنت جالسة مكاني .
ألتفت إليه ثم تجاهلته ونظرت في الأتجاه الأخر .
و لكنه فعل ما لم أتوقعه، حين سمعته يقولي : صباح الخير يا قلبي .
صدمة وخوف تملكاني من هول المفاجأة !! نظرت له ثم أدرت وجههي مرة أخري .
تبادر إلي ذهني حينها إنها مجرد تهيؤات. لكنني وجدته يقترب ويجلس بجانبي ويقول بابتسامة لم أراها منذ زمن : أنا أسف لو كنت ضايقتك امبارح، أنا أسف بجد. أوعي ټزعلي مني .
كادت نبضات قلبي أن تتوقف من هول الصدمة !!
وقولت في ذهني " هو اللي أنا سمعاه ده بجد ! هو أنا اتجننت ودي ټهيؤات ولا اي !"
ثم وجدته يمسك بيدي ويقبلها قائلاً : أنا هجهز الفطار وأعملك قهوة معايا !
أشرت إليه برأسي بالموافقة. بينما كنت لازلت لا أعرف إذا كان كل ذلك حقيقي أم مجرد ټهيؤات ! "معقول الإنسان ده معتز فعلا ولا واحد تاني غيره ! ولا هو أتهبل ولا أتجنن ولا اي اللي بيحصل بالظبط!! "
تركني في ذهولي وصدمتي وذهب لعمل القهوة بعدما وضع قبلة تانية علي يدي!!
كدت أن أصاب بالجنون وبدأت أشك أنه ربما انه ربما سيضع لي سم في القهوة لينتقم مني !! لا أصدق أن صوتي العالي ووقوفي فى وجهه بقوة الليلة الماضية يدفعانه لهذه التغير الغريب والعجيب والمفاجئ !! لابد له من رد فعل !! وظللت في تفكيري حتي نسيت موضوع أسامة .
دخل معتز و معه القهوة وأحضر معهم بسكوت وقال لي بصوت رقيق : كُلي طيب باكو البسكوت ده علشان متشربيش القهوة على الريق .
أخذت منه البسكوت وأنا علي يقين من أنه وضع لي السم فى القهوة!
لكنه قطع شكي حين بدأ يتذوق من قدحي القهوة الموجودين أمامنا حتي يتعرف علي قهوته منهما .
حينها تأكدت من أن شكوكي ليست سوي ظنون واهية!!
بعدها مد معتز يده قائلاً : أهي ياستي قهوتك المظبوطة بتاعتك.
بعدها شرب معتز قهوته بينما كانت عينيه تملؤها نظرات الغزل والحب التي لم أراها منذ بدايات زواجنا في شهر العسل.
نهض قائلاً : أنا ماشي رايح الشغل و متعمليش غدا النهاردة ، أنا عازمك برة وخلي الولاد عند طنط بقى النهاردة كمان .
أشرت برأسي بالموافقة بينما كانت مشاعر الخوف والتردد تملأ أركان وجداني. أشعر أن شيئاً ما غير طبيعي يحدث من حولي!!
عاد معتز إلي غرفته وبدل ملابسه ثم خرج وقبل رأسي ويدي وقبل أن ينصرف قال لي بابتسامة : أنا هعملك مفاجأة حلوة قوي النهاردة، أستعدي بقى ونامي شوية علشان تكوني فايقة لما أرجعلك بالليل .
خرج معتز وأغلق الباب خلفه بعدما ترك خلفه عشرات الأسئلة والأحتمالات التي تتردد في ذهني!
هل تغير معتز بين ليلة وضحاها وأصبح رجلاً أخر أكثر إنسانية ورومانسية أم أنه يضمر في داخله إنتقام بشع لم يخطر لي علي بال؟
تغيره السريع والمفاجئ جعلني أشعر بالرعب حتي كاد عقلي أن يذهب من فرط التفكير . حتي قطع تفكيري إشعار رسالة علي هاتفي .
اسم المرسل كان معتز . فتحت الرسالة لأجده يقولي لي : جهزي هدوم دلع أخړ حاجة فى شنطة صغيرة . هخليكي تنسي الدنيا خالص لمدة يومين يا قلبي .. وحشتيني يا عمري .. بحبك موووت.
ورغم خوفي الشديد ورعبي من مجهول ربما يعده لي معتز في الخفاء إلا أنني وبدون أي تفكير نهضت مسرعة لأجهز كل ما قاله لي معتز ، ووضعت في حقيبة صغيرة الملابس التي أعرف أن معتز يحب أن يراني بها منذ بداية زواجنا . ربما كانت تلك هي الفرصة الأخيرة ليعود النبض إلي جسد حياتي معه.
لكني تذكرت فجأة أسامة !! ماذا سأفعل معه الآن ؟
كان لابد وأن اتصل به الآن ...
بمجرد أن فتح أسامة المكالمة قولت له : صباح الخير يا أسامة .
= أحلي صباح ده ولا اي؟ عاملة اي يا قلبي؟
: أنا كويسة يا أسامة بس كنت عايزة أقولك على حاجة.
= شوفي عايزة أمتى وأنا هرتب نفسي علي اللي يناسبك.
: لأ معلش مش هنحدد ميعاد النهاردة. أنا هسافر مع معتز يومين، ولما نرجع هكلمك ونحدد ميعاد نتقابل فيه بس، بالله عليك مش عايزاك تزعل مني يا أسامة ولا عايزاك تعملي مشاکل معاه.
= أنتِ خايفة ليه كده؟ أنتِ مش محتاجة تقولي الكلام ده كله !! أنتِ عارفة مكانتك في قلبي ومش ممكن أسببلك أي مشكلة .
: يعني أنت بجد مش زعلان ؟
= لا يا قلبي بس بالله عليكي مش عايزك تختفي تاني من حياتي لأن انا فعلا محتاجلك .
: حاضر يا أسامة أنا كمان محتاجالك قوي .
= مش أكتر مني. خلي بالك يا شوق لو أختفيتي من حياتي تاني مش هسكت زي المرة اللي فاتت .
: أي ده يا أسامة !! أنت بټهددني ؟
= لأ طبعاً مش ټهديد، لكن عايزك تعرفي قد أيه أنا محتاجلك وما صدقت إنك ړجعتي تاني في حياتي .
: أنا مش تخيلت أبداً إني أكون خايفة بالشكل ده بعد ما أكلمك . كنت فاكرة إن أنت مصدر راحتي والأمان بالنسبالي . لو للحظة كنت شكيت إني أكون خايفة بالشكل ده صدقني مكنتش هكلمك.
= خلاص يا شوق لو أنا قلقتك قوي بالشكل ده بلاش تقابليني . بس على الأقل كنت عايزك تعرفي جوزك علي حقيقته، ولا عايزة تفضلي مغفلة وعايشة مضحوك عليكي طول عمرك ؟!
: ماشي يا أسامة هنتقابل أكيد صدقني بس لما أرجع من السفر هكلمك ونتقابل .
= هستنى تليفونك لما ترجعي على نار . خلي بالك علي نفسك وخلي بالك كمان من جوزك يا شوق . أحذري منه قوي .
