رواية عشق بعد خزلان الفصل الرابع
في فيلا سليم الألفي...
على سفرة الإفطار...
كان سليم الألفي يجلس على رأس الطاولة، بينما جلس عمران أمامه يتناول إفطاره بهدوء.
رفع سليم عينيه نحو ابنه وقال:
سليم: — عمران، إنت هتنزل الشركة إمتى؟
رفع عمران رأسه وأجاب:
عمران: — هفطر وهروح الشركة دلوقتي، في اجتماع النهارده. حضرتك مش هتحضر ولا إيه؟
هز سليم رأسه وقال:
سليم: — لأ، هاجي طبعًا. أمال يزن فين كده؟
تحدثت نرمين، وهي تضع كوب العصير أمامها:
نرمين: — يزن خرج عنده تمرين النهارده، وقال بعد التمرين هيروح الشركة.
سليم: — تمام، ماشي.
نظرت نرمين إلى زوجها وقالت:
نرمين: — بقولك إيه يا سليم، هبقى أعدي على داليدا في الفيلا النهارده.
أجابها سليم بهدوء:
سليم: — تمام، مفيش مشكلة.
أنهى عمران إفطاره، ثم وقف من مكانه.
عمران: — أنا هطلع أجهز علشان نمشي.
أومأ له سليم.
سليم: — تمام يا ابني.
وبعد مرور بعض الوقت...
كان سليم وعمران في طريقهما إلى الشركة، بينما بقيت نرمين تستعد للذهاب إلى فيلا شقيقتها.
في فيلا آدم الألفي...
كانت داليدا تجلس في غرفة المعيشة، تبدو شاردة الذهن.
رغم أن البيت كان كبيرًا ومليئًا بأفراد العائلة، إلا أنها شعرت في الأيام الأخيرة بشيء غريب يسيطر عليها.
تنهدت وهي تنظر إلى هاتفها.
لم تكن تالا موجودة في الفيلا...
ومنذ أن ابتعدت عنهم، أصبح كل شيء داخل البيت مختلفًا.
لكن الكبرياء والغضب كانا ما يزالان يقفان بين الجميع وبين مجرد التفكير في البحث عنها.
دخل آدم إلى الغرفة، مرتديًا ملابس العمل.
نظر إلى زوجته قبل أن يجلس أمامها.
آدم: — مالك يا داليدا؟ من الصبح وإنتِ ساكتة.
رفعت عينيها إليه، وحاولت أن تخفي ما تشعر به.
داليدا: — مفيش... بس البيت بقى غريب.
نظر آدم حوله للحظات، ثم قال بجدية:
آدم: — كل حاجة هترجع لطبيعتها.
خفضت داليدا عينيها، لكنها لم تجبه.
في تلك اللحظة، دخل مازن إلى الغرفة.
كان يحمل مفاتيح سيارته، ويبدو مستعدًا للخروج.
مازن: — صباح الخير.
آدم: — صباح النور. رايح فين؟
مازن: — الشركة.
أومأ آدم برأسه، ثم وقف من مكانه.
وقبل أن يخرج، توقفت داليدا فجأة.
كان هناك صوت سيارة تقف أمام الفيلا.
نظرت نحو الباب، وبعد لحظات دخلت نرمين.
اقتربت من شقيقتها سريعًا واحتضنتها.
نرمين: — صباح الخير يا داليدا.
ردت داليدا عليها بهدوء:
داليدا: — صباح النور يا نرمين... نورتِ.
جلست نرمين بجوار شقيقتها، لكنها لاحظت من اللحظة الأولى أن هناك شيئًا غير طبيعي.
نظرت حولها باستغراب.
نرمين: — أمال تالا فين؟
ساد الصمت داخل الغرفة...
تغيرت ملامح داليدا، بينما نظر آدم بعيدًا.
شعرت نرمين أن سؤالها فتح بابًا لم تكن تعرف ما خلفه.
نرمين: — في إيه؟ أنا قلت حاجة؟
أجابها آدم بنبرة حادة:
آدم: — تالا مش هنا.
نظرت نرمين إليه باستغراب.
نرمين: — مش هنا يعني إيه؟ هي فين؟
ترددت داليدا للحظات، قبل أن تقول بصوت منخفض:
داليدا: — مش عارفين.
شهقت نرمين بخفة، ونهضت من مكانها.
نرمين: — مش عارفين؟! يعني بنتكم مش موجودة في البيت وإنتوا قاعدين كده؟
تدخل مازن، الذي كان ما يزال يقف بالقرب منهم.
مازن: — يا طنط نرمين، الموضوع مش بالسهولة دي.
نظرت إليه نرمين بحدة.
نرمين: — أمال إيه اللي حصل؟ فين تالا؟
ساد الصمت مرة أخرى...
كان واضحًا أن الحديث عن تالا أصبح شيئًا مؤلمًا داخل تلك الفيلا.
وفي مكان آخر...
في شقة شهد...
كانت تالا تجلس بالقرب من النافذة، تنظر إلى الشارع بصمت.
مر وقت طويل منذ أن غادرت بيت عائلتها.
لكنها لم تفكر ولو للحظة في العودة.
كانت تحمل داخلها ألمًا كبيرًا، ألمًا لم تستطع الكلمات وصفه.
اقتربت منها شهد، وجلست بجانبها.
شهد: — سرحانة في إيه؟
ابتسمت تالا ابتسامة باهتة.
تالا: — في ولا حاجة.
نظرت إليها شهد بحزن.
شهد: — لسه بتفكري فيهم؟
صمتت تالا للحظات، ثم هزت رأسها.
تالا: — لا يا شهد... أنا خلاص مبقتش عايزة أفكر في أي حد.
أمسكت شهد بيد صديقتها.
شهد: — إنتِ مش لوحدك.
نظرت إليها تالا، وظهرت ابتسامة صغيرة على وجهها.
تالا: — عارفة... علشان إنتِ معايا.
وضعت شهد ذراعها حول كتفيها.
شهد: — وهفضل معاكي.
أغمضت تالا عينيها للحظات.
كانت تحاول أن تبدأ حياة جديدة...
بعيدًا عن كل من تسبب في كسر قلبها.
بعيدًا عن الفيلا التي كانت يومًا بيتها...
وعن عائلة كانت تعتقد أنها لن تتخلى عنها أبدًا.
لكنها لم تكن تعلم...
أن الأيام القادمة تخبئ لها اختبارًا جديدًا.
اختبارًا سيجعلها تختار بين الصمت...
وبين مواجهة الحقيقة وحدها.
................................................
في شركة الألفي...
كان مقر شركة الألفي من أكبر الشركات، ومع بداية ساعات العمل، ساد المكان نشاط واضح.
وصل سليم الألفي إلى الشركة برفقة ابنه عمران، وبعد دقائق وصل يزن قادمًا من تمرينه، واتجه مباشرة إلى الطابق الذي توجد فيه قاعة الاجتماعات.
أمام باب القاعة، وقف يزن للحظات وهو يعدل من ملابسه، قبل أن يفتح الباب ويدخل.
كان الجميع قد وصل.
جلس آدم الألفي في مقدمة الطاولة الكبيرة، وإلى جانبه ابنه الأكبر مازن، بينما جلس نديم ونذير ويامن وعمار وعدي في المقاعد المقابلة.
وفي الجهة الأخرى من الطاولة، جلس سليم الألفي، وبجواره عمران ويزن.
ساد الصمت للحظات، قبل أن يتحدث آدم بجدية.
آدم:
— أنا طلبت الاجتماع ده علشان المشروع الجديد.
فتح مازن الملف الموجود أمامه، وقال:
مازن:
— المشروع كبير جدًا، ولو نجح هيكون نقلة مهمة للشركة.
أومأ سليم برأسه.
سليم:
— وعلشان كده لازم ناخد كل خطوة فيه بحساب.
قلب عمران بعض الأوراق أمامه، ثم رفع عينيه إلى الجميع.
عمران:
— أنا راجعت التفاصيل كلها قبل ما أجي، وفي كام نقطة محتاجين نقف عندهم.
نظر إليه آدم باهتمام.
آدم:
— اتفضل يا عمران.
وقف عمران من مكانه واتجه نحو الشاشة الموجودة في مقدمة القاعة.
ظهرت أمام الجميع تفاصيل المشروع الجديد.
عمران:
— المشروع محتاج استثمارات كبيرة، وده مش المشكلة الأساسية. المشكلة إننا لحد دلوقتي معندناش كل المعلومات عن الشركة اللي هتدخل معانا كشريك.
تحدث نديم بجدية:
نديم:
— يعني إنت شايف إننا نرفض؟
هز عمران رأسه.
عمران:
— لا، أنا مش بقول نرفض. أنا بقول إننا مناخدش قرار قبل ما نعرف كل التفاصيل.
تدخل نذير:
نذير:
— وأنا مع عمران. أي شراكة جديدة لازم نعرف عنها كل حاجة الأول.
أومأ يامن موافقًا.
يامن:
— خصوصًا إن المشروع ده لو دخلناه، هيحتاج وقت ومجهود كبير من الشركة كلها.
كان عدي يستمع بصمت، قبل أن يقول:
عدي:
— طب ما نطلب اجتماع مع الطرف التاني ونعرف كل حاجة منهم بشكل مباشر؟
نظر الجميع إليه.
ابتسم آدم ابتسامة خفيفة.
آدم:
— اقتراح كويس.
فتح مازن ملفًا آخر وقال:
مازن:
— وأنا شايف إننا لازم نحدد مين مننا هيكون مسؤول عن المشروع بشكل مباشر.
تحدث عمار للمرة الأولى:
عمار:
— عمران عنده خبرة في المشاريع الكبيرة، ومازن كمان متابع كل تفاصيل الشركة. ممكن الاتنين يشتغلوا مع بعض.
نظر عمران إلى مازن، فأومأ مازن بالموافقة.
مازن:
— مفيش مشكلة عندي.
تحدث سليم بهدوء:
سليم:
— تمام، يبقى عمران ومازن يتابعوا المشروع من البداية.
ابتسم يزن وهو ينظر إلى أخيه.
يزن:
— كده عمران مش هيعرف يهرب من الشغل.
رمقه عمران بنظرة هادئة.
عمران:
— وإنت مالك؟ ما تركز في شغلك.
ضحك بعض الموجودين، مما خفف قليلًا من جدية الاجتماع.
لكن آدم عاد للحديث مرة أخرى.
آدم:
— في نقطة أهم.
ساد الصمت داخل القاعة.
آدم:
— الطرف التاني طلب يقابلنا بنفسه قبل ما يوقع أي اتفاق.
عقد نديم حاجبيه.
نديم:
— وإحنا نعرفهم؟
هز آدم رأسه.
آدم:
— لأ... ولسه هنتعرف عليهم.
نظر عمران إلى الأوراق أمامه باهتمام.
عمران:
— إمتى الاجتماع؟
أجاب آدم:
آدم:
— بكرة الصبح.
قال سليم بحزم:
سليم:
— يبقى كل واحد فيكم يراجع الملف كويس قبل الاجتماع. إحنا داخلين على خطوة مهمة، ومش عايز أي حاجة تحصل من غير ما نكون مستعدين لها.
أغلق الجميع ملفاتهم، بينما وقف آدم من مكانه.
آدم:
— الاجتماع انتهى. مازن وعمران يفضلوا علشان نتكلم في شوية تفاصيل خاصة بالمشروع.
بدأ الجميع في مغادرة القاعة.
وقف نديم، ثم نذير ويامن وعمار وعدي، بينما بقي سليم للحظات قبل أن ينظر إلى ابنه.
سليم:
— ركز في كل تفصيلة يا عمران.
أومأ عمران.
عمران:
— حاضر يا بابا.
غادر سليم القاعة برفقة يزن، بينما بقي آدم ومازن وعمران وحدهم.
وضع آدم يده فوق الملف وقال:
آدم:
— المشروع ده ممكن يغير حاجات كتير.
نظر عمران إلى الأوراق أمامه.
لم يكن يعلم...
أن هذه الكلمات لم تكن تخص العمل فقط.
وأن الأيام القادمة...
ستخفي له أحداثًا لم يكن يتوقعها.
..........................
في فيلا آدم الألفي...
بعد مرور عدة ساعات...
توقفت سيارة أمام بوابة الفيلا الكبيرة.
ترجلت تالا منها بهدوء، وظلت واقفة للحظات تنظر إلى المكان أمامها.
كانت الفيلا نفسها...
نفس البوابة، ونفس الحديقة، ونفس الجدران التي قضت بينها سنوات طويلة من عمرها.
لكن شيئًا بداخلها تغيّر.
لم تعد تشعر أن هذا المكان بيتها كما كان في السابق.
أخذت نفسًا عميقًا، ثم اتجهت إلى الداخل.
فتح لها أحد العاملين الباب، لكنها لم تتحدث معه.
دخلت بخطوات هادئة، وعيناها مثبتتان أمامها.
في غرفة المعيشة...
كانت داليدا تجلس مع شقيقتها نرمين.
وما إن وقعت عيناها على تالا، حتى تجمدت في مكانها.
أما تالا...
فلم تنظر إليها.
لم تتوقف.
لم تقل حتى كلمة واحدة.
مرت من أمامهما في صمت تام، واتجهت نحو الدرج.
راقبتها داليدا وهي تصعد الدرج درجة تلو الأخرى.
تحركت نرمين وكأنها ستنادي عليها، لكنها توقفت فجأة.
كان الصمت الذي يحيط بتالا يخبر الجميع أنها لا تريد الحديث مع أحد.
واصلت تالا صعودها حتى وصلت إلى الطابق العلوي.
وقفت أمام باب غرفتها للحظات.
وضعت يدها على المقبض، ثم فتحته ودخلت.
أغلقت الباب خلفها بهدوء...
وما إن أصبحت بمفردها، استندت بظهرها إلى الباب.
أغمضت عينيها للحظات.
كانت الغرفة كما تركتها.
كل شيء في مكانه...
سريرها، صورها، كتبها، وحتى الأشياء الصغيرة التي كانت تملأ المكان.
لكنها لم تأتِ إلى هنا من أجل الذكريات.
كانت تعرف أنها لا تستطيع أن تظل هكذا إلى الأبد.
تحتاج إلى عمل...
إلى شيء يجعلها تعتمد على نفسها وتبدأ حياتها بعيدًا عن كل ما حدث.
فتحت هاتفها، ثم أنشأت مكالمة جماعية مع أقرب صديقتين لها...
شهد ورقية.
بعد لحظات، جاء صوت شهد من الهاتف.
شهد: — ألو يا تالا، إنتِ كويسة؟
ثم جاء صوت رقية سريعًا:
رقية: — إنتِ فين يا بنتي؟ طمنينا عليكي.
تنهدت تالا بهدوء.
تالا: — أنا كويسة يا بنات... متقلقوش عليا.
ساد الصمت لثوانٍ، قبل أن تتحدث شهد بنبرة هادئة:
شهد: — طب اتصلتي بينا ليه؟ أكيد في حاجة.
نظرت تالا أمامها، ثم قالت:
تالا: — عايزاكم تساعدوني ألاقي شغل.
تفاجأت الفتاتان من طلبها.
شهد: — شغل؟ طب ليه يا تالا؟
أخفضت تالا عينيها.
تالا: — علشان عايزة أعتمد على نفسي... وعايزة أعمل حاجة لنفسي.
صمتت رقية للحظات، وكأنها تفكر في شيء.
ثم قالت بحماس:
رقية: — أمم... بصي، إنتِ شاطرة جدًا في التصميم والأزياء، إيه رأيك نعمل حاجة صغيرة كده؟ نصمم فساتين.
رفعت تالا رأسها بسرعة.
كانت الفكرة بسيطة...
لكنها جعلتها تفكر للحظات.
تدخلت شهد بحماس:
شهد: — فاكرة! الفكرة حلوة جدًا.
ظهرت ابتسامة خفيفة على وجه تالا، ربما كانت الأولى منذ وقت طويل.
تالا: — أيوة... بس أنا مش حابة حد يعرف.
قالت رقية فورًا:
رقية: — سهلة! ممكن نعمل اسم للصفحة، اسم مستعار أو حاجة كده، ومحدش يعرف إن إنتِ اللي ورا الموضوع.
أخذت تالا نفسًا هادئًا.
تالا: — تمام، ماشي... بس أنا مش معايا فلوس أبدأ بيها.
ضحكت رقية بخفة.
رقية: — يا ستي إحنا معاكي، مفيش مشكلة.
تدخلت شهد هي الأخرى:
شهد: — وطبعًا مش هتعملي كل حاجة لوحدك، إحنا التلاتة هنساعد بعض.
نظرت تالا إلى الهاتف، وشعرت بشيء من الدفء يعود إلى قلبها.
تالا: — أمم...
توقفت للحظات، وكأنها تفكر في الأمر.
ثم قالت بصوت هادئ:
تالا: — بس أنا مش عايزة أحس إني حمل عليكيوا.
ردت شهد فورًا:
شهد: — إنتِ مش حمل على حد يا تالا، وإحنا صحابك.
وأضافت رقية بحماس:
رقية: — وبعدين دي مش مساعدة وخلاص، دي بداية مشروعنا كلنا.
ابتسمت تالا رغمًا عنها.
تالا: — مشروعنا؟
رقية: — أيوة، مشروعنا. إنتِ تصممي الفساتين، وإحنا نساعدك في باقي الحاجات لحد ما نقف على رجلينا.
بدأت تالا تشعر بالحماس شيئًا فشيئًا.
نظرت إلى الأوراق والأقلام الموجودة فوق مكتبها.
لطالما أحبت الرسم والتصميم...
كانت لديها أفكار كثيرة، ورسومات احتفظت بها لنفسها لسنوات.
ربما حان الوقت...
لتخرج تلك الأحلام إلى النور.
لكن هذه المرة...
لن يعرف أحد من عائلتها.
لن تكون مجرد تالا الألفي...
بل ستكون فتاة تحاول أن تبدأ من جديد، بعيدًا عن كل شيء.
تالا: — خلاص... نجرب.
صرخت رقية بسعادة من الطرف الآخر:
رقية: — كنت عارفة إنك هتوافقي!
ضحكت شهد.
شهد: — يبقى من النهارده نبدأ نفكر في الاسم والخطة.
نظرت تالا نحو نافذة غرفتها.
للمرة الأولى منذ فترة طويلة...
شعرت أن لديها شيئًا تنتظره.
شيئًا يخصها هي وحدها.
بداية جديدة...
قد لا تمحو ألم الماضي.
لكنها ربما تمنحها القوة لتكمل طريقها.
.................
في فيلا آدم الألفي – مساءً...
بدأت الشمس في الغروب، وساد الهدوء داخل الفيلا الكبيرة.
بعد يوم طويل في الشركة، توقفت عدة سيارات أمام بوابة الفيلا.
ترجل آدم الألفي أولًا، ثم دخل خلفه أبناؤه مازن ونديم ونذير ويامن وعمار وعدي.
كان الجميع يبدو عليه الإرهاق بعد ساعات طويلة من العمل والاجتماعات.
وما إن دخلوا إلى الفيلا، حتى اتجه آدم إلى غرفة المعيشة، بينما جلس أبناؤه في أماكن مختلفة حوله.
دخلت داليدا بعد لحظات وهي تحمل بعض المشروبات.
داليدا: — حمد لله على السلامة.
رد مازن وهو يجلس على الأريكة:
مازن: — الله يسلمك يا ماما.
جلس آدم بهدوء، ثم خلع سترته ووضعها بجواره.
آدم: — اليوم كان طويل جدًا.
اقتربت داليدا منه.
داليدا: — الاجتماع خلص على إيه؟
أجاب آدم:
آدم: — لسه في شوية تفاصيل محتاجة تتراجع، بس المشروع مهم جدًا.
جلس نديم وهو يسند رأسه إلى الخلف.
نديم: — المهم إننا نعرف الطرف التاني كويس الأول.
نظر إليه نذير وقال:
نذير: — وده اللي اتفقنا عليه في الاجتماع.
تدخل عمار:
عمار: — أنا شايف إن الموضوع محتاج تركيز، خصوصًا إن المشروع كبير.
كان عدي يستمع إليهم بصمت، قبل أن يقول:
عدي: — بس لو كل حاجة مشت كويس، المشروع ده هيبقى خطوة كبيرة لينا.
أومأ يامن برأسه موافقًا.
يامن: — إن شاء الله خير.
ساد الصمت للحظات...
ثم نظرت داليدا نحو الدرج.
كانت تعرف أن تالا في غرفتها.
رأت عودتها في وقت سابق، وصعودها إلى غرفتها مباشرة، لكنها لم تتحدث معها.
خفضت عينيها بصمت.
أما آدم، فظل جالسًا دون أن يعلق.
في الطابق العلوي...
كانت تالا ما تزال داخل غرفتها.
جلست أمام مكتبها، وأمامها مجموعة من الأوراق والأقلام الملونة.
كانت تمسك قلمًا وترسم أول تصميم لها.
فستان طويل بتفاصيل بسيطة وأنيقة.
توقفت للحظات وهي تنظر إلى الرسم.
ثم ابتسمت ابتسامة خفيفة.
رن هاتفها.
نظرت إلى الشاشة لتجد رسالة من رقية.
رقية: — إيه يا مصممة الأزياء؟ بدأتي ولا لسه؟
ابتسمت تالا وكتبت لها:
تالا: — بدأت فعلًا.
بعد لحظات، وصلت رسالة من شهد:
شهد: — مستنيين نشوف أول تصميم.
أرسلت تالا صورة للرسم، وبعد ثوانٍ جاء رد رقية:
رقية: — واو! ده تحفة يا تالا.
ثم كتبت شهد:
شهد: — أنا كنت عارفة إنك موهوبة، بس التصميم ده أحلى مما توقعت.
نظرت تالا إلى كلمات صديقتيها، وشعرت بشيء من السعادة.
وضعت هاتفها بجوارها، وعادت للرسم مرة أخرى.
في الأسفل...
كان الجميع مجتمعًا حول مائدة العشاء.
جلس آدم في مكانه المعتاد، بينما بدأ الأبناء في الحديث عن يومهم.
مازن: — بكرة لازم نراجع الملفات مرة تانية قبل الاجتماع.
نديم: — وأنا هتابع مع القسم المالي علشان أعرف آخر الأرقام.
نظر نذير إلى شقيقه وقال:
نذير: — تمام، وأنا هشوف الجزء الخاص بالتنفيذ.
تبادل الجميع الحديث عن العمل.
لكن رغم وجودهم جميعًا داخل المكان...
كان هناك مقعد فارغ.
مقعد تالا.
لم يذكر أحد اسمها.
ولم يصعد أحد إلى غرفتها.
أما هي...
فبقيت في غرفتها وحدها.
لم تنزل لتناول العشاء.
ولم تنتظر أن ينادي عليها أحد.
كانت قد اتخذت قرارها...
أن تبقى بعيدة.
وأن تبدأ طريقًا جديدًا...
حتى وإن كانت لا تزال تحت سقف نفس الفيلا.
