رواية المتبرجة الفصل الرابع والاخير بقلم محمود الأمين
أول ما دخلنا لقينا خالد موجود جوه، ولكن الصدمة مش دي، دي حاجة متوقعة. الصدمة الحقيقية كانت في إن خالد كان ماسك في إيده سكينة، وعلى الأرض في جث. ة، والصدمة الأكبر إن الجث. ة دي بترجع لراجل كبير، والراجل ده يبقى والده الأستاذ جمعة.
خالد خلص عليه هو كمان! وطبعا إحنا كنا لسه مش فاهمين هو بيعمل كده ليه؟! أول ما دخلنا عليه، رمى السكينة من إيده ورفع إيديه لفوق وسلم نفسه. قربت منه ولبسناه الكلبشات، وجث. ة والده الأستاذ جمعة اتنقلت على المشرحة، واتحركنا بيه على المكتب عشان تبدأ التحقيقات ونعرف هو عمل كده ليه؟!
أول ما وصلنا المكتب وقعد قدامي، بدأت أتكلم معاه:
_ دوختنا يا خالد على ما جبناك، ودلوقتي إحنا مستنيين منك الحكاية كلها. عاوزين نعرف إيه اللي حصل؟! بس من البداية خالص، وتحكي تفاصيل كل جريـ.مة إنت قومت بيها؛ عشان في حاجات لسه عليها علامات استفهام، وإحنا محتاجين نفهمها.
= وهيفيد بإيه الكلام؟! أنا قـ.اتل ومعترف، أنا اللي قـ.تلت أبويا وأمي ومدحت وصفاء، وأظن إن الاعتراف هو سيد الأدلة، يعني الحكاية اللي عندي مش هتزود ولا هتنقص حاجة.
_ آه، ده إنت شكلك هتتعبنا يا خالد، ومش عاوز تتكلم وتقول إيه الحكاية! طيب، على الأقل فهمنا مين الناس اللي ماتت زمان في البيت المحروق، لما إنت اللي قـ.تلت والدك ووالدتك وقاعد قدامي ولسه عايش؟
= الحادثة حصلت قدامي، بس وقتها أنا كنت صغير، عندي 8 سنين، ومش عارف أهلي عملوا كده ليه؟! أنا هتكلم يا باشا، هتكلم وأقول كل حاجة، بس مش عارف حضرتك هتتفهم الموضوع ولا لأ؟!
أنا واحد اتلعب بيه عشان يرتكب جـ.ريمة، بس في النهاية اكتشفت الحقيقة اللي كانت أبشع بكتير من اللي عشته؛ الحقيقة اللي قـ.تلت بسببها أبويا اللي كان أغلى شخص على قلبي، وكنت عايش معاه من بعد الحادثة اللي حصلت زمان.
كنت وقتها بلعب في الشارع مع العيال، وعرفت إن خالتي ماجدة وجوزها كمال وابنهم أسامة جايين عندنا وهيباتوا كام يوم. والبيت عندنا كان كبير، ولما وصلوا كانوا تعبانين من سكة السفر. اتغدوا معانا، وبعدها دخلوا عشان يناموا.
بس بعد شوية كانت الدنيا بدأت تهدى والشوارع بتفضى؛ عشان خلاص الليل ليل. بس أبويا ما رجعش، وأنا لسه كنت بلعب مع العيال برضه، وأمي كانت عند بيت أهلها.
بس فجأة لمحت أمي بتتسحب وداخلة البيت. مكنتش فاهم هي ماشية كده ليه؟! فدخلت وراها عشان أفهم، وساعتها لقيتها بترش بنزين في كل حتة في البيت وولعت في البيت.
جريت خرجت من البيت، وبعد دقايق كان أهل البلد كلهم بيطفوا الحريقة. ولقيت حد حط منديل على وشي وفقدت الوعي، ولما فوقت لقيت نفسي في مكان غريب، بيت ما أعرفهوش.
كنت خايف في الأول، بس لما لقيت أبويا هو اللي قدامي اطمنت شوية، وبدأت أحكيله اللي حصل. وساعتها قال إن أمي هربت من البلد، وكان بيقول كلام عليها مش كويس وبيطعن في شرفها، وإنه كان شاكك إنها على علاقة بحد غيره.
وعدت السنين... 10 سنين كاملة، وصل سني لـ18 سنة، عشتهم كلهم مع أبويا وكنت بخدمه بعنيا. وكل اللي كان باقي من أمي صورة، ورغم اللي حكاه أبويا عنها، إلا إني كل فترة كنت بطلع صورتها وبفتكرها.
ولكن بعد فترة كنت بقلب على التليفون، ولقيت فيديو على التيك توك لواحدة وكانت بترقص وعندها ملايين المتابعين. عرفت إن اسمها سوزي أبو الدهب، بس أنا مستحيل أتَلخبط فيها، رغم مرور السنين دي كلها واللي أكيد شكلها اتغير فيهم، بس أنا كنت متأكد إن دي هي أمي سارة.
حتى لما وريّت الفيديوهات لأبويا، أكد على كلامي وإن دي فعلا هي سارة وغيرت اسمها لسوزي.
كنت بشوف كومنتات الناس على فيديوهاتها، اللي معظمها كلام مش محترم على واحدة المفروض هي أمي. وافتكرت كلام أبويا زمان عنها إنها كانت على علاقة بحد، وساعتها قررت أنتقم منها.
عرفت إنها في القاهرة، ومن خلال الفيديوهات اللي بتصورها في أماكن معروفة، روحت هناك وبدأت أراقبها. ده غير إني كنت متابع كل أكونتاتها على السوشيال ميديا عشان أعرف بتروح فين؟
ومن خلال مراقبتي ليها، شوفت صفاء، اللي رغم إنها متجوزة إلا إنها كانت بتحب الفلوس أكتر من جوزها. وكانت صفاء دي هي بداية الطريق اللي هقدر أوصل منه لسوزي.
في البداية اشتغلت في محل فرايد تشيكن معروف، كنت عارف إن سوزي وصفاء بيطلبوا منه، ولكن من سوء حظي المكان ده اتقفل. وعشان كده اشتغلت في شركة طلبات للتوصيل، واستغليت إن معايا موتوسيكل بوصل به الطلبات.
نجحت إني أقرب من صفاء، ورسمت عليها الدور إني بحبها وهي صدقت. وعرفت إنها بتكره سوزي ومش بتحبها، وبتتمنى إنها تموت النهارده قبل بكرة. وعرفت منها كل المعلومات اللي محتاجها.
لحد يوم الجـ.ريمة اللي لقيت فيه مدحت خارج من عند سوزي، وساب باب البيت من غير ما يقفله. ولما قربت من الباب، لقيت هدومها متقطعة وكانت بتتكلم في التليفون مع واحدة عرفت بعد كده إنها صفاء. كانت بتصرخ وبتقول إن جوزك اعتدى عليا.
وفهمت إن مدحت ده كان عندها وعمل حاجة مش كويسة. دخلت البيت وطلعت السكينة، بس قبل ما أخلص عليها عرفتها أنا مين. قلتلها إني أبقى ابنها، وقبل ما تدافع عن نفسها خلصت عليها وولعت في المكان وهربت.
وبسبب كاميرات المراقبة كنت عارف إني هتجاب، عشان كده سبت الشغل في شركة طلبات وقررت أختفي لحد ما أشوف هتصرف إزاي؟!
بس كان لازم في البداية أخلص من صفاء اللي شافتني واتعاملت معايا، وكنت خايف تعترف وتقول إني أنا اللي عملت كده، خصوصا إن عرفت من الجرايد والنت إن هي وجوزها مشتبه فيهم بقوة، وأكيد كانت هتجيب سيرتي في التحقيقات.
روحت عندها يومها بعد ما جوزها نزل. اترمت في حضني وكانت بتقول إنها زهقانة من العيشة مع مدحت وعاوزة تطلق. بس في اللحظة دي أنا طلعت السكينة وخلصت عليها.
بس اللي ما كنتش عامل حسابه إني ألاقي باب الشقة بيتفتح، وساعتها استخبيت في المطبخ، بس لمحت إيد الهون قدامي. مسكتها وخرجت، واستغليت إنه بيحاول يشوف مراته عايشة ولا ميتة، وضربته على دماغه. كان دايخ وبيحاول يصلب طوله، لكني زقيته وهربت ونزلت من العمارة، ركبت الموتوسيكل ومشيت.
وعرفت إن الدنيا مقلوبة عليا، وصوري ملت الإنترنت والجرايد، وعرفت إن الحكومة رصدت مبلغ عشان اللي يشوفني يبلغ عني.
وعشان كل قـ.اتل وليه ضحايا ممكن يكونوا ما عملوش أي حاجة، فأنا اخترت ضحية سمير، وده واحد صاحبي وكان بيشتغل معايا في شركة طلبات. كان بيقنعني أسلم نفسي ومهربش، ومكنش يعرف إني هغدر بيه.
ضربته على دماغه وفتحت الأنبوبة ورميت الولاعة من شباك المنور، وفي اللحظة دي الشقة انفجرت. وسبت بطاقتي جنب الجث. ة اللي أكيد اتفحمت، عشان لما تيجوا تقبضوا عليا تفتكروني مت.
وبعد ما خلصت كل ده، رجعت لأبويا، قعدت معاه وفهمته كل حاجة عملتها عشان أجيب حقه من الست اللي هي المفروض أمي.
بس أبويا كان ساكت، مش بيتكلم، مش فرحان عشان جبت حقه. وقال:
_ أنا عاوز أعترف بحاجة يا ابني... أنا افتريت على أمك، وكنت شريك معاها في الجـ.ريمة اللي قامت بيها.
ماجدة أخت والدتك كانت عايشة في الكويت من فترة كبيرة، وكان معاها فلوس كتير، وإحنا كنا بنمر بظروف سيئة من ناحية الفلوس. بس مشكلة ماجدة إنها كانت بخيلة، ولما سارة كلمتها وطلبت منها المساعدة رفضت، وقالت إن وراها التزامات كتير.
بس في الوقت ده إحنا كنا عارفين إن ماجدة وجوزها وابنها هيرجعوا قريب على مصر. أنا وأمك حطينا الخطة سوا إن إحنا لازم نخلص منهم، بس قبل ما يموتوا لازم يمضوا على تنازل بكل ما يملكوا، وبعدها نخلص منهم.
وده اللي حصل فعلاً يوم ما وصلوا على البيت عندنا. اتغدينا مع بعض، والأكل بتاعهم كان فيه منوم، وإحنا استغلينا ده وخليناهم يمضوا على أوراق تنازل عن كل ممتلكاتهم وفلوسهم وكل حاجة كانت باسم سارة بحكم إن هي أختها.
وفي نفس اليوم بالليل، أمك ولعت في البيت وهما جواه. ومن حسن حظنا إن الوقت اللي هما وصلوا فيه كان الصبح بدري، وما حدش من أهل البلد شافهم وهما داخلين البيت.
عشان لما حصلت الجـ.ريمة، أهل البلد كلهم قالوا إن الجثث اللي موجودة في البيت هي جثتي وجثة أمك وجثتك. ولكن أمك غدرت، وبعد ما صرفت الفلوس هربت واختفت.
وأنا عشت أربيك وأعلمك.
هي آه ما سابتنيش عشان راجل تاني، ولكن اللي عملته معايا اسمه خيانة وغدر، وأهي نالت جزاءها وماتت على إيدك.
...
كنت حاسس إني اتخدعت، وكنت عايش مع سفاحين، مش أب وأم. رغم إني قـ.تلت، بس هما السبب. أبويا قدر يلعب بيا ويلبسني كل ده. لحظة غضب مني خلصت عليه، كلنا غدرنا ببعض.
وكنت عارف إن خلاص كده كده هيتقبض عليا، ومش فارق معايا أي حاجة. أنا كل اللي فارق معايا إن نفسي ربنا يسامحني على كل حاجة عملتها، وربنا ينتقم من اللي كان السبب في كل ده.
خلص خالد كلامه، وتم تحويله للنيابة، وبعد التحقيقات والاعترافات، المحكمة حكمت على خالد رغم إنه 18 سنة بالإعـ.دام، وده وفقًا للمادة 111 من قانون الطفل رقم 12 لسنة 1996، والمعتبر قانونًا هو سن المتهم وقت ارتكاب الجـ.ريمة، مش وقت المحاكمة.
ووقت ارتكاب الجـ.ريمة كان خالد تم الـ18.
واتنفذ فيه الحكم بعد ست شهور.
كانت قضية مش سهلة، ولكن الحمد لله إننا قدرنا نوصل للجاني، اللي مش قادر أتعاطف معاه؛ عشان ده ما قـ.تلش شخص واحد، ده قـ.تل أربع أشخاص، ويستحق الإعـ.دام.
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
