رواية حين تتغير الاقدار الفصل السادس والخمسون بقلم قلم سناء الهموندي
.. خليني عندك شعر.... تقراني كلما تحن
وخليني عندك فرح... تذكرني كلما تون
وخليني عندك اسم... مو عالورق ينكتب
تكتبني وسط الكلب.... وحروفي ما ينمحن💕💕
خابرت خالتي هناء على بيت بيبي جوري لان مجان عدنا
تلفون احنه بس بيت عمتي نوره وبيبي جوري كالت الهم
لادزون ليث الأوضاع حيل متازمه وانذار بغداد كالت
الهم اريد أحاجي تكتم ضروري صدك اجتي بيبي جوري
ورحت وياه خابرت خالتي هناء وهيه تحجي بحذر
اسمعي تكتم كمشي ليث لاتخلونه يجي لو مهما حدثلان
بغداد فوضى وخطررره ومنعرف شيصير تره لا يرزح
يصير بالطريق شي عفيه خاله قشمري تحجي بخوف
وتحذر بيه وتكلي مو يجي ابد لتخلي حاولي انتي
تقنعي جاوبتهه من عيوني خاله حسبي مااجه مجنت
متوقه ليث عنيد والبراسه يسوي مهما صار رجعت للبيت
لكيت ليث جاي اول مشافني سالني وين جنتي كتله
رحت ويه بيبي شويه البيتهم مكتله امك خابرت لان هيه
حذرتني ماكله رحنه كعدنه اني ويا بالحديقه يسولفلي عن حياته بغداد واني اتنصت اله بامتعان كتله ليث
عفيه مو تروح البغداد هسه خلي الوضع شويه يهده ياله
كال وامي وخواني انتي تحجين صدك كتله خاله مخابره
وكالت راح تجيب خوانك وتجي سكت نوب كال اي
اروح اني اجيبهم كتله لا اخاف تروح وتطلع هيه جايه بالطريق نوب جتي امي هم حجت ويا وكلتله اصبر
يومين امك هيه راح تجي ابني لتستعجل استحه من امي محجه شي بس هز راسه
ثاني يوم نايمه الفجر سمعت باب الصاله نفتحت كمزت
من مكاني عبالك كلبي يعلم لكيت ليث مبدل رحت كباله وحجيت بخوف وين راح كال اروح اجيب اهلي كتله
فدوه لتروح والله اموت اذا صارلك شي كال تكتم ماكدر اهلي بخطر اني للصبح افكر بيهم توسلت بي ميروح
مقبل معاند ومصررر كال امي واخواني يخافون و ابويه
بدوام كتله ليث عفيه والله اموت من تروح بالي يمك
يبقى عفيه ماعليهم شي والله .. كال لا اروح وان شاء
الله مااتاخر اجيبهم واجي بعد مشفت اصراره ايست
نزلت راسي وياهه نزلت دموعي بدون سابق انذار. . ..رفع راسي بيده من حنجي وكال
ليث..... تكتم تخافين عليه هيج لج هاي شنو تبجين معقوله هل دموع والحب كله الخاطري والله وطلعت محضوض .
تكتم...حجيت بدموع وقهر اي والله اخاف كتله بعصبيه
وحركه لك انت روحي وحياتي كلهه شلون تريد ما اخااا....... بعدني ممكمله الجمله
جان يجرني عليه ويبوسني حيل ومقيده بيده بقوه اني
ماحسيت اله ضاربته راشدي ودافعته وكتله بعصبيه ليث
هذا استغلال يعني لان كتلك انت حياتي تسوي هيج.....
رفعني من دشداشتي ودفعني على المعرض وحجه
بعصبيه وعيونه نارر ساعتهه خفت ليضربني كال
اسمعي انتي مو صاحبتي ولا وحده غريبه لج انتي
زوجتي تفهمين لو اعيد و هسه مستعد اخذج ويايه
ومحد يكلي وين مو علمود بوسه تسوين عملتج السوده
واحد غيري يردلج الصاع صاعين بس اني اعتبر الي يمد
ايده على مره مو رجال لهذا السبب راح اتركج واني
رايحه بمنيه مدري اموت مدري اعيش وانتي بوسه
وتعزيه عليه دفعني وطلع صحت وراه ليث ليث ركضت
خله وراح واني كعدت ونصبته مناحه كعدت امي سالت
عنه كتله راح البغداد امي ردت بعصبيه وليش
ماكعدتيني جا ماخليته يروح شون هيج سوين هيه
تحجي واني زاد عندي القهر سكتت وحاطه ايدي على
خدي اجوي خالاتي وخوالي ضلوا يلمون بيه واني
مسطوره البوسه ساطرتني سطر وفوكاه باسني وخلاني
وطلع هوه الزعلان والله يا الله
مااعرف عنه شي تصلنه بخاله هناء ساعه الخمسه العصر
كالت مااجه وضلينه كلساع هيه تخابر واحنه نخابر
وضلت تفرفح خوالي مكلولهه طلع الفجر كالولهه طلع
ساعه 3/30العصر حتى متقلق وهو طلع ساعه سته
الفجر بعده نتصل ماكو بسبب وضع البلد من سيء الى
اسوء وبسبب الحرب نكطعت الاتصالات ومنعرف اخبار
ليث واني كاعده على نار مخلصتهه بجي والوم بحالي
نتصل ماكو نكطعت الاتصالات ومنعرف اخبار ليث واليوم
اله اربع ايام واني ميته بجي مااعرف شخباره اجتي
بيبي صايره نار وقلقه كلش على بيت خالتي هناء لان
همه بغداد وكالت الحرب بدت ودمرت انحاء بغداد الحلوه وراحوو بيهه كومه ضحايه واليوم ضاربين عنقودي
بدوره والجثث مطشره بشوارع وناس صايره لحم كلبي
وجعني هم على ليث وهم على حتلال بلدنه تعبنه من
الحروب فتحت عيني حرب وحصار مصار سنتين
ارتاحينه وهم رجعنه للانكس ركضت فتحت التلفزيون
ونشوف قناة العالم قناه ايرانيه تنفتح عدنا نباوعهه
بلبوكه نخاف من النضام لان اكيد اذا عرفوا بينه نروح بيهه وننحسب من المعارضين لصدام شفنه الاخبار والاوضاع
كلهه مطمن حيل مو زين كمت ابجي بحركه وقهر امي تجي تحاول طمني تالي نعلت الشيطان وكمت التجأت الربي فرشت فراش صلاتي وكعدت اصلي وادعي من كل كلبي الله يرجعه بسلامه بيومه مانمت من القلق وكل احنه عشنه ليله مرعبه أكثر ليله حسيت نفسي خايفه عليه بقيت للصبح سمعت الفجر اذن صليت صلاة الصبح ونمت غفيت ساعه من التعب ومااحس اله صوت خالو
سلطان يحجي واني بين النايمه وكاعده اسمع صوت ليث ويا صوته كلت اكيد هذا حلم خليني مغمضه ماريد افتح عيني وانصدم بالحقيقه والله شو عبالك صوته صار اوضح واني اكيد ميزته هذا حقيقه ليث صوته مميز اعرفه من بين ميه صوت كمت من فراشي بلهفه ونزلت
ركض عيوني مغمضه تك وفاتحه تك افرك بيهن خاف
اني متوهمه ياربي يطلع هوه ومتخيب ضني شفته
يمشي بتعب ووجه اسود ومبين عليه شكد تعبان
من لهفتي وصدمتي بشكله نسيت خالي سلطان وياه
ركضت بدون وعي مني و شبكته بلهفه وخوف عليه اول
مره يصير عندي هيج
حساس سلمت عليه واحجي واباوع بعينه ردلي السلام
بتعب وهوه يباوع بعيني بعيونه التعبانه وعيونه
تحجيلي شكد هوه تعبان صفنت بيهم كانما ماكو
احد غيرنه بالبيت فززني صوت خالي سلطان صافن
عليه وكال يمعوده نحن هنا وليث مصدوم من تصرفي
ولهفتي ونسه حتى تعبه وين من راح اخذ كف مني
وزعل بسببه وين من رجع بحضن ولهفه وخوفي عليه
واضح شكله يكلي مستحيل متوقع اسوي هيج واتلكا
هل ملكه خجلت من خالي سلطان وطبيت ركض جوه
حتى ليث عفته واكف وبعد بصدمته هههه هل حدث
صار بالحوش مالتنه رحت الامي واحجي على السريع
واني الهث
ا .....يمه اجه ليث احجي بصوت وفرح امي بتسمت
وكالت على كيفج يمه الحمدلله على سلامته...... طب ليث وخالي و كعدوا ويه اخواني وامي كلهم كعدوا يسلمون عليه ويتحمدوله بسلامه
شمس ..ليش هيج خاله ليث كطعت كلوبنه عليك
وين جنت يمه ضل بالنه وانت تعرف الوضع موزين بس
كلي شلون اجيت وامك تدري لا ......
ليث ... جر حسره وحجه بقهر افففففف يا خاله شحجيلج وشسولف رحت للبيت كوه
وصلت بمعجزه تكولين مجزره صاير البلد عباره عن فلم
رعب من بس الفرق هل فلم اصبح حقيقه واحنه
مجبورين نعيشه منضر مرعب من السيارات والدبابات
العسكريه الامريكيه الترست بغداد بليله ويوم وين
وشلون كدروا يحتلونه بهل سرعه محد عنده جواب
المهم مشيت لما خويت من التعب والله وبمعجزه
لكيت سيارات و صعدنه وحده لدوره ومن الدوره للبيت
دك مشي لبيتنه وياريت على طريق العام فوتونه لا كله
بالبساتين وطرق بحياتي مشايفهن رغم ما اني فار بغداد
فر كولي الحمدلله بعد معانان وصلت المغرب تلكتني امي
تبجي وتحير عليمن تخاف وعليمن تنقهر كالت اخذ
خوانك لبيت بيبيتك واني انتضر ابوك اجي اني ويا
ضليت بين نارين نار امي ونار خواني الي خايفين بسبب
الوضع والله نحطيت كدام امر الواقع وبعد اصرار من
امي قتنعت اوعفهه تنتضر ابويه وصدك ثاني يوم
طلعت اني واخوتي من الفجر بس ماكو سيارات تكولين عبالك ماكو عالم بس احنه الناس من اللخوف كعدت ببيوتهه تالي أجينه مشي اخذتهم لسكه مال القطار ومشينه شويه امنه مناك رجلينه بعد محسينه بيهه من
الفركاس والتعب امشي وعيني عليهم شون انتهو من التعب بس جنت طول الطريق اصبرهم وكل همي اوصل اخوتي بامان لان بغداد صارت بأر للموت حجاهه بحسره وقهر ...ونادر تلكين واحد بقه بيته كلهه عافت بيوتهه وهجت .......
تكتم .....هوه يحجي وكل احنه نقهرنه ليش هيج احنه
من دون البلدان منرتاح معقوله ارضنه هلكد شربت دماء
وبعدهه مشبعت عفيه بلد مشفت يوم راحه .....اباوع
عليه يحجي سوده عليه وشحاله شايل هم اخوانه ازغار
يشيل واحد وينزل واحد طول الطريق ولد خالتي صغار
خالتي بسلامتهه سطرتهم واحد على الثاني وذول الاخر
شي صغار كلش فتعبان وياهم بالطريق حيل وبعد ما
واصل موديهم يم بيت بيبي جوري واجه كبل علينه
بيبي كايلتله شمس وتكتم بالهم مشغول عليك وهوه
جاي يطمنه سوده عليه ...خالي سلطان راح لبيتهم
وليث بقه يمنه امي مقبلت يروح لبيت بيبي يكول
صفن شويه بعدهه كال مامصدك وصلت اصبر بخواني
واني مايس اوصل الحمدلله على كل حال ضحك نوب كال اجيتكم بترابي حتى مسبحت ....امي كالتله
.......كوم يمه ليث اسبح وارتاح حتى تاكلك لكمه وتنام صاحت عليه وينج تكتم
حظري الحمام ال ليث وسويله لكمه ياكلهه ......
..حظرتله من ملابس اخواني وصحتله يسبح اجه
يمشي بتعب يباوعلي ويبتسم استحيت من نضراته
عرفته يقصد لان حضنته وصل يمي نزلت راسي بفشله
خفت باوعلي ضحك بصوت
و طب سبح بدون ميحجي كلمه واني بيقت منتظرته طلع
من الحمام شافني واكفه منتضرته مشيت بدون ماحجي
بعدني خجلانه منه اجه ورايه كانما افتهم اكله تعال
التفتت اله باوعت اله صافن عليه طبيت للغرفه اريد
اختلي بي واطلع قهر كلبي وخوفي عليه من طبيت هوه
هم طب ورايه اول مطب التفتت اله وحجيت بشبه
عصبيه استغليت المكان وحدنه بالغرفه كتله
ليش هيج ليث تكطع كلبي عليك وتخليني افرفرح تدري
صار بيه لو لا والله ردت اموت من وراك انت واحد
قاسي مع الاسف متوقعتك لهل درجه تقسه بيه وتخليني
اتوسل بهذا وذاك حتى اعرف اخبارك سكتت منتضره
جوابه حجه بهدوء عكس الانتفاضه الانتفضتهه من
دقايق وهوه ينشف براسه بكل برود كال مو مترديني
وضربتيني راجدي وسويتيني استغلالي مو مشكله اني
اعلمج منا وهيج الاستغلال شلون يصير من صدك
ليث....شفتهه نصدمت بكلامي وعيونهه لمعت مبينه تريد تبجي
بتسمت بخبث حسيت نفسي رجعت الهه الراشدي عفتهه
ورحت بفراشي وهيه صافنه عليه كتلهه طفي ضوه
وراج وسدي الباب طلعت وسدت الباب بقوه ضحكت
التصرفهه بس كلش فرحت من شفت لهفتهه والحب
البعينهه اليه مجنت متوقع راح تكون هيج خايفه عليه
نمت وثاني يوم كعدت على عطرهه تارس خشمي
وتهمس كوم اتريك والله كعدت لكيتهه محضره الريوك
صبت الجاي ورادت تطلع صحتهه كعدي تريكي ويايه رجعت بهدوء كعدت باوعت عليه وكالت بصوتهه اسفه
سكتت كملت الريوك كلت الحمدلله رجعت كالت يعني
مراح تفك والله اسفه كتلهه اني ماحب كلام احب تنفيذ
صفنت عليه وكالت شون يعني اشرت الهه على خدي بمعنى بوسيني ترددت باوعت عليهه وكتلهه شفتي انتي
بس كلام والله شو فاجأتني من طبعت بوسه على خدي برقه نصدمت ونفس الوقت طمعت باكثر اشرت الهه منا
تقربت وطبعت الثانيه اشرت على حلكي دفعتني وكالت
كافي بعد ضحكت واخذتهه بحضني ونسيت الزعل كله
مرن الايام واجتي امي هيه وابويه وهمه مقهورين على
بغداد شون سقطت وشون تحولت خراب بيد الانجاس
انتضروني ولو طولت عليكم تحملو راح اقلص القصه واختمهه ......
