رواية حين تتغير الاقدار الفصل الثامن والخمسون والاخير بقلم قلم سناء الهموندي
ابال مَن نلكه بعد منك وصيه
ابال من تتخاوه جرفين النهر
ابال من تحتام اديه تشتم تعبها
وتنفض من اطرافها اتراب الخدر
ابال من تلكه السمه ولايه جديده
اطفي ظلمتها وتوجلها الكمر
ابال من والصفنه تشتلني علامه
ويطفح بهرشي حياتين الملح
ابال من والصفنه تشتلني علامه
ويطفح ابعيني النشد باول مهد
وجلمه الخوف الذليله
اتضل غريبه ..اتضل بعيده
اضل مثل بوسه حلم من غير خد
تكتم ...قرر يلبسني بوشيه معارضته حبيت غيرته
واهتمامه الزايد بيه وحرصه وهنا بدأ ايام حياتي
الجديده ويه ليث خالتي مجانت تلمه الكاع من الفرحه
وهي اخذت بت اخته الي هيه اني وجابت من ريحة
خواته لان جانت تحس بغربه وحدهه بغداد
كعدت الصبح سويت ريوك ويه خالتي اكمل شغلي بليل
لان صبح دوام عندي ردت ابطل بس ليث مقبل الوضع
كلش يخوف امريكان بكل مكان من غير البوك والنهب
الصار بدوائر الدوله والبنوك الشعب باك روحه وترست
ابطونهم الحرام مع الاسف احنه نباوع الاخبار ونشبع قهر
تريكنه صاح عليه ليث حتى نطلع سوه يوصلني للدوام
وهوه يروح لدوامه ليث يدرس صناعه ياخذني بسياره
للدوام وصلني وراح اخذنه كم درس وطلعنه فرصه
امشي ويه صديقتي ونسولف بساحه المدرسه اباوع
المدرسه نخبصت والطالبات يركضن ناحيه باب المدرسه
حسيت جمد الدم بعروكي لني بلا كلشي خايفه مو نوب
اشوف هيج يصير رحت جبت جنطتي وجيت سالت
الطالبات شكو جاوبتني وحده وكالت صاير تعرض على
مركز تجمع الشيوخ الي جان مقرهم مقابيل المدرسه
مالتنه اني من الرهبه تركت المدرسه وماعرف شلون
وصلت للبيت خالتي شافتني تخبلت سالتني ليش هيج
صفره وترجفين وليث وين جاوبتهه واني ابجي خاله
صار قتحام على المركز الكبال مدرستنه واني رجعت من
الخوف خطيه خالتي جابتلي ماي شربت بعدهه نمت
محسيت اله ليث يكعدني واني نايمه بملابس المدرسه
من شفته بجيت وكتله بعد ما اداوم حضني وبتسم
كلي ....مع الاسف طلعتي جبانه واني اكول مريتي
سباعيه جاوبته واني امسح بدموعي عفيه ليث ماريد
اداوم بعد مسح هوه دموعي و أصر اداوم كال مباقي
شي وتكملين هل سنه وكعدي مرت الايام واني يوم
اداوم وعشره اغيب كضيت الايام بالقلق شلون مجان
ليث بطل من الدوام لان الوضع كلش صار بخوف كتل
كله على الهويه الاسمه علي ينذبح والاسمه عمر ينذبح
بختصار الكل مذبوح انزرعة الطائفيه بلدنه مع الاسف
وصارت ناس تذبح ناس اخ يكتل باخو جار كتل جاره
انعدمت الرحمه بكلوبهم حال البلد يبجي وإلارهاب بدة
يصفون بينه يوميه تفجير كثره التفجيرات بحيث كمنه
نسمع باليوم اكثر من 5 نفجيرات باماكن متفرقه اني هم
بعد التفجير مارحت لدوام لا اني ولا حتى ليث اهم شي
سلامة ليث عندي بالي مو يم أحد بعد زواجي بتقريبا
4اشهر بدت عندي اعراض اخذتني خالتي للمختبر حللت
طلعت حامل فرحت وخالتي طارت من الفرح لو ما عيب
جان حتى ابو المختبر باسته من الفرح رجعنه للبيت
بالغتهم بحملي الكل باركلي خالي انور طاير من الفرح
راح يصير جدو. وخالتي متنطي فرحتهه الاحد وصرت
حامل وخالتي طايره ومتخليني حتى اتحرك تخاف عليه
مشت الايام وحملي متعب بشكل لعبان نفس وثكل
وصلت بحملي 8اشهر وقربت الامتحانات نهاية السنه
كثرت الطائفيه صار القتل شي طبيعي يوميه واحد من
المنطقه مقتول وابشع طرق ينقتل وبيوم كاعدين اني
وخالتي وخالي انور ولد خالتي الصغار كاعده يمهم بطني
بارزه حاطه الكتاب بايدي واقره بما انو قربت
الامتحانات جنت رافضه امتحن بس باصرار من ليث
كلت هنه كم يوم اخلصهن وكعد طب ليث للبيت الوجه
احمر وحالته حاله كامت خالتي تساله شبي واني وراهه
كال نقتل صديقي طبعا هذا صديقه الروح بالروح كلش
مقرب اله خالتي نقهرت وحتى خالي يعرفه راح هوه
وليث الفاتحه الولد ليث نهار عليه بحيث خالي رجع
وحده للبيت الغروب سالنا وين ليث كال طلع لنجف
وياهم لدفنه خالتي عترضت وكلتله ليش خليته يروح
جان منعته متشوف الوضع شلونه جاوبهه خالي ليث
منهار على صديق عمره شلون تردين امنعه يروح
بدفنته ...من خوفي على ليث للصبح منمت حتى قرايه
مقريت بالي كله يمه ومنا امتحاني بعد أسبوع واني بالي
كله يمه واهلي أخبارهم مو زينه لان تفجيرات بكثر
صايره والقتل وألاوضاع مالت البلد كلهه مامستقره
ومطمن خمس ايام مرن علينه مثل الزقوم ليث ماكو
احس بنفسي كبرت خمس سنين مو خمس ايام
دك التلفون الارضي ركضت رغم حملي وثكلي بس مدرت
بال وكفت اسمع حمايه غيث يحجي ويه واحد كال
ليث يم بيت عمه يكول بلكي كم يوم ويرجع لان
الطريق مسدود وميكدر يجي اني من كال هيج متحملت
الخبر كتله مستحيل ليث يوصل الحله وميجي اكيد
مصاب لو شوف شصايرله حاول يطمني بس اني قافله
ذاك اليوم منمت او بلاصح صار خمس ايام احنه
مشايفين نوم ومنا بطني تلويني احس وجع مو طبيعي
بعدني بدايه الثامن بس من القلق صارت عندي تقلصات
لصبح افتر مصدكت طلع الضوه ركضت الخالتي وكتلهه
خاله عفيه روحي شوفي ليث بالحله شوفي شكو ماكو
والله كلبي راح يوكف اني كتلهه هيج وهيه كامت دك
وتلطم يمه ابني بي شي اني كلبي ممطمن انتو ضامين
عني شي تحجي وتملخ بوجهه خالي انور صاح بعصبيه
بيش مفاولاته كنالجن ماعلي شي كال الكم النجف
نسدت وهسه بيت عمه على ساعه يرجع يامره ستهدي
برحمن لاتسكمينه ماكو شي جاوبته خالتي وهيه تبجي
..... يابرود اعصابك مدكلي شون عندك هيج كلب ابنك
خمس ايام ماكو وانت ولا يمك ..... اباوعلهم تعاركوا
خاله هناء وخالو انور واني مابيدي غير بس البجي كتلهه
الخالتي اريد اروح لبو الجوادين والله مااتحمل بعد
خطيه دزت ويايه غيث ورحنه لكيت باب الامام
مسدود كعدت بالباب وانخه بالامام بجاه عند الله يرجع
الي ليث لان طاقتي خلصت كعدت باب الامام انخه بي
وابجي نكسر خاطري جي مسدود بابه مكدرت اطب بس
اني كلبي محروك وماعرف شسوي بقيت لضهر يله
رجعنه طبيت بوجهي للغرفه والله هستوني اسد باب
غرفتي ولن ليث داخل ركضت عليه. حضنته والدموع
وحدهه تنزل ابجي واحجي ليش ليش هيج ليث
مفكرت بيه مكلت هاي تموت بدوني حضني وسحبني كعدني على الجربايه وهوه يحاول يهديني بعدهه كعد يحجيلي شصار ويا
ليث ...........طبيت ازور الامام ونزور الجنازه وطلعنه
دفنا وصار هجوم بين احدالمسئولين ووشخصيه مهمه
و ... شخص معروف تعاركوا بالنجف نسدت الطرق
وأغلب الناس مكدرت ترجع و من ضمنهم اني الناس
بقت بالنجف ومنعرف أخباره حتى اهل المرحوم حسن
صديقي ماعرفت اخبارهم لان فترقنه بالنجف اني
بصعوبه وبالموت وصلت للحله بقيت كم يوم لحد
منفتحت الطرق وكدرت ارجع حضنته وكتله بعد
لتعوفني هز راسه وباس راسي وكال اسف خوفتج
عليه انتي وامي الي ساعه هيه تبوس بيه من طبيت
عبالك جنت اسير كتله طبعا متعرف شصار بينه بغيابك
تنهد وكال.... بشري شوكت الامتحان ..رفعت راسي
وجاوبته عكب بأجر واني مقاريه اصلا قلق وخوف
كتله خلي اترك السنه ليث ماريد امتحن مقبل و أصر
امتحن وفعلا اجه يوم الامتحان ورحت وصلني ليث
بسيارته بس الغش بيومه المدرسين يردون للطلاب
حتى بس يطلعون من خوف الوضع البره واني ولا يمي
بغير عالم مالي واهس حتى ماعرف شكتبت واحنا
بقاعة الامتحان كالو سياره مفخخه مستهدفه المدرسه
كوه سلمنا الاوراق وطلعنا اخر امتحان جان كملته
بصعوبه من الخوف والاوجاع التصير عندي الحمد لله
كملت اخر متحان بخير بس خايفه من الانكليزي لان
لامدرس ولا ملازم مثل هسه قريت وحدي والاساله
اجتي بلامتحان جانت صعبه اغلب الطلاب تبرشم اله
اني عبالك راح شو شسوي كملت الامتحانات ورجعت
للبيت اسحل بروحي حتى منتضرت ليث طلعنه من
وكت وليث يتاخر.... سنوات من العمر كظيناه بس اهات
وخوف اكيد أهل بغداد يذكرون مآسي الطائفيه وره
فتره اجتي صديقتي عليه للبيت كالت تكتم النتائج
طلعت هسه جبت نتيجتي رحت استلمت طلعت ب 2
كتلهه انشالله تعوضيهن كالت دزي ليث يجيبلج
نتيجتج. كتلهه ليث بشغل وماكو أحد بالبيت راحت
هيه لبيتهم واني لبست وطلعت طبعا اني ماخذه اذن
ليث اطلع للحالات الطارئه اذا هوه مموجود وبالمقابل
هوه معترض أجرت تكسي من رأس الشارع ورحت
للمدرسه لان حامل مكدرت اروح مشي اول مره بعمري
اركب تكسي وحدي برغم ما تملكني الخوف لكن بذاك
اليوم جان كل همي بس اشوف نفسي شطالعه رحت
وستلمت درجاتي زينه كلهه بس واكعه بالإنكليزي
معدلي 79 ادبي رجعت مقهوره لان مكمله رجعت مشي
وعيني مليانه دموع بعدني بدايه الفرع مال المدرسه
ولن اشوف ليث لاحكني بسيارته نزل واجاني بالهفه
يسالني ...... ها بشري نطيته الشهاده واني ابجي قره
الدرجات وكال الحمدلله معدلج زين واذا على الانكليزي
شدي حيلج بالدور الثاني وانشالله تنجحين حاول
يواسيني واخذني و رحنه للامام الكاظم (ع) زرنا
ودعيت الله يوفقنه بحياتنه وكلشي مااريد بس تمام
الخلقه للي بطني وليث يكلي كلشي يهون بس كومي
بسلامه القهر موزين وبعدين اكو دور ثاني. صدك رجعت
للبيت خالتي مثل حجايه ليث كالتي جيبي وذبي الطفل
عليه وعوضي الدرس اقري ونجحي حمدت ربي على
عائتي .....مرت الايام واليوم اول يوم بشهري واني
كلشي ممجهزه لطفلي نخاف نروح للسوك
واصلا الشوارع شبه خاليه اخطر منطقه بالعالم يمكن
صارت منطقتنا كونها خليط بين طائفتين سنه وشيعه
كاضميه والاعضميه واحنه بنص هل منطقتين طبعا
مينعرف احد بيهم من الي يقتلون اكيد الي يقتل مينتمي
ال اي مذهب بس كانت فتنه اول منطقه صار بيه ألقتل
منطقتنا تصفيات ناس تطلب ناس وبدت تصفيات
الحساب باسم الطائفيه حتى الي بينهم عداوه وتحد
يقتل الثاني وذبوهه باسم اختلاف المذاهب ناس زرعت
طائفيه وصار القتل حلال بالنسبه الهم ....... نايمه
وفزيت بليل عندي أوجاع خاله هناء أصرت نروح للقابله
نجيك الوضع لان هاي الفتره مرحت راجعت لا دكتوره
ولا شي ....وصلنه ليث للقابله وبعد مجيكتني كالت ....
..... عيوني عده ولاده ضروري للمستشفى تأخذوه
خالتي هناء.... ضلت تتوسل بالقابله فدوه يامستشفى
الروح الهه الوضع تعبان انتي مو تدرين عفيه جيبه يمج
واني انطيج شتردين .....
جاوبتهه القابله... حبي مااجازف هاي بجر ولادته مو سهله
وبالأخص ولادتهه متعسره .. جاوبتهه خالتي عفيه احنه
نوقع والتسهيل من الله ..... كتلهه خاله ياولاده واني
ممحظره شي باجر يله ادخل بشهري على حسابي
بس الدكتوره مقدمتني بالسونر كوه قنعت خالتي و
رجعت ارجف خايفه ممجهزه كلشي ختنكت لاامي ولا
اخواتي يمي حسيت بغربه رغم وجود ليث وخالتي
بس مو مثل الام والأخوات كعدت ابجي مدري من الوجع
مدري من شتياقي الاهلي بلاخص بهل يوم اريد امي
يمي خالتي نقهرت عليه كابلتني وكعدت تكلي لج عيني
انتي هس اجهزلج احلى جهالو والله بس كوميلي
بسلامه لاتخافين يا امي ماكو شي كولي يالله وكومي
سبحي ماي حار وتعالي صدك والله نص ساعه اني
بالماي حار طلعت لكيت خالتي مفوره هيل شربت
وكعدت قريت سورة مريم و الانشقاق وليث حظر
ملابس اليه ولطفل كتله امي انطتني حظينه وكماط
وثوب زغير كالت ذني ابوجن مشتري اقماش ابيض
كودري ومخلي يم بيبى ام علي وبيبي محتفظه بي من
جابت ختام ابنه الجبير انطته القماش بعد ما خيطته
خيطته وكالت تحتفظن بي هذا من ريحت تمار طلعهن
ليث باوع الهن وكال الله يرحمه الابوج ويخليلج ابوج
الثاني عمج كميل كتله اي والله هذا اب ونعم الاب ربانه
بدم كلبه ومقصر ويانه بيوم....سفط الهدوم والحضينه
ليث ويه ملابسي ورحنه للقابله فترينه على الشارع
بالكي نلكي هدوم لاطفل بس ماكو اغلب المحلات معزله
ملكيت شي ذبيتهه على الله ورحنه وسبحانه الله سهل
ولادتي ونور تمار فلعت كمر الله عوضني بي عن
دراستي الي خسرته من وره الطائفيه سميته تمار على
اسم ابويه هيج تفقت ويه ليث وهوه معارض ابد خالتي
طارت من الفرح واخيرا شرف حفيدهه وطبعا ليث
فرحته متنوصف بعد مشال بيده تمار الصغير باسه وكبر
باذنه ورجع باسني براسي وكال يجعله سند الج يفرحت
كلبي رجعنه للبيت وهلمره زايدين نفر جديد ونمله بيتنه
بالفرح ثاني يوم اجني امي وبيبي جوري وختام وخالتي
سلطانه كلش فرحت بجيتهن بقن سبوع يمي طبعا اني
محسيت بتمار ضال من ايد الايد مرت الايام ورجعوا
اهلي ورجعت حياتنه طبيعيه بس اكيد متخلوا من
التفجير والقتل والتسليب ابد......... بدينه بسنه جديده
مأساويه مليئه بدماء الابرياء سنه 2006/كانت أشد
السنين رعب جرائم القتل والجثث مجهولت الهويه بكل
شارع وزقاق ابشع الجرائم تمار كبر شويه ونشنش
وبدت خطواته تملي علينه البيت حياتنه مستقله صح
لكن اضطرابات خارجيه يوميه تطلع شغله صغح والناس
تتهجول بدت العالم تهاجر العراق وعافت املاكهه
وبيوتهه فارين من الموت يردون مكان يالتجأون اله
يحميهم ....طبعا خالتي جانت أمنيته ترزوج أولاده
كلهم وتفرح بيهم ماعرف ليش هيج مستعجله على
زواجهم لدرجه حتى الصغار تريد تزوجهم وفعلا لكينه
عروس حلوه ومرتبه لغيث و زوجته خالتي غيث جان
يشتغل باحد مطاعم او فنادق بغداد المشهوره مرت الايام....
وصار الي ممتوقعينه نكبه غيرة حياة العائله عيد
وفرحانين ملابس العيد بعدله ايام حاليا اواخر ايام
رمضان حضرنه الفطور وكعدنه كل احنه لمه عائليه
نريد نفطر منحس اله الباب تتكسر تكسررر ركظوا الولد
يفتحون خالي مخلاهم صعدهم فوك وهوه راح يفتح
صعدنه ليث من ضمنهم اني ومرت حماي وتمار عبرنه
على سطح الجيران امنه عدهم وهمه راحوا فاتح خالي الباب
وطلعوا الاأمن وستخبارات كلهم رتب جاين....
مداهمات علينه غيث متعارك ويه ابن مسؤل بدوله
بالمطعم الي يشتغل بي مكسر المطعم وغيث ممقصر
مكسر الولد إلى درجه ميكدر يتحرك طبوو الامن علينه
كأنما ارهابيه طبعا احنه عدنه علم بعركه غيث بس
متوقعناهه هيج جبيره خالتي دك وتلطم وخالي انور
كلهم محد موجود بس اني والحجيه يقصد خالتي وكلهم
هذا اني كبالك اذا تحبون اخذوني وفعلا سحلوا خالي
سوده عليه لا رحموا ولا رحموا شيباته خالتي من حلات
روحهه ذبت روحهه عليه اجه واحد ضخم دفعهه وكعت
على الرصيف بهل يوم جانوا يمنه بيبي جوري وخالتي
سلطانه همه شايفوا وشهدوا الصار اخذوا خالي وراحوا
بقينه احنه ندك ونلطم بالبيت اخذنه الاشياء الضروريه
ورحنه كل احنه لدجيل بيتنه رموو عليه طلق وكتبوا
عليه مطلوب عشائريا أخذنا سياره ونطلقنه اسوء يوم
كان بحياتي مااعرف شصرف تركت بغداد وطلعنا وطبعا
اسماء الولد بجميع السيطرات وصلنه لدجيل وتركنا
خالتي هناء هناك مقبلت تجي هاي خالتي من يوم يومه
متحب تعوف بيتهه الاي ضرف كان صدمه بلا وعي مني
عفت ليث بغداد شلون وليش مادري كل الي اعرفه لازم
اوصل امانه خالتي الي همه حمويني الصغار وتمار البر
الامان والطريق كله ابجي واني اشوف الظم وماكو
حكومه عادله وبيهه خير وصلت ميته بجي دكيت الباب
بدموع وحركه كلب مااحس اله ليث فاتح من شفته
نسيت العالم ونسيت كل الموجودين وحضنته وان
ي ابجي واكله تعبت تعبت ...سلموا عليه خالتي وبيبي
وهوه يستفسر عن اهله بيبي سولفتله تخبل خابر خالتي
وطمنته انو راح يفضوهه عشائريا ملتمين عمامنه
وخوالنه وراحوا على اهل الولد وحاليا ماخذين عطوه
شويه طمنتنه خالتي وفعلا مر سبوع واحنه لا ليلنه ليل ولا نهارنه نهار ....
خالتي تخابر وخطيه احس برجفته دفعنا فصل أربعين
مليون بعمليه نصب واحتيال المهم دفعنا الفصل حتى
نخلص من ملاحقه الدوله النه ورجعنه للبيت بس
خالتي مكسوره ونفسيته مو مثل قبل وصحتهه بالنازل
فريناهه دكاتره ومستشفيات وهيه حالتهه للانكس عدت
أربع اشهر على السالفه وبيوم كعدت الصبح لكيت خالتي
الوجه محتقن ازرك وكوه جر النفس طبعن قبلهه بيوم
كامت على حيلهه عجنت وخبزت وسوت كليجه وكلساع
وكالت أوصيج ب اولادي ديري بالج عليهم اني اجاوبهه
بضحك بارتني بريره وصيني على غير شي والله اني
اضحك وهيه كل همه توصي وعيونه مدمعه راحت على
خالي انور كالته الولد امانتك وهوه ميقبل تحجي هيج ويا ينقهر وهيه ترجع تكله .....
انور اولادي امانه عندك وتكتم بعدي بمكاني هيه عينهه
عليهم اني اغير الموضوع واشاقيهه واكلهه خو وصي
بهذا ثوبج الحلو اليه مو موصيتني بولدج هيه تجاوب
بضحكتهه الحلوه هذا ثوبي التكتم محد ياخذه غيرهه
كتلهه لا خاله انشالله تلبسي عشر سنين وعمرج طويل
جاوبني هيه ولج خاله تكتم اني منو يكول اوصل عشر
ايام مو نوب عشره سنين .... كتلهه لا عشر سنوات
حتى اوديج دار المسنين واضحك وياهه متوقعت اصبح
الصبح واشوفهه هيج حالتهه متسر لا صديق ولا عدوو
خالي انور كاعد على راسهه كلساع يمسح عينه وجهه احمر مبين باجي عبالك يعرف صحوتهه جانت صحوه موت ......يقره يم راسهه
قرءان كعدت يمهه مفزوعه وافرك بايدهه وابجي هاي
امي الثانيه مو خالتي هاي كالت صيحي
ليث رحت صحته ركض اجه كعد يم امه بدت خالتي
توصي على اخوته وهوه يكلهه لتحجين هيج يمه عمرج
طويل وزفين تمار بيدج نزلت دمعه منهه مسحهه خالي
وبجه بصوت بعدهه سأت حالتهه اخذناهه للمستشفى
وخابرنه على اهلنه كلهم اجوي لان الدكتور كال مطول
بهل فتره جانت توهه نازله المبايلات المحموله مثل
الطابوكه وغيرهه لليل توفت خالتي وجانت فاجعه
بالنسبه النه كلنه توفت ويتمت ولدهه الي حالهم يبجي
الصخر وخصوص خالي اكثر واحد تاثر بوفاتهه ....ضاع
من بعدهه مرت ايام الفاتحه علينه بصعوبه امي وخواتي
وخلاتي وبيبي كلهم يمنه بقوا 10ايام وكلمن رجع
الحياته اله خالي وليث وخوانه حياتهم صارت جحيم
بغياب خالتي حاولت اسد مكانهه واعوضهم بس هيهات
ينسد مكان الام طلع اربعين خالتي وسوينا بينه لان
الوضع مو زين وخفنه على العالم مرت الأشهر خالي
مخيم بحزنه على محبوبته ودائما عازل نفسه وحده
يقره القران ويصلي ويهدي بثوابهه ......
الوضع مال البلد مينحجي من يطلع احد من البيت احط
ايدي على كلبي واكول هسه راح يخابرونه ويكولون
فلان انصاب او اسم الله ستشهد هذا حالنه وحال كل
العراقيين حاطين كلوبنه بيدنه وعايشين وبيوم كعدنه
لكينه جثه باب البيت ولد شاب طالب مدرسه لابس
ابيض الله يرحمه حاطينه ب كونيه وشامري بابنه كان
مشهد مرعب عشته ومستحيل ينمحي من دماغي لحد
الان اذكر عيونه شلون مفتوحات والكونيه كله دم خابروا
الحرس الوطني اجوي سألو شون لكيتو وكتفوا بجوابنه
ماكو تحقيق من كثر الجرائم اني عشت برعب وره ماكو
اقل الاسبوعين اجه حمايه الوسطاني مرعوب كال
دقيقه ماابقى بعد هنا لان .....فلان.... حزب...... مهددي
يأما تنتمي ويانه للحزب أو نقتلك وماخذينه بسياره
ومنطي مهمه اجباريه قتل رجال جان مسوك لعياله فطور شهر رمضان يكول
امروني اقتله انطوني مسدس وكالو قتله يكول اني كتله
اقتل نفسي وماقتله لكم شوفو اجباس مشتري لجهاله
شون اموته وأيتم اطفاله يكول تعاركت وياهم ومقبلت
ينقتل نزلوا من السياره وهمه يشتموني بألفاظ طائفيه
عصبوا عيونه وشمروا بجنطه مال سيارته وشمروا
السويج اليه وكالو صفي وهاي السياره حلال عليك
تخبلت بلد تائه ماكو محاسبه يكول توسلت بيهم
يتركونه ومقبلت كلشي اسوي وبصعوبه نهزم منهم
وضل مطلوب الهم كونهم هم عصابة المنطقه ومن
الحزب راح حمايه اخذه خالي وراحو لدجيل ستقروا يم
بيت عمتي نوه مازال الرعب بكل مكان بغداد نكلبت غابه
مليانه وحوش مفترسه وراهه بفتره مو طويله وانعاد
موقف حمايه بس هلمره ليث طب النه وجهه مخطوف
ضل يومين هوه مو طبيعي وكل ما اساله ميجاوب لحد
ما سولفلي وتخبلت
ليث...... امشي على الشارع واشوف مجموعه عصابه
مسلحين يخطفون ابن جيرانه خطيه عمره 13سنه
مشهد ماانسى عمري كله الخاطف والمخطوف جيران
سياج على سياج وأصدقاء جانو نفس الصف اعرفهم
حق المعرفه شافوني شفتهم بس طفروا بسياراتهم بس
طبعا اني مجزت منهم رحت عليهم و توسلت
يتركونه شنو ذنبه نكروا بخطف الولد هددتهم ابلغ عنهم
معارولي اي اهميه حلفتهم بالعشره بجوره مفاد من
حركه كلبي تعاركت وياهم الصفحتين اصدقاء الطفوله
ذول شلون هيج نكلبوا وحوش اجه ابويه وجرني منهم
كالي ابني اعرفهم غدارين ومراح يسكتون اكيد يضموهه
الك ويقتلونك ..... هوه يحجي واني ارجف لليل اجتي
ام الولد الي خطف كعدتهه بالهول المره تريد تحجي بس
مرتبكه واخيرا طلعت من صمتهه وكلتلي خاله تكتم
اخذي ليث وروحي لهلج روحي الاي مكان ترى ناوين
يصفونه لان شافهم تخبلت وهي خطيه رغم ماابنه من
ضمن العصابه بس مجانت قابله على الي يسوو بس
هيه هم مابيده شي تكولي خلي رجلج يبتعد لان همه
بينهم ثار حسب كلامهه قتلو ولده ثنينهم وزوج بته ف
هم عود ياخذون بثارهم يعني شغلت ثارات وليث دخل
روحه راحت المره وماعرف شلون افهم ليث اعرف ليث
ميروح ويايه ويطلع من بغداد لو اموت لذالك اضطريت
اخابر اهلي وسولفت الهم كلشي امي كالت اني اخلي
يجيبج مستحيل اعوفج عايشه رعب وخوف وفعلا ثاني
يوم خابر اخويه وبلغ ليث انو عمي كميل مصوب
وميكلي وضروي يجيبني وفعلا حضرت كلشي ضروري
واخذني ليث و طلعت من بغداد سنه 2006نهايته ايام
وندخل لسنه جديده بعد موصلنه عرف ليث عمي مابي
شي وسوينه هيج الخاطره عمامي بعد مقبلو ارجع
وتوسلو بليث يبقى لخاطر اخوانه لان كلهم اجوي قبلنه
الله لايرجع الطائفيه فرغولي اهلي مكان وكعدت اني
وليث نوع ما حسيت بلامان يمهم....دخلنه بسنه 2007
اليوم لعبة نهائيا العراق والسعوديه للحصول لقب كأس
آسيا العالم كلهه جانت تشاهد هاي المباراة الكهاوي
والبيوت والشوارع كلهه هدوء وبس صوت معلق العبه
ينسمع وطبعا من جابوا الكول العالم كلهه فرحت هذا
الإنجاز كلش عضيم وحد العراق من شماله الجنوبه
كلهه طلعت احتفلت سوه سنه وشيعه ومسيح ويمكن
حتى اليهود بهذا اليوم جان الشعب كلهم ايد وحده ضد
الطائفيه وبعث رساله امان وروح الوطنيه .......
بعد فتره سمعنه عن الي هددوا ليث مقتولين مدامت
الهم بشر القاتل بالقتل ولو بعد حين انتقل باب بيت أهله
واغلبهم تمم إلقاء القبض عليهم بلشت رحله امان
وخيوط امل تجوب سماء العراق وتنشره نسمات الفرح
والامان طبعا اني الحمدلله الله رزقني بنوتات ثنين وره تمار سميتهن الاء وحواء وليث طاير بيهن من الفرح لان كلش يحب البنات شترينه بيت يم اهلي وستقرينه بي خالي بعد مصار الوضع امان اخذ الولد ورجع للبيت زوجنه بقيه احمويني وصار خالي اكثر شي يمنه عايش طبعا بيبي جوري وبيبي ام علي توفن بعد ما مر بيهن الزمن وكبرن بس بيبي جوري رغم كبرهه اله انهه بقت قويه ودائما نروح مشايه اني وياهه للزياره واخر زياره النه رجعنه وراهه بفتره توفت خواتي واخواني كلمن مستقر بحياته وعمتي نوره الى يومنا هذا بقت عايشه على ذكره من خالي غلام الله يرحمه وربت اطفالهه احلى واحسن تربيه وعمي كميل لا هذا مو عم هذا اب اي اب ونعم الاب كان ولا زال النه حتوانه ولمنه من الضياع والله وفقه وجازا واليوم هوه مكانه بضريح الامام الحسين عليه السلام اخذ شرف خدمه اهل البيت واحلى خدمه طبعا كل سنه نروح نخدم بموكب ومنرجع اله بعد الزياره وامي ويانه وموكبنه ميخلص من خبزاتهه خالي انور كل فتره يروح يزور خالتي ويقرالهه قران وطبعا من حبه الهه حتى قصايد كتب الهه ....مشيت بوصيه خالتي ومعفتهم لحد مزوجت اخر واحد بولدهه خالي انور اشتره بيت يمنه مكدر يبقى بعيد علينه اكثر تعلم عليه اني اهتم بكل اموره علاجه مراجعته لاطبيب اني اخذه ....ربي يحفضه النه ...... طبعا ليث تعين بجيش من ٢٠١٠ والحمد الله بقه مستمر وقاد جميع المعارك وتحرير الموصل والانبار.......
تمار عمره 19 سنه ساكن بيت جده اليوم اجاني يحجي بعصبيه كتله خيررر كال بحياتج ماكله مركه لهانه كتله لا وين اكو هيج مركه كلي روحي سالي خالج باله شون طبخهه ضحكت من كل كلبي خالي يحب يطبخ النفسه بس مال يطبخ مركه لهانه هاي واكفه هههههههه
...........
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
