رواية خلخال مشوه الفصل التاسع والخمسون بقلم زمرده
دخيل عيونك الما ينشبع منهن
كون من الصبح لليل اگابلهن
انا الما حاسد بعمري لچن ضليت
احسد بالضوة الگاعد يطبلهن
°جفون°
رأجس : خابر على اخوك وخله يّجي هوَ وعياله
نشغت جدة ما مصدگه ،تحلفه صدگ الجاي يحجي وراح يرد عمي كاظم يعيش بيناتنة وتنتهي غربته عگب كل ذيج السنين الجان بيها مو ويانه، دموعي صارت بطرف رمشي وانا اباوع لعمي محمد شلون متلهف خابره وبس رد گاله
محمد : تعال خوية ،أبوي گال چيب عيالك وتعال
على نار كل واحد بينه ضل گاعد متانين جيته وجدة الچان المرض طاغي عليها
هسة متانيه الباب شوكت يندگ ناسية الجرالها وكل همها شوفة عمي بيناتنه ومن اندگ الباب طلعوا عماميوالولد و وراهم احنه بهل لحظة طغت على كل وجه بينه ابتسامة فرح وبكل لهفه لهذا اليوم نباوعله شلون واگف گبال عمي محمد و وراه سياف ،حتى گبل السلام گاله يرحب بيه
محمد : هلا بالرد لديرته وناسه ،هلا بيك بيناتنه خوية ،نورت ديرتك وبيتك
ضحك عمي كاظم وتحاضنوا ، سلموا عليه عمامي والولد وعمي محمد طبطب على ضهر عمي كاظم يگله
محمد : طب خوية ابوي وامي جوة متانيك .
اندار على عمة حنان والبنات گاللهن يمشن عدنه گبله وبس طبوا مشينه كلنه وراهم نريد نشوف ذاك اللقاء من بعد كل السنين
الگضن وگف عد باب الصاله بين المتردد وما مصدگ مشى لجدي دنگ عليه يستسمحه
كاظم : بالعشگ مثلك چنت تگلي ،وعلمتني لو شما يصير ما اتنازل وافرط بالرايدها وانا چان عدي منها بزر وساعة الخيرتني بينكم وبينها چان صعب اخلي اولادي الضحيه ،اعذرني بوية على الساعة الطلعت بيها من شورك
اباوع لجدي بين ايده السبحه چانت من قوة قبضته عليها گلت راح تتناثر احجارها بس فاجئنه من فتح ايده ،حضنه عمي ما مصدگ
جدة تباوعلهم ودموعها وجوه تضحك وعيون مدمعة لقاء خله مشاعرنه تتضارب ونعيش بتناقض عجيب بعد ذاك الحضن البيه انتهت غربة شچم سنه گاله
رأجس : احنه اولاد اليوم والچره بالماضي ينسي وما علينه غير بالحاظر
وما گاله غير كلمة الصار وگام گعد گبال جدة السانده ضهرها على الحايط بگعدتها وانا شكو دموع بعيني بچيتهن ويَّ جدة الضلت تبوس بيه وتبچي وشگد قاوم ما يبچي وياها
بس خانته دموعه ونزلت ،راسه على چتافها وجسمه يهتز، أول مره احس روحي صدگ عدي مشاعر واتأثر امسح بدموعي ويردن يطيحن، حسيت على ايد انحطت على چتفي من انداريت چانت غمد باوعتلها گالت بصوت يرچف عيونها على ابوها
غمد : واخيرًا ما ضل ابوي بحسرة اهله ،واخيرًا رد الاصله وديرته
أبتسمت ورديت اباوعلهم، يبوس ايد جدة ويرد يحضنها وهيَ بهل گعدة وعمي گبالها چن تشافت ومرضها صار سبب حتى يرد
غضة : يابعد روحي يايمة، راح ترد تصبح عليَّ مثل گبل واشوفنك ويَّ اخوانك گاعد
تحجي ما مصدگه ،وهوَ يگلها
كاظم : بعد يوميا تصبحين بوجهي منا لحد ما تگليلي اهو لو ما راد احسن
نشغت تأشر على روحها
غضة : يا انا اگولن هيج ،شبيَّ متعافيه ،خايب يمة غير هسة انا احسن روحي بعلم وما مصدگه گاعد أنتَ گدامي
نوح : اجي اگرصج جدة
شگد ما چنه متأثرين خلانه نضحك واكل رزاله من جدة شلون يصنف عليها وأكثر من مرتين اعتذر منها الا سامحته ،گعدت على الدرج اباوع الكل واگف وما منتبهين لروحهم مثل الجماهير صايرين على جدة و جدي وعمي ،لهناك وانتبهت لسياف الواگف يم ضيرم صاحته
غضة : تعال جدة ،تعال ليه اعتبنك عمنك مو خوش
أبتسم وتقدم بخطوات رزنه گعد بصف عمي گبل لا تحجي گاللها
سياف : حگج اذا صاير بخاطرج مني بس انا گايل ما اطبن القرية ولا ادوسنها اذا أبوي مو وياي عمن المكان الما يعتبه ابوي زحمة اعتبه وهو يضل وراي
محمد : معدل بعد عمك
رفع رأسه مبتسم ورد على عمي
سياف : من نسلكم ومو اكثر منكم
غضة : جا مو أجيت بفاتحة أم علي وما مريت عليَّ
سياف : زحمة افوتن بنص النسوان جدة اعذريني وحگج عليَّ
من گاللها هيج بساع غيرت السالفة
غضة : يله معذور جدة ،المهم هسة أنتَ وابوك بحداي
گبل شوي ما تگدر تحجي اباوعلها هسة حتى حجيها تعدل هيج الفرح يأثر على البني آدم وحتى
لو چان بنص التعب هوَ يطغى على كلشي مثل حال جدة هسة ،تلفت عمي يدور بعيونه ومن
انتبهلهن واگفات بصف ريحانة صاحهن ،بتردد عمة حنان مشت والبنات وراها بس وصلت عد جدي گاله
كاظم : هاي حنان بت صاحب عمرك الچنت تگلي بتي هاي ،دير بالك كاظم تحاجيها
ضل جدي عاگد حاجبه وكلنه متانين ردة فعله شني وراح يرد يتقبلها لو ينبذها عمن عمي لخاطرها طلع من القرية وما لفه كل هل وكت ،گام وگف على حيله ومن شافت ملامحه ما يحون
على الرضى بجيتها گالتله بصوت مليان ضياع بعيون متأمله جواب ما يفشلها گدامنه كلنه
حنان : الي مكان بيناتكم عمي لو لا ؟
وبين اليريد يگلها لا وبين أي جاوبها نهاي صراعات كل ذيج السنين
رأجس : مكانج محفوظ أم اولادنه أنتِ .
أبتسمت ابتسامه نابعة من كل گلبها ودنگت تبوس ايده، مسح على رأسها واندار العمي الضلت عيونه تباوع ل وگفه بين مرته وابوه اضن ما متوقعها ابد
رأجس : ضل هنا بين ما اخلي الولد يعدلون بيتك
"بشر مفارگ وطن وگالوه صير خطاره "ابد ما اعترض اضن چان احلى عرض ينعرض على عمي
اجت حواري گعدت بصفي ،عرفت عدها شي گبل لا تحجي وبس ندستني تأشرلي بعيونها على غمد أبتسمت
من شفتها شلون مركزة ويَّ على الواگف بصف نوح وفقار يحجون همَ بس هوَ يستمع ما يشارك ،شگد نحاول نطلعه من الهوه بيه بس يضل اثر روحة امه مبين بملامحه
حواري : جاي تشوفين الاهتمام والنضرات ؟؟
هزيت رأسي ب أي
_ منتبهه وچم نوبة لگفتها واگفه تحجي وياه واحس بيناتهم مشاعر
حواري : والله طلعوا مو هينين
_ جا شعبالج الوادم كلها تضميم
حواري : انا الها اذا ما اشلع اذناتها شو صارت يمنه بعد
انتبهتلنه نباوع عليها ونحجي، دنگت مرتبكة تدير بعيونها من عدنه ومشت يم سيوف الگعدت بصف هيوفة
حوراء : موش موش
مثل البطريق تمشي تصيح بأسمي وبس شافتني صاحت
حوراء : عون بطة ،عون
كضت ايدي تچرني كمت وياها طلعنه برا تأشرلي على مكان گن البطوط، انتبهتله گاعد وحاط بطة بحضنه أو الاصح ماردها صحت عليه طفر شايلها
عون : هاا خاوه
_ خلخاله التخلل عظام العدوو، ليش مطلع البطه
بس شافني أجيت عليه شمر البطه وشرد، ضحكت وشلتها ولا يتوب من بطوطي گبل چم يوم لگفته خامطني وحده وشارد بيها ونوح جابها وياه عمن چان يم فقار
حوراء : مووشه
درت عليها متفاجئة من اللقب الجديد الي انضاف للالقاب الطلعتهن الي
_ منوو مووشه هاي ؟
حوراء : جونه
طببت البطه ومشيتلها دنگت لطولها المدحدح گرصت خدوها وبساع برطمت تفرك بيهن وتگلي
حوراء : ايش جونه ،وجع
دنگت ابوسها واحجي
_ حلوات حلويات چنهن
ضحكت من جبتلها طاري الحلويات
_ ها ها شو ضحكتي
ادغدغ بيها وهيَ تكهكه بصوت، رفعت رأسي من سمعت صوته، تقدم يمشي بأتجاهنه دنگ شالها وهيَ تحجيله على عون وسالفة البطة ونوح يگلها
نوح : والله ،انا اله ،الا اطيح حظه الادبسزز هذا
صفنت متذكره وبدلع گالتله
عون : عمو اويد حوويات
أبتسم ومد ايده بجيب البجامه طلع الف اطاهياه ونزلها
نوح : گولي لعمو علي يشتريلج أنتِ وعون وسيف
بساع عوچت حلگها ما عاجبها الحجي
دنگلها
نوح : ها عمي شو تغيرت الملامح ؟
حوراء : يولي عون سيف
نوح : ها ليش ولج مو خطية ؟
حوراء : يولون يتتوني (يطگوني)
نوح : بهاي چذبتي عمي جا غير أنتِ ماخذه خاوه عليهم
رفعتله الالف
حوراء : الي
هز رأسه وگام يباوعلها شلون طبت تركض چنها بطة نباوعلها مبتسمين ،اندار عليَّ عيونه تدنتلي گبله ،كض ايدي ومشى لمشتمل علي ،بس طبيته سد الباب
وردلي، بلعت ريگي اباوعله هذا البشر ولا ارتاحله وچماله هسة بس انا وياه ،بس دنگ علي صحت
_ يمةةة لحگيلي
سد حلگي يضحك
نوح : شبيج كلشي ما اسوي
وخرت ايده رافعة حاجبي بشك ولا اصدگ بيه
_ والله چذاب ،كل مره تتحلف بيَّ
نوح : اممم ،وهسة طحتي بيدي
دفعته وهوَ يضحك من مشيت للباب لگيته قافله وشايل المفتاح درت خازرته
_ الباب ليش قافله ،بله اجه علي وين نطي وجهنه
نوح : واذا اجه ،ما ناهبلي وحده المختلي بيها حلالي
ركز على كلمة حلالي ،جريت نفس اهدي روحي ليش مكبرتها انا وليش ما اگولن حارمته من كلشي ومايصير كل ما اشوفنه انهزم وما فد يوم اختلنه بمكان وحدنه
نوح : هاا جفون
يسألني بحذر، علت انفاسي من تقرب مني بكل هدوء احتضن شفايفي ببوسة طويلة ،شددت على ياخه ملابسة وبهاي حركتي زادت جرئته اكثر ،فصلها ورد كررها بطريقة خلت روحي ترچف وما هدني الا حس بيَّ اختنگت ،سند گصته على گصتي عيونه منتهيه بصوت خافت گال
نوح : هسة ردت روحي ،بوية صارلي سنين اتمناها
بابهامه مسح على شفتي الجوه ودنگ باسني من رگبتي وابتعد
نوح : چنت اضن راح تطفه ناري بس اثاري انا حطيت لروحي نفط اكثر وشعلتها
اعدل بشالي واحسن بروحي راح اطيح عيوني ما اگدر اخليا بعيونه ،اشرتله على الباب ،أبتسم مسوي روحه ما مفتهمني
نوح : شني شتردين ؟
_ الباب نوح
رديت ليوره من رد وگف گبالي ،بينه وبين الحايط صرت، عيونه على شفتي يحجي
نوح : شبيها شحمتي، مستحية لو متندمه ؟؟
حطيت عيوني بعيونه المليانات صلافه من يباوعلي
_ مستحيه
نوح : ضنيت تندمتي
هزيت رأسي ب لا ،وهو يريدها من الله ،راد يكرر السواه بس دفعته
_ لا نوح ،لا ياخذك الواهس
نوح : ماضل عدي صبر .
_ ضل بس السادس
نوح : خلي نعرس ،واذا سادس كلشي ما راح يتغير عليج اشو حتى ما راح تطلعين من البيت
_ لا
نوح : شنو لا ،احاجي جدي واگله بت البدوية ما ترضى نعرس
_ ها صرت بت البدوية
لف ايده على خصري يقربني اله
نوح : جا قابل چذب ،بت بدوية وشلون بت بووية طرگاعة
_ أي اضحك على عقلي
نوح : مو مضحكة أنتَ
ضحكت مستسلمه منين ما اجيه يطلعلي سالفة عصر وجهي وباس خدي حيل
حسيته شفطه شفط الا خلاني اطلع ،گبل لا اطبن مشيت للحمام الديوان شفت وجهي
بالمراية وذاك هوَ الاثر مبين بخدي ،شگد ضليت ادردم عليه ويَّ روحي وحرت شلون اطبن وشگول اذا شافني احد و ويَّ ما طبيت
للمطبخ شفتها واگفه تمسح بعيونها ومبين بالگوة كاضه روحها ماتبچي ،مشيتلها مفزوعة مستغربة عليش هيج ضايجة
_ ريحانة
من سمعتني اگولن اسمها اندارت عليَّ أول مرة اشوفنها هيج مسيطرة عليها الغصة، ما چنت اضن لا أنا ولا غيري هيَ ضامه بگلبها وكاتلها الكتمان
_ شبيج ،عليش تردين تبچين ؟
رادت تتهرب مني وهيَ تگلي بابتسامه چذبيه ترسمها على وجها
ريحانة : كلشي مابيَّ بس هيج مختنگه وهل دمعن عيوني
_ الچذب حرام
رفعت عيونها وشهگت ،انخبصت بيها بصوت ناصي احجي وياها ما اريدن احد يسمع وتنحط بموقف مو حلو
_ شني مضوجج، حاجيني ،ريحانة .
نزلت عيونها وبصوت نهزوز من بعد ذيج السنين الضنيناهن نسنها گالت
ريحانة : ما هد ديرته لخاطري ،تحملت كلشي وهو كسرني وخسر عمره، مشتاگلته ضليت بحسرة ازورن گبره
احس خنگتها وصلتني، حضنتها واول مره بحياتي احسن وحده من الاقتدي بيهن بالصبر تحتاج احد يصبرها ويطبطب على چتفها ويگلها حجاية تطيب خاطرها ،وخرت تحجيلي
ريحانة : هم بيوم من الايام خيروه بيني وبين اهله وناسه وما فرط بيهم صح ما فرط بيَّ انا هم بس لو خلصنانين ساعتها چان هسة انا وياه وابنه عايشين فرد بيت
باوعتلها بقهر اريد اهون عليها بيا طريقة حايرة شلون جرحها غميج مبين
_ اذا تضلين هيج تفكرين تتعبين وأنتَ العشتيهن من عمرج بنص ضلمهم كافي
مسحت عيونها بشالها وانا أبتسمت بس تناثرت ابتسامتي من شفتها چمدت حتى فص عينها ما تحرك بعد ،درت لوين چانت تباوع واحس وياها الزمن وگف من شفت صخر عبر من عدنه وطلع بره بللت شفتها بطرف لسانها وباوعتلي تحاول تبين روحها ما متهمه بس مبين عليها العندم چي حجت
جاي اطلع من صاحتني عمة زهرة بس اندريت الها من گالت
ريحانة : صوتنه جان ناصي ،ما معقولة سمع عمنه بعيد
رفعت اچتافي حايره وگلتلها
_ ما اعارف والله وحتى لو سمع شتسوين يعني
ما جاوبتني وانا خليت ومشيت واول ما شافتني گالت بنشغة خلت الكل ينتبهون
زهرة : يمة شبيه وجهج ؟
حطيت ايدي على خدي نسيت سالفة الاثار وما فطنتلها غير هسة وبعديش بعد ما حرت شلون ارگعها نوح گبالي وجهه انگلب ضل بس يدير بعيونه
_ حوراء ،هاي حوراء عضتني
وهم زين حوراء ما چانت هنا چان فضحتي وگالتلهم لا جذابه والحمدلله من عدت بساع بس شني غير احس بروحي صخنت اريد اختفي
ما صدگت اشوفنهن يگومن حتى يصبن الغدا واركض وراهن للمطبخ ،تگابلنه كلنه نتساعد حتى بنات عمي كاظم وامهن ويانه ،البنات متعلمات علينه بس عمة شويَ متقيدة، اخذت السفره واطيتها النوح وگلتله
_ افرشها بالديوانية
تأفأف ومشى يفرشها وصاح وياه علي واسمعهم يصيحون على حوراء وميمنة ودره لعبن بيهم لعب كلساع مخربطاتها ،صاحت عليَّ من توني طبيت
هيوفة : جفوون دامج قريبة امشي جيبهن راح يخبزوهن
وبس طبيت لگيتهن يگمزن بنصها وهمَ واگفين يباوعون عليها ونوح ما يسب ابهاتهن متولي فقار سب وكلساع صايح
نوح : لج دره خررب عمج فقار ،خررب خالچن فقار
وخرت من الباب من سمعت صوته وراي ،طب يسأل شكو وليش نوح شبعه مسبه
نوح : من حرگة گلبي ماكو گدامي غيرك اسبه عمن لا حق ولا ضيرم امون عليهم
فقار : جا سب روحك أنتَ هم خال دره
نوح : لا عمها والعم بالمسبه أولى من الخال
فقار : قانون جديد هذا ؟
نوح : أي عدي ولازم تحترموه
يحجون بشقه بس مو مثل مداهرهم گبل حسيتهم من صدگ كبروا وتغيروا ،گتلهم يعدلون السفره و شردت وراي علي جاب البنات وهنَّ يدردمن متحدات تلاثتهن مخبلاتنه بس بيهن ميمنة شويَ هادئه وخايفين عليها لا يطلعن عينها ذني الثنين أو الاصح حوراء تطلع عينهه ثنيناتهن عمن هذا عمرها ولسانها شطولاته
حوراء : الا گل لبابا
مشت عصبية للصالة و وراها ميمنة ودره واسمعها طبت بيناتهم تشكي خلت الكل يسكت ويستمع الها وما ارتاحت الا حق صاح على نوح ومن طب گاله
مديت ىأسي من باب المطبخ اباوع
عبد الحق : نوح شبيك ويَّ بتي ؟
نوح : بويةةة عرمه بتك ما تنگدر وچماله اجت تشكي عليَّ ؟
عبد الحق : تگول مصيح عليها
نوح : شوكت مصيح عليج ولج ؟
حوراء : دول طعي ( تگول طلعي)
اشر عليها
نوح : سمعت ؟
الكل يضحكون على المواجهه الصايره وهيَ مدلغمه وما اخفت طنگورتها الا بعدما گاللها
نوح : يله يابه نعتذر منج
أبتسمت ومشت گعدت بحضن ابوها وبهاي حركتها خلت اصوات الضحك بالصاله تعله اكثر ،صاح ل ميمنة
عبد الحق : تعاي بوية تعاي
تحركت بكل هدوء گعدت بصفه سانده عكس ايدها على رچله وتباوع لدره الگاعده بحضن ضيرم ،اضن هذني الملعبات اخذن مكان بگلوب ابهاتهن
حتى اكثر من الولد ،رديت وياهن من صاحتني غاية وبعد ما كملنه سفرة الزلم فرشنة سفرتنة والتمنة يم جدة ناكل ونسولف وكلساع عمة گايله
عطاء : انا شگلتلج يمة مو يجي يوم كاظم يرد
جدة كلنه منتبهين عليها شلون تباوع النه وملامح وجهه كلها
تسولف فرح ،گاعدات بصفي غاية وسيوف سألتها
سيوف : شلون بليث تعلم على فغاگج لو لا ؟
أبتسمت تسولفلها
غاية : لا وين لحد امس اجه يگلي البيت بلياج مابيه روح
انداريتلهن
_ جا بعد ولا اغسل هدومه
غاية : امس يحجي بيج يگول تعبت شغل البيت واحنه وهيَ سادس ولازم تقره شايل همج ليوثي
بساع تغير مزاجي وانا اكلها بأبتسامه
_ فدوة اروحله
ضحكن ثنيناتهن وردن يستمعن للحديث الصاير بين عماتي
زهرة : والله ابو صخر شگد دوركم و وصه معارفه و الله يرحمه منير هم وياه چان بس سمير ما خله محافظة تعب عليه بوكتها وماكو فص ملح واختفتوا
حنان : ما ضلينه هواي بالعراق وبساع طلعنه عمن چان كاظم قافل مايضل
نجوى : شلون بيكم هناك
حنان : بالاول تبهذلنه والغربة مو سهله يامه أيام تعاركت ويَّ كاظم بس حتى يردنه للعراق ومن شفت مابيه مجال وجاي
اتعب روحي استسلمت ولهيت روحي ويَّ الجهال وگبل لا نريد بشعهر هيج بيوم من
الايام اجانه زلمة للبيت وبوكتها صدفة فتت من باب الديوانية وسمعت حجيهم وعرفت هذا من طرف ابو علي ومن حجالي گال موصل حجي
على لسان أبو صخر صار الوقت نرد وكافي غربة، بالاول ما اقتنع وگال سنين هواي مضن
المن رادين بس بعدين انا و البنات وسياف ضغطنه عليه واقتنع
غضة : شو محد گاللنه بالسالفة ؟
حواري : لا جدة انا اعارف
نجوى : منين تعارفين ولج ؟
حواري : نوبة من النوبات سمعت برهان وعمي سمير يحجون حتى بوكتها صابتلهم چاي برد
الا اطيتهمياه عمن چنت مركزة بالسالفة وناسية الصينينة بأيدي
أبتسمت عمة تسألها وهيَ متأكده من الجواب
زهرة : يعني تسنطتي ؟
ضحكت تهز رأسها ب أي
ريحانة : جا ليش ما حجيتي ؟
حواري : نسيت
كفينه السفره بس گضينه اكل والتمنيه نغسل مواعين ونسولف ونوح وعلي جابولنه مواعين سفرتهم ريحانة گعدت تعزلهن وبعد اكو كلساع جايبين شي
ريحانة : شني السالفة ما گضن ،طگ ضهرري
علي : ضل بس چم ماعون والسفره
ريحانة : جا جيبوهن
مشى نوح جاب المواعين حاطهن بصينه خلاهن يم ريحانة تعزلهن و وراه طب علي لام السفره، يمي غمد من شافته يتقدم بأتجاها دنگت
وردت ضهرها على الكاونتر وهوَ حط السفره بالسطل عيونه عليها
وخله وطلع ،ندستها أشرلها بعيوني راح ،جرت نفس وگعدت بالگاع ،ارتباكها غريب مو بس لان صار قريب عليها ومثلها مثل اي وحده بهيج مواقف ترتبك ما اعارف ليش
حسيت اكو مشاعر بيناتهم خلته ما ينزل عيونه منها وهيَ بذاك لسانها وشخصيتها القوية ما گدرت ترفع عينها
ريحانة : شبيج غمد ؟
مبين انتبهت على صفنتها ،عدلت گعدتها تحاول ما تخلي بالباقين ينتهبون عليها
غمد : شنو ؟
ريحانة : مريضة ؟
غمد : لا بس اكلت هواي ومعدتي توچعني صارت
سيوف : چم مغه اگول انتبهي على اكلج ولا تخبطين
غمد : صارت بعد
گامت غسلت وجها وطلعت ،صبت الجاي واطتنياه
غاية : ودي للديوانيه وانا اودي للصاله
اخذت الصينيه منها ومشيت للديوانيه بس شافني نوح گام اخذها مني وما يگدر يضل ساكت اذا ما يحجي ويخليني اخجل ما يرتاح ،بصوت ناصي كلش بس لان انا مركزه وياه گال وهوَ ياخذها من ايدي
نوح : اروحن فدوة الايدج شحمايتي
دنگت وطلعت ،الموقف گبل عشت نفسه بس هسة بمشاعر مختلفة مرسومه على وجهي ابتسامه وابد روحي ما رافضه كل حجاية منه مثل بوجهي صارت حواري تحركلي حواجبها وتتحايل عليَّ متقصده تحجيني
حواري : هاا حجاله حجاية چاست گلبج مووو ؟
_ هاا
تغمز وتسألني
حواري : حبيتيه مووو ؟
_ ياهو ؟
حواري : علينه جفون علينه ،شني ما تعارفين اقصد منو
سويت روحي كلش ما مفتهمه حتى اخلص من لسانها لان اخر شي اتمناه اطيحن بيه
_ لا
حواري : اذا ما امشي ل ابو السفينه اگله شحمتك نكرتك
بس مشت تريد تسويها صدگ جريتها عمن اعارفها ماعدها مانع تصيحه وتحاجيه
_ وين شبيج مو جاي نحجي بيناتنه ليش تمشيله
تخصرت
حواري : جا احجيلي
_ شحجي ؟
حواري : تحبيه ؟
صفنت بوجها وهيَ ضحكت ومن قوة ضحكتها بساع سديت حلگها بايدي اخزر بيها وعلى صوت ضحكتها طلعت ريحانة تسأل شكو وخرت ايدي تگللها بشماته
حواري : تتذكرين هذيج الوحده الساعة النهه عليها ابن عمها هجت من القرية
أبتسمت ريحانة مفتهمة قصد حواري
ريحانة : ومن ردت گالت لو اموتن ما اقبل بيه ولا اشوفن روحي مرته
حواري : وتعارفين شبيها چانت تشكيلي اذا يحجي وياها لو يباوعلها
ريحانة : أي
حواري : وانا اليوم شفته اخذ منها الچاي وما وشوف شحجالها وطلعت الابتسامه تجيب التايه
خرزتهن ثنيناتهن وهنَّ يضحكن خليتهن بمكانهن و طلعت للحوش افكر ويَّ روحي بالكلام التگوله ،گعدت على دچات الديوان الخارجي صافنه وفززني صوته
گبالي ،رفعت راسي اباوعله يسألني ليش گاعده هنا ردت اگله هاجه بس كضيت روحي وجاوبته جواب مو يم الحقيقة
_ هوسة جوة وگلت اگعد هنا شويه
زغر عيونه ما مصدگ واجه گعد بصفي ،بگلبي گلت هسة حضي يجيبها واردن اطيح بلسانها عمني بيوم من الايام گلتلها "اخر يوم بعمري اخليه يگعد بصفي مو يكض ايدي"
نوح : احجي الصدگ شبيج
عرفته ما عبرت عليه ،درت گعدتي عليه وهوَ مثلي رد سألني
نوح : شبيج حاجيني شفت حواري وريحانة يمج
_ مابيَّ شي بس هنَّ يضحكن عليَّ عمن گبل چنت احلف لا راح ارضى بيك ولا أحبك
باهامه يمسح على ايدي البين ايده باوعلي بحيره گبل لا يسأل
نوح : يعني هسة حبيتيني
ارتبكت ونزلت عيوني وبيني وبين روحي ادور الجواب، رفع رأسي يباوعلي متأمل جواب يرضيه
نوح : ما تحجيها ؟
_ مو دوم اگلك لوكتها
نوح : وما صار وكتها ؟
هزيت رأسي ب لا ،تنهد وحضني بقوة يريد يطبنني بين ضلوعه وبس وخرني گال وهوَ عيونه تتجاول بيت عيوني
نوح : متلهف لليوم الراح اسمعها بيه ،صدگي راح اكون اسعد انسان بالدنيا
گمت اوگف على حيلي مرتبكه گلتله راح امشي جوه ما حاجني وبس طبيت گالتلي
هيوفة : فدوة جفون شوفي صگر بعده نايم لو گعد
_ وينه ؟
هيوفة : بغرفة أبوي
_ صار
توني فتحت باب الغرفة وسمعته يناغي، مشيتله اهوس وهوَ يباوع عليَّ ويضحك ،دنگت شلته أبوس بيه ولا ينمل وطلعت اطيته لعمه ومن رديت سألتني عليه گلتلها
_ گاعد لگيته واطيته لعمة
هيوفة : خوش
بس كفينه كلشي التمينه بالصاله وهوستنه هوسه لنص الليل وكلها مشت
وضلت عدنه بس غاية صعدنه انا وياها نضفنه غرفة ليث وحضرناها لعمي ومرته وبس نزلنه گالت وهيَ تعدل حجابها حتى تمشي
غاية : گلت ل ليث انا بس بعد توديلهم فراش اله و لسياف ينامون بالديوانية والبنات بالغرفة يمج بس ديري بالج عليهن من عمة عطاء
عمة لو نصيحها ماتگول ها بس دام سمعتنه جبنه طاريها بساع ليگناها عدنه
عطاء : شبيها عطاء ،سمعت اسمي ؟
غاية : گلتها أنتِ والبنات وعمة عطاء نامن بالغرفة
عطاء : جا طبعاً انامن بالغرفة جا وين
غاية : اذا الغرفة صغيرة يحطنج على رأسهن
أبتسمت تگللها
عطاء : والله أنتِ خوش تعارفين تفسطين حجي وراح اسوي روحي ما سمعتج گبل شويَ
غاية : هذا عزيز يصيحني
°غاية°
طلعت اركض عباتي بأيدي شفته واگف عد الباب فتحلي ايده تلفتت بين الحايره اركض لحضنه وبين الخايفة لا يشوفنه واحد من اخواني
عزيز : تعاي
مشتيله بساع حضني يهمس
عزيز : ما شايفج اليوم كله ،وچنج ناسيتني
جريت روحي منه فتحت عباتي اللبسها واحجي وياه
_ ماتنسي أنتَ حبيبي ،شوف حتى عباتي بأيدي گلت اذا ما تجيني اخلي واحد من الولد يجيبني
رفع ايدي يبوسها جريتها منه اذكره احنه بعدنه ببيت اهلي ،تمشينه انا وياه وتونه نريد نطلع من البيت وفتح الباب ليث من شافني لابسه عباتي وناوية اروحن گالي
ليث : شني ما تضلين ؟
عزيز : شعدها ضاله
ليث : ما حاجي وياك انا
باوعلي
ليث : ها غاية ؟
_ اجي الصبح واخليك تصبح بوجهي
عزيز : شني شو بكيفج تقررين ؟
ليث : اذا ما تجيبها دير بالك مني تعارفني شسوي
_ اجي والله بس لا تتعاركون
ليث : يله وعود سويلي بيض وطماطه محد تسويها مثلج وصارلي هواي ما ماكلها
عزيز : انا يوميا تسويلياها مكانك خالي
أاشرله بس اريدنه يسكت هوَ بلا شي ليث لهسه ما متعود على فراگي وعزيز يحجي بيه يخلي نوبات حتى يطگه
ليث : تعوذ الشيطان وأمشي واذا تخليها بعد احسن ولا تجي عليها
عزيز : شني مخبل اعوفنها
استغفر وخلانه وطب ،بملامه گلتله ضايجة چي ما يسمعلي بكل مره اگله لا تحاجي ليث
_ يعني وتالي وياك عزيز ما ترتاح غير الا تضوجه
عزيز : هوَ صاير ما يحتاجه
_ دام تعارفها ليش تلاشيه وچماله ابد ما تسمعلي ولا چن اشوفني شگد أاشرلك تسكت شكد اندس
انا محترگ گلبي وهوَ يضحك ،اجه حط ايده على خدي
عزيز : شني ضجتي ؟
_ جا مو تعارفه ليث ويَّ الهوه عدي انا جدي لو حاجاه ازعل منه
عزيز : ما اگدر حالف اطلع سواياته بيَّ گبل وشلون خلاني سنة مثل الحراميه اشوفنج
_ والبنهاية مو يمك
غمزلي
عزيز : وبحضني كل ليلة
عضيت شفتي احجي ويَّ روحي ،يلام بيه ليث من يگلي ملعب ولسانه لسان محامي وما ينگدر ،كض ايدي وطلعنه
سوه وبس طبينه صاروا گبالنه نوح وفقار گاعدين يصلحون بدراجة نوح الگاظيتها يوميا عطلانه ،جريتايدي منه من باوعولنه ثنيناتهم حجيت ويَّ نوح وصعدت مخليته يمهم، واول ما طبيت للغرفة اخذتلي هدوم
خفيفه وطبيت للحمام وتوني طلعت وطب هوَ ،سد باب الغرفة يتغزل
عزيز : شني هل لون بويةةة، ياهو الاجه ولبس ازرگ
دنگت بخجل اللم الثوب عليَّ من فوگ ،امي فصلتلي شلون الشلحات بس طوال للغرفة نص ردان ومفتوحات لو من الظهر لو الصدر واكو بيهن تور وهوَ كلش يحبهن عليٌَ ،والابستها هسة تجي نص ردان بتور ابيض من الصدر ،مشيت مشطت شعري وتعطرت وهوَ كلساع شامرله حجايه وكل وحده أكبر من الثانية ،التفتت عليه
_ كافي عزيز والله راح اتخربط مايصير هيج والله
عزيز : شلون يعني ما نتغززل
يحجيها بضحك وانا لضحمته أبتسمت
_مو هيج
عزيز : تعاي يمي نغير الطريقة
مشيتله فاتحلي ايده تمددت بحضنه وهوَ يحجي وياي وما چنت متوقعته منتبه من گال
عزيز : شو راح يصير شهرين ماكو غاية ؟
_ شني ؟
عزيز : هاي مال نسوان
رفعت روحي اباوع بوجهه متذكره عمن التهيت بالامتحانات وما اجه ببالي
عزيز : ها شو صفنتي ؟؟
_ صح ماكو
عزيز : هسة تطلعين حامل
حجاها من باب المداهر بس انا تربعت احسب وهوَ صفن عليَّ ،باوعتله حايره وهوَ متانيني بس يريدني احجي
عزيز : شبيج ؟
_ بسلا حامل
فز بعد ما چان گاعد گابلني
عزيز : عليج الله
_ ما اعارف يجوز
عزيز : وشلون نتأكد
_ لازم احلل
عزيز : يعني اجيبلج تحليل
ضحكت مصدوم على حماسها ومن راد يطلع گمت بساع كضيت ايده
_ وين يمعود ضاله صيدليه بهل ليل
عزيز : جا شلون ؟
_ خليها على باجر
عزيز : شوفي حواري بلكت عدها
_ اذا اسألها غير تجي تكتلني وهيَ تكول كون ما اشوفن تحليل الحمل شلون شكله بعد
گعد حاير حتى النعاس طار من عيونه وبالگوه قنعته الصبح بجيبلي وسواها صدگ من لگيته گاعد گبلي وماشي يدور وگعدني يسحول بيَّ للحمام، ما اعارف حتى شلون حللت من النعاس
ورديت نمت على الچرباية هل أيام هواي صايره انام ومو مثل گبل ساعة ساعتين تصحيني
وتوني اريد اغفه وفززني صوته يسألني
عزيز : اگلج شو هذا خطين يعني شني ؟
بلاية ما احس على روحي گتله
_ حامل
عزيز : عليييج الله ،ولج حاجيني
صيحته خلتني اصحصح واستوعب انا حللت وطلع خطين يعني حامل ،گعد گبالي يحاجيني بفرح مبين بنبرة صوته
عزيز : يعني راح اصير ابووو
هزيت رأسي وضحكت ما مصدگه من حضني بقوة ويردد
عزيز : بويةةة احلى صباح بحياتي بعد أول يوم صبحت بوجهج
وخر محتضن وجهي بين ايده
عزيز : يعني صدگ غاية ؟؟
هزيت راسي اشرحله
_ يگولن اذا خطين يعني حامل
عزيز : بويةة وتجيني بت تشبهج ويصيرن عدي ثنين القضية الچبيرة والزغيرة
حماسه خلاني اتغاضه عن التعب الخايفة منه وبالاخص حمل والدوام ماضل اله
شي غسلت وغيرت هدومي وتوني فتحت الباب اريد انزل هوَ نزل گبلي وصارت گبالي شايلة صگر ودره گدامها بس شافتني گالت
هيوفة : صباح الخير مرة حماي
أبتسمت ومشيتلها
_ صباح النور ،شني شعجب اليوم متأخره هيج مو من عوايدج
هيوفة : امس صگر موتني الليل كله بس يون بالگوات نومته حتى من مشى ضيرم لدوامه انا
ما حسيت عليه
_ يا ليش ؟
هيوفة : عده سن توه طالع وهل تمرض سوده عليَّ
_ هاي انا اگعد ابجي وياه اذا يتمرض
هيوفة : انا هم هيج چنت اگول بس بعدين لا تعلمت
_ احمم، هيوفة انا حامل
نشغت تحلفني وتسأل
هيوفة : عليج الله ،شمدرريج
_ گبل شويَ حللت
هيوفة : ياا يمةةة ،يعني راح اصيرن خالةةة
حضنتني تضحك وانا اضحك وياها وصگر بالنص مجعوص خطية ،نزلنه سوه ودره نازله گبلنه، لگيت الخبر گبلي واصل ل عمة الي بس شافتني گالت
نجوى : خايبة غاية صدگ الگاله عزيز ؟
هزيت رأسي ب أي ،ضلت تباركلي وتصلي على محمد وگالت العصر تاخذني للدكتورة و وصت ما نحجي منا لحد ما نتأكد
_ عمة راح امشي الاهلي اساعد جفون تعرفني بيت عمي هنا وماتگدر وحدها
نجوى : امشي عمة بس لا تلحين على روحج بالشغل
_ صار
اخذني عزيز الهم وبس طبينه ورانه طب ليث انداريت على صوته يحجي
ليث : والله بيك بخت جبتها گلت اجي اهدن عليكم من صباح الله
عزيز : لخاطرها متحملك
ليث : لا اله الا الله ،راح احطن طبقة البيض براسك
اجت تركض اخذت منه طبقة البيض
جفون : استر علينه اذا ماكو بيض يديرون على بيضاتي
اطاني علاگه الصمون
ليث : طبي حبيبتي اتفاهم ويَّ رچلج
عزيز : راح يتيتم ابنج گبل لا يّجي
خزرته وليث ضل يباوعلنه ما مفتهم قصده ومن سأله گاله وعود عمتي وصته
عزيز : اختك حامل وراح تصير خال لجهالها مني
جر اخير كلمه يأشر على روحه جفون صارت تگمز وطبقة البيض بايدها كل بالي عدها ،حتى ما باركلي ومشى يطب
جوه ونوح طب من بره شايل صينية الگيمر عرب وطبوا هوَ وجفون بعدما اطيتهم الصمون يطببون وياهم وضليت بملامه اباوعله گرص خدي وگال
عزيز : أول وتالي كلهم يعارفون مو بالحرام صاير
تنهدت مستسلمه وطبيت جوه وهوَ مشى يم الولد وتوني حطيت قوري الجاي على النار وانداريت على صوت امي
زهرة : صباح الخير يبعد امچن
_ صباح النور يمة
زهرة : جا ليش اجيتي وتعبتي روحج يايمة انا ويَّ جفون وبنات عمج مو غريبات
_ ماعدي شي يمة أنتِ ارتاحي
زهرة : اغديلج فدوة
أبتسمت ومشيتلها من شافتني گالت
زهرة : اكو شي ؟
_ يمة اليوم حللت عمن صارلها شهرين غايبة عليَّ
زهرة : أي
_ وطلع خطين
حطت ايدها على صدرها
زهرة : صلاوات على محمد يابعد حيلي يايمةةة راح اشوفن بزرج
أبتسمت وهيَ فرحتها ماتطيها الاحد ونوبه گلبت عليَّ الا تگعدين وبالگوه قنعتها مابيَّ شي ،بين ما يفور القوري مشيت كعدت البنات و وصيت غمد تصعد تگعد امها وابوها، جدة گاعدة گبلهم ويمها عمة عطاء
_ شعجب اليوم من وكت گاعدة ؟؟
عطاء : علمود امي گلت خاف تريد شي
_ حنينه ياعمة
عطاء : شني ما عاجبج ؟
_ لا عاجبني والله
تخوف من تكف رداناتها، ضليت يم جدة شوي وگمت من نزل عمي صبح علينه وگعد يمها وگفت بمكاني اباوع لگعدتهم هاي
الضلت جدة بحسرتها سنين وسنين كلساع تگله ما مصدگه
غضة : شحلات اليوم اليبدي بشوفتك يايمة ،كتبلي الله عمر وشفتك تصبح عليَّ وگاعد بحداي
باس ايدها
كاظم : عمرج طويل يايمة
غضة : يابعد حيلي الرد بشوفتك
مبتسمة اباوعلهم نزلت عمة من شافتهم أبتسمت وبعد ما صبحت علينه گالت لعمو
حنان : ها كاظم اشبع من عمتي عمنك خبصتنه عليها
كاظم : الغربة غربت الگعده بسدها يا حنان
حنان : حگك
گعدت يمه يسولفون وانا رديت للطبخ البنات يم جفون يساعدنها بس طبيت گالتلي
جفون : شنسوي بيض وشني ، حرت انا مو يم الاكل كلشي ما اعارف
مشيت للثلاجه اردن عليها
_ جا لان اعارفج هل أجيت
غسلت الطماطه وبديت اثرم بيها وطب ليث من شافني ابتسم
ليث : ما نسيتي ؟
_ لا ،شلون انسه شي أنتَ رايده
باسني من راسي وطب ،اجت يمي بأبتسامه گالت
سيوف : تدغين من اشوفكم هيج شكد ادعي الله يدومكم لان احس قليل مثلج أنتِ وليث
_ ليث روحي معلگه بيه ،وياه احسن بروحي اتمرض لو گال اخ راسي
سيوف : حنينة
جفون : متشوفينه كلنه نحبها عمنها گبلها على كل واحد بينه
حرت شنو ارد انا بهيج مواقف احيرن واضل بس أبتسم ،كملنه الريوگ والتمينه بسفره وحده ومن بعد كل ذاك الأنتظار صبح
صبحنه الچان الاول لعمي بين اهله وناسه ،گعدت أخير شي بصف جفون باوعلهم وداعي بگلبي تدوم، أبوي وبصفه عمي وعزيز و نوح وعلي
وگباله ليث وجدي وصخر وسياف ولهناك وسمعنه صوته صاحوله يطب
برهان : صباح الخير
ردينه عليه وگاله أبوي يگعد يتريگ ويانه ما گال لا وگعد بصف صخر ،أبتسمت من انتبهتله شلون خطف باوعلها
ورد يحجي ويَّ صخر ،الولد كلهم باوعوا الابوي من حجه
محمد : اليوم تبدون تعدلون بيت عمكم عمنه صار هواي متروك
وما گالوله غير ل صار وتدلل وصدگ بنفس اليوم بدوا شغل شفتهم فاتحين البيت من ردت امشي للدكتورة خبصتهم خبصة الاثاث كله طلعوه عمن أبوي گاللهم يشترون جديد ،اجه صعد بالسيارة يصيح عليهم بعد ما گالوله راح تشرد من الشغل
عزيز : اردلكم ما شارد من الشغل
حرك السيارة متوجهين للدكتوره وبس وصلنه حجزنه وضلينه متانين الحجز ومن
صاحت اسمي هنا من التوتر گلت لعمة ما اطبن اذا مو أنتِ وياي وهم زين الدكتورة تعرفنه
وحاجتها السكرتيرة واقتنعت ،وبعد ما سوتلي سونار گالت
_ مبروك ماما حامل وهذا كيس الحمل مبين
حطيت ايدي على گلبي احسنه راح يطلع من مكانه هسة حسيت روحي صدگ فرحت ،نزلت من السدية وضلت تسولف وياي وتستفسر عن وضعي الصحي منا لحد ما سولفتلها عمة على وضع گلبي والخفقان
الدكتورة : لا تخافوه أن شاء الله ماكو اي خطر على صحة الام واهم شي هل فترة كلها تبتعدين عن الجهد حتى يضل وضعج مستقر ،وراح اكتبلج دوه هم تجيبيه وكل شهر اريدج تجين
اطتني وصفه الدوره وطلعنه عزيز چان متانينه بره بس شاف وجه عمة يضحك ابتسم واصله الجواب گبل لا يسأل
نجوى : حامل مريتك يمة
عزيز : وگلبها وصيتج يمة تحجين للدكتورة
نجوى : حجيتلها گالت لا تخافون ما يأثر عليها ،جيب الدوة كتبتلها
اطيته الوصفه مشى للصيدليه بس گبلها وصانه نصعد بالسيارة عمنها مفتوحه، شويَ واجه اطاني العلاگه مال الدوره وصعد يسأل
عزيز : ما گالت چم شهر صارلج ؟
_ ست اسابيع
عزيز : جا والشهرين
نجوى : يا فلك شو هذا الزلمة ولا يستحي
عزيز : على شني المستحه جا غير امي أنتِ
شرحتله عمة وبس وصلنه ونزلت اريدن اطبن للبيت وراي اسمعه يحاجي بليث
عزيز : باركلي راح اصيرن ابو
گلت راح يتعاركون بس الحمدلله معديه على خير وثاني يوم من مشيت لبيت جدي كلهم باركولي حتى عمي وسياف وانا وجهي ما رفعته حتى من اخواني مستحيه صخر باسني من راسي يگلي
صخر : تگومين بالسلامه بعد اخوج
_ الله يسلمك
وليث يباوعلي وعاگد الحاجب عرفت بعده ضايج من عزيز ،بالليل رديت عمن اجيتهم العصرية ،أول ما طبيت شفتها لابسه عباتها ومن سألتها وين گالت
ريحانة : مواعده سيوف اباتن يمها وامس نسيت هسة زعلت عليَّ
_ خوش عينج على عون
ريحانة : بلايه ما توصيني، اكو احد بره بوصلني ؟
_ كلهم واگفين بالباب اطلعي
ريحانة : جا يله ماشية ديري بالج على روحج
°ريحانة°
طلعت كاضه عون بايد وعباتي بالايد الثانية خاف لا تطير ومن شافهم هد ايدي وركض لصخر ،دنگ شاله يحجي وياه
صخر : هلا بالزلمه ،شلونه السبع الكبران ؟
عون : زين
من وصلت عد الباب جان صخر قريب كلش منه وخر وخلاني اطبن، طبيت للمطبخ
ما چانت اكو وحده كملت دربي للصالة ومن شفتهن ملتمات گلت وانا انزع عباتي
_ شنو هاي لمتچن ناقصها اني
اندارت وطفرت فرحانه لان شافتني
سيوف : اجيتييي
ضحكت اداهرها
_ لا بعد جاي امشي
طگتني على ايدي تضحك وجرتني تگعدني بصفها جاي ياكلن حب وببسي صبتلي بگلاص
سيوف : اشغبي حبيبتي ألف عافية على گلبج
غمد : شهل حب هذا
_ تف تف من عينج
ضحكت تفك عيونها ،مددت على رچلين سيوف من طالت الگعده واسمع سوالفهن واشارك بشي بسيط عمن جاي يحجن بتجهيز البيت وهل سوالف هاي ومن نعسنه گالت
جفون : كلمن تفرش لروحها ماكو خطار انا مو غاية
_ يااا
جفون : گومي أنتِ افرشي يله بلكي تضعفين حركي روحج منتبهه عليج سمنانه
حجتهن كلهن دفعه وحده خلتني احيرن انصدم بروحي سمنانه لو بلساها الاطولم منها ،عمة زهرة رزلتها وهيَ تگللها
جفون : ولج يمة صدگ سمنانه شوفي خدودهااا
زهرة : يااا خايبة خلي البت بحالها
گمت اسألهن وانا اباوع لجسمي واردن اكض وجهي
_ صدگ سمنانه عليچن الله
غضة : ماعليج بيهن جدة تخبلين لايگلج
زهرة : أي والله ياعمة شحلاتج صايرة
حنان : جسمج مشدود حتى لو سمنتي يصير احلى
حركتلها حواجبي ورديت گعدت ومن شفت بنات عمي كاظم گمت مشيت
للغرفة حتى افرش وبلايه وعمة عطاء چانت نايمة لان كل ما اشوفنها ماكو
اعارفها نايمة ،فرشت وصحتهن ومن شفت روحي كلش نعست طلعت حتى اجيبن عون
وبنص الحوش بعدني وانفتح الباب وطب شايله
من شافني گله
صخر : هاي عمتك متانيتك
تقدمت عليهم بأبتسامه فاتحه ايدي شمر روحه عليَّ مطفي حط رأسه على چتفي وتوني تحركت ووگفني من گال اسمي
صخر : ريحانة
اندريتله متانيته يحجي ،جر نفس عيونه ما يحطهن بعيوني سألني
صخر : شبيج امس ؟
_ شبيَّ ؟
باوعلي متنرفز لان رديت على سؤاله بسؤال
صخر : جاي اسألج لا تردين تسأليني ،شبيج ليش تبچين چنتي ؟
_ ما باچيه
صخر : تعلميني بعيونج
توترت حايره شأحجي وياه وبنفس الوكت بگلبي فرحت طلع ما سامع شي
صخر : مو من طبعي اللح، طبي جوه عون نام
هزيت رأسي ب أي ومشيت احسن بيه ضل واگف بس ابد ما التفتت وخليت وكملت دربي وبس نزلت عون بفراشه تمددت
بصفه اعيش بهوسه وسط عقلي وبالگوه الا گدرت انامن وگعدني البنات الصبح ومن سألتهن على عون وين گالت
غمد : شفت عمة تريگه وياهم
گمت حطيت الحجاب على راسي وطلعت وياهن وبس غسلت ورديت لگيت برهان وصخر گاعدين يم جدة وجدة گضتها بسامير ل برهان
غضة : شني شو صرت اشوفنك من صباح يوميا شعجب ؟
برهان : جا غير أنتِ مريضة ياجدة واجي اشوفنج
غضة : وترديني اصدگك ؟
صخر : انا اگلج لا تصدگين
خزره برهان وصخر رافعله حاجبه مسويها شغلة عناد
غضة : ريحانة
من گالت اسمي ثنياتهم انداروا عليَّ ،بلعت ريگي مرتبكة من ضل يباوعلي عكس برهان الدار راسه بساع
_ گولي جدة
غضة : جيبيلي دواي من الغرفة
_ صار
چبتلها الدوه ورديت اطيتياه ومشيت يم البنات وبس تريگنه رديت الأهلي وتوني طبيت وتلگتني دره تسأل وين چنت ،دنگت شلتها احجيلها چنت بيت جدو وهيَ بعدها مو كلش تفتهم عمنها ما گضت السنتين بعد ،طبيت شايلتها بس شافتني بأستغراب گالت
هيوفة : ها شو اجيتي
_ جا شعدي ضاله ،امي وين ؟
هيوفة : توها مشت للسوگ تجيب هموم لدره وصيتها وهم گالت محتاجة چم حاجة للبيت
_ منو اخذها ؟
هيوفة : عزيز
اخذت صگر منها وگعدت اللعبه وشويَ ونزلت غاية اباوعلها بأستغراب هاي من شوكت تضل لهسه نايمة
غاية : صباح الخير
هيوفة : صباح الظهر عيني
_ مبين النساوه باديه من هسة
غاية : صايرة هواي انامن
هيوفة : نامي احسن يفيدج بهل اشهر بس اهم شي اكلي
غاية : ما اجوع
_ اذا تتعاچزين بس گليلي انا اسويلج
أبتسمت وشمرتلي بوسة بالهوا ،شويَ وگمت انا وهيوفة حتى انضف البيت وخليناها گاعده يم صگر وهيَ كلساع وگايله
غاية : شبيچن خلِ اساعدچن
هيوفة : والتالي وياج
تأفأفت مستسلمه وگامت سوت لروحها ريوگ وردت جايبه صينيتها يم صگر تاكل
وتاغيله وتونه كفينه البيت وطبت امي ،ومر اسبوع وگضه بيت عمي واجاني نوح گال ابوه يردني
اعاون البنات ،ما گلت لا لبست عباتي ومشيت وياه وبس طبيت للبيت چان من
شغلهم حال الظيم حاله كلشي كامل بس يحتاجله تنضيف قوي لگيت
البنات وحده تصفن بوجه الثانية وعلى وگفته ورد نوح وياه بركة گلتلهن
_ مو مال نگضيها صفنات شي ورا شي يگضي الشغل
تگابلنه على البيت من العصر لنص الليل وهوَ بعده أخير شي چنه نغسل بيه وطبوا يسألون
نوح : شني ما كفيتن ؟
جفون : ما ضل شي نص ساعة ويكمل
علي : عمي ايس وصعد نام
_ احسن عمن البيت يحتاج يتهوا ونشغل المبردات
علي : ضلن السبالت باجر نشدهن
_ جا شعجب خليتوهن
علي : تعبنه اسبوع صار جره وحده نشتغل
_ الله يساعدكم
غمد : اريدن ماي يبس ريگي
علي : هسة اجيبلج
ضل نوح يمنه وعلي جابلها ماي من بيت جدي ورد وبس طلعوا كل وحده كفت ثوبها وركض ركض كملنه بحيث من رديت منتهيه من التعب ضهري سبحت وتمددت وعون نايم خطية منومته غاية
غفيت بتعب ومن گعدت چانت الدنيا ضهر ،العصرية امي گالت تمشي لبيت
عمي كاظم والبنات وياها وما ضل غير انا گاللي تعاي ويانه، تونه نريد اندگ الباب وفتحه صخر وخر من دربنه
وطبينه، امي تصلي على محمد ما متوقعه هل تغيير بالبيت وعمة حنان تلگتنه ملگه يرد الروح ،امي وغاية وهيوفة گامن
يشوفن البيت وانا ضليت گاعدة يم سيوف الاول ما گامن گالتلي
سيوف : عقل ما ضل بغاسي من هذا أبن عمج الضابط الملعب
_ يا ضابط
سيوف : بغهان اكو ضابط بعد عدكم ؟
هزيت رأسي ب لا
سيوف : غغيبه تصغفاته هواي يصفن بخلقتي
_ حلوة خلقتج تستاهل الواحد يصفن بيها
سيوف : اهوو تغه مو وقت شقاح غيحانه
جاي احاجيها وردن بعد ماگدرت احجي وهم گلت خليها تسمع منه اذا بيوم راد يحاجيها ليش اخربها عليه ...
°سيوف°
من مشت مرة عمي باقر والبنات وراهم بساعة اجتنه مرة عمي يوسف وبركة ،ضلن عدنه بالساعتين و اجاهن برهان ،حطيت الحجاب على راسي وطلعت وراهن للحوش هوَ طاب يسلم على امي ومن امي گالتله لو مخليهن جاوبها
برهان : باجر التحق واريدن بركة تحظرلي هدومي
حنان : جا ترد بالسلامه ان شاء الله
برهان : الله يسلمج ،يله يمة ،بركة
صاحلها چانت تسولف ويَّ غمد ،دارت عليه تگله
بركة : ها خوية
برهان : يله نمشي وعود باجر رديلهم
ودعتنه وطلعت وياه، بس مشوا نزعت شالي و بديت اللم بالبيت واحجي ويَّ امي
_ تدغين يمة انا لهسه ما مصدگة غدينه وانتهت غغبتنه وغد أبوي يگعد يم اهله ويشوف امه يوميا
حنان : حتى انا ما مصدگه وكل ما تأخر ابوج بره اگولن خله يعوض الايام البيهن چان من الشغل للبيت
_ فغحانه هواي لان اشوف فغحته من يگعد بيناتهم
مبتسمة عيونها تلمع بلايه ما اتعمق بالشرح اكثر وحده مفتهمتني وعاشت كلشي بتفاصيله من غربة وصعوبة واجهوها هيَ وابوي
حنان : بعد روحي اذا تگدرين بس اغسلي استكاين الجاي
_ صاغ
مشيت للمطبخ الي من كلشي كامل طول ذاك السبوع گضنها امي وعمة
زهرة يوميا يطلعن للسوگ وجهزنه وحتى البيت من بردات وفراش كلشي چان جديد ويفتح النفس ،كفيت المطبخ وصعدت فوگ بدلت ثوبي لان تنگع
غمد : الخصرررر على گولة عمةةة عطاء
انداريت خازرتها ضاله بس بالاتك وهاي فاتحة الباب كله ،سدته من صحت عليها واجت گعدت على الچرباية مالتها
غمد : صوتج مال دلالات ،واليقهررر گدام الوادم مثل هدوئج ونزاكتج ماكووو
_ أنتِ تطلعيني من طوغي
غمد : طوغ مال شعر ،ههههههاي
تضحك بأستفزاج وتتنمر مثل كل مره ،شلت شيشية العطر واجيت احطنها براسها لوما گايلتلي
غمد : التوبةةةةة
_ چذابة كل مغه تگولين التوبة وتعيديها لو تسوين الانگس منها
غمد : وداعتج ما اعيدها بعد
_ لا صدگت
لبست ثوبي وتمددت على الچرباية المبرده گبالي صايرة وغمد گضتها ليش گبال المبرده أنتِ عطت بيها الا افتكيت شويَ من نگيگها ،نمت بمكان جديد حياة جديدة عايشتها گبل بنفس البيت بس العمر اختلف ،ثاني يوم من نزلت لگيت عمو محمد عدنه غسلت وجهي ورديت اسلم عليه فرحانه بشوفته عدنه
محمد : تستقبلوني اتريگ عدكم
أبتسمت
_ چنك على غيوگ
كاظم : البيت بيتك خوية
محمد : يسلم البيت وراعيه
بكل واهس مشيت للمطبخ وبين ما سياف يجيب الريوگ انا حطيت الچاي على النار ومن رد تلگيته
_ وين صغت
سياف : يم ليث برة ،راح يطب تستري زين بعد اخوج
هزيت رأسي ب أي وعدلت حجابي وهوَ صاحه سلم عليَّ ومشى للصالة، شگد ضليت عدهم انتبهتله ما بيوم باوع لوحده بينه وچان حاسبنه مثل خواته
اجت يمي امي تساعدني كملنه الريوگ صحة سياف يشيل الصينية لان چانت چبيره ،هوَ اخذها وانا وراه مشيت شايله قوري الجاي وعلاگة الصمون
گعدت اصبرلهم جاي وهمَ ياكلون ويسولفون ،اطتني لفه امي اكلها واسمع لحديثهم على سالفة بركة وابن خالي چسار
كاظم : أبوك لو يطيها تفض المشاكل كلها بس اذا ما يعاند ما يرتاح
محمد : شگد حجيت وياه وما فاد ،وچماله يريد ليث يعقد إلى البت ولا هوَ اله هوه بيها ولا هي بس ابوك مايريد احد يگول على قرار من قراراته لا
استمعلهم واكل ،بس كملوا مشوا يم جدة وغمد نزلت تسوي لروحها ريوگ وانا كفيت
المطبخ بالعشرة أيام گضن استقرينه هنا وتعودنه على البيت
وجية واحد من عمامي يوميا النه لو لمة الولد يم سياف، وبيوم چنت اغسل بالحوش
اندگ الباب مشيت اشوفن منو وتوني فتحت الباب وطب برهان ينتر
برهان : شلون تبينين هيج
_ شنو ؟
برهان : لا تفتحين الباب وتوگفين گباله صيري بسده
گلتله ميخالف وعدل ونزلت ثوبي ما منتبهه چنت لروحي من رافعته واضن هذا السبب الخلاه يحجي
ويَّ ما رفعت عيوني شفته يباوع الايده النازله على الثوب، خزرته مصدومه بصلافته ومشيت اطب بدون ما اسأله شتريد
حنان : شكو شبيج ؟
_ مابيَّ شي ،بغهان اجه شوفيه شيغيد
طلعتله امي بساع وانا ضليت گاعدة وحاطة ايدي على خدي مستغربة واستغرابي يزيد كل تلاگيت وياه أول مره واحد من الولد يباوعلي هيج تعلمت كلهم حالهم من حال سياف
وهمه هم يعاملونه هيج وما فد يوم شفت ولو نضره بالغلط من واحد منهم حتى تعلمت عليهم بساع وچن حالي من حال البنات
شويَ وطبت امي
حنان : يسأل على ابوج ،شبيج وجهج مگلوب گبل شوي ؟
_ كلشي ماكو
حنان : لا تچذبين عليَّ احجي
بحيره گلتلها
_ بغهان
اجت گعدت گبالي
حنان : شبيه ؟
_ عيونه زايغة مو مثل الولد الباقين
حنان : هوَ الوحيد يحقله يباوعلج منهم
بأستغراب زغرت عيوني
_ ليش بشني يختلف عنهم ؟
حنان : من زغرج چنتي محجوزتله وهذا العمر كله هوَ ضال ما متزوج متانينه نرد
_ هااا
من الصدمه حرت افكن عيوني لو حلگي ،ليش هسة الا دريت
_ يعني من شوكت يمةةة ؟؟
حنان : من عمرج اقل اليوم عمج گال سيوف لبرهان
حطيت ايدي گلبي يدگ بهمجيه كلشي توقعت الا هاي
_ وهسة الا تگليلييي يمة
حنان : ما چنت ببالي نرد هل ضميت السالفة عليج وگلت لو بيوم ردينه راح احجي بيها وكلشي لوكته
_ يا وكته يمةةة ، انا ضليت مثل الييا غافل الك الله
گمت افتر بالصالة وكلشي يتردد ببالي ،صفگ ايد بايد
_ وانا اگول ليش أبوي ما يطيني ،كبغت وابوووي ياهو الاجاه عليَّ وگال محجووزه وكل ضني چذبه حتى بس
اگضي دراستي طلعت صدگ ،ما چان يچذب على الوااادم بس عليَّ
حنان : وليش تصيحين ،اگعدي واحجيلي ليش ما ترديه
جريت نفس اهدي روحي وگعدت گبالها
_ العله منكم شلون تضمون عليَّ ،وين صايغه هيج سالفة تنضم
حنان : صارت بعد شتغير الملامه
سكتت ما جاوبتها من طبت غمد چانت يم بيت جدي
غمد : شصاير ؟
گمت اريدن اصعد فوگ بس جاوبتها
_ اسألي امي
صعدت وخليتهن والف فكرة براسي اجت اريدن استوعب السمعته ،رديت ضهري على تاج الچرباية اباوعلها من طبت ،گعدت گبالي
غمد : هسة عليش ضايجة أنتِ ،لان محجوزه لو لان يباوع عليج ؟
_ اهلج ما گلولي الا هسة
غمد : جا واذا يا محلاها الصدمة اذا مثل هاي وين لاگتلج واحد ضابط وجيب متروس ويموت عليج من چنتي زعطوطه
كفختها على رأسها
_ ادبسزز صايغه هواي تجاوزين
غمد : شبيج ركزتي بس على هاي مو جاي اگلج بغهان يحبج
_ شمدغيج ؟
غمد : گلولي وادم خيره
_ يضحكون عليج هذا ابو وجه الجامد اكثغ من قالب الثلج منين يعغف بالحب
غمد : اسألي أي واحد بالقرية كلها تعارف بسالفته متشوفين لهسه ما متزوج
_ عقولكم شبيها، شنو الشافه مني ويحبني ،لج صارغلنه سنيين مو هنا سنييين
غمد : شيج تخبلتي
تمددت وغطيت رأسي وهيَ ضلت تدردم ،من بعد هذا اليوم أنا لا فتحت
لباب لليدگه ولا مشيت لبيت جدي ومن بعد اكثر
من اسبوعين ما طالعة اندگ الباب
وامي مشت فتحته چنت واگفه اغسل بمواعين
الغدا وطبن جفون
وعمة عطاء موديتهن جدة وصاير بخاطرها مني تريد تشوفني
عطاء : اللبسي صخامج وأمشي بساع شجايج وهيج حابسة روحج
_ ما اغيد عمة فدوة لا تلحين عليَّ
عطاء : يا مني تلح ولججج ام لدغةة
چتفت ايدي وكلساع تحججلهن بشي وما تحركن الا اخذني وياهن وعلى حضي بس طبيت لگيته گبالي واگف يم
صخر ،دنگت وعبرت منهم وره عمة وهوَ هم ابد ما بدرت منه حركه وجدة من شافتني گضتها عتاب
وانا اتحجج بالبيت
ملتهيه ارتب بيه بس هو الصدگ چان البيت مرتب وما معتاز شي
بس حتى لا تزعل ومن ردت اردن ما خلتني وگالت اباتن يمهم
_ جدة هوَ بيتنه منا لهنا، اجيچ باچغ
غضة : چذابه هم تمشين وبعد ما اشوفنچ ،اشو حطيتوا بالقرية وتغيرتي صارت بالعكس قريبة وما اشوفنج
_ اجيچ بعد والله
تباوعلي ما مصدگه بس من حلفت گالت
غضة : اوديهم عليج باجر يجيبوج سحل اذا ما اچيتي
أبتسمت
_ متفقين ،جفون وين ؟
زهرة : بالغرفة جاي تقره
_ صاغت سادس خطية
عطاء : وليش خطية ؟؟
_ لان هاي السنة تحدد مصيغها
عطاء : اممم
لهناك وطب ليث من شافني گال
ليث : يابة عاش من شافج وين مختفيه، جدة خبصتنه عليج ليش ما تجي وامشوا جيبوها
_ بعد اجيها يوميا
ليث : عفيةة عليج
غسل وگعد وعمة صبتله غداه ياكل وگباله علي اجه يسولف وياه ،لليل ورديت وكل ما صرت
اتلاگه وياه اتجاهله عمن روحي ما مصدگه السمعته ولا جاي اقتنع بالسمعته ،اكثر من شهر ضليت كل ما اشوفنه گاعد بمكان انا ما اطبله وبيوم چنت يم بيت جدي گاعدة يم جدة واجه هوَ يريد يگعد يمها وانا خليت وگمت
غضة : وين جدة ؟
درت عليها
_ ما ماشية بس اشوف جفون اغيد
ما حاجتني وخليت ومشيت للغرفة بس فتحت الباب رفعت عيونها عليَّ مبين سامعة صوته بساع گالتلي
جفون : هااا اجه وشردتي ؟؟
سديت الباب ومشيت گعدت يمها
_ لا ما شغدت
جفون : الجذذب حرااام
تأفافت ضايعة ،ولهناك وسمعت صوت سياف يصيحني طلعتله چان واگف متانيني لبست عباتي ومشيت وياه وبس وصلنه گالي
سياف : اكويلي دشداشتي الجوزية اريدن اطلع ويَّ الولد مسوين گعده الليلة بالاراضي
_ تدلل
صعدت لغرفته طلعت الدشداشه وكعدت اكويها وهوَ طب حط موبايله والمحفظة بالغرفة واخذ هدومه و مشى للحمام يسبح، وره شويَ دگ الموبايل وطول هواي الا فصل ورد يدگ ،حطيت الاوتي يم الحايط و گمت اشوفن منو ومن قريت الاسم چان مكتوب عليه "الخانس"
عگدت حواجبي مستغربة هذا ياهو، انداريت على الباب من طب ينشف بشره لابس فالينه وسروال
_ موبايلك هواي دگ
اجه اخذه ومن گال اسم برهان عرفت هوَ المقصود بهذا اللقب ،كملت الدشداشة واطيتياه وهمَ بعدهم يحجون ،اخذها مني يگلي
سياف : بعد اخوج تعبتج
أبتسمت
_ تعبك راحه
نزلت وهوَ وره شوي نزل وراي گال الامي ماشي ويَّ الولد وطلع ،گعدت يم غمد الگاضيتها مسلسلات و گبالها سلة بيها نبگ
_ منيلج النبگ ؟؟
حطت وحده بحلگها
غمد : علاوي جابلي
استغفرت وگلتلها بنتره
_ ليش ما تبطلين تگولين علاوي ؟
غمد : انا هيج طبيعتي مو مثلج رسميه احب اعيش حياتي
خزرتها وهيَ ما مهتمة ردت تباوع ،امي چانت تغسل هدوم صاحتني گمت اشرهن الها وهم حتى اضيع وكت
حنان : ضلت بس هاي الوجبه اخذيها
اخذت السلة وصعدت ،الدنيا ضلمت وگلوب السطح خافت حذبني صوت اصواتهم بره مديت رأسي من الستاره مطلعة بس
عيوني اباوع عليهم واگفين يم السيارات ،انتبهت على برهان من صاحوا بأسمه حتى يستعجل توه طلع من البيت واضن هاي وگفته بس لان متانينه
صخر : بسااااعك
بس وصل عدهم كلمن صعد سيارته ومشوا، الليل كله ضلوا هناك طلع الصبح
الا اجوي عمن هل أيام يكربون بالاراضي وثاني يوم اجونه بالمطبخ انا واسمعهم يضحكون على سياف
ليث : مو ابو مصلحه ،جايني بدشداشه، وين ماخذك
نوح : ما أتذكر سواله شي غير بس رافع دشداشته
يضحكون واصواتهم تعله بتصنيف عليه وهوَ مستسلم لحجيهم
سياف : متحملكم واگولن ميخالف خلهم يضحكون بس راح ازهگ
ليث : وشتسوي اذا زهگت ؟
سياف : ما اسوي شي اسكت
ضحكوا مصدومين ببروده بس هذا طبعه يتحمل بس من ينفچر الله يستر منه ،بس كمل
الجاي دگيت باب الديوانية اجه اخذ الصنينة ورد يمهم ،وبيوم چنت گاعدة اطرز وطبت
بلايه صوت گعدت على جربايتها سألتها مستغربة
مو من عوايدها تطب بدون ماتسوي هوسة
_ شبيج شصايغ ؟
باوعتلي وعضت شفتها تريد تحجي بس متردده نزلت الابره من ايدي وگمت گعدت يمها ومن لحيت عليها گالت
غمد : علي ابن عمو سمير
_ شعجب علي؟
غمد : بس خلِ اكمل
_ كملي
غمد : چنت اردين اچيب نبگ وشفته واگف يباوع عليَّ ومن نزلت اجاني
°غمد°
عدلت حجابي وهوَ گبالي واگف چن يريد يحجي بس متردد سألته
_ بيك شي علاوي ؟
صفن بوجهي گبل لا يگول
علي : اريد احجي وياج .
_ احجي
أشرلي
علي : اگعدي
گعدت بسد شجرة النبگ مطيه ضهري لباب الشارع وهوَ اجه گعد بصفي بس اكو مسافة زينة بيناتنه درت بس رأسي ورديت سألته
_ بيك شي ،شو شكلك ضايج ؟
فاچني من گال وعينه بعيني
علي : واهمج اذا ضايج لو لا ؟
بلعت ريگي امتمت حايره شني اجاوبه و ويَّ روحي اگولن ،هسة هوَ سؤال عادي ليش ما ارتبكت هيج انا
علي : غمد
رديت باوعتلها چان داير بكل جسمه عليَّ
_ هاا
علي : ماعدي احد ومحتاجج تملين عليَّ ايامي
بصدمه گلتله
_ شنو ؟
علي : رايدج حبيبة ،وصديقة ،وأم الي ،ترضين ؟
بارتباك درت عيوني منه أول مره احيرن بجواب هيج ما متوقعته يحاجيني ما انكر احس بشي دوم اتجاهه بس چنت اتغاضه واگولن لا يجوز عجبتني شخصيته
علي : ها شو ساكته ؟
طگطگت اصابعي بتوتر بين اكله أي وبين لا جوابته
_ ما اعرف
علي : شني ما تعارفين ،أي لو لا ؟
_ خلِ افكر
من گمت وگفت صاحني، باوعتله وگف گبالي تنهد تنهده طويله خلتني احيرن اكثر
علي : محتاجج بحياتي ،وصدگي اذا وافقتي ما راح تتندمين
_ الله كريم
من طبيت جوه وحجيت لجفون كالت
جفون : والله شوفي الصراحة وبلايه ما اجاملج علي خوش علي واحس يستاهلج
_ ثنيناتنه زغار احس يصير زواج فاشل
جفون : شدخله العمر ياما ناس كبار فشل زواجهم وياما زغار نجح تضل على العقل ،شوفيني انا مو ما انحمل بس حاملني نوح وما فد يوم ضوجني بحجاية وانا كل حجاية اطيها اله اكبر من الگبلها و علي دوم كلها تگول عليه عقله چبير يعني اذا على هاي أمني
شگد ما چنت اگولن عليها عقلها طفولي بس صدمتني من ضلت تنصح بيَّ خبلتني افكر عدل وبنهاية الحجي گالت
جفون : اهم شي ركزي على مشاعرج، انا منتبهتلج أنتِ هاويته بس متردده وهذا حگج انا هم مثلج گبل
_ راح احجي لسيوف
جفون : احسن
من سولفتلها كلشي كالت بس مشاعري الضامتهن ما حجيت عنهن بس اخذت رايها بالموضوع
سيوف : صدگ علي حباب وانا اشوف غاح يصونج
_ يعني اوافق
سيوف : ضلي فكغي هل چم يوم وغديله جواب بس خلِ نحاجي امي
بالليل چانوا أبوي وسياف مو بالبيت وفتحت الموضوع سيوف ويَّ امي
حنان : يا جا من الزينات عليش مستحيه يمة
غمد
_ ما توقعت يمة
حنان : اذا رد حاجاج لا تسديها بوجهه بهذا مستحاج لا نوبه عباله ما ترديه
_ يمةةة شني السالفة
يضحكن عليَّ وبنفس الوقت متقصدات يخلني احجي عمنهن ما متعلمات
انا لضمن لساني وما ارد الحجاية بعشرة ،چم يوم ضليت ضامه روحي وما طلعت مالبيت وبيوم ودت عليَّ
جفون تريدنه نلتم گبل الدوام لان هيَ بعد سادس وما تگدر بوكت الدوام
مشيتلهم ولليل ضليت لحت عليَّ الا اباتن وخلت نوح يودي خبر الأمي ،الليل كله ضلينه گاعدين
انا وياها ل صلاة الصبح صلينه ونمنه ومن التمينه على الريوگ چان گبالي
گاعد كل ما ارفع راسي اشوفه يباوعلي و بساع يدير عيونه خلاني حتى ما اعرف اكل ومن چنت بالمطبخ يم چفون تغسل مواعين وانا اسولف براسها اجه هوَ وگدامها گالي
علي : احجي وياج اريد
أبتسمت تهز بأيدها وهوَ ولا مهتم گاللها
علي : شسوي صارلها اسبوع مغلسه
اشرتلي عليه
جفون : توقعي كلشي لا تنصدمين الصلافه عدهم وراثيه
علي : ياهم ولج ؟
جفون : أنتَ و ولد عمك
علي : شو طولان لسانج
جفون : لا وداعة السفينة صايرة فقيرة كلش وصوتي حتى ما ينسمع
ضحك وأشرلي امشي وراه انا هنا أجيت اموتن عبالك شوف شمسوية من طب بالمشتمل مالته ضليت واگفه بالباب
علي : بس اطيني الجواب واطلعي ما اتسوفل وياج من هسة
_ شنوه ؟
ضحك على صدمتني واجه وگف گبالي سأند روحه على الرزه مال باب
علي : جاوبيني ترديني لو لا ؟
گلبت ملامحي اسوي روحي عود ما راضيه وهو بس شافني هيج عدل وگفته
علي : هااا شبيج شو انگلبتي ؟
_ اذا گلت لا ما تضوج
علي : لوتيه أنتِ شلون ما اضوج
_ لا لاتضوج خطية
علي : تضحكين عليَّ مو ؟
أبتسمت وغطيت حلگي بساع بس على گولته
علي : مايفيد عيونج يضحكن
وخرت ايدي وقررت احاجيه بجديه
_ شوف
علي : جاي اشوف ومركز كلش زين
درت عيوني مرتبكه من جوابه ،بس ركزت وياه من گال
علي : لا تتردين اذا موافقة گليلي وگلتلج ما راح تتندمين
_ توعدني ما تخليني اتندم ؟
هز رأسه ب لا
علي : ما اطلع ابن أبوي اذا خليت الحزن يمر على عيونج الحلوه
أبتسمت مصدگته وبس اجه عمي سمير من دوامه مر علينه ومن مشى أبوي گال خاطبني منه لعلي
كاظم : شتگولين بوية ؟
حنان : انا اگلك راضيه
كاظم : وأنتِ شمدريج بيها راضيه ؟
حنان : حاجاني عليَّ گبل چم يوم وانا اجيت حجيت الها
كاظم : اهاا وشو ما گلتيلي
حنان : بيني وبينه ليش احجيلك
كاظم : اممم ،جا دامج ماخذه الجواب منها نتوكل واگولن لسمير
وثاني يوم أبوي رد الموافقة لعمي وجدي من عرف كلش فرح عمن بت عمه لو غريبة فلا چان رضى ،حددوا الخطوبة وانا لگبل يوم ما مصدگة جفون يمي تفتر وتحجي
جفون : تذكرتي ما تنخطبين الا ويَّ الدوام ترا والله مايصير هيج
_ شبيج كلهن چم يوم صار من بده عليش مكبره السالفة
جفون : الأحد عدي امتحان
سيوف : بعدج ببداية السنة لا تخنگين غوحج وبالاخيغ تتعبين
سكتت من نصحتها ريحانة، وثاني يوم الصبح مشيت للصالون هيَ وسيوف
وياي ومن طلعنه كملنه خابرت سيوف على سياف گاللها بالحلاق وراح يدزلها
واحد من الولد ومو طلعنه وشافت برهان صخنت تتأفأف وتلوم بسياف، صعدت انا وجفون بصفي ومن ردات تصعد هيَ هم يمنه نتر
برهان : مو سايق عدچن ،وحده تجي تگعد گدام
اشرت لجفون تريدها تنزل تگعد يمة وجفون عاندت عود تسوي روحها تستحي استسلمت أخير شي من ضل يستغفر وصعدت ،ندستني
جفون : هاي شبيها كراهه الزلمه فوگ ما يحبها
عدلت البرگع اغطي روحي زين ورديت عليها وانا عيوني يمهم
_ اندري شو كلش متخبله منه
جفون : متعافيه هيَ ما تعارف حتى صورتها من زعطوطه چانت مخليها بالمحفظة
_ شيقنعها اختي رأسها يابس وعناد
بس وصلنه طبگ السياره ويَّ الباب كلش و وگفوا ولدنه يسوولنه سد الا خلونه ننزل وهوَ عيونه عد اختي ضلت فستانها احمر طويل
يسحل من جوه الصاية وحجابها بالگوه لامته ،تدنه حاجها تطب وهيَ خزرته رد خزرها ياشرلها بعيونه تطب والحمدلله من ما عاندت وطبت گبلنه وانا و جفون وراها، تلگنه بالهلاهل والصلاة على محمد و من گعدت التمن عليَّ يمدحن بمكياجي والفستان الفستقي الي لابسته بتطريز فضي ،كلشي اختاريته بعناية حتى التاج فضي چان
ريحانة : شهل جمال شطالعة،
هيوفة : مكياجج يخبل وابد ما مغير من ملامحج
أبتسمت وگتلهن
_ يعني صدگ حلوة ؟
حواري : غير تخبلين
گاعدة بصفي ايدها على بطنها انداريتلها من گالت
غاية : تموتين والله
_ حتى أنتِ طالعة حلوة
غاية : ابن عمج جابلي الفستان ما گدرت اطلع بس صدمني بذوقه
_ كلش حلو
چنت مندمجة واسولف وياهن وركضن كلهن من بدوا يطببون مواعين الاكل، بس غاية ضلت يمي وبحضنها چان صگر بطنها بادية تبين وكلش لايگلها الحمل
غاية : ها شو تباوعيلي
_ لايگلج الحمل تدرين
هزت رأسها مبتسمة وانا وياها باوعنه ل سيوف من اجت گعدت بصفي من الجهه الثانية
غاية : شبيها اختج ضايجة وطبت روحها بخشمها
_ اسأليها
غاية : سيوف
باوعتلها
سيوف : ها
غاية : شبيج ضايجة ؟
سيوف : كلشي مابيَّ
مبينه من وجهه بيها شي بس ما لحت عليها غاية جدة اجت گعدت يمي تقره عليَّ المعوذات صحتها صارت زينة
الحمدلله ،امي كلساع جاية تسألني خاف اريدن شي ولوكت العقد
وما صارت صدگ صرت ارچف ،طببوتي بالغرفة مدنگة اردد الصلاة على محمد واهدي روحي ومن سمعت صوته
من گعد بصفي زاد ارتباكي ،شبيَّ مو چنت ماخذه وياه ميانة هسة ليش حالي انگلب بقربه ،بده السيد يقره ايات ببداية العقد الا سألني واطيته الوكاله ومن رد سأله گال
علي : نعم قبلت التزويج فلا نور ل أيامي بدونها
أبتسمت على جوابه الوصلتي منه مثل النسمه البارده خلقت جسمي يقشعر
السيد : مبارك لكم والله يجعله زواج مبارك ببركة محمد وآل محمد
الهلاهل بره علت من انفتح الباب وطلع السيد هوسله
_ شايف خير ومستاهلهااا، شايف خير ومستاهلها
هلهلت وتقدمت تباركله
زهرة : بالعافية يمةةة
باسها من راسها مبتسم بس بنفس الوكت حسيت بيه اكو حسره بعيونه اضن متمني امه موجوده هسة هذا حگه، كض ايدي وطلعنه وخرت مني البرگع حواري وابتسم هوَ يعدل شعري
علي : خايف عليج من صلافة عيوني ،راح يوگف گلبي من جمالج
أبتسمت عيوني بعيونه وهنَّ هوسله
_ حبها ولك حبها ولا تخاف من امها
وهوَ مثل الفرج اجاه بساع تدنه باسني من خدي بوسه قوية وياها جرة نفس ومن وخر همسلي
علي : "ضعت وبعيونج لگيت روحي"
دنگت ورديت رفعت رأسي من جابت الحلقات غاية لبسني حلقتي اول شي وبعدين انا لبسته حلقته وضل شويَ
وطلع ،للعصر نزعت فستاني بس ضليت بالمكياج وبس ضلمت سووله حفله بالحديقة صعدن البنات كلهن فوگ وصاحني وياهن
أبتسمت من شفت ليث شايله على جتافه وملتمين يهوسوله و وحده من الهوسات چانت
_ "لا تگول انا وحيد كل احنه خوتك"
نزلنه من صاحت علينه عمة زهرة بس شافتني وياهن گالت
زهرة : اعتب عليهن طلعت حتى العروس وياهن
ضحكت وكملت دربي صاحتني جده گعدت يمها وبس طبوا حجيت الحجاب على راسي
مثل كل وحده هنا عشت نفس الأجواء ،باركولي بين يوصونه عليَّ وبين يوصوني عليه
سمير : صيرليه كلشي وحيدي هذا اريدنج تهتمين بيه
نوح : معوز اهتمام الله يسلمه
اندار عليه
علي : هااا بدينه ؟
ضحك يطبطب على ضهره، وبس رديت للبيت بتعب نمت كلشي صار بساع ورگضة ،وثاني يوم العصرية سبحت وترتبت وردت امشي لبيت جدي من شافتني اريد اللبس حجابي
گالت
سيوف : وين يا ستاغ ؟
_ لبيت جدي
چتفت ايدها
سيوف : مايصيغ تمشيلهم لان علي هناك
_ وشدخلني بيه
سيوف : يا بحساب ماشيه لبيته
_ هاي شلون جاي تفكرين ؟
سيوف : هيدي لا اگول الامي عليج وبطلي سوالف الخفه
اشرت على روحي
_ انا ،قصدج خفيفة ؟
سيوف : اثگلي خليه يشتاقلج مو كلساع يلگاج بوجهه
_ اممم ،يعني هسة أنتِ جاي تبعيني ثگل على بغهان ؟
شردت من رادت تكفخني وسمعت كلامها ما مشيت وما صبر يومين واجاني هوَ ،چنت نايمة وگعدتني
سيوف : غمد الزعطوطه خطيبج هنا
غطيت رأسي ،جرت البطانية وگومتني للحمام غسلت وجهي ورديت للغرفة لگيتها تدور بهدومي سألتها مستغربة
_ شتدورين ؟
سيوف : اطلعلج شي بغاسه خيغ يلبس، بساع بدلي
شمرت علي ثوب سمائي مطعم بتور اسود گبل الخطوبة امي خيطتلياه هوَ وبعد چم واحد يم صاحبة عمة زهرة ،اخذته ومشيت للحمام بساع غسلت جسمي ولبسته ومن رديت گالتلي
سيوف : حطي حمغه شويَ وجهج مال موته
_ استغفرالله
جرتني گبال المراية حطتلي حمرة ومن نفسها لخدودي ورشتلي عطر وفتحت شعري لمته ذيل حصان
سيوف : أي هسة طلعتي حلوة ،يله انزلي هواي خطية متانيج
حطيت شال اسود ناعم على راسي ونزلت وهيَ وراي امي من شافتني ضلت تحجي لان تأخرت
_ غير چنت نايمة يايمة
حنان : خطية صارله ساعة ومبين نعسان حتى
_ ماشيتله
فتحت باب الديواينة ومن شافني گام وگف أشرلي سدي الباب ،سديته ومشيتله وبس صور قريبة عليه كضني من ايدي جرني يحضني يردد
علي : افيش ياحضن الحلال يرد الروح
أبتسمت وجريت روحي منه اسأل
_ شلونك
علي : بخير بشوفتج
_ اممم
گعد وخلاني اگعد بصفه وايدي بعدها بين ايده رفعها يباوعلي ويرد يباوع للحلقة البيها، بصوت خافت گال
علي : چنت اريدن وحده حلوه بس مو هيج لان راح يصعد عدي السكر
أبتسمت بخجل وهوَ ضحك
علي : كل مرة اشوفج اگولن لنوح صعد سكري بحيث صار ما يصدگني حتى من يصعد صدگ
رفع وجهي يباوع بعيوني
علي : احبنهن، لونهن خلاني اتدوهن وما اشوفن دربي كل ما اشوفنهن
بلعت ريگي من تدنه طبع بوسه خفيفه على خدي
علي : طيبه
_ شنو ؟
علي : البوسه
عضيت شفتي مرتبكه ،عصر ايدي بين ايده يهمس
علي : لا تعضيها
_ هاا
علي : نعست
_ متعشي ؟
هز رأسه ب أي وكام يريد يمشي ما خلاني اطلع وراه ومشى ،وبس شافتني گالت
سيوف : بسلا غاح
_ أي ،خطية منعس
سيوف : عود سويت گهوه حلوه
_ اطيني انا اشربها ببداله
ضحكت وصبتلي منها ،صبت الامي و ودتلها وردت وعلى وگفتنه وطب سياف من بره، سلم وسألها
سياف : ما شفتي چنسيتي ؟
سيوف : بالجغاغه مال ميز
سياف : شگد دورت عليها كل اني ضني ضايعة
سيوف : لا من أمس شفتها
سياف : خوش ،شجاي تشربن ؟
سيوف : گهوه چگليتيه تغيد ؟
سياف : ما اگولن لا تدرين احبها
صبتله شرب وحط الكوب على السنك وصعد وانا بدلت ثوبي ورديت نزلت مصحصحه
وكبالي صار أبوي توه طاب للبيت، چان وجهه مگلوب حتى سيوف انتبهتله وسألته
سيوف : شبيك بوية صايغ شي ؟
مسح على رأسه ومبين صاير شي گبل لا يحجي حاله خلانه نتأكد
كاظم : ضيرم گبل چم يوم مهددينه جماعة وطلع ولهسه ما اجه
°نسمات°
بس گضت أيام العده وبس رديت لحياتي الطبيعية بنفس اليوم البيه الشافوني افتر بالبيت براحتي طلعولي بسالفة جديدة وهيَ ،اتزوج هاشم اخو زينة
طفر من مكانه يصيح ما راضي
هاشم : شنييي بكيفكمم تزوجونييي ،مثل اختي وچانت مرة ابن عميي ،عقل برووسكم اكوو لو لا
صاح عليه ابوه يريده يگعد وهوَ يحلف اذا ردوا فتحوا وياه الموضوع يطلع وبعد ما يرد ،وما سمعوله ومن رد أبوي حاجوه ،هنا أبوي
فاض كل صبره وبعد ما عده القابليه يحمل قراراتهم العتبروهن بمثابة اوامر لان همَ أكبر منه
غافر : ما ازوجهااا لو تنطبگ السمه على الگاع ومن هل ساااعة ماخذها وطالع
ضلوا يصيحون عليه وهوَ ما متهم بزعانه روحه و وياهم چان واگف على شعره وبنص الليل خلاني اللمن هدومي وهدوم امي نطلع ما مهتم لحجيهم كله ودعت زينة وصعدنه بالسيارة وحركها يغلط عليهم ويحلف بعد ما نرد
غافر : انعل ساس اليردلهم
الدرب كله ضل روحه بخشمه ،امي ساكته وحاطه رأسها على چتفي وانا من الجامه
اباوع للشارع و ادعي ما ارد بعد واشوفن ذاك البيت الي بمثابة الجحيم الي ،وصلنه عد بيت عمة غفران تلگتنه تسأل شكو مبين الخبر واصلها،حذرها ابوي لا تحجي وتگللهم احنه يمها بين ما يدبرلنه بيت ايچار يمها
غفران : وروح أبوي ابد ما احجي جا شني انا خوما اريدن اضرك
غافر : مو هيج خوية بس انا جازت روحي منهم كلش ومو حمل شوفتهم بعد
غفران : حگك خوية جا سوايتهم موش هينه ،الله يهديهم
ضلينه عد عمة تقريباً شهر وعمامي يوميا جايين هادين عليها حتى وياها خربوا عمن يگلولها يمج وهيَ تنكر، لگينه بيت يبعد عن عمة بثلاث بيوت ركض ركض اثنناه وساعة الحولنه بيه ما صدگت روحي راح ابدي بداية جديدة ماكو بحياتي غير
امي وابوي ،افتر بالبيت ما مصدگه عيوني چان بسيط بس بعيوني قصر
ومن اول يوم بديت اعيدن نظام امي و وره شهرين تقريباً صارت تطلع تاكل ويانه وبدت تتعود على حياة طبيعية بلايه خوف
غافر : بويةة نسمات
مديت رأسي من المطبخ
_ هااا بوية
غافر : چاي بعد ابوج راسي يوجعني
_ چنك على چاي
حطيت قوري الجاي على بين ما اغسل المواعين مسحت ايدي وصبيتله ومشيت للصاله اطيتياه و گعدت گبالي من گالي
غافر : ناوي ارد اعالج امج
نشغت
_ عليك الله
أبتسم
غافر : بس تحتاج صبر منج
_ عيوني مستعده اطيهن الها مو بس صبرري
غافر : حجزتلها يم الدكتور امس وأليوم العصر موعدنه
غورگن عيوني من فرحتي وبكل واهس حضرتها وتحضرت من صار الوكت ،وبس طبينه للدكتور گاللنه بعد ما شاف حالتها
_ علاجها يطول من المحتمل اكثر من سنة الا تتشافه تماماً
شرحلنه هواي على حالتها وكل هذا وانا إامل روحي واگولن ميخالف واگدر وبس طلعنه
أبوي گال نضل متانينه بين ما يجيبلها الدوه، گاعده بالعياده وهيَ بصفي وبس
رد أشرلي اگوم مشيناله وبس وصلنه للبيت بديت بعلاجها بنفس اليوم ،أول فتره
كلش بدت تتعب ونوبات گد ما تگضيها نايمة يطيح گلبي وكل ضني صار بيها شي ومن احاجيها وترد عليَّ الا اجرن نفس ،أول شهر چان مثل ثگل الچبال عليَّ هواي
انهاريت هواي بچيت وكبالها ضحكت اخفي كلشي
غافر : شبيج بوية ؟
مسحت عيوني وگلتله
_ كلشي مابيَّ
غافر : لا نچذبين عليَّ ،شني مضوجج ؟
_ ما مضوچني شي بس تعبت وانا اشوفنها جاي هيج تتعب من الدوه
شهگت وبجيث بقهر اجه حضني يهون عليَّ بنفس الوكت الچان بيه محتاج احد يهون عليه ،وخرني و طلع من اندگ الباب ومزاچي كله تعدل من
شفت زينة گبالي ،ضحكت وركضت احضنها و وراها رچلها وابوي يضحكون
علينه، ضلت يمي لنص الليل الا مشت ،وتونه سدينه الباب وراهم بعد ما مشت سيارتهم وانشمر شي بنص الحوش فززني انا وابوي
باستغراب ضليت اباوع الابوي خايفة وهوَ دنگ شالها چانت ورقة ملفوفه فتحها وانگلبت ملامح وجهه ...
─── ⋆⋅☆⋅⋆ ───
شنو مضمون الورقه ؟؟؟
وبرائيكم منين چانت ؟؟
راح يدوم استقرار نسمات من بعد التعب ؟
•------•
فاراشات بگلبي بفقرة الشحمة أبو السفينة
احبهم سووووه
اما علي وغمددد لا عالم ثانييي
سيوف شيقنعها برهان حابها من چانت طفله ؟؟
بعد كل ذيج السنين لازم يصبرر بعد
صح صح
غايتنة الحنينة دوه جروح اخوها
راح تصير ام 🙂↕️
ضيرم 😮💨
