رواية من انت الفصل الخامس
اتكلم باسم ب توتر
«في حد خد الصندوق»
اتسعت عينا ادهم وردد
«بتقول ايه؟»
«دا الي حصل»
قفل ادهم باب اوضته وجري مع باسم يشوفو المصيبة دي
اما عند وتين ف كانت قاعدة هي وجدها ع كنبة الانتريه بيتفرجو ع فيلم
جد وتين كان ملاحظ شرودها ف سألها
«مالك يحبيبتي»
انتبهت ليه وتين
«لا مفيش ي جدو انا تمام»
«بس انا بقدر اقرا عيونك كويس ي وتين
وعارف ان في حاجة شغلاكي
احكيلي يحبيبتي»
اتنهدت وتين وبصت ل جدعا بضعف
«ياريت حاجة واحدة بس الي شغلاني يجدو»
عدل جدها ف قعدته بحيث يبق قصادها وبصلها ب انتباه شديد
«اي الي حصل يبنتي احكيلي»
بدأت وتين تحكيله كل حاجة حصلت ف الرحلة ب التفصيل
ولكن مقالتلوش على اهتماها الشديد ب ادهم ولي هو على بالها
«ونتي مرنتيش عليا لي لما حصل كل دا»
«يعني عايزني اجيبك هنا وامرمطك على حاجة تافهة يجدو»
«دي حاجة تافهة دي ي وتين
الولية كانت هتسجنك
لو جيت كنت علمتها الادب وازاي تتعامل معاكي»
«يجدو مهو ادهم الي بقلك عليه دا هو جه ووقفهم عند حدهم»
لاحظ جد وتين لمعة عنيها وهي بتتكلم عن ادهم
بصلها
«ويطلع مين ادهم دا»
هزت وتين كتفها بعدم معرفة
«هو دا الي خبط نوران بردو»
كمل جدها
«وهو دا الي انقذتيه ونطيتي من بلكونتك ل بلكونته صح»
هزت وتين راسها وهي بتعضعض شفايفها
قال جدها
«وهو الي وصلك هنا؟
عربيتك مش برا»
قالت وتين بعفوية
«لا دا عامر
وصلنا كلنا»
بعد ذكر اسم عامر تحولت ملامح جدها ل غضب
«وانا يبنتي مش قلتلك بلاش عامر دا»
«ماله يجدو
كان واقف معايا والله ومسابنيش لحظة
كتر خيره»
حاول جدها يهدي من نفسه
«يحبيبتي
انا عارف مصلحتك
وعامر كويس وعلى راسي بس انا مش برتاحله»
مسكت وتين خدود جدها ولعبت فيهم
«ي جدودي ي قمر انت
هحاول ابعد عنه حاضر»
بعدت عن جدها وتثاوبت
«هدخل انا انام لاني تعبت اوي»
هز راسه وهي اختفت من قصاده
بص قدامه وافتكر من تلت سنين لما عامر جه يطلب ايد وتين
وانه عايزها
لكن الجد قاله انها لسة متخرجتش
قاله انه هيستناها
بس الجد اعترض وقاله انه مش موافق لسبب ما
وعامر مشي
لحد الان عامر مش عارف السبب عشان كدا بيعافر انه يكسب جد وتين
والا هيشيلو من طريقه خالص
عند ادهم
كانو واقفين ف مخزن صغير
وادهم مميل ل مستوي صندوق وفاتحه وهو بيبص بغضب
قام فجأة وبص ل باسم
«عايز افهم ازاي قدرو يوصلو للصندوق دا يباسم»
قال باسم بتوتر
«والله ي ادهم معندي اي فكرة
انت عارف انا كنت معاك طول الوقت وسايب الرجالة هنا يحرسو المكان»
قال ادهم ب غضب
«عايز الرجالة كلها الوقت ي باسم قدامي»
هز باسم راسه واختفي
ادهم كان واقف بيمسح وشه ب كف ايديه ب غضب
وكان بيدور ف المخزن وهو هيتجنن
بعد كام دقيقة دخل باسم ب الرجالة كلهم
وكلهم كانو واقفين مطأطأين الراس
بص ادهم ليهم كلهم وقال ببرود جواه غضب
«لو معرفتش ف ظرف كام ثانية
مين فيكو الي غدر بيا
ف متلومونيش ع الي هيحصل»
كانو ساكتين ومحدش بيتكلم
زعق ادهم
«يبق متلومونيش ع الي هيحصل»
اول م زعق
واحد بس الي اتنفض من الزعيق وكان باين عليه الخوف
بص ادهم ع باسم وشاور ع الي خاف دا
وبعدها قاله
«باسم
اتولى الامر»
من نظرة فهم باسم قصد ادهم ومشي ادهم من المكان
تاني يوم
وتين صحيت بنشاط ولقت رسالة من نوران
ان هم هيتحركو بس هي مش هتروح عشان رجلها
اتطمنت عليها وتين وقامت صلت وجهزت
خرجت برا لقت جدها محضر الفطار ك المعتاد
باسته من خده وهو ابتسم
قعدو فطرو ووتين استأذنت عشان تمشي
وقفها جدها وقال
«عربيتك جت؟»
ابتسمت وتين
«ايوا ي جدو
يوسف جابها امبارح
ومتقلقش هركب فيها»
ودعته ومشيت وهو دعى من قلبه ان ربنا يبعد عنها عامر
وصلت وتين مقرها لقيتهم لسة متحركوش
واول م عامر شاف وتين قربلها ب ابتسامة عريضة
«صباح الخير ي وتين
عاملة اي انهاردة»
ابتسمت وتين وافتكرت كلام جدها ف قالت برسمية
«تمام ي عامر الحمدلله»
قربت ياسمين
«هتركبي عربيتك بردو؟»
هزت وتين راسها ف قال عامر
«الصراحة ي وتين من بعد الي حصل امبارح ومبقتش مطمن عليكي ونتي سايقة لوحدك
اركبي معانا مش هتخسري حاجة»
«انا مش صغيرة ي عامر والي حصل امبارح كان قضاء وقدر واكيد مش هيحصل كل يوم
انا هركب عربيتي وهسبقكو يالا»
هربت من قدامهم ومش عارفة لي لما جدها حذرها من عامر بدأت تحس ب احاسيس غريبه من ناحيته
خوف
قلق
متعرفش
ركبت العربية واتحركت وبص عامر ع طيفها ولاحظ جمودها معاه
كان خايف ل جدها يكون قالها الحوار الي حصل من تلت سنين
اول مرة وتين تتعامل معاه ب جفاء كدا
ركبو عربيتهم ولحقو عربية وتين
بعد وقت
وصلو الواحات
وعدو على واحة سيوة لكن منزلوهاش
نزلو عند جبل معين كدا ف المنطقة ونصبو خيمهم
جهزو معدات الكشف بتاعتهم وبدأو يتحركو وكانو مستغربين الرسمية الي فيها وتين
طلعو الجبل بعد د خدو معداتهم
التيم كله كان بيتناقشو ف الحاجات الي بيشوفوها ع الجبل
اما وتين
ف كانت ف عالم اخر
فيه ادهم
مش عارفة لي هو على بالها
مش لاقية تفسير منطقي خالص
ف الجانب الاخر من الجبل
كان واقف ادهم مع باسم بيتابعو عملية تسليم معينة ضمن شغلهم
قال باسم
«هروح اتفقد البضاعة واستلم الفلوس وخليك انت راقب الوضع من بعيد
انت عارفهم مش مضمونين»
هز ادهم راسه بالموافقة ووقف يراقب من بعيد
اما عند وتين
ف وهي ماشية خبطت ف حجر
اتأوهت بس محدش سمعها من التيم لانهم كانو مشغولين
فضلت واقفة مكانها وقلعت الكوتش عشان تشوف الخبطة
قعدت على احد الصخور بعد م رجلها بقت وجعاها اوي
نادت ع ياسمين بس محدش رد عليها
استغربت لان صدى الصوت يسمع اي حد
رجلها كانت بتوجعها اوي
بصت ع المكان الي بيطلعولو الجبل وكانت واثقة انها مش هتقدر تطلع
بصت ع المكان الي بينزلو منه من الجبل
وكذلك الامر مكانتش هتقدر تنزل
قعدت بيأس
بس افتكرت فونها وبدأت ترن ع اي حد من التيم
بس هي طلعت امتار من ع الارض ومكاش في اي شبكة
فضلت قاعدة تبص حواليها بملل عايزة اي حد يساعدها
معقول التيم مش سامعها
او حتى ملاحظش اختفائها؟
اتنهدت بتعب وقامت مسكت فردة الكوتش وحاولت تمشي
كانت بتمشي بس بصعوبة وبتتوجع اوي
اتمشت حوالي مترين ل فوق وهي ف قمة وجعها
قعدت ع الارض بيأس ووجع
التيم بعد م بعد عنها بكتير
بص عامر وراه واتخض لما ملقاش وتين
بص ع ياسمين
«وتين فين؟؟»
بصو كلهم وراهم ملقوهاش
نادى عامر عليها بصوت عالي بس مفيش رد
قالت ياسمين
«يمعن رجعت مكان التخييم»
قرب يوسف
«كانت قالتلنا ع الاقل»
عامر هز راسه وقال
«انا هرجع اشوفها ونتو كملو»
كلهم وافقو وكملو اما عامر رجع عشان يشوفها
عند وتين كانت فقدت الامل ودموعها نزلو
مسكت موبايلها ترن اخر مرة بس لسة الشبكة وحشة
اتنهدت بتعب وسندت ع الحجر الي جنبها وقامت تاني بوجع
قررت تنزل لان النزول هيبق اسهل من الطلوع
اتحملت الوجع ونزلت من ع الجبل كام متر
لحد م قربت توصل للارض
بس المرادي وقعت بجد بسبب ان رجلها بدأت تنزف
بصت ع رجلها وبدأت تتأوه
اللفة بتاع الجبل الي بيطلعو منها كانت عند المكان الي واقف فيه ادهم
وبوضوح كان سامع صوت الوجع
مشي واتبع الصوت
ولما وصل
شاف وتين
اتصدم من منظرها
عرقانة
والدم بينزف من رجلها
وبتعيط م الوجع
رمش كام مرة وهو بيستوعب ان هي
وقبل م يقرب منها عشان يشوف في اي
لقى من ورا عامر كان جاي يجري بلهفة لا تقل عن ادهم بشئ
بصله ادهم وعقد حواجبه
قرب عامر بلهفة على وتين
لهفة معروفة انها حب
«وتيين
في اي»
بصتله وتين ل فوق لانها كانت قاعدة وقالت بصوت باكي
«رجلي
مش قادرة امشي عليها»
ل تاني مرة ادهم قلبه يوجعه بسبب صوتها
ل تاني مرة يحس انه عايز يحتويها
بص عامر دامه ولقى ادهم واقف ابتسم اوي
«استاذ ادهم هنا..؟»
بصت وتين واتصدمت لما شافته
واقف حاطط ايديه ف جيبه وبيبص على عامر وعليها
احساس فرحة غريب انسلل جواها لما شافته
ابتسمت وجت تقوم
وقعت
بس المرادي لحقها ادهم ومسكها
