رواية خلخال مشوه الفصل السادس والستون 66 بقلم زمرده

 

 


رواية خلخال مشوه الفصل السادس والستون بقلم زمرده




الاحبها تختلف عن الحبيبات
حب محد وصل لذة مكانه
من گد ما حنينة تعيش الادوار
مره امي ومره أبوي ومره اختي... 

°جفون°

لطمت على خدي ونشغت اباوع ل نوح البهت يريد يحجي ما يگدر ،بلع ريگه اكثر من مره ،گعد على الجربايه مسح وجهه ورد ركز وي عزيز وانا گباله واگفه
گلبي احسن نار وصارت بيه ما جاي استوعب الجاي يحجيه، شلون اذا مو مجرد احتمالات وشلون إذا طلع صدگ ،والف شلون صارت براسي بهاي الدقايق المعدوده
عزيز من صوته مبين ما ضال بيه ذرة حيل جر نفس طويل گبل لا يگله
عزيز : ما اگدر أسوق تعال ل**** فد ساعة حتى تردنه

نوح : صار صار بس خابرني

سد الموبايل منه وباوع علي عاجز ما يعارف شني اليگوله ،عيوني انترسن بالدموع وحاولت اسيطر على
روحي وما اخلي التشائم ببالي، نزلت من صاحتني عمة
درت وجهي منها ما اريدنها تركز عمن اعارف ما تعبر عليها دنگت احجي وي كواكب
_ شتردين حبيبتي ،جوعانه ياحلوة ،اوكلج عم عم ؟

هزت رأسها وشعرها الاسود الناعم يتحرك، دنگت بستها وكضيت ايدها ،گعدتها على الكاونتر اوصيها
_ لا تتحركين حتى لا تطيحين خوش ؟

أبتسمت بقهر اباوعلها شلون لمت رجلها تسمع كلامي كل بالي يم امها اشتغل بهدوء بس هوسة براسي صبيتلها من الغده ونزلتها وانا گاعدة
اوكل بيها نزل نوح عيوني تعلگت عده عارفت ماشي يجيبهم
نسمات : جفون ،جفون .

رفعت راسي اباوعلها واگفه گبالي
نسمات : شبيج مو ابنج يبچي ما تگوميله ؟

گمت بلايه رد عليها ومشيت للغرفة ،هنا حاطة كريكوته الزغير وبس بالليل اصعده فوگ ينام بكاروكه، سويتله ممه وشلته وطلعت ،گعدت اشربهياه وعيني على الباب ،اجت يمي تسأل

زهرة : شبيج ،ما مرتاحة الوضعج ،نوح محاجيج ؟

_ لا يمة ،كلشي ماكو

زغرت عيونها ما مقتنعة
زهرة: صايرة تضمين علي ،گلبي يگلي اكو شي

وحتى لا اخليها تشك اكثر بضحكة ومداهر ضيعت السالفة عليها ،اطيتها فقار وگمت وبس شفتها التهت وياه مشيت يم نسمات ،اندارت علي
نسمات : ها شو تفترين ؟

فريت عيوني مستغربة كواكب ماكو ،ومن ما شفتها گلتلها
_ كواكب وين ؟

نسمات : طلعت وي عون

_ يااا شلون تخليها

نسمات : وصيته عليها هواي

ما حجيت شي وساعة اللمحتهم طبوا گدامهم نوح ضليت چامده بمكاني عيوني تفتر بيناتهم، صاحني نوح
حتى يحاجيني وهم مشوا جوه وبس وگفت يمه گال

نوح : لا تحجين ابد عزيز ما حاجيلها

بأستغراب سألته
_ يعني ما تعارف بعدها ؟

هز رأسه ب أي ،چنت اول اشوفنه هيج مهموم ملامحه طافيات ضغط على عيونه بأصابعه و كمل كلامها
نوح : الدكتور ما حاجي گدامها ومخلي عزيز يردله وحده يحجي وياه

_ ليش ؟

نوح : يگله النفسية الها دور بهيج امراض ولا نستعجل هسة

عضيت شفتي من رچفت مخارج الحروف عدي انداريت اباوع للباب من سمعت صوتها وراي تسألني على كواكب گلتلها اخذها عون لبييتهم
غاية : شلون تخليها تمشي مو تعارفين اخافن عليها

_ چانت يم نسمات

غاية : اووف منج ومنها

طبت جوه تدردم علينه ،مشينا وراها انا ونوح ،هو گعد يم عزيز الجابر روحه بس حتى يبين طبيعي و هي تسولف ل عمة
غاية : يگلي الدكتور عدي نقص فيتامينات قوي و الحديد كلش نازل وهل شعري يطيح

زهرة : اطاج دوه ؟

غاية : لا ،استغربت شو كلشي ماكتبلي

باوعت لعزيز بنهاية كلامها، عدل گعدته يگللها
عزيز : ما سمعتيه مو گال نردله بعد چم يوم حتى نگضي باقي الفحوصات

غاية : بس احس مالهن داعي

عزيز : هو دكتور ويعارف شني يسويه

صوته چان مختنگ من يحجي حتى جدة انتبهت عليه وسألته
غضة : شبيك حبوبة ،شو وضعك مو طبيعي ؟

حمحم وگام وگف
عزيز : لا جدة كلشي ماكو ،غاية تمشين لو تضلين ؟

غاية : أنت عدك طلعة ؟

عزيز : لا

غاية : جا امشي وياك

وبس مشت لحگت نوح من صعد ومن فتحت باب الغرفة چان
صافن بالفراغ سديت وگابتله بنفس ضياعه وخوفه عشت

°سيوف°

بايدي الموبايل متانيته يخابرني حتى نصور ،باوعت للساعة ،گبل نص ساعة گالي جاي بالدرب
ريحانة : شبيج راح تنفچرين ،اطي درب اضن صار وياه شي لو ازدحام وهل تأخر

تأفأفت وگمت اباوع ل روحي بالمراية، الليل الحنة وباجر العرس ،وانا لهاي اللحظة احسن ابد ما مستعده ،احسنه غريب الطبع ما مفتهمته ساعة حنين وساعة لا ،ونوبات
لو صار عصبي علي يخليني اخافن حتى من عيونه المليانات حب لو خرزني بيهن ،تضارب بالتصرفات عده
يخليني بهل حيره، چن روحي تايهه بوسط درب عباره عن متاهه ما معروف شني نهايتها مثل هذا الانسان الموجود بحياتي
ريحانة : موبايلج يدگ ،يا وين صفنتي ،سيوووف

ندستني بقوة خلتني انتبه للوضع الانا بيه ،هذا كل الجاي افكر بيه فات وكته ،جريت نفس گبل لا اردن عليه
_ ها بغهان

برهان : انزلي انا جوة بالاستيديو

_ خوش

سديته وگلت ل ريحانة، غطتني ولبست عباتها شايلة الجنطة ،ساعدتني حتى انزل وبس طبينا
اجه بصفي كض ايدي ومشينا لغرفة التصوير ترددت اشيل البرگع بدلتي صح ردان تور بس الصدر مفتوح

اجت المصوره شالته مني ،ما درت عليه ابد وضليت اعدل بگذلتي واحس برچفة ترست روحي وانا احس بنضراته
علي ومن انداريت چان صدگ يباوعلي و شبه فاصل عن
الدنيا ،بلعت ريگي حايره وين اديرن عيوني المصوره تحضر بالكامره
بالها مو ويانه، باوعت للباب من اندگ وجريت نفس من شفتها ريحانة طبت ،اجت تعدل ب بدلتي وتحجي وياي بهمس
ريحانة : راح ياكلج بعيونه

_ غاح اموت ،مو اگلچن صلف

حركتلي حواجبها
ريحانة : من حقه يتصلف وياج ،حلاله وعطشان لجلج صار سنين

ما رديت عليها ورفعت بدلتي ومشيت يمه من گالت المصورة يله بدت تطينا لقطات نسويها ومنهن وحده چانت ،اميل شوي بجسمي وهو يتقرب يبوسني من حنچي ،رفضت رفض قاطع هاي اللقطة بس هو اصر عليها ،تدنه شاورني
برهان : اذا ما رضيتي ابوسج من غير مكان تعارفين بي اسويها

خزرته من عدل وگفته ،أبتسم بخباثه من ملت شوي وتقرب علي ،ايدي على كتفه والثانية كاضه چف ايده، باسني من طرف حنچي و وخر بساع اللقطة ما اخذتلها اكثر من دقيقة بس اجيت اموت من التوتر
برهان : هدي هدي بوسه حنچ بوية شبايسين قابل وهيج تدهور حالج

درت عيوني منه اسأل المصوره
_ ما گضينه ؟

ومن گالت لا بعد چم لقطة على اعصابي گضيتهن كل لمسه منه افز وهو يتقصد يطخني لو يهمسلي ب فد حجاية يضوجني بيها عدل دشداشته وگال ل ريحانة تسترني زين وطلع خارج الغرفة اجت تلبسني بالبرگع وتحجي
ريحانة : شبيج وجهج يتلاطم، افرديها شوي لا افردها الج بالنعال

خزرتها وهي تدردم
ربحانة : والله مايصير هيج اليشوفج يگول متعافيه گضيتها خزرات وتنتور حتى ما تخلين الزلمة يفرح

_ شبيج أنت ،شني وياه علي ؟

ريحانة : وي الحگ انا ،اشوفنه ميت عليج وأنت مو بعينج

أبتسمت مزغره عيوني وخليتها تحير وين تدير وجها مني من گلتلها
_ جا صخغ هم ميت عليج ،ليش ما تطي وجه ؟؟

بعد فتره من صمتها وضياعها بالجواب باوعتلي تريد تختصر كلشي بچم حجاية مقنعه روحها بينهن
ريحانة : انا وضعي و وضعج مختلف ،انا وياه كل واحد بينه عايش تچربه صعب وراهن نتلاگه ،ميمنة لو حمزة

ذكرت اساميهم وصوتها رچف ،مشت صاحت برهان حتى يساعدني اطلع وهي ورانه شايله الجنطة ،نقهرت من روحي چي حجيت بس دوم انقهر عليها من اشوفنها تركض النه كلنه وهي ما مستقره ...

ومن وصلنه السيارة طبگها گبال الباب كلش ،وبس طبيت تلگوني ب الهلاهل و الچكليت ومن حسيت ب البرگع تحرك صاح ما راضي
برهان : جوه شيلنه مو هنا

رغم چنت ب باب المطبخ كلش بس هل انسان ابد ما يگدر يسيطر على غيرته ،گعدت والبنات مخبوصات بي ومن بيناتنهن شفت كوكبة خطيبة ليث
جاية گعت بصفي ابتسامتها تخبل العافية راده بوجها عكس من اجتنه وي ليث
_ شعجب اجيتي ،ما توقعت .

كوكبة : ليث قنع سعد ،وحتى سكينة وياي اجت

_ ما شفتها

كوكبة : بالغرفة تبدل الابنها

_ فغحت من شفتج

أبتسمت ب امتنان وضلت يمي و ورا العشا طب حناني وطلع وبدت حنة الشباب برا ،البنات كلهن تراكضن فوگ من بدت فقرة الچوبي

ضليت احوس اريد انا هم اشوف ،بدلتي ما چانت كلش ضخمة گمت رافعتها شوي حتى اگدر اتحرك وبالبوگه سحبت روحي وصعدت فوگ ومن سمعن صوتي وراهن كلهن اندارن بصدمة ضحكن يسألني شصعدني ،مشيت عيوني على الشباك وجاوبتهن

_ خوما تفتوتني غگصتهم

ضحكت غاية واطتني مكانها و وراي هي وگفت رافعة روحها تباوع ل عزيز الواگف على جهه ما يرگص وياهم
هيوفة : شبيه رچلج غاية ؟

غاية : ما اعارف صارله چم يوم گاضيها صفنات ،باوعي كوكبة

تأشرلها على ليث ،عيني ركزتها وي برهان الكاض بداية الچوبي يفر بسبحته وبصفه صخر ،فزيت بوجع من گرصتني وعطت افرك بزندي
_ اخخخ يا حقيغه

ريحانة : شو صافنه عليه واكلتيه اكل بعيونج ؟

بركة : حگها تباوعله غير حلو اخوي

گلبت عيوني ما مقتنعة وهن يضحكن ،نزلنه كلنه سوه بس گضوا فقرتهم هاي ،وبس مشوا الوادم وما ضل غريب بيناتنه طبوا جدي وعمامي وياهم برهان بس الولد ضلوا برا ،حطيت حجابي على راسي و طلعت من صاحوني چنت انزع بدلتي جوه

كاضه حجابي بايدي لامته على تسريحتي ومشيت ل جدي من صاحني يمه ،باس راسي وباوع ب برهان
رأجس : عينك عليها ولا بيوم تأذيها لو تكدر خاطرها تذكر هاي التانيتها سنين حتى ترد

جدي يحجي وبرهان عيونه يمي وما على لسانه غير كلمة "صار"
كاظم : هاي سيوف عزيزة عدي ،چبيرتي ،لو زعلتها تنسى انا عمك

أبتسمت ودنگت من گالتله جده
غضة : چنك تورطت يابعد حبوبتك محد وياك كلهم وياها

برهان : شحلاها الورطة اذا هيج

رديت رفعت راسي ما متوقعه جوابه ومن تلاگت عيوني بعيونه صد نضراته مني يباوع ل ميمنة الاجت تمشي وتگله بصوتها الطفولي
ميمنة : عمو العليس، عمو الحلو

ضحك بخشونه ودنگ شالها باسها وسألها
برهان : منو معلمج هذا الحجي ؟

ميمنة : عمة بوكة ،گالت گولي عمو حلو

أبتسم وباوع البركة وهي بادلته الابتسامه، منظرهم جان حلو يخليني المقابل لا رادي يركز وياهم ،اجت تركض تشكيله
حوراء : عمو عمو

دنگ عليها
برهان : ها بعد عمج

حوراء : عون طگني

نزل ميمنة ودنگ گبال حوراء
برهان : الا اطيحلج حظه

ابتسامتي كبرت بلايه شعور من باسها، عدل وگفته و باوعلي، طلع من صاحوه الولد ومن مشينا للبيت توني اريد انام ودگ موبايلي ،ما شفت الاسم حتى و جاوبته بثگل وتعب گلت
_ الوو

برهان : يابعد الالو واليسمعها

_ شتغيد

برهان : ما رايد شي ،نامي حبيبتي وراج تعب باجر

ماتعبت روحي وسألت على القصد ورا الگاله و گلت
_ خوش

سديته وكملت نومتي ،بس گضيتها كلساع فازه و ثاني يوم من وكت مشيت للصالون وياي ريحانة هم والوصلنه سياف ومثل امس هم اجاني حتى نصور گبل لا انزله
باوعت ل روحي بالمراية، بدلتي بيضة كلش مرتبة مكياجي وتسريحتي مابيهن مبالغة ،كلشي مثل ما ردت وبعد احلى
ريحانة : هاج اللبسي البرگع بين ما اللبس عباتي

لبسته ونزلت روحي احسها تايهه ،شني الاسوي و شلون
راح اتصرف اليوم التفكير موتني يم باب الاستيديو هل
مره چان واگف ،كض ايدي ورفع شوي من بدلتي بعد ما
تاكد لابسته ستريج جواها وما راح يبين شي مني
و
من شافني بوضوح بالبدله البيضة ما گدر يخفي لو يسيطر
على ابتسامته ،تقدمتله بهدوء من گالت المصوره يله وي كل حركة منه چنت احس بدفو لمساته، يم أذني همس
برهان : مو بس احبج ،هايم بتفاصيلج واولهن لدغتج

جريت روحي منه مرتبكه ،واحنه بالدرب خابروا عليه والعرفته جدي غازي وخوالي جايين حتى يحضرون عزيمة عرسي المسويها جدي ،شلت هم لا تصير مشكلة وبيني وبين روحي ضلين اللومن بيهم چي اجوي
ريحانة : شني خوية شصاير ؟

جاوبها بأختصار
برهان : جاي غازي و اولاده

ريحانة : يا خير أن شاء الله، شعجب ؟

برهان : من حگه يجي بالاخير عرس حفيدته هم ومنها يستغلها حتى يضغط على جدي

ضنيت راح الگه الهوسة گدامي ،بس العكس ما چان اكو شي والخبصة جوه صايره اكثر وهذا چان ما يتسمى الهدوء قبل العاصفة ،تلگني مثل امس بس مبين الهن علم بالصاير الوجوه كلها مگلوبه ،كضيت غاية اسألها
_ شصايغ ؟

وگفت گبالي
غاية : جدج جاي والغريب جدي سكت وما هوس مثل كل مره

_ تلگين بالگوات كض غوحه لا يتفشل من الوادم المعزومة

غاية : اضن هيج لان جدي مو من عوايده يسكت

نزلت كواكب من حضنها لان ضلت تحوس واجت گعدت بصفي
غاية : هاي شطالعة، تخبلين عين الحارة باردة عليج

اجت عمة عطاء يمي
عطاء : يكلك اليوم برهان عشاه من هذا العشه الدسم الوراه يرادله فد قوري چان

جنت اعرفها تقصدني انا مو الاكل ،اريد ارد عليها وصاحنها البنات ،مشت هي واجت يمي غمد ،و گبل العشا گالو نزفهم ،كضيت ايدي امي ارجف من اجت تگومني
حنان : بسم الله الرحمن الرحيم خايبة شبيج

حطيت ايدي الثانية على صدري اريد اجر نفس ما اگدر احس روحي اختنگت كلش ،حارن بي وحدة ركضت جابتلي ماي والثانية تهفيلي وانا مثل السعفة انخبصن خبص بي حتى جدة گامت تقرا قرآن بوجهي وتصلي على محمد ومن شافت وضعي شوي صار احسن برزاله گالت
غضة : وين موديج للمگصب ،عليش هل رچيف هذا

ما رديت عليها لان الخنگه لهسه بعدها بي ،سترني زين من سمعن صوت صخر يصيح وين صرنا عمن هو مسوي درب ومخلي الوادم كلها بالديوان محد طالع

طلعت وهو گدامنا وامي وعمة شيماء وياي وچم وحده من البنات ومن بيناتهن ريحانة فطنت لجيتها من سمعته صاح عليها
صخر : ريحااان عباتج لفيها علييج زين ،مو احجيي وياج

وهي بخبصة جوابته
ريحانة : أي أي

صخر : لا اله الا الله ،بسااااعچن

شوي واندار عليه اگله شخبصتنه بس اچفيت الشر لان هذا البشر ما يتحاجه ،صعدني فوگ ومن گعدت على الجرباية گابلني امي وامه ثنيناتهن يوصن وگبالي غمد وريحانة مبتسمات يباوعن علي بشماته نضراتهن مابيها شي بس خوفني وزادت اكثر علي من طبت تگول ل ريحانة
هيوفة : اليوم اكو واحد راح يطلع القضى والمضى بفلانه

تأشر علي بعيونها، اندرتلها عمة
شيماء : ولج هيوفة ماتشوفين حالها بالظيم وكت المداهر هسة

ضحكن هي وريحانة صحت عليهن بس شني صوتي چان يرچف بحيث ضحكتهن
زادت خلني شوي وابجي امي جبرتهن ينزلن، فرغت الغرفة وضليت بس انا من اجت نسمات موديتها جدة لان يردون يزفوه

گمت حايره هوسات الولد جوه، و مبين صعد لان
صوت خطوات قريبة صارت من الغرفة ،بلعت ريگي وجريت نفس من انفتح الباب و طب ،قفل الباب و تقدم
علي ،ابتسامته طاغيه على كل ملامحه بهل لحظة عكسي ،اخذ المسكة من ايدي حطاها على الچرباية وجرني عليه يحضني
برهان : ما تمنيت غيرج مره الي ،هذا اليوم التانيته بصبر

وخرني يباوع بعيوني
برهان : ساهونتي

دنگت اباوع الايده من شدد بيها على ايدي ،رديت باوعتله من گال
برهان : تانيت هواي لا تفكرين راح اجبرج اليوم على شي

_ ها

گرص خدي وابتسم
برهان : ولو صعب علي اعوفنج بس ميخالف لعيونج كلشي يهون

دنگ باسني و وخر
برهان : هاي تصبيره احسبيها

رمشت بعيوني و درت وجهي من نزع سترته، طلعله هدوم من الكنتور ومشى يشوف الباب من اندگ ،چانت عمة شيماء جايبة عشانه اخذه وضل يتشكر منها ومن حط الصينية بالگاع گالي
برهان : تعاي اوكلج بيدي

باوعت ل بدلتي مو مال اگعد بيها، گلتله بس ابدل
برهان : أي بدلي

حمحمت اباوعله گاعد ،شني خوما ابدل گدامه
برهان : ها شبيج ؟

_ تگدغ تطلع بس ابدل وتغد

وببدال ما يطلع اجه علي ،رديت چم خطوة ليوره
_ بغهان

برهان : ساهونته

_ شبيك ؟

برهان : ما تردين مساعده ؟

حطيت ايدي على صدره اوخره مني لان لطش بي
_ لا ماغيد بس وخغ

سحب روحه وطلع ،عانيت هواي وي البدله الا انفتحت بس ما استسلمت ،وتوني گملت وطب ملامحه
مگلوبه عكس گبل شوي ،گعدت يمه لگمه ياكلها ولگمه يوكلنياها ومن گلتله شبعت ما لح علي

شال الصينية ونزل، باوعت للساعة توها بثمانية وين اطي وجهي وشيگضي اليوم ،شوي وطب تمدد على الچرباية يباوع علي گاعده يم بالطرف
برهان : تعاي نامي

فتحلي ايده يردني اجي لحظنه، بقيت متردده گبل
لا
يجرني وبس حطيت رأسي على ايده مرر اصابعة بين خصلات شعري
برهان : حرير موش شعر

غمضت عيوني الوضع كلش غريب علي ،گلبي يدگ بقوة فضيعة ،غفيت بعد مده من التفكير والحيره وفزيت نص الليل گبل صلاة الصبح چان هو نايم

موبايلي ما چان عدي، فتحت موبايله اعرف رمزه مواليدي، ضليت اباوع بالصور الماخذيهن هو والولد اليوم وامس وانا مندمجة بيهن وفززني صوته
برهان : شعدج گاعدة

بثگل چان يباوعلي بعيونه النعاس بعده، صوته بيه بحه لان توه گاعد ،رفعتله الموبايل
_ اشوفن الصوغ

حط ايده على رگبته يحرك رأسه ،مبين كاضه تشنچ بيها عمن ملامحه تدل على هذا الشي، تدنه يمي مايل راسه على چتفي يباوع وياي ،ارتبكت من قربه وانفاسه التلفح رگبتي ،من ردت اسحب روحي كضني
برهان : وين ؟

_ أذن اغيد اصلي

هداني من گلتله هيج ،گمت للحمام توضيت وطلعت و توني اريد اطبن للغرفة وصار بوجهي ،وخرت من دربه ،فرست مصلايتي وتوني وگفت على القبله و طب هو ،فرش مصلايته گدامي وكبر وبده يصلي گبله گضيت صلاتي وضليت گاعدة اسبح واباوعله

بس گضه اندار علي
برهان : تقبل الله .

_ منه ومنكم

تدنه علي ايده ورا راسي حطها وباسني من گصتي
برهان : احلى شوفه شفتها بكل حياتي

وخرت منه فاهمة اليقصده، لميت سجادتي و گعدت على الچرباية چان هو يقرا دعاء الصباح
ضليت اسمعله ومركزة عجبني شلون يقراه بصوته بس كمل سد مفاتيح الجنان وهو والمصلايه
خلاهن ب المجر مال جرباية يمه، وگف گبالي يباوع على هدومي ومداهر گال
برهان : هذا لبس مال وحده چانت تتعبد ؟

لميت الروب علي من يم الصدر وگمت ،ضحك واجه حضني
برهان : لا تزعلين بس حلوات عليج وانا زلمة موش حجر

_ اممم

برهان : صايرة حبابة مو من عوايدج

من شافني دلغمت گعد وگعدني على رچليه ،حرك خصلة شعري النازله بايده
برهان : الروح رايدتج بس أنت نحيسه

اشرت على روحي
_ انا ؟؟

برهان : جا منو المانع منو انا لو أنت

غطيت حلگي رافعه حواجبي ما راضيه ،جر ايدي
برهان : خليني اشوفن ابتسامتج

عضيت شفتي متوتره من حرك ايده على رگبتي من ورا ،قربتي اله اكثر يريد يمنع روحه بس ما گدر ،تحركت اريد اوخر بس منعني من كض ايدي ب قوة ماگدرت اقاومها، وبلحظة مثل لحظة الادراك الاجته نزلني على الجرباية وطلع من الغرفة ،ضليت حاطة ايدي على شفتي بوجع ،وماكو شوي ورد عيونه ما يحطهن بعيوني ،تمدد على الجرباية ومن شافني اباوعله گال
برهان : اهلي هنا .

ما حاجيته فاهمة قصده صعد حتى لا احد يحس اكو شي صاير ،ضليت گاعدة بمكاني وشوي شوي بده النعاس
يسيطر علي حاولت ما انام لان راح يگعدونه علمود الريوگ بس ما گدرت ، تثاوبت و فزيت من جراني لمكاني وجر الغطا علي
برهان : نامي

فزيت على صوت دگة الباب ما خلاني اگوم وهو مشى يشوف منو
بركة : صباح الخير خوية ،مرة عمي كاظم هنا و متانيكم على الريوگ

برهان : جايين

گمت بوجهي للكنتور ،طلعتلي هدوم ومشيت للحمام لهسه بعدني بتسريحتي والمكياج ،ومن رديت للغرفة لگيته يمشط بشعره ،نزل الفرچه من ايده يباوعلي ب نضرات خلني اجمد بمكاني من جرائتهن
برهان : هواي احلى وأنت بلايه مكياج .

عصرت هدومي بايدي ورديت عليه بصوت ناصي
_ شكغا

برهان : العفو يابة، العفو

لبس محبسه و وخر من يم ميز المرايه يسويلي مكان ومن وگفت چان هو گبالي يم صفحة الميز واگف وي كل حركة اتحركها عيونه تراقبني ،ومن خليت حمره گالي
برهان : طوخ خففي منها

باوعت لروحي بالمرايه ،مو طوخ مثل ما جاي يگول أصلا هاي أخف درجه خليتها
_ مو طوخ

كل ضني راح يعديها بس چنت غلطانه، جاب كلنكس وردلي ،كض وجهي بهدوء وبالكلنكس مسحها، خزرته ضايجة من تصرفه ومن شفتها چان ما ضال شي منها كلها ممسوحه ،باوعت عليه من المرايه وراي واگف

_ مو هيج بغهان شضل بيها

دارني عليه يباوع لشفتي ،بأبهامه مسحها وشوفني اصبعه بيه شوي حمره
برهان : هذا اكو ضال ،واصلا هواي

حرت شني احجي وياه ،ومن ردت ارد اخلي اخذ القلم من ايدي
برهان : مو گلنه حلوة بلايه مكياج ،ساهونتي ما تحتاجيه

_ غيغ صباحية عغسي لازم

زغر عيونه متقصد يحرجني
برهان : يا عرس هذا ؟

_ مو امس عغسنا

برهان : ما معرسيت ليش الچذب

_ يااا بغهااان

ضحك بصوت واطاني القلم و گبل لا ينزل وصاني ما احطن هواي ،گلتله أي وبس مشى رديت رسمت شفايفي وانا اللبس حجابي طبت غمد ،جرت مني الحجاب وباوعت ل رگبتي
غمد : يا يا شو كلشي ماكو ،اثار جريمة منا ما ،يااا

گضتها تفر بوجهي وتگول يا ،كضيت ايدها ونترت
_ شبييج ؟

غمد : ولج ولج ،خليتي الزلمة هيج ؟

_ شني هي الهيج ؟

غمد : ما صار شي امس مو ؟

_ لا

غمت گصتها
غمد : عرفت والله عرفت وگلت هذا الزلمة ما عده حظ عمن اختي حقنه

_ وجع كافي لا أحد يسمع

غمد : شلون اقتنع ؟؟

_ أصلا هو گال ما اجبغج

غمد : كلها تگول هيج حتى لا تخافين بس أنت سويتها صدگ

_ اكلج شعدج جاية ؟

هزت ايدها
غمد : علمودج عشتوا غير صباحية عرس اختي

طبت بركة مخبوصة تريدنه ننزل لان السفره بالگاع ومتانينه ،كضيت ايد غمد
_ مابيها مجال ما انزل ؟

غمد : لا ابد ،انزلي وغلسي على كل الاسأله والنضرات هم

_ ولج شلون

بركة : شني سالفتج غرب عليج احنه قابل

_ مو هيج

غمد : مستحية انا حاسه بيها ،حتى علاوي طلعني سحل ولو تضل علي اضمن روحي

صاحت علينه عمة شيماء من جوه وانجبرت انزل بعد مابيها مجال ،تلگتني حوراري بالهلاهل، باركلي وگالن اگعد بصفه گاعد ببداية السفره ،مشيت يمه وبس گعدت صبتلي جاي عمة وانا يا لگمة ما اگدر ابلعها احس العيون كلها علي ،بالگوة اكلت شوي و گمت
حتى اغسل وراي اجه هو ،وبحجة يغسل حصرني بينه وبين المغسله
برهان : ما صاير شي وأنت هذا حالج لو صاير شلون ؟

مد ايده للبوري يغسلها ومتاني جوابي ،عيوني على الباب وما على لساني غير
_ لا يجي احد

بالگوات وخر وگدرت اجر نفس ،وراه مشيت گعدت يم امي وهو وعمي والولد سولفون على امس وجية جدي غازي ،لمن السفره حواري و وبركة وشوي وردت ،گعدت يمي
حواري : شلونج ،خوما تعبانة ؟

_ اهووو

شيماء : حواري خلي البت بحالها تستحي

حواري : جا اريدن اعارف

شيماء : شلون بي ياربي هل بت فلا تستحي

حواري : شهل سمعه هاي ،اسألي ابنج عمة على مستحاي

شيماء : أم حقوق لو غيرج

يحجن بصوت كلش ناصي ،ضحكت وغطت حلگها
حواري : عمة غير ابنج من اگله حقوق يسلمها تراب

شيماء : فلك الصاب لسانج خايبة

حواري : ليش عمة ليش ابنج يحب سوالفي

اندارت باوعتله وردت تحجي
حواري : وداعتج عمة احبه

أبتسمت تدعيلهم
شيماء : الله يدوم هل محبة بيناتكم

حواري : امين يارب

شوي ومشت امي وغمد اجاها علي ومشت ،برهان اجوي عليه الولد و طلع والبنات التهن بشغل البيت
صعدت بدلت ثوبي بلبسه خفيفة وتمددت بايدي الريمون شغلت البلازمة وهم زين لگيتلي مسلسل اباوعها لان غمد ناسية تجيبلي الموبايل ،باوعت للباب من انفتح وبس شفته هو گعدت على حيلي

ما حجه وياي ونزع دشداشته وتمدد، چانت بايدي نستله اكل منها اخذها من ايدي ،عض منها وردلياها
برهان : شبيج ؟

باوعت للبلازمه وجاوبته
_ مابي شي

برهان : چذابه حبيبتي

حط رأسه على رچلي يباوع وياي ،مررت ايدي ب شعره بساع كضها
برهان : لا تسوين سوالف أنت موگد الراح يصير وراها

_ شيصيغ ؟

برهان : مايصيغ شي ساهونتي

_ تقلد علي ؟

برهان : لا يابة

گعد گبالي ،وبس راد يكضني طفرت وهي طفره وهي طيحة من الچرباية للگاع ،ضحك واجه گومني وانا ايدي احسنها انمردت مرد، طگيته بالثانية الوم بيه
_ كله منك

برهان : شمسويلج ؟

_ ليش تثولني ؟

غمز وحرك خشمه على خشمي
برهان : خل نشوف

دفعته من راد يسوي حركه من حركاته ،ذكرتني بوجع ايدي من كضني
_ ايدي بغهان ايدي توجعني

كضاها يتفحصها وانا شايغة روحي منها ،خلاني اگعد و لبس دشداشته ونزل جاب دهن وگابلني
برهان : انزعي

نشغت
_ شنزع ؟

برهان : فالينتج بس اشوف ايدج

_لا ابد يمةة شني

نتر
برهان : شجاي احجيي، سيووف

بلعت ريگي خايفة منه بس ما اريد ابين خوفي نزعت الفالينه من ايده وحده الطحت عليها، تفحص مكان الطيحة وضل يرزل من شاف اللون متغير
برهان : راح اكلج وتتشردين مني بت الاوادم، اگعدي عدل

عدلت گعدتني اريد اتعارك بس اچفيت الشر لان الوضع ما يسمح، دنها ومشى يغسل وبس رد گالي
برهان : گلتلج ما راح اجبرج هل حركات هاي بعد ما الهن داعي

ما جاوبته وبس هزيت راسي ،مشى للثلاجة طلع منها قوطية فتحها واطانياها وجاب وحده ثانية واجه گعد يمي بعد ما تحركت وسكنت عكس گبل شوي ...

°نسمات°

صعدت اركض من تذكرت حواري موصيتني اجيبن هدوم وياي ل سيف يريد يبدل ما يرضى يضل بالشداشة، التفتت من صاحتني ريحانة وين ماشية
_ بس اجيبن هدوم ل سيف تانيني

ريحانة : بساع مو تتأخرين

_ لا لا هسة

كملت دربي لغرفة حواري ،وبوجهي لكنتور الجهال هي دلتني عليه، طلعت بنطرون وقميص لسيف وبس وصلت عد الدرج حتى انزل صار گدامي ابو غندوبة يريد يصعد

اشرلي اضل بمكاني ،حركت راسي بمعنى ليش ،ما جاوبني وبس وصل عدي جرني من ايدي وراه ،حاولت اخلص روحي منه بس چانت قبضة ايده
قوية ماگدرتله ،طببني لغرفته وسد الباب عيونه بگصته ولو هو من يوم يومه هيج هاي طينته
_ جعفر

طگ على الميز، وعلى اثر طگته كل الاغراض العليه تحركن، صيح يدعي
جعفر : الله ياخذ جعفر

باوع للباب من اندگ ،وبس طبت ريحانة گاللها
جعفر : شوي واردها خوية بس اتفاهم وياها

ما حجت شي وسدت الباب ومشت ،نترت منحرجه من الموقف الحطني بيه
_ شبيك ؟

جعفر : أنت شبييج ،ليش هيج بس تردين تخلصين مني

يصيح مصايح اضن حتى سيوف سمعتنه
_ عليشش صوتك عالي هسة ؟

جعفر : ليششش جاي تلحكين بسالفة الطلاااگ

_ هذا اتفاقنه من الاول

جعفر : وانا گلتلج ما امشي بالاتفاق

_ شلون يعني بالجبر هي ؟

تنفس بقوة يريد يسيطر على روحه بس ما يگدر وهاي اكثر نقطة اوگف عدها بطبعه
جعفر : اخليج طول العمر معلگه وما اطگلج وروح الاعز من روحي

_ ما يهمني ،انا ضاله يم اهلي وأنت يم اهلك وهاي هي

شوي وينفچر يجبر روحه ما يزيد الوضع سوء بس كلامي خلاه من صدگ يفقد اخر ذرة من الصبر ضاله عده
جعفر : خرررررب بكلشيي، أنت طالق .

جمدت عد أخر حجاية گالها ،طلع وخلاني حايره ب زماني ،بلعت ريگي اجاوب ريحانة اريد من صعدت تسأل
ريحانة : شكو ،شبيه جعفرر ،نسمات حاجيني شصار

_ طلگني

فكت حلگها وعيونها
ريحانة : صدگ ولجج

_ أي والله

طگت على خدها
ريحانة : ليش ولج ليش

چان اكو شعور غريب يعاكس الگلته
_ انا هذا الاريدنه

ريحانة : طيح الله حظج أي والله ،لج يحبج والله

ما جاوبتها ودنگت راسي ،احس روحي بثواني انگلب حالي گلب ،نزلت گبلها وبس طبيت لبيت عمتي وراي سمعت هوساتهم راح يزفوه
هيوفة : وين صرتن صخر ضل يحجي بطيتن هواي

ريحانة : ابن عمج تذكر اليوم يحجي وي نسمات

هيوفة : يا على شني ؟

ريحانة : خليها تسولفلج

هيوفة : شني شصاير نسمه ؟

_ ما صاير شي

خليتهن وطبيت للغرفة ادور امي ومثل ما توقعت ليگتها متمدده عمن
تتعب وما تتحمل هل هوسة هاي ،گعدت اسولف وياها اضيع من الهوسة البراسي

وبس طشت الوادم غطينا بالهوسة مال بيت انا والبنات ،اروحن وارد وعيني على خالة گاعدة هي وام ضيرم يبسبسن
وبس فاتت مني ريحانة گلت الها
_ امج وخالة شعدهن صار ساعة ؟

باوعتلهن وردت باوعتلي رفعت اچتافها
ريحانة : والله ما اعارف

مدت رأسها من المطبخ بايدها الماسحة
بركة : نسمه تعاي وياي بساع

_ جايتج

طلعت وراها ،لگيتها تريد تغسل الحوش ،گالتلي اشغل الماطور ،مديت الصونده ربطتها وشغلته وبس رديت عدها لگيتها صافنة على نفس ذاك التنور المتروك
_ بركة

عيونها انترسن دموع مو چن گلت اسمها ،چن اطلقت صراحهن، طاحن وحده ورا الثانية ،مشيتلها مفزوعة لميت وجها بين ايدي
_ شبيج عليش تبجين ؟

بركة : شگد تمنيت وجودهن اليوم ،ميمنة شگد چانت تحجيلي على فرحتها بيوم البرهان ياخذ سيوف
اجه اليوم بس هن ماكو ،بصائر چانت تگلي الا اسمي بتي على اسمها

الرچفه البصوتها خلتني احسن روحي اريد ابجي وياها ،حضنتها وهي تحجي بحسره
بركة : من امس لليوم ادورهن بالوجوه، كل وحده بيهن صارلها لا سنة ولا سنتين بس والله لهسه گلبي يوجعني عليهن ،محتاجتهن وياي شني بس انا اخت العريس جا وهن

تغص بالكلمة مره ومرتين الا تكملها، وخرت منها من حسيت على احد وگف وراي ،جراها جعفر لحظنه وهي دفنت راسها بصدره وبجت بصوت كسر گلبي

ضليت حاطة ايدي على خدي واباوعلها، يا حجاية تشفي جروحها الصارلهن سنين وهن ما تشافن، تنهدت وانداريت على صوت حواري من اجت تسأل شكو
جعفر : ماكو شي خوية بس بركتنه عاجبها تدلل شوي

وخرها يسمح بدموعها مبتسم بس چانن عيونه
بيهن
الف حجاية تعكس ابتسامته الظاهره بس حتى ينسيها
جعفر : راح ازعل عليج اذا اشوفنج بعد هيج تبچين .

غمزلها
جعفر : شو مكحله العيون اليوم

مسحت عيونها وباوعت الايدها انترست كحله
بركة : هاي كحلة جدة

جعفر : اممم ،ماشي انا اذا تبجي صيحيني عليها
ما باوعلي من حجه وكلامه چان موجه ل حواري

گضه اليوم واليومين وانا ما جبت طاري ابد على الصار بيني وبينه
غافر : بوية نسمه

طلعتله وانا انزل بردان ثوبي بس صرت عده گال
غافر : صدگ ابن يوسف مطلگج ؟

_ أي

غافر : جا ليش ما گلتيلي ؟

_ نسيت

غافر : والله انا ما راضي على الطلاگ بس بعد مثل ما تردين أنت

_ احسلي بوية ،متغدي ؟

غافر : أي اكلت يم كاظم

_ بالعافية

غافر : الله يعافيج

وعلى وگفتي وياه وطبوا عزيز وغاية، هو شايل كواكب وهي بايدها چنطه زغيره مال طلعه مبين يردون يطلعون، سلموا وطبوا وبس مشى أبوي لحگتهم
وي طبتي نزلت جفون من فوگ وبس شافتهم وجها انگلب
جفون : وين ماشين ؟

باوعتلها غاية بأبتسامه
غاية : للدكتور عدي چم تحليل ضال اليوم اگضيه

جفون : ها خوش

نزلت بساع مخبوصة من بجه ابنها ،امنت على كواكب عدنه گبل لا يمشون و وصتني ابد ما اخليها تطلع
_صار والله ما التهي عنها ابد

غاية : أي عفية حبابة مو مثل هذاك اليوم الگاها طالعة

_ لا ابد

شمرتلي بوسة وطلعت بساع ورا عزيز من صاح عليها
زهرة : انا گلبي ما مرتاح لجياتهم وروحاتهم للدكتور

غضة : خايبة گولي يا الله

زهرة : يا الله

الوكت كله انا عيني عد جفون الضاله تحوس ،گبل شوي مابيها شي ،گمت وراها للمطبخ من گالت تدفي ماي تريد لممية فقار
_ جفون

اندارت علي عيونها حمر مثل واحد يريد يبجي ،طبگت حواجبي مستغربة وخاف انا شاكة اكو شي هسة تأكدت
_ شكو اسم الله

جفون : گلبي يوجعني

وگفت كبالها
_ على شني

جفون : غاية نسمات ،غاية خايفة عليها

حطيت ايدي على گلبي مهبوطه وما متفائله غير بكلامها
_ شكو جفون ترا خوفتيني

جفون : ذيج النوبة من مشوا للدكتور

من سكتت صحت بنفاذ صبر بصوت مو عالي ،حالها خربط حالي
_ اييي احجي

اكو وجها حايره شلون تحجي وهاي حيرتها سطرتني بيها سطر ،جريت ايدها
_ شني جفون احجي والله راح اموتن

تلفتت گبل لا تحجي وتوگف الزمن بي
جفون : الدكتور گايل اكو احتمال عدها سرطان الثدي

وسعت عيوني ونشغت ،بساع سدت حلگي ما تريد احد يسمع
جفون : لا تفضحينا محد يعارف حتى هي ،اليوم يتأكدون

گعدت بمكاني ما اگدر اضلن واگفه ،وهي گابلتني وگعدت
جفون : راح اموتن من التفكير والله ،لا ليلي ليل ولا نهاري نهار

دموعي ترست عيني وانا اگللها
_ يمة شلون ،ولج جفون شلون

جفون : ما اعارف

والچان بالنار وحدها وياها صرت انا ،حتى گعده ما گدرت اگعد من تأخروا وساعة الطبوا عيوني عدهم لزگت متانيتهم يحجون
بدون ما يفجعونه وبعد ما سلموا ،انتبهت ل عزيز حتى ما گدر يوگف حاله مگلوب گلب ،گعد وخالة سألتهم
زهرة : شني يمة خير ؟

باوع ل غاية ورد باوع ل خالة ،انا هنا طاح گلبي وگبل لا يحجي طب ليث توه جاي من الدواچن

سلم وراد يصعد بس تراجع من شافنه ملتمين هل لمه التخلي أكبر واحد يفتهم وراها شي راح ينحجي ما للروح تستقبله
ليث : خير شكو ،شبيكم ؟

عزيز : گبل چم يوم من مشينا للدكتور مو چان اكو چم تحليل بعد نسويهن

اجه گعد گباله ثاني ركبته چن گلبه حس بالراح يسمعه مو مال يضل واگف لان راح يتلاشه حيله
ليث : أي

مسح وجهه بچف ايده
عزيز : اليوم گضيناهن كلهن

ليث : عزيز طاح گلبي احجي

زهرة : وروح أبوي اضن سكري صعد ياعمة، شبيك

عزيز : ما اعارف شلون احجي ،والسالفة انا ما جارعها

باوع ل غاية
ليث : شكو خوية

ما جاوبته بس عيونها چانت عد عزيز من وگف ورد يكمل كلامه
عزيز : تاكدلنه اليوم عدها ورمة بالثدي

وبعد لحظة صمت طويله بعدم استعاب للموضوع گاله
ليث : شجاي تحجي أنت ؟؟؟

گام وگف گبال عزيز
ليث : ليا مطي ماخذها وگالك هيج ؟

عزيز : عبد الاله ،صاحب ضيرم

من اطاه الاسم مثل الكفخه على راسه، هذا الدكتور من أكثر الدكاتره الصيتهم سابقهم بهذا المرض ودوم ضيرم يحجي بيه ويأنجازاته، ومن استوعبت لطمت على وجها
زهرة : يمةةة غايةةة ،يمةةة ،ولك عمة گول غيرهاا

سكوته وعدم رده چان أكبر جواب للجاي يعشيه بهل وكت بالذات، مثل الغيمة السوده غيمت علينا

مشالها بخطوات ثگيله چن چبل طايح على ظهره،حضنها ورچفة ايده ذيج هي مبينا ،اباوعلهم وعيوني مغوشة من الدموع البيها
ليث : يابعد حيلي خوية ،ريت صابني المرض گبلج

غاية : اسم الله

صوته مختنگ يريد يبچي ،حاضنها بقوة وكلساع بايس راسها يردد
ليث : عزيزة گلبي

مسحت عيوني بشالي من طبوا ،بأستغراب وگفوا يسألون شكو
رأجس : شبيكم ؟

ومن باوع ل ليث حاضن غاية افترت عيونه بيناتنه
محمد : غاية بيها شي ؟

غضة : غاية ،محمد بتك بيها المرض

محمد : يا مرض ؟

كلنه ما گدرنه ننطق اسمه ومن سكوتنه عرف ضل باهت
بمكانه ،ايام وبدت رحلة علاجها، بگد ما هي صعبة عليها
علينه چانت اصعب ومن بدت بجرع الكيمياوي چان يوم
كلش صعب علينه، بليلتها محد نام والصبحية مشوا وياها ليث وعزيز

وبعدما نومت بتها فرشت مصلايتي وبديت ادعيلها وبرا اسمع صوت بچي خالة ويزيدن دموعي ،للضهر الا اجوي بعدما انتهى الحيل وچفت العيون ،تلگيناها كلنه ساندها ليث والتعب مبين بشحوب لون بشرتها وهذا چان مجرد أول يوم ...

طببوها جوه وثنيناتهم حايرين بيها، ليث نزعها عباتها و عزيز عدللها المخاد، تمددت خاوية روحها، كلساع اديرن وجهي امسح دموعي ومن اباوع ل جفون الواگفه على الدرج تبجي وكاتمة صوتها ازيدن اكثر

وعمة كل ما باوعتلها تردد
غضة : سودة علي يا حبوبة

طبت هيوفة حالها موش احسن من حالنه گابلتها وضلت واگفه اباوعلها كلساع تمسح عيونها بعباتها ، وراها طبت غمد الضلت كلساع ويانه للصبح بالاخير عمه لحت عليها بس حتى تنام شوي لان مناه هي حامل وموزين هل تعب هذا ،اندار علي
ليث : عصير برتقال سويلها بعد اخوج

وبس هزيت رأسي ومشيت للمطبخ ،اعصر بالبرتقال وابجي طبت يمي جفون تفتر مختنگه لو يصحلها چان عيطت، اخذت العصير واطيته ل ليث گعدها عزيز
شربت نصه وگالت ما تگدر ،أبتسمت بتعب و ثگل من طلعت كواكب من الغرفة وشافتها
كواكب : ماما

ركضتلها چان صار شگد ما شايفتها ،حضنتها تگللها
كواكب : اين رحيتي

وحتى تقشمرها گالتلها
غاية : ضربت ابره واجيت ،عزيز

باوعلها بتعب
عزيز : ها عيني

غاية : امشي نام تعبت هواي

رفع شعره بايده وهز رأسه وگبل لا يمشي هواي وصانه عليها ،بالليل چنت گاعدة عد راسها انا و جفون
واندگ باب الغرفة ،جريت الحجاب حطيته على راسي وگناله يطب، باوع عليها نايمة وبحضنها كواكب
ليث : اكلت ؟

جفون : أي

ليث : ودواها ؟

_ اطتهياه خاله گبل لا تنام

ليث : خوش

دنگ باسها من راسها وطلع ،اسبوع تقريبا الا استقر وضعها بعد هاي الجرعة ،ولحت الا تمشي لمكانها و غرفتها
زهرة : يمة زلمتج بلسانه گال خلوها عدكم ،عليش بعد تمشين

غاية : مقهوره عليه يمه والله خطية

زهرة : اووف منج

وضلت على عنادها ومشت ،وبعد الجرعة الثانية ردت عدنه بس تعبها چان اكثر وبليلتها بدت تون من وجع جسمها ،متمدده على رچلين امها واحنه گاعدين يمها انا وجفون القليل كلش چنه نفاركها، دگ الباب ابوها وطب ،باوع عليها بقهر
محمد : شبيج بوية ؟

غاية : وجع بكل جسمي

محمد : سودة علي يابعد ابوج

غاية : اسم الله عليك لا تحجي هيج

تنهد وگال ل خالة توخر وهو گعد بمكانها ،صار يمسد بايده على راسها ويقرا قرآن ،طلعت ورا جفون من گامت وضلوا
بس امها وابوها يمها ،مشيت للديوانية اشوفن امي عمن
هل أيام هناك تنام ،من باوعتلها نايمة طفيت الضوه ورديت سديت الباب وطلعت
وبعد ثالث جرعة اخذتها باسبوع خاله چانت تمشط شعرها
و فزت خلت عيونه كلنه عليها ،خنجر وصاب گلبي من شفت خصله موش زغيره طايحة من العرگ ،غمضت عيونها وردت فتحتهن من شافتها و رددت بأيمان
غاية : الحمدلله

زهرة : يرد الشعر يابعد امج يرد

غاية : ما ضايجة يمة

هي دمعتها بطرف عينها وتگول ما ضايجة ومن اجه عزيز چانت خالة يمهم من گامت وخلتهم گالتله وهي تتلمس شعرها بايدها
غاية : شعري التحبه بده يطيح

باوع ل شعرها ورد حط عينه بعينها
عزيز : اهم شي صحتج الشعر مو مهم عدي هسة

درت على جفون الواگفه وراي ،يجوز بهل وكت انا وياها من ضمن أكثر الشهدوا على العاشته بكل هاي الشهرين ..! !

طبت غمد حاطه ايدها على بطنها البارزه لان وصلت الأكثر من نص فترة حملها
غمد : شلونها غاية ؟

كل اليطب يسأل نفس السؤال ونجاوب عليه اكثر من مره باليوم
جفون : تعبانة اليوم كلش

غمد : اطب اشوفها ؟

جفون : عزيز هنا

غمد : جا اطيني الكرس نسمه خل اگعد

اطيتها الكرسي ومشيت للطباخ اشوفن التمن وصتني عليه خاله
غمد : جا عمة وين ؟

جفون :هسة مشت تشوف آدم مريض

غمد : يا اسم الله شبيه ؟

جفون : فلاونزه

غمد : يا عده العافية

علي : السلام عليكم، شمسوين اكل ؟

جفون : تبسي

علي : صبيلي بداعة الحسين راح اموتن من الجوع

غمد : شكد تقهرني

علي : متحمل انا وساكت

صبتله جفون اخذ منها الصينية وگعد ياكل شوي وطب ابو علي يشوف غاية والايام تگضي بلايه ذكر حلو ،بيتنا كمل ومن صار الوكت حتى
نتحول گلت الابوي يأجلها بس بعدين انقهرت عليه عمنه
ما مستقر ،تحولنه وبنص الهوسة وركضة التأثيت مال بيت
بس ما التهيت عن خالة وضليت كل شوي امشيلهم اشوفن شعدهن شغل وشني محتاجيه ،وبيوم چنت رايده
افتح الباب حتى اطب وبوجعي صار جعفر بعد مده كلش طويله ما شايفته، عبرني وما چن انا موجودة

حاولت اتانساه وطبيت سلمت على خالة بالمطبخ و أم ضيرم هم چانت يمها ،دوم وحده تجيها بهذا الوكت ونوبات حتى الغدا هن يسونه، لان من يوم خبر مرض غاية وخالة ابد سكرها ما استقر ودوم تعبانة

نزعت عباتي ومشيت اخذت فقار من ايد جفون من طبت شايلته
_ فدوة فدوة للحلووو

بسته من خدوده الباديات ينشنشن ورديت اطيتهياه
_ جا غمد وين ؟

جفون : ببيتها مشيت شفتها گبل شوي

_ وغاية ؟

جفون : گاعدة طبي شوفيها

مشيت وياها للغرفة وبس شافتني أبتسمت ،كواكب يمها طفرت بساع ترديني اشيلها، دنگت شيلتها اگللها
_ اروحن فدوة للبنات الحبايات الضالات گاعدات يم امهن وما يتحركن

تضحك والمفتهمته من كلامي بس انا جاي امدحها ضليت گاعدة يم غاية لان ماكو شي اسويه وبس رديت للبيت فرحة ترست گلبي من شفت امي وابوي گاعدين سوه
وشبه هي متقبله گعدته يمها ومندمجة بالسوالف وياه ،غلست وعبرت منهم وكانما الوضع طبيعي بس انا بداخلي اريدن ابجي من الفرح ،ضليت گاعدة ب الغرفة احجي
وي بركة مراسله، صفنت على الرسالة الاجتني منها محتواها چان
بركة : هم شايفة جعفر اليوم ؟

_ أي

طولت الا دزتلي
بركة : هل اگولن اجه روحه بخشمه اثاريه شايفج

طولت بصفنتي گبل لا اكتبلها
_ وشني هيج شوفتي تضوجه ؟

بركة : لا مو بس هو من يوم ما طلگج ومتبدل حتى بيت جدي مو يطبلهم، اضن ما يريد يهيج جروح روحه

_ اووف بركة

بركة : شبيج ؟

_ اخافن انا والله

بركة : جا اذا تضلين بهذا خوفج ما راح تعيشين حياتج صح

_ بالحالتين هي مو صح

ضليت اسولف وياها وگمت طلعت من گالت راح تجي يمي ،ضليت متانيتها بلحوش أبوي طالع

بس طبت تلگيتها سلمت عليها وطبينا سوه ومن سألتها منو جابها گالت
بركة : جعفر

ما حجيت شي وكتلها نطب للصاله يم امي ،گعدنا يمها شوي وگمنا للغرفة، مبين عدها حجي وبس سألتها ضياعها اكدلي هل شي ،عدلت گعدتي ورديت اللحن عليها
_ شني بركة احجي ؟

حمحمت حايره ،طگطگت اصابعها ودنگت
بركة : راسلني من رقم ثاني

_ رهيب ؟؟

بركة : أي

_ شيريد ؟

بركة : يگلي سمعت راح تنخطبين

أبتسمت اداهرها
_ شو ما نعارف ولج غير تگليلي

بركة : تعجبت من گال هيج

_اضن بس اشاعة حتى يخلصون منه

رفعت اچتافها ب معنى مو تعرف ،ضلت يمي اكثر من ساعة وگبل لا تمشي بعتاب كضت ايدي تحجي
بركة : اطي فرصة عليج الله ،جعفر مو مثل اي واحد ،صح نوبات تشوفي عصبي بس بطيبة گلبه ماكو

_ أخافن لا هم اتأذه اكثر من اذيتي گبل

بركة : ما يأذيج ،أخوي واعارفه شاريج بگلبه وروحه

جريت نفس وسحبت ايدي منها
_ زعلان مني هو

بركة : حگه لا تلوميه

_ شلون ؟

بركة : شكد حاول يضل محافظ عليج ،أبوي وعمامي شكد ضغطوا عليه حتى يطلگج ما چن يسمعلهم وبالاخير ما سمع غير حجايتج ومشى بالترديه أنت وهون بروحه وگلبه

_ مو هين العشته بركة

طبطت على چتفي وابتسمت
بركة : كله صار ماضي لا تضلين تفكرين بيه وتتعبين

هزيت رأسي ب أي وبس طلعت هي طبيت انا ،اليوم كله ضليت افكر بكلامها
غافر : بوية نسمه

رفعت راسي چنت گاعده وهو گبالي جاي واگف وانا من صفنتي ما حاسه بيه
_ها بوية

غافر : بعد ابوج حضريلي هدومي

_ تلتحق ؟

غافر : أي

گمت وگفت اسأله
_ جا شوكت يخلون نزولك يومي

غافر : بعد مطوله السالفة

وبس التحق ثاني يوم ضل البيت فارغ علي ،امي من وكت تنام واضلن حايره ،گضن ثلاث ايام على التحاقه وبيوم چنت گاعدة بايدي الموبايل وفزيت من
باوعت ل رقم غريب خابرني ،ترددت هواي گبل لا ارد
بس من دگ مره ثانية رديت ومن ما اجاني صوت وخرت
الموبايل من اذني وكل ضني انسد، بس انصدمت من اجاني صوته، ما متوقعتها يسويها ويخابرني! !

وسعت عيوني بصدمة وگلت اسمه
_ جعفرر ؟؟

صوت جرة نفسه القوية سمعتها ،وتنهديته اخترقت اذني
جعفر : أي جعفر المسموطين اهله بعشگج

_ شعجب مخابرني ؟

جعفر : ما اعارف ،بس الروح هيج رادت وما گدرت اعاندها

حطيت المخده بحضني
_ شتريد ؟

جعفر : أنت

_ جعفر

جعفر : يا كيكته ،نسمته الهاديه

أردف
جعفر : اسم على مسمى أنت بس مو وياي

غمضت عيوني ورديت فتحتهن وگمت افتر لا ارادي ومن ما حجيت شي گال
جعفر : تصبحين على خير

سداه حتى گبل لا ارد ومن بعدها ابد ما خابر ،مر على الموضوع اكثر من اسبوع وبيوم ودت علي جفون حتى نفرش البيت شتوي، اخذت امي وياي ومشيت
وتوني طبيت ولگيته گاعد هو وليث يم الديوان باوعت عليهم ،چان هو يحجي
وليث مدنگ و چگارته بايده، من يوم طيحة غاية وهو حاله يكسر الخاطر حتى فرحته ما كملت ب خطوبته من الانسانه التمناها واجته طيحة غاية مثل الضربه على رأسه ...

سلمت عليهم انا وامي وطبينا ،نزعت عباتي و وي ما انداريت شفته يباوع باتجاه المطبخ
جفون : وين جاي تباوعين ؟؟

مدت راسها ومن شافته ابتسمت
جفون : الظاهر جاي تعيشون البدايات

ما رديت عليها وغيرت السالفة من سألتها
_ الفراش وين ؟

جفون : غلسي غلسي، نزله نوح من فوگ

_ زين منين نبدي ؟

جفون : من غرفة جدي خاف يرد حتى لا يضل يحجي علينه

_ خوش

طبيت شفت غاية وطلعت من صاحتني ،لنص الليل انا وياها نركض منا ومنا ،گعدت بتعب يم امي وخالة وغمد حاطه صم نبگ تاكل وتباوع علينه
زهرة : تعبتي سودة علي

أبتسمت
_ اسم الله عليج، عادي ماكو تعب

زهرة : فدوة لعيونج يا خالة

بستها من خدها وگمت اگول الامي نمشي ،وتوني لبست
عباتي وطب هو وليث توهم جايين من الاراضي
تعداني چن انا ماكو ،گلت الامي يله وبس طلعنه حسيت بخطوات احد ورانه من انداريت جان هو

ضل واگف عد الباب متانينه نطب ،وبس نزل أبوي بده الدوام وبحكم سويت استشفاضه صرت أداوم وي البنات ..شلت چنطتي وطلعت مستعجلة بايدي ملزمتي ،من شفته هو بالسيارة بهتت اباوع ل بركة

اشرتلي اصعد وبنفس الوكت اجت غمد ،صعدت بصف جفون من الجهه الثانية ،وانا مستغربة شعجب مو على الاساس برهان يوصلنه ومن سألتها گالت
بركة : برهان گاله عمن اليوم گعد مريض فد نوب سوده علي

_ اسم الله شبيه ؟

بركة : امس ماشي للمضمد گايله فلاونزة

غمد : هم زين مو الفايروس

بركة : أي والله

أول وحده نزلت من السيارة من انتبهت للساعة انخبصت خبص بس اريد اوصل للقاعة قبل الدكتور
جفون : ولج نسمه

_ دكتور فاضل اليوم محاضرته الأوله لو نسيتي

گلبت ملامحها من طاريه
جفون : شكد ما ينجرع

_ عود من نوصل هناك گليله هل حجي

اجت وراي تمشي والحمدلله طبينا گبله وبس طلعنه لگينه بركة گاعدة وشوي واجت غمد وحواري وبس گضينا كل محاضراتنا خابرت عليه وگالت
بركة : شوي ويجي

غمد : وحده منچن تجيبلي شي اكله راح اموتن من الجوع

جفون : انا مابي حيل

حواري : ولا انا

بركة : گومي نسمه نجيب انا وياج ،شتردن؟

گمت اعدل بعباتي (صاية) وبعد ما گالن شني يردن مشينا انا وياها، الكافتريا چانت هوسة الشباب تارسيها، ضلينه حايرات، وحده تگول للثانية شلون
بركة : نسمه .

ندستني مگلوبه احاولها گلب ،من باوعت للمكان البيه عيونها متمركزه عرفت السبب، سألتها وانا اعرف هذا هو لان شايفته مره وحسب كلامها تأكدت
_رهيب ؟

هزت رأسها ب أي وكضت ايدي بقوة من اجه علينه
رهيب : السلام عليكم

رديت عليه انا وهي جامده، خزرتها اريدنها تحجي وترد عليه من گاللها
رهيب : شلونج ؟

بركة : الحمدلله

°بركة°

باوعت ورا نسمات من انسحبت وخلتنه ،دنگت ورديت رفعت راسي من گال
رهيب : ليش جاي تحظريني ؟

_ احسن

رهيب : ما تشتاگيلي ؟

_ ها

رهيب : نحجي ،ترضين ؟

_ وين ؟

رهيب : بره ،هنا هوسة

بتردد مشيت وراه، وگف بصفحة الكافتريا وانا گباله طال النظر بعيوني وبصوت ناصي ردد حسيتهن چاسن گلبي
رهيب : كحيلة العينين، ذات بشرة خمرية ووجنتين لامعه وكل ما تبسمت اشعر وكانما تسقط روحي وسط تلك المنغرسه
بأحد خديها الجميلتين، أنها جميتلي وحبييتي وما أريد للبعيد ،إنها القريب لروحي ملهمتي بتفاصيلها

رمشت بعيوني من سكت وضل يباوعلي، بحسره گال
رهيب : گضه العمر وانا متمني حجاية وحده، شوكت ؟

_ ما اعارف

شوي واجت نسمات گالت يله ،مشيت وياها واحس خليت جزء من روحي وياه ،گعدت يم غمد واخذت العصير اشرب
غمد : شبيچن ؟

نسمات : ماكو شي بس ضجنه لان ازدحام

ما حجت عن السالفة ابد ،وانا هم ضليت ساكته بالي عده ،وبليلتها چنت گاعدة تقره واجتني رسالة ،حسني گلبي هو ،وبس فتحت الموبايل چان رقم غريب من طريقة كلامه عارفته
_ باجر جايكم واريدن اشوف يا زلمة هي مره ما يطيني

وخرت الكتاب من حضني وكتبتله
_ خايفه رهيب

_ عليش الخوف ،ما مسوين شي حرام ،انا رايدج بالحلال

_ الله يعيدها على خير

طلعت من البرنامج وهل مره ما حظرته ،گمت طلعت بره ومثل كل مره لو اختنگت ماعدي غير هل مكان ،ضليت حاطه ايدي على خدي وباوع لسعف النخل گبالي شلون يتحرك
سيوف : بغكه شعدج هنا ؟

انداريت على صوتها وراي ،ملت رأسي شگللها ،اجت گعدت بصفي
سيوف : السالفة بيها غهيب ؟

لميت رجلي وحطيت ايدي ثنيناتهن على ركبي
_ أي

سيوف : حجه وياج ؟

_ راح يجي باجر

سيوف : يخطبج ؟

هزيت رأسي ب أي ،صفنت علي حايره وبعد فتره زمنيه بيها هي ساكته وانا كسرت الهدوء الصار البيه بس هوسة افكاري
سيوف : شوفي انا ما اعغفه ،بس متأكده هو كلش يحبج لان ماكو واحد يصبغ هلگد لوما يحب من كل گلبه

_ جا أخوي هم يحبج ،وصبر هواي

چانت مبتسمه من حجيت هيج اختفت ابتسامتها
سيوف : هسة شجابني بالنص انا ؟

_ حگ الله اخوي تاناج اكثر من رهيب بچم مره

سيوف : اممم

_ شوكت تحنين عليه مو خطية ؟

سيوف : غاح احط الطابوگه بغاسج عزيزتي اذا ما تسكتين

_ مو صوجج

گمت وگفت اباوع للباب من انفتح
_ هذا اجه اخوي

مشيت بساع اطبن وخليتها واگفه بمكانها ومن الشباج ضليت اباوعلهم وگف گبالها وگبل لا يحجي وياها عدل حجابها
سيوف : وين چنت ؟

برهان : يم صخر

سيوف : تأخغت هواي

برهان : ويهمج ؟

وحتى تضيع حيرتها بالجواب گالتله
سيوف : متعشي ؟

برهان : أي

وخرت بساع من شفتهم يردون يطبون، ثاني يوم ما داومت، چنت گاعدة وبحضني ميمنة وطبت حوراء شايله چنطتها و وراها سيف ،شمر چنطته يشكي منها
سيف : جدة احجي وي حوراء راح تخبلنييي والله

صاحتها امي گعدت يمها وسيف واگف يباوع مبينه كلش مضوجته
شيماء : شبيج وي اخوج ؟

حوراء : ما يرديني امشي انا وعون

شيماء : يا ليش ما تخليها ؟

سيف : مو اكلها تعاي يمي ما ترضى

شيماء : وأنت على هاي ضايج ،جا هو مثل اخوها

سيف : لا مو اخوها بس انا اخوها

صعد فوگ ضايج ضحكت وهزيت ايدي ،نعمة الغيره حتى جهالنه وارثيها
شيماء : شني هاي عود يغار ؟

_ أي يمة

امي ضلت متعجبه عمن سوالفه هاي مو يم عمره ،بالليل امي كالت نمشي نشوف غاية ،وانا وياها والبنات ،وبس وصلنه عارفت جدي رافض هم ،وبعد گعده دامت ل اكثر من ساعة فززنا صوت جدي ،چان يصيح وصوته جاي من الديوانيه

زهرة : اسم الله الرحمن شكو ؟

شوي وطب جدي وراه عمي محمد ،وبنص الصاله وگف من گاله عمي
محمد : هل مره قراراك غلط بوية

بجبروت باوعله
رأجس : شلون غلط ؟

محمد : حتى صخر ما راح يرضى

رأجس : مو بكيفه

وعلى هاي وضعتيهم طب ضيرم وصخر يتسألون شكو وشصاير ،عمي حتى يحاول يخلي الموضوع ما ينفتح گدامنا گاللهم
محمد : بعدين انا اگللكم

رأجس : عليش بعدين تگللهم اولها وتاليها السالقة الكل راح يعارف بيها

محمد : ما تصير بوية

نتر
رأجس : مو بكيفك ،انا گلت صخر ياخذ ريحانة يعني ياخذها

مو بس انا الاخذتها مثل الكفخة على راسي ،كل الموجودين بهتوا
ضيرم : شجاي تحجي جدي ؟؟

وبأصرار رد كرر الگاله خلانه بحالة صدمة ،من قرار ما مقبول هل مره
رأجس : انا گلت صخر يعقد على ريحانة وما استقبل أي اعتراض

صاح وراه ضيرم من راد يمشي لغرفته ويخلينه بهل حال المگلوب بچم حجاية منه
ضيرم : جدي

باوعله بطرف عينه وهو كلش زين متأكد من رفضه
رأجس : گول

رفع ايده ورد نزلها
ضيرم : لو تنطبگ السمه على الگاع اختي ما ازوجها

أخر ذره من الهدوء چانت عده وفقدها من گاله
رأجس : مو بكيفك

صيح موسع عيونه
ضيرم : جا بكيفمننن

رأجس : صوتك

خزره ناهي النقاش وكل هذا وصخر ابد ما حجه ولا تدخل چن متاكد الرفض راح يجي من بيت عمي باقر اقوه من قرار جدي
وبس طلع ضيرم طب جدي للغرفة وعمي محمد ضل بمكانه يفتر ،صاح على صخر من صعد فوگ ما مهتم
محمد : ما تحاجي جدك أنت ؟

صخر : ابوك وأنت حاجيه والچان يسمع گلي

ما حاجاه شي بعد اني لان چان صدگ حجي صخر وگبل لا نرد عمة حاجات امي
زهرة : الله عليج لا يصير ابالج خية تعارفين ما النه سلطه على عمي

شيماء : عليش اضوج جا خوما يگضي عمره هيج .

امي كلش زين اعارف طينتها تحجي هيج بس بداخلها شي ثاني ،وبس ردينا للبيت طبت ل غرفتها بعد ماطلعت
سيوف : عمة ضاجت مو ؟

حواري : مبينه

عيونهن على باب الغرفة وبقهر يحجن ،تنهدت و مشيت لغرفتي ،وراي طبت ميمنة ،وثاني يوم چنه گاعدين نتغدا وابوي انتبه على امي من سألها شبيج ما ردت
يوسف : شبيها امج بوية ؟

_ امس جدي گال راح يزوج صخر

يوسف : يزوجه ريحانة مو ؟

رفعت راسها مصدومة أبوي طلع يعارف بالسالفة
شيماء : تعارف ؟

هز رأسه ب أي
يوسف : گبل سنة أبوي گالي

شيماء : يااا

برهان : من حگه يمة

يوسف : اكيد خوما يضل ،صارله بالسبع سنين

ما زيد اكثر بعد بكلامه وبس گضه اكله طلع ،جعفر وحق ابد ما حجوا رفضهم للسالفة كلها مبين بملامحهم الجامده بس ما من حگنه نتدخل
گمت مسدوده نفسي ما جاي اگدر اهضمها بس خوما يضل بلايه زواج ابد والعمر يمشي وما يوگف عد الراح ...




°ريحانة°

طلعت من الغرفة مخبوصة من سمعت صوت صياح ضيرم ،أبوي وعزيز بس يردون يفتهمون السالفة وهو شوي ويفلش البيت علينه
باقر : ابن الكلبببب ،احجي شبيك

مسح وجهه بچف ايده يرچف رچف ،بلعت العافية من گالت
ضيرم : جددي يريد يزوج ريحانة

باقر : المن، ماعدنه واحد ما متزوج

صفگ ايد بايد مبتسم بأستهزاء
ضيرم : ليش بوية ليش ،جا وصخر

اندار علي أبوي ورد يباوع ل ضيرم
باقر : تحجي صدگ ؟

ضيرم : امشي اسأل عمي محمد

كضيت يده الباب خايفه من اندار علي عزيز وخلاني اجمد بمكاني من گال
عزيز : والله عمره ما خاب ضني

وبكل ما عدهم من صرار وگفوا بوجه جدي ،أبوي و هم ،ما ناقشت ولا حتى اطيت رائيي بالاخير انا گايلتله السالفة كلها ما راهمه ،طلعت ورا عون يريد بيضة بنص الليل، صحت عليه من مشى لبيت جدي
_ ولك هسة نايمين

عون : هذا عمو صخر

ركضله من شافه واگف الباب ،باله مو يمه بس على صيحة تلاشت صفنته باوعلي ورد باوع ل عون
عون : عمو اريد بيضة منكم

وخر من الباب يسويله درب يطب
صخر : جفون گاعدة گللها تطيك

وبس طب عون هو اجه علي ،عدلت حجابي عيوني ما اگدر احطنها بعيونه من وگف گبالي
صخر : ريحانة

وانا مدنگه گلتله
_هاا

صخر : باوعيلي خل احجي وياج

رفعت راسي عيونه افترت على ملامحي ،صدره صعد وهبط بشكل ملحوظ دليل على جرته للنفس
صخر : حتى أنت ما راضيه مو ؟

حرت بالجواب وطال سكوتي وثنياتنا باوعنا ل عون من اجه يركض
عون : عمة عمة

_ ها ياروحي

مديت ايدي اخذ منه البيضة من گالي
عون : سويها تنوكل بالخاشوگه

اشرت على عيوني
_ من عيوني

كل هذا وهو واگف ما تحرك من مكانه عيونه چانت ذبلانه ما گدرت ما اسأله
_ شبيك ؟

صخر : أنت

اختصر كلشي بحجاية وحده ومشى ،دنگت حايره شني اجاوبه من سألني
عون : شبي عمو صخر ؟

_ مو اخته مريضة

عون : أي

_ هو ضايج عليها

لم شفتها الجوه مقهور، طبيت وهو اجه وراي يسألني
عون : شوكت ترد عمة غاية مشتاگلها هواي

_ مو جاي نشوفها يوميا

عون : حتى لو ،وعمو عزيز هم خطية مقهور عليه ضال وحده

حركت شعره بايدي ومشيت حطيت البيضة بقوري حتى تسلگ نص سلگه مثل ما يحب هو ،وبس كملت گشرتها من فوگ واطيتهياه بعدما ملحتها هم ،طلعله خاشوگه زغيره وگعد ياكل ويحجيلي على مدرسته وصحبانه هو وسيف، بس كمل گلتله يغسل ويسبقني للغرفة

سوه مثل ما گلتله وانا بس لملمت المطبخ لحگته بس ضليت واگفه بمكاني من شفت عزيز نزل ومن سألته وين ماشي گال
عزيز : راح اطلع بره مختنگ

عيوني تتبعه من طلع ،قهر يصيب گلبي كل ما صار حاله بين عيوني ،صار هواي مفارگها وهو ما متعلم هيج دعيت الله
يشافيها وترد لحياته من جديد عمن أخوي طافيه روحه وحتى لشغله ما جاي اشوفنه يمشي هواي الا للضروره ،من طبيت للغرفة چان متانيني ،أبتسمت وتمددت يمه حط راسه على ايدي
عون : احجيلي قصة

_ صار

وقصة وره الثانية لحد ما نام ،تثاوبت ورفعت الغطا على وجهي ،الجو صاير كلش بارد ،وبيوم المشيت حتى اشوفن غاية وانا گاعدة اجه جدي وگف گبالي

تمنيت روحي اختفي لحظة السألني بيها
رأجس : احجيلي ليش ما تردين ابن عمج ؟

حرت شني اگله ،يا سبب يقنعه وهو بأكثر سبب مقنع ما اقتنع
رأجس : دامج ساكته يعني راضيه

فزيت موسعة عيوني
_ لا جدي مو هيج

دنگ رأسه علي وصدمني صدمة عمري من گال
رأجس : جا تضنين ما اعارف بيه هاويج

خلاني بصدمتي ومشى ،ما چان يمي غير بس جدة وغاية ،وعود اشكي لجدة تاليها هي أيدت كلام جدي
غضة : حرامات يضيع شبابج يا حبوبة بعدج زغيرة و العمر طويل

_ ماگدر

غضة : لا تگدرين ،كلنه نعارف المره بحاجة زلمة تسند روحها جوه ذراعه

_ جدة

غضة : لا تكابرين بعد حبوبتج

ما ناقشتها بعد وما طولت ورديت للبيت، واقل من اسبوع بيومها چانت دنيا العصر وطبوا سيف وعون ومن سألتهم شصاير گال
عون : دبة غاز اجه وتعارك هو وجدي

نترت بيه
_ شوكت تبطل تصنف على اسماء الوادم

من شافني ما راضية اعتذر ،مشيت اباوع من زرف الباب وانا كلش زين متاكده شني سبب جيتهم ماكو غير سالفة ابن الچسار ...

°ليث°

مثل كل مـره هل وگفـه هاي تنتهي بـ رفض ،بس هـل مره كبرت و وصلت للمصايح بين جدي وغازي الجزع وفاض صبره من عناد جـدي 
غـازي : الله واكبررر عليك ،الماضي تناسينـاه ونريـد نبدي صفحة جديدة ،لشوكت تضل هيييج أنتَ ،لشوكت ما مليييت 

رفع ايده ونتر بصوت عالي 
رأجس : صوووتك لا تعليييي 

غـازي : اعليـه وشتريـد تسووي سوووي ،كبرررت رأسك هواااي 

جـدي عيونـه رادن يطلعن من مكانهن من گبر صدمته بأسلوب غازي ،نتر على رهيب 
غـازي : لووو تصير الهوه الك بعد ما اخذها ،امشييي گدامي 

وهـاي بيها چانت أول مره اشوفنـه انسحب من صدگ ،وحگـه انا مني مليت من أسلـوب جـدي

طلعوا من القريـه وابوي استلم جدي ملامه وهل مره كلنه وياه، صيح وتعارك ويانه وطب جوه، بوجهي طلعت للراضي شفت اوضاعهن ومناك مشيت حتى اشوفنها ،تلگتني بأبتسامه مثل كل مره ،حضنتها وانا اذبن تعبي وثگلي على اچتافها

_ مشتاگلج 

وخرتني وانا بين عيونها مركز ،لمت وجهي بين ايدها 
كوكبـة : وانا هم مشتاگتلك

أبتسمت وحركت شعرها بايدي ،ابد ما صارت تنعمه عمن ما اهواه غير وهو مكنكر مثل ما تگول هي ،طبيت وياها للديوانية وبس
گعدت اجاني ابن اخوها ،فتحتله ايدي وعمنه متعلم علي ركضلي بساع
كوكبة : ليثي .

باوعتلها مبتسم
_ شو گوليها مره ثانية

مالت راسها ورددت
كوكبة : ليثي ،وعوضي ،وكلشي حلو بدنيتي

وخرت ابن اخوها وجريتها لحضني لو بيدي بين ضلوعي احطنها ،وبعد فتره گامت تجيب ماي وبس ردت وسألتني على غاية هيجت كل وجع بروحي عليها
كوكبة : ها ليث ؟

نزلت الگلاص من ايدي وبالگوة گدرت اردن عليها
_ جاي تذبل غاية ،ذبلت عزيزة گلبي اخيتي

كوكبة : سودة علي، الله يشافيها أن شاء الله، چم چرعة ضاله ؟

_ من ثنين للاربعة الدكتور گال

كوكبة : منهن للشفاء أن شاء الله

_ الله يسمع منج

وبس رديت ومثل كل يوم گبل لا اصعد اشوفنها فتحت باب الغرفة وطبيت لگيت امي عدها
نايمة وهي گاعدة بأيدها القرآن تقره، من شافتني صدقت وضمته أبتسمت اعارفها تريد تضيع علي شفتها بهذا التعب وهي تسألني
غاية : چنت يم كواكب مو ؟؟

گلتلها أي وگعدت يمها ،كضيت ايدها الصايرات اشبه بأيد جاهل عمره عشر سنين
_ شلونج اليوم ؟

غاية : الحمدلله احسن

رفعت ايدها ابوسنها وهي تباوعلي ،ضليت گاعد يمها ومن حسيتها نعست الا طلعت ،سديت باب الغرفة وانا احس بروحي تلوب ،لو بيدي اشيلن مرضها عنها ولا شوفتها هيج
جفون : ليوثي

وگفت گبالي ،وطبقت مقولة يداوي الناس وهو عليل
جفون : تطيب والله وترد مثل گبل واقوه مو گاللكم الدكتور

هزيت رأسي وانا اعارف بيها بس جاي تهون علي عمن نوبات هواي الگاها تبجي ويوم الجرعة حتى ما تگابلنه تگضيها تتحجج ب أي شي حتى تبجي
_ فقار نايم ؟

جفون : أي توه نام ،جوعان اسويلك اكل ؟

_ لا ما اريدن

صعدت وانا اجرن بروحي چر ،شگد مرن علي بس هاي چانت اكبرهن، فتحت الشباج وضليت واگف بردوه
الجو ما حسيت بيها مر وكت كلش طويل چگاره وره چگاره گضيت بحدود الباكيت ،سديت الشباج وتمددت غفيت توني وفززني صوت الباب يندگ و جعفر يصيح
_ الحگ ليث ،انباگ المرعى

طفرت للباب بساع فتحته ،وكل ضني يشتاقه ،صحت عليه
_ شبيك جعفررر

جعفر : وعلي خايب انبگنه ،هسة خابرووني اكثر من عشرين راس غنم ماكو

نزلت اركض وهو وراي ،جدي خبص الدنيا خبص صعدت بالسيارة وجه جعفر بصفي الدرب سويته رمشة
عين وبس وصلت وبعد تحقيقيات وي الحراس الحاطيهم گالوا ،جاي واحد يمهم
ملهيهم بالسوالف والبوگه صايره من الباب الزغير المنه غرفة الكامرات الحاطيهم
_ خرررب لشتكم على هل دگه

ركضت لغرفة الكامرات ومثل ما توقعت چانن طافيات والصار كله مدروس ،طگيت البلازمة بايدي
_ كلشي ماكو

جعفر : لا يا گواو**

انداريت على صوت جدي وابوي من طبوا وگبل لايسألوني گلتلهم
_ تصوير ماكو كلشي طاير

بيومها بس ردنه نوصل الاثر عن البوگه ماكو وچن المتعنين كلشي متصرفيه صح، بعجز رديت للبيت بالليل ،سألت جفون على غاية گالت
جفون : بالغرفة

_ عزيز يمها مو ؟

هزت رأسها ب أي ،مشيت دگيت الباب وطبيت عليهم بس شافني گال
عزيز : دير بالك تگلي امشي

رفعت ايدي
_ حاجي شي هسة انا ؟

خليتهم وطلعت وانا حاس بالجاي يمر بيه ،يوم يچر يوم والفعل الفعله ما مبين ،خسرانته دگت العشر ملايين ،وشگد نحجي ونگول ل جدي يتعوضن ما يقتنع ...

°بركة°

بأيدي الموبايل وافتر ،دزيتله رسالة طويلة ،رسالة عاتبته بيها على اختفائه ،قراها وما رد علي ،گعدت و انا احس هاي هي انتهى كلشي
وبعد ماعده قابلية يضل معاند ،ولا انا اگدر بعد اضلن مقاومه وارفض شكو واحد يجيني

فتحت الباب وطبت
سيوف : ما تگومين تاكلين ؟

_ گليلهم نايمة

تمددت وجريت الغطا وبيها چانت أول مره ابچي من خوف خسارته ،غفت عيوني على هل وضع بعدما تعبن عيوني من البجي وگعدت راسي ثگيل عيوني مثل الجمر بيهن ما اگدر اگوم احس مفش جسمي تفلش ...

ضليت متمدده بمكاني وما گمت الا بعدما شفت ضوه الصبح طلع ،وچان المفروض اتحظر وامشي للدوام بس بيومها حتى الدوام نسيته ،وبس طلعت شفت امي وابوي يتريگون من صوتي امي عارفت بي شي

گتلها شوي صخونه ومشيت اغسل، وي الماي عيوني ينزلن الدموع ،انداريت امسح بوجهي من طبت حواري
ما ردتها تنتبه لحالي بس بجيت من اجت حضنتتي
حواري : مايهدج والله ولا يخليج تصيرين لغيره

كاتمة صوتي وابجي من شي مجهول بالنسبة الي صار سنين ،مسحت عيوني احاول اقوي نفسي وبلحظة اخيره گلتلهم يتانوني بس ابدل وبگلبي هواي تمنيت اشوفه، ركض ركض بدلت وطلعت وبس گضت أول محاضرة عدي طلعت ادوره بين الوادم بس ماكو ..! !

گعدت بنفس المكان البيه نلتم، اجن البنات وانا فقدت أخر ذرة امل على شوفته ،وبس رديت رفعت الحظر عنه وكتبتله
"حاجيني وبرر لاتخليني بنار"

يومين وانا متانيه رده وهو ماكو ،وباليوم الثالث بعد هاي الرسالة چنت گاعدة اقري ب حوراء وطب جعفر سكتت من شفت الضوجة شلون مبينه عليه ومن سألته امي شبيك گاللها وهو يباوع علي بنهاية كلامه

جعفر : الرباح رد اجه علمود نفس السالفة

شيماء : خطوبة بركة ؟

هز رأسه ب أي ،ومن ساعتها ما مثل الشي طگني على راسي خلاني افكر تفكير ما توقعت راح يكون نهايته قرار ما مقبول عد روحي ...

وبالليل چنت صافنة وي روحي وحسمت الامر و قررت، وياريتني ما مقرره ،الصبحية گعدت مسطوره من التفكير مشيت للدوام ورديت وهل مره حتى ما دورته ،ومثل ما توقعت هل مره أبوي راح يسألني ب رأيي شني ؟؟

اطيته گلاص الجاي وگعدت گباله من گال
يوسف : اگعدي بوية عدي حجاية وياج

بارتباك گلتله
_ گول بوية

يوسف : الخاطبج ابن حكيم ،الارحب تعارفين ؟

هزيت رأسي ب أي
يوسف : امس ردوا حجوا بيج ،شرايج بوية ؟؟

باوعت الامي تأشرلي بعيونها لا ،البنات واكفات يباوعن واثاريهن متخوفات من جوابي الم اتذكر شجنت احس من جاوبته
_ راضيه انا بوية

شيماء : بركةةة

خازرتني تريد توعيني، بس عگبيش انا قررت بعد وهاي هي ،گمت للغرفة والبنات هجمن وراي سدن الباب وتگابلن علي ثنيناتهن
حواري : تخبلتييي أنت ،احجييي بوعييج لو لا

سيوف : سنين لج بغكة سنين هيج تضيعيهن بلمح البصر

لطمت على وجهي مفرفحه روحي
_ مليت مليت ،والله مليت

جرت ايدي حواري وانا اشهگ واحجيلهن
_ كافي يوميا احطنهم بمشكلة ،يوميا طلابة صايرة من وراي

اعصابي انتهت بيومها وبعد ما هديت مريت بنوبة صمت اشبه بالانطفاء ،حتى امي من طبت تريد تعاركني وما رديت عليها انسحبت، حددوا وجهزوا كلشي وانا
فاصله چن ،وضليت اتاني رسالة منه يگلي بطلي كحيلتي لا تسويها، بس ماكو ،ل گبل الخطوبة بيوم گابلني
جعفر : احلفي ما جابرج احد ؟

_ والله محد جابرني

جعفر : مو چنتي ما تردين ؟

_ الله هداني هسة

بس چان العكس انا الشيطان وشوش براسي وخلاني اخطي خطوة موش گدها ،وبيوم العقد ومن بين الكل جرتني عمة عطاء وبس طببتني لغرفة جدة كفتني
عطاء : وحگ الحسين طلعتي بوخة ،ولج محترگ گلبي صار اسبوع اردين اموتج

_ ياريت عمة تسووين فضل

عضت اصبعها مفرفحه روحها ،بس الوكت فات وما ضل مهرب بعد ،صاحوني حتى نعقد ،عيوني هنا ابد ما گدرت اسيطر عليهن وبچيت ادور احد يطبطب علي ويگلي كلشي حلم وراح تصحين منه وأنت ما سويتي بروحج هيج ...

گعدت وحسيت على احد من گعد بصفي ،وصوت جدي والربتح وبيناتهم أبوي ،وشوي وبده السيد يعقدلنه ،ومن سألني راضيه لو لا هنا حسيتها صارت صدگ وما منها بعد أي مهرب
_ نعم

_ بابا بركة ،قولي نعم أنت وكيلي

_ نعم أنت وكيلي

طاحت دمعتي وطاح كلشي حلو تمنيته وياه ومن هل لحظة قررت اتقبل هذا الانسان المكتوبله يطب حياتي ،ومن وخروا مني البرگع حتى يلبسني الذهب حسيت بروحي ردت اموت
خليت غيره يشكفني وهو گضه عمره يتمنى يكض ايدي ،لبسني الحلقة وانا بايد ترجف لبسته حلقته

وبليتلها گضيتها بالمستشفى ضغطي ما نزل ابد ،ومن رديت الصبحية تلگني البنات بالرزايل گدام امي وهي وياهن غلست على كل حجاية گالنها وببالي هو شلون لو سمع ..؟؟

°كوكبة°

بايدي الموبايل احجي وي ليث وافتر بالمطبخ ،طبت سكينة أبتسمت وحركتلي حواجبها، غطيت حلگي ما اريدن اضحك
ليث : اجه يمج احد ؟

_ أي هاي سكينة

ليث : مو اگولن اختفى صوتج

_ اممم

ليث : كل ضني ما نطول بالخطوبة واخذج يمي بساع ،بس بعد صار الما محسبله حساب

_ ميخالف خل غاية تطيب ونتزوج

ليث : نعرس حبيبتي ،نعرس

ومن ضحكت بصوت خافت گالي
ليث : اروحن فدوة لصوت ضحكتج

_ ليثي

ليث : راح اجيكم

_ ياا يااا

ليث : راح اخابر سعد

سداه ما مطيني مجال اعترض ،صفنت بوجه سكينة
_ راح يجي

سكينة : ليثي حركت مشاعره

تضحك وتصنف علينه ،ركضت للحمام سبحت وهي مكيجتني مثل كل مره ،وماكو اقل الساعة بعد المكالمة و سمعت صوت الباب اندگ ،طلعت افتحه وگفت ورا الباب مبتسمه
_ منو ؟

ليث : ليثج

_ لا حبيبي

ليث : افتحي الباب كواكب

دگ گلبي بقوة من فتحت الباب وحضني بقوة جاعصني بين ايديه
ليث : اخخ بوية هنا انسى كل مر بالدنيا واردن مثل الما شايف تعب بحياته

وخرت اسأله
_ تحبني

باوع بعيوني
ليث : شلون تسألين ؟

_ اتأكد

أبتسم وجراني وياه للديوانية وبس طبينا دنگ لطولي واحتضن شفايفي ببوسه طويله تروي
عطش
ما اضنه يرتوي مثل ما هو يگلي، شمني بقوة
من شعري يردد
ليث : اخخخ يابويه ،ضاع ليث والضيعته چنتك الغريبة

بالگوات خلصت روحي من بين ايده ،عدل شعره يباوعلي
ليث : لو معرسين من ذيج السنين چان هسة عدي خمس جهال

حطيت ايدي على خدي فاكه حلگي
_ خمسةةة

ليث : جا موش هواي

_ لا ابد وين هواي

كض ايدي بين ايده من گلتله
_ سولفلي شوكت حبيتني

حرك ابهامه على حلقتي ،أبتسم وبده يحجيلي
ليث : من چنتي تجين على غاية

_ يعني

ليث : اضن عمرج چان ثنعش لو اقل لو ازيد بسنة

_ ها

ليث : أي وداعتج

_ يعني من لاگيتني أول مره أنت تعرفني ؟

هز رأسه ب أي
ليث : جا موش گلتلج أنت كوكبة ،بت ضاري

_ بوكتها متت خوف من سمعت صوتك

ليث : وانا من وكتها طحت طيحة قوية بوجهي

_ وين ؟

ليث : بعشگج

ضحكت وبس غطيت حلگي جر ايدي ،باسني بخفة و وخر وكمل يحجيلي
ليث : شكد چنت أايس بس بعدين لا ،اتذكر خمس سنين مشيت لكربله وماعدي غير طلبتج من الحسين (ع)

غورگت عيوني ومن انتبه علي شلون راح ابجي حضني
ليث : كلشي صار سوالف

رفعت راسي اباوع عليه وهو دنگ
_ ما بيوم انسى شكد حبيتني

ليث : تستاهلين، محور حياتي أنت

جريت روحي منه وگمت من دگت الباب سكينة اطتني صينيه بيها فناجين الگهوه والماي
سكينة : نسيتي امداج

سدت الباب گبل لا اجاوبها وبس گعدت يمه گال
ليث : مرة اخوج شگد حبابة

_ اختي الما جابتها امي

ليث : الله معوضج بيها

_ صح

شال كوب الگهوه يشرب ويحجيلي على علاج غاية و وضعها وانا مثل كل مره اسمعهله، وبس مشى وراه ب شوي طب سعد مخبوص
سكينة : شكو شبيك ؟

باوعلها وباوعلي
سعد : خالتي بشرى ،امس مجلوطة و وضعها تعبان يجوز ما تمشي بعد

ضليت واگفه بمكاني بدون ما اطي أي ردة فعل و ادركت ساعتها " الله يمهل ولا يهمل"

وصدگ گعدت على كرسي ،و وحسب الاخبار الوصلت النه من استبرق الصرنه نتواصل وياها بأخر فتره ،خالتي ضاله وحدها لا معين ولا أحد يلبي احتياجاتها
استبرق : منتظر گالي نرد نگعد يمهم گلتله ابد والله فلا اطبن هناك ، شني اتذكر منها حتى اداريها

سكينة : حگج والله ،شني الصار على عذراء ما تعرفين ؟

استبرق : سمعت جايين عليها خطابة گبل چم يوم

سكينة : اييي خل ترضى وتخلصنه من شرها

استبرق : ادعي كون تسويها

ضليت استمع نوبه ونوبع اشارك وياهن، منا لمن اجه سعد جوعان سدته منها سكينة وگامت تصبله غداه
وتوه اكل أول لگمه ودگ موبايله، ومن رد عرفناه هذا اسماعيل
سعد : ها اسماعيل خير شبيك ؟

طبگ حواجبه وطفر
سعد : لا عليك الله ،لا اله الا الله

وهو يحجي وانا وسكينة خبصناه نريد نعرف شكو وبس سداه اطانه الصدمة من گال
سعد : عذراء بت خالتي منتحره

°جفون°

اطيت فقار ل جدة وگمت اگضي شغلي ،ما ضل شي ويجون من جرعة الكيمياوي
_ جدة هاي مميته اذا بجه اطيهياه

غضة : افتهمت بس ولي من وجهي

ملت مني على گد ما وصيتها ،مشيت اكنس بالحوش وطبت كواكب شايلها ضيرم يسأل ما اجوي
_ لا والله بعدهم شو كلش تأخروا هل مرة

ضيرم : خير أن شاء الله، هسة اخابرهم واشوف

وعلى وگفته ودگ على عزيز وبعد ما حجه وياه گالي هم بالدرب ،اخذت كواكب منه وطبيت گعدتها يم عمة ورديت رشيت الزرع
غمد : رمووش

انداريت عليها
_ هااا الخانسة

غمد : يا خانسة ولج غير بت علاوي مطيحة حظي

_ ما شفتج امس

غمد : حتى علاوي يگلي ما شايفج ،جا وين انا

واگفه يم باب بيتها وتحجي ،من طبيت اجت وياي ومثل كل مره بهذا اليوم ننخبص خبص، وادم تروح وأدم تجي
زهرة : يمة جفون

مديت راسي من الغرفة وهي جانت گاعدة بالصالة
_ ها يمة

زهرة : سوي جاي لعمج سمير

گلتلها صار ورديت حاجيت غاية گبل لا اطلع
_ راح اجيبن غمد تگعد يمج

هزت رأسها ب أي ،و وي ما طلعت طب يمها عزيز وانا
سويت الجاي وصبيت ل عمي سمير وابو نسمات وديتن
الهم چانوا گاعدين بالحوش ورديت ،وبالليل چنت توني
متمدده وفزيت على صوت عيطة عمة رچليه ما شالني اريدن انزل
كل حيلي تبخر، حركت نوح بقوة اريدنه يگعد وانا ارجف رچف
_ نوووح غايةة، نوووح اگعددد

من خبصته نزل بلايه فالينه وانا بس حطيت الحجاب على راسي ركضت ،وگدامي طلع عمي محمد شايلها ولا من ايد ولا من رچل

نزل ليث يركض يريد بس يوصللها وذاك ليث بضخامته ماگدر ياخذها من عمي حيله كله تلاشه لطم على وجهه من باوع ل حالها ،شهگت من صدر منها صوت اشبه بالشخره

زهرة : يمةةة بتي ،ماااتت غااااية ...

•----------•

بردا وسلاما على من اتعبها المرض

غاية ...

ما اعرف شنو الاحجي "عزيزة گلب ليث"

•----------•

بركة

بين الصح والغلط تصرفها بس
مضوجني

اما ساهونه كون الزمها واعضها
شلعت گلب بغهان

ليث وكوبته لا هذولي گاعدين
ب گلبي حتى بدون ما يفرشون
بساط

قرار جدو بخصوص صخر و ريحانة

"الباقيات الصالحات "
سبحان الله
الحمد لله
لا إله إلا الله
الله أكبر
لا حول ولا قوة إلا بالله


شكرا لزيارتكم عالم روايات سكيرهوم

تعليقات