رواية اخترت نفسي الفصل السادس
وقفت هاجر قدامه وهى مربعه ايديها وبكل هدوء
هاجر/ طلقنى يا احمد
بصلها احمد بصدمه وكان لسه هيرفع ايده بس ابراهيم مسك ايده بسرعه ورجعه ورا
قامت ساره وشدت هاجر وهى خايفه
ابراهيم/انت بتعمل ايه انت اتجننت
احمد/ سيبنى يا ابراهيم
هاجر/ سيبه.. انا عايزاه يكمل يا ابراهيم
كانت بتبص له فى عينه وهى مش خايفه وده الى عصبه اكتر
احمد/ سيبنى بقولك
ابراهيم/ بس قولتلك كفايه هتلم علينا الناس ...ساره خديها جوه واقعدوا مع اسيل
ساره/ يلا تعالى نشوف البنت يلا معايا
دخلت معاها هاجر بالعافيه
ابراهيم/ انت اتجننت من امتى وانت كده يا احمد معقوله تمد ايدك على مراتك وقدامنا
احمد/ والله ما هسيبها تعدى كده
ابراهيم/ احمدد كفايه بقى انت ايه ..احنا ساكتين بقالنا كتير انت زودتها
احمد/ زودتها فى ايه ان شاء الله انت مش شايف البنى آدمه الى معايا
ابراهيم/ مالها يا احمد ..مش دى هاجر الى حفيت عشان تتجوزها وشالتك وشالت عيالك دلوقتى بقت وحشه يا احمد
احمد/ دى مش هاجر نفسها ..دى بقت واحده تانيه مش هامهما غير نفسها وشغلها حتى عيالها مش هامينها ولا جوزها.. هاجر بقت وحشه اوى مبقتش هاجر اصلا
ابراهيم بسخريه/ ومين الحلو بقى يا احمد.. ميار
احمد/ ابراهييم متجيبش سيرة ميار هى دخلها ايه دلوقتى
ابراهيم/ فعلا معاك حق يا احمد هى دخلها ايييه.. انا هروح اشوف ساره عشان نمشى وانت اسبقنا
احمد/ اسبقكم فين انا قاعد لعند ما اشوف البت
ابراهيم/ لا كتر خير يا اخويا خليك قاعد
مشى ابراهيم وشوح احمد بايده بزهق / هى نقصاكم انتم كمان
قاطعه رنة تليفونه وكانت ميار
احمد/ الو ايوه يا حبيبتي
ميار/ فينك كل ده فى المستشفى
احمد/ ايوه لسه معاها جوه بس هنروح النهارده
ميار/ وطلعت تعبانه بجد ولا ده لعبه من امها
احمد/ لعبه ازاى يا ميار هاجر مش هتكذب خصوصا لو الموضوع ليه علاقه بالبنات
ميار/ انا مش قصدى انا قصدى يمكن البت مش كانت تعبانه اوى وهى كبرت الموضوع عشان تخلى شكلك وحش قدامهم واستنت الوقت ده بالذات عشان تطلعك وحش قدام اخوك ومراته
سكت احمد شويه وهو بيفكر
ميار/ ركز يا احمد هاجر مش غبيه زى ما انت فاكر وانت اتاكد بنفسك وطبعا ولادك اهم من كل ده
احمد / اقفلى خلاص
ميار/ يا حبيبي انا مش قصدى حاجه المهم متتاخرش ..بس اطمن على بنتك الاول هى اهم سلام يا روحى
احمد / سلام
قفل احمد وهو باصص قدامه بغضب وقام بص عليهم جوه وكانت ساره بتطبطب على هاجر وابراهيم كأنه بيهديها
اتعصب احمد ودخل عليهم بسرعه
احمد / هاجر... انتى طالق
اتفاچأ ابراهيم هو وساره منه اما هاجر كانت مربعه ايديها وبصاله بتركيز عشان يكمل
احمد/ انتى.. طالق... بالتلاته
خرج احمد من الاوضه وراح وراه ابراهيم وهو بيزعقله على الى عمله جوه اما ساره كانت بتبص لهاجر وهى مستنيه منها ردة فعل اى حركه تعملها لكن هى كانت ثابته تماما و عينها لسه باصه للباب مكان احمد وده الى قلقها
ساره/ هاجر ... حبيبتي انتى كويسه...هاجر ردى عليا
اتنهدت ساره وجت قدامها وهى بتبص فى عنيها وهزتها من كتفها
بصتلها هاجر وابتسمت/ انا كويسه يا ساره..انا كويسه
ساره/ بصى متزعليش ا...
هاجر / انا مش زعلانه خالص بالعكس انا مش مصدقه انها جت بسهوله كده.. انا كنت فاكره انى هتعب اويي عشان ينطق الكلمه دى واخلص بس واضح انى كنت مدياه اكبر من حجمه
ساره/ حبيبتي ربنا مبيجبش حاجه وحشه ابدا صدقينى وبصراحه بعد الى عمله هو مكانش يستاهلك ولا حتى يستاهل ضفرك انتى اغلى من كده بكتير صدقينى وبناتك اغلى
قاطعهم صوت اسيل وهى بتنادى
اسيل/ ما...مى
هاجر بسرعه/ ايه يا حبيبتي انا هنا جمبك اهو عايزه ايه
اسيل / مي..اه
هاجر/ عايزه تشربى ...هاتى مياه يا ساره
راحت ساره بسرعه تجيب كوبايه واديتها لهاجر عشان تشربها
ساره / انا هنادى الممرضه واجى
مشيت ساره وفضلت هاجر تمشى بإيديها على شعر بنتها وهى بتتنفس براحه وبتحمد ربنا
بعد شويه جت الممرضه تشوف المحلول خلص ولا لا وقاست حرارتها تانى وبعدها جه الدكتور يشوفها
الدكتور/ خلاص يا مدام تقدرى تروحى بيها بس خليها تشرب كميات صغيرة من المياه أو محلول الجفاف، وما تديهاش كمية كبيرة مرة واحدة عشان مايرجعش القيء.
هاجر / طب والأكل؟
الدكتور / إن شاء الله لما تقدر تاكل، خلو الأكل خفيف وسهل الهضم، ومش لازم تجبروها على الأكل. الأهم السوائل.
شكرته هاجر وساره راحت تنادى ابراهيم
ساره / ايه روحت فين... وفين اخوك
ابراهيم / متجبيليش سيرته ..اهو مشى وروح
ساره / روح.. امال كان جى ليه عشان يقولها الكلمتين دول ..كانوا رساله بقى
ابراهيم / ساره متجبيش سيره قدامها خلينا نشوف الاول ونشوف هترضى تروح معانا ولا لا
ساره/ لا طبعا تروح ازاى يعنى تروح هناك لمين ما تقولى تروح لميار تشمت فيها ولا تقعد تحت عند بابا
ابراهيم / والله ما انا عارف اعمل ايه
ساره / بص الى هى عايزاه هنعمله هى خلاص كده مبقتش على ذمته ولازم تقول لاهلها انا هدخل معاها نجيب البنات وانت جهز العربيه
إبراهيم / خلاص ماشى انا هعدى على الاستقبال تحت
دخلت ساره لهاجر وكانت بتلبس بنتها وبتعدل هدومها اما ساره كانت بتصحى نغم الى كانت نايمه وشالت هاجر اسيل ونزلوا تحت كان ابراهيم مستنيهم
♥️♥️♥️♥️♥️♥️♥️♥️♥️♥️♥️♥️♥️
عند احمد وصل البيت ونزل من العربيه وكان طالع بس والدته طلعت من شقتها
ام احمد/ احمد انتم جيتوا.. اسيل عامله ايه يا حبيبي
احمد/ معرفش
ام احمد/ متعرفش.. متعرفش بنتك عامله ايه
احمد/ ومش عايز اعرف مش امها اخدتها وجريت ونسيت ان ابوها موجود اصلا خليها تشبع بيها
ام احمد/ انت بتقول ايه بس فين مراتك وبنتك يا احمد سبتهم وجيت
احمد/ ماما هى خلاص معدتش مراتى انا طلقتها خليها ترتاح واحنا كمان نرتاح
ضربت والدته على صدرها وهى مصدومه
ام احمد / يالهوي طلقت مين طلقت هاجر
احمد/ ايوه ومش عايز اسمع سريتها
طلع احمد فوق ووالدته فضلت تنادى عليه مردش عليها
ام احمد بخوف/يالهوى طلقها ازاى هو لعب عيال طب اقول لابوك ايه دلوقتى وبناتك يا ابنى حرام عليك
♥️♥️♥️♥️♥️♥️♥️♥️♥️♥️♥️♥️♥️♥️
عند هاجر كانوا راجعين من المستشفى وهاجر قاعده روا مع بناتها وكل شويه تبوسهم وترجع تسرح وتبص من الشباك وساره متبعاها وترجع تبص لابراهيم
ابراهيم / هاجر ..نروح البيت ول....
هاجر / انا مش هرجع البيت تانى يا ابراهيم الى هناك ده عمره ما كان بيتى انا هروح على بيت اهلى
ابراهيم/ هاجر انا مش عايزك تتسرعى يمكن دى كانت ساعة شيطان انتم بينكم بنتين عايزين يتربوا وبقالكم سنين مع بعض هد البيت صعب يا هاجر
بصتله ساره وهى مضايقه و عايزه تتكلم بس هو سكتها
هاجر / ابراهيم...انت مش عارف حاجه البيت والعشره والولاد والحب والجواز كل ده هو الى نساه مش انا وحتى لو هو افتكره ورجع تانى انا مش ممكن اسامحه ابدا يا ابراهيم
كان ابراهيم هيتكلم بس ساره مسكت ايده
ساره/ هاجر احنا هنعملك كل الى انتى عايزاه واحنا هنا جمبك اعتبرينا اخواتك والبنات دول ولادى قبل ما يكونوا ولادك
هاجر / ربنا يخليكم ليا مش عارفه كنت هتصرف ازاى من غيركم
ساره /المهم هم يا حبيبتي ريحى بالك بس واحنا معاكى
ابتسمت هاجر وحضنت بناتها وكملوا طريقهم لبيت اهلها
♥️♥️♥️♥️♥️♥️♥️♥️♥️♥️♥️♥️♥️♥️
عند احمد
كان قاعد على الكنبه وهو مشبك ايديه ببعض بغضب وميار كانت قاعده جمبه وحاطه ايديها على كتفه
ميار/ انا مش فاهمه انت زعلان ليه يا احمد مش هى الى طلبت الطلاق واستغنت الاول معناها انها مش عايزاك وما صدقت مش كفايه انها عملت اىى عايزاه وطلعت شكلك وحش قدام اهلك
احمد/ كل الي معصبنى انى مكنتش عارف امسكها راحت استخبت فيهم لا وكمان طلبتها قدامهم والله اعلم باقى الكلام كان ايه
ميار/ وانت معصب نفسك ليه ما تقول الى هى عايزاه المهم الحقيقه يا حبيبي ودى ست متتعاشرش وان كانت مهتمه اصلا بعيالها كانت خدت بالها من عيالها قولهم انها مهمله وكل شويه بتجرى على المستشفيات من وراك من غير ما تعرفك عشان متزعقلهاش
احمد/ بس هى تيجى بس واشوفها وانا هعرفها مقامها كويس واعرفها ازاى تطلب منى كلمه زى دى
ميار/ هو ده كل الى هامك يا احمد انت خلاص طلقتها يعنى معدتش على ذمتك
احمد/ وماله اردها تانى واوريها النجوم فى عز الضهر
ميار/ معدتش ينفع ده طلاق بالتلاته مفيش رد
بصلها احمد بصدمه / يعنى ايه مفيش رد يعنى خلاص
ميار/ ايوه خلاص ايه زعلان ولا ايه افهم دى متستهالكش ولا تنفع زوجه ولا ام فاحمد ربنا
بص احمد قدامه بتفكير وبعدها جاب تليفونه ورن على اخوه بس مردش
احمد/ مبيردش ليه ده
ميار/ مين ابراهيم..اكيد جايبن فى الطريق..متخافش اكيد الست ساره حابتها معاهم متقلقش اوى كده
سابته ميار وقامت دخلت اوضتها
وهو فضل يرن على ابراهيم وبرصه مردش عليه
♥️♥️♥️♥️♥️♥️♥️♥️♥️♥️♥️♥️♥️♥️
عند هاجر مان ا وصلوا قدام البيت
ابرهيم / احمد لسه بيرن
ساره/ متردش عليه يا ابراهيم هتقوله ايه يعنى معدش ليها لازمه
سمع ابراهيم كلامها وقفل التليفون وحطه فى جيبه وراح شال نغم وطلع بيها وطلعت وراه هاجر وهى شايله اسيل ومعاها ساره
ام هاجر / بسم الله الرحمن الرحيم مين يا ولاد الساعه دى
فتحت ام هاجر الباب ودخل ابراهيم ووراه هاجر وساره
إبراهيم / السلام عليكم
ام هاجر / وعليكم السلام فيى ايه يا ولاد حد حصله حاجه
ساره/ لا ابدا يا طنط مفيش حاجه
ام هاجر/ فى ايه يا هاجر مالك يا حبيبتي
هاجر / انا اطلقت يا ماما
يا نصبتييي اطلقتى .....
