رواية عروس البحر الفصل السابع 7 بقلم نون لاشين

ملك : "أنا بتاعتك يا آدم.. من أول يوم."

آدم كان واقف في البلكونة بيبص على ملك وهي قاعدة في الجنينة مع إلين.

ملك كانت بتضحك.. ضحكة حقيقية.. وإلين كانت بتبص ليها بحب.

آدم قلبه كان بيتقطع.

إزاي يقولهالها؟ إزاي يقول لبنت عانت عشرين سنة بسبب أمها.. إن الأم دي مش أمها أصلاً؟

إزاي يقولها إن أمها الحقيقية ماتت في حريق وهي عندها سنتين؟

إزاي يقولها إن الست اللي كانت بتعيرها وتبتزها ".. كانت بتكدب عليها من الأول؟

آدم حط إيده على وشه.

آدم بيكلم نفسه: "لازم أقولها.. مش هينفع أخبي عنها.. بس هتتكسر."

صوت إلين جه من ورا.

إلين بصوت ضعيف: "آدم.. يا حبيبي.. تعال اقعد معايا شوية."

آدم راح قعد جنب أمه على الكنبة.

إلين مسكت إيده: "أنت متوتر من الصبح.. في إيه؟"

آدم بص لأمه: "ماما.. لو عرفت سر عن حد بتحبه.. سر ممكن يكسره.. هتقوله ولا تخبيه؟"

إلين بابتسامة حزينة: "يا حبيبي.. أنا عشت عمري أخبي أسرار.. وشوف النتيجة.. بعدت عنك .. ومات أبوك من غير ماتودعو  وهموت قبل ما أسامح نفسي."

آدم سكت.

إلين: "السر اللي بيتخبى بيبقى زي السم.. بياكل اللي شايله من جوه.. قول الحقيقة يا آدم.. حتى لو وجعت.. الحقيقة بتوجع لحظة.. بس الكدب بيوجع طول العمر."

آدم بص في عين أمه 

آدم: "شكراً يا ماما."

إلين بسته على جبينه: "روح قول لمراتك اللي في قلبك.. قبل ما يفوت الأوان."

.........

في الجنينة.

ملك كانت قاعدة  بتبص على البحر.

آدم قرب منها وقعد جنبها.

ملك ابتسمت: "إيه؟ وشك مكشر ليه؟"

آدم مسك إيدها.

آدم  "ملك.. أنا عايز أكلمك في موضوع مهم.. وممكن اللي هقوله يوجعك.. بس أنا مش قادر أخبي عنك."

ملك حسّت بالتوتر في صوته.

ملك بقلق: "في إيه يا آدم؟ ."

آدم بص في عينها : "ملك.. أمك.. سعاد.. مش أمك الحقيقية."

ملك بصدمة: "إيه؟"

آدم بصوت هادي: "أمك الحقيقية اسمها ليلى.. وكانت أخت سعاد.. ماتت في حريق في البيت القديم من عشرين سنة.. وإنتي كان عندك سنتين."

ملك إيدها بدأت ترتعش.

ملك بصوت مرتعش: "بتقول إيه يا آدم؟"

آدم: "سعاد أخدتك بعد الحريق وادعت إنها أمك.. عشان تاخد فلوس جدك.. .. عشان تاخد البيت.. كل اللي كانت بتعمله كان عشان الفلوس يا ملك."

ملك عيونها وسعت.. ودموعها بدأت تنزل بغزارة.

ملك بصرخة مكتومة: "يعني.. يعني أنا مليش أم من وأنا عندي سنتين؟ يعني الست دى كانت بتكدب؟ يعني كل الوجع اللي عشته.. كان بسبب كدبة؟"

آدم ضمها بقوة.

آدم بدموع: "أنا آسف يا ملك.. أنا آسف أوي."

ملك بدأت تعيط بصوت عالي.. عياط سنين مكتوم.

ملك بانهيار: "أمي ماتت يا آدم.. أمي الحقيقية ماتت وأنا كنت بعيش مع ست كانت بتكرهني 

آدم وعيونه بتدمع.

آدم بصوت مكسور: "أمك الحقيقية كانت بتحبك يا ملك.. المحامي لقي صور ليها وهي حاضناكي.. ورسايل كانت بتكتبها لجدتك عنك.. كانت بتقول إنك أحلى حاجة في حياتها."

ملك رفعت وشها بعيون حمرا: "في صور؟"

آدم: "آه.. هجبلك كل الأوراق.. هوريكي كل حاجة."

ملك عيطت أكتر.. بس المرة دي كان فيها شوية راحة.. كأن حملاً تقيل اتشال من على كتفها.

ملك بصوت مخنوق: "يعني أنا مش مرفوضة.. يعني أمي ما سبتنيش بإرادتها.. يعني هي ماتت وهي بتحبني."

آدم باس جبينها: "أيوه يا حبيبتي.. أمك ماتت وهي بتحبك.. وسعاد هي اللي استغلت موتها."

ملك فضلت في حضن آدم فترة طويلة.. بتعيط وهو بيحتضنها.

لما هديت شوية، رفعت وشها وبصت ليه.

ملك بعيون مليانة حب ووجع: "آدم.. إنت ليه بتعمل كده معايا؟"

آدم: "أعمل إيه؟"

ملك: "بتحبني.. بتحميني.. بتقول لي الحقيقة حتى لو بتوجعني.. بتكون جنبي في كل لحظة.. أنا مش استحق كل ده."

آدم مسك وشها بإيديه: "إنتي تستاهلي أكتر من كده بكتير يا ملك.. وإنتي مش بس مراتي ... إنتي حياتي."

إلين كانت قاعدة لوحدها بتبص على صور قديمة في ألبوم.

صور آدم وهو صغير.. صور أبوه سالم.. صورها هي وسالم في فرحهم.

دمعتها نزلت على الصورة.

إلين همست: "سامحني يا سالم.. أنا غلطت في حقك.. وفي حق ابنى.. وربنا عاقبني إني أعيش أشوف ابني غريب عني."

زياد دخل الصالة وشافها بتعيط.

زياد بحنان: " .. متعيطيش.. آدم فرحان بيكي دلوقتي."

إلين بابتسامة حزينة: "زياد يا حبيبي.. أنا عارفة إن وقتي قصير.. وأنا عايزة أعمل حاجة قبل ما أموت."

زياد بقلق: "بلاش الكلام ده .. إنتي هتعيشي كتير."

إلين: "أنا واقعية يا زياد.. الدكاترة قالولي المرحلة التالتة.. وممكن أي يوم.. وأنا عايزة أشوف فرح آدم وملك الحقيقي قبل ما أروح."

زياد دموعه نزلت.

زياد بصوت مخنوق: "إنتي هتشوفي .. وهتفرحي بيهم."

إلين: "يا ريت يا حبيبي.. يا ريت."

.........

في أوضة آدم وملك بالليل.

ملك كانت قاعدة على السرير بتبص على صور أمها الحقيقية اللي آدم وراها.

صورة ست حلوة أوي.. عيونها بنية زي عيون ملك بالظبط.. وابتسامتها دافية.

في صورة تانية.. ليلى حاضنة ملك وهي طفلة صغيرة.. وبستها على خدها.

ملك بكت وهي بتلمس الصورة.

ملك همست: "ماما.. أنا آسفة إني ما عرفتكيش.. أنا آسفة إني عشت عمري أفتكر إنها أمي.. أنا آسفة إني ما دافعتش عن ذكراك."

آدم دخل الأوضة وشافها بتعيط.

قعد جنبها ومسك الصورة من إيدها بهدوء.

آدم بصوت دافي: "أمك شايفاكي دلوقتي يا ملك.. ."

ملك بصت ليه: "تفتكر؟"

آدم: "متأكد.. لأن لو أنا في مكانها.. كنت هكون فخور إن بنتي قوية زي كده."

ملك ابتسمت 

آدم حط الصورة على الكومودينو ومسك إيدها.

آدم: "ملك.. 

ملك: "اية."

آدم: "أنا كلمت المحامي بتاعي في أثينا.. وكمان كلمت محامي هنا في إسكندرية.. بكرة الصبح هنقدم بلاغ ضد سعاد وفتحي بتهمة تزوير واحتيال."

ملك بتوتر: "يعني سعاد هتتسجن؟"

آدم بجدية: "لو الأدلة كفاية.. آه.. الست دي سرقت حقك عشرين سنة يا ملك.. سرقت بيتك.. سرقت فلوس جدك.. وسرقت منكِ إحساس إن ليكي أم."

ملك سكتت لحظة.. وبعدين قالت بصوت ثابت.

ملك: "أنا موافقة.. بس بشرط."

آدم: "إيه؟"

ملك: "عايزة أشوفها بنفسي وهي بتتفضح.. عايزة أقولها في وشها إني عرفت الحقيقة.. وإنها مش هتقدر تأذيني تاني."

آدم: "إنتي أقوى ست في الدنيا."

ملك ابتسمت: "لأن عندي راجل قوي جنبي."

آدم جذبها لحضنه.

آدم همس في ودانها: "ملك.. أنا عايز أعوضك عن كل يوم عشتيه من غير حب."

ملك بصت ليه: "إزاي؟"

آدم بص في عينها بنظرة عميقة: "هخلي كل يوم في حياتك من دلوقتي مليان حب.. لحد ما تنسي كل الوجع اللي فات."

وبسها بوسة طويلة على شفايفها.

ملك إيديها راحت على شعره.. وجسمها قرب منه.

آدم حس بحرارة جسمها وقلبه دق بسرعة.

بعد ما بعدوا عن بعض.. آدم بص في عينها وعيونه غامقة.

آدم بصوت يلهث: "ملك.. الليلة دي عايزها تكون مختلفة."

ملك بصت فيه بخجل: "مختلفة إزاي؟"

آدم مسك فستانها .

آدم بصوت واطي: "عايز أشوفك.. عايز أحس بيكي.. عايز كل حتة فيكي تكون بتاعتي."

ملك قلبها دق بسرعة.. 

ملك : "أنا بتاعتك يا آدم.. من أول يوم."

آدم مسك وشها وبسها. بوسة  فيها كل الشوق.

إيده نزلت على كتفها.. وبدأ يفك أول زرار في فستانها.

آدم فك الفستان .. كتفها ظهر.. ناعم وأبيض.

آدم بص فيها كأنه بيشوف لوحة فنية.

آدم ..  إيه الجمال ده."

ملك اتكسفت وغطت وشها بإيدها.

آدم مسك إيدها ونزلها برفق.

آدم: "متخبيش عينك عني.. عايز أشوفك.. عايز أحفظ كل تفصيلة فيكي."

باس كتفها ببطء.. وبعدين رقبتها...

كل بوسة كانت بتخلي ملك تتنفس بصعوبة.

ملك بصوت مرتعش: "آدم.. أنا.. بحبك."

آدم رفع وشها وبص في عينها.

آدم: "قوليها تاني."

ملك : "بحبك يا آدم."

آدم: "تاني."

ملك : "بحبك.. بحبك.. بحبك."

آدم  شالها على السرير.

قعد فوقها وبص في عينها بعمق.

آدم : "ملك... الليلة دي مش بس ليلة حب.. دي ليلة عهد.. عهد إني هكون ليكي كل حاجة.. أبوكي.. أمك.. حبيبك.. سندك.. كل حاجة.

ملك: "وأنا هكون ليك كل حاجة يا آدم."

آدم قرب وشه من وشها.. وبسها بوسة طويلة.. بوسة فيها كل الكلام اللي مش قادر يقوله.

إيده مسكت خصرها.. وجسمه قرب من جسمها.. والحرارة بينهم زادت.

والليلة دي.. كانت أجمل ليلة في حياة اتنين لقوا بعض بعد ما الدنيا فرقتهم عن كل حاجة.

.........

صباح اليوم التاني.

ملك صحيت وهي حاسة بشىء مختلف.. دافي.. مرتاح.. كأن كل الوجع اللي كان فيها اتشال.

آدم كان نايم جنبها.. إيده على خصرها.. 

بصت ليه لفترة طويلة.. وابتسمت.

من غير ما تحس.. بدأت ترسم ملامحه بإصبعها في الهوا.. جبينه.. أنفه.. شفايفه.

آدم فتح عينه فجأة.

آدم بابتسامة: "بتعملي إيه؟"

ملك اتكسفت: "ولا حاجة.. كنت.. كنت بتفرج عليك."

آدم ضحك وجذبها لحضنه.

آدم: "اتفرجي براحتك.. أنا بتاعك."

ملك دفنت وشها في صدره.

ملك : "آدم.. أنا مبسوطة أوي."

آدم بسها : "أنا كمان يا حبيبتي.. لأول مرة من سنين.. مبسوط بجد."

.........

بعد الفطار.

آدم وملك كانو في المكتب مع المحامي الجديد.

المحامي: "يا أستاذ آدم.. الأوراق كلها جاهزة.. عقد الشراكة الأصلي.. شهادة وفاة السيدة ليلى.. وشهادة ميلاد ملك اللي بتثبت إن أمها ليلى مش سعاد."

آدم بجدية: "والبلاغ ضد سعاد؟"

المحامي: "جاهز.. هنقدمه النهاردة في النيابة.. التهمة تزوير واحتيال واستيلاء على أموال قاصر."

ملك بصت لآدم.

ملك بثبات: "أنا عايزة أكون موجودة."

آدم: "هتكوني."

.........

في نفس الوقت.

في شقة صغيرة في منطقة شعبية.

سعاد كانت قاعدة مع فتحي بتعد فلوس.

فتحي بضحك: "يا سعاد.. البنت دي وقعت على كنز.. لازم نعرف نستغل الموضوع."

سعاد بابتسامة خبيثة: "متقلقش.. أنا عارفة أتعامل معاها.. ملك بنت ضعيفة.. أول ما أعملها مشهد عياط هتديني كل اللي عايزاه."

فتحي: "بس جوزها ده شكله صعب."

سعاد: "جوزها ده راجل أعمال.. مش فاضي لمشاكل عيلة.. أنا هوصل لملك لوحدها وأضغط عليها."

الباب خبط.

سعاد فتحت.. ولقت شرطيين واقفين.

الضابط: "السيدة سعاد إبراهيم؟"

سعاد بتوتر: "آه.. أنا.. في إيه؟"

الضابط: "عندنا إذن قبض عليكي بتهمة تزوير واحتيال.. اتفضلي معانا."

سعاد وشها أصفر.

سعاد بصرخة: "إيه؟! ده مش معقول! مين اللي عمل فيا كده؟!"

فتحي حاول يهرب من الباب التاني.. بس لقى شرطيين تانيين مستنيينه.

الضابط: "أنت كمان يا فتحي.. شريك في الجريمة."

سعاد بدأت تعيط وتصرخ.

سعاد: "ملك! ملك هي اللي عملت فيا كده! بنت الحرام دي!"

الضابط: "اتفضلى.. الكلام ده قدام النيابة."

.........

في النيابة.

ملك كانت واقفة مع آدم في الممر.

الباب اتفتح وطلع الضابط.

الضابط: "يا أستاذ آدم.. المتهمين اتقبض عليهم.. وبنحقق معاهم دلوقتي."

آدم: "شكراً يا فندم."

ملك بصت لآدم.

ملك بصوت واطي: "أنا عايزة أشوفها."

آدم بقلق: "متأكدة؟"

ملك بثبات: "متأكدة."

آدم كلم المحامي ورتبوا إن ملك تدخل لحظة التحقيق.

.........

في حجرة التحقيق.

سعاد كانت قاعدة على الكرسي بتعيط.

الباب اتفتح ودخلت ملك.

سعاد بصت لها بعيون مليانة غيظ.

سعاد بصرخة: "إنتي اللي عملتي فيا كده يا ملك؟! أنا أمك!"

ملك وقفت قدامها بهدوء مخيف.

ملك بصوت ثابت: "لأ.. إنتي مش أمي."

سعاد اتجمدت.

ملك: "أمي اسمها ليلى.. وماتت في حريق من عشرين سنة.. وإنتي أخدتي مكانها عشان تاخدي فلوس جدي."

سعاد وشها اتغير.. فهمت إن اللعبة انتهت.

سعاد بتوتر: "ملك.. أنا.. أنا كنت بحبك.."

ملك بدموع: "لأ.. إنتي ما حبتيش حد غير نفسك.. إنتي سبتيني أعيش عمري أفتكر إني مرفوضة من أمي.. سبتيني أعيط كل ليلة وأنا بسأل ليه أمي مش بتحبني.. سبتيني أحس إني عبء عليكِ.. وكل ده كان كدب."

سعاد بدأت تعيط بجد.

سعاد: "ملك.. أنا آسفة.. أنا.."

ملك قاطعتها بصوت قوي: "أنا مش جاية عشان أسامحك.. أنا جاية عشان أقولك إني عرفت الحقيقة.. وإنك مش هتقدر تأذيني تاني.. أنا عندي عائلة حقيقية دلوقتي.. عندي جدتي.. عندي آدم.. عندي إلين.. ومش محتاجاكى في حياتي."

سعاد عيطت بصوت عالي.

ملك دارت وراحت ناحية الباب.

قبل ما تطلع.. التفتت وقالت.

ملك بصوت هادي: "ربنا يسامحك يا خالتي.. لأن أنا مش قادرة."

وخرجت.

آدم كان واقف بره مستنيها.

أول ما شافها.. ضمها بقوة.

ملك عيطت في حضنه.. بس المرة دي كان عياط تحرير.. عياط إنسان أخيراً اتحرر من كدبة عايش فيها عشرين سنة.

آدم حضنها "خلص يا حبيبتي.. خلص كل حاجة.. من دلوقتي إنتي حرة."

.........

في الفيلا بالليل.

إلين كانت تعبانة أوي.

آدم وملك دخلوا أوضتها ولقوها على السرير بتتنفس بصعوبة.

آدم بذعر: "ماما! ماما إنتي كويسة؟"

إلين بابتسامة ضعيفة: "أنا كويسة يا حبيبي.. بس تعبانة شوية."

ملك قربت منها وحطت إيدها على جبينها.

ملك بقلق: "حرارتها عالية يا آدم.. لازم ننادي الدكتور."

آدم كلم الدكتور على طول.

الدكتور وصل بعد نص ساعة وبعد الكشف قال.

الدكتور بجدية: "الحالة بتتدهور بسرعة.. لازم نبدأ كيماوي فوراً.. وممكن نحتاج نسافر ألمانيا للعلاج."

آدم بصوت مرتعش: "نعمل أي حاجة يا دكتور.. أي حاجة."

الدكتور: "الوقت مهم يا أستاذ آدم.. كل يوم بيفرق."

آدم بص لأمه وهي نايمة على السرير.. وحس بالعجز لأول مرة.

ملك حطت إيدها على كتفه.

ملك : "إحنا هنسافر ألمانيا يا آدم.. أنا هكون جنبك.. وهنعالجها."

آدم بص فيها بعيون مليانة دموع.

آدم بصوت مكسور: "ملك.. أنا خايف أخسرها.. أنا لسه لقيها."

ملك ضمته: "مش هتخسرها يا آدم.. ربنا كريم.. وإحنا هنحارب مع بعض."

آدم حضنها بقوة.

آدم همس في ودانها: "إنتي السند الوحيد اللي عندي يا ملك.. من غيرك كنت انكسرت."

ملك بسته على خده: "أنا مش هسيبك.. في أي مكان.. في أي وقت.. في أي ظرف."

.........

في البلكونة بالليل.

آدم وملك كانو واقفين بيبصوا على البحر.

الهوا كان بارد.. وآدم حط جاكيت على كتاف ملك.

ملك بصت ليه: "آدم."

آدم: "إيه يا حبيبتي."

ملك: "أنا عايزة أقولك حاجة ."

آدم: "قولي."

ملك بصت في عينه : "أنا حامل."

آدم اتجمد.

آدم بصدمة: "إيه؟!"

ملك بدموع فرحة: "حامل يا آدم.. .. عملت تحليل إمبارح وأنا خايفة أقولك."

آدم ما صدقش.. عيونه دمعت.. ورجليه ضعفت.

آدم : "إنتي.. إنتي بتقولي بجد؟"

ملك بابتسامة: "بجد يا آدم.. إنت هتبقى أب."

آدم عيط.. عيط بصوت عالي لأول مرة في حياته.

ضم ملك بقوة وحط إيده على بطنها.

آدم : ".. أنا هبقى أب.. أنا يا ملك.. أنا اللي كنت فاكر إن مفيش حد في الدنيا بيحبني.. دلوقتي عندي مراتى بتحبني.. و طفل جاي في الطريق.. وعندي أم رجعتلي."

ملك بكت معاه.

ملك: "عيلتنا هتبقى كاملة يا آدم."

آدم بسها على شفايفها بوسة طويلة.

آدم بصوت دافي: "بحبك يا ملك.. بحبك أكتر من كل حاجة في الدنيا."

ملك: "وأنا بحبك يا آدم.. 

آدم حط وشه على بطنها وهمس.

آدم: "أهلاً بيك يا حبيبي الصغير.. بابا مستنيك."

ملك ابتسمت ودموعها نازلة.

البحر كان هادي.. والقمر كان كامل.. والليل كان مليان نجوم.

ولأول مرة.. الفيلا  اللي كانت فاضية وباردة.. بقت مليانة حياة.. مليانة حب.. مليانة أمل.

.........

الفصل الثامن من هنا