رواية قسوة رجال الصعيد الفصل السابع بقلم هنا حسين
سند بغضب وزعيق: إيه اللي جاب الحيوانة دي اهنه
سوسن بغضب: الزم حدودك. أنا جاية في ملكي.
سند: ملك مين يا أم ملك إنتِ هتصيعي علينا
سوسن: والله الورق اللي معايا يثبت ده، وبعدين إزاي تكلمني بالطريقة دي
سند: أتكلم كيف ما أني عاوز. مش إنتِ اللي هتعلميني أتكلم كيف.
لمي: لو سمحت، ما تتكلمش مع مامي كده.
سند بسخرية: مامي! طب خلي مامي تحترم حالها وتطلع من اهنه.
فؤاد: هو إنت ما بتفهمش؟ قولنا إن إحنا في ملكنا.
اتجه سند ناحيته بغضب، وكان هيمد إيده عليه، لكن فراس منعه.
فراس: اهدى يا سند، مش اكده.
سند: يعني إيه أهدى إنتوا هتخلوا المرا دي تعيش معانا
فراس: مش كتير بس إني عاوزك تهدى وتصبر، وكل حاجة هتتحل.
وزع سند نظراته بين الموجودين، وبعدها طلع وسابهم، والغضب واضح على ملامحه.
لف فراس ناحية سوسن، وكانت نبرة صوته كفيلة إنها تخلي الكل يسكت.
فراس بغضب: اسمعي زين، مش معنى إني ساكت ومش مدي رد فعل يبقى إني ضعيف. لاه، لسمح الله، أني ممكن أهد العالم كله. أخوي سند تتجنبيه خالص. قسم بالله اللي يكلم أخوي أو يزعله بحرف، لكون ناسفه من على وش الدنيا.
قال كلامه ومشي، وبعده خرج باقي الرجالة، وسابوا سوسن وأولادها واقفين.
اذكروا الله ❤️
---
مهره بغيظ: زين اكده يا وش الفقر، أهو الرجالة هتنام من غير عشا.
سوسن: ليه يا ختي كنت قولت لحد ما تتعشاش
صبا: ما هو وشك بيسد النفس.
يمني: وشهم كلهم والله يا حبيبتي.
جنه: أني مش عارفة، مدام محدش قابلك، بتنزلي ليه وتقعدي معانا
سوسن باستهزاء: ما بقاش غيرك يا بت البواب عشان تتكلمي.
اتغيرت ملامح مهره، وحطت إيدها على السفرة وهي بتبص لسوسن بغضب.
مهره: الظاهر إنك وليه ناقصك ربايه. جنه دي برقبتك يا وليه يا خرفانة. الله يسامحه عمي اللي لمك يا رب. يا رباية عوالم، اسمعي، حسك عينك تتكلمي مع واحدة من نسوان الدار دي، لأنهم كلهم أسيادك وأسياد اللي خلفوكي. فبلاش تلعبي معانا، عشان أني ما هتحملش لا عليا ولا على البنات كلمة. فاهمة
فؤاد: استهدي بالله يا مدام مهره، ماما ما تقصدش.
مهره: اسمي أم سيف، ومدام في حريم بتتكلم. إنت ما تدخلش.
لمي: هو إيه ده بجد إنتوا عالم مريضة كل ده عشان كلمة
صبا: أهو محدش مريض غيرك.
يمني: وإنتِ كمان يا سلعوة، ما تدخليش.
لمي بغضب: سلعوة في عينك! إيه ده بجد؟ إنتوا محدش يتحملكم. هسيبكم بقى مع نفسكم.
قامت لمى ومشيت وهي بتتمتم بكلام غاضب، وبعدها بص فؤاد لسوسن.
فؤاد: يلا يا ماما، نطلع.
سوسن: يلا يا حبيبي، سبناها لكم مخضرة.
مهره: يلا يا بنات، خدوا العشا واطلعوا لفوق.
صبا بضيق: هو إحنا هنفضل في ده كتير
مهره: لاه، كله هيتحل.
يمني: إحنا بجد زهقنا.
مهره: ما فيش حاجة هتفضل على حالها.
---
طلعت مهره، ولما دخلت الأوضة لقت فراس واقف في الشرفة وبيدخن، وملامحه متجهمة.بقلم هنا حسين
قربت منه وهي شايلة صينية العشا.
مهره: أني جبتلك العشا.
فراس من غير ما يبصلها: أني طلبت منك تجيبي حاجة
مهره: مش لازم تطلب يا فراس. هو يعني حرام أجيب لجوزي
فراس: أني مش جعان. رجعي الوكل مكانه.
ابتسمت مهره ابتسامة صغيرة، وحاولت تقرب منه بالصينية.
مهره: عشان خاطري، لقمة صغيرة.
لف فراس ناحيتها وبصلها بحدة.
فراس: إنتِ ما بتفهميش قولت لاه. بعدين إنتِ آخر واحدة تتكلم عن الخاطر، لأنك باختصار مالكيش عندي خاطر.
اختفت الابتسامة من على وش مهره، وامتلأت عينيها بالدموع.
مهره: كيف قادر تطلعني السما ألمس نجومها وتنزلني الأرض مش إنت اللي كنت بتتكلم عني الصبح
فراس: إنتِ مرتي، وكرامتك من كرامتي. واللي عملته كان حفاظ على كرامتي، بلاش تحلمي.
مهره: أني طول عمري وأني بحلم، ما جتش من دي. وأني كل ما أدي جوازنا فرصة تاني، إنت بتضيع الفرصة. وأني مش هحاول تاني.
فراس: أني أساسًا مش فارق معايا جوازنا ولا حتى حياتنا. أهو جوازة والسلام.
بصت له مهره بوجع، وكأن كلماته كل مرة بتأكد لها إنها مهما حاولت عمرها ما هتوصل لقلبه.
مهره: هو إنت ليه محسسني إني مرمية عليك أني اللي مخليني صابرة ولدي سيف، غير اكده ما كنتش قعدت لحظة على ذمتك.
مسكها فراس من فكها بقوة، ورفع وشها ناحيته.
فراس ببرود: للأسف يا ست مهره، إنتِ دخلتي سجني، ومش أي سجن. لاه، إنتِ محكوم عليكي بالإعدام، بس إعدامك من نوع جديد. إنتِ لا هتاخدي إفراج ولا حتى موت.
بصت له مهره بعينين مليانين دموع، لكن المرة دي كان في صوتها قوة مختلفة.
مهره: لاه يا فراس، أني مش هتحمل كتير. أني خلاص جيبت آخري.
سابت الصينية وخرجت من الأوضة، واتجهت ناحية غرفة سيف، وهي بتحاول تمنع دموعها من النزول.
اذكروا الله ❤️
---
جنه: أني جبت الوكل عشان نتعشوا.
جواد: كلي إنتِ وسما، أني شبعان.
جنه: بس أني جبت عشانك.
جواد: لولا أني، ما كنتيش عشيتي بتي، مش اكده
جنه: أكيد لاه، أني مش قصدي اكده.
جواد مقاطعًا: خلص الكلام، مش عاوز أسمع حسك.
سابها جواد وراح نام، وفضلت جنه واقفة مكانها، باصة للصينية اللي جابتها بحب، لكنها كالعادة ما لقتش منه غير الجفاء.
---
ياسين: مش هتاكلي معاي
يمني: لا، ماليش نفس.
ياسين: وإيه اللي سادد نفسك يا ست هانم
يمني: يعني إنت مش شايف اللي حاصل في البيت وكلنا متوترين.
ياسين ضاحكًا بسخرية: ههه، لاه، وإنتِ يهمك قوي البيت ده إنتِ الود ودك تمشي من اهنه.
يمني: تمام، بس أنا دلوقتي موجودة، وكل اللي هنا يهموني. لو ما كنتش إنت، فالبنات يهموني. عشنا مع بعض، وبينا عيش وملح، وما يهونش عليا أشوف حد منهم مضايق.
ياسين: طب يا حنينة، ما تشغليش بالك. أني وإخواتي هنعرفوا نتصرف.
سكتت يمني، وما حبتش تكمل كلام، لأنها عارفة إن ياسين مش من النوع اللي بيقبل حد يتدخل في شؤون عيلته.
اذكروا الله ❤️
---
كان صقر قاعد بياكل، وصبا ماسكة التليفون ومشغولة فيه. وبعد وقت، سابته ونزلت عشان تاكل.
بصلها صقر بحدة، وحط المعلقة من إيده.
صقر: قومي، ما تاكليش.
صبا باستغراب: ليه
صقر: الأكل جيباه ليكي ساعة لسه فاكرة تاكلي دلوقتي
صبا: طب فيها إيه مش فاهمة.
صقر: التليفون اللي كنتِ مسكاه خليه يفهمك يا حلوة.
صبا: إنت ليه مكبر الموضوع مش حكاية يعني.
صقر: هو إنتِ شايفة الناس كلها ما بتفهمش، وحضرتك اللي بتفهمي رغم إنك إنتِ والجاموسة اللي حدانا واحد.
صبا بغيظ: بقى أنا جاموسة
صقر: والله بظلم الجاموسة اللي بشبهك بيها، عشان ليها منفعة عنك. يلا قومي، ودي الأكل واعملي لي شاي وهاتيه.
وقفت صبا مكانها، بتبص له بغضب، ومش مصدقة إنه بيكلمها بالطريقة دي.
صقر: لا ما ينفعش اكده. تعالى كولني أحسن.
شالت الصينية ونزلت وهي بتبرطم بكلام غير مفهوم.
صبا: كلتك عقربة يا شيخ.
---بقلم هنا حسين كاتبة بين الواقع والخيال
كانت سحاب نايمة على الكنبة، وسند واقف في الشرفة بيدخن السجاير، وملامحه مضايقة.
لف نظره ناحيتها، فلقاها نايمة بالإسدال، حتى الطرحة لسه على رأسها.
اتجه ناحيتها بخطوات غاضبة، وشدها بقوة، فانتفضت من مكانها.
سحاب بخضة: بسم الله الرحمن الرحيم خضتني، في إيه
سند: في واحدة لسه عروسة تنام باللي لابساه ده
سحاب بضيق: مش كنا خلصنا من الموضوع ده
شدها سند من مكانها، وشال الطرحة من على رأسها بعنف.
سند: لسه مخلصناش. لي حق ولازم أخده.
ارتعشت أطراف سحاب لما شافت الإصرار في عينيه، لكنها حاولت تتكلم بهدوء رغم خوفها.
سحاب: أني مش جاهزة دلوقتي.
مال عليها سند وبدأ يقرب منها، لكنها زقته بقوة.
سحاب: قلتلك معيزاش، معيزاش. مش بالعافية.
اتغيرت ملامح سند، ومد إيده وضربها بالقلم بقوة، وبعدها مسكها من شعرها.
سند بغضب: إنتِ فاكرة نفسك مين فاكرة إنك بكده هزهق وأطلقك ده بعينك.
وزقها على الكنبة، ووقف قدامها وهو بيبصلها بغضب.
سند: يلا قومي، البسي هدومك، ورانا مشوار لازم نروحوا.
فضلت سحاب قاعدة مكانها للحظات، حاطة إيدها على خدها، ومش قادرة تستوعب اللي حصل. كانت دموعها بتنزل في صمت، بينما سند واقف مستنيها من غير أي إحساس بالندم.
شكرا لزيارتكم عالم روايات سكيرهوم
