رواية اخترت نفسي الفصل الثامن 8 بقلم هايدي احمد


 رواية اخترت نفسي الفصل الثامن 

ابراهيم/ بس احمد ..طلقها يا بابا 
اتصدم ابوه وبص لاحمد 
ابو احمد/ طلقها يعنى ايه ...انت طلقت مراتك ..رد 
احمد/ هى الى طلبت 
ابو احمد/ يعنى ايه هى الى طلبت وانت تطلقها ازاى 
احمد/ يا بابا محترمتنيش وهانتنى قدامكم وقدام اخويا الصغير وقدام الناس فى المستشفى 
ابو احمد / تقوم تطلقها وتديها الى هى عايزاه وتوطى راسك كمان وكمان  
بص احمد فى الارض وابراهيم اتصدم من ابوه 
ابو احمد/ الست الى متسمعش كلام جوزها ولا تمشى تحت طوعه ولا تحترمه حلها مش الطلاق ..حلها تتحبس فى البيت وتتربى من اول وجديد بس طبعا انت الحمقه خادتك وروحت رامى يمين الطلاق وسبتها تمشى على مزاجها لا وسبت بناتك معاها 
احمد/ يا بابا..
ابو احمد/ بس اسكت
ام احمد/ بس يا حج هى تعبانه وبنتها تعبانه وعند امها بتريح شويه وهترجع من نفسها 
ابو احمد / بالطلاق..الست متطلعش من بيتها الا فى موتها حتى فى موت جوزها متسبش بيتها غلطت.. تتأدب مش نسيبها على هواها لا وكمان تديها بنات عشان يطلعولها وتعصيهم عليك ويمشوا هم كمان على حل شعرهم 
ام احمد/ يا حج الموضوع مش..
شاورلها عشان تسكت وكمل لاحمد
ابو احمد/اسمع .. تروح ترد مراتك وتجيبها هى وبناتك وتقعد من الشغل ومتطلعش من البيت يا سيد الرجاله 
احمد/ حاضر يا بابا 
ابو احمد/ تاخد اخوك زى ما وداها وتجيبوهم وتيجوا
ابراهيم/ بعد اذنك يا بابا ..هى مطلبتش الطلاق الا لما احمد زعقلها قدام الناس وكان هيمد ايده عليها قدامنا وقدام الناس وهى معملتش حاجه غلط عى نازله تشوف البنت وقدامكم ومعايا انا ومراتى 
ابو احمد/ اسمع.. نزولها للبت كوم وطلبها الطلاق بره بيتها ده كوم .. ومرواحها على بيت اهلها من غير ما ترجع لكبير العيله فى الى حصل كوم تانى خالص 
ابراهيم/ طيب يا بابا نسيبها النهارده ترتاح عند والدتها واسيل تتحسن شويه ومتقلقش هتيجى بكره 
اتنهد ابوه وبص له ورجع بص لاحمد 
ابو احمد/ الموضوع ده يتلم ومسمعش بيه تانى 
سابهم وخرج 
ام احمد/ تعالوا يا ولاد ..تعالوا افطروا كده الاول ونشوف حل 
♥️♥️♥️♥️♥️♥️♥️♥️♥️♥️♥️♥️♥️♥️♥️

عند هاجر 
كانت قاعده على الفطار هى و والدتها
ام هاجر/ ما تاكلى يا بنتى امال عاملين الاكل ده ليه كلى يا قلب امك وروقى دماغك دى 
هاجر/ مش قادره يا ماما قلبى مش مطمن للناس دى ومش مطمنه للراجل ده اكيد عامل مصيبه دلوقتى 
ام هاجر/ متشغليش بالك ميقدرش يعمل حاجه 
هاجر/ لا يقدر يا ماما انا مش مرتحاله 
قاطعهم صوت تليفون هاجر 
هاجر/ الو ...ايوه يا ساره 
ساره/ هاجر اسمعى عايزاكى تنزلى بسرعه على اى محامى 
هاجر/ ليه فى ايه 
ساره بسرعه/ اسمعى بس ..تنزلى تسالى على رمى اليمين ده ينفع بعده رد ولا لا لانى مش متاكده 
هاجر/ فى ايه يا ساره 
ساره اتنهدت / بصى انا نزلت تحت من شويه بابا طلب ابراهيم وانا نزلت وراه وسمعته بيقول لاحمد يجى ياخدك انتى والبنات ويردك تانى 
هاجر بصدمه/ ايه
ساره/ لا وكمان يقعدك من الشغل فأضمن تروحى تسالى لان لو فيه رد يبقى مفيش حل غير قضيه ..عمى مش هيسكت وممكن يجيبها فى البنات 
هاجر / طب اقفلى يا ساره اقفلى 
ام هاجر/ فيه ايه يا بنتى خير 
هاجر/ مش قولتلك قلبى مقبوض ومش مرتاحه 
ام هاجر/ كفى الله الشر خير يا بنتى 
هاجر/ ماما مفيش محامى قريب من هنا 
ام هاجر/ ليه يا بنتى فى ايه 
هاجر/ يلا يا ماما مفيش وقت 
ام هاجر/ اه كان فى الشارع الى جمب الكنيسه الى على العمومى جارتنا كانت عنده عشان قضية بنتها وبتشكر فيه بس غالى 
هاجر/ مش مهم المهم يجيب فايده انا هنزل دلوقتى خدى بالك انتى من نفسك ومن البنات واقفلى الباب من جوه يا ماما بالله عليكى 
سابتها هاجر وراحت تلبس
ام هاجر/ حاضر يا بنتى ..جيب العواقب سليمه يارب 
 
♥️♥️♥️♥️♥️♥️♥️♥️♥️♥️♥️♥️♥️♥️♥️
فى بيت العيله 
كان احمد وابراهيم قاعدين على الفطار مع امهم 
ساب احمد الاكل بضيق وبص لابراهيم 
احمد/ عاجبك كده ده كله مكنش هيحصل لو كنت رديت عليا 
ابراهيم/ هو ايه الى مكنش هيحصل بالضبط يا احمد 
ضربك لمراتك ولا رميك اليمين عليها قدام الناس ولا بنتك الى كانت هتموت امبارح لو مراحتش المستشفى ما تقولى كده كنت هتعمل ايه لو عرفت 
احمد/ كتت هقولك تجيبها غصب عنها
ابراهيم/ بانهى وش بقى وانت لسه مطلقها وسايبها هى وبنتك فى المستشفى وماشى وبعدين انا مليش كلمه عليها عشان اجبرها تيجى معايا مفضلتش انت ليه واخدتها يا محترم ...ما ترد ..كلامى مش عاجبك صح 
احمد/ كل ده اى كلام المهم تقف فى صفها ضد اخوك مش كده .. عاجبك بهدلة ابوك لينا بسببها وبسبب قلة عقلها 
ابراهيم/ قلة عقلها ..انت الكلام معاك ملوش فايده .. انا قايم اغسل ايدى بعد اذنكم 
احمد/ شايفه ..شايفه يا ماما ابنك كان بيكلم اخوه الكيير ازاى ..ده ناقص يعمل مقام للشيخه هاجر 
بصتله والدته ومتكلمتش لان الكلام مش هيجيب فايده معاه 
بعد شويه نزلت ساره 
ساره/ السلام عليكم 
ام احمد/ وعليكم السلام يا بنتى 
سغره/ امال فين ابراهيم يا ماما مش كان هنا
ام احمد/ فى الحمام يا حبيبتي اقعدى افطرى 
ساره/ لا شكرا يا ماما 
ام احمد/ اقعدى بس يا حبيبتي مفطرناش مع بعض من زمان 
قعدت ساره وهى بتتجاهل احمد ومش بتبص له وبعدها طلع ابراهيم من الحمام ورجع قعد معاهم 
ابراهيم / ايه الى نزلك ساجد لسه نايم 
ساره/ ايوه سبته ونزلت مرضتش اصحيه 
ام احمد/ كنتى جيبيه يا حبيبتي 
ساره/ هجبهولك من عنيا يا ماما بس النهارده عشان رايحين نزور اهلى فقولته اسيبه نايم براحته عشان يبقى فايق 
ام احمد/ تروحوا وترحعوا بالسلامه يا حبيبتي 
قاطعهم  ميار وهى داخله عليهم وكانت لابسه كانها خارجه 
ميار/ صباح الخير يا جماعه يومك حلو زيكم 
ام احمد/ صباح النور تعالى يا بنتى اقعدى 
راحت قعدت جمب احمد بدلع 
ميار/ فطرت يا احمد 
احمد/ اه الحمدلله افطرى انتى مفطرتيش 
ميار/ لا سبقتك فوق يا روحى
بصت لساره الى كانت بتتهامس مع ابراهيم 
ميار/ ما تاكلى يا ساره ابراهيم مش هيطير
ساره/ لا سبقناكى يا حبيبتي كلى انتى
لفت نظر ميار خاتم دهب فى ايد ساره جمب دبلتها 
ميار/ ده جديد ده ولا غيرتى دهبك 
بصت ساره على ايديها ورجعت بصتلها
ساره/ لا يا حبيبتي لا ده ولا ده صينى 
ميار/ اممم .لا قولى كلام غير ده اللمعه دى مش صينى ابدا...ياختى عليكى يا ساره بتخافى من الحسد هههه
ونغزت احمد فى دراعها براحه 
ساره/ حسد ايه بس يا حبيبتي متقوليش على نفسك كده 
بصتلها ورجعت بصت لابراهيم 
ساره / مش يلا يا ابراهيم اتاخرنا على ماما 
ابراهيم/ اه يلا عايزين حاجه يا جماعه عليزه حاجه يا ماما 
ام احمد/ لا يا حبيبي عايزه سلامتكم خدوا بالكم من الطريق 
ساره/ يلا يا جماعه اشوفكم بليل ان شاء الله 
ميار/ مع السلامه يا حبيبتي سلميلى على طنط كتيير اوى 
ساره/ هه يوصل يا حبيبتي 
مسكت ساره ايده ابراهيم ومشيوا  وهى بتتنفس براحه 
وميار مشالتش عنيها لعند ما مشيوا 
♥️♥️♥️♥️♥️♥️♥️♥️♥️♥️♥️♥️♥️♥️♥️

عند هاجر 
كانت واقفه فى الشارع عماله تلف حوالين نفسها وهى بتدور على مكتب المحامى وبتسال وهى متوتره ومش على بعضها لعند ما لقيته وطلعت عشان تقابله 
دخلت هاجر مكتب الأستاذ الباز المحامي وهي باين عليها الإرهاق، وقعدت قدامه بعد ما حطت شنطتها جنب الكرسي
هاجر/ السلام عليكم حضرتك استاذ الباز المحامى 
المحامي/ ايوه انا يا مدام اتفضلى تحت امرك 

هاجر/ 
أنا مش عارفة أعمل ايه هو قال لي: «أنتِ طالق بالثلاث» في نفس القعدة... وأنا أخدت البنات ومشيت. دلوقتي عايزة أعرف... هو كده يقدر يردني؟
الأستاذ الباز/ استني بس اهدى يا مدام وخدى نفسك ..خدى اشربى مياه
اتنفست هاجر وشربت مياه وهديت شويه 
المحامى/  قبل ما نقول يقدر يردك ولا لأ، دي أول مرة يقول فيها لفظ الطلاق ولا سبقها طلقات واقعيه لأن الحكم بيتغير حسب التفاصيل.
هاجر/ بس هو قالها صريحة... بالتلاته
الباز/ فاهم. لكن لو بنتكلم عن الثلاث في مجلس واحد، فدي مش معناها تلقائيًا إننا نتعامل معاها كأنها ثلاث طلقات منفصلة. وفي مصر المسألة لها تنظيم قانوني ودار الإفتاء المصرية تتعامل انها طلقة واحدة بائنة
سكتت هاجر شوية وبعدين قالت/
أنا أصلًا مش عايزاه يرجعني. أنا تعبت. عايزة أخلعه
الباز/ ده حقك إنك تلجئي للقضاء وتطلبي الخلع، ولو توافرت شروطه المحكمة ممكن تحكم بالتطليق خلعًا. والخلع ما ينفعش يكون مقابله التنازل عن حضانة البنات أو حقوقهم
هاجر/ يعني البنات مش هيقدر ياخدهم مني؟ هم بنت خمس سنين والتانيه 8
ابتسم الباز ابتسامة صغيرة وقال/ 
مش بالبساطة دي. البنات عندك، واحدة عندها خمس سنين والتانية تمن سنين، والحضانة موضوع مستقل عن الخلع. الأصل إن الأم تكون الحاضنة إذا كانت مستوفية شروط الحضانة، والأب يفضل له حق رؤية بناته ونفقتهن. ولو حصل نزاع على الحضانة، القاضي هو اللي يفصل بناءً على مصلحة البنات، مش الأب ياخدهم لمجرد إنه طلب
تنفست هاجر براحة وهى بتدعى ان الموضوع يمشى 
الباز / دلوقتى نبدأ فى الاحراءات واولها انك تعمليلىى توكيل فورا وبعدها نتكلم 
♥️♥️♥️♥️♥️♥️♥️♥️♥️♥️♥️♥️♥️♥️
عند احمد كان قاعد هو وميار بيشربوا الشاى
ميار/ ها هتعمل ايه 
احمد/ انتى مشوفتيش الى حصل ..ابويا زعقلى انا وابراهيم وهنروح نجيبها بكره وارجعها على ذمتى 
ميار/ ايه.. بعد الى حصل بابا قال كده 
احمد/ ايوه مش قابل بالطلاق ابدا 
ميار/ امم ..طب لو رجعت هتعمل ايه 
احمد/ ولا حاجه هتقعد زيها زى اقل كرسي فى البيت ومعدتش هتخرج تانى 
مياره/ امم بس هتقعد معاك فى البيت وده كفايه مش كده 
احمد/ ميار انا مش ناقص 
ميار/ طب اعمل ايه يا روحى بغير عليك الله وبعدين انت هتكمل معاها ليه وهى مش محترماك ولا مقدراك دى فضلت اخوك عليك حتى فى علاج بنتك 
احمد/ كان نفسي مرجعهاش واديها عقلة مو*ت قبل ما اطلقها على الى عملته بس اعمل فى ابويا هو حكم بكده 
ميار بتفكير/ امم مش مشكله ..هتتحل 
♥️♥️♥️♥️♥️♥️♥️♥️♥️♥️♥️♥️♥️

عند هاجر 
كانت خلصت مع المحامى ونزلت لقت الشارع الى قدامه زحمه وفيه كمين فى الشارع الى هو فيه فحاولت تعدى عشان متتاخرش على بناتها وامها لانها مش مطمنه

-انتى يا مدام..انتى يا انسه ..يا استاذه ...انتى يا بت 
اتصدمت هاجر وبصت وراها ولقت...


تعليقات