رواية عشق بعد خزلان الفصل الثامن
عمران:
— تالا؟! تالا وصلت للمرحلة دي؟!
نذير حط إيده على رأسه، ومقدرش ينطق بكلمة.
الدكتور أيمن اتكلم بحزم:
الدكتور أيمن:
— أنا مش بقول الكلام ده عشان ألومكم أو أزود إحساسكم بالذنب، لكن عشان تفهموا إن الموضوع مش مجرد زعل أو خلاف عائلي. هي محتاجة متابعة نفسية وطبية منتظمة، ومحتاجة تحس بالأمان.
مازن:طب نعمل إيه يا دكتور؟ نروح لها؟ نعتذر لها؟ أنا لازم أشوف أختي.
الدكتور أيمن:
— مش بالاندفاع ده يا أستاذ مازن. تالا محتاجة إنكم تحترموا رغبتها ومساحتها. متحاصروهاش بالأسئلة، ومتطلبوش منها تسامحكم لمجرد إنكم ندمانين. ولو قررت تتكلم، اسمعوها من غير مقاطعة أو دفاع عن نفسكم.
عمران:
— وإحنا نقدر نساعدها إزاي من غير ما نضغط عليها؟
الدكتور أيمن:
— خليها تعرف إن فيه باب مفتوح ليها، وإنكم مستعدين تسمعوها وقت ما تكون هي مستعدة. والأهم، متخلوش وجودكم في حياتها مرتبط باللوم أو العتاب.
مازن قام من مكانه، لكنه فضل واقف من غير ما يتحرك.
مازن:نديم:
— وإحنا كلنا كنا المفروض نبقى ضهرها.
نذير اتكلم أخيرًا بصوت منخفض:
نذير:
— يا ترى كانت بتعيط لوحدها قد إيه وإحنا فاكرين إنها بتعاندنا؟
عمران مسح على وشه وقال:
عمران:
— أنا مش قادر أتخيل إنها كانت بتواجه كل ده لوحدها... وإحنا كنا بنزود عليها.
الدكتور أيمن وقف وقال بهدوء:
الدكتور أيمن:
— أتمنى إنكم تكونوا فهمتوا إن تالا مش محتاجة وعود كبيرة دلوقتي، هي محتاجة أفعال هادية وصبر. وأرجوكم، متقولولهاش إنكم عرفتوا أي حاجة من هنا، ومتضغطوش عليها عشان تحكي لكم.
خرج الأربعة من العيادة، وكل واحد فيهم شايل إحساس مختلف بالذنب والصدمة.
...........................................
داخل عربية شهد وتالا...
كانت تالا قاعدة جنب شهد، وباصّة من الشباك بشرود.
شهد:
— تالا؟ إنتِ سرحانة في إيه؟
تالا:
— بفكر في التصميمات اللي اتكلمنا عنها... حاسة إننا محتاجين نغير شوية في الفكرة.
شهد: يا ستي التصميمات مش هتطير، إنتِ أهم دلوقتي.
ابتسمت تالا ابتسامة بسيطة، ورجعت تبص للطريق.
تالا:
— أنا كويسة يا شهد، متقلقيش.
شهد بصتلها بحنان، لكنها مكنتش مقتنعة تمامًا.
شهد:
— أنا جنبك يا تالا، ومش هسيبك تواجهي أي حاجة لوحدك.
تالا سكتت، وبعد لحظات سندت رأسها على الكرسي وأغمضت عينيها.
كانت فاكرة إن يومها عدى بشكل طبيعي، ومكنتش تعرف إن مازن ونديم ونذير وعمران خرجوا من العيادة وهم شايلين حقيقة أكبر بكتير من قدرتهم على الاستيعاب.
أما هي... فكانت لسه مش مستعدة تفتح باب حياتها لأي حد منهم.
...........................................
في فيلا آدم الألفي...
كان آدم قاعد في الصالون، وبجانبه سليم، وداليدا ونرمين، بينما كان عمار ويامن وعدي ويزن قاعدين بيتكلموا مع بعض.
وكان خالد وسلمى موجودين هما كمان.
وفجأة، دخل مازن ونديم ونذير وعمران.
لكن دخولهم المرة دي كان مختلف... مفيش هزار، ولا كلام، ولا حتى سلامهم المعتاد. ملامحهم كانت مليانة حزن وندم، وكل واحد فيهم كان غارق في أفكاره.
آدم رفع عينه وبص لهم باستغراب.
آدم:آدم:
— خير؟ مالكم؟ إيه اللي حصل؟
مازن بص لإخوته، وبعدها اتكلم بجدية:
مازن:
— عايز أتكلم معاكم في موضوع مهم.
آدم:
— موضوع إيه ده؟ قلقتني يا مازن.
مازن بص ناحية باب الفيلا، وبعدها سأل:
مازن:
— هي تالا جات؟
سلمى:
— لا، لسه.
داليدا:
— مازن، اتكلم في إيه؟ إنتوا عرفتوا إيه تاني؟
مازن أخد نفس عميق، اتكلم وقال كل حاجة عرفها عن تالا مرضها كل حاجة مرت بيها
جاء بصوت مليان غضب ووجع.
خالد:
— يعني كان لازم حد غريب هو اللي يقول لكم إن تالا تعبانة عشان تهتموا بيها؟ ليه مسمعتوش منها من الأول؟ ليه محدش فيكم اداها فرصة تتكلم؟
الكل بص لخالد، اللي كان واضح عليه إنه مش قادر يكتم اللي جواه أكتر من كده.
نرمين:بص يا خالد، إحنا بس كنا...
خالد مقاطعًا:
— كنتم إيه يا نرمين؟ كنتم إيه؟! إنتوا كل اللي فكرتوا فيه كان الناس وسمعة العيلة! محدش فكر في البنت اللي كانت واقفة قدامكم وبتترجاكم تسمعوها!
بص لهم واحد واحد، وكمل بصوت أعلى:
— لما عملت التحليل بعد أسبوع، أول ناس راحت لهم كانت إنتوا! كانت جاية لكم إنتوا، لأهلها، عشان تحكيلكم إنها تعبانة ومحتاجة لكم. بس إنتوا عملتوا إيه؟!
سكت لحظة، وبص لعمران.
خالد:وحضرتك يا عمران، مش إنت اللي قولتلها إنها واحدة مش...؟
عمران نزل عينيه، ومقدرش يرد.
خالد:
— مش قادر تكمل الكلام؟ أهو أنا كمان مش قادر أفتكر اللي اتقال لها من غير ما قلبي يوجعني!
رجع بص للجميع وقال:
— كل يوم كانت بتتعب أكتر من اللي قبله، وكل لحظة كانت بتحاول تبان قوية قدام الناس وهي من جواها مكسورة. وإنتوا كنتوا فاكرين إنها بتعاندكم!
آدم:
— إنت عارف يا خالد؟ طب من إمتى؟ وإزاي عرفت ومقولتش لينا؟
خالد بص له بوجع.
خالد:
— أنا عرفت منها هي، مش من حد تاني. كنت متصل بيها في يوم، ولاحظت إن صوتها متغير وإنها مش طبيعية. فضلت أسألها لحد ما حكت لي اللي حصل.
سلمى:
— وإحنا كنا خايفين عليها... كنا خايفين تعمل في نفسها حاجة من كتر الضغط اللي كانت فيه.
داليدا بصتلها بصدمة.
داليدا:يعني إنتوا كنتوا عارفين كل ده وساكتين؟
سلمى:
— إحنا كنا عايزين نقول لكم، والله كنا عايزين... بس تالا كانت رافضة تمامًا. كانت خايفة إنكم تضغطوا عليها تاني، ومش مستعدة تواجهكم.
نرمين:
— طب ليه رافضة؟ إحنا أهلها!
خالد بص لها بحدة.
خالد:
— عشان كانت عايزة أهلها يسمعوا منها هي، مش من حد غريب! كانت عايزة لما تقول إنها تعبانة تلاقوا حضن وكلمة تطمنها، مش اتهامات ورفض!
سكت لحظة، وبعدها كمل بصوت اتملأ بالحزن:
— تالا مرت بمرحلة نفسية خطيرة جدًا، وحاولت تأذي نفسها أكتر من مرة. ولحد دلوقتي الدكتور أيمن بيحاول يساعدها، وهي محتاجة متابعة وهدوء ودعم.
داليدا:أكتر من مرة؟!
سلمى قربت منها، لكن خالد كمل قبل ما حد يتكلم:
خالد:
— أيوه... وده مش كلام بيتقال عشان أخوفكم، دي حقيقة لازم تفهموها. البنت وصلت لمرحلة كانت مش قادرة تستحمل فيها كل اللي حصل.
وبص لداليدا مباشرة، وصوته بقى أهدى لكنه أكثر وجعًا:
خالد: فاكرة لما قولتي لها إنها ماتت بالنسبالك؟ فاكرة الكلمة دي؟
داليدا عينيها اتمَلَت بالدموع، ومقدرتش ترد
خالد:
— إنتِ عارفة الكلمة دي عملت فيها إيه؟ هي كانت محتاجة أمها، كانت مستنية منك إنتِ بالذات تسمعيها وتصدقيها. وبعد ما سمعت منك إنها مبقتش بنتك... حالتها بقت أصعب، ووصلت لمرحلة خطيرة.
داليدا:
— أنا... أنا مكنتش أقصد...
خالد:
— بس هي سمعتها يا داليدا! سمعتها وفضلت شايلة أثرها جواها. مش كل كلمة بنقولها وقت الغضب بتتنسي لما نهدى.
آدم بص لخالد بصدمة ووجع:
— طب وتالا دلوقتي عاملة إيه؟ بتتعالج؟ وإحنا نقدر نعمل إيه؟
خالد:
— أول حاجة تبطلوا تفكروا إنكم من حقكم تعرفوا كل حاجة عنها لمجرد إنكم أهلها. هي محتاجة تحس بالأمان، ومحتاجة تختار بنفسها إمتى تتكلم معاكم.
مازن:
— إحنا ندمانين يا خالو... والله ندمانين.
خالد:
— الندم لوحده مش كفاية يا مازن. لما تشوفوها، متحاصروهاش بالأسئلة، ومتطلبوش منها تسامحكم. خلوها تحس إنكم اتغيرتوا فعلًا.
نديم:
— إحنا مش عايزين نخسرها أكتر من كده.
سلمى:
— يبقى متضغطوش عليها. تالا لسه بتحاول تقف على رجليها من جديد، ومش ناقصة وجع تاني.
عمران:أنا مش عارف أبص في وشها لو قابلتها... كل كلمة قلتها لها بترجع في دماغي.
نذير:
— إحنا كنا فين وهي محتاجانا؟
آدم فضل ساكت، وبص ناحية السلم المؤدي لغرفتها، وكأنه مستني تظهر فجأة قدامه.
أما داليدا، فكانت بتعيط في صمت، وبتفتكر كل مرة تالا حاولت تتكلم فيها وهي رفضت تسمعها.
داليدا بصوت مكسور:
— يا ترى بنتي هتسامحني يوم؟
خالد رد بهدوء:
خالد:
— متفكريش دلوقتي في إنها تسامحك ولا لأ... فكري إزاي متوجعيهاش تاني.
وفي اللحظة دي، رن موبايل سلمى.
بصت للشاشة، ولما شافت اسم تالا، اتغيرت ملامحها.
سلمى:
— دي تالا...
الكل بص لها بسرعة، لكن سلمى قامت وابتعدت شوية عشان ترد عليها بعيد عنهم.
سلمى:
— أيوه يا تالا، حبيبتي.
تالا من الهاتف:
— إنتِ فين يا سلمى؟ أنا وشهد قربنا نوصل.
سلمى:أنا في الفيلا يا حبيبتي، مستنياكي.
تالا:
— طيب، أنا جاية. عايزة أوريكي حاجة عملتها في التصميم.
سلمى:
— مستنياكي يا قلبي.
قفلت سلمى المكالمة، ورجعت بصت للشباب.
سلمى:
— تالا جاية.
مازن اعتدل في قعدته، وقلبه بدأ يدق بسرعة.
لكن خالد بص للجميع وقال بحزم:
خالد:
— محدش يفتح معاها أي موضوع من اللي اتقال هنا. محدش يسألها عن الدكتور، ولا عن مرضها، ولا عن أي حاجة. سيبوها تدخل وتكون على راحتها.
الكل لكل هز رأسه بالموافقة.
وبعد دقائق، سمعوا صوت عربية بتدخل الفيلا...
دخلت تالا الفيلا ومعاها شهد، وكانت بتتكلم معاها عن بعض التصميمات اللي اشتغلوا عليها طول اليوم.
تالا:
— بقولك يا شهد، أنا شايفة إن الفستان ده محتاج نغير فيه شوية، حاسة إن التصميم هيبقى أحلى لو...
لكن كلامها وقف لما دخلت الصالون وشافت كل العيلة قاعدين.
رفعت عينيها وبصت لهم للحظات، وبعدها رجعت بصت لشهد وكملت كلامها وكأن مفيش حد موجود.
أما الموجودين، فكلهم بصوا عليها.
آدم كان نفسه يقوم ويقرب منها، لكن رجليه مكنتش قادرة تتحرك.
أما داليدا، فأول ما شافت بنتها، قامت من مكانها تلقائيًا، وخطت خطوة ناحيتها.
داليدا: تالا...
لكن خالد مد إيده ومسك ذراعها بهدوء، مانعها إنها تقرب.
داليدا بصت له باستغراب ودموعها متجمعة في عينيها.
داليدا بصوت منخفض:
— سيبني يا خالد... دي بنتي.
خالد بهدوء:
— استني يا داليدا... مش دلوقتي.
داليدا رجعت بصت لتالا، اللي كانت واقفة بتتكلم مع شهد من غير ما تلتفت ناحيتها.
شهد:
— يلا يا تالا، نطلع نرتاح شوية وبعدين نكمل كلامنا.
تالا:
— يلا.
تالا اتحركت ناحية السلم، وشهد جنبها.
وهي طالعة، عينيها وقعت للحظة على مازن، لكنه مكنش قادر يرفع عينه في عينيها.
كملت طريقها من غير ما تقول أي كلمة.
أما داليدا، ففضلت واقفة مكانها، بتتابع بنتها لحد ما اختفت من قدامها.
نرمين بصوت منخفض:
— حتى مبصتلناش...
خالد:
— هي مش مطالبة تبص لحد فيكم، ولا مطالبة تتعامل كأن مفيش حاجة حصلت.
آدم حط إيده علىشهد:
— مالك؟ تعبتي؟
تالا:
— شوية، بس عادي.
شهد:
— تحبي أجيب لك حاجة تشربيها؟
تالا:
— لا، أنا تمام.
بعد لحظات، الباب خبط، ودخلت سلمى بهدوء.
سلمى:
— ينفع أدخل؟
تالا رفعت عينيها وابتسمت ابتسامة بسيطة.
تالا:
— تعالي يا سلمى.
دخلت سلمى وقفلت الباب وراها، وبعدها قعدت جنبها.
كانت تالا قاعدة على السرير، وشهد جنبها، وسلمى قاعدة على الكرسي المقابل ليهم.
كانوا بيتكلموا عن التصميمات الجديدة، وشهد بتحاول تخلي تالا تفصل شوية عن التفكير في أي حاجة تانية.
شهد:
— أنا شايفة إننا نبدأ ننفذ أول تصميم الأسبوع الجاي، إيه رأيك؟
تالا:
— موافقة، بس عايزة أراجع الخامات الأول، مش عايزة نستعجل.
سلمى:
وأنا ممكن أساعدكم في اختيار الألوان والخامات.
شهد:— خلاص اتفقنا، كده بقينا فريق كامل!
ضحكت تالا بخفة، وكانت سلمى مبسوطة إنها قدرت تشوفها بتضحك ولو للحظات.
بعد شوية، شهد بصت في موبايلها ولاحظت إن الوقت اتأخر.
شهد:
— أنا لازم أمشي بقى، اتأخرت على البيت.
تالا:
— استني شوية كمان.
شهدشهد:
— خلي بالك من نفسك، ولو احتجتي أي حاجة كلميني في أي وقت.
تالا:
— حاضر، وإنتِ كمان خلي بالك من نفسك.
سلمى قامت معاها.
سلمى:
— أنا هوصلك لحد الباب.
شهد:
— تسلمي يا سلمى.
خرجت سلمى مع شهد، وبعد ما ودعتها رجعت قفلت باب الفيلا وطلعت تاني ناحية غرفة تالا.
...........................................
في غرفة تالا...
كانت تالا بتلم الرسومات وتحطها على المكتب، ولما دخلت سلمى بصتلها.
تالا:سلمى:
— أيوه، راحت بيتها.
تالا:
— ربنا يكرمها، تعبت معايا النهارده.
سلمى:
— هي بتحبك يا تالا، وبتحب تشوفك مبسوطة.
تالا ابتسمت، وبعدها قامت وبدأت ترتب حاجتها.
سلمى لاحظت الإرهاق على ملامحها، فقربت منها.
سلمى:
— إنتِ محتاجة ترتاحي شوية.
تالا:
— فعلًا، حاسة إني مرهقة جدًا.
سلمى:طب نامي يا حبيبتي، وأنا هنزل تحت شوية.
تالا:نزلت سلمى ولقت الكل لسه موجود.
مازن رفع عينه أول ما شافها.
مازن:
— تالا عاملة إيه؟
سلمى:
— تعبانة شوية، بس نامت دلوقتي.
داليدا بقلق:
— هي قالت لك إنها تعبانة؟ محتاجة حاجة؟
سلمى بصتلها بحزن.
سلمى:
— تالا مش بتحب تتكلم عن تعبها يا داليدا، وإنتِ عارفة إنها محتاجة راحة وهدوء.
خالد بص لسلمى وسألها:
خالد:
— هي أكلت كويس؟
سلمى:
— أكلت حاجة بسيطة، وحاولت أخليها ترتاح.
آدم:طب هي هتفضل لوحدها فوق؟
سلمى:
— هي نايمة ومحتاجة تنام من غير ما حد يدخل عليها أو يصحيها.
مازن رجع بص ناحية السلم، وقال بصوت منخفض:
مازن:
— ربنا يقومها بالسلامة.
محدش رد، لكن كل الموجودين كانوا بيدعوا في سرهم إن تالا تقدر تتجاوز الفترة الصعبة دي.
أما سلمى، فقعدت جنب خالد، وهي عارفة إن تالا لسه محتاجة وقت، وإن أصعب حاجة دلوقتي إنها تحس إن كل اللي حواليها بيحترموا راحتها.
خالد:
— طب عصير؟
تالا:
— مش عايزة حاجة يا خالو، متشغلش بالك بيا.
خالد:
— إنتِ عمرك ما كنتِ شاغلة بالي يا حبيبتي، إنتِ غالية عندي.
تالا ابتسمت له ابتسامة صغيرة، وكانت دي أول ابتسامة حقيقية تظهر على وشها من وقت ما نزلت.
آدم شاف الابتسامة، لكنه لاحظ إنها ظهرت لخالد وحده، فحس بوجع أكبر.
حتى الابتسامة اللي كان زمان بياخدها منه بسهولة، مبقاش قادر يشوفها.
فضلوا قاعدين على السفرة، وتالا ساكتة وسطهم، بينما كل واحد فيهم كان عنده كلام كتير نفسه يقوله، لكن محدش عرف يبدأ منين
.......
خالد:
— خلاص، اتفقنا. يلا كلكم على الحديقة.
تحركوا كلهم ناحية الحديقة، وتالا مشت جنب سلمى وخالد.
أما داليدا فكانت ماشية وراهم، وكل شوية تبص لبنتها، نفسها تقرب منها وتتكلم معاها، لكن كلام خالد كان لسه في ودنها: متضغطوش عليها.
خرجوا للحديقة، وقعد كل واحد في مكانه.
تالا اختارت كرسي جنب سلمى، وخالد قعد قريب منها، بينما الباقيين اتوزعوا على الكراسي والأرائك.
كان الجو هادي، وأضواء الحديقة منورة المكان، لكن الهدوء اللي بينهم كان مختلف... كل واحد كان عنده كلام كتير، ومش عارف يقوله.
.....
خالد:
— يا خبر! دي البنت اللي أنا بدلعها وبدافع عنها بترد عليا كده؟ خلاص، أنا هقدم فيك شكوى عند سلمى.
سلمى بضحك:
— وأنا مالي؟ أنا ماليش دعوة بمشاكلكم.
خالد:
— إنتِ السبب يا سلمى، إنتِ اللي مدلعاها زيادة عن اللزوم.
تالا:
— لا يا خالو، أنا كده من غير مساعدة حد.
ضحك يامن وعدي، وحتى نذير ابتسم لأول مرة من وقت ما خرجوا للحديقة.
خالد:
—
خالد:
— إيه رأيكم نلعب كوتشينة؟ ولا إنتوا كبرتوا على اللعب؟
عدي بحماس:
— أنا موافق، بس المرة دي محدش يغش!
يامن:
— بتقول كده ليه؟ ما إنت أكتر واحد بتغش!
عدي:
— أنا؟! ده أنا ملاك!
عمار:
— ملاك مين يا عم؟ ده إنت لو لعبت معاك لازم الواحد يحط عينه على إيده!
ضحك خالد، وبص لتالا.
خالد:خالد:
— يلا يا أبطال، كل واحد يختار مكانه.
تالا قعدت جنب سلمى، وخالد قعد قصادهم، ومازن ونديم وعمار ويامن وعدي ونذير اتوزعوا حوالي الترابيزة.
خالد:
— بس قبل ما نبدأ، فيه شرط مهم.
تالا:
— شرط إيه كمان؟
خالد:
— اللي يخسر يجيب لنا الحلو بعد اللعبة.
سلمى:
— يعني إنت ضامن إنك هتكسب؟
خالد:خالد:
— طبعًا، أنا عندي خبرة سنين.
تالا بضحك:
— خبرة في الخسارة يمكن!
الكل ضحك، وخالد حط إيده على قلبه بتمثيل.
خالد:
— يا خسارة تربيتي فيكي يا تالا!
بدأت اللعبة، وكل شوية كان صوت الضحك يعلى بسبب تعليقات عدي وخفة دم يامن.
عدي:
— استنى استنى! أنا كده كسبت الجولة.
يامن:كسبت إيه يا عم؟ إنت لسه منزلتش ورقك!
نرمين
— يا جماعة ركزوا، عدي بيحاول يشتت انتباهكم.
خالد:
— أهو ده الغش بعينه!
عدي:
— أنا مظلوم في البيت ده!
تالا ضحكت، وسلمى ضحكت معاها.
مازن كان قاعد بيتابع أخته وهي بتضحك، وحاسس بسعادة ممزوجة بوجع كبير. كان نفسه يكون هو السبب في ضحكتها، زي زمان.
نديم كمان كان بيبصلها من وقت للتاني، ولما عينيه قابلت عينيها ابتسم لها ابتسامة صغيرة، فردت عليه بابتسامة خفيفة ورجعت تركز في اللعب.
أما عمران فكان ساكت أغلب الوقت، وكل ما يسمع صوت ضحكتها يفتكر قد إيه كان سبب في حزنها.
خالد:
خلاص! الجولة دي ليا أنا.
تالا:
— لا يا خالو، استنى، إنت لسه غلطان في الحساب!
خالد:
— غلطان إيه؟ هو إنتِ هتعلميني ألعب؟
سلمى:
— أيوه، تالا معاها حق.
خالد:
— خلاص، أنا مش هلعب معاكم تاني!
تالا بضحك:
— لا يا خالو، متزعلش، إحنا لسه في أول اللعبة!
ضحك خالد وقال:
خالدماشي يا ستي، عشان خاطرك هنكمل.
استمروا في اللعب، والجو بقى أخف شوية، وتالا بدأت تتفاعل معاهم أكتر.
داليدا كانت قاعدة بعيد شوية، بتتابع بنتها وهي بتضحك. كانت نفسها تقعد جنبها وتشاركها اللعبة، لكن فضلت مكانها احترامًا للمسافة اللي تالا حطاها بينها وبينها.
آدم بص لبنته، وابتسم بحزن وهو بيقول في نفسه:
يا رب تفضل ضحكتها دي... ويا رب نقدر في يوم نرجع نشوفها من غير ما تكون مجاملة.
وبين ضحكهم وهزارهم، كان خالد حريص إن القعدة تفضل طبيعية، من غير سؤال يضايق تالا أو كلمة تفكرها بأي حاجة هي بتحاول تنساها.
