رواية عمار الروح الفصل التاسع
حضنت سندس ابنها وهي بتعيط وبتفتكر اللي حصل ومرة واحدة قالت بندم انا تخليت عنك ازاي يا حبيب ماما، ازاي سمعت كلامهم، ازاي !!! ازاي !!!
كانت بتشدد من احتضانه وهي بتشهق بتتابع مستمرة ومرة واحدة سكنت مكانها وجحظت
عيونها وهي بتردد بصدمة:
أبوك هو اللي اقنعني اسيبك عمار هو السبب في كل اللي حصل !!!
قبل ما تخرج من صدمتها اتفزعت من صوت الخبط اللي هيكسر الباب، ودول كانوا اربع عساكر ومعاهم ظابط، حاولت سمية تمنعهم وسألت باستغراب ونبرة حادة
هو حضرتك مين، وبتخبط على الباب بالطريقة دى ليه ؟؟
رد عليها عسكري بتوضيح:
احنا هنا عشان نقبض على سندس.
رددت سمية بصدمة:
تقبض على سندس !! ليه ؟؟
تدخلت هدى وقالت ببرود:
لأنها متهمة بجريمة قتل، شوفتي بقى حقيقة الحثالة اللي ابنك اتجوزها.
حركت سمية دماغها بصمت
لاء طبعا سندس معملتش حاجة، دا اكيد تهمة من تدبيرك يا هدى ويكون في علمك مهما
تعملي ابني مستحيل يبص لبنتك.
عقدت هدى حواجبها بانزعاج وقالت بغيظ
اكسر الباب يا حضرة الظابط.
وبالفعل كان هيعمل كدا في الوقت اللي فتحت فيه سندس الباب، فوقع الظابط على الأرض
و قربت سارة عشان تاخد الطفل وهي بتقول:
هاتي الولد، انتي لا تصلحي تكوني ام.
بحت لها سندس بنظرة تقيمية قبل ما تنزل على وشها بالكف التالت وقالت بتحذير:
الوحيدة اللي لا تصلح تكون أم فهي الست اللي خلفتك لأنها مكنتش سوية وخلفت طفلة
مريضة نفسيا زيها، فلو مفكرة اني ممكن اسيب ابني لواحدة زيك تبقى عبيطة.
ضحكت سارة بسخرية وقالت:
مع الاسف هتسبيه مجبرة، لأنك هتتسجنى.
اتفزعت سندس من كلامها، وخصوصا لما مالت سارة على ودنها وكملت بهمس:
لانك قتلتي أم مؤمن.
بعدت عنها وكملت باستهزاء
عرفتي بقى مين اللي عبيطة !
رجعت سندس خطوتين تجاه الحيطة وقالت ينفي
بس انا معملتش حاجة.
حدقت هدى الصور في وشها وقالت بخبث:
امال الصور دي ايه ؟ انتي آخر حد قابلها لما وقعت عن السلم.
بصت لها سندس يتحدي:
يعني مش انتي اللي قتلتيها ؟؟
الخوف تملك من هدى اللي حست برعشة في جسمها لكنها أخفت خوفها ببراعة وتصنعت القوة
وهي بتقول للظابط :
حضرتك مش هتقبض عليها ولا ايه !
كان في نظرها شيء من التحريض وكأنها المديرة بتاعته وبتوجهه وبالفعل هو اتحرك علطول
وطلب من العساكر يقبضوا عليها، لكن اعترضت سمية طريقهم فقرب عديم الذوق ورقها بعيد وأمر عساكره يقبضوا عليها واللى بدورهم حاولوا ينتزعوا منها الطفل عافية وهي عشان خافت
الولد يتأذي من المقاومة فسلمته بنفسها لسمية وقالت بتأكيد:
ابني امانة عندك يا ماما.
قالت سمية من بين دموعها:
متقلقيش يا سندس انا كلمت عمار وهو في الطريق، احنا في ضهرك يا حبيبتي.
خرجوا من البيت متجهين لبوكس الشرطة، وهنا صدر صوت احتكاك قوي الإطار العربية اللي نزل منها خالد وصرخ بصوت جهوري
هشام.
التقت الظابط اللي ماشي مع هدى وبيطمنها إنه هيهتم بالموضوع، لكنه اللي كان هيهتم ده اول ما سمع صوت خالد النفض جسمه حرفيا واتلجلج في الكلام لما شافه وكأنه نسي طريقة النطق
فأمرهم خالد بحزم لا يقبل النقاش:
ابعدوا ايديكم عنها فورا.
قرب مؤمن وطبطب على كتفها وحاول يطمنها لما قال:
متقلقيش أنا في ضهرك.
بينما خالد بص للعسكري بنظرة مرعبة وهو بياخد منه مفتاح الكلبش، لكن تحولت نظرته للحنان وهو بيفك قيدها وقال بابتسامة:
وانا كمان في ضهرك
في الوقت ده قرب منه هشام اللي بيحاول يلحق نفسه وقال بتوتر وارتباك واضح
دي متهمة في قضية قتل، قتلت خديجة الألفي.
مؤمن بسخرية
خديجة الألفى تبقى أمي وانا مقدمتش أي بلاغ ضد سندس أو حد غيرها.
استكمل خالد الحديث
ومفيش اي بلاغ رسمي عندنا ولا انت معاك إذن ضبط وإحضار ولا معاك دليل أصلا إنها عملت كدا
تدخلت سارة بكره
لاء معانا دليل.
بصلها خالد بتوعد، لكنه حافظ على هدونه وقال:
وريني الدليل.
سلمته الصور وهي بتقول:
سندس كانت آخر حد يقابلها لما وقعت عن السلم.
خالد بجدية
مدام خديجة دخلت المشفى وكانت حالتها مستقرة وماتت بعدها بأسبوع بسبب توقف في عضلة القلب والوقت ده كانت سندس فيه مع مؤمن واخته يعني ملهاش علاقة نهائي.
أنهى كلامه وهو بيبص لهشام بتحذير واستكمل ببعض التهديد:
واقف ليه يا حضرة الظابط !!! ولا مستني الإذن من عمتي عشان تتحرك ؟!!
الدم هرب من وشه وهو بيشاور للعساكر بارتباك لأنه تحرك فعلاً بطلب من هدى اللي وعدته
بمبلغ كويس، فركب العربية بعد ما اعتذر من خالد.
فتح عمار الباب باندفاع ودخل وهو بيسألها بلهفة:
سندس، انتي كويسة ؟
الفتت سندس اللي كانت بتتأمل السما برؤية شوشتها دموع عيونها المليانة حسرة على شعورها بالخذلان، مع إنه كسر ثقتها مرة إلا إنها حبنه تاني !!
حاول يمسح دموعها وهو بيسألها:
حد عملك حاجة ؟؟
بدل ما ترد عليه نفضت ايده بغضب والحركة الثانية كان كف نزل على وشه خلاه في حالة ذهول.
معقول سندس مدت ايدها عليه !!!!
انفجر أخيرا بركان الغضب المدفون جواها من ست شهور، وقالت بلوم
انت السبب في كل اللي انا فيه انت وبس يا عمار.
شاور على نفسه بصدمة:
أكدت على كلامه:
ايوه أنت، أنت السبب أنت طلبت مني اسيب ريان لسارة عشان عمتك تحل عننا، لدرجة
وصلتك تهددني فضلت تحذرني من عمتك وطلعت انت العن منها، بلاش بقى جو الحب والحنان
اللي انت بترسمه ده مش عايزة اشوفه تاني اقولك أنا مش عايزة اشوفك انت تاني أصلا.
هو امتى كان الظالم !! ازاي فجأة كدا طلع وحش في نظرها وهو اللي عاش أسوا ست شهور في حياته لما هي اختفت هو اللي انعزل شهرين عن الناس وامتنع على رؤية أهله حتى !! ازاي بقى وحش كدا وهو المتغاضي عن كونها ضيعت لوكيشن التصوير اللي كان حلم حياته !!! ازاي بقى وحش كدا وهو مسمحش السارة تقرب من ابنه خلال الست شهور وكانت كل ما تروح تزوره يطردها بقى دلوقت متفق معاهم !!!
مقدرش ينطق حرفيا، حتى إنه حس بصعوبة شديدة في التنفس وكأنه نسي الأمور الطبيعية میزت سندس عيونه اللي لمعت بالدموع الصمت كان مسيطر لدرجة إن ضحكات ريان العفوية كانت صاحبة جدا.
انسحب عمار بهدوء وكأن طاقته خلصت، هو لامتى هيفضل يبرر ويحاول يثبت إنه شخص كويس ؟؟!!
وهي بتجفف دموعها دخل مؤمن اللي خيط على الباب المفتوح
ممكن ادخل ؟
تعال.
قعد جنبها وسألها باهتمام:
عمار خرج وهو زعلان ولا أنا فهمت غلط ؟؟
سحبت نفس طويل وقالت بقهر:
انا عايزة انتقم، عايزة اكسر قلبهم زي ما كسروا قلبي وذلوني.
طبطب على كتفها وقال بغموض:
انتي مش محتاجة تعملي حاجة عشان عمار هيعمل كل حاجة اقعدي اتفرجي وشوفي عمار
وهو بيردلك كرامتك.
ردت عليه باندفاع:
عمار دا اول واحد أنا عايزة انتقم منه.
اتصدم مؤمن من كلامها، لكن قبل ما يرد طل خالد على الباب وقال بهدوء وهو بيقفل الباب وراه
معاكي حق، عمار فعلاً يستاهل وأنا معاكي.
اتجه عمار لشقته القديمة مع سندس، وسمح لنفسه أخيرا بالانهيار في صمت، ميعرفش فات وقت قد ايه وهو بيبكي لكنه انتبه لرنين الجرس وكالعادة كانت المزعجة سارة اللي زقته
و دخلت لما فتح لها.
قعدت على الكتبة وحطت رجل على رجل وضحكت بتشفى وهي بتقول:
متعرفش انت دموعك دي بتفرحني ازاي يا عمار.
غمض عيونه كمحاولة لتهدئة أعصابه وقال:
ايه اللي جابك ؟؟
ردت عليه بغل وكره
جاية اشوف قلبك وهو بيتحرق جاية اشمت فيك واشوفك وانت بتشرب من نفس الكاس
اللي شربتني منه.
بصلها عمار بجمود، فكملت:
انت فاكرني نسيت اللي انت عملته ولا ايه ؟؟ أنت السبب.
سألها بهدوء:
أنا السبب في ايه ؟؟
ردت عليه بالدفاع:
انت السبب في دمار حياتي، أنت السبب إن حبيبي يتخلي عني.
عمار بتكشيرة:
هو انا كنت مجبر اتجوز واحدة مش بحبها عشان حضرتك تعيشي مبسوطة !!!!
سارة بحسرة
ايوه كنت مجبر تضحى عشاني بس مش مشكلة انا دلوقت باخد حقي منك ودا المهم.
قالت جملتها الأخيرة بحقد واضح، فقال عمار بصدمة:
يعني عشان تنتقمي مني تدمري عيلة ؟؟
حرکت دماغها كذا مرة بتأكيد:
مستعدة اعمل اي حاجة عشان اشوفك مكسور، انا خططت لكل حاجة من البداية.
صمت تقيل سيطر على المكان لحد ما قطعته سارة بخبث:
الإجهاض اللي حصل دا كان وهمي لاني من البداية مكنتش حامل، واقولك على حاجة بقى ولا كنت مكتئبة حتى، وكل اللي حصل دا كان تمثيل ....... أنا ممثلة شاطرة، صح ؟؟
