 |
| انتقام الشيطانه البريئه |
الحج علي اول مافتح باب اوضة فاتن رجع لورا وجسمه كله اترعش بعد اما كان بيفتح اوضة فاتن وكله غضب واصرار انه يقتل فاتن وعشيقها اللي سمع صوته من لحظات في اوضتها وكان الغضب مالي عينه فجأه ملامحه اتغيرت وشه بقا لونه اصفر وجسمه بيترعش وبيبص وعينيه وفمه مفتوح كأنه شاف الهول .
الحج علي اول مافتح باب اوضة فاتن رغم انه عارف انها ضلمه شاف نور كأنه نور النهار وفاتن واقفه ووشها للحائط وضهرها لباب الاوضه.
ورجليها مش لامسه الارض كأنها واقفه في الهوا ومفيش اي راجل معاها صوت الراجل اللي سمعه الحج علي وهو معدي من قدام اوضتها كان صوت فاتن صوتها اتحول لصوت راجل وبتضحك بصوت راجل.
بدأ الحج علي يبص لفاتن وبيحاول يهرب ولكن شئ مانعه ممكن تكون مشاعر الابوه منعاه. بدأ الحج علي يقرأ قرآن وجسمه كله بيترعش يقرأ قرآن ويقول اعوذ بالله من كل شيطان رجيم . بدأ صوت ضحكات فاتن الرجولي يتغير ويتحول لاهات .في لحظات لفت فاتن وعدلت وشها ناحية باب الغرفه. الحج علي شايف فاتن بنته بنفس ملامحها الجميله ولكن فيه شئ مخيف ومرعب هو مش فاهمه
بدأت فاتن تقرب من باب الاوضه ناحية والدها وباين علي وشها الغضب والحج علي رغم انه بيحاول يتمالك نفسه بس مرعووووب ومش قادر يتصرف
وفجأه‘...... باب اوضة فاتن اتقفل بقوه في وش الحج علي لدرجة انه من قوة قفل الباب حس مفاصله سابت من بعضها والرعب سيطر عليه شعور بالخوف جواه خلاه حس انه هيموت من الرعب
جري الحج علي باقصي سرعة ناحية باب البيت وهو بيصرخ لحد اما خرج من البيت خالص
الشارع كله اتلم والكل حاول يفهم فيه ايه لكن الحج علي كل اما ييجي يحكي الكلام ميكتملش بببب ااااا اصصصللل مممما
بعد حوالي ربع ساعه والناس بتهدي الحج علي بما فيهم والدة فاتن بدأ الحج علي يستجمع قواه ويحكي كل اللي شافه في اوضة فاتن
كان اخو فاتن وقتها رجع من الشغل ولما سمع اللي حكاه والده قرر يشوف بنفسه ايه حصل لفاتن
اتقدم ناحية باب غرفتها هو وتلاته من اعز اصدقائه وبعض الجيران. وفتح الباب ببطئ شديد لكن الاوضة كانت ضلمه ومفيش نور او اي اضاءه زي ماوالده حكي
بدأ الكل ينور كشافات تليفوناتهم ويبصو ولكن فاتن مش موجوده
دخل اخوها واصحابه الاوضه ونورو جميع الاركان بتاعت الاوضه ولكن فاتن اختفت تماما وكأن الارض اتشقت وبلعتها
خرج علي والصدمه مخلياه بيصرخ وبيقول فاتن مش في اوضتها فاتن اختفت
----------------------------------------------------------------------------
في نفس الوقت كان نادر وعمر قاعدين في مكان زي الخرابه وبيشربو حشيش ونادر بيقول لعمر
-انا زعلان علي احمد قوي يا عمر لو مكانش وافق ولا راح بيت الوسخه فاتن مكانش زمانه مقتول
-انت السبب يانادر انا بشرب معاك كل يوم عشان انسي وحصلي مشاكل في كل حاجه عشان طاوعتك وبشوف احمد كل يوم في الحلم وهو بيعيط وفاتن بتعذبه
-ياعم انت قلبك رهيف احنا ملناش ذنب والوسخه فاتن هي اللي قتلته
-فاتن قتلته عشان لقت راجل في اوضتها لو اي واحده غيرها كانت هتعمل كده فاتن كمان انت ظلمتها انا سمعت ان اهلها حبسوها وبيعذبوها ولما الموضوع يهدي هيقتلوها واحنا السبب يانادر احنا السبب
وبدأ عمر يبكي بحرقه ونادر بيشتمه
- ويقوله انت ليه قلبك ضعيف كده
-انت اللي جاحد يانادر انا عاوز اقول كل حاجه عشان اخلص من الذنب ده
-وديني ياعمر لو مخلوق واحد عرف اي حاجه هقتلك قالها نادر بغضب شديد وطلب من عمر يغيرو الموضوع
بعد مرور ساعه نادر قال لعمر يالا نروح الوقت اتاخر جامد وبمجرد وقوفهم بدأت اضاءة البيت تتهز وسمع عمر صوت بيقول ' يااااه كان نفسي اشوفكم بقالي فتره ' كان الصوت مرعب لدرجة ان عمر وقع ف مكانه ونادر بدأ يبص حواليه ويقول هو احنا اتسطلنا ولا ايه
يالا ياعمر نمشي واتحركو ناحية الباب ولكن سمعو صوت ضحكة شيطانيه وشئ شبه الظل بيجري في كل مكان في المكان وصوت الضحكه الشيطانيه بيعلي
نادر برد فعل سريع جدا جري ناحية الباب عشان يخرج وقبل مايخرج بلحظه الباب اتقفل بقوه ف وشه
والظل جه ناحيته وزقه بقوه وقعته جنب عمر اللي كان بيبكي وزاد صوت الضحكه الشيطانيه وبعدها الظل اتكلم بصوت مرعب وقال'------
الحلقه الرابعه من هنا
القصه حصريه لموقعنا scarehome.Com
تابعونا
