 |
| قلبت مرايا الجزء الثاني |
الحلقة الثانية .. قلبت مرايا سلسلة_حمل_أسود..ج٣
فضلت بصه عليهم ومش مصدقة عينيا ولا اللى بيعملوه ، ماهو مش معقول ضرب ماما ليهم جننهم وخلى مخهم يتهبل بالشكل ده ، وبعدين مرايتى اصلا كنت حطاها فى الجنب التانى ، ايه اللى يخليهم يجيبوها الناحية ويقلعوا قدامها بالشكل ده .
تابعتهم من خرم الباب لقيت علياء ، بتحط ايديها على جسمها بشكل مش طبيعي ، وفى اماكن معينة وكأنها بتعمل عرض لنفسها قدام المرايا ، وبعدها بثوانى قعدت على الكرسي وعمالة تحاول تاخد نفسها ، الغريبة ان دعاء مرحتش تشوف مالها ، لكن خدت دورها قصاد المرايا وعملت نفس اللى عملته علياء بالظبط ، فى الوقت ده قررت اخش عليهم وافتح الباب ، واول مامسكت اوكرة الباب لقيت ماما واقفة ورايا وزقت الباب واول مادخلت قلعت الشبشب من رجليها وقالتلهم القصة للكاتب مصطفى مجدى
.. انا والله كنت متأكدة انكم مش هتجيبوها لبر ، اطلعوا بره الاوضة ياعرر يااوساخ
طلعوا بره الاوضة وهي وراهم بالشبشب عمالة تضرب فيهم ، جريوا على اوضتهم وقفلوا الباب ، ماما رجعتلى وقالتلى :
= انتى ايه اللى خرجك من اوضتك وخلاكى تسيبيهم هنا؟
معرفتش ارد عليها اقولها ايه لانى خايفة لاحسن تروح تضربهم تانى ، لكن قولت اقولها الحقيقة وخلاص
.. هما قالولى يبدلوا معايا الاوض النهاردة علشان خايفين لاحسن تضربيهم
= طبعًا علشان يقفوا عريانين قدام المرايا ، الاوساخ العرر ، انا هربيهم من جديد
.. اهدى بس ياماما ، محصلش حاجة القصة للكاتب مصطفى مجدى
= انتى مش فاهمة حاجة ياجموسة انتى ، المرايا دى لو مكنتش غالية ومن ريحة المرحوم جدك ، كنت كسرتها 100 حتة ، انا هحطها فى بيتنا القديم اللى في البلد ، من بكرة مش هتكون موجودة فى البيت
.. انا مش فاهمة حاجة ياماما ، مالها المرايا ، ودعاء وعلياء واقفين عريانين قدامها ليه ؟
= البهوات راحوا لشيخ علشان يعرفوا ايه سر اختلافك عنهم وليه احلى منهم وجسمهم مش زى جسمك
.. وبعدين؟!
= طلب حتة من قطرك ، واول ماقلعتى هدومك علشان تستحمى خدوا الاندر بتاعك من طبق الغسيل وودوهوله ، والبيه قالهم ان واقفتك قدام المرايا دى ، هى اللى عملت فى جسمك كده ، وقعد يخرف ويقول ان المرايا مسحورة وليها ملك من الجن بيتحكم فيها
.. يعنى انا ملبوسة ياماما؟ القصة للكاتب مصطفى مجدى
= ملبوسة ايه انتى كمان هو انا ناقصاكى ، انتى زى الفل مفيكيش حاجة ، وعمومًا انا بعت ابوكي للشيخ يجيبوا من قفاه وهيظبطوا ويعرفوا ازاى يضحك على بنات الناس وكمان يشوف الدجال ده عمل ايه لاحسن يكونوا سحرولك عنده ولاحاجة.
فى اليوم ده بالليل بابا جه متأخر معرفتش اكلمه ، وكمان معرفتش انام وقعدت احلم بكوابيس وتعابين وشياطين وحاجات خوفت منها اوى ، فتحت عينى وانا على السرير فى نص الليل لقيت واحد شكله وحش اوى قاعد قدامي ، قالع خالص وكل حاجة فى جسمه غريبة ايديه فيها تمن صوابع وضوافره طويله اوى وشه كان خارج منه زى شوك واسود اوى ومقطع وكأنه مشرح نفسه بالموس والجلد كله اللى تحت باين ، جمجمته كانت باينه من عند اول شعره ، حاولت اصوت ، حسيت ان نفسي مكتوم ومش قادرة اتنفس ولا حتى اصرخ وانده على ماما او بابا ولا حتى حد من اخواتى ، حط ايده على وشى وانا خوفت جدًا لاحسن ضوافره تعورنى ، لكن مرة واحدة لقيت نفسي بصرخ بشكل هيستيرى زى المجنونة وغمضت عيني لانى مقدرتش ابص اكتر من كده ، بابا دخل وماما قالتلى وفى عيونها خوف فظيع:
.. مالك ياحبيبتى سلامتك ياامنية ، انتى فى حضن امك ياحبيبتى
= وحش ياماما وحش ، شيطان ، جن ، مش عارفة ياماما مش عارفة
.. اهدى ياحبيبتى متخافيش ، اكيد كابوس
بابا راح جبلى كوباية ماية ، وماما قالتلى
.. اشربى كوباية المياه دى ونامى ياحبيبتى وان شاء الله كل الامور هتكون بخير
ريحت جسمى على السرير ، وماما قفلت باب الاوضة عليا وسمعتها وهي بتهمس لبابا وبتقوله :
= مش قولتلك يارياض ، الموضوع كبير وانت قعدت تقولى مفيش حاجة
.. الموضوع كده مبقاش لذيذ ياسميحة ، انا لازم من الصبح امشى وانقل المرايا من البيت واوديها بيتنا القديم وكمان اشوف الحوار التانى اللى قالى عليه المخبول ده
= حوار ايه يارياض؟؟!!
الحلقة الثالثة من هنا
