 |
| قلبت مرايا الحلقه الثالثه |
سمعت ماما وهي بتكرر السؤال على بابا :
= حوار ايه يارياض؟؟؟!!!
... لما روحت للدجال اللى بناتك راحوله قالى انه عمل حجاب علشان بناتك جسمهم يبقى حلو ويتجوزوا على طول
= عمل الحجاب ده ووداه فين
... ماهي دى المشكلة ياسميحة ، الدجال قالى ان الحجاب ده نوعه سفلى ، وهو هيخلى اى راجل يخش البيت يشوف علياء ودعاء احلى من امنية ، حتى لو حد شاف امنية بره وجاي يطلب ايديها ، اول ماهيخش البيت هيرفض وهيختار واحدة من بناتك الاتنين
= والحجاب ده فين ونوقفه ازاى؟!!القصة للكاتب مصطفى مجدى
...سألته نفس السؤال وقالى انه عمل الحجاب من قطر بنتك امنية ومن قطرك وحطهم فى كتاب اغريقي قديم
= من قطرى انا كمان ازاى؟!!!!!
.. انا مسكت الدجال ده وقعدت اضرب فيه علشان يقولى على المقابر اللى دفن فيها الحجات ، قالى ان اللى راح يدفن الحجاب فى المقابر ، ماجاش من ساعتها وعرف انه مات على الطريق ، حتى مايعرفش هو دفن فعلا العمل ولا لأ ، وعمومًا هنعرف مع اول عريس هيجي لأمنية
= ايوة برضو مجاوبتنيش ، خد من قطرى ليه؟
.. اكيد ماسألتش السبب ، ده راجل مخاوى واكيد دى الحاجات اللى بيحتاجها فى العمل
= ومقالش نشيل العمل ده ازاى ؟القصة للكاتب مصطفى مجدى
.. بعد ماضغطت عليه عرفت انى لازم اجيب امنية لان هي المطلوبة من الاسياد السفلية واوقفها عريانة قصاد المرايا وتمسك الكتاب وتكسر بيه المرايا وده الحل الوحيد علشان العمل ده ينتهى والامور ترجع بشكلها الطبيعى ، واكد عليا ان المرايا لازم تتشال من البيت فى اسرع وقت ، لان طول ماهي موجودة هيحصل مشاكل كتير وحاجات منحبش نشوفها
= انت من بكرة تبعد المرايا الملعونة دى عن البيت ، او كسرها حتى
.. مينفعش اكسرها ياسميحة ، لازم المرايا تفضل موجودة ، علشان لو قدرنا نجيب الكتاب نقدر نكسرها بيه ونخلص من ام العمل ده
= انا مش عارفة بيحصلنا ليه كده يارب ، ربنا يخرجنا منها على خير
كلام بابا وماما بره الاوضة قلقنى بزيادة ومبقتش عارفة اتصرف ازاى ، طبعًا معرفتش انام ولا حتى اغمض عينى ، لحد ماجت الساعة 6 الصبح ، لقيت بابا بيخبط على باب اوضتى وقالى:
.. حبيبتى انا هاخد المرايا دى اوديها البيت التانى اللى فى البلد ، انا عارف انك منمتيش ، حاولى تنامى وترتاحى
فعلا بابا خد المرايا ونزل بيها من البيت ، وبعدها بدقايق حسيت ان نفسي طابق عليا ومش قادرة اتكلم وعينيا بتدمع لوحدها ومعرفش من ايه ، قومت من على السرير قولت اروح المطبخ اجيب اى عصير من التلاجة اشربه ، ايديا اتعورت من سكينة كانت محطوطة على طرف ترابيزة المطبخ جنب التلاجة ، ومبقتش عارفة اوقف الدم وربنا سترها ان ماما كانت صاحية وهي اللى جابت البيتادين والقطن والشاش وعملتلى الجرح وخدتنى فى حضنها ونمت عندها فى اوضتها القصة للكاتب مصطفى مجدى
عدى كام يوم بعد الموضوع ده والكلام بينى وبين علياء ودعاء فى اقل الحدود ، وبابا وماما حابسينهم فى البيت عقاب ليهم على اللى عملوه ، ورغم انهم اتندموا وكانوا بيعيطوا لبابا وماما بالدموع علشان يسامحوهم ، الا انهم كانوا واخدين منهم موقف جامد ، ومش راضيين يكلموهم .
فى مرة كنت نازلة السوق وواحد من المنطقة عندنا شافنى ووقفنى فى الشارع وقالى انه عايز رقم بابا علشان ييجي يتقدملى وانه معجب بيا جدًا ، لما شوفته بصراحة حسيت انه ابن ناس ومناسب وكمان كان كلامه جد يعنى ولا بيعاكس مثلا ولا بيبص على اى مكان فى جسمي زى مالكل بيعمل ، اديته رقم بابا وطلعت وانا مبسوطة جدًا وعرفت انه هيجي عندنا البيت بعدها بيوم ، وبدأت احضر نفسي ولايمكن انسى نظرات علياء ودعاء ليا والحقد والغل هيخرجوا براهم مع ابتسامة خبيثة ، كل مايشوفونى يضحكوها .
افتكرت كلام بابا لما قال ان اى واحد هيدخل البيت هيرفضنى لحد ماهما على الاقل يتجوزوا ، وقولت ربنا يستر ويطلع الكلام ده مش صح والدنيا تعدى على خير .
العريس جه واول ماسمعت صوته فى الصالة وانا فى الاوضة ، لقيت دعاء وعلياء استقبلوه بكل ترحاب ، فقررت اخرجله على طول قبل مااى حاجة تحصل ، وفعلا خرجت ويارتنى ماخرجت.....
الحلقه الرابعه من هنا
