روايه القلب وما يريد
( ارض الانتقام)
الحلقه السادسه
المتصل : هو انتي لما بتردي علي رقم غريب بتردي بالمياصه دي
بروج بصدمه : مياصه ؟! ... انت مين استني لما اقوملك بقي
قامت وخرجت من الاوضه علشان تلا متصحاش
بروج : قولي بقي يا بتاع... انت مين
المتصل : جسور
ابتسمت بروج غصب عنها..
بروج : الله الله... هو انتوا ناويين تكوشوا علي بنات ولاد علام ولا ايه... اخوك حاطط عينه علي تلا وانت ناوي علي ايه انت كمان
ضحك جسور ضحكه خلت الابتسامه بهتت من وشها
جسور بتريقه : انت فاكره نفسك مين علشان جسور يبصلك
وكالعاده بروج ممتازه في البرود
بروج : عندك حق انت متقدرش تبصلي والا كانت عينيك اتخزقت
جسور : يا حبيبتي بلاش الكلام الفاضي ده علشان ممكن تلاقيني قدام اوضتك دلوقتي... علشان انا لما بعوز حاجه بنفذها
بروج : متقولش حبيبتي حبك برص
جسور : الله اما طولك يا روح.. اسمعي انا عايز اقولك ايه قبل ما اعصابي تفلت... كنت عايز اقولك...
قاطعته بروج : لا استني ققل ما تقول وتعيد وتزيد... جبت رقمي منين
جسور بثقه : مش قولتلك اللي عايزه بعمله.... ومانتيش يعني السفيره عزيزه فهغلب اني اجيب رقمك
بروج : طب اخلص
كانت بوسي معديه
بوسي : بوجي عامله ايه دلوقتي ؟!
ضحك جسور بصوت عالي : بوجي!!!!! لايقلك اوي
غمضت عنيها وفضلت تشتم في سرها
بروج ما بين سنانها : امشي يا بوسي امشي دلوقتي
بوسي : بتكلمي مين ؟!..
بروج فكرت بسرعه وقررت انها تقول انها بتكلم إسلام ابن عمهم لانها عارفه ان بوسي مبتقبلهوش
بروج: إسلام
بوسي : يالهوتي متقولهوش ان انا بكلمك انا همشي لأحسن ده ميشوفش وشي ولا يسمع صوتي الا لما يقولي ذاكري .... سلام
استنت بروج لما بوسي مشيت : اخلص يابني وقول انت عايز ايه في ليلتك اللي مش هتعدي دي
جسور : قصره انا هعرف ابعد اخويا عن اختك... بس انتي هتعرفي اختك عنه
بروج : بنت عمي مش اختي
جسور : بروج بالله عليكي انا عارف انكوا في بيتكوا بتقولوا علي ولاد عمكوا انهم اخواتكوا وممنوع يتقال ولا د عمي وانتي كده خلفتي قاعده من قاعدتكوا
بروج : وعارف ايه كمان
جسور بصوت عميق : اعرف ابعد مما تتخيلي
بروج بتريقه : ماشي يا ابعد مما اتخيل.. انا اقدر ابعد اختي انا كمان
جسور : قولتي اختي اهو.. علشان تعرفي اني اعرف ابعد مما تتخيلي
بروج بغيظ : قولت اللي انت عايزه... طريق السلامه
وراحت قفلت في وشه دون مقدمات
جسور بص للموبايل وضحك : برضه ده ميمنعش ان اعرف عنك. كتير وكتير اوي
**************************
بعد يومين
بروج : لا والله وهنروح بيت اعدائنا كده عادي
عدي : خالتك مأكده عليا نحضر خطوبه اياد
بروج : اه علشان يفكروا ان احنا جايين نتخانق فيقتلونا. ونجدد سيل الدم تاني
عدي : انا قربت ازهق علي اساس ان احنا هنروح لوحدينا احنا هنروح مع اياد ... وبعدين اموت واعرف سيل الدم ابتدا ازاي اصلا وخلاف العيله من الاول كان علي ايه
رفعت بروج. كتفها ومطت شفايفها : هو انا بصراحه معرفش بس اللي اتقال قدامي ان العيله التانيه اللي بدأت بص رزه كانت حكتلي الحكايه كده علي طشاش... كانت بتقول ان جدك الكبير وجدهم الكبير كانوا اصحاب اوي ماشي كان الكل بيحسدهم علي صحوبيتهم دي فجدهم الكبير طلق مراته فيشاء ربنا ان جدك الكبير يحبها ويتجوزها فجدهم الكبير مستحملش وقتلها بعد سنتين من الجواز وكانت حملت وخلفت خلاص... راح جدك الكبير قتل جدهم الكبير فأخو جدهم الكبير قتل جدك الكبير فولاد جدك الكبير قتلوا اخو جدهم الكبير فطلع ولاده وقتلوا هما كمان وهكذا وهكذا... دي رزه بتقولي ان الموضوع وصل حتي للستات بتقولي ان الستات كانوا بيقتلوا في بعض
عدي : هو انا تقريبا الملفات في دماغي دخلت كلها علي بعضها ومفهمتش حاجه . المهم هتروحي ؟!
كانت لسه هترد بس في حد رد بدالها وكان فجر ابن منذر
فجر : ايوه يا ماما وافقي بقي علشان اروح معاكوا
شاور عدي علي فجر اللي واقف عند الباب : الواد ده جه امتي من الرحله
بروج راحت عند فجر وفشكلتله تسريحه شعره زي ما بتعمل دايما ففجر جري منها :جه امبارح
فجر وقف قدام عدي ومد ايده : ازيك يا باشا
عدي بذهول : باشا!!!!
وضربه علي رأسه : انا عمك يلا
فجر : وفيها ايه لما تبقي عمي وباشا وسيد البشوات كمان
عدي زقه من قدامه : لمض لمض
بروج بفخر : تربيتي
عدي : ومالك فخوره اوي كده ليه ... مش هقول تاني هتروحي ولا لأ... ماما مش هتروح فلازما انتي تبقي موجوده
فجر : ايوه يا ماما... روحي ومتخافيش انا هبقي معاكي واحميكي
عدي شاله من هدومه : هتحميها... هو انا هوا للدرجادي شفاف يلا...
فجر : مش قصدي يا عمي.. افهمني بس النسوان عقلهم علي قدمهم فانا بهوادها
بروج : سمعتك يا جزمه علي فكره... بص انا هروح انا ومنه وبوسي بس تلا لأ
عدي : اشمعنا
بروج : هي هي.. وراها امتحان
عدي : خلاص ماشي الاقيكوا جاهزين بالليل
**************************
كانت قاعده بتتفرج علي كرتون جامبول فجأه موبايلها رن
ردت بوسي من غير ما تشوف الاسم : الووو
لوت بوزها اول ما سمعت المتصل بيتكلم
بوسي : ايوه يا اسلام اه بذاكر اهو
اسلام : بذمتك
بوسي : اه بذاكر
اسلام : طب بتقوليلي بتتفرجي علي ايه بقي
بوسي بحماسه : علي جامبول
عضت شفايفها وبرقت. لما عرفت أنها وقعت في الفخ
اسلام : حلوه المذاكره دي صح
بوسي : اه حلوه وملكش دعوه بيا بذاكر ولا لأ
إسلام : عارفه لو جبتي مجموع مش عاجبني هعلقك علي باب القصر يا بوسي
بوسي : ليه دبيحه ولا دبيحه... ثم انت مالك بيا يا بارد يا رخم
إسلام : انا بارد
بوسي : وبالنسبه لرخم عدت عليك عادي.. انت عارف لو اتصلت بيا تاني هقول لجدي ياللي معندكش دم
وقفلت في وشه بعدها دخلت بروج عليها
بروج : بوسي اعملي حسابك هنروح خطوبن أياد النهارده
بوسي بزهق : طيب
بروج : ما تيجي تخديلك قلمين احسن
بوسي : مش دلوقتي
بروج : نعممممم
انتبهت بوسي لنبره بروج اللي بتدل انها هتقتلها بعد شويه : انا اسفه
بروج : اه كنت بحسب
**************************
فث بيت ولاد فارس
دخلت حسناء علي اختها داليدا وكان في ايد داليدا الكوليه اللي جابوهولها حاتم اول ما داليدا شافت حسناء اتخضت ووقعت الكوليه علي الارض وفضلت تبص لحسناء.... راحت حسناء ووطت جابت الكوليه
حسناء : منين ده
داليدا : ايه هتعملي نفسك انتي الكبيره وهتحققي معايا ولا ايه
قعدت حسناء علي طرف السرير.: عارفه يا ستي انك الكبيره ... وعارفه انك داخله كليه كبيره وانا يدوبك خلصت دبلوم... بس ده كله ميمنعش ان اسألك منين ده لاني خايفه عليكي بجد
داليدا :خلاص هقولك من حاتم
حسناء : مش ده الواد اللي قولتيلي عايز يكلمه... قبلتي تكلميه
داليدا : بصي بصي ده مش زي بقيه الشباب
حسناء : فضائي يعني ولا ايه... انا اللي اعرفه اللي. رايد واحده يتقدملها ويكملها قدام اهلها... ها ورسيتوا علي ايه
داليدا : ولا حاجه بنتكلم... بس انا معرفاه ان انا بنت ناس علي قدهم
حسناء : ايه ده ليه بقي ان شاء الله
داليدا بتريقه : هو انتي كنتي عيزاني اقوله علي عيلتنا يقوم يعرف مسأله التار القديم فيخاف ويهرب .... وانا بحبه بحبه اوي مش هستحمل لو سابني
حسناء : مش عارفه اقولك ايه بس اللي اقدر اقولهولك ان هي بتبدأ بتنزال بسيط وبعد كده هتتنازلي كتير اوي... واللي تخافي انك تعمليه قدام اهلك يبقي ميرضيش ربنا فربنا يهديكي
داليدا : ايووه برافوا علي المحاضره الحلوه دي... انتي اصلا مش هتفهمي لانك عمرك ما حبيتي.. انت زي بنات كتير بمجرد ان واحد مناسب بتقدملك توافقي بهيم جاي يسحب جاموسه يعني
حسناء : الله يسامحك.. قبل ما انسي كلمتي عاصي وقولتيله يجي
داليدا : هو فرحانلك كتير وبيقولك هيجيلك في الجواز باذن الله
حسناء بحزن : طيب
**************************
وبالليل
دخلت بروج واخواتها البنات واخوها من باب بيت ولاد فارس... لاقتهم واقفين علي الصفين ... كانت بوسي ماشيه ورا بروج بالظبط فمالت عليها : شوفي بيبصولنا ازاي والله لو قتالونا يبقي عندهم حق ما احنا اغبيه وجينالهم برجلينا
بروج حاولت قناع القوه اللي هي رسماه علي وشها ميتهزش : تعرفي تسكتي علشان مش نقصاكي يعني
وفي الخطوبه
صدت بوسي في جسور فرجع خطوتين يشوف هو خبط في مين... اول ما شافها ابتسم لأن الشبه ما بينها وما بين بروج كبير
بوسي : اسفه
جسور : لا انتي مخصوص تصدي فيا كل يوم عادي مش هقول لأ
بوسي بقرف : يا سلام ليه يعني
جسور : لانك اخت بروج
بوسي بفرح : انت تعرفها
جسور : طبعا دي حبيبتي
بوسي رفعت حاجبها : نعم
جسور : احم احم... قصدي حبيبتنا كلنا
بوسي : ايوه يعني اللي هو مين انتوا
جسور : البلد.. حبيبه البلد كلها
بوسي : اه.. طب ياريتك تقول للناس المتخلفين دول
جسور : اللي هما ؟!
بوسي : ولاد فارس
جسور : اااه... ولاااد فارس... مالهم بقي
بوسي : بيكرهونا
جسور: طب ما انتوا كمان بتكرهوهم
بوسي : بس متنكرش انهم ناس همج ومتخلفين
جسور بص للارض وخبي وشه وهو بيضحك : همج ومتخلفين اه
بوسي فضلت تبصله جامد : انا حاسه اني شوفتك قبل كده
جسور : مش عارف يمكن مثلا مثلا يعني كنت في بيتكوا بالتحديد في وسط الدايره اللي كان فيها بلال ابن ولاد فارس.
فتحت بوسي بوقها من الصدمه ووشها ازرق من كتر الكسوف وبعدها انفجرت تعيط بصوت عالي وجسور مقدرش يكتم ضحكته ففضل يضحك وهي تعيط.... بروج كانت بتدور عليها لاقتها واقفه تعيط وجسور واقف معاها ومش مبطل ضحك... راحت جري علي بوسي : ايه اللي حصل
بوسي رفعت ايديها وشاورت عليه وهي بتعيط :هوووو‘
بروج : يا بنتي انا مش فاهمه حاجه منك قوليلي فيه ايه
بوسي : هوووااااا
جسور موبايله رن
جسور : هرد بس وجاي حالا
بعد عنهم شويه
بروج : طب امشي انتي دلوقتي وانا هعرف منه حصل ايه
بوسي مشيت خطوتين فبروج التفتت : وبطلي عياط
جسور خلص المكالمه ورجع بس رجع بملامح كلها غضب
جسور : بلال اتخطف... لو اعرف اني ليكي يد في آلموضوع انتي ولا اهلك هولع فيكوا... آمين
**************************
الحلقة السابعه من هنا
