روايه القلب وما يريد
( ارض الانتقام)
الحلقه السابعه
بروج : ايه الكلام الفاضي اللي انت بتقوله ده
جسور : عايزه تعرفيني ان انتي متعرفيش حاجه
بروج : معرفش حاجه انت اتجننت
موبايل بروج رن فجسور خطف الموبايل منها
جسور : اكيد ده اللي انتوا مأجرينه علشان يخطفه
بروج : هات موبايلي وبطل جنان
بس جسور مسمعلهاش وبص في الموبايل لاقاه رقم غريب فرد عليه وفتح الاسبيكر علشان يكسفها قدام نفسها
وكان الصدمه لما اللي اتكلم راجل وقال : الو انتي بروج علام
بروج : ايوه
الراجل : طب أختك معانا في الحفظ والصون عايزاها تحضري 2مليون جنيه ويا ويلك يا سواد ليلك لو اتصلتي بالبوليس وربي لأجبهالك جثه في شوال.... عقلك في رأسك تعرفي خلاصك
وبعدها الراجل قفل السكه في وشهم
بروج وجسور بصوا لبعض وهما مصدومين وقالوا في نفس الوقت : هما كانوا مع بعض
جسور : مصيبه دي مصيبه
بروج : طب هنعمل ايه ؟!
جسور : مش هنقدر نقول لحد من أهلنا لقصتهم تنكشف ... احنا نستني لما يحددولنا الميعاد وندفعلهم الفلوس
بروج : طب مادام انا مش هقولا لجدي ولا اسلام ولا حتي لعدي هجيب ال 2 مليون ازاي
جسور : متقلقيش انا هدفعهم
بروج : هتبقشش علينا يعنس
جسور: مش وقتك خالص والله ... احنا في ايه ولا في ايه وبعدين يا ستي وقت ما يبقي معاكي ابقي ادفعيهم
بروج : هو انا معايا بس المشكله اني لو سحبت الفلوس هما هيعرفوا وهيسألوا
جسور : قولتلك خلاص هدفعهم انا
بروج : بس هرجعهملك تاني
جسور علشان يهاودها : طيب
بروج : وهقول ايه لأهلي لما ميلاقوهاش
جسور حط ايده علي دماغه لانه حاسس بصداع رهيب : اكدبي اي كدبه مش هتغلبي
بروج : هقولهم ان هي راحت عند عمتي اللي في مصر... بس المشكله لو اتصلوا بيها يسألوا عليها
جسور بتعب : قولي لعمتك علي اللي حصل وهي هتقدر موقفك وهتكدب معاكي
بروج : تمام وانت هتعمل ايه
جسور : هتصرف
بروج : طيب همشي انا
جسور : بروج لو حد اتصل بيكي قوليلي
بروج : طيب
**************************
في الخطوبه
عدي واقف مع ولاد خالاته... جه واحد من اللي بيقدمه المشروبات ومعاه شربات قدم الصنيه لعدي وعدي فمبيحبش الشربات
عدي : شكرا تسلم
وساب ولاد خالته وراح يدور علي اخواته البنات.... وقف عمال يدور عليهم بعنيه لقي نفس الراجل جاي وبيقدمله الشربات تاني
عدي بابتسامه : حبيبي تسلم مش عايز والله
فجأه عدي لمح بوسي بس لاقاها قاتله نفسها من العياط فراحلها
عدي بفزع : في ايه يا بوسي مالك
بوسي التفتت وبصت علي المكان اللي هي جايه منه وقالت بعياط : هوووا
عدي جن جنونه فهزها : هو مين.. في حد اذاكي حد عملك حاجه
ساعتها نفس الراجل اللي ماسك صنيه الشربات جه ووقف جنب عدي وقدمله الصنيه... عدي كان غضبان جدا من عياط بوسي... والف 100 سيناريو علي ايه اللي حصلها وان هي ممكن تكون اتعرضت لحاجه وحشه فمسك الصنيه من الراجل وحدفها وراه وهو بيقول بغضب شديد : قولتلك مش عايز زفت
سمع صوت واحده بتصرخ وده خلاه يبص وراه لقي واحده محجبه لابسه فستان جميل جدا بس نصه التحتاني متغرق ميه .والصنيه اللي هو رماها تحت رجليها وهي فاتحه بقوها وبتبصله بصدمه... التفتت لبوسي اللي قبلت عياطها لضحك. هستيري وقتها عرف انها كويسه ومفيهاش حاجه علشان لو كده مكنتش ضحكت....
عدي من بين سنانه : يا رب صبرني... يا الله
وساب بوسي علشان يتأسف للبنت اللي فستانها اتبهدل دي
وقف قصاد البنت وهي لسه علي حالها فاتحه بوقها ومصدومه
عدي : انا آسف مكنتش اقصد
داليدا غمضت عنيها بتحاول تسيطر علي اعصابها بس معرفتش فقالت وهي بتضغط علي اسنانها : انت عبيط!!!!
أخد عدي نفس عميق وكرر الكلمه بس بنبره تانيه كأنه بيحذرها انها تتمادي تاني
داليدا فتحت عنيها وصرخت زي المجنونه : انت مجنون وعبيط ومتخلف
بص عدي حواليه علشان يشوف حد سمع الاهانه اللي هو اتعرضلها دلوقت فلقي بوسي ماسكه بطنها من كتر الضحك فبصلها بغيظ
واتلفتت لداليدا
عدي : قولت انا اسف مره واتنين وتلاته... فلسانك ده تحطيه في بوقك لأحسن اقطعهولك.
اديها غصب عنها اتمدت عليه وضربته علي صدره : تقطع لسان مين يا متخلف انت
رجع عدي خطوه من ضربتها وعلشان ميتهورش ويمد ايده عليها : الله اما طولك يا روح
كانت هتشتم هو متأكد ان ان هي كانت تشتم لولا موبايلها اللي رن وردت عليه بزهق : أيوه يا حاتم.. هو ايه اللي انا فين انا في خطوبه اختي... هو ايه اللي ازاي امشي ومقولكش... انا نقصاك انت كمان
ونسيت انها كانت بتتخانق مع عدي ومشيت تكمل خناقه مع حاتم
عدي : والله يكون في عونه يا شيخه
**************************
حسناء : ايه رأيك في الخطوبه يا اياد
اياد بقرف : هو ايه اللي رأي في الخطوبه ده سؤال تسأليه لخطيبك.
حسناء : اومال اقول ايه ؟!
اياد : متقوليش حاجه وتحترميني
حسناء هو انا كده مش محترماك
اياد : اه مش محترماني
حسناء : ماشي انا اسفه
اياد بصوت واطي : مصايب وبتتحدف علينا
**************************
رجعت بروج البيت لاقت خالتها مقابلها جري
حسنيه : الحقيني يا بروج... تلابيب مش لاقياها
بروج : تلابيب متخافيش يا خالتي.. انا خلتها تروح عند عمتها
حسنيه : ده امته ده ان شاء الله.. وليه مقولتليش هتعملي نفسك ريسه علينا
بروج : خالتي .. بنتك كانت لسه بتكلم الولا وكانت ناويه تقابله وانا سمعتها علشان كده بعتها عند عمتي تقعدلها يومين يمكن تنساه
خالتها بعد اما كانت متعصبه هديت
حسنيه : طيب ودتيها لوحدها
بروج : بعدت حد من الرجاله معاها... ولو عايزه ممكن تتصلي بعمتي علشان تصدقيني
حسنيه: لا يا بنتي مصدقاكي طبعا
بروج : طب عن اذنك عايزه انام
طلعت بروج علي السلم : يارب سامحني علي كدبتي دي يارب
عدت الساعه 12 وموبايلها رن مسكته بسرعه مفكره انه حد من العصابه لاقته جسور
بروج : الو
جسور : اتصلوا بيا وقالولي ميعاد التسليم
بروج : محدش اتصل... لا استني في رقم مجهول بيرن
جسور : اكيد هما ردي وابقي كلميني
ردت بروج وعرفت مكان التسليم واتفقت هي وجسور يروحوا مع بعض
وفي مكان مقطوع وقف جسور وبروج مستنين العصابه.. جت عربيه سودا ونزل منها اتنين
واحد منهم : فين الفلوس
رفع جسور ايديه بالشنطتين : اهم.. فين اخوتنا
الراجل : افتحهم
جسور فتحهم قدامه علشان يتأكدوا ان الفلوس حقيقيه
الراجل : قربت وهاتهم
جسور جه يقرب لقي صوت عربيه الشرطه في المكان
الراجل : كده تغدر بينا... بشوقك بقي
بروج : والله ما بلغنا حد
الراجل خرج مسدس من جيبه وضرب جسور :علشان تبقي تلعب معانا
وركب العربيه وطار بيها
*****************
الحلقة الثامنه من هنا
