روايه القلب وما يريد
( ارض الانتقام )
الحلقه الثامنه
ربنا سترها والطلقه جت فى دراع جسور
بروج بفزع: انت كويس ؟؟
جسور بتعب : اه
بروج: طب قوم
قام وهي راحت ركبت العربيه
جسور: هتعملى ايه ؟؟
بروج : هسوق نلحقهم
ساقت العربيه وفضلت وراهم بس التانيين حظهم ان فى عربيه عرفوا يهربوا منها وبروج لا واختفوا
بروج حطت ايديها على راسها : يا الله
جسور: انا خايف ليعملوا حاجه فيهم
بروج بصت قدامها : لازما نوديك المستشفى
جسور: لا مستشفى هيبقى فيه بوليس وسين وجيم ... ودينى انتى بس عند مدخل البلد وانا هتصرف
بروج : متأكد
جسور: اعملى اللى بقولك عليه
بروج: تمام
بروج اخدت جسور عند مدخل البلد ونزلت من العربيه علشان تمشى
جسور : بروج
بروج بصت من شباك العربيه
جسور : خلى بالك من نفسك
بروج معرفتش تقوله ايه هي اصلا مش متوقعه ان حد يطلب منها ده وخصوصا لو كان من ولاد فارس
بروج : طيب
ومشيت بعدها
جسور بألم وغيظ : مهنش عليها تقولى وانت كمان يارب الصبر
وطلع موبايله بصعوبه علشان دراعه اللى عمال ينزف ده : ايوه يابنى ... تعالى خدنى انا عند مدخل البلد تعالى خدنى ... ليه ؟؟ لا بس مضروب بالنار ... بس انت عارف لو حد عرف هعمل فيك ايه ؟؟ خلاص ماشى تمام
قفل الموبايل وهو حاسس بتعب شديد فرجع رأسه على الكرسى وغمض عنيه وهو بيقول :الله يحرقك يا بلال
عرف جسور بعد كده ان الشرطه كانت بتطارد ناس تجار مخدرات يعنى مكنوش هما المقصودين
**************************
رجعت بروج البيت لاقت امها ومرات عمها واقفين وباين عليهم القلق
بروج: فيه ايه ؟؟
حسنيه: جدك واسلام رجعوا
بروج بخوف : امتى
حسنيه : لسه دلوقتى
بروج: يا ليله مش معديه
رقيه: وسألوا عليكى وعلى تلا ... جدك قال لما تيجى تدخل المكتب
بروج: يارب استرها انا مش ناقصه
خبطت على باب مكتب جدها فجالها الاذن ان هى تدخل ... بروج فتحت الباب فتحه صغيره وبصت منها
بروج : جدى
فوزي : ادخلى
بروج فى نفسها : باينها هتبقى ليله فل
وقفت قدام جدها
جدها بجون اى تعبير: اقعدى
قعدت على الكرسى اللى قصاده
فوزى :كنتي فين
بروج بتوتر: بتمشى شويه
فوزي : اه
بروج : اه ايه يا جدى
فوزى: انك كنتي بتتمشى شويه ,,, وتلا راحت عند عمتها ليه
بروج : كانت نفسيتها تعبانه شويه قولت تروح تغير جو
فوزى : تروحى تجبيها
بروج: بس
فوزى : لأروح اجبها انا
يروج: لأ خلاص هروح انا
فوزى: عمتك فى انهى بيت
بروج: اللى فى القاهره
فوزى: يومين تروحى وترجعى وبالمره تشوفى الشغل اللى هناك أخباره ايه
بروج: حاضر
فوزى: تقدرى تمشى
بروج جت تخرج وكانت زعلانه جدا من معامله جدها ليها بس قبل ما تخرج جدها ناداها ... التفتت تشوفه عايز ايه لاقته فاتح ايده على اخرهم .... جريت عليه وحضنته وهي بتعيط
فوزى: بتعيطى ليه يا هبله
بروج: فكرتك بطلت تحبنى
فوزى: يا هبله هو في حد يبطل يحب روحه .... يلا بقى روحى واندهيلى عدى قبل ما يهرب زى عادته
بروج بابتسامه : حاضر
خرجت بروج من المكتب لاقت عدى شايل شنطته اللى كان جاى بيها على ضهره وخارج
بروج: عدى
عدى وقف من غير ما يبصلها
عدى: نعم
بروج: جدى عايزك
بصلها عدى بغيظ : كنت عارف
ورمى شنطته وراح ناحيه المكتب ... استأذن ودخل
عدى: بروج قالتلى ان حضرتك عايزنى
فوزى: هتفضل هربان كده كتير
عدى: مسمهاش هربان اسمها استقريت فى مكان تانى
فوزى: الله الله وكمان هتعلمنى اتكلم ازاى
عدى: لا عيشت ولا كنت يا جدى انا مقصدش
فوزى: يابنى انا عايزك تبقى كبير العيله دى بعد ما اموت
عدى: بعد الشر عليك يا جدى ... بس انا مش هقدر بجد
فوزى ضرب كف بكف : والله العظيم انت هتجننى يعنى يبقى عندك املاك وتروح تشتغل عند الناس
عدى: بشتغل معاهم ... وبعدين الاملاك اللى حضرتك بتتكلم عنها دى انا اصلا متعبتش في ولا قرش فيهم
فوزى: بس حقك
عدى: تمام حقى ومتنازل عنه
فوزى بزهق: وانا علمتكوا كده تتنازلوا عن حقوقكوا ؟؟
عدى: جدى بالله عليك متعصبش نفسك انا جنبك وهفضل جنبك ووقت ما تحتاجلى هتلاقينى ... واسلام موجود وشايفه انه شغال مش ساكت يعنى فمتحملنيش فوق طاقتى
فوزى : ده اخر كلام عندك مش ناوى ترجع
عدى: اخر كلام يا جدى
فوزى: ربنا يوفقك
عدى خرج واخد شنطته ومشى
**************************
اول ما عرفت ان هو رجع وهي معتكفه فى اوضتها وبتندم نفسها انها شتمته فى الموبايل اهو دلوقتى هيندمها على اليوم اللى هى اتولدت فيه .... بس هي جاعت بصراحه ومفيش اكل فى الاوضه ... نزلت تتسحب للمطبخ ودخلته بسلام الحمد لله ... طلعت أكل وحطته على ترابيزه موجوده فى المطبخ وقعدت تأكل ... وهي بتأكل لاقت ان فيه سكينه بتتحرك
بصت لاقت اسلام ماسك السكينه وبيحركها على المطبخ وهو قاعد قصادها بالظبط
اسلام : انا بارد
بوسى رمت المعلقه من ايديها وهى بتبصله بصدمه
اسلام : ورخم صح وايه تاانى اصلى مش فاكر
بوسى: ده مين اللى مبيفهمش اللى قالك كده ده انت عسل يا زوما
اسلام بتريقه : عسل مره واحده
بوسي بصت للسكينه اللى فى ايده برعب : لا تلت مرات
اسلام وجه السكينه ناحيتها : طب اما انا عسل ايه اللى انتى قولتيه فى الموبايل ده
بوسي: انا ؟؟ وامسك موبايلات وانا عندى مذاكره استغفر الله
اسلام قرب السكينه منها : لا والله يعنى انا بكدب
بوسي لما لاقت اه ممكن يقتلها اصله مجنون وهى عارفاه كويس عملت االحاجه الوحيده اللى هى فالحه فيها العياط
وفتحت ماسوره الدموع بقى
بوسي: يا جدى
اسلام شاورلها بالسكينه: اسكتى
بوسي دبدبت وصوتها على اكتر واكتر: يا جداااااااااااااااااي
اسلام: اكتمي مش هعملك حاجه
بوسي: يا جداااااااااااااااااااااااي
اسلام رمى السكينه :خلاص خلاص كنت بهزر
بوسي: طب مش هذاكر لمده اسبوع
اسلام: نعم ياختى لا طبعا
بوسي: يا جداااااااااااااااااااااى
اسلام: خلاص خلاص اللى انتى عيزاه
بوسي ضحكت: ناس مبتجيش الا بالعين الحمرا
**************************
دخل جسور بيته لقى امه ومرات ابوه قاعدين واول ما شافوه رابط ايده جريوا ناحيته
جسور: بدأنا
عزه: يا حبيبى يابنى مالك فيك ايه
جسور: انا كويس
صباح: طب ايه اللى حصلك
جسور: وقعت يا ست الكل وكانت واقعه جامده بس
جسور متعود يقول لمرات ابوه ست الكل لانه ميقدرش يقولها يا امى لان امه بتزعل
عزه: طيب روح استريح
جسور: يا امى ... ممكن انزل القاهره النهارده او بكره
عزه: وانت تعبان كده لا
جسور: فى شغل مهم لازما اروح
صباح: طيب بالمره ابقى طل على عاصى اخوك شوفوا عامل ايه
جسور: حاضر يا ست اكل
عزه: واتصل بأخوك اللى راح عند صاحبه السويس ده ومعبرش حد وقوله يرجع
جسور: حاضر يا أمى .. ممكن اطلع بقى
عزه: اتفضل يا عمرى ... معلش تعبتك
طلع جسور ودخل اوضته رمى نفسه على السرير وكان ناسى امر دراعه ده خالص فتألم وافتكر لما واحد من رجالته جابله دكتور وخرجله الرصاصه من غير بينج
خرج موبايله واتصل ببروج
كانت قاعده فى اوضتها بعد ما اتطمنت علي فجر انه أكل وعمل واجبه .. وكانت عايزه تتصل بيه علشان تتطمن عليه بس كبرياءها منعها وفجأه لاقته هو اللي بيتصل ..... رغم انها كانت متلهفه انها ترد بس سابت الموبايل يرن شويه علشان ميقولش انها كانت مستنياه يتصل
بروج: ايوه
جسور: انا حد من رجالتى دلنى على واحد ممكن يعرف الناس اللى خطفتهم
بروج بفرحه : بجد
جسور: هو ممكن وياريت يبقى عارف فعلشان كده هنزل القاهره بكره
بروج: ايه ده انا كمان نازله القاهره
جسور: ليه
بروج : لا بسيطه جدى قالى روحى جيبى تلا من عند عمتك وادانى مده يومين
جسور: لأ باذن الله هنلاقيهم قبل ما المده تخلص
بروج: يارب
بروج كانت عايزه تعرف اخباره ايه بس برضه مرديتش تعرفه انها مهتمه
**************************
جسور وبروج من نزلوا مصر وحظهم انهم نزلوا فى نفس الاوتيل
جسور كان رايح يقابل الراجل اللى ممكن يدله على الناس اللى خطفه اخوه لقي بروج فتحت العربيه ودخلت
جسور: افندم
بروج: رجلى على رجلك
جسور : انتى عارفه انا رايح فين ؟؟
بروج: عند الراجل
جسور: طب لما انتى عارفه جايه ليه
بروج: جسور انا عيبى انى مبثقش في حد فلازما اجى معاك
جسور: تمام هتيجى بس هتفضلي في العربيه
بروج: ربك يسهل
ووصلوا للمكان
نزل جسور وبص من شباك العربيه : متنزليش من العربيه دول زيهم زى اللى خطفوا اخواتنا مجرمين فمتنزليش
بروج: ماشى
جسور بتأكيد: اوعى تنزلى
بروج: ما خلاص قولت مش هنزل
جسور: تمام
دخل جسور وكان بيتكلم مع الراجل فجأه لقى بروج داخله ... فغمض عنيه وفتحهم كأنه بيتوعدلها .....
واحد من الرجاله: يا فندم لاقينا البت دى بره وبتقول انها عايزه تقابل الزعيم
جت بروج وقفت جنب جسور : انا جايه معاه
جسور من بين اسنانه : ايه اللى جابك
بروج ببرود: نفس اللى جابك
قام الراجل من مكتبه ولف حوالين المكتب وبقى قصادهم بص لبروج بوقاحه وغمزلها : اموت انا فى الجرئ
جسور معرفش يمسك اعصابه لقى ايده السليمه علمت على خد الراجل بعد ما ضربه كف اوي
الراجل نده لراجلته : احبسوهم فى المحزن
الحلقة التاسعه من هنا
