روايه القلب وما يريد
( ارض الانتقام )
الحلقه التاسعه
فضلوا محبوسين فى المخزن
جسور بعصبيه : عجبك اللى حصل ده ؟؟
بروج: الله وانا مالى هو انا اللى قولتلك تضرب الراجل
جسور بزهق: ما انتى لو مكنتيش طلعتى مكنش بصلك بصه زى دى
بروج علت صوتها هى كمان : وانت مالك اصلا ... اتحمقت ليه
جسور كان عامل زى المجنون عمال يلف فى الاوضه عايز بس يشوف الراجل اللى بصلها كده علشان يخنقه بايديه ويخلص منه ولما قالتله انت مالك كان هيقولها انه بيحبها بس جه على اخر لحظه وسكت
بروج حبت تعصبه اكتر واكتر لان من خلال سكوته ده عرفت ان فيه حاجه
بروج: ساكت ليه
جسور سكت شويه بيحاول يتلم على اعصابه : اتحمقت لانك قولتيلهم انك جايه معايا يبقى انتى ملزومه من مين يا استاذه
بروج بعناد: برضه مكنش ليك دعوه .. ومكنش لازما تتهور
جسور حط ايده على دماغه كأنه بيعصرها : بصته كانت وحشه
بروج: والله انا بحجابى ولبسى محترم مهيمنيش بقى هو بص ازاى هو اللى شخصيه مريضه مش انا
جسور: انتى ميهمكيش بس انا يهمنى
بروج مسمعتهوش: بتقول حاجه
جسور: لأ بفكر بس هنخرج من هنا ازاى ... جايين ننقذ اتنين مخطوفين نقوم ايه بقى نتخطف احنا ....... حاجه تشل يعنى
اتفتح باب المحزن ودخل راجل
الراجل: تعالوا معايا الزعيم مستنيكوا
رجعوا للمكان اللي كانوا فيه تاني لقوا راجل غير الأول
- اهلاً اهلاً... سمعت انكوا ضربتوا حد من رجالتي
بروج شاورت علي جسور : هو اللي ضرب مش انا
جسور : بروج... تعرفي تكتمي
- بروج ؟!
جسور بصله بشر : ايه عاجبك الاسم وعايز تضرب انت كمان
- بروج... فاكراني ان رءوف
بروج باستغراب : رءوف مين انا معرفش حد بالاسم ده ؟!
رءوف : كنت معاكي في الثانويه العامه
بروج : اااه رءوف فتوه الفصل... بسم الله ما شاء الله ربنا فتح عليك وبقيت رئيس عصابه قد الدنيا
رءوف : اولا اتفضلي اقعدي ثانياً اخص عليكي بجد هتقولي عليا زي ما الكل بيقول
جسور فضل يبصلهم وهما بيتكلموا مع بعض وفجأه خبط علي المكتب : اقوم اروح انا ولا اجبلكوا اتنين لمون
رءوف بضحك : لا يا سيدي شكرا.. المهم انا هشوف النهارده موضوع اخواتكوا وهقولكوا بكره .... هاتي يا بروح رقم تليفونك
جسور : ومتأخدش رقم موبايلي انا ليه
رءوف بصلهم بحرج: عادي رقم اي حد فيكوا
جسور : تمام ده الكارت بتاعي. ودلوقتي بقي. عايز كام
رءوف : هعملكوا تخفيض علشان بروج
جسور : لا مستغنين عن تخفيضك
رءوف : لو لاقتهم مليون وهخلي.رجالتي تساعدكوا لو ملاقتهومش نص مليون علشان الرجاله اللي بتتعب في التدوير بس
جسور : تمام وانا موافق
*******************************,******
وفي بيت ولاد فارس
اتصل اياد بحسناء ومردتش فاتصل عليها مره تانيه وهو بيتوعدلها
اياد: اهلا اهلا علي ما فكرتي تردي
حسناء : كنت في المطبخ معلش حقك عليا
اياد : لا انتي اصلا مهمله ومبتهتميش بيا انا لازما اقول لحد من اهلك يشوفله صرفه معاكي
حسناء : هتقوله ايه ها هتقوله ايه... حرام عليك انت بتعمل فيا كده ليه
اياد : عملك اسود ومنيل هو في واحده محترمه تقول لخطيبها كده
وراح قافل السكه في وشها... فضلت حسناء تبص للموبايل بصدمه وانفجرت في العياط
دخلت داليدا علي صوت عياطها لأن اوضه داليدا قريبه من اوضه حسناء
أخدتها في حضنها : في ايه يا بت مالك بتعيطي كده ليه
حسناء اتكلمت بسرعه فدليدا مفهمتش منها حاجه : طب أهدي كده لان والله ما فهمت حرف من اللي انتي قولتيه
حسناء بعياط : بيعاملني وحش اوي يا داليدا
داليدا : هو مين ده
حسناء : ايااد
داليدا: وايه اللي جبرك تكملي .. ارميله دبلته في وشه
حسناء : مقدرش مش هلاقي فرصه زي دي تاني
داليدا : مين قالك كده
حسناء : محدش قالي انا اللي قولتلي انا مش حلوه اوي وتعليمي متوسط. وهو مال وجمال وادب وعيله
داليدا: ادب ازاي وهو بيعاملك وحش.... وسبيكي من الكلام التفاهه واوعديني انه لو عاملك كده تاني هتديله علي دماغه
حسناء : هوعدك لو وعدتيني انك متقابليش هدايا وتحاولي تبعدي عن الواد اللي بيكلمك ده
داليدا : اوعدك
حسناء : وانا كمان اوعدك
وحضنوا بعض
****************************************
وفي بيت ولاد علام
كانت بوسي قاعده وبتتفرج علي الكرتون... جه اسلام من وراها وخطف الريموت منها وغير القناه علي الماتش
بوسي : عاااا يا رخم يا بايخ فيه تلفزيون في اوضتك متقوم تتفرج علي الماتش بتاعك هناك
اسلام ببرود : بس انا عاجبني ده
بوسي : يا جدااااااي
اسلام : اندهي من هنا للصبح جدك خرج
بوسي : يا رزززززه
اسلام رمي الريموت في وشها : خدي
بوسي : رخم
************************************
قاعده في اوضه مضلمه بتفتكر هي اتخطفت ازاي
فلاش باك جالها اتصال من بلال بيقولها فيه انه عايز يشوفها... خرجت وراحت المكان اللي هو حددهولها وبعد ما راحت
تلا : انت عارف ان الطريق ده مقطوع انت ازاي تجيبني هنا.. مش خايف عليا اوي كده
بلال : اسمعيني وابقي امشي علي طول... احنا مش هينفع نكمل مع بعض اخويا كان هيقتلني
تلا : يا سلام منا لما هربت معاك ليه مفكرتش ان اهلي لما يشوفوني ويعرفوا كل حاجه هيقتلوني ولا لا ليه
بلال: بصي جوارنا ده مش هينفع انا خايف علي مصلحتك
تلا : لا انت جبان وانا غلطانه واستاهل ضرب الشبشب اني في يوم كلمتك من ورا اهلي سلام
ولسه هتمشي لاقت اتنين رجاله خرجوا مره واحده من الزرع ورفعوا عليهم اسلحه وخطفوهم.
فجأه دخل الاتنين اللي خطفوهم وراحوا ناحيه تلا
واحد منهم : قومي
تلا ارتعشت وخافت : علي فين
التاني غمزلها : هنفسحك احلي فسحه
تلا تقريباً فهمت قصدهم ايه فتبتت في الارض... راح واحد منهم مسكها من الحجاب لدرجه ان الحجاب اتقلع وقومها بالعافيه فضلت تصرخ بس مفيش فايده... بصت لبلال وكانت صدمتها انها لاقته قاعد في زوايه في الاوضه وعمال يترعش وخايف ويبصلها كان بيقولها انا اسف مش هقدر اساعدك... وقتها لعنت اليوم اللي هي حبت واحد جبان زيه وحاربت اهلها علشانه
واحد من المجرمين : هو انتي كنتي مستنيه انه يساعدك هاااع ابقي قابليني... ده راجل لما ما تفرج ..... محدش هيقدر ينقذك. مننا
فضلت تلا تصرخ وهما جارينها من شعرها وتقول : ياااارب
وخرجوا وقفلوا الباب علي بلال
*************************************
كان في اتنين شباب عربيتهم عطلت علي الطريق وواقفين يصلحوها.
الشاب : سامع اللي انا سامعه
صاحبه : اه تقريبا صوت صويت من ناحيه الطريق الزراعي ده
الشاب : ده صوت بنت تعالي نشوف في ايه ؟!
صاحبه : واحنا مالنا يا دوك وبعدين المنطقه دي اللي اعرفه عنها انها مقطوعه ومليانه مجرمين
الشاب : والله اللي اعرفه ان ده صوت بنت بتصوت ممكن تكون بتتعرض لأغتصاب او قتل... وانا عندي اخوات بنات متمناش ابدا ان حد من اخواتي يتحط في موقف زي ده وانت كمان عندك اخوات بنات واللي هنعمله دلوقتي هيترد في اخواتنا فيانعيش رجاله يانموت بشرفنا بندافع عن شرف بنت... انما اقف هنا وابقي خروف مش هيحصل ... هتيجي معايا والا اروح لوحدي
صاحبه : معاك يا صاحبي... ربنا معانا
الحلقة العاشرة من هنا
