انا فى مصيبه مراتى وحبيبتى راحت فيييين ومن هنا تبدأ حكايتى
صحيت من النوم ع صوت طفلتى الرضيعه وهى على صرخه واحده قمت جريت ع اوضتها لاقيتها بتعيط بصوت جامد وطبعا ده مش العادى أنا الدكتور هشام اب لثلاث أبناء نادر 6 سنين وهنا 4 سنين وهيا 4 شهور ومراتى وحبيبتي وام اولادى ليلى وهى مهندسه وهى ست جميله واجتماعيه جدا وبتحبنى حب عباده ♥️....
دخلت على بنتى الرضيعه لاقيتها على صرخه واحده روحت شيلتها ع ايدى وحاولت اسكتها وفضلت انادى على مراتى وقول ليلى ياا ليلى هيا بتعيط انتى فيييين ؟؟
جريت على الحمام مش موجوده ولا حتى فالمطبخ ودخلت اوضه الأولاد بردوا مش موجود أنا هتجنن هى راحت فييين !
نزلت أجرى ع شقه اختى كريمه ما هى ساكنه فى الدور اللى تحت فى نفس العماره وكان الوقت حوالى 6 الصبح ورنيت الجرس ولما فتحت اتخضت من منظرى وقالت مالك يا هشام فى ايه ؟!
هشام .. بقولك يا كريمه هى ليلى منزلتش عندك
كريمه . لا لا وهتنزل دلوقتى ليه !
اتجننت اكتر ونزلت ع شقه اخويا سليم ولما رنيت الجرس مراته فتحت وسألتها وقالت لا منزلتش
وبقيت أشد فى شعرى هى راحت فييييين !
ونزلت على شقه اخويا عصام ورنيت الجرس ما هو الوقت بدرى والكل نايم واحنا فى أجازه نص السنه يعنى مفيش دراسه
عصام .. فى ايه مالك يا هشام خير سألته ع ليلى قال أنا مشوفتهاش خالص
وفى شقه حد من الجيران راجل ومراته بس اتحرجت اسألهم
وخدت بعضى وطلعت ع شقتى وطبعا اخواتى طلعوا علشان يعرفوا اللى حصل وطبعا أنا قلقان على مراتى وام اولادى وحاسس انى قدام حيطه سد !
كريمه . هشام انت اتخانقت معاها
هشام . لا وحتى لو اتخانقت هتمشى وتسيب البيت من غير ما اعرف
سليم . طيب سألت حماك
هشام . ياالله تصدق نسيت ده كان تعبان امبارح وهى كانت مضايقه وعاوزه تشوفه
هشام مسك الفون واتصل بحماه وفضل الفون يرن ومردش عليه
عصام .جرب تانى
هشام . مسك الفون زى المجنون وفضل يرن والمره دى حماه رد عليه راح هشام سأله ازيك يا عم عبدالله اخبارك ايه هى ليلى عندك أنا صحيت ع صوت هيا بتعيط وهى مش موجوده راح حماه رد عليه وقال ....
الحلقه الثانيه من هنا
بدل ماتدور وتبحث علي الروايات خليها علي تليفونك وحمل تطبيقنا
