روايه القلب وما يريد
( ارض الانتقام )
الحلقه ال 14
ياسمين : فى ايه يا بنتى
تلا كانت هتعيط : يلا ليله مش معديه
وراحت نزلت تحت البينج
ياسمين بصدمه: ايه اللى انتى بتعمليه ده يا هبله
تلا: اسكتى خالص انا هفضل قاعده هنا لغايه ما الدكتور ده يخلص ويخرج
ياسمين بصوت واطى : انتى تعرفيه
تلا: اسكتى بالله عليكى اسكتى
( ارض الانتقام )
الحلقه ال 14
ياسمين : فى ايه يا بنتى
تلا كانت هتعيط : يلا ليله مش معديه
وراحت نزلت تحت البينج
ياسمين بصدمه: ايه اللى انتى بتعمليه ده يا هبله
تلا: اسكتى خالص انا هفضل قاعده هنا لغايه ما الدكتور ده يخلص ويخرج
ياسمين بصوت واطى : انتى تعرفيه
تلا: اسكتى بالله عليكى اسكتى
مسك عاصى المايك : السلام عليكم طبعا عارفين انى المعيد اللى هديكم الماده لان الدوك اعتذر... احب اعرفكم بنفسى انا دكتور عاصى جمال .... وان شاء الله مش هرخم عليكم او هضايكوا وباذن الله هنبقى اخوات مش مجرد معيد وطلابه ... نبدأ الشرح بقى
تلا لما سمعت فى اسمه ركزت فيه عاصى جمال وبلال اسمه بلال جمال وبلال كان قايلها ان له اخ عايش فى القاهره اسمه عاصى بس من الاب بس .... يبقى اللى نقذها ده اخوه ... وبعدين بقى فى العيله اللى مش راضيه تسيبها دى .... فضلت دماغها تودى وتجيب وعادت تفاصيل الحادثه بكل ما فيها .... مستحملتش واعصابها انهارت فاغمي عليها ودماغها وقعت على رجل ياسمين ..... ياسمين رجعت بضهرها كده وشافت تلا فصوتت لمت عليهم المدرج كله ...........البنات راحوا مطلعينها على البنيچ .... عاصى راح علشان يشوف في ايه واتصدم لما لاقاها هى نفس البنت اللى انقذها فرك جبينه بيفكر يعمل ايه ... مخه وقف مش عارف يفكر
عاصى : بنات حد معاه برفان ... فوقوها ولو سمحتوا اللى واقفين دول ارجعوا ورا كده علشان النفس
البنات فوقوها واول ما فتحت عنيها جت عنيها على عاصى رغم انه كان واقف على بعد خطوات منها .... اول ما شافته افتكرت اللى حصلها واللى اتعرضتله وحست ان ممكن يفهمها غلط فاستخبت فى حضن صاحبتها ياسمين وفضلت تعيط
ياسمين: فى ايه بس ؟؟
تلا بعياط: تعباااانه عايزه اروح
ياسمين: طب نروح المستشفى طيب
تلا عيطت اكتر واكتر: لأ عايزه اروح
عاصى: تمام يا بنات سندوها وتعالوا معايا اوصلها بعربيتى
تلا بصوت مخنوق: عايزه اروح لوحدى
عاصى: مينفعش انتى مش شايفه حالتك
تلا فكرت بسرعه ازاى تهرب منه علشان ميوصلهاش : ياسمين افتحى الشنطه وخدى الموبايل واتصلى باسلام قوليله يجى ياخدنى
عاصى خرج فعرفت تاخد نفسها شويه بس رجع بعد شويه ومعاه كيس مليان عصاير واكل
عاصي: اتفضلى شكلك مفطرتيش وعلشان كده وقعتى
تلا بعياط: مش عايزه اكل حاجه
عاصى بزهق : بطلى عياط وكلى حاجه علشان تقدرى تقفى على رجليكى
عاصى زهق عليها علشان كان عارف انها هتعيط وهو كان قاصد كده لان زمايلها بدأوا يتكلموا عن سبب عياطها فحب يديهم سبب مقنع بزهقه عليها
تلا فتحت فى العياط اكتر بيكلمها ازاى اكيد فهم حاجه غلط عنها
جت ياسمين بعد شويه : قولتله وقالى انه قريب من الجامعه وجاى
رفضت تلا ان هى تشرب اى حاجه او تأكل ... جه اسلام جرى واتصل على تلا فياسمين ردت
اسلام : ياسمين الامن مش راضى يدخلنى وانا قربت ازهق
ياسمين : دكتور عاصى بيقول ان الأمن مش راضى يدخله
عاصى : تمام انا هتصرف
خرج عاصى بره الكليه لقى شاب واقف قدامه عربيته وباين عليه الزهق
عاصى: انت اسلام ؟؟
اسلام: ايوه
عاصى: تعالى وانا هدخلك
دخل عاصى وجه يدخل اسلام فالامن جم يمنعوه
عاصى : ده تبعى
واحد من الادمن : اسفين يا دكتور
عاصى: تعالى ورايا
اسلم مشى وراه : تلا كويسه
عاصى فى نفسه : الله هى اسمها تلا
عاصى: هى كويسه بس تقريبا مفطرتش فعلشان كده ضغطها واطى
وسؤال بيلح عليه من اول اما قالت لصاحبتها اتصلى باسلام ... اسلام ده يقربلها ايه ... خطيبها جوزها ولا ابن عمها ولا اخوها ولا ايه نظامه
عاصى : هو حضرتك تقربلها ايه ؟؟
اسلام استغرب من سؤاله: افندم ؟؟
عاصى : انا مدخلك على مسئوليتي فلازما اعرف تقربلها ايه
اسلام: انا اخوها
كميه فرح رهيه وسعاده حس بيها لدرجه انه ابتسم
عاصى فى نفسه : لا اهدى كده وامسك نفسك يخربيتك اخوها يقول ايه فرحان فيها علشان وقعت
عاصى : تمام
دخل اسلام وسندها وخرج بيها ....و عاصى لما لقى المدرج فى حاله هرج
راح ومسك المايك
عاصى: يلا يا جماعه علشان نكمل المحاضره
عاصى كمل محاضرته بس دماغه مع اللى اغمى عليها دى
**************************
رجعت تلا البيت وقعدت فى اوضتها تفكر فى المصيبه اللى حطت على دماغها دى .... اللى انقذها لا وكمان طلع خايب الرجا اخوه هيبقى الدكتور بتاعها ؟؟؟؟ ازاى تعرف تحضرله وعنيها تيجى فى عنيه بعد الموقف اللى حصل ... لأ لأ هى مش هتروح الكليه تانى ... بس مش هتروح ازاى وهى عايزه تنجح .... خلاص مش هتحضرله محاضراته هو ... طيب مش هتحضر ازاى ومادته مهمه .................. رسيت فى الاخر انها محتاجه وقت اعصابها تتسريح شويه علشان تبقى مهيئه ان هى تشوفه كل يوم..... موبايلها رن ... لاقتها ياسمين
ياسمين : ايوه يا بنتى عامله ايه دلوقتى ؟؟
تلا : كويسه الحمد لله
ياسمين: اومال ايه اللى حصلك خلاكى تقعى كده
تلا : مجرد اجهاد بس كنت منمتش وكمان مفطرتش
ياسمين بخبث : اومال نزلتى تحت البينج ليه
تلا بارتباك : كنت حاسه انى دايخه فمحبتش اقع قدام حد
ياسمين : يمكن ... المهم انتى دلوقتى كويسه
تلا: اه الحمد لله
وتانى يوم
عاصى بص فى المدرج مقلهاش فقعد مش على بعضه لغايه ما المحاضره خلصت... شاور لياسمين صاحبه تلا تجيله ..... مسك القلم وخبط بيه علي المكتب بتوتر
عاصي : صاحبتك. اللي وقعت دي كويسه ؟!
ياسمين : تلا اه كويسه ؟!
عاصي : هي مريضه ولا حاجه ؟
ياسمين : لا هي قله نوم مع قله اكل فحصلها هبوط
جت صاحبه ياسمين : يلا يا ياسمين علشان ننزل الاتحاد نحجز في الرحله.
ياسمين : عن اذنك يا دكتور
عاصي : اتفضلي
نزلت ياسمين اتحاد الطلبه علشان تحجز للرحله واتصلت بتلا
ياسمين : ازيك يا تلا
تلا : الحمد لله
ياسمين : مش هتصدقي ايه اللي حصل النهارده
تلا : لأ قولي انا اتعودت مصدقش ؟!
ياسمين: دكتور عاصي سأل عليكي
تلا بصدمه : ايه ليه ازاي فين وقتيه ؟!
ياسمين : ايه يا بنتي ده كله حيلك حيلك
ياسمين زعقت لصاحبتها : اكتبي اسمي اكتبي اسمااااي
تلا : ايه الدوشه دي يا ياسمين
ياسمين : دي رحله لشرم الشيخ لمده يومين
تلا فكرت بسرعه طب ما تروح الرحله علشان متقابلوش لمده يومين اهو عرض مش هيتكرر اهو
تلا :احجزيلي
ياسمين : تلا يا حبيبتي انتي في كامل قواكي العقليه
تلا : اه احجزيلي ..... هتطلع امتي
ياسمين :بعد بكره
تلا :طب هنبات فين اليومين دول
ياسمين : هحيجزولنا اوتيل يا بنتي
تلا : تمام
بعد اما قفلت مع ياسمين اتصدمت بانها ازاي هتقنع جدها... فورا راحت علي منقذتها بروج... خبطت علي الباب. ودخلت لاقت بروج عامله تلف في الاوضه ومتنرفزه
حطت تلا ايديها علي كتف بروج وده خلاها تصوت
بروج بألم : كتفي يا متخلفه مش شايفه
تلا : معلش نسيت والله ... بس انتي مالك
بروج : جدك هيوافق علي عرضهم
تلا : عرض مين بالظبط ؟!
بروج : ولاد فارس
تلا وقعت علي السرير : انا المقصوده!!
بروج : لا ارتاحي يا حبيبتي مش انتي انا
تلا : لمين ؟!
بروج : بعجر
تلا : ايه
بروج : حيدر اسمه حيدر
تلا : وانتي زعلانه ليه ؟!
بروج : يمكن علشان معرفوش مثلا او يمكن علشان هروج لعيله اعدائنا.... المهم قوليلي ايه اللي جابك وانتي كنتي تعبانه وبتموتي امبارح
تلا بسرعه : بوجي انا عايزه اطلع رحله لمده يومين لشرم الشيخ وانا حجزت وخلاص
بروج مسكتها من كتفها ولفتها وفتحت الباب وراحت زقاها : يلا مهي مش ناقصه عبط علي الصبح وقفلت الباب في وشها
وقفت تلا تفكر هتلجأ لمين فافتكرت بوسي وقت ما كانت عايزه تعرف قصه عدي وقالتلها يبقي ليكي خدمه عندي... فراحتلها
بعد شويه
بوسي : وانتي ان شاء الله عيزاني اقول لجدي كمان واخليه يوافق
تلا : انتي دلوعه جدك يا بوسي مبيرفضلكيش طلب
بوسي : ويا حلولي كده ايه اللي هيجبرني اني اروح اتهزق قصدي اروح اقوله
تلا : فاكره قصه عدي لما قولتيلي يبقي ليكي خدمه اهي دي خدمتي بقي
بوسي. بغيظ : حسبي الله فيكي يا شيخه انتي واخوكي الرخم الغتت
**************************
بوسي نزلت علشان تقنع جدها... لاقته بيتكلم مع إسلام
اسلا بصوت عالي : يعني ايه بروج تتجوز حيدر ده انا اطربق البيت ده على اللي فيه ده علي جثتي وربنا ارتكبلكوا جنايه
فوزي : متعليش صوتك عليا يا كلب
اسلام : انا بقولك اهو يا جدي لو بروج اتجوزت من حيدر انا هولع في البيت باللي فيه
فوزي مسك قلبه : قلبي قلبي
اسلام بخوف : جدي
دخلت بوسي جري وبصت لاسلام بغيظ : ارتحت كده
اسلام : انا مقصدش
فوزي بتعب : بص يلا اللي هقوله هتنفذه ورجلك فوق رقبتك
اسلام : بس
فوزي : اااه يا قلبي
بوسي : ممتعبش نفسك يا جدي
فوزي بعد اما فاق شويه : كنتي جيالي ليه يا سوسه
بوسي : تلا عايزه تطلع رحله لشرم الشيخ لمده يومين
فوزي : ااااه قلبي قلبي
بس بعد اما فكر شويه :انا موافق
وراح شاور علي اسلام : بس تأخد الواد ده معاها
بوسي : تأخده معاها فين يا جدي هو شنطه... دي رحله تبع الكليه
اسلام : ومين قالك اني عايز اروح اصلا
فوزي : هتروح يعني هتروح.... اختك هتروح مع اصحابها وانت هتلحقهم علي كفر الشيخ
بوسي : كفر الشيخ!!!!.... لووووووووووووولي
**************************
هي نفسها متعرفش هتتصل عليه ليه دلوقتي بس هي عايزه تعرف رد فعله هيبقي ايه وخصوصا انها بتحس انه مهتم بيها.
بروج: الووو
جسور : ايه ده فيه حاجه غلط بروج اللي بتكلمني انا مش مصدق نفسي.. ده اكيد سبب مهم اللي يخليها تتصل بيا.
بروج : هو اكيد سبب مهم مادام متعلق بجوازي
جسور كان في اوضه مكتبه حاطط رجليه علي المكتب فأول ما قالت كده نزل رجله واتعدل : جوازك
بروج: اه فعلشان كده كنت عايزه اخد رأيك في حيدر اه مهو جواز مش لعبه
جسور : لهو هو انتي معرفتيش مش مبقاش في حيدر خلاص بح... فيه جسور دلوقتي واظن انه هينفع اكتر من حيدر
بروج : تقصد ايه ؟!
جسور : اقصد ان لو حد اتجوزك من عيلتي هيبقي انا ولو حد اتجوزك بره عيلتي هيبقي انا برضه
بروج من كسفتها قفلت الموبايل في وشه بس جواها احساس غريب... فرحه اول مره تحسها .... انما جسور رمي الموبايل علي المكتب وحط ايديه ورا دماغه وفضل يصفر
**************************
حسناء اتصلت باياد لاقته ويتنج فضلت ترن عليه اكتر من ساعتين
لحد ما رد
حسناء : كنت بتكلم مين
اياد : ما اكلم اللي اكلمه انتي دخلك ايه ؟! وعلشان ترتاحي كنت بكلم بنت وبكلم بنات وبخونك ولو بعد الجواز هخونك برضه فلو لسه عندك نقطه دم فشكلي الخطوبه
.وقفل في وشها... فضلت حسناء تعيط بس مره واحده مسحت دموعها وقالت بقوه : انت قليل الادب ومشوفتش تربيه يا اياد بس تربيتك هتبقي علي ايدي. والله
**************************
عدي اليومين هوا وهي اهيه قاعده في الاتوبيس ومرتاحه لانها مش هتشوف عاصي لمده يومين
واحد من الطلبه :ما يلا ياسطااا احنا كلنا هنا اهو حتي اللي في الاتحاد
السواق : يابني لسه فاضل الدكتور المشرف... اهو جه اهو
تلا بتبص للي داخل الاتوبيس اتصدمت وبصت لياسمين : انا مليت اقسم بالله... اناااااااا زهقت
