روايه القلب وما يريد
(ارض الانتقام)
الحلقه ال 15
ياسمين : ايه يا بنتي في ايه صرعتيني
تلا بغيظ : فيه ان انا نحس نحس والله
كانت تلا قاعده علي الكرسي اللي علي الطرف فعاصي راح قعد في الكرسي اللي قصادها بالظبط
تلا من زهقها ومن قلقها قامت قارصه ياسمين
ياسمين : اي اي في ايه يا بنتي
تلا : قومي اقعدي هنا وانا هعقد جنب الشباك
ياسمين : يا بنتي الاتوبيس اتحرك مش هنعرف نقوم
تلا : لا هنعرف قومي
ياسمين بزهق : يادي النيله
ياسمين قامت وتلا نفذت اللي في دماغها وقعدت جنب الشباك... تلا بتبص ناحيته لاقته بيضحك... حست ان هو بيضحك عليها ومعرفتش سبب للاحساس ده راحت واخده الشابوه اللي علي رأس ياسمين وحطاها علي وشها ونامت... بص عاصي ناحيتها لاقاها عامله في نفسها كده
عاصي بصوت واطي : ما تشنقي نفسك احسن
ياسمين : بتقولي حاجه يا دكتور
عاصي : لا متكلمتش اصلا
طلعت في دماغ ولاد من الرحله ان هما يريحوا شويه في نص الطريق واهو منه اللي عايز يعمل حاجه يعملها.... كل اللي في الاتوبيس نزله ماعدا تلا
ياسمين : يا بنتي ما تنزلي معانا هتفضلي قاعده لوحدك
تلا بصت من الشباك لاقت عاصي
تلا : لا مش هنزل هخليني هنا
ياسمين : طب هتعوزي حاجه اجبهالك
تلا : هاتي كولا و شيبسي
ياسمين : اوك.
(ارض الانتقام)
الحلقه ال 15
ياسمين : ايه يا بنتي في ايه صرعتيني
تلا بغيظ : فيه ان انا نحس نحس والله
كانت تلا قاعده علي الكرسي اللي علي الطرف فعاصي راح قعد في الكرسي اللي قصادها بالظبط
تلا من زهقها ومن قلقها قامت قارصه ياسمين
ياسمين : اي اي في ايه يا بنتي
تلا : قومي اقعدي هنا وانا هعقد جنب الشباك
ياسمين : يا بنتي الاتوبيس اتحرك مش هنعرف نقوم
تلا : لا هنعرف قومي
ياسمين بزهق : يادي النيله
ياسمين قامت وتلا نفذت اللي في دماغها وقعدت جنب الشباك... تلا بتبص ناحيته لاقته بيضحك... حست ان هو بيضحك عليها ومعرفتش سبب للاحساس ده راحت واخده الشابوه اللي علي رأس ياسمين وحطاها علي وشها ونامت... بص عاصي ناحيتها لاقاها عامله في نفسها كده
عاصي بصوت واطي : ما تشنقي نفسك احسن
ياسمين : بتقولي حاجه يا دكتور
عاصي : لا متكلمتش اصلا
طلعت في دماغ ولاد من الرحله ان هما يريحوا شويه في نص الطريق واهو منه اللي عايز يعمل حاجه يعملها.... كل اللي في الاتوبيس نزله ماعدا تلا
ياسمين : يا بنتي ما تنزلي معانا هتفضلي قاعده لوحدك
تلا بصت من الشباك لاقت عاصي
تلا : لا مش هنزل هخليني هنا
ياسمين : طب هتعوزي حاجه اجبهالك
تلا : هاتي كولا و شيبسي
ياسمين : اوك.
وتلا قاعده لاقت ولد وجه قعد مكان عاصي وعمال يصور نفسه فبصت قدامها ومبصتش ناحيته تاني.... عاصي كان واقف يشتري حاجات بعد اما جبها بص لقي الولد ده عامل الكاميرا بخباثه ناحيه تلا وبيصورها فيديو وهي مش واخده بقالها.... والولد بيصور ومش واخد باله ان عاصي واقف قدامه راح عاصي اخد الموبايل منه بسرعه
الولد بتوتر : ايه يا دكتور انا كنت بتصور سيلفي
عاصي فضل يقلب في الموبايل بيدور علي الفيديو بتاع تلا : عارف يا قلب الدكتور
لاقاه ومسحه
عاصي : وسعلي كدا ادخل اقعد في الكرسي اللي جوه
الولد : طب وموبايلي يا دكتور
عاصي : لا موبايلك اكتشفت ان كاميرته حلوه فلازما اخد سيلفي بيها... عاصي قعد علي الكرسي اللي ناحية الشباك وكل ده وتلا متبعاهم ومش عارفه فيه ايه... عاصي خرج ايده من الشباك وعمل نفسه بيأخد سيلفي بس بص نظره شريره وراح موقع الموبايل علي الارض
الولد بخضه : موبايلي
وراج جري علشان يجيبه
عاصي ببراءه :معلش يا قلب الدوك وقع مني غصب عني
عاصي : ابقي خلي بالك بعد كده لان الواد ده كان بيصورلك فيديو...
تلا بصتبه بصدمه بس لاقته باصص قدامه مش باصصلها لدرجه انها شكت انه بيكلم حد تاني وفضلت تبص حواليها علشان تتأكد .... ياسمين صاحبتها جت وعاصي طلع موبايله وعمل انه مشغول علشان ياسمين متحسش انه كان بيكلمها
ياسمين بعد اما قعدت واستريحت
ياسمين ضربت دماغها : اوه نسيت اجيبلك الكانز الكولا والشيبسي اللي انتي عيزاهم.. انا هقوم اجبهملك
تلا مسكتها من دراعها وقعدتها تاني : اقعدي... كله طلع والاتوبيس هيتحرك
عاصي بصوت عالي : لو سمحت ياسطا ثواني بس نسيت اجيب حاجه
نزل عاصي بس اتأخر وبعدها بشويه جه بكيسين مليانيين كانزات وشيبسي
عاصي : هديه بسيطه يا جماعه مني ليكوا بمناسبه الرحله
بدأوا كل اللي في الاتوبيس يشكروه وهو بيوزع علي كل واحد او واحده كانز وكيس شيبسي.... عاصي عدي الولد اللي كان بيصور تلا
الولد : يا دوكتور انا ماخدتش
عاصي بصله بغيظ : انت ليك سم تأخده
الواد انكسف وقعد مكانه تاني
عاصي راح وادي ياسمين ليها ولتلا
ياسمين : خدي
تلا بصت من الشباك : مش عايزه
ياسمين : مش ده اللي كنت عيزاه
تلا بصتلها بغيظ : مش جعانه
تلا لقت رساله جاتلها علي الموبايل واتصدمت انه رقم بلال اللي باعتلها الرساله فتحتها لقت كلمتين بس : انا اسف
ابتسمت بقرف وزعقت لياسمين : خدي القرف ده من حجري خديه
عاصي سمع وبصلها بطرف عنيه بعصبيه
عاصي : الله اما طولك يا روح
**************************
كان نايم حلم ان داليدا وحسناء فيه اتنين بيتهجموا عليهم بس هو حاول يدافع عنهم لقي ايده متكتفه مش عارف يروحلهم لانه مربوط في الكرسي فضل يصرخ ويشتم علشان التانيين يبعدوا وبرضه مفيش فايده وقتها فضل يقول : يارب يارب
نفس الكلمه اللي تلا قالتها في نفس الموقف.... قام من النوم مفزوع مخنوق..... كان ايه هيبقي حاله لو كانت واحده من اخواته مكان تلا كان هيبقي جبان برضه ولا كان هيبقي زي ما كان في الحلم هيتجنن عليهم... لقي نفسه بيمسك موبايله حاول يلاقي اي كلام غير انا اسف ملاقاش... اتردد كتير انه يبعت الرساله بس في الاخر بعتها
**************************
دخلت بروج مكتب جدها.
بروج : ايوه يا جدي جالي خبر ان انت عايزني
فوزي : اقعدي
قعدت بروج وفضلت تبص لجدها باستغراب لانه كان مش علي بعضه
فوزي : انتي طبعا عارفه اني وافقت علي الصلح علشان خاطر فجر لو مكناش وافقنا كان هيتقتل يا بنتي
بروج وعنيها اتملت بالدموع : وانا افدي فجر بروحي يا جدي ده ابوه نقذني وليه دين في رقبتي مهما اعمل مش هقدر اوفيه حقه
فوزي : بس الخبر اللي جالي اني مش حيدر هو العريس.... العريس هو جسور
بروج رغم فرحتها بس حبت تعيش الدور فقامت من مكانها
بروج بزهق : هو احنا ايه لعبه في اديهم كل يوم في واحد ولا ايه
فوزي : قولي انتي بس لا .... والله الغي الصلح ونفتحها حرب وزي ما تيجي تيجي. .... انا مش هتحمل انك تتجوزي غصب عنك تاني
بروج اتصدمت من رد فعل جدها وقالت ما بينها وبين نفسها : لا يا جدي متبوظش الجوازه ابوس ايدك
بروج : لا يا جدي انت اديت كلمه
فوزي : وهما اللي رجعه في كلمتهم وغيروا العريس يبقي هما االي بدأوا وملهمش كلام عندينا
بروج من جواها فضلت تصوت : الجوااااازه باظت ... الجوازه باظت
بروج : لأ يا جدي علشان خاطر فجر مش عايزه اعيش وانا خايفه عليه
فوزي : يبقي علي بركه الله كتب الكتاب بعد بكره قبل ما يجي اسلام لانه ناوي يعمل مشاكل والفرح بعده باسبوع
بروج : بسرعه كدا
فوزي : كل
تبدري كل ما تقصري شرهم وتحدي سمهم
**************************
كانت قاعده علي الرمله لوحدها تبص للبحر
جه اسلام قعد جنبها وقال بتعب : تلا انا هدخل انام علشان فضلت سايق طول اليوم ومستريحتش وانتي كمان بعد شويه قومي علشان الوقت هيتأخر ..... اه وانا في الاوضه اللي جنبك لو عوزتي اي حاجه... سلام
تلا : سلام يا زوما
مشي اسلام وجت ياسمين
ياسمين : قومي يا بنتي اقعدي معانا بدل ما انتي قاعده لوحدك كده
بصت تلا لاقت عاصي قاعد معاهم وعمالين يضحكوا
تلا : لا انا عايزه اقعد لوحدي
ياسمين : يخربيت فقرك وكآبتك يا شيخه
الواد اللي كان بيصور تلا في الاتوبيس لاقاها قاعده لوحدها فحب يقوم يغلس عليها ... ومن حظه انه كان قاعد جنب عاصي ولما جه يقوم عاصي شده وقعده تاني ومال علي ودنه : متفكرش مجرد تفكير انك تضايقها لان المره دي مش فونك اللي هيتكسر لأ رقبتك وصدقني هكون مبسوط جدا وانا بكسرلهالك
**************************
رن اياد عليها فقفلت في وشه
حسناء : مش قولتلك هعلمك الادب
كانت خارجه لاقت اياد داخل من البوابه وعفاريت الدنيا بتتنطط حواليه
اياد بزهق : انتي تقفلي في وشي انا السكه
حسناء : متعليش صوتك
اياد اتفاجئ من نبرتها : نعم ياختي!!
حسناء : زي ما سمعت ما تعليش صوتك. وبطل الانعره الفاضيه اللي انت فيها دي.. انا لو كنت صابره عليك فعلشان اهلك صعبانين عليا لان لما افشكل الخطوبه صفقه الشغل اللي ما بين ابويا وابوك هتتلغي وانت هتخسروا وهتبقوا علي الحديده.... انا استحملتك كتير وده عكس طاقتي وانت متعرفنيش....انا اطفش بلد.. يعني لو وصلت كلمه من اللي انت قولتهالي لاهلي هتلاقي رقبتك متعلقه علي بابنا
اياد مسك رقبته وبلع ريقه بصعوبه فكملت : فخليك شاطر كده وانا هلغي الخطوبه بس في الوقت اللي احبه ....
اياد فضل مصدوم ووقف مكانه مش عارف ينطق
جه جسور وقف معاهم هو كمان
جسور : امك لسه مصممه تروح المشوار
حسناء: اه وهتأخدني معاها انا ومرات ابويا
جسور : ربنا يستر
وراح جسور شادد اياد من قفاه : تعالي معايا يابو نسب نتكلم شويه
**************************
صحيت بروج علي صوت زعيق وخناق في البيت وخرجت شافت بوسي طالعه.
بوسي : انا كنت طالعه اصحيكي
بروج : ليه في ايه
بوسي : امك بتتخانق
بروج : يا ساتر يارب مع مين
بوسي : معرفش والله بس هي ست شلق
