روايه القلب وما يريد
( ارض الانتقام )
الحلقه ال 17
داليدا مبقتش عارفه تعمل ايه كل اللى عملته انها فضلت تعيط
فقام حاتم مره واحده وده خلاها تتخض وترجع بضهرها لورا
حاتم: ايه رأيك بقى فى المقلب ده
داليدا صرخت : انت زباااله زباله
حاتم: حبيبتى اهدى اهدى هقوم اعملك ليمون ... بس الاول قومى اقعدى على الكنبه
بعد شويه جه ومعاه ليمون
حاتم : خدى واهدى
داليدا زقته من ايده وكان هيندلق : مش عايزه منك حاجه
حاتم: خدى علشان اعصابك تهدى
داليدا خدت الليمون منه وشربته
بدأت تحس انها دايخه
داليدا : انا دايخه يا حاتم
حاتم: عارف يا حبيبه قلبى ... وانا اللى عايز كده
داليدا حست بالدوخه اكتر واكن الدنيا بتلف وتدور بيها
داليدا: تقصد ايه
حاتم : ثوانى هقفل باب الشقه
داليدا وقعت على الكنبه اللى كانت موجود فى المكتب وحاست انها بتغيب عن الوعى شويه شويه
بدأ حاتم يقرب منها وهي تصرخ بصوت مكتوم : ابعد عنى
حاتم: ابعد عنك ايه انتى اخدتى معايا وقت كتير لهو انتى فكرانى انى بتاع جواز ولا ايه
داليدا بمقاومه ضعيفه لان تأثير المخدر اللي في العصير اشتغل : سيبني
حاتم : غبيه انتي فكراني هتجوز واحده زيك لا ليها اصل ولا فصل
رغم المخدر اللي ان مقاومتها بدأت تزيد لما حست بالخطر الحقيقي بس بعد شويه اغمي عليها تحت تأثير المخدر... قامت بالليل لاقت هدومها متقطعه حاولت تفتكر اي حاجه مفتكرتش غير محاولتها البائسه انها تمنعه وبعد كده مفتكرتش حاجه... نزلت تجري من العماره شافها البواب
داليدا بعياط : لو سمحت يا عمي ... الباشمهندس حاتم اللي كان هنا متعرفش راح فين
البواب فضل يبص لشكلها بقلق : بشمهندز مين يا بنتي... ده واحد والله منا فاكر اسمه ايه جه اجر الشقه باسم واحده اسمها هاجر والنهارده دفع الايجار كله ومشي
داليدا لطمت علي وشها : يا نهار اسود
البواب : عملك حاجه يا بنتي
داليدا فضلت تعيط
البواب بحزن : ربنا يستر عليكي يا بنتي... يا اسماء اسماء
داليدا : نعم يابا
البواب : خدي اختك ولبسيها هدمه من عندك
اسماء بصت لداليدا بقلق : حاضر يابا
داليدا بعد اما غيرت هدمها وروحت السكن. فضلت تعيط علي حالها وتحاول تتصل بيه.... مفيش اي رد
اتخضت فجأه والتليفون وقع من ايديها لما لاقت اسم جسور علي شاشه موباياها
داليدا بتوتر : الو.
جسور :مال صوتك تعبانه ؟!
داليدا برعب : اه عندي برد
جسور : طب تيجي بقي علشان تحضري الفرح
داليدا حبت تتهرب : انا انا عندي امتحانات
جسور : طب انشا الله تيجي حتي يوم الفرح ويوم الصباحيه ابقي امشي وملكيش حجه الفرح يوم الجمعه
داليدا : حاضر
قفلت الموبايل وواصلت عياطها حتي ان زميلتها اللي معاها في السكن سألتها مالها فداليدا ردت عليها وقالتلها انها اتسرق كل فلوسها فعلشان كده بتعيط
***********************************************
فضلت في اوضتها تفتكر لحظه الوداع ما بينها وما بين عاصي وانهم فضلوا يبصوا لبعض كتير . . جه وقف قدامها
عاصي : خلي بالك من نفسك
تلا تنحت : ها
عاصي : ايه بقولك خلي بالك من نفسك
اول كلمه جت في بالها قالتها : ليه ؟!
عاصي : هو ايه اللي ليه... علشان ببساطه انا مش هبقي معاكي ومش هعرف انقذك زي كل مره
زاد توتر تلا لما لقت اسلام جاي ووقف
اسلام وهو بيبصلهم : في حاجه ؟!
عاصي : لا يا زوما انا بقولها خلي بالك من نفسك
اسلام: افندم.
عاصي :اسلام انت عارف طبعا انها لغايه ما تروح هي مسئوليتي وكان المفروض تروح بالاتوبيس. ... بس انا علشان واثق فيك خليتها تروح معاك
اسلام : يا عم دي مروحه مع اخوها مش حد خاطفها
بالرغم ان هي قررت انها ترمي الماضي ورا ضهرها بس بمجرد كلمه الخطف قلبت عليها كل حاجه وبدل ما كانت مبتسمه كشرت وعاصي لاحظ ده
عاصي حب يقلبها هزار
عاصي : وانا كنت هسمحلك يعني... ده انا بروح الجيم... وكنت هضربك
اسلام ضحك وضربه علي ضهره فعاصي غمض عنيه علشان الجرح حتي تلا اتخضت لانها عارفه انه كان مضروب في ضهره... بس عاصي فتح عنيه وطمنها... احساس حلو اول مره تحسه .. شعور بالدفا والسعاده.. حتي لما عرفت ان بروح هتتجوز من عيلتهم مزعلتش لان بلال من نفس العيله ...... بالعكس فرحت لان عاصي فيهم
**********************************************
عدت الايام وداليدا بتدور علي حاتم في كل حته مش لاقياه
يوم حنه بروج
جسور راح علشان يأخدها تختار فستان الفرح
رقيه : اهلا اهلا بجوز بنتي
جسور : ازيك يا مرات عمي
رقيه : بخير يا حبيبي طول ما انت بخير
جسور : كنت عايز اشوف بروج بس علشان فستان الفرح
رقيه : تعالي معايا يا حبيبي
حسنيه :موادياه فين انتي عارفه ان المبني التاني من القصر ده بتاع البنات وبيقوا فيه علي راحتهم
كانت بتتكلم بشويش
ردت عليها رقيه بصوت واطي : البنات كلهم نايمين في اوضهم دلوقتي هننده لبروج تنزل وخلاص حسنيه : طيب يأختي
دخل جسور وراهم
رقيه : اقعد هنا يا حبيبي
رقيه بصوت عالي : يا برووج يا بروووج تعالي جسور هنا.... يا بروج
حسنيه : ربنا يكرمك كده صحيتي البنات اللي نايمين.
بروج كانت حاطه سماعات من اللي هي كبيره دي علي ودنها حست ان حد بيندهلها فردت
بروج : حاضر جايه
رقيه : اهي نازله اهي ياخويا ... هنمشي احنا بقي علشان نسيبكوا علي راحتكوا
جسور فضل قاعد بس حاس ان فيه دبدبه وراه بيبص وراه لقي بروج لابسه بنطلون جينز وعليه قميص وفوقيهم بلوفر خفيف عامله بالظبط زي سيدات الاعمال بس الفرق ما بينها وبينهم ان شعرها سايب.... شعرها كان اسود غامق عامل زي الليل وقصير بس مش اوي هو بيعدي كتفها بشويه دلوقتي هي كأنها بنت فرنسيه ..... كانت نازله مغمضه عنيها وعماله ترقص ومندمجه مع الاغنيه اوي وصوتها عالي... جسور فتح بوقه بصدمه وفضل يبصلها لحد ما فتحت عنيها وبصتله بصدمه.. شالت السماعه بسرعه
بروج بتوتر : انا انا كنت. وفي حد ندهلي.. فكنت انا.
والتفتت بسرعه عايزه تجري من قدامه بس صوته وقفها
جسور بصوت عالي : اقفي
كانت هتعيط وهي بتتلفت تشوفه
شاور بدقنه علي اللي هي لابساه : ايه ده.
بروج بصت للبسها : ده بنطلون جينز و..
جسور بشر : انا عارف ده ايه... انتي ازاي تنزلي كده
بروج مفهمتش قصده : عادي
جسور كان في ثانيه واحده قدامها ومسك دراعها : عادي ازاي وفي معاكي واحد في البيت
بروج : اه قصدك يعني علي زوما
جسور: زوما مين يأختي
بروج : اسلام ابن عمي
جسور : لا والله وكمان بتدلعيه
بروج : اه عادي بس اسلام مش هنا في الشغل
جسور : ولو حصل مشكله ورجع شافك بالمنظر ده
وضغط علي دراعها اوي
بروج بوجع : مفيش حد يقدر يدخل هنا حتي عدي اخويا علشان تلا... اللي انا مش عرفاه بقي انت ازاي دخلت هنا اااااه
جسور : امك اللي دخلتني
فجأه سمعوا صوت حد بره بيتنحنح
جسور : ده اللي ميتجرأش يدخل
- احم احم في حد جوه
بصت بروج لجسور بفرحه ده عدي اخويا
بروج : ادخل يا عدي البنات نايمه
عدي دخل ورمي شنطته وفتح ايده لبروج فبروج رمت نفسها في حضنه
عدي : قلبي يا قلبي وحشتيني
بروج عيطت وبصت لشنتطته اللي رماها من شويه : يخربيت شنطتك يا شيخ اللي رايح جاي بيها وقرفنا معاك
عدي ضربها علي رأسها : لمضه
عدي بص لجسور بحذر :مين ده
بروج : ده جسور
عدي بتريقه : كده عرفته يعني
بروج بكسوف : جوزي
عدي مد ايده : ازيك
جسور سلم عليه : الله يسلمك
عدي : خلي بالك منها
جسور : دي في عنيا ... يلا يا بروج ادخلي البسي علشان نروح نشتري الفستان
بروج : وهنشتري ليه واحنا اصلا مش هنعمل فرح
عدي : يا ست الكآبه افرحي والبسي الفستان واتصوري حتي لو مكنش فيه فرح افرحي يا حزينه
المرادي بروج هي اللي ضربته علي راسه
بروج : بلاش فضايح
عدي بضحك : انا هروح اوضتي وحذري الشعنونه بوسي دي تيجي ناحيه اوضتي علشان اليومين اللي قعدت فيهم هنا كانت فوق دماغي
بروج بضحك : حاضر
عدي : طبعا البيت بيتك يا جسور.. يلا سلام عليكوا
بروج لبست ونزلت وهي وجسور خارجين قابلوا اسلام
اسلام :راحه علي فين كده
جسور ضمها له علشان يغيظه : خارجه مع جوزها عندك مانع
اسلام عمل نفسه مش سامعه
اسلام : راحه فين يا بروج
بروج :راحه اشتري الفستان واستأذنت من جدي اتصلت بيه
اسلام : تمام بس متتأخريش
بروج : حاضر
اسلام سابهم علشان يدخل فجسور ندهله... اسلام التفت
جسور : خليهم ميعملوش حسابها علي العشا علشان هتتأخر
اسلام خبط ايده في الحيطه ودخل فجسور ابتسم بانتصار
اختارت بروج فستان جميل اوي واتفسحت هي وجسور
************************************************
وفي الفرح
عاصي بص لاستغراب لتلا اللي ماسكه الفستان للعروسه
عاصي اتكلم بصوت واطي علشان محدش يسمعه : انتي تقربيلها
فتلا هزت رأسها بأه
عاصي : اختها ؟!
تلا بصتله وضحكت : بنت عمها
عاصي : صدفك كترت معايا
تلا : والله وصدفك انت كمان بس انا كنت الفرق ان عرفت انك اخو جسور
عاصي باستغراب : ازاي
تلا : من اسمك
اتسحبت داليدا وخرجت تتصل علي نمرته يمكن يرد وعلي عكس ما توقعت رد ..... قالت داليدا كل اللي حصل وحكت كل حاجه وهددت حاتم انه لازم يصلح غلطته فقفل في وشها .... بتلتفت علشان ترجع تاني الفرح... لاقته واقف مصدوم وسمع كل حاجه
********************************************
الحلقة الثامنة عشر من هنا
