روايه القلب وما يريد
( ارض الانتقام)
الحلقه ال 18
اتصدمت داليدا لما شافت عُدي
داليدا برعب : انا... انا...
عدي.وكأن صوره يمني خطيبته اتجسدت قدامه فقال بصوت مخنوق : مين اللي عمل فيكي كده ؟!
داليدا معرفتش تنطق كل حته من جسمها بترتعش
داليدا : اااااااا.... ا
عدي بصرخه : مين
داليدا بصت حواليها بخوف بس ملاقتش حد كان الكل جوه ..... داليدا فضلت تعيط وحطت ايديها علي وشها وبدأت في النحيب
داليدا بعياط : بالله عليك ما تقول لأهلي
عدي كان حاسس بنار في صدره وكل ما يتنفس بيحس انه بيتنفس صهد : اهلك مين انا معرفش انتي بنت مين اصلا... انا المره الوحيده اللي قابلتك فيها لما اتخانقتي معايا ومش فاكر اي تفاصيل عنك... فممكن تحكيلي ايه اللي حصل ومين ده اللي عمل كده وازاي !!!!
داليدا بصوت مخنوق : انا معرفكش.... معرفش حتي انت مين!!
عدي : انا اخو بروج
( ارض الانتقام)
الحلقه ال 18
اتصدمت داليدا لما شافت عُدي
داليدا برعب : انا... انا...
عدي.وكأن صوره يمني خطيبته اتجسدت قدامه فقال بصوت مخنوق : مين اللي عمل فيكي كده ؟!
داليدا معرفتش تنطق كل حته من جسمها بترتعش
داليدا : اااااااا.... ا
عدي بصرخه : مين
داليدا بصت حواليها بخوف بس ملاقتش حد كان الكل جوه ..... داليدا فضلت تعيط وحطت ايديها علي وشها وبدأت في النحيب
داليدا بعياط : بالله عليك ما تقول لأهلي
عدي كان حاسس بنار في صدره وكل ما يتنفس بيحس انه بيتنفس صهد : اهلك مين انا معرفش انتي بنت مين اصلا... انا المره الوحيده اللي قابلتك فيها لما اتخانقتي معايا ومش فاكر اي تفاصيل عنك... فممكن تحكيلي ايه اللي حصل ومين ده اللي عمل كده وازاي !!!!
داليدا بصوت مخنوق : انا معرفكش.... معرفش حتي انت مين!!
عدي : انا اخو بروج
داليدا فتحت في العياط من تاني واكتر من الاول... ده اللي كان ناقصها اخو مرات اخوها يعرف عنها حاجه زي ده
عدي حس بقلقها فحب يطمنها : متخافيش والله ما هقول لحد
داليدا بخوف : ولا حتي اختك
عدي : ولا لأي مخلوق اقسم بالله .... هاتي رقمك علشان اساعدك.. انا محامي وبشتغل في مكتب محامي كبير اوي متقلقيش والله ما هأذيكي.. انا عندي اخوات بنات
داليدا اديته رقمها وهي خايفه هي مبقتش خلاص تثق في حد بس هي مقدمهاش حل تاني هو عرف كل حاجه وخلاص
عدي : تمام رنيت عليكي.. ابقي ابعتيلي اسم الحيوان ماشي وهبقي اكلمك
داليدا : بس انا هروح السكن بكره .... وانت اصلا مش هتعرف عنه حاجه
عدي : والسكن ده فين
داليدا : في القاهره
عدي : حلو انا شغلي هناك
داليدا :يا..
عدي : عدي اسمي عدي
داليدا : هتساعدني ليه... انت مصلحتك ايه تساعديني
عدي : من غير ليه... اي واحد مكاني كان هيساعدك
بروج بغيظ : ليه خلتنا ندخل من الباب الوراني زي الحراميه وقعدتنا في اوضه
جسور :اسكتي
بروج بصدمه : نعممممم
جسور : عاصي
عاصي قرب عليه ومال علي ودنه : لسه مدونيش الاشاره قالوا هيرنوا عليا بعد ما يخلصوا
جسور : انت واثق منهم اصلا
عاصي : عيب عليك انا اخوك
جسور : هو انا قولتلك انك ابن اختي
رن موبايل عاصي
فعاصي غمز لجسور.... فجسور جه يأخد ايد بروح فشدت ايديها منه
جسور : وبعدين بقي
بروج : اوعي متمسكش ايدي
جسور : لا والله ده انا امسكها بمزاجي
وقام شاددها من ايدها ومقربها منه.
بروج تنحت وفضلت بصاله
جسور بصوت دافي : هتيجي معايا ؟!
بروج فضلت بصاله وهزت رأسها بأه
اخدها وخرجوا وراحوا علي الجنينه.... بروج اتصدمت لما لاقت الجنينه متزينه وتحفه ولا اجملها فرح واتفاجأت اكتر لما لاقت اصحابها موجودين لانها اصلا معزمتش حد .... بصت بروج لجسور وكانت هتعيط : انت اللي عملت كدا
جسور : اه
بروج فتحت ايديها فجسور فتح ايديه هو كمان بيحسب نفسه هتحضنه كهديه يعني علي اللي عمله بس هي عدته وراحت حضنت عدي
جسور : لا والله
التفتت بروج وهي بتضحك : اه والله
جسور اخد بروج من عدي.: عن اذنك دي عروستي انا
عدي بابتسامه :حقك يا عم
اخدها وراحوا قعدوا في الكوشه اللي في الجنينه
جسور مال عليها : هتدفعي تمن اللي عملتيه من شويه
مثلت بروج البراءه : فكرني كده هو انا عملت ايه
جسور : بقي كده
بروج : كده كده
جسور : طيب
بعد شويه قاموا يرقصوا الرقصه الرومانسية قام جسور شايلها وكأنها عصفوره وفضل يدور بيها
جسور : مش قولتلك هتدفعي التمن
بروج : نزلناااااي
جسور : ابدا لازما تتعلمي الادب.
بروج : اتعلمته اتعلمته والله.
جسور نزلها بس لاحظ انها دايخه
جسور انتي كويسه .. بروج بقت تبص للناس تشوفهم اتنين والدنيا عماله تلف بيها.... كانت هتقع فقام جسور لحقها .
جسور : وعملالي فيها الست اللي بميت راجل
بروج بتعب : ابقي تعالي اشيلك واقعد الف بيك مليون لفه في الثانيه وابقي وريني هتدوخ ولا لأ... ده الراجل اللي في المولد يا شيخ مبيلفش كده
جسور : اقتلتي الرومانسيه والله
واخدها ورجعوا قعدوا تاني
عاصي كان واقف جنب جسور وتلا واقفه جنب بروج.....
عاصي : بروج
بروج التفتت وبصتله : نعم
شاور عاصي علي بنت : البنت اللي واقفه هناك دي
ساعتها كل حواس تلا اشتغلت وبصت الناحيه اللي بيبص فيها عاصي بسرعه
بروج : ايوه دي مالها بقي
عاصي : تعبت مع الجروب اللي صمم ديكور الفرح اوي.. هي مين دي.
تلا بصتله بغيظ ... نار جواها كان نفسها تضربه يمكن نارها تهمد شويه او تفضل تصرخ فيه وتقوله انت مالك ومالها
بروج : دي اختي منه فلازما تتعبلي طبعا
تلا حبت تلفت نظر عاصي : وانا. مش انا وقفت معاكي وجيت الكوافير
بروج : اه يا حبيبتي تسلميلي
عاصي حس ان تلا بتبصله بغيظ معقوله تكون بتغير ،!!.. بس هتغير ليه يعني وبعدين هما لحقوا ... بس احساس سعاده جواه دفعه ان يستفزها اكتر
عاصي : لا بس باين عليها شاطره في تصميمات الديكور... هي بتدرس ايه
تلا كانت عايزه تمسك رأسه وتضربها في اي حاجه قدامها
بروج. : لا ده مجال دراستها ملوش علاقه بمجال الديكور خالص.. . هي كليه تربيه
عند الحد ده قررت تلا تروح تمشي منه تبعدها باي طريقه عن عين عاصي
راحت ناحيه عاصي : وسع كدن عايزه انزل
عاصي : لا اله الا الله ما تنزلي من الناحيه التانيه
تلا ضغطت علي سنانها لدرجه انه حس انها هتكسرهم.... راحت تلف من جنب بروج وعايزه تطلع غلها في اي حد وخلاص فصرخت : وسعي يا بروج
بروج باستغراب : اوسع ايه هشيل الكرسي يعني
تلا نزلت وراحت علي منه جري.
تلا : منه تعالي عيزاكي
منه : ايه في ايه يا تلا
تلا : تعالي بس هقولك
واخدتها ومشيت تابع عاصي اللي حصل وضحك : مجنونه
كان في سلم خارجي بيوصل لمكان منفرد كده جميله فأخدتها هناك
منه : جيباني هنا ليه
تلا : بصي المنظر من هنا حلو وبعدين عرفاكي مبتحبيش الاغاني فقولت اريحك من سماعها شويه
منه :علي رأيك يا شيخه ان مش مبحبهاش انا مبطيقهاش والله
تلا : طب خليكي هنا وانا هاجي بعد شويه
منه : راحه فين
تلا :راحه اجيب حاجه نشربها.
نزلت تلا جري لاقت ايد شدتها وبعدت... بصت تلا للي شدها ولاقته بلال وكانت لسه هتصرخ راح حاطط ايده علي بوقها
بلال : انا اسف... تلا ارجعيلي انا اتغيرت والله
وشال ايده من علي بوقها علشان يعرف ردها
تلا : الجبان عمره ما بيتغير
بلال : لا انا اتغيرت وعرفت غلطي بس ارجعيلي
تلا بقرف : انا ندمت اني كلمتك من ورا اهلي لاني اهلي ميستحقوش اني اعمل حاجه من وراهم وندمت ان غضبت ربنا علشان بكلم واحد غريب عني ومليش اي صله بيه وندمت علي اللي عملته في نفسي وكرهت نفسي لاني حبيتك في يوم من الايام .... انت نزلت من نظري يا بلال واللي بينزل من نظري مبيعلاش تاني .. . شوف نفسك وشوف حياتك بس بعيد عني
جت تسيبه وتمشي وقفها صوته لما قالها : بس انا لسه بحبك
التفتت تلا ليها بسخريه : انت عمرك ما حبتني
وسابته ومشيت
واقف يعاكس في اللي راحه واللي جايه فراحتله
حسناء : مش ناوي تتهد بقي
اياد : الله وانا عملت ايه
حسناء: بطل قرف واقف تبصلي علي اللي راحه واللي جايه
اياد ببرود : بتغيري
حسناء : مبقاش الا واحد زيك اللي اغير عليه كل الحكايه اني شايفه جسور مش عاجبه حالك وملاحظ وممكن يتهور ويقوم يضربك عيارين
اياد : خايفه عليا
حسناء ببرود : لا خايفه علي جسور ليدخل السجن في حاجه متسواش
وسابته ومشيت
*********************************************
وقف يتابع الفرح بحسره.... جده اجبره ان يحضر الفرح
كانت بوسي واقفه قريب منه فجت واحده شدتها علشان ترقص وبوسي راحت معاها ولسه هترقص ..... راح اسلام شاددها من دراعها ورجعها مكانها تاني
بوسي : ايه اللي عملته ده انا كنت هرقص بس
اسلام : والمفروض يعني اني اطبلك ولا اكون قرني اخلي اللي رايح واللي جاي يبص علي حضرتك وانتي بتترقصي علشان اعجبك
بوسي : وانت مالك أصلا
اسلام : بت متستفزنيش خلي الليله دي تعدي علي خير
**********************************************
بعد اما الفرح خلص
بصت بروج لأوضه جسور : اوضتك مش بطاله
جسور : زيدي رصيدك معايا زيدي
فجأه النور قطع فبروج مسكت في رقبه جسور
جسور : هتموتيني يخربيتك
بروج : انا بخاف من الضلمه
جسور :طب سيبي رقبتي طيب
بروج : انا بخاف من الضلمه عااا
تاني يوم الصبح صحيت بروج بعد ما جسور دلق عليها مايه دافيه
بروج بخضه : ايه في ايه
جسور : دي علشان خنقتيني بالليل
ومسك ازازه مايه سقعه فضاها علي رأسها. فصرخت
جسور : ودي علشان فيلم الرعب اللي عيشتيني فيه بالليل بعد اما قلعتي الطرحه والمكياج ساح وبقيتي عامله زي الجنيه
ومسك حله مليانه تلج وحدفها بيها: ودي علشان نايمه ترفسي زي الحماره وترميني من علي السرير
بروج بغيظ :جسووور
جسور : قلبه والله... قومي غيري هدومك وانزلي علشان تفطري
بروج : عاااااااا
جسور :هتتحولي ولا ايه انا نازل
نزل وسابها.... بروج اخدت شاور وخرجت علشان تنزل تفطر بس وقفت لما سمعت صوت حد بيأن وبيتوجع وقفت قدام الاوضه اللي جاي منها الصوت مش عارفه تعمل ايه.... خبطت علي الباب بس محدش رد فاضطرت تفتح فلاقاتها داليدا نايمه وعمأله تتوجع... راحت تصحيها مردتش فحطت ايديها علي رأسها لاقتها سخنه نار وعماله تخرف وتقول كلام وهي نايمه
الحلقة التاسعة عشر من هنا
