روايه القلب وما يريد
( ارض الانتقام)
( ارض الانتقام)
الحلقه ال 19
بروج اتصدمت لما لاقاتها بتعيط وهي نايمه وبتتكلم كلام متفشكل
داليدا : ابعد.... الشقه... المكتب.... حيوان..... ابعد عني يا حاتم. ..... البواب وبنته.... ابعد عني يا حاتم
بروج حطت ايديها علي بوقها تكتم. شهقتها وبتدعي جواها ان ميكونش اللي في دماغها صح.... سمعت صوت رنه بتبص لاقته موبايل داليدا... كانت هتسيبه وتروح تنادي جسور علشان يجبلها دكتور.... او لو كان عاصي هنا يكشف عليها بس وقفها الاسم اللي بيتصل وهو اسم عدي
بروج : عدي اخويا !!
وبسرعه ردت
عدي : داليدا... انا عدي اخو بروج فكراني
بروج : الا فكراك يا حبيب قلب اختك..... تعلالي النهارده ضروري
عدي : انت فهمتي غلط
بروج : منا عيزاك تجيلي علشان تفهمني الصح
عدي : مش هقدر أنا لازم ارجع الشغل النهارده
بروج: مفرقتش من يوم يا عدي الموضوع كبير وانت فاهم كويس
عدي : تمام هاجي مع جدي هو هجيلك بالليل
بروج : مستنياك
بروج اتصدمت لما لاقاتها بتعيط وهي نايمه وبتتكلم كلام متفشكل
داليدا : ابعد.... الشقه... المكتب.... حيوان..... ابعد عني يا حاتم. ..... البواب وبنته.... ابعد عني يا حاتم
بروج حطت ايديها علي بوقها تكتم. شهقتها وبتدعي جواها ان ميكونش اللي في دماغها صح.... سمعت صوت رنه بتبص لاقته موبايل داليدا... كانت هتسيبه وتروح تنادي جسور علشان يجبلها دكتور.... او لو كان عاصي هنا يكشف عليها بس وقفها الاسم اللي بيتصل وهو اسم عدي
بروج : عدي اخويا !!
وبسرعه ردت
عدي : داليدا... انا عدي اخو بروج فكراني
بروج : الا فكراك يا حبيب قلب اختك..... تعلالي النهارده ضروري
عدي : انت فهمتي غلط
بروج : منا عيزاك تجيلي علشان تفهمني الصح
عدي : مش هقدر أنا لازم ارجع الشغل النهارده
بروج: مفرقتش من يوم يا عدي الموضوع كبير وانت فاهم كويس
عدي : تمام هاجي مع جدي هو هجيلك بالليل
بروج : مستنياك
*******************************************
لوت عزه بوقها : هي فين المحروسه
جسور :زمانها جايه.
عزه : ولا بنت علام مستكبره تعقد معانا.
جسور : امي قولت زمانها جايه.
حبت صباح تلطف الحوار : هتلاقيها بتكلم اهلها تطمنهم عليها
عزه : طبعا مهي لازما توصلهم الاخبار اول بأول.
جسور
ركن طبقه علي جنب : استغفر الله العظيم
عزه : في ثانيه قلبتك علينا
جمال بزهق : ام جسور مش عايز اسمع صوتك... مفيش كلام علي الاكل
عزه : هو انا قولت حاجه الله مش عارفين تتشطروا عليها جايين تتشطروا عليا انا
بروج كانت نازله علي السلم
عزه : اهي ست الحسن والجمال قررت تحن علينا وتنزل تأكل معانا
جسور بصلها بلوم
بروج وقفت قدامهم
بروج : السلام عليكم
الكل رد ماعدا ام جسور
صباح : اتفضلي اقعدي يا حبيبتي... البيت بيتك انتي مش عايزه عزومه
بروج : تسلمي يا خالتي.. بس انا عايزه جسور في كلمه ده بعد اذنكوا طبعا
عزه : دي مش جايه تعيش لا دي جايه تقلعه من وسط اهله
جمال شاورلها ان هي تسكت
عزه حطت ايديها علي بوقها
عزه : اتكتمت ياخويا اتكتمت
جسور قام ووقفوا بعيد
جسور : في ايه ؟!
بروج :داليدا سخنه نار وانا مش عارفه اعمل ايه
جسور نده علي عاصي وطلعوا علي اوضه دليدا... بروج خافت لتخرف بالكلام زي ما عملت فطلعت وراهم
عزه قامت من مكانها : هو فيه ايه عاملين يتسحبوا واحد ورا التاني هقوم اشوف في ايه
جمال : اقعدي مكانك يا وليه
عزه : الله مش اشوف فيه ايه ؟!
جمال :اقعدي مكانك وهما هيجوا يقولولنا دلوقتي
كانت داليدا كل اما تيجي تقول حاجه بروج تعلي صوتها علشان ميسمعوش او تعطس او تعمل اي حاجه المهم تغلوش علي اللي هي بتقوله
جسور :ها مالها
عاصي : حمي لازم نروح المستشفي
جسور : روح شغل العربيه وانا هيشيلها واحصلك
بروج : هروح معاكوا
جسور : هتروحي فين والناس اللي جيالك دي خليكي هنا
بروج في نفسها : ربنا يستر ومتقولش حاجه
جسور شالها وهو نازل امه صوتت وجريت عليه
عزه : مالها يابني
جسور : حمي ولازم تروح المستشفي
عزه : انا عارفه قدم مين النحس ده
جسور :مش وقتك خالص..
********************************************
قاعد يتفرج علي الماتش جت بوسي وقعدت علي الكرسي اللي جنبه
بوسي : يا عيني علي اللي حب ومطالشي
اسلام حس انها بتلقح عليه فحب ينكد عليها
اسلام : قومي ذاكري
بوسي : متقوليش قومي ذاكري تاني للإ وربنا اقول لجدي
اسلام ببرود : اجي اقول معاكي
بوسي ببرود اكتر منه : تعالي
وراحت قايمه فهو قام وراها وراحوا علي مكتب جدهم
بوسي خبطت علي الباب ودخلت ووراها اسلام.. جدهم اول ما شافهم مطمنش
فوزي : خير ؟!
بوسي : جدي خلي اسلام مينكدش عليا كل شويه ذاكري ذاكري ذاكري
ميشوفش وشي الا اما يقولي ذاكري
اسلام :يا جدي ان خايف علي مصلحتها وخصوصا اني شايفها مهمله في مذاكرتها
فوزي : هي ادري بمصلحتها متقولهاش ذاكري تاني هي اكيد عارفه مصلحتها اكتر من اي حد
بوسي بانتصار : كااااااسفه.... شامه ريحه شياط تقريبا دمك كان بينحرق يا زوما
اسلام : ايه يا جدي اللي بتقوله ده
فوزي : اللي سمعته... وانتي يا بوسي لو جبتي مجموع كويس هتفرحيني. وصدقيني جدك محتاج لأي فرحه اوعي تبخلي عليا بيها .... تقدروا تمشوا انتوا الاتنين
بوسي مشيت وهي حاسه ان جدها حط علي كتافها مسئوليه من غير ما يلزمها بحاجه.... بس اسلام فضل
اسلام : جدي انت كده بتدلعها زياده عن اللزوم .
فوزي :بالعكس انا الزمتها انها تذاكر بس بطريقه غير مباشره. اتعلم فن الكلام الاول وبعدين ابقي تعالي كلمني.
اسلام : يا سلام... يعني حضرتك عايز تفهمني ان هي كده هتذاكر
فوزي : بالظبط.. وامشي غور من وشي ورايا شغل
اسلام : اه هتذاكر بس في عالم جامبول
بوسي راحت المبني التاني علشان تشوف منه وتلا جهزوا علشان يروحوا لبروج ولا لأ... لاقتهم الاتنين قاعدين وحاطين اديهم علي خدهم.
بوسي : اهلا برواد الكآبه والنكد في العالم
تلا بحزن : متكلمنيش دلوقتي لو سمحتي
بوسي : انت رابطه رأسك كده ليه
تلا فتحت في العياط : بروج وحشتناااااي
بوسي : علي اساس انها متجوزه في بلاد ما وراء البحار ده شارعين وهتبقوا عندها... انا ماليش دعوه بيكي يأختي أنا ليا بالعاقله منه اختي الرزينه... قوليلها حاجه يا منه
منه بصتلها وعيطت اكتر من تلا : البيت وحش من غيرها.
بوسي قعد في وسطهم
بوسي : في ايه يا نكديين يا اعداء الفرح مانتوا هتروحلها بعد شويه افرحوا وهيصوا زي كده شوفوا انا بضحك ازاي ... ضحكت بوسي وثواني وكشرت وبعدها علي طول كانت منضمه ليهم في وصله العياط
بوسي بعياط : عاايزه اشوفها مليش دعوه وحشتني اووووي
وفضلوا التلاته يعيطوا لحد ما جه فجر ولابس بدله عريس
فجر : عموتاتي ايه رأيكوا في اللبس ده هقابل بيه ماما بروج
التلاته في صوت واحد : بروووج وحشتنا
فجر خاف من شكلهم وخرج جري فصد في عمه اسلام
فجر : عمو اسلام عمو اسلام الحق عمتاتي كلهم بيعيطوا علشان ماما اتجوزت
اسلام : سيبك منهم
فجر : انت مش هتيجي معانا علشان نشوف ماما.
اسلام : لأ مش هاجي... روح لعمك عدي هو كان قايل انه هيجي معاكوا
عدي : حاضر يا باشا
******************************************
وبالليل راحوا عند بروج اللي استقبلتهم بلهفه
بروج : كويس ان انتوا جيتوا انا كنت حاسه ان ام جسور هتقتلني وعماله تلقح عليا في الراحه والجايه
بوسي : مين دي اللي تقتلك وانا كنت كلتها دي انتي اختي حبيبتي
تلا : المهم انتي عامله ايه
منه : وحشتينا اوي والله
تلا فضلت تبص علي عاصي بس مش لاقيه حد كان نفسها تشوفه اوي مع انها هتشوفه بكره بس هي عايزه تشوفه كل يوم كل ساعه لو كل دقيقه مش هتمانع
بوسي : بروج هو جسور فين
بروج : جسور وعاصي في المستشفي اصل داليدا تعبانه اوي
منه : يا ساتر يارب عندها ايه
بروج : عاصي كشف عليها وقال عندها حمي. ... منور يا عدي
عدي : ده نورك
بروج : تعالي عيزاك في كلمه عن اذنكوا يا جماعه عن اذنك يا جدي
بروج اخدت عدي وراحوا علي الجنينه
بروج : ايه حكايتك معاها بقي... البت قعدت تهلفط بكلام وقالت ان في حد اتهجم عليها انت دخلك ايه بقي
عدي : عيب عليكي اما تفكري فيا كده
بروج : لا عمري ما هفكر فيك كده لان عرفاك كويس اللي هفكر فيه بجد انك هتورط نفسك زي المره اللي فاتت وانا مش هسمحلك بده لانك ظلمت نفسك قبل كده وعانيت كتير
عدي : لازما اساعدها... ومهما يحصل مش هتخلي عنها
بروج : مبقولكش متساعدهاش لا ساعدها بس مترميش نفسك بالباطل تاني اوعدني
عدي : اوعدك.
بروج : يارب جسور بس ميعرفش لانه مش هيتفاهم معاها هيقتلها حتي لو مظلومه
*********************************************
تاني يوم الصبح راحت كليتها وهي مبسوطه اوي انها هتشوفه وفعلا شافته واقف بره المدرج مع معيده ومندمجين اوي في الكلام.... كان هاين عليها تعيط وابتسامتها اتحولت لكآبه لانه شافها بس اكتفي بمجرد نظره ورجع اتكلم مع المعيده تاني وكأنها هوا.. .
تلا في نفسها : هو هيبصلك بعد الموقف اللي شافك فيه اكيد فهمك غلط والراجل كتر خيره نقذك بدل المره اتنين هو مش مسئول بقي عن احلامك اللي انتي بنتيها وانتي عارفه انها مش هتتحبق... ارجعي لعقلك يا تلا
راحت وقعدت في البينج في الوص ونامت علي البينج علشان ميشوفهاش ولا تشوفه.... بعد اما خلص كلام مع المعيده كانوا بيتفقوا علي نمط امتحان اخر السنه دخل المدرج وفضل يدور عليها بعنيه... هو متأكد انه شافها داخله لانها داخله قدامه هو كان متابعها بطرف عنيه بس اهو عمال يدور عليها مش لاقيها حتي بص جنب ياسمين صاحبتها ملاقتهاش... جه في باله فكره فمسك المايك
عاصي :يا جماعه في امتحان مفاجئ
قامت مفزوعه فشافها وسمع اعتراضها رغم ان فيه اصوات كتير اعترضت... فبصلها وقال :.كنت بهزر... في ناس مكنتش معانا بس قولت اصحيها
بصتله بخيبه امل لانها اخدت القرار خلاص بالبعاد وراحت نايمه علي البينج تاني
***********,***********************/********
بالليل
داليدا رجعت من المستشفي وفضلت في اوضتها وجسور قاعد في مكتبه وبروج. راحت تشوف الخيل لانها بتحبهم فجأه لاقت خيال حد ملثم داخل علي الاسبطل فغصب عنها صرخت
بروج : جسوووور
جسور كان قاعد في مكتبه حاسس ان فيه حاجه غلط الممرضه اللي دخلت لداليدا خرجت ومالت علي صاحبتها بتقولها : دي عماله تخرف تخريف جامد اوي
تقصد ايه بقي بتخريف جامد ثم آنه قلبه مش مرتاح من حالتها دي ابدا فمسك موبايله : عايزك تراقب داليدا
الحلقة العشرون من هنا
