روايه القلب وما يريد
( ارض الانتقام)
الحلقه ال 20
( ارض الانتقام)
الحلقه ال 20
رد عليه الراجل اللي هو بيتصل بيه : ايوه بس انا مشغول لمده أسبوعين كده وعلشان خاطرك هخلص الشغل اللي في ايدي في عشر ايام مع اني هتعب
جسور : مترغيش كتير هتأخد حقك وزياده
= تمام بعد عشر ايام
جسور : تمام... هبقي اديك كل المعلومات عنها
= اشطا مستني
جسور سمع صوت بروج بتنده عليه راح ودور عليها في كل البيت ملاقهاش فقابل مرات ابوه
جسور : يا ست الكل
صباح : اؤمر يا قلب ست الكل
جسور : الامر لله... مشوفتيش بروج
صباح : كانت راحه ناحيه الاسطبل
جسور : تمام تسلمي
جسور : مترغيش كتير هتأخد حقك وزياده
= تمام بعد عشر ايام
جسور : تمام... هبقي اديك كل المعلومات عنها
= اشطا مستني
جسور سمع صوت بروج بتنده عليه راح ودور عليها في كل البيت ملاقهاش فقابل مرات ابوه
جسور : يا ست الكل
صباح : اؤمر يا قلب ست الكل
جسور : الامر لله... مشوفتيش بروج
صباح : كانت راحه ناحيه الاسطبل
جسور : تمام تسلمي
استخبت لما لاقت ظل حد داخل علي الاسطبل بس كان في عصايه جنبها فمسكتها ولع الشخص الملثم في شويه قش وجاي يولع في الباقي راحت بروج ضرباه علي ايده موقعه منه منه الشعله اللي كان ماسكها
كانت لسه تضربه علي دماغه بس بصت لعنيه فوقعت العصايه وفضل تضرب علي رأسها وبعدها راحت ضرباه بالكف علي وشه
بروج : يا لهوووي يا لهوووي... انت.. ليه كدا ليه..... انت فاكر اكمنك ملثم مش هعرفك عرفتك من عينيك..... عارف لو حد مسكك دلوقتي هيموتوك... جاي دارهم وبتتهجم عليهم قدمتلهم فرصه موتك علي طبق من دهب ...... امشي... امشي.... امشي قبل ما حد هيشوفك
بص الشخص الملثم حواليه والنار بدأه تنتشر
بروج بخوف : امشي غور انت انا هتصرف
وبعد اما مشي جريت بروج تفك روباط الخيول علشان مينحرقوش
وبعدها مسكت حجر وخبطت بيه نفسها
جسور رايح ناحيه الاسطبل فلقي النار خارجه منه والاحصنه خارجه تجري..... جري وكل خوفه لتكون بروج جوه. فضل يدور عليها في لحد ما لاقاها واقعه والدم مالي وشها وقعت بعد اما اتخنقت من الدخان... شالها علشان يخرج بيها لقي النار محوطاه من كل مكان ومش لاقي مخرج والخشب بتاع الاسطبل عمال يطقطق وكأنه هينكسر..... ضغط علي سنانه وبقي يعدي من وسط النار مهو مقدمهوش حل تاني علشان ينقذها النار مسكت في رجله وفضل يصرخ من الوجع بس كمل مشي ولما النار كانت هتمسها ادير علشان يفاديها... خرج من النار والخنقه... وقعت منه غصب عنه لان النار كانت اتمكنت منه ومعدش قادر يستحمل.... وفضل يتمرمغ في الارض علشان يطفي النار.... وقتها واحده من الخدم صوتت لما شافت الدخان طالع فجري الخدم والغفرا واللي في البيت ناحيتهم واللي جاب معاه مايه واللي جاب معاه بطانيه علشان لو حد جوه يلحقه فواحد لحق جسور وطفاه وبقوا يحاولوا يطفوا النار
الكل بقي متجمع في اوضه عاصي لانها اقرب اوضه للي داخل البيت
فضل جسور يبص عليها وهي نايمه او بالاصح مغمي عليها وبلال عمال يدهنله مرهم للحروقات علي ضهره. ... جسور رغم انه بيتألم بس كان عايز يطمن عليها
جسور حاول يكتم وجعه : مفاقتش ليه
عاصي : مش عارف حاسس ان في حاجه غلط.... ممكن تكون الصدمه نفسيه اكتر منها جسديه لانها رافضه تقوم وترجع للواقع
جسور بزهق : انا مش فاهم منك حاجة
عاصي : الاحسن ليها ان نوديها المستشفي... وليك انت كمان لانك حروقك مش بسيطه
بلال : طب وسعوا كده اشيلها وانت يا عاصي شغل العربيه
جسور بزهق : تشيل مين يا حيوان انت... انت اتجننت
عزه : ياخويا ميقصدش هو يعني هيشيل ملكه الحسن والجمال... هو كله خوفه عليك لان مش هتقدر تشيلها... انا عارفه المصايب مش راضيه تخف علينا ليه يا ربي
وبصت لبروج بقصد
جسور : انا هيشيلها
صباح : الله وهتشيلها ازاي يابني وانت كده
جسور : هتصرف
جسور قام من مكانه بالعافيه وجه يشيلها ويعرفها حس ان جلده بيتقطع فصرخ بصوت عالي وحطها مكانها تاني
بلال : طب...
جسور قاطعه : مسمعش صوتك اللي في دماغك مش هيحصل
بلال : وانت عرفت ايه اللي في دماغي لسه... انا كنت هقولك نجيب كرسي متحرك ونخلي امي ومرات ابويا واختك يشولوها يقعدوها عليه ونزق الكرسي
حسناء : فكره حلوه انا هروح اشوف واحد
صباح : هتلاقي في واحد في المخزن... كرسي جدك الله يرحمه
حسناء : تمام هروح اشوفه
خرجت حسناء علشان تجيب الكرسي واتنحنح ابو جسور علشان يدخل
صباح : اتفضل يابو جسور مفيش حد غريب
دخل جمال :عامل ايه يا جسور
جسور بالم : الحمد لله
جمال : ومراتك ؟!
جسور : هنأخدها علي المستشفي دلوقتي لانها مش راضيه تفوق
جمال : ربنا الشافي المعافي
***********************************************
جمال : ربنا الشافي المعافي
***********************************************
في المستشفي
فاقت بروج وفضلت تعيط
بروج بعياط : هاتولي منه.. عايزه منه اختي
معرفتش ليه احتاجتها في الوقت ده يمكن علشان بتحس انها اكتر واحده بتحس بوجعها ولا يمكن علشان هي اللي كانت معاها في محنتها
رغم ان جسور في اوضه غير الاوضه اللي فيها بس كان صوت عياطها عالي ..... دخل عاصي يطمن علي جسور
جسور : بتعيط ليه ؟!
عاصي : عماله تقول عايزه منه
جسور : تليفوني فين ؟!
عاصي : مع بلال بره
جسور : خده منه وهتلاقي في اسم بوسي اتصل بيها وقولها تديك تكلم منه ولو ملاقتهاش في البيت خليها تديك رقمها لان انا مش معايا الرقم واياك ثم اياك تقول لبوسي حاجه لانها هتفضح الدنيا ولما تكلم منه حذر عليها انها متقولش لحد
عاصي : حاضر
**********************************************
عاصي : حاضر
**********************************************
قاعده ماسكه كتاب التاريخ بتحاول تذاكر مهو جدها رغم ان اداها الحريه بس قيدها بمسئوليه ان هي تفرحه بنجاحها واكيد يعني مش هتنجح غير لما تذاكر
بوسي : ايوه انا مالي بقي مين ابن مين ومين قتل مين ومين اتجوز علي مراته انا مااااااالي
موبايلها رن في مسكته وردت من غير ما تشوف الرقم او الاسم حتي
بوسي : انا مالي
عاصي : افندم ؟!
بوسي : قصدي الو مين معايا
عاصي :معاكي عاصي اخو جسور
بوسي : اه افتكرتك... ازيك
عاصي : الحمد لله... هي منه عندك!!
بوسي : اه هنا ليه في حاجه ولا إيه ؟!
عاصي : لا مفيش انا بس هسألها على حاجه فممكن تخليني اكلمها
بوسي : ماشي ثواني
اخدت بوسي موبايلها معاها ومشت في اتجاه اوضه منه
تلا فتحت الباب لاقت بوسي حاطه الموبايل علي ودنها
تلا : حلو اوي المذاكره دي
اول ما سمع صوتها ابتسم تلقائيا بس بسرعه قتل ابتسامته لانه ممكن حد يفهمه غلط
بوسي : ملكيش دعوه يا رخمه
تلا : طب يام لسان طويل عدي صحي ولا لسه
بوسي : صحي وكان قاعد يفطر تحت... بس اشمعنا
تلا : ملكيش دعوه خليكي في اللي انتي بتتكلمي معاها
بوسي : نستيني الموبايل
تلا : يلا يا هبله
عاصي كشر وحس بخنقه لما تلا جابت اسمع عدي وسألت عليه
بوسي دخلت منه
بوسي: صباح الخير
منه : صباح النور يا حبيبتي
مدت بوسي ايديها بالموبايل لمنه : خدي كلمي
منه اخدت الموبايل منها : مين ؟!
بوسي رفعت كتافها ومطت شفايفها ان هي متعرفش يعني
منه : السلام عليكم
عاصي : وعليكم السلام... حضرتك منه اخت بروج
منه باستغراب : ايوه انا
عاصي : بصي انا عاصي اخو جسور متبينيش حاجه لو حد حواليكي... اختك في المستشفي وعايزاكي
منه بصت لبوسي : الاسم
عاصي : مستشفي ####
منه : تمام
عاصي : هتيجي ؟!
منه : اه باذن الله
وقفلت السكه
بوسي : قالك ايه ها قالك ايه ؟!
منه في نفسها : يارب سامحني هضطر اكدب
منه : كان بيسألني علي حاجه
بوسي : مسمعتكيش يعني بتجاوبي علي حاجه
منه : اخرجي بره يا بوسي علشان هغير واروح الكليه
بوسي : هي بقت كده ماشي
منه غيرت وخرجت بسرعه علشان تروح لبروج
**********************************************
وعلي السفره
تلا : مقولتليش بقي ايه رايك
عدي : رأيي انك تشيلي الفكره من دماغك.... هو ينفع تحولي من كليه لتانيه بس هترجعي لنقطه الصفر
تلا : يعني ايه ؟!
عدي : يعني انتي في سنه تالته اهو لما تحولي للكليه التانيه هترجعي سنه اولي فعلشان كده بقولك ارجعي عن اللي في دماغك... ولو فايتك حاجه او حاسه انك تايهه انا ليا واحد زميلي صاحب مكتبه هناك ممكن يجمعلك كل السكاشن والمحاضرات
تلا : لو حسيت اني تايهه اوي كدا هقولك ... سلام بقي علشان متأخرش عن المحاضره
عدي : سلام
وفضل قاعد يفكر في الموضوع بس مش موضوع تلا موضوع داليدا وخصوصا لما عرف ان هي اخت جسور
تلا وهي خارجه شافت بوسي بتكلم نفسها
تلا : مالك يا سوسه
بوسي : الواد اللي اسمه عاصي ده اتصل بيا وقال انا عايز منه
تلا : نعممممم عايزها في ايه ان شاء الله
بوسي : قال عايزها يسألها علي حاجه واما قولتلها كان بيسألك علي ايه مردتش تقولي
تلا ضربتها علي رأسها بالشنطه بتاعتها
تلا : روحي منك لله يا بوسي حرقتي دمي
بوسي : الله وانا عملتلك حاجه.
مشيت تلا وهتولع.
تلا في نفسها :هو انتي مش قولتي هتنسيه مالك بقي هتجنني ليه ما يكلم اللي يكلمه هو حر.
بعد شويه : بس برضه كان بيسألها علي ايه
*****************************************
راحت منه لبروج اللي اول ما شفتها اترمت في حضنها وقعدت تعيط ومنه مش فاهمه حاجه بس فضلت تطبطب عليها وتحاول تهديها
*********************************************
لاقته بيتصل بيها فاستغربت
حسناء : نعم
اياد : بقولك ايه ما تسبينا من لعبه القط والفأر اللي احنا بنلعبها دي
حسناء : وهو مين بدأها اصلا
اياد : خلاص انا اسف يا ستي بس نتصالح ونتصافي ونبدأ صفحه جديده
حسناء : بس دي اخر صفحه ليك عندي
اياد : وانا موافق... صاف يا لبن
حسناء : حليب يا قشطه
*********************************************
رجعت بروج للبيت هي وجسور
ولما جسور يسألها عن سبب انهيارها تقوله شكل النار.... طب اتخبطتي ازاي تقوله اللي ولع في الاسطبل اما شافني ضربني
عاصي كان راقد علي العشب اللي في الجنينه وبيتفرج علي النجوم .... فجه بلال قعد جنبه وبعدين رقد هو كمان علي العشب
بلال : يا سيدي يا رايق انت
عاصي ضحك : واد يا بلال انا شكلي بحب
بلال : الله الله... مين دي اللي امها داعيه عليها
عاصي : بنت عم بروج تلا
بلا من صدمته كمل اسمها : بيييييب
الحلقة الواحده والعشرون من هنا
