#قصة_لغز_عمياء_المشرحه الحلقة السادسة
شهاب: لااازم تيجي حالا حصلت كاارثه. فيه حد عرف مكان الفيلا انا قولتلكم من الاول البنت دي روحها شفافه ومش هتسيبنا ف حالنا
-لاااا انسي اللي بتقوله بلا صبح بلا زفت لازم تيجي حالا ننقل الجثه لمكان امين. لازم ننفذ الطقوس بجثتها ولو حد عرف مكانها هانروح كلنا ف داهيه عالفاضي
بعصبييييه شديده. قدااااامك خمس دقايق وتكون هنا معرفش ازاي
وقفل السكه
علي الطريق باصص صالح لكل عربيه بتقرب منه
متوتر جدا وكل شوية يبص ف ساعته. لحد اما قربت عريية دكتوره ايناس
-خير ياصالح يعني مكانش تستني للصبح
-انا متأكد ان الموضوع كبير جدا يا ايناس. فيه حاجه غلط كبييره ومتأكد ان شهاب له يد في الموضوع كمان
-انا مش هناقشك لان كلامك اصلا غامض لوحده قولي هانعمل ايه دلوقتي وانا معاك
-هانروح الفيلا اللي مكتوب اسمها في الورقه
-ارتعدت إيناس وكأنه قالها حاجه تخوف
-بلاش ياصالح نروح بالليل
كان باين في ملامحها الخوف الشديد لدرجة ان صالح استغرب رد فعلها وسألها
-ليه يادكتوره خايفه كده ده بقولك هانروح نشوف الفيلا دي مش هانرجع المشرحه
-ايناس بتردد : انا حلمت بحاجات وحشه اوي ياصالح كان فيها فيلا وخايفه تكون الفيلا دي
-متخافيش يادكتوره معاكي راجل مش هيحصلك حاجه اتوكلي علي الله وسوقي علي العنوان كده كده طريق ولازم نمشيه مش لازم نأجل دقيقه
اقتنعت ايناس بكلام صالح وشجعت نفسها ب ان كل ده هينتهي بمجرد ماترتاح العفريته
ساقت عربيتها ناحية الفيلا حسب العنوان اللي مكتوب بخط صغير في الورقه
كل شويه تبص في المرايه وتبتسم
مش قادره تشيل عينيها من علي صالح
شاب اسمر وسيم مفتول العضلات متربي والاكتر من ده كله انه هو الوحيد اللي قدر يحركها ويخليها قلبها يدق
وعقلها مصمم ان ده مينفعش ولا مستواها العلمي ولا مستواها المادي.
نفخت بضيق وبصت قدامها لطريقها في محاولة يائسة انها تصرف تفكيرها عن صالح اللي حرك وجدانها بالكامل بشكله ورجولته واحترامه
صالح مركز جدا علي الطريق وبيبص في ورقه معاه وكل شويه يسالها
-مقربناش يادكتوره
-قربنا ياصالح
وعلي اخر مازهقت من كتر سؤاله بصتله وقاالت
-صالح هو احنا رايحين نتفسح كل شويه تقولي وصلنا ولا لا!! مش رايحين دريم بارك ياعسل
-صالح بصلها بابتسامة بمجرد مالمحتها حست كيانها اتنفض. ابتسامه اول مره تشوفها في منتهي الجمال
عقلها اللي رافض مبدأ انها تقرب لصالح توقف تمااما عن التفكير وقلبها بس اللي بيرقص وفرحان
الاتنين بيبصو لبعض ويضحكو بهستييريه وكل واحد فيهم خافي كمية اعجاب كبييره جدا ناحية التاني ولكن الفروق الاجتماعية منعاهم
وقفت ايناس بعربيتها قدام فيلا
الاتنين مصدومين من منظرها
فعلي عكس كل الفيلات الجدبده اللي حوالين الفيلا دي. هي الوحيده اللي قديمه جدا. منظرها من برا يخض
بابها اسود ومفتوح نصه والوانها غامقه وصالح بص للفيلا وهو مذهول مكانش متخيل منظرها مخيف كده وايناس يتمسك جامد في ايده وبتقوله
-هي دي الفيلا اللي شفتها في الحلم ياصالح
انا شفت ناس اتقتلت جوووا مشيني من هنا ياصالح
صالح : لو خايفه ممكن نيجي الصبح لان دي خرابه مش فيلا بس الافضل ندخل دلوقتي منضمنش الصبح هيحصل ايه
-لا بالله عليك فيه بلاوي جوا يالا نمشي
صالح رضخ لتوسلات ايناس وفعلا مسك ايدها واتحركو ناحية العربيه
هواااا شديد ظهر فجأه وكأنه عاصفه وابواب العربيه اتقفلت خالص
كاوتشات عربية ايناس نزلت علي الجنوط وكأن فيه حاجه بتمنعهم يمشو
ايناس: شفت ياصالح؟ مدخلناش وبيحصل ايه؟ يالا ناخد تاكسي من اول الشارع
ظهرت من وسط الظلام قطك سوداء حجمها ضخم. وبغضب بتقرب من ايناس وصالح وبتتكلم تقولهم
-رجوعكم يعني موتكم ادخلو دلوقتي انقذو روحي ياهاخد روحكم
ايناس حطت ايدها علي ودنها وصرخت
اما صالح ماسك إيناس بايديه الاتنين وكأنه خايف عليها وبيبص للقطه الضخمه
-خلااااص هاندخل امشي انتي واحمينا
ردت بصوت مخيف وحزين : مقدرش ادخل ياصالح احمو نفسكم وافتكرو كويس رجوعكم يعني نهايتكم
اختفت القطه السودا ورجعت الامور لمجراها الطييعي
صالح ماسك إيناس وبيهديها
-يادكتوره خلي حضرتك هنا وانا هادخل ولما اخرج نمشي سوا
-لا مستحيل اسيبك تدخل لوحدك
-لا خليكي هنا وانا داخل اهوه
-مسكت ايد صالح بقوه ومشيت معاه. هاندخل سوا وزي مايحصل
دخل الاتنين من باب الفيلا اللي واضح تماما انها مهجوره من زمن
باب مدخل الفيلا لونه اسود وعليه رسمه مخيفه وكأن اللي صمم الفيلا كان قاصد يخليها مرعبه
ايناس وصالح بيتسحبو وهي بتسأل : طب احنا دخلنا هانعمل ايه دلوقتي.
صالح : هاندخل البدروم زي ماهي طلبت هي قالتلي البدروم له باب من الجنينه بصي معايا علي باب
صوت ضحكات غريبه حواليهم كأنها همس والاتنين بيتحركو بحذر ناحية باب في الجنينه
ريحه قذره وحيوانات وطيور مذبوحه ومرميه علي الأرض
-ايناس : انا هاموت من الريحه ياصالح متسيبش ايدي عشان خاطري
صالح: انا افديكي بروحي متخافيش خليكي بس جنبي متتحركيش بعيد عني
من داخل باب البدروم عين بتبص من العين السحريه وضحكة خبيثه مكتومه طالعه من ورا الباب وصوت بيقوول
-الميعاد قرررب والاضاحي جت
قرب صالح من الباب وفتح ودخل البدروم
نور بكشافه في البدروم مشافش حاجه
صووورت جاي من وراهم وضحكات تلاها ضربه قويه علي راس ايناس اللي وقعت علي الارض مغمي عليها و.....
الحلقة السابعه من هنا
