روايه القلب وما يريد
( ارض الانتقام)
الحلقه ال 11
إسلام جه وقعد جنب أمه
إسلام : يا حجه
لوت حسنيه بوزها : ولاااا قوم من جنبي .... مدام مبتسمعش كلامي ومش مريح قلبي.. يبقي لسانك. ميخاطبش لساني وتقوم من جنبي يلا
إسلام : طب ايه رأيك اني ناوي اريح قلبك واتجوز
حسنيه بفرح : بجد هتخطب بوسي
بوسي كانت معديه من قدام اوضه خالتها واول ما سمعت اسمها وقفت تتصنت
إسلام : مين جاب سيره بوسي دلوقتي
حسنيه بصدمه : اومال يعني هتخطب مين
إسلام : بروج
حسنيه : يا ليله مش معديه ونهار مش فايت عليك وعلي دماغك الزفت ده... بروج مين يا ولا.. هو من همه خد قد امه ولا ايه ؟!
إسلام : يا ماما انا عارف انها اكبر مني بس انا بحبها
حسنيه مسكت دماغها : اكمو لما يحش وسطك... وحبك برص يا حبيبي
إسلام : افهم من كده انك مش موافقه ومش هتفاتحيها
حسنيه وطت علي شبشبها : انا ممكن افتح... بس هفتح دماغك انت
ونزلت فيه ضرب... إسلام بعد عنها بصعوبه
إسلام : يا اما انا مش صغير للي انتي بتعمليه ده
حسنيه : هو انت لو كنت كبير وعاقل كنت قولت الكلام التافهه بتاعك ده
إسلام : هو اني بحبها وعايز اتجوزها يبقي كلام تافهه
حسنيه صرخت في وشه : غور من وشاااااي غور
لما حست بوسي ان اسلام هيخرج جريت واستخبت
إسلام نزل علشان يخرج لقي الغفير داخل جري
الغفير بفزع : الحق يا إسلام بيه
إسلام : الحق ايه والحق مين ؟!
الغفير : ابن اخوك
إسلام بخوف : فجر ابن اخويا ماله
الغفير : واحد شافهم بيقول ان ولاد فارس هيموتوه في ايديهم عند الجامع اللي جنب الدوار ده
جري إسلام علي اوضه المكتب بتاع جده وفتح الدرج واخد المسدس اللي فيه وخرج جري وقلبه هيقف من الخوف علي فجر... سمعت بوسي الحوار اللي دار بين إسلام والغفير وشافت إسلام وهو خارج بالمسدس دخلت جري قالت لخالتها اللي ملت الدنيا صويت ولمت القريب والبعيد
اسلام جري ناحيه الجامع شاف فواز ابن عم جسور منيم فجر علي الارض وبيخنقه
إسلام وهو بيجري ناحيتهم : سييه يا فواز
فواز زاد من خنقه لفجر لدرجه ان فجر لسانه طلع ومقاومته قلت خالص... اسلام ملاقاش حل تاني غير انه يضرب فواز بالنار... وفعلا ضربه ووقع فواز بعدها علي طول جنب فجر... إسلام جري علي فجر وشاله وجري بيه قبل ما عيله ولاد فارس يعرفوا اللي حصل
**************************
نرجع لبروج... بروج فضلت تبص علي الناس اللي داخله وخارجه ولا كأنه مولد باستغراب فضلت تفكر ياتري حصل ايه... يا تري عرفوا اللي حصل وعرفوا كدبتها خرجها من افكارها صوت تلا
تلا بتعب : انا طالعه علي اوضتي
طلعت تلا علي اوضتها ومفكرتش حتي تسأل حد علي ايه اللي جري.. معدش يهمها خلاص هي بس عايزه تبعد عن كل الناس المرادي... فضلت قاعده في اوضتها تقارن ما بين اللي عمله بلال من نداله معاها وقال ايه كان بيحبها وما بين اللي عمله الغريب اللي لا تعرفه ولا يعرفها وكان مستعد يضحي بحياته علشانها لا وكمان دفعلها مصاريف المستشفي فضلت تعيط بحسره وندم علي انه حبت واحد زي بلال وكانت هتحارب اهلها علشانه... وعاهدت نفسها بعد كده ان هي مش هتعمل حاجه غير بعلم اهلها لان هما اللي هيوقفوا جنبها يوم ما تقع
**************************
عاصي كان في المستشفي لقي موبايله بيرن وجسور هو اللي بيتصل
عاصي : ازيك يا كبير
جسور : بلا ازيي بلا مزييش... انت فين
عاصي : في المستشفي
فجسور بيحسب عادي يعني انه يكون في المستشفي بما انه دكتور بيحسبه في شغله
جسور : تجيلي حالا انا قدام شقتك
عاصي : في حاجه ولا ايه ؟!
جسور : سمعت انا قولتلك ايه تجيلي حالا
عاصي : حاضر مسافه السكه... اه المفتاح تحت المشايه افتح الشقه وادخل عقبال ما اجي
وصل عاصي الشقه ودخل واتفاجئ لما لقي بلال مع جسور
سلم عليهم وبص لوش بلال المتشلفط :مالك في ايه ؟!
جسور : عمل حاجه غلط فحاسبته
عاصي وهو عمال يبص لوش اخوه اكتر واكتر : ده شكلها حاجه كبيره اوي
جسور : المهم خليه معاك يومين هنا ؟!
عاصي باعتراض : نعم ليه ؟!
جسور : علشان انا لو فضلت انا وهو تحت سقف واحد بعد اللي عمله ممكن اقتله عرفت ليه ؟!
عاصي :لو كان علي يومين ماشي بس لو اكتر من كده مش هينفع علشان معايا صاحبي في السكن ممكن يضايق
جسور وهو بيقوم: هما يومين... عقبال اعصابي ما ترتاح منه
عاصي قام بصعوبه يوصل جسور لباب الشقه
عاصي وقف جسور بيقول وهو بيضغط علي اسنانه : ايه اللي انت عملته ده مش لاقي غير شقتي اللي تجيبه فيها
جسور : منا منضمنش لو قعد في مكان تاني ممكن يعمل مصيبه من مصايبه ولا لأ
عاصي : لا والله ده علي اساس اني مش طفشان من البيت من تحت رأسه اصلاً لانه بيعمل كل مصيبه ويلبسها فيا
جسور بزهق : استحمل هما يومين بس
عاصي بصوت واطي : هما يومين بعد كده هرحلوا زي المجرمين علي البلد
جسور : تمام
وكان هيمشي بس رجع خطوه وضرب عاصي علي دماغه : ومتطولش معايا في الكلام كده تاني
قفل عاصي الباب بعد ما جسور مشي وراح عند بلال بس فضل واقف مرديش يقعد
بلال : حكالك ؟!
عاصي : لا حكالي ولا عايز اعرف اساساً... اظن انت عارف ان انا اكتر واحد اتذي منك ومن مشاكلك فسيني في حالي
ومشي ناحيه اوضته وقال وهو ماشي : الاكل عندك في التلاجه لو عايز تأكل... وهوسعلك مكان في سريري علشان لو عايز تنام... انما الاوضه اللي قصاد اوضتي متجيش ناحيتها لأنها اوضه زميلي في السكن
ودخل عاصي اوضته وقفل الباب وراه
بعد شويه مهنش عليه اخوه فخرج علشان يطيب خاطره فلاقاه نام علي الكنبه دخل جاب لحاف وراح. غطاه
**************************
كان جسور في العربيه بيسوق طلع تليفونه واتصل ببروج علشان يطمن علي تلا وبعرف لو كانت حكيتلها حاجه ولا لأ
**************************
كانت قاعده في اوضه فجر وخداه في حضنها بعد ما امها قالتلها ان فجر قاعد في اوضته مرعوب وخايف ومش راضي ينطق بكلمه وكل اللي طالع علي ولاد فارس ان فجر قتل سامح ابن فواز
بروج : اهدي كده وقولي ايه اللي حصل
فجر وهو بيرتعش : والله يا ماما ما قتلته والله يا ماما ما بكدب
بروج :عارفه يا حبيبي... بس عايزه برضه اعرف ايه اللي حصل
فجر : كنا بنلعب في البيت المهجور اللي. عند الجامع انا وهو بس انما بقيه الولاد كانوا بيلعبوا معانا وسبونا ونزلوا تحت قدام البيت
جسم فجر كله اتنفض لدرجه ان ايد بروج اللي محاوطاه بقت تترعش هي كمان ... ضمته بروج لحضنها اكتر : متخافش انا جنبك ومش هسيبك
ولما حست انه هدي شويه : ايه اللي حصل بعد كده
فجر : سامح مشي علي سور البيت المهجور .... فضلت اقوله لأ يا سامح هتقع قالي لأ متخافش ولما حسيت انه ممكن يقع خوفت عليه فوقفت قريب منه علشان لو وقع الحقه.. وكان عندي حق لانه داخ لما بص تحت ووقع بس انا مسكت ايده فضل يقولي متسبنيش وكان خايف اوي يا ماما ( فجر عيط) بس هو كان تقيل مقدرتش امسكه اكتر من كده فضل يفلت مني لغايه ما وقع... غصب عني يا ماما وقع مني... والعيال اللي تحت فكروا اني انا اللي زقتيه بس هو مسك فيا واني سيبت ايده بمزاجي والدم يا ماما الدم كان كتير
لما افتكر فجر شكل الدم جري علي الحمام علشان يرجع ... كانت هتروح وراه بس موبايلها رن ولاقته جسور .... فردت عليه بدون مقدمات تحذره
بروج : اسمع بقى والله اذا فكرت تأذي فجر لأتبقي حرب وانتوا الجانين علي نفسكوا بقي
جسور مش فاهم حاجه : انا ااذي فجر ابن منذر ليه
بروج : بلاش استعباط اكيد اهلك قالولك
جسور : انا مش فاهم حاجه انا علي الطريق اصلا لسه موصلتش
بروج بتريقه : لما ترجع هيقولولك وقفلت في وشه..... فضل جسور يبص للموبايل بصدمه وهو مش فاهم حاجه.... كل اللي قدر يعمله انه زود السرعه اكتر
**************************
بعد ما جسور رجع واجتمعت عيله ولاد فارس في بيت جسور
حيدر ( اخو فواز) يعني ابن عم جسور : احنا نخطف الواد ابن منذر ونقتله
واحد تاني من العيله : لا احنا نولع في البيت واللي فيه
واحد تاني : احنا ندخل القصر ونقتلهم كلهم ونجعلهم عبره
حيدر : انت ايه رأيك يا كبير
جمال ابو جسور : الحكم هيبقي لجسور
جسور كان قاعد وعمال يسمع وبس
جسور بهدوء : قبل ما اتكلم. هترضوا بحكمي
جمال بصوت قاطع : هو حد يقدر يكسر حكمك وانت كبيرهم من بعدي
جسور : تمام اسمعوني للاخر... اللي هيجي ناحيه ابن منذر انا اللي هتصداله وهيبقي تاري ضده وشوفوا بقي لما يبقي تار جسور هعمل ايه
قام حيدر من مكانه وزعق : شكلك اتجننت
جسور بصوت زلزل المكان : اااااخرس... واقعد واسمع كلامي للاخر
حيدر قعد بالعافيه
جسور : انتوا متأكدين ان ابن منذر اللي قتل ابن فواز
كل الموجودين بصوا لبعضهم وسكتوا
حيدر : ايوه متأكدين
جسور :شوفتهم بعينك
حيدر : لأ العيال الصغيره شافت
جسور بثقه : طب ايه رأيك بقي ان فيه عيلين بيقولوا ان سامح وقع لوحده وان ابن منذر كان بيساعده بس معرفش
حيدر : دول هتلاقيهم مرشيين من ولاد علام
جسور بابتسامه سخريه : هيرشوا العيال يا حيدر.. هيرشوهم بايه مصاصه وشويه لب ما تعقل كلامك
حيدر سكت خالص فجسور كمل : اللي عايز اقوله مادام مش متأكدين ان ابن منذر قتله يبقي متمسوش منه شعره
حيدر : طب ده ابن منذر ولاقتله مهرب اسلام بقي اللي ضرب اخويا في كتفه ده
جسور : اهو دي النقطه بقي اللي عايز افهمها هو اسلام هيضرب اخوك في كتفه من الباب للطاق كده
حيدر بعصبيه : ايووه
جسور : صالح ( ابن عمهم برضه بس معروف بصدقه) بذمتك يا شيخ اسلام ضرب فواز منه لنفسه كده يعني اسلام حس انه زهقان فقال اما اطلع اضرب فواز بالنار
صالح : بأمانه اللي عرفته ان فواز كان خانق فجر واسلام قاله سيبه مرضيش وكان الواد بيطلع في الروح فضربه
جسور بص لحيدر اللي هي نظره شوفت بقي
جسور : ومع ذلك اسلام هينضرب في كتفه زي ما ضرب اخوك يا حيدر ارتحت... بس اللي هيجي ناحيه فجر وهو مش متأكد يقول علي نفسه يا رحمان يا رحيم... انما لما تتأكدوا ميه في الميه ابقوا تعالولي وانا هخدلكوا حقكوا
حيدر : تمام انا اللي هضرب اسلام
جسور : لأ فواز مش اخوك لوحدك... انا اللي هضرب اسلام ... وده اخر كلام عندي... نورتونا
بعد ما خرجوا الرجاله
جمال : عفارم عليك يا جسور.. حيدر عايزنا نرجع زى زمان والكل يقتل في بعضه
جسور : وده علي جثتي
**************************
جسور دخل قصر ولاد علام عن طريق التمويه خلي رجالته يحرقوا العفش فرجاله ولاد علام اتلهوا فيه وهو دخل ..... قعد علي شجره .... كان عارف ان اسلام هيخرج يشوف في ايه
**************************
دخلت بوسي علي بروج
بوسي : بروج الحقي اسلام خارج وانا خايفه عليه لولاد فارس يكونوا عاملينله كمين
بروج لبست عابيتها وخرجت علشان تلحق اسلام... جسور لقي اسلام قدامه فركز اوي علي كتفه وضرب طلقه
الحلقة الثانية عشر من هنا
