روايه القلب وما يريد
( ارض الانتقام )
الحلقه ال 12
ضرب جسور الطلقه واتصدم لما لقي بروج قدامه بس خلاص كانت الطلقه رايحالها وفعلا بروج وقعت
جسور نزل من علي الشجره ورايح ناحيتها يطمن عليها وهو حاسس ان الطلقه جت في قلبه مش في كتفها....... فجأه جه حد من وراه وضربه علي دماغه فجسور اغمي عليه.... طلع الحد ده سليمان ولما جسور مشي ناحيه اسلام وبروج خاف عليه.... وطي سليمان علي جسور وشاله قبل اما ولاد علام يجوا وراح علي السور وكان فيه واحد مستنيه وحاططله سلم علشان يعرف يطلع.... سليمان طلع بصعوبه علشان شايل جسور وناوله للواحد اللي كان مستنيه فأخد جسور ونزل من علي السلم اللي بره وحطوله في عربيه وسليمان ركب وجري وكل ده واسلام مش شايفه لان المسافه ما بينه وما بين جسور بعيده وكمان كان في شجر في الجنينه كتير فكان مغطيهم..... بص اسلام لأيده اللي اتلمت دم وبص لبروج اللي وشها بقي اصفر.... لقي الدموع نازله من عيونه انهار لدرجه انه مبقاش شايف قدامه..... بروج ضحكت : متخافش يا ولاا مش هموت
بعد ما قالت الكلمه دي راحت في عالم تاني.... إسلام لقي ايديها وقعت علي الارض بقي هيتجنن وفضل يصرخ باسمها بس مفيش فايده ومفيش رد ... الرجاله دخلت بعد ما طفوا الحريقه لاقوا بروج سايحه في دمها.... جدها اول ما شافها كده كان هيقع من طوله بس واحد من رجالته سنده.... اسلام صرخ فيهم : إسعااااف إسعااااف... اطلبوا اسعاف انتوا واقفين تتفرجوا
********************************************
فاق جسور في بيته بعد شويه.... وبالتحديد في اوضته...... وحاسس بصداع رهيب في دماغه... فضل باصص قدامه شويه مش فاكر حاجه خالص... بس لما بدأ يفتكر ضغط علي دماغه ... وفضل يصرخ.
جسور : طلعتلي منين طلعتلللللي مين انا لما ضربت ضربت ناحيته هو
ونزل جري زي المجنون
جسور : سليماااااااااااان.... سليمااااااان.... انت يا زفت
خرجت امه من اوضتها بخوف :في ايه يابني
جسور مردش عليها وفضل يصرخ : سليمااااان
مرات ابوه خرجت
صباح : في ايه
عزه : والله يأختي ما اعرف
جسور : سليمان
سليمان جه : نعم يا جسور بيه
جسور بص لأمه ومرات ابوه : ادخلوا جوه
عزه : بس نعرف في ايه يابني
جسور : سمعتوا انا قولت ايه ؟!
عزه اخدت صباح ودخلوا يقصروا الشر
جسور : انت اللي ضربتني
سليمان : والله يا بيه كنت خايف عليك
جسور وهو بيحاول يتلمي علي اعصابه : عايز تتقي شري ؟!
سليمان : ابوس ايدك
جسور : هاتلي رقم بوسي اخت بروج
سليمان : وده اجيبه منين ده
جسور : مش شغلي للإ ورب الكعبه لأطربق الدنيا فوق دماغك
سليمان : لا تمام هجيبه
جسور : غور من وشي
بعد نص ساعه بالظبط وجسور قاعد علي اعصابه جه سليمان. جري وناوله ورقه فيها رقم بوسي... اخد جسور الورفه بلهفه وكتب الرقم علي موبايله واتصل بيه
كانت بوسي قاعده في المستشفي قاعده بتعيط علي حال اختها ... لاقت موبايلها بيرن... في الاول اتجاهلته بس فضل يرن كتير
رقيه : ردي يمكن اسلام لقي أكياس الدم
بوسي بصت للرقم : بس ده رقم غريب
حسنيه : ما يمكن تليفونه فصل شحن ولا حاجه ردي
بوسي : الو
جسور : الو بوسي انا جسور... فاكراني... كنت في الخطوبه... متبينيش للي معاكي انه انا
رقيه : اسلام ؟
بوسي شاورت برأسها لأ وقالت بتوتر : لا دي ولاء صاحبتي بتتطمن علي بروج
أخدت بوسي موبايلها وبعدت
بوسي طلعت كل حزنها وخوفها علي اختها علي جسور : نعم انت عايز ايه.... مش اهلك. اللي عملوا فيها كده برضه... ايه بتتصل تعرف هي ماتت ولا لا
جسور : لا اطمن عليها والله متصل اطمن عليها هي كويسه ؟!
بوسي بتريقه : اه هي كويسه اوي لدرجه ان دمها اتصفي لان عندها سيوله وعايزه نقل دم ضروري ومش لاقين اكياس دم لفصيه دمها واسلام راح يدور في بقيت المستشفيات
جسور : فصيله دمها ايه انا ممكن اساعدكوا والله بالله عليكي قولي بس فصيله دمها ايه ؟!
بوسي : صدق اللي قال يقتلوا القتيل ويمشوا في جنازته
جسور بتوسل : بالله عليكي
بوسي معرفتش ليه صدقته وقالتله علي فصيله دم بروج.... جسور قفل مع بوسي ودماغه قربت تنفجر من كتر التفكير بيحاول يفتكر حد عنده نفس فصيلتها... والحمد لله افتكر وكانت حسناء اخته..... راح جري علي اوضه حسناء ومن فرحته ان هيقدر ينقذها خبط جامد لدرجه ان حسناء اتفزعت واتفزعت اكتر لما فتحت الباب ولاقت جسور قدامها
جسور : غيري هدومك وتعالي معايا
حسناء بقلق : ليه فيه ايه ؟!
جسور التفتت وقالها.وهو ماشي : دقيقتين والاقيكى تحت
فضل جسور مستني حسناء لغايه منزلت واخد ايديها وخارج ... وقفته صباح : واخدها علي فين ؟!
جسور حاول يتخطاها بس معرفش: متخافيش مش هأكلها
صباح بخوف : لا بس علشان لو ابوها جه وسأل هي راحت فين
جسور : قوليله مع جسور وهو هيطمن
وراح خارج هو وحسناء وركب العربيه واتصل ببوسي وعرف منها هما في مستشفي ايه
فضلت حسناء قاعده في العربيه خايفه شكل جسور ميطمنش بالمره... شكله هيقتلها بس هيقتلها ليه وهي معملتش حاجه غلط... خرجها من افكارها صوت العربيه المزعج لما جسور ضرب فرامل.... بصت حواليها لاقتهم قدام مستشفي... نزل جسور من العربيه
جسور : انزلي
حسناء نزلت وتقدم رجل وترجع التانيه
جسور دخل المستشفى وبرضه ماسك ايد حسناء وكأنه خايف تهرب منه
راح لممرضه كانت في الاستقبال
جسور : لو سمحتي عايزين نتبرع بالدم
الممرضه : اسم المريضه لو سمحت
جسور : بروج بدر
الممرضه : طب الحمد لله ... دول بلغوني انها مجتاجه نقل دم ضروري.... روح تالت دور الاوضه التانيه وانا هبلغ الممرضه
جسور : تمام
طلعوا الدور التالت وجسور وقف قدام الاوضه ومسك حسناء من كتفها فبرقت مهي مش فاهمه حاجه دم ايه ومين اللي هيتبرع ومين بروج دي اساسا
جسور حسناء : في واحده هنا بتموت ومحتاجه نقل دم وفصيله دمك نفس فصيله دمها وفي ايدك تنقذيها وتنقذيني معاها... علشان لو جرالها حاجه انا.....
جسور سكت والدموع بدأت تتجمع في عنيه وقال بصوت مخنوق : علشان خاطري توافقي تتبرعيلها... بالله عليك
حسناء سهمت مش مصدقه ان ده جسور اللي قدامها دلوقتي جسور اللي كان صوته بيزلزل حيطان بيتهم واقف وهعيط جسور اللي اسمه كفيل انه يجيب الرعب في قلب اي راجل في البلد بيترجاها... هي دلوقتي في حاله صدمه مين دي اللي بدلت حال جسور للدرجادي.... معرفتش تنطق بكلمه غير انها هزت رأسها انها موافقه فراح جسور حضنها
جسور : شكرااااا... شكرااااا
دخلت الاوضه وبدأت الممرضه تاخد منها الدم....خرجت الممرصه واخد جسور حسناء وجبلها عصاير علشان تعوض الدم .... والممرضه طلعت وبلغت اهل بروج ان فيه حد اتبرع بس مرضاش يكشف هويته
**************************************
وفي شقه عاصي
بلال : طب انت بتحضرلي الشنطه ليه دلوقتي انا مش عايز ارجع
عاصي بزهق : هو قال يومين يومين اتنين قال غير كده مقالش طبعا
بلال : بس انا مش عايز ارجع
عاصي : تمام شوفلك شقه غير دي لأن انا راجع وبصراحه شهاب مش طايقك وبصراحه اكتر ولا أنا
بلال : طب انت راجع البلد ليه
عاصي : انا راجع لان فيه موضوع كده
بلال : موضوع ايه
عاصي : ملكش دعوه .. هترجع ولا لا
بلال: امري لله
*********************************************
وفي الصباح رجعت خلاص لكليتها وهي خارجه لاقته مستنيها... كانت هتمشي نزل من العربيه
حاتم : تعالي معايا هنتكلم بس ولو عايزه ننهي الموضوع هننهيه
داليدا : لو سمحت ابعد عني انا معرفكش
حاتم مسك دراعها وقال وهو بيضغط علي اسنانه : لو سمحتي
في شاب لاحظ واقفتهم وراحلهم : في حاجه يا انسه.. الشئ ده بيضايقك
حاتم :شئ ايه يا حيوان انت انا مستعنكش خدام عندي
الشاب : حيوان مين يا روح امك... والخدام ده يبقي ابوك
داليدا لاقت ان الاتنين هيمسكوا في بعض
داليدا للشاب : لو سمحت اسفه بس ده خطيبي.. وبتأسفلك بالنيابه عنه
وبصت لحاتم بغيظ : يلا نمشي
ركبت معاه العربيه غصب عنها
داليدا : رايحين فين ؟؟
حاتم : علي مكتبي
داليدا : وهنعمل ايه في المكتب ان شاء الله
حاتم : هنتكلم
وقف حاتم عند عماره.... بصت داليدا لليفطه الكبيره الموجوده.. حاتم كان كل اللي تعرفه عنه انه مهندس كبير
حاتم : تعالي
داليدا بتردد : لأ
حاتم : خايفه من ايه ده مكان شغلي وهتلاقي الموطفين فوق
اترددت داليدا بس في الاخر طلعت في الاخر فضلت واقفه برا المكتب لاقت مكاتب كتير وده طمنها ان في ناس شغاله بس لما دخلت ملاقتش حد
داليدا بقلق : هما فين ؟!
حاتم : معرفش... يا راضي.. يا راضي
داليدا : راضي مين
حاتم : الساعي في المكتب والخدام في البيت.
راضي جه : نننننننننننننن... نننننعم يا حاااا حااا حاتم ببببيه
راضي كان عنده صعوبه في الكلام
حاتم بزهق : سنه علشان تقولي كلمتين
داليدا : حاتم حرام عليك
حاتم : فين ال ال ال ال ال الناس
حاتم كان بيتريق عليه
راضي صعب عليه نفسه بس هيعمل ايه : ففففففففف في اس اس اس استراحه ال ال الغدا
حاتم بطريقه : طا طا طيب
داليدا : عيب كده متتريقش عليه ... بني ادم زيه زيك
راضي ابتسم ان في حد بيجبر بخاطره
حاتم : تعالي ندخل المكتب
داليدا :لا هنعقد هنا
حاتم : لا والله
داليدا : اه والله ومش هعقد انا وانت لوحدنا وباب يتقفل علينا
حاتم : الله اما طولك يا روح متزهقنيش
فجأه سمعوا صوت حد بيتخانق خرجوا لاقوا واحد ماسك في راضي
حاتم : فيه ايه ؟!
راضي : ال ال ال راجل دده اااااا
حاتم : متتكلمش خالص عقبال ما تتكلم الخناقه هتخلص قول يا عم انت فيه ايه
داليدا لما لقت في وش اتسحبت وخرجت... بعد لما حاتم خلص دخل وملاقهاش بص لراضي : اااا.. الله يحرقك
راضي بابتسامه : ال ال ال الحمد لله
حاتم : بتقول حاجه
راضي : ب ب بقول ا ا الله يسامحك
******************************************
بعد يومين
صممت بروج ان هي تخرج رغم رفض الدكاتره وصمتت انها تتعالج في البيت رغم ان هي تعبانه جدا ده كله علشان تتطمن علي فجر وهي معاه..... خرجت وهي مسنوده علي امها وخالتها
قاعد حيدر في عربيه قدام المستشفي وكان مجهز المسدس اللي هيضرب بيه اسلام
خرج اامسدس وكان لسه هيضربه شاف بروج
حيدر : يا قوه الله مين دي ؟!
صاحبه : دي بروج حفيده الحاج فوزي
حيدر بانبهار : هي دي ؟!
صاحبه : اه .... هتخلص وتنجز لنتمسك ولا ايه في ليلتك دي
حيدر : وليه نستخدمها بالعنف لما ممكن نحل الموضوع بالسلام
صاحبه : يا سلام
حيدر : اه والله
صاحبه : ازاي ؟!
حيدر : ....
الحلقة الثالثة عشر من هنا
