روايه القلب وما يريد
( ارض الانتقام)
الحلقه ال 13
حيدر : بالنسب
صاحبه : نسب ايه ومين اللي هيناسب انت اتجننت.
حيدر : لأ انا عقلت
****************************************
وفي بيت ولاد عالم
بعد ما رجعت بروج
حطت رقيه المخده ورا رأس بروج
رقيه : انا عارفه كان لازمته ايه وجع القلب ده... كنتي قعدتي في المستشفي... لكن ازاي لازما تعاندي
بروج : يا ماما انا مش قادره اتكلم... فلو عايزه تنرفزيني علشان ارد احب اقولك انا بتكلم بالعافيه
رقيه :يقطعني يا حبيبتي... انا اللي اقصده ان المستشفي احسن من هنا
بروج : لأ هنا احسن علشان فيه فجر.... الا هو فين اندهولي
حسنيه : حلفتكوا بالله ما حد يجي جنبه دي نعسه قالتلي انه طول الليل صاحي ومنمش غير دلوقتي
بروج : خلاص لما يصحي ابقوا هاتوه واحشني اوي
وفي المكتب
وقف الحج فوزي وقدامه رجالته
فوزي : الله الله لا بجد رجاله لدرجه ان في واحد من الفوارسه دخل بيتي وضرب بنت ابني وانتوا ولا انتوا هنا
واحد من الرجاله : احنا اتلهينا في القش اللي كان بينحرق ... كانوا عاملينلنا تمويه يا حج
فوزي : والله انا مش محتاج حد يحللي اللي حصل .. بس لو حصلت ونمله دخلت القصر من غير علمي محدش يلوموني علي اللي هعلمه... طوقوا القصر من كل جهه من كل مدخل ... محدش يخرج ولا يدخل الا واكون عارف
الرجاله : اوامرك يا حج
فوزي : ياا اتكلوا علي الله
*******************************************
في بيت ولاد فارس
حيدر : يا عمي افهمني بس... ليه نقتل في بعض لما في ايدينا نكفي غيرنا شرنا
بصله جمال بنظره ليها معني : طيب ما تقول لنفسك هو مين اللي كان عايز يولعها نار.. ابويا ؟!
بلع حيدر ريقه بصعوبه بس اصر انه يكمل : يا عمي افهمني ما احنا لو قصرنا الشر هتيجي حاجه تانيه تجدد العداوه ما بين العيلتين
جمال : وهي العداوه ماتت اصلا علشان تتجدد
حيدر: الله ينور عليك يا عمي
جمال : حيدر هات من الاخر... علشان مبحبش اللت والعجن الكتير
حيدر : ليه منخليش في صله ورابط ما بينا يهزم العداوه
جمال بنفاذ صبر : انا مش قولت هات من الاخر
حيدر : نسب يا عمي نسب... حد من رجاله فارس بتجوز بنت من بنات علام
جمال رفع حاجبه : ومين بقي اللي من ولاد فارس اللي هيتجوز بنت من بنات علام
حيدر عدل لياقه جلبيته : والله كلك نظر يا عمي.... بس المفروض ان اللي اتأذوا اوي هما اللي اولي... وحضرتك اللي هتقولوا هيمشي علي الكل
جمال : طب اتصلي بابراهيم السويسي
حيدر بفرح : حاضر يا عمي
********************************************
كان اسلام قاعد مع بوسي
اسلام : بوسي.. متعرفيش مين اللي اتبرع لبروج بالدم
بوسي بتوتر : ليه ؟!
اسلام : علشان نشكره
بوسي : لا معرفش
اسلام : اومال ايه ليه دي ؟
بوسي : فضول مش اكتر
اسلام : طب قومي ذاكري ذي الشاطره كده
بوسي بغيظ : حسبي الله ونعم الوكيل
جه تليفون للحاج فوزي ان الحاج ابراهيم السويسي عايز يقابله فاذن لرجالته ان هما يدخلوه وبعد السلامات
ابراهيم : صلي علي النبي يا حاج فوزي
فوزي : عليه افضل الصلاه والسلام
ابراهيم : انا جايلك واسطه خير
فوزي : خير يا حج إبراهيم
ابراهيم : الجماعة رادين الصلح
فوزي : جماعه!!! جماعه مين ؟!
ابراهيم:ولاد فارس
فوزي : وازاي بقي هنتصالح
ابراهيم : بالنسب
فوزي :نسب!!!! عايزين مين من بناتي ولمين
ابراهيم : والله محددوش عايزين مين بس تقريبا لحيدر... تقريبا انا معرفش لانه هو اللي كلمني
فوزي : بس انا بناتي غاليين
ابراهيم : بس هما ولادهم مش رخاص
الحاج فوزي فهم جمله الحاج ابراهيم بمليون معني ومعني
فوزي :اديني وقت افكر وربنا يقدم اللي فيه الخير
كانت بوسي ماشيه بعد لما اسلام زهقها وطفشها عدت من قدام مكتب جدها وكعادتها وقفت تشوف في ايه..... فسمعت كل حاجه.... قعدت في اوضتها حاطه الموبايل قدامها مستنيه جسور يتصل بيها يطمن علي بروج... اليومين اللي فاتوا كان علي طول في ميعاد محدد يتصل بيها
واول ما اتصل.... ردت بسرعه
جسور :ازيك يا بوسي
بوسي : احسن منك
جسور : ليه النبره دي احنا مش اتفقنا نبقي اصحاب
بوسي : اه زي ما اتفقنا ان منعملش حاجه غير لما نقول لبعض
جسور :وانا عملت حاجه من وراكي ؟!
بوسي : اه مقولتليش علي حكايه الصلح
جسور : صلح صلح ايه ؟!
بوسي : يا سلام هو انت متعرفش
جسور : لا معرفش حاجه
بوسي : سمعت جدي بيتكلم مع واحد والواحد ده قاله ان اهلك عايزين الصلح والصلح ده بالنسب
كان جسور بيسوق عربيته ولما سمع جمله نسب وقف مره واحده... بوسي سمعت صوت الفرامل اتخضت
بوسي : انت كويس
جسور : انا كويس كملي
وراح لف بالعربيه علشان يرجع بعد ما كان رايح يخلص شغل
بوسي : بس وعلي ما اظن ان الكلام علي بروج
جسور بعصبيه : ومقالوش مين اللي من عندنا عايز يتقدملها
بوسي : هو الراجل قال مش عارف بس قال اسم كده
جسور بغل : اسم مين ده
بوسي : مش فاكره بالظبط. جعفر. زعتر.... فرفر... اه حيدر
جسور : تمام... سلام بقي مضطر اقفل
بوسي بصت للموبايل بعد ما قفل : ماله ده
وراحت رايحه علي اوضه بروج مهي مبيتبلش في بوقها فوله
دخلت بوسي : الله الله دي تلا هنا كمان يلا علشان توفري عليا مشوار اوضتك
تلا : في ايه يا سوسه حاسه ان فيه في بوقك كلام
بوسي : الا فيه... خير الله ما اجعله خير ان احنا ممكن نتصالح مع ولاد فارس
بروج باهتمام : ازااااي
بوسي : بالنسب سمعتهم بيتكلموا علي كده
بروج بصت لتلا بفرحه : مليون مبروك يا تلا اكيد بلال هو اللي هيتقدملك
تلا : وانا مش عيزاه
بروج : يعني ايه مش عيزاه مش ده اللي كنتي هتقتلي نفسك عليه
تلا : وندمت كنت غبيه ومغفله وفوقت.. والله والله لو اجبرتوني اني اتجوزه انا ممكن اقتلكم نفسي.. الموت عندي اهون اني اتجوز واحد زي ده
بروج :حتي لو كان جوازك منه هينقذ فجر.
تلا بعياط : حتي لو كان. انتي متعرفيش حاجه اسكتي.
وسابتهم ومشيت
*****************************************
جسور دخل البيت وجن جنونه.. دخل علي مكتب ابوه لقاه قاعد هو والحاج ابراهيم اللي من الواضح بيبلغه الرد وكمان كان فيه حيدر... جسور كان حاسس بخنقه ورغبه شديده انه يمسك راس حيدر ويفضل يضربها في المكتب بس فضل انه يعقد ويسمع هيتقال ايه ومن حظه ان الموضوع اتفتح قدامه علشان ميسألهوش انت عرفت منين
بعد ما انتهي الكلام
جسور : شايفك يا حيدر متحمس للموضوع وكأن انت اللي هتتجوز
حيدر بابتسامه : ياريت
جسور : طب يا حيدر مش عيب تبقي اصغر مني وتتجوز قبلي
حيدر : وحد قالك متتجوزش
جسور : حلو وانا قررت اتجوز ومفيش حد هيتجوز في العيله تاني قبلي
حيدر : افرض الناس وافقوا هتقولهم لا استنوا لما جسور يتجوز
جسور ببرود: ويستنوا ليه وانا موجود
حيدر :تقصد ايه
جسور : ااقصد ان لو كان في صلح يبقي انا اولي بالنسب ده بما اني الكبير
حيدر : انت كبير علي نفسك
جمال قام غضبان ومسك العصايه بتاعته وضرب بيها حيدر
جمال : لما تتكلم مع ابن عمك الكبير واللي هيبقي كبيرك بعد كده تتكلم باحترام ... وانت مش حكمتني انا اختار مين للنسب ده انا اخترت جسور ايه رأيك بقي
إبراهيم : يا حج جمال اهدي بس واكيد هيسمع كلامك
جمال : ولا ميسمعش.. مستعنهوش اصلا
ابراهيم : استعيذ بالله من الشيطان الرجيم وحب علي دماغ عمك
حيدر راح عند عمه وهو بيبص لجسور بغل وباس رأس عمه : حقك عليا يا عمي واللي تؤمر بيه انا هعمله
خرج حيدر من الاوضه : والله لأوريك يا جسور الكلب
**************************************
رجعت تلا كليتها اللي حصل ده خلاها تغيب فتره كفيله انها تسقطها وخصوصا ان هي في كليه طب
قعدت جنب صاحبتها
ياسمين : ايه الغيبه الطويله دي يا ست تلا
تلا : فاتني كتير
ياسمين : كتير ده فاتك نص عمرك... كنتي فين
تلا حبت تتوها : هو الدكتور ده اتأخر كده ليه مش عاويده
ياسمين بتريقه :دكتور مين كل سنه وانتي طيبه الدكتور تعب ودخل في عمليات ومواويل تانيه واعتذر وبيقولوا في معيد هيدي الماده بتاعته
تلا : طب معاكي ميه عطشانه
ياسمين ناولتها الازازه : خدي اهي... انا لسه شارياها
تلا ضربتها علي كتفها : هبقي اشتريلك واحده غيرها يأختي واحنا خارجين
في كلامهم كان لاحظه دخول المعيد تلا كانت بتشرب وملت بوقها ميه جه عنيها علي المعيد قامت رجعت كل الميه اللي في بوقها علي قفا اللي قدامها
تلا : هاااااارسوووح
******************************************
الحلقة الرابعة عشر من هنا
