روايه القلب وما يريد
( ارض الانتقام )
الحلقه ال 22 :
اتصل جسور بالراجل :تجبهوملي حالا... مليش فيه برجاله او لوحدك تجبهوملي
شالوا الغطا من علي عنيهم
جسور قعد قدامهم
جسور : اهلا
وبص لأخته بغيظ : كنتي بتعملي ايه انتي وهو في العماره
داليدا بخوف : اااااا
جسور ضربها علي وشها
عدي حاول يتحرك من مكانه بس كان مربوط ايدين ورجلين
عدي : متضربهاش
جسور قام من مكانه وضربه في بطنه خلاه رجع دم
جسور بشر : لا انت متنطقش لان حسابك بعدين انا دلوقتي بسأل اختي
جسور : ايه اللي وداكي معاه العمارة ومن امتي وانتوا تعرفوا بعض
داليدا سكتت فجسور نزل ضرب عليها : انطقي انطقي.... يارب ما يكون اللي في دماغي صح علشان مش هفكر لحظه في اني اموتك
عدي : كفاااايه
دخل ابو جسور
جمال : يا ****** جبتلنا العار يا ****
...... سليمااان
جه سليماااان جري : نعم
جمال : انده لأم ابراهيم تكشف عليها...
داليدا انهارت من العياط وعدي افتكر كل حاجه حصلت مع خطيبته وخاف ان اللي حصل لخطيبته يحصل لداليدا
عدي : مفيش داعي انا متجوزها عرفي..... ومستعد اتجوزها رسمي
خرج جسور مسدسه ووجهه ناحيه عدي : مش هتلحق
جسور كان لسه هيضرب بس صوت وقفه مكانه
بروج : جسور اثبت مكانك والا هقتلك
جسور بص وراه لقاها ماسكه مسدس
كانت سألت علي جسور فقالولها انه في المخزن.... بس لما نزلت سمعت صوت عدي فطلعت جري جابت المسدس
جسور رفع حاجبه وبكل ثقه : هتقتليني
بروج بتردد : لو مسيته هقتلك
جسور : لا والله يعني انا لو عملت كده هتقتليني
وضرب طلقه جت في رجل عدي
صرخت بروج وداليدا.... انهارت بروج وهي بتشوف اخوها بينزف ..
جسور : مستنيكي تقتليني
ورفع ايده بكل ثقه : يلا انا مستني
ارتعشت ايد بروج ومقدرتش تضربه زي اما قالت فجسور التفتت تاني والمرادي وجه المسدس ناحيه دماغ عدي... بروج كانت هتتجنن اخوها هيتقتل قدامها وهي مش عارفه تعمل حاجه
شافت واحد من رجاله جسور ماسك سكينه فخطفتها منه
فالراجل زعق جسور التفت يشوف فيه ايه لقي بروج ماسكه السكينه وحطاها علي دراعها
بروج : عندك حق مش هقدر اقتلك بس ممكن اقتل نفسي
عدي بألم اترجاها لان عارفها ممكن فعلا تأذي نفسها ومتأذيش حد غيرها : بروج... علشان خاطري
بروج الدموع اتجمعت في عنيها : انت وعدتني وخلفيت بوعدك فاسكت
جسور بثبات : مش هتقدري تعملي حاجه
بروج نزلت عن الشريان شويتين وراحت محركه السكينه فالدم نزل كتير : قصدك كده
جسور بدأ يقلق : ارمي السكينه
طلعت السكينه شويه علي ايديها وقطعت مكانها فصرخ جسور فيها بغيظ : ارمي السكينه
فطلعت السكينه علي دراعها وبقت قريبه من الشريان وقطعتها
جسور كان هيتجنن: وقفي الجنان اللي بتعمليه ده
بروج حطت السكينه علي شراينها
جسور بتوتر : عايزه ايه
بروج : تسيبه
جسور : مقدرش.... مش هيطلع من هنا حي
بروج : ولا أنا
ولسه هتقطع شراينها جسور صرخ فيها : مش هقتله... بس مش هسيبه الا لما يتجوزها رسمي.... ومن الليله دي انتي متلزمنيش
بروج : مش مهم بس توفي بوعدك
جسور : سيبي السكينة بقي
ولان هي عندها سيوله في الدم وقعت من طولها
عدي : برووج
جسور بصله : هنعمل فرح علشان الناس ميقولوش جوزوها سكيتي... بعد الفرج تأخدها وتمشوا لأن انا لو شوفتكوا هقتلكوا... وعايزك تحمد ربك كل يوم اني مقتلتكش.
جمال : خلصنا... شوف مراتك. وانت تتجوزها وتغور ومترجعهاش تاني هي من دلوقتي مش بنتنا بس احنا بنحافظ علي اسم عليتنا ........ سليمان خدها واحبسها في اوضتها
سليمان فكها وطلعها اوضتها وجسور شال بروج وطلعها اوضتها وطلبلها عاصي من غير ما يقوله عن اللي حصل
بعد شويه قعدت عزه في اوضه بنتها ونزلت عليها باقلام وشدتها من شعرها لولا صباح حاشتها عنها بالعافيه
عزه : خيبتي املي... دلوقتي ابوكي يقول عليا ايه معرفتش اربي ...... والواد الحيوان ده سبق وضحك علي خطيبته وقعتي ازاي انا طول عمري بقول عليكي عاقله.
داليدا : يعني ايه اللي بتقوليه ده!!
عزه : يعني رخصتي نفسك يا رخيصه.... الواد ده ضحك علي واحده قبلك وكانت خطيبته وانتحرت لما سابها واديه هيتجوزك علشان ينقذ نفسه وبعد كده هيرميكي وتبقي في الشارع بس بعد ما يرميكي مترجعيش هنا. انتي بقيتي غريبه واحنا معدناش اهلك
اللي غايظني وحارق قلبي ان اللي عايشه في دارنا وبتأكل معانا في طبق واحد كانت عارفه كل حاجه ومش بعيد تبقي هي الي مقوياه... بينتقموا مننا في ايه مش فاهمه.... طول عمرهم الغل ماليهم من ناحيتنا بس بس مكنتش اتخيل انه لدرجه الشرف ولاد ال
صباح : متعمليش في نفسك كده يأختي
عزه بصتلها بغيظ : طبعا انتي فرحانه دلوقتي
صباح بصدمه : انا
عزه : اه طبعا مهو مش هيبقي فيه علي الحجر غير بنتك لكن بنت عزه جابتلهم العار .... انما بنتك بقي اللي هترفع رأسهم
صباح : اخص عليكي.... انا لولا الشده اللي انتي فيهت كنت اتصرفت معاكي تصرف تاني
**************************
نقل عاصي نظره ما بين دراع بروج وما بين جسور.... بروج كانت غايبه عن الوعي خالص
جسور : ايه بتبصلي كده ليه... قصدك ايه يعني ان انا اللي عملت فيها كده
عاصي : انا مقولتش حاجه
جسور بعصبيه : بس نظراتك بتقول كده.. بس اللي انت متعرفوش ولازم تعرفه وتفهمه كويس اني عمري ما ااذيها
عاصي فضل مش مصدقه : انا سمعت صوت ضرب نار تقدر تفسرلي ده بايه
جسور بزهق : اللي في ايديها ده ضرب نار
عاصي : لا دي سكينه
جسور : يبقي متتكلمش علشان هزهق
عاصي : بس انا لازم افهم
جسور : كنت بضف المسدس فطلقه خرجت منه هتفضل ترغي كتير
عاصي : انا نضفتلها الجروح
جسور : مفاقتش ليه
عاصي : هي فاقت بس شكلها محتاجه ترتاح نزل منها دم كتير
جسور : طب هتحتاج نقل دم
عاصي بجفاء : لا
عاضي كان خارج فجسور مسكه من دراعه : انت لسه شاكك فيا
عاصي نزل ايده من عليه : مش فارقه
وسابه وخرج فجسور ضرب ايده في الحيطه : مش ناقصاك خالص يعني
وبص لبروج وهي نايمه وراح سحب كرسي وقعد جنبها
جسور : من النهارده هتشوفي جسور غير اللي عرفتيه .... هتتعرفي علي جسور اللي كل غريب يعرفه وانتي السبب في كل ده فاتحملي غضبي بقي ده لو انتي قده
**************************
قعد جمال علي السفرا وكل العيله ملومه حتي بروج.
جمال : بما ان الكل ملومين حابب اقولكوا علي حاجه كتب كتاب داليدا علي عدي اخو بروج بكره والفرح بعد بكره
عاصي : نعم ده امتي ده
جمال : اللي انت سمعته اصلا كان مكلمني قبل شهر وانا اخدت رأيها ووافقت وحددتله الميعاد اللي قولتلكم عليه
بلال : ومتقلناش ليه من الاول
جمال : علشان كان مجرد كلام لسه ثم اني مش هبرر أفعالي لحد
كانت الخدامه واقفه راحت مزغرطه صرخت عزه فيها : اكتمي جاتك خابط
الكل بصوا لبعض باستغراب فعزه حبت تبرر موقفها : علشان ابن فواز يعني... هيزعلوا مننا الجماعه
ابو جمال بص للخدامه : زغرطي يا بت وافرحوا ابن فواز مات بقاله اكتر من شهر والحي ابقي من الميت
ومال علي عزه :مش عايزين حد يشك في حاجه
عزه لاقت الخدامه واقفه ومش راضيه تزغرط : مش الحاج قالك زغرطي يا بت ما تزغرطي
واتملت الدنيا بالزغاريط
********/
بعد شويه دخلت بروج الاوضه ولاقت جسور حاطت ايده تحت رأسه وراقد علي السرير بس مفتح عنيه ... جت تنام علي السرير
جسور : هتعملي ايه ؟؟!
بروج : هنام ولا فيه مانع
جسور : لا مفيش مانع انك تنامي بس المانع انك تنامي هنا
بروج : اومال يعني هنام فين
جسور سحب لحاف من جنبه وراماه في وشها : معرفش اتصرفي
بروج بقهر : انت بتعاملني كده ليه
جسور : انتي عارفه كويس
بروج : طب اسمعني
جسور : كفايه اللي اسمعته... اطلعي بره
بروج فضلت واقفه متسمره مكانها مش مصدقه ان ده جسور بس صرخه خليتها ارتعشت وخرجت بسرعه لما جسور قال بعلو صوته : دلووووقتي
اول ما خرجت بروج سمحت لدموعها ان هي تنزل بعد اما كانت رافضه انها تخليها تنزل قدامه
احتارت تروح فين فنزلت علي المخزن تشوف اخوها اللي اول ما شافها ابتسم : جابولي دكتور والحمد لله الجرح سطحي
وبص علي الحديد اللي في ايده ورجليه : بس للاسف لسه مربوط خايفين لاهرب
قعدت بروج جنبه وقالت من غير ما تبصله : انت وعدتني فمكنش لازم تعمل كده
بص عدي علي دراعها وشاور بدقنه عليه : وانتي مكنش لازم تعملي كده
بروج بصوت مخنوق : عملت كده ليه يا عدي ليه اذيت نفسك ليه
عدي : نفس السبب اللي خلاكي تأذني نفسك علشان تنقذيني واللي هو انقاذ روح
بروج : بس انت وعدتني
عدي : الوعد لو قصاده حياه حد يبقى بطل لانه ساعتها ميبقاش وعد يبقي جحيم
فضلت بروج رافضه تبصله بس مدت ايديها بموبايله اللي اخدته من جسور من غير ما يحس : خد كلم اي حد من اهلنا وخليهم يجوا ينقذوك لسه فيه وقت
رغم انه متسلسل بس عرف يأخد الموبايل وكتب رساله لجده فبروج بصت تشوف هيكتب ايه واتصدمت لما لاقته كاتب :
" فرحي بعد بكره علي داليدا اخت جسور وهكون مبسوط اوي لو شاركتوني فرحتي "
ابتسمت بروج بسخريه : يعني كنت متوقعه ايه منك انك تنقذ نفسك
فابتسم عدي هو كمان بقهر
جسور خاف لتكون مشيت وراحت لجدها وقالتله علي كل حاجه فقلق ونزل دور عليها في كل البيت ملاقهاش فقد الامل ان هو يلاقيها بس قرر يدور في مكان اخير المخزن
نزل المخزن لقي عدي ساند برأسه علي الكراسي والكراكيب وراه ونايم وبروج جنبه نايمه وهي حاطه رأسها علي كتفه فطمن وطلع
**************************
كان عاصي في مكانه المفضل " الجنينه "
ومعاه بلال
بلال: انت مصدق الكلام اللي ابوك قاله ده
عاصي بابتسامه : ومصدقش ليه
بلال : وايه لازمه الابتسامه دي
عاصي : اصلي بفكر في حاجه كده
بلال : اللي هي ؟!
عاصي استند علي دراعه بعد اما كان نايم : ليه بما ان العيله الكريمه اللي هي عيلتنا يعني بقت علاقاتها حلوه مع عيله علام
بلال":اخلص وهات من الاخر
عاصي : ليه يعني متقدمش لتلا
بلال وش جاب الوان
عاصي : ايه رأيك
بلال بغل : الراي رأيك
وفي نفسه : انا حذرتك وانتي استهترتي بكلامي فالوعد اللي انا وعدتهولك هنفذه
**************************
في يوم كتب الكتاب
خرجون من المخزن واخدوه رموه قدام المأذون.... المأذون بص لحالته وشكله المتشلفط خالص فخاف ليكونوا جابرينه علي الجواز بص لجسور وسليمان
المأذون : لو سمحتوا اخرجوا بره عايز اكلم العريس لوحدي
بس جسور وسليمان لبعضهم
جسور : تعالي ورايا
وخرجوا هما الاتنين
المأذون بعد اما خرجوا : هما جابرينك علي الجواز
عدي شاور برأسه : لا
المأذون : يابني متخافش منهم انا ممكن اطلبلهم البوليس
عدي مسح الدم اللي علي بوقه ما هما كانوا لسه ضاربينه وضحك
عدي : محدش جابرني انا كويس
المأذون : اومال ايه اللي في وشك ده
عدي بس علي رجليه : وفي رجلي وفي ضهري... اصلي وقت علي السلم قبل ما اجي
المأذون : انت متأكد ان مفيش حاجه
عدي : بالعقل كده هما هيأذوني وانا هسكتلهم ليه يعني
المأذون : براحتك بس انا كده عملت اللي عليا
عدي : تشكر
تم كتب الكتاب
وجسور راح اخد بروج من ايديها ودخلها اوضه المكتب اللي كان فيها المأذون
جسور : زي ما دخلنا بالمعروف نخرج بالمعروف
الثالثة والعشرون من هنا
