روايه القلب وما يريد
( ارض الانتقام)
الحلقه 23
بروج بصدمه : أيه ؟!!!!
جسور بجفا : اللي سمعتيه
المأذون فضل يبصلهم : طب انا هخرج بره خمس دقايق تتتكلموا فيهم زي ما انتوا عايزين ويارب توصلوا لحل وتبعدوا عن الطلاق وهبقي قاعد بره لو عوزتوني .
بروج : قولي بقي في دماغك ايه
جسور :منا قولتلك الطلاق
بروج : ببساطه كده
جسور : وابسط من كده
بروده كان بيقتلها بقت حاسه انها بتكلم حد تاني غير جسور اللي عرفته
( ارض الانتقام)
الحلقه 23
بروج بصدمه : أيه ؟!!!!
جسور بجفا : اللي سمعتيه
المأذون فضل يبصلهم : طب انا هخرج بره خمس دقايق تتتكلموا فيهم زي ما انتوا عايزين ويارب توصلوا لحل وتبعدوا عن الطلاق وهبقي قاعد بره لو عوزتوني .
بروج : قولي بقي في دماغك ايه
جسور :منا قولتلك الطلاق
بروج : ببساطه كده
جسور : وابسط من كده
بروده كان بيقتلها بقت حاسه انها بتكلم حد تاني غير جسور اللي عرفته
بروج : ليه هو انا عملتلك ايه ؟!
جسور : لا انتي مبتعمليش حاجه خالص انا اللي بعمل كل حاجه.... يعني انتي مثلا مرفعتيش المسدس عليا
بروج : كنت هتقتل اخويا .... وانا مقدرتش اعملك حاجه
جسور : طب سيبك من دي كنتي عارفه ان اخوكي متجوز اختي عرفي ومش بعيد تكوني انتي اللي مخططه لكل حاجه
بروج. : انت مستوعب اللي انت بتقوله ده انا هعمل كده ليه
جسور : اسألي نفسك جايه تسأليني انا
بروج : طب لو كنت هتعاقبني علي اتهامك ليا اللي انا معملتوش اصلا وانت مش راضي تسمعني بلاش الطلاق عاقبني بأي حاجه تانيه غير الطلاق
جسور : اديني سبب واحد يخليني مطلقكيش
بروج ودموعها نازله علي خدها : اني بحبك
اول اعتراف ليها بحبه... بصلها بصدمه وفرحه يمكن.. للحظه شافت الحب في عنيه... للحظه اتهز كيانه بس للحظه بس ..... ووشه بقي كله غضب واترسمت العصبيه علي ملامحه مع شويه لا مبالاه وكأنها مقالتش حاجه.
جسور : مش كفايه
بروج : مش كفايه ولا مش مصدق
جسور : الاتنين.... مش كفايه علشان اللي عملتيه ميخلنيش اكبرك ومطلقكيش وتبقي رأس عيلتكوا مرفوعه وانتي واخوكي دفستوا رأسي في الطين... ومش مصدق لاني لو كنتي بتحبيني بجد زي ما بتقولي مكنتيش خططي كل ده
بروج حست بتعب فجأه وقالت بصوت مخنوق وضعيف : انا مظلومه وربنا مظلومه صدقني
جسور : مهو واضح
بروج : انا لسه باقيه عليك... متسبنيش
جسور : انتي عماله تتكلمي في ايه واحد بيقولك مش عايزك ... مش طايق حتي يبص في وشك عايزه ايه اكتر من كده تاني
بروج مسحت دموعها: يعني ده اخر كلام عندك
جسور : عايز اخلص من الشبكه السودا دي
كل كلمه كان بيقولها كانت بتطعنها في قلبها
بروج : ماشي براحتك بس هتندم صدقني
جسور : تهديد ده ولا ايه
بروج : مش تهديد اكتر منه تمني
جسور : بتتمني ان اندم
بروج : اه لما الحقيقه هتظهر هتندم ..... ويمكن ساعتها اسامحك ويمكن مطقش حتي اشوفك زي ما انت مش طايق تشوفني
جسور لقي حد بيخبط علي الباب ففتح الباب لاقاها داليدا
داليدا : انا لازما اقولك علي الحقيقه مادام وصلت اطلاقك من بروج لازما اقول كل حاجه
جسور : امشي غوري من وشي
وبص حواليه شمال ويمين : بدل ما اعمل اللي نفسي فيه من وقت ما سمعت قذارتك واقتلك ونرتاح من عارك
داليدا : لأ انا لازما اقولك
بروج جت من وراها : امشي علشان خاطري... هو خلاص اخد قراره وانا محترماه.... متخافيش هبقي علي اتصال بيكي علي طول مانتي خلاص بقيتي مرات اخويا
كانت بتقول جملتها الاخيره بكسره ووجع وداليدا حاسه بحرقه قلبها
داليدا : سبيني اقوله
شاورتلها بروج برأسها : لأ ...متفكريش تقولي اللي في دماغك وسبيها علي الله .... ربنا مبيسبش مظلوم الا وبيأخدله حقه
داليدا مشيت وجسور قفل باب الاوضه تاني... للحظه حس ان فيه حاجه غلط حس انه ممكن يكون اتسرع
جسور :هي كانت عايزه تقول ايه
بروج : لا انت هتصدق ولا انا فيا حيل اقول .... وانت اخدت قرارك وخلاص
جسور : وكان عندي حق
واطلقوا
بروج غصب عنها دموعها نزلت بس جسور يبان انه مش فارق معاه بس جواه بركان
جسور : بروج استني عايزك
بروج : نعم
جسور : ممكن متجبيش لحد عقبال اما الفرح يخلص
بروج : تمام ممكن ليه لا
وسابته ومشيت مكنتش عارفه تروح فين ولا تكلم مين بس مسكت موبايلها ورنت علي منه
منه : السلام عليكم
بروج: منه
منه عرفتها من صوتها : مالك يا حبيبتي
بروج :انا اتطلقت
منه : لا حول ولا قوه الا بالله ليه يا حبيبتي ايه اللي حصل
بروج : اياكي تقولي لحد
منه : حاضر يا حبيبتي والله مش هقول لحد
بروج : انا حاسه ان هيجرالي حاجه حاسه اني هموت بحسرتي
منه : لا يا حبيبتي بلاش تقولي كده اهم حاجه صحتك في داهيه اي حاجه... اهدي كده استغفري
بروج : استغفر الله العظيم
منه : ايوه كده اهدي
بروج : كله علي الله
******************************************
باتت بروج مع اخوها في المخزن
وفي الفرح
دخل اسلام مع جده وعيلته الفرح وراح جري علي عدي ومال عليه : جدك بيقولك لو مجبور علي الجوازه قولنا واحنا نتطربق الفرح علي اللي فيه
عدي : لا يا سيدي مش مجبور انا موافق علي الجوازه دي وبكامل ارداتي
اسلام بس في وشه : واللي في وشك ده من ارداتك برضه.
عدي :عملت حادثه
اسلام : اه قولتلي... اومال كنت فين اليومين اللي فاتوا
عدي : كنت عند واحد صاحبي عندك اسئله تاني
اسلام رجع بضهره لورا فصد في حد بيبص يشوف مين ده لاقاه جسور اللي حس من دخلتهم ان فيه حاجه غلط
جسور :في حاجه ولا ايه
اسلام خرج مسدس من جيبه وشد صمام الامان وراح معلي ايده بالمسدس وضرب كذا طلقه في الهوا قدام عين جسور اللي مرفتش اسلام : لا دي تحيه من الحاج فوزي لابن ابنه
جسور خرج مسدسه هو كمان وضرب كذا طلقه في الهوا : ورد التحيه واجب
خلص الفرح بقلقه والتوتر اللي كان سايد فيه واطمنت بروج ان اخوها وداليدا مشيه ولمت شنطه هدومها وخرجت وقفت قدام البيت
عزه : بتقول ايه طلقتها لووووووولي بركه اصلا كان قدمها نحس
صباح : حرام عليكي وهي البونيه يعني كانت عملت ايه
عزه : عملها اسود ومنيل هي واخوها منهم لله
صباح : اتقي الله البت كانت وسطنا مشوفناش منها حاجه
عزه : اوي اوي كانت ملاك نازل من السما... مالك بتدافعي عنها ليه شكلك مشتركه معاها في اللي عملته ومش بعيد تكوني انتي اللي مخططالهم
جمال : بس مش عايز اسمع صوت حد الفجر قرب يأذن كله يروح ينام هتصحوا اولادكوا وهيعرفوا كل حاجه ...... روح يا جسور ارتاح في اوضتك الساعتين دول ورانا شغل مهم
طلع جسور اوضته وفتح دلابه يخرج هدوم علشان يغير ملاقاش هدومها بص غلي طول من الشباك لاقاها واقفه بره البيت وفي ايديها شنطه هدومها فضل مراقبها شويه لحد ما جت عربيه وخرج اسلام اخد الشنطه وهي ركبت ومشيوا
جسور بغيظ : اسلام تاني
اسلام وهو بيسوق فضل يبصلها وهي بتعيط: مش هتقوليلي في ايه
بوسي : اطلقت
اسلام ضرب فرامل ووقف بسرعه : لييييه ايه اللي حصل
نزلت بروج من العربيه بسرعه وفضلت ترجع
دخلت العربيه تاني وهي تعبانه خالص
رجعت رأسها علي الكرسي
اسلام بقلق : انتي كويسه
بروج بتعب : لأ
وغابت عن الوعي
اسلام فضل يفوق فيها مفيش فايده فواداها المستشفي
******************************************
اتصل جسور ببوسي بعد اما مشيت بروج بساعه
كانت لسه بتفتح الكتاب صحيت بدري المرادي يمكن تعرف تذاكر وعماله تعد الصفحات فموبايلها رن
بوسي : هو انا بخترق قوانين الطبيعه يعني لما باجي اذاكر ايه المر ده
وردت علي الموبايل
جسور : بروج عامله ايه دلوقتي
بوسي : نكته بايخه بصراحه
جسور : افندم
بوسي : انا هعرف ازاي وهي عندك
جسور : ليه هي مجتش هي واسلام
بوسي : لأ
جسور بص في ساعته بغيظ : لغايه دلوقتي.... طب لما تيجي متقوليلهاش اني اتصلت.
وقفل في وشها... بصت بوسي للموبايل بصدمه : يلا الهي تنهبلوا اكتر ما انتوا هبل
دخل اسلام البيت
اسلام : هتعملي ايه دلوقتي هتقوليلهم
بروج : لا انا هقولهم ان جايه اقضي يومين هنا وهما يومين وهيرجعني انا عارفه اني مهنش عليه
اسلام : والموضوع التاني برضه
بروج : لا ده بقي خليه مفاجأه ويبقي ما بيني وما بينك ماشي
اسلام : اللي تشوفيه
بروج : انا هطلع اشوف فجر
طلعت بروج علشان تشوف فجر فقابلت امها
رقيه وقفتها : عاجبك كده اللي اخوكي عمله يتجوز منغير ما يقول لأهله ليه عدمهم.
بروج : ماما انا تعبانه هروح اشوف فجر وانام
رقيه : انتي ايه اللي جايبك
بروج بزهق : حابه اقعد معاكوا يومين فيها حاجه دي
رقيه : لا يأختي مفيش روحي وابقي طولي لسانك اوي منا معرفتش اربي
دخلت بروج اوضه فجر فلاقته نايم من غير غطا فغطته وخرجت راحت علي اوضتها ونامت
******************************
صحيت بروج من النوم علي صوت نعسه
نعسه : يا بنتي يا بنتي
بروج : يوه حد يصحي حد بدري كده
نعسه : بدري من عمرك يا حبيبتي ده احنا العصر قرب يأذن خلاص
اتعدلت بروج وقامت قعدت علي السرير : نمت ده كله
نعسه : لاقيتك شكلك تعبانه اوي فصعبتي عليا اصحيكي بس في واحد تحت راسه والف سيف ليقابلك
بروج بلهفه: مين ده
نعسه : واحد اسمه حيدر
بروج : طيب ثواني وجايه اقعديه في اوضه الضيوف
بعد شويه دخلت بروج عن حيدر وسابت باب الاوضه مفتوح بروج كانت بتحسب انه جايه وسطه صلح ما بينها وما بين جسور بس كانت غلطانه.
بروج : اتفضل قول اللي عندك
حيدر : من غير لف ولا دوران... منذر ابن عمك
بروج باستغراب : منذر ابن عمي
حيدر : منذر مات مقتود ومامتش في حادثه وانا اعرف مين اللي قتله وعندي الدليل
الحلقة الرابعه والعشرون من هنا
