روايه القلب وما يريد
( ارض الانتقام)
الحلقه ال 25
فوزي : مين شالهوب ده.
اسلام : شالهوب مين يا جدي ده سبونج بوب... كرتون يعني... سيبك من كده مين اللي اتقدملها
فوزي بخبث : وانت عايز تعرف ليه
اسلام : هو ايه اللي عايز اعرف ليه.. بنت عمي وعايز اعرف مين اللي اتقدملها
فوزي : ماشي يابن عمها.... اخوه يا سيدي هو اللي أتقدم
اسلام : اخو مين.... سبونج بوب!!
فوزي : لا يا ظريف اخو جسور وعاصي... بلال
اسلام سكت
فوزي : سكت يعني اعتبر انك موافق
اسلام : لا طبعا
فوزي : ليه ؟!
اسلام :لانها صغيره دي لسه في الثانوي
فوزي : وده ميمنعش عندنا البنات بتتجوز صغيره
اسلام : طب لما تخلص دراسه
فوزي : عادي ما تتجوز وتكمل في بيت جوزها
قام اسلام من مكانه وضرب ايده علي المكتب : بقول لأ اااااااه
فوزي من غير ما يتحرك : اقعد يلا واتهد شويه
اسلام قعد مكانه تاني
فوزي : ما تقولي انت مش موافق ليه... وسبب مقنع
اسلام:مهو بصراحه كدا ان كان ولابد ان بوسي تتجوز يبقي انا... علشان انا اللي اولي بيها انا ابن عمها
قال اخر جمله بعصبيه زياده
فوزي : ما تقوم تخدلك قلمين احسن ..... مكان من الاول يا جحش انت
اسلام : يعني ايه... يعني محدش كان متقدملها
فوزي : لا بلال كان متقدملها فعلا... كده هتكسفني مع الراجل
اسلام : ايه اللي هكسفك ما تقوله محجوزه لأبن عمها
فوزي : هيقولي مقولتليش من الاول ليه
اسلام فكر شويه : طب اقوله يأخد منه
كان فيه ملف علي المكتب راح فوزي واخده وراميه في وشه
فوزي : علي اخر الزمن هدلل علي بنات ابني
اسلام : قوله بلاش بوسي خد منه زي بلاها سوسو خد ناديه
فوزي : قوم يلا غور من وشي
اسلام : بص اتصرف المهم ميأخدش بوسي للإ هأخد روحه انا
وسابه وخرج فلمح خيال بيجري راح لقي بوسي قاعده وعامله نفسها بتذاكر بس كانت ماسكه الكتاب بالمقلوب فعرف انها كانت بتتصنت فراح وقعد علي كرسي جنبها ومسك الكتاب وعدله ..... حطت الكتاب علي الطرابيزه وقامت علشان تهرب وتمشي لاقت اسلام قلع جزمته وراح رازعها علي الطرابيزه فقعدت مكانها تاني وهي بتبلع ريقها بصعوبه
اسلام :كنتي بتتصنتي
بوسي بخوف : صُدفه صدقه والله صدفه
اسلام : متحلفيش كدب
بوسي : كنت ماشيه وسمعتكوا اعمل ايه يعني
اسلام : مش هتبطلي الخصله دي ربنا قال ولا تجسسوا يعني حرام اللي بتعمليه ده
بوسي كانت ساكته ولا كأنها تلميذه متذنبه بس مره واحده فتحت في الضحك
بوسي بضحك : اسلام هو بجد جايلي عتريس
اسلام : عتريس مين ده
بوسي : قصدي عريس يعني
اسلام : اه كان ها كان... بس انتي ايه رأيك
بوسي بصت للكتاب اللي علي الطرابيزه وافتكرت انها في ثانويه عامه
بوسي : اشطا قولوله بوسي جاهزه للجواز
اسلام بغيظ : نعم
بوسي : بصراحه انا لاقيت البنت مسيرها لبيتها وجوزها بلا دراسه بلا نيله
اسلام : علشان ترتاحي انا طفشته
بوسي بزهق : اه منا سمعت
اسلام : وسمعتي ايه كمان.
بوسي وشها احمر من كتر الكسوف وهو كان فرحان جدا وهو بيحرجها كده يمكن تبطل تتصنت شويه
بوسي : انك انك عايز.. تت. تت ... تت
اسلام : ايه ده الشريط سف ولا ايه طب حد يغير القناه يا جماعه
بوسي بغيظ : رخم.
اسلام : متطوليش لسانك وعلى العموم يا ستي انا قولت كدا علشان جدك كان مش هيخليكي تكملي السنه دي الا وانتي متجوزه وانا عايزك تكملي السنه علي خير
بوسي بفرحه : وبعد السنه دي هتقول لجدي علي الحقيقه انك مش عايز تتجوزني وعملت كدا علشان تخليني اكمل السنه
اسلام : هو انا هقول لجدي علي الحقيقه بس مش كده
بوسي : اومال ازاي
اسلام : هقوله اني عايز اتجوزك بعد السنادي
بوسي : هزارك بايخ
اسلام شاور علي وشه : باين عليا اني بهزر
بوسي بصت علي وشه ملاقتش اي مؤشر في ملامحه علي الهزار وانه جدي جدا في اللي بيقولي
بوسي بتوتر : قوم يلا... انت انت سايب الرجاله اللي بره علي فكره
اسلام لقي حب استفزازها واحراجها : بس انا مرتاح وانا قاعد هنا...
بوسي : هقوم انا... اشبع بالمكان
وقامت وسابته
بعد اما مشيت رجع اسلام بضهره لورا وقال بصوت واطي : وبعدين بقي هو انا بحب بروج ولا بحبك انتي وليه سمحت بجوازه بروج بس مستحملتش مجرد فكره انك تتجوزي حد تاني... حد غيري!!
**********************************************
اتصل بيها... خلاص اتعودت كل يوم قبل ما تنام يتصل بيها .. اليومين اللي فاتوا قربوهم من بعضهم
حسناء : الو
اياد : احلي الو سمعتها في حياتي.. عامله ايه يا قلبي
حسناء : كويسه الحمد لله.. انت اخبارك ايه
اياد : عايش بيكي وليكي.
حسناء : بطل بكش بقي ده انت بياع كلام
اياد : ده والله اللي انا حاسه
حسناء : اه وايه كمان
اياد : مش مصدقاني صح
حسناء : قولي انت اصدقك ولا لا واحنا من ايام كنا ناقص نضرب بعض بالنار لولا الهدنه اللي انت عملتها
اياد : وكانت احلي هدنه في حياتي
ابتسمت حسناء غصب عنها : بكاااااش وبتاع كلام والكلام ده قولته لكتير قبلي وانا عارفه
اياد : بيعجبني فيكي ذكاءك يا حبيبتي
اختفت ابتسامتها وقالت : تقصد ايه
اياد : قصدي ان انتي نكديه يا قلبي
**********************************************
خرجت من اوضتها وهي خايفه... طول اليوم وهي قاعده في الاوضه .... سمعت حركه بره فعرفت انه رجع بعدها سمعت دربكه بس مسألتش مخرجتش غير لما سمعت صوت الباب بيتقفل.... خرجت وهي عارفه كويس ان هتلاقي الدنيا مكركبه وهتضطر مجبره تنضف اللي هو عمله.... بس اتصدمت لما لاقت الشقه رايقه وفيه تحف وانتيكات غير اللي اتكسرت اتحطت
لاقت السفره محطوط عليها اكل وفي ورقه مكتوب فيها : كلي علشان انتي مكلتيش حاجه من الصبح.... داليدا رفضت تأكل وراحت علي التلاجه علي اساس انه هيلاحظ لو فيه اكل اتشال من علي السفره وممكن ميلاحظش اذا فيه اكل اتاخد من التلاجه... فتحت التلاجه لاقت ورقه فبصت فيها لاقت مكتوب فيها :علي اساس اني مش انا اللي شاري اللي في التلاجه برضه... كلي وبلاش مكابره
رجعت تاني علي السفره وكلت اكل قليل جدا وقامت دخلت اوضتها تاني تفكر في حظها او بالاصح تهورها اللي رماها في متاهه هي مش عارفه اخرها .... وبعدين هتعمل ايه في الشخص اللي عايشه معاه ده ومن الواضح ان شبه حاتم
وهي لسه في تفكيرها لاقت صوت باب بيتفتح
عدي دخل الشقه رمي المفاتيح والموبايل علي الكنبه وراح ناحيه السفره لقي الاكل زي ما هو ..... راح وخبط علي باب الاوضه فحضنت نفسها وهي بترتعش.
عدي : داليدا افتحي لو سمحتي انا عارف انك صاحيه.... النور والع. . .. افتحي لو سمحتي
داليدا صرخت بخوف : لأ
عدي : طب اخرجي بره الاوضه علشان في حاجات جوه انا محتاجها هأخدها وهروح الاوضه التانيه
داليدا قامت من علي السرير وقربت من الباب : طب ارجع لورا... ابعد عن الباب يعني اقولك اقعد عند السفرا
عدي اتنهد : كدا هترتاحي يعني
داليدا : اه
عدي : حاضر يا ستي
بصت من مكان المفتاح لاقته فعلا راح وقعد علي السفرا
فخرجت من الاوضه بخوف
عدي قام : اطمنتي كدا
وراح ناحيه اوضته فقوفته داليدا
داليدا : انا ممكن اخد الاوضه التانيه بدل ما تنقل حاجاتك
عدي : لااا
ولا هنا كانت قاطعه مفيش اي كلام بعدها
بعد شويه خرج من الاوضه ومعاه شنطه كبيره ووداها الاوضه التانيه
فقامت هي ودخلت اوضتها
فموبايلها رن. وطلعت صاحبتها اللي كانت معاها في السكن بتقولها ان فيه امتحان مهم بكره... قامت داليدا بسرعه وهي مفزوعه هي حياتها ضاعت بس مش عايزه تضيع دراستها هي كمان مش عايزه تغضب ربنا من كل النواحي.بس افتكرت انها جايه بهدومها اللي هي لابساها دلوقتي بعد اما امها قالتلها مش هتأخدي هدمه من عندنا وابقي خلي المحروس يصرف عليكي بقي... ده حتي اخدت منها الدهب بتاعها..... حمدت ربنا انها مخلتهاش تروح بالفستان ..... ولو حتي حبت تشتري حاجه هي ممعهاش فلوس فمقدمهاش الا حل واحد عدي
راحت عند باب الاوضه وقفت وهي متردده بس خبطت.... فتح عدي
عدي : ايه في حاجه ولا ايه
داليدا : صاحبتي قالتلي ان فيه امتحان بكره مهم وانا عايزه اعدي علي السكن بتاعي اخد كتبي ولو كان ليا هدوم هناك اخدها
عدي : تمام دقيقه بس وهاجي اوصلك.
عدي اخدها في تاكسي لانه معندهوش عربيه
عدي : ايوه ياسطا وقف هنا
داليدا : بس ده مش مكان السكن
عدي : انزلي لو سمحتي
نزلوا قدام محل ملابس ودخلوه
عدي : اختاري اللي انت عيزاه
داليدا : بس...
عدي : اختاري اللي لازمك ومالكيش دعوه.. انا هقف بره ولما تخلصي اندهيلي علشان ادفع
في بنتين كانوا واقفين بيختاروا معاها دريسات
بنت منهم : الا مين يا حبيبتي اللي واقف بره ده ده عمال يبصلك اوي
داليدا : ده جوزي
البنت التانيه : اوعدنا يارب
ابتسمت داليدا بحزن بتتحسد علي حاجه هي مش فرحانه بيها اصلاً
بعد اما اختارت اللي يلزمها شاورتله من ازاز المحل فدخل حاسب ومشيوا راحوا السكن اخدوا الكتب ورجعوا .... كل واحد فيهم دخل اوضته
عدي جه يخرج من اوضته لاقاها قاعده بتذاكر.... راح علي المطبخ وعملها فنجان قهوه علشان تصحصح
عدي : اتفضلي
داليدا بصت للفنجان : مش عايزه
عدي : ليه ده حتي علشان تركزي..
داليدا: ولا ينيمني
عدي : مش فاهم
داليدا : افهمك قصدي ان ممكن حضرتك تبقي حاططلي في القهوه دي منوم
عدي غمض عنيه بيحاول يسيطر علي غضبه : يعني مش عايزه
داليدا : لأ مش عايزه حاجه
عدي : بسيطه
ومسك الفنجان رزعه في الحيطه ودخل نام وهي ولا كأنها هنا
*******************************************
وتاني يوم الصبح
بعد ما خلصت المحاضره ندهلها فراحتله
عاصي : ازيك يا تلا
تلا : الحمد لله
عاصي : جدك مقالكيش حاجه
تلا : حاجه زي ايه
عاصي مرر صوابعه ما بين خصلات شعره بتوتر :اي حاجه
تلا : لأ
عاصي : يا الله
تلا : في حاجه ولا ايه
عاصي : يارب يبقي
تلا :نعم!!
عاصي : لا ولا حاجه
**********************************************
قاعده بوسي علي موبايلها فجأه لاقت رساله علي الواتس من رقم متعرفهوش مكتوب فيها :
" حبيبتي بباكي هيموت ويشوفك ابعتيلي صوره ليكي "
بروج كانت قاعده قريب منها
بوسي : بروج هي مرات ابوكي اسمها ايه
بروج : اسمها اللي ما تتسمي... دارسي بتسألي ليه
بروج : عادي يعني
فبوسي بعتت رساله للرقم :
" حضرتك مين "
الرقم بعت :
" دارسي "
الحلقة السادسة والعشرون من هنا
