روايه القلب وما يريد
( ارض الانتقام)
الحلقه ال 26
بوسي كتبتلها : هو بابا اللي قايلك
دراسي : اكيد يا حبيبتي... اومال انا هگلمك من نفسي
بوسي : انتي بتتكتبي عربي كويس اهو
دارسي : انا متعلمه اللغه العربيه وبعرف اتكلم واكتب احسن منك وبعدين انا جدتي مصريه
بوسي : طيب بابا ملكمنيش ليه ؟!
دارسي : بوسي باباكي مكسوف يكلمك بعد اللي حصل
بوسي : وانتي بقي وشك مكشوف مبتتكسفيش .... علي العموم لو عايزاني ابعتلك صورتي ابعتيلي صورتك. الاول
دارسي بعتتلها صورتها فراحت بوسي علي الفيسبوك ودورت علي اكونتها فلاقتها نفس الصوره فبعتتلها صوره يمكن قلب ابوها يحن لما يشوف صورتها وقفلت
لاقت اسلام جه وحط قدامها ورده وبوسي متبعاهم من بعيد
( ارض الانتقام)
الحلقه ال 26
بوسي كتبتلها : هو بابا اللي قايلك
دراسي : اكيد يا حبيبتي... اومال انا هگلمك من نفسي
بوسي : انتي بتتكتبي عربي كويس اهو
دارسي : انا متعلمه اللغه العربيه وبعرف اتكلم واكتب احسن منك وبعدين انا جدتي مصريه
بوسي : طيب بابا ملكمنيش ليه ؟!
دارسي : بوسي باباكي مكسوف يكلمك بعد اللي حصل
بوسي : وانتي بقي وشك مكشوف مبتتكسفيش .... علي العموم لو عايزاني ابعتلك صورتي ابعتيلي صورتك. الاول
دارسي بعتتلها صورتها فراحت بوسي علي الفيسبوك ودورت علي اكونتها فلاقتها نفس الصوره فبعتتلها صوره يمكن قلب ابوها يحن لما يشوف صورتها وقفلت
لاقت اسلام جه وحط قدامها ورده وبوسي متبعاهم من بعيد
بصت بوسي للورده باستغراب
بوسي : ايه دي
اسلام : احلي ورده لأحلي بوسي
بوسي رمت الورده : ايه القرف ده... ده بدل ما تجبلي ساندوتش يرم عضمي
اسلام بصدمه :،ساندوتش!!
بوسي : اه ساندوتش... وساندوتش منبار
اسلام مش مصدق نفسه وهو واقف قدام اكتر انسانه بارده ومقرفه شافها في حياته : منبار!!!!!
بوسي : ايوه منبار... من عند حمو ننوس
اسلام: ننوس
بوسي : مالك مستغرب كده ليه
اسلام ضرب كف بكف : منبار وننوس!!!!!
بروج ضحكت لدرجه ان هي مسكت بطنها فاسلام بصلها بغيظ : بتضحكي علي ايه دي بتقولك منبار وننوس ،!!!!!
بروج بضحك: اااه يا بطني مش قادره
تلا كانت معديه فبروج ندهتلها : تعالي يا بت شوفي حكايه المنبار بتاع بوسي
تلا : جدي طالبني في المكتب هروح اشوفه عايزني في ايه واجيلك
اسلام بص لبوسي وبروج : ده انتوا عيله تشل
وسابهم ومشي
بوسي بصت لبروج : هو ماله شكله مبيحبش المنبار ولا ايه
خرجت تلا من عند جدها بعد شويه وهي فرحانه ومبسوطه
بروج : خير
تلا بصت لبوسي : هقولك بعدين... علشان منقلقهاش
بوسي قامت من مكانها جري : لا انا مش بذاكر قولي يلا قولي
بروج : روحي يا بت اتنيلي ذاكر وانتي يا تلا تعالي اما نطلع فوق في اوضتي
بوسي وهما ماشيين : هعرف برضه بعد كده انتوا كنتوا بتتكلموا في ايه
طلعت بروج وتلا وقعدوا في اوضه بروج
بروج : ها بقي في ايه
تلا : عاصي متقدملي
بروج: لا
تلا : لأ ليه
بروج : الجوازه دي مش ممكن تتم
تلا: ليه كدا انا بحبه
بروج مبقتش عارفه تقولها ايه
بروج : طيب ما انتي كنتي بتحبني بلال
تلا : متقارنيش بينهم لو سمحتي... مفيش وجه مقارنه اصلا.. اه وصحيح بلال كان متقدم لبوسي فجدك قاله معندناش بنات صغيره تتجوز قبل الكبيره فاتقدم لمنه
بروج : ليه هي بيعه
تلا : انا هقول لمنه كل حاجه مش هخبي عنها حاجه
بروج : بس برضه انا مش موافقه علي جوازتك من عاصي
تلا: طب انا هقولك علي اللي عمله معايا وابقي احكمي
تلا قالت لبروج كل حاجه
تلا : بالله عليكي يا بروج ما تكسري فرحتي
بروج : انتي حره بس متجيش تقوليلي بعد كده انك ندمتي
تلا قامت باستها من خدها : لأ مش هاجي اقولك.. كتب الكتاب بعد اسبوع
بروج : ومالكم مستعجلين كده....
تلا: خير البر عاجله يا بوجي
وخرجت تلا علشان تروح لمنه
*******************************************
كانت منه قاعده في اوضتها ومعاها مامتها اللي بتحاول تخليها توافق علي بلال
منه : لا يا ماما لا
رقيه : هو ايه اللي لأ يا بت انتي هتجنينيني
منه : لا مش موافقه
رقيه : ليه يا غبيه
منه : ده انسان مش ملتزم يا ماما وانا عايزه زوج ملتزم
رقيه : خليه انتي يلتزم يا فالحه.. وبعدين بجوازكوا ممكن تخلي جسور يرجع لبروج يا هبله
منه : لا اله الا الله.. وانا مش موافقه برضه
رقيه : بقولك ايه بصريح العباره انا قولت لجدك انك موافقه واتفق مع الواد انه يجي النهارده
منه : انتي بتقولي ايه يا ماما. ليه كدا
رقيه : وانا هرضالك حاجه وحشه.. وبعدين في حاجه اسمها فتره خطوبه ولو رفضتي هتكسفي جدك
منه : امري لله هو جاي النهارده صح..
رقيه : اه
منه : تمام
خرجت رقيه من عند منه وتلا دخلتلها
نزلت رقيه وراحت علي مكتب فوزي
فوزي : ها قالتلك ايه
رقيه : موافقه يا حج موافقه حتي انها عايزه تشوف الواد النهارده
دخلت تلا لمنه وحكتلها كل حاجه
منه: هو انا مكنتش موافقه من الاول بس ماما قالتلي انها قالت لجدي اني موافقه وجدي بلغه بموافقتي ولو انا جيت رفضت دلوقتي هخلي شكل جدي وحش.
تلا : حاولي تعجزيه
منه : ازاي
تلا : اطلبي مهر غالي جداا.
منه جاتلها فكره : المهر اللي هطلبه مفيش اغلي منه
********************************************
راحت جامعتها ولاقته سايبلها فلوس علي السفره فاضطرت مجبره انها تقبلهم مهي مش عارفه هتعمل ايه.
خرجت من الجامعه لاقت صحابتها واقفين فوقفت معاهم
نورا : عملتي ايه في الامتحان
داليدا : الحمد لله
رانيا : يا بنات شايفين الواد اللي هناك ده
ساره: يخربيت حلاوه اهله... ده انا لاحظت من اول ما خرجنا انه واقف
نورا : ايه رأيك يا داليدا
داليدا ابتسمت بسخريه كل اللي هاممهم المنظر وهي اول واحده اهتمت قبل كده واخدت علي دماغها واديهم اهو واقفين يتغزلوا في عدي اللي ميفرقش عن حاتم في حاجه عدي ضحك علي خطيبته وحاتم ضحك عليها. جواها بركان لا قادره تخمده ولا قادره تخليه يثور... خرجتها من دوامه فكرها صوت صاحبتها نورا : هاي يا بنتي بقولك ايه رأيك
داليدا : عادي
ساره : ده عادي ده... ده انتي مبتفهميش حاجه صحيح ده الواد قالب علي احمد عز اوي
رانيا : يالهوي ده جاي ناحيتنا
عدي راح ناحيتهم ووقف قدام داليدا : ها عملتي ايه في الامتحان
داليدا : انت ايه اللي جابك
عدي : خلصت شغل بدري فقولت اعدي عليكي اشوفك عملتي ايه
داليدا: الحمد لله كان الامتحان كويس
عدي : الحمد لله
نورا : مين ده يا داليدا
داليدا : ده عدي جوزي... عدي دول اصحابي نورا ساره رانيا
ساره بهيام :ايوه والله اصحابها
عدي : اهلا وسهلا .... هنمشي يا داليدا ولا ايه
داليدا : ماشي... سلام يا بنات.
بعد ما مشيت البنات في صوت واحد : يا بنت المحظوظه
**********************************************
جه الليل وموبايل بروج رن فردت لان لاقتها حسناء
بروج : الو
حسناء : بروج الحقيني انا في كارثه
بروج : مالك يا بنتي
حسناء : تعاليلي دلوقتي انا كتب كتابي بعد شويه
بروج : اجيلك. فين انتي اتجننتي
حسناء :تعاليلي ابوس ايدك
بروج خافت من نبرتها اللي ببتوسل بيها وراحت عادي لانها من اهل العريس
قعدت منه مع بلال في الجنينه والعيله حواليهم ومحاوطينها بس بعاد شويه عنهم
منه : انا مهري غالي
بلال : اللي تؤمري بيه هتلاقيه
منه : انا مهري انك تحفظ القرآن الكريم ولاني عارفه انك مش حافظ كل قاعده زي دي هتسمعلي تلت اجزاء.
بلال : هي خطوبه دي ولا كُتاب
منه : نعم
بلال : موافق موافق
منه : وطبعا عارف ضوابط الخطوبه.
بلال : اه طبعا
منه : اللي هي ايه ؟!
بلال : بصراحه معرفش
منه : ممنوع منعا باتا كلام في الموبايل غير للضروره القصوي.. ممنوع تمسك ايدي ولو حتي علشان تلبسني الدبله انا مجوزلكش فحرام فعلشان كده هتبقي تدي الدبله لطنط والده حضرتك وهي تلبسني الدبله... ممنوع الخروج مقابلتنا هتبقي وسط اهلي وبحضورهم
بلال جواه : خطوبه دي ولا عقوبه اللي مربهوش اهله تربيه منه ولا ايه
******************************************
بروج اول ما راحت بيت ولاد فارس الكل كان عمال يبصلها.. بقت حاسه انها وقعت فعلا في جحر التعابين... نظراتهم وترتها فعماله تبص وراها زي التايهه بس صدت في حد فبصتله لاقته جسور.. رجعت بسرعه خطوتين وعيونه مش راضيه تبعد عنها
جسور : بروج!!
بروج : انا جايه هنا علشان كتب الكتاب
جسور كان لسه هيتكلم بس حيدر جه من وراه
حيدر : اهلا اهلا بست الكل نورتينا
بروج : البيت منور بأهله والله. هي عروستنا فين عايزه أشوفها
حيدر : فوق في اوضتها اتفضلي
طلعت علي السلم بس جاتلها فكره خبيثه علشان تحرق دم جسور فالتفتت
بروج : حيدر
حيدر : نعم
بروج : ابقي عيد زيارتك تاني علشان نكمل كلامنا
حيدر : بس كده من عنيا
وفعلا زي ما خططت التفت جسور وبصلها بغيظ فراحت بصاله بقرف وكملت طريقها.
جسور : كلام ايه اللي ما بينكوا
حيدر بتوتر : شغل شغل
خبطت بروج علي اوضه حسناء ودخلت لاقت صباح جوه
صباح راحت عليها وحضنتها : ازيك يا حبيبه قلبي
بروج : الحمد لله يا خالتي والف مبروك لحسناء
صباح : الله يبارك فيكي يا حبيبتي .... بصي يا حسناء خدي الطرحه دي لو حسيتي نفسك مكسوفه اوي حطيها علي وشك قبل ما تنزلي لكتب الكتاب
حسناء : حاضر
خرجت صباح
بروج : في ايه بقي
حسناء فتحت الماسنجر وشغلتلها فيديو فأول ما استوعبت اللي فيه بعدت وشها عن الشاشه
بروج : اقفلي القرف ده اقفلي
حسناء : ديل الكلب عمره ما هيتعدل يا بروج وانا مش هقدر اتجوزه بعد اللي شوفته ده
بروج ؛ وبعدين الحل ايه ده الرجاله كلهم تحت
حسناء : ابوس ايدك اتصرفي انا معدتش طيقاه مش عايزه اتجوزه
بروج بصت للطرحه : مش هتتجوزيه
حسناء : انتي ايه الي في دماغك
بروج ضحكت : فكره
