روايه القلب وما يريد
( ارض الأنتقام)
الحلقه ال 27
حسناء : ناويه علي ايه
بروج ضحكت
حسناء : بعد الضحكه دي... انا مش مطمنالك خالص
الباب خبط
حسناء بتوتر : مين ؟!
صباح : يلا يا حبيبتي المأذون جه
بروج. هي اللي ردت : حاضر يا خالتى هي نازله اهي بس هي مكسوفه فهتحط الطرحه
صباح : ماشي يا حبيبتي
حسناء : هنعمل ايه
بروج : فين العبايه اللي هتلبسيها
حسناء ناولتها العبايه
بروج قامت وحطت الطرحه علي وشها : ده اللي هنعمله
حسناء : لا ايه ده استني... انتي كده هتتجوزيه يا مجنونه
بروج : مين قال... اخوكي جسور هيوقف الجوازه
حسناء : انا مش فاهمه حاجه
بروج : انتي ليكي انك متتجوزيش اياد وخلاص .. غير كدا متسأليش
نزلت بروج وهي حاطه الطرحه علي وشها ولابسه العبايه بتاعت حسناء
صبأح زغرطت اول ما شافتها
صباح : الف مبرووك يا حبيبه قلبي
عزه : هي فين اللي ما تتسمي
صباح : يووه ده وقته
عزه : انا خايفه لتكون جايبه معاها عمل وترشه
صباح : بلا عمل بلا معملش بقولك ايه ده كتب كتاب بنتي ومش عايزه اي دوشه
بروج كانت عماله تسمع كلام عزه بغيظ فراحت قدامها وهرست رجليها
عزه : اااه ما تحاسبي
دخلت بروج وقعدت في الكرسي اللي قصاد أياد بتبص علي اللي ورا اياد لاقته جسور فابتسمت ابتسامه خبيثه
وراحت مسكت موبايلها وكتبت :
" ركز كده في اللي قاعده قدام اياد واللي هتتجوزه بعد شويه "
جسور بص علي بروج بتدقيق بس رجع وكتب رساله :
" مش فاهمك تقصدي ايه "
فبروج شاورتله علي نفسها كأنها بتقوله دي انا يعني... اتملت عينه بالشر وخصوصا ان المأذون بدأ .... وهو ماخدش ثانيه واحده كان حاطط ايديها في ايده وخارج بيها من الاوضه
جمال : ايه اللي انت بتعمله ده
جسور رفع ايده وهو ماشي وساحب بروج وراه وقال بعلو صوته :
محدش يكلمني دلوقتي لأرتكبلكوا جريمه
طلع بيها لأوضته وقفل الباب وراه وراح سايبها
مسكت بروج ايديها ودلكتها بألم : ايه اللي عملته ده
جسور بنبره خطيره : انا اللي عايز افهم انتي ايه اللي عملتيه
بروج ببرود : كنت هتجوز علي سنه الله ورسوله عادي
جسور حدف الابجوره مهي اول حاجه طالها
جسور : انتي عايزه تجننيني وبعدين تتجوزي ايه والعده مخلصتش ... كان قصدك ايه
وقرب منها فبروج رجعت بخوف : بقولك ايه ارجع مكانك واعقل
جسور قرب منها كمان : قوليلي... ليه عملتي كده
بروج رجعت وصرخت فيه : اختك مش عايزه تتجوزه
جسور قرب كمان وصرخ فيها : تقومي تتجوزيه
بروج رجعت بس المرادي صدت في الدولاب فمبقاش قدامها مهرب : اتجوز اللي اتجوزه انت مالك
جسور رفع ايده فبروج حضنت نفسها : والله لو ضربت لأضربك. علي نفوخك اجيب اجلك
بس جسور نزل ايده علي الدولاب
وهمس في ودنها بشر : عارفه لو اتكررت تاني انا ممكن اعمل فيكي ايه ؟!
بروج : مهي اكيد هتتكرر وهتجوز اومال انا هفضل علي ذكراك ولا ايه
جسور : يا الله .... تعرفي تمشي تغوري من وشي دلوقتي علشان مرتكبش جريمه
بروج : همشي تقولش هتتطردني من الجنه يعني
ومشيت خطوتين بس باب اوضه جسور خبط فبصت لجسور بخوف فشاولها ان هي تقف ومتتحركش وقرب من الباب وقال بزهق : ايه!!!
سليمان : الحاج بيقولك انزل دلوقتي وقدم تفسير علي اللي عملته لمش هيحصلك كويس
جسور : نعم!!!
سليمان بخوف : والله هو اللي قال مش انا
جسور : طب امشي غور انت... وانا هنزل وراك
جسور غمض عينه بيحاول يدورله علي اي حجه
جسور : يا الله هقولهم ايه بس
بروج: وسع كده ابعد عن الباب عايزه انزل
جسور : لأ انتي مش هتمشي من هنا الا لما انزل مضمنش حضرتك اما تنزلي هتتجوزيلي مين المرادي
بروج : متخافش المره الجايه هنقي كويس مهو مش كل مره تطلع اي كلام
جسور بنفاذ صبر : هرتكب جريمه هرتكب جريمه يارب الصبر
وفتح الباب ونزل قبل ما يتهور ويضربها ..... نزل وهو مش عارف هيقابل الرجاله ازاي وزي ما توقع لقي رجاله العيلتين واقفين علي الصفين مستنينه واول ما دخل مسلمش من كلامهم
جمال : كفايه يا رجاله اما نشوف هو هيقول ايه
ابو اياد: وهو اللي عامله له تفسير غير انكم بتستقلوا بالناس
جسور مقدرش يستحمل وصرخ بأول حجه جات في باله : ابقي ربي ابنك الاول وبعدين ابقي تعالي كلمني
ابو اياد : وانا ابني مش متربي يعني.. بتهزقونا في بيتكوا
جمال : جسور
جسور الموقف اتأزم معاه فقال اول كدبه جات في باله : لما يبقي علي علاقه غير شرعيه بواحده من اياهم يبقي مش متربي يا حاج ولا لقي حد يربيه
ابو اياد : لا انت كده زودتها
جمال : جسور معاك دليل بالكلام اللي بتقوله ده
جسور سكت دليل ايه اللي معاه وهو قال اي كلام علشان يبرر اللي عمله بسبب الهانم حبيبته
ابو اياد : شوفت يا حاج سكت ازاي يعني كان بيرمينا بالباطل والله ما هسكت علي الاهانه دي
زلزل صوت وراهم المكان وكان صوت حسناء : وانا مش هسكت علي الاهانه اللي ابنك سببهالي... عايز تعرف جسور منع الجوازه ليه علشان ده
وشغلتله الفيديو قدامه هو وابوها.
جمال : استغفر الله العظيم استغفر الله العظيم اقفلي يا بنتي الزفت ده
ابو اياد بص لابنه وضربه كف : وطيت رأسي يا كلب
كل ده وجسور مش فاهم حاجة بس اللي قدر بستنتجه ان الفيديو غير لائق وانه لما قال كدبته كان عنده حق
ابو اياد جره وراه اياد خرج بره لقي بروج واقفه ولابسه عبايه حسناء ففك ايده من ايد ابوه وراح مسك دراعها : بروج انتي كان ليكي يد في اللي حصل
لقي ايده بتتفك عن ايد بروج بقوه
جسور :ايدك يا بابا لاقطعهالك
اياد مشي وهو بيبصلهم بغل
جسور : تعالي اما اصولك
بروج : ليه يعني.
جسور : الوقت اتأخر
حيدر جه : لا تعالي معايا انا يا ست الكل هوصلك في طريقي
جسور حطت وشه في الأرض عمال علي قد ما يقدر يخبي انفعالاته
بروج : لا تسلم بجد يا حيدر بس اسلام جايلي دلوقتي
حيدر : تمام انا اصلا جايلكم بكره
بروج : تشرف والله ..... اسلام جه اهو... يلا سلام عليكم
حيدر :وعليكم السلام ورحمه الله وبراكاته
يدوبك بروج خرجت وكانت رقبه حيدر بين دراع جسور : قولتلي بقي هتروح لبروج بكره ليه !!!!
*********************************************
رجعت بروج القصر وهي فرحانه جدا انها عرفت تحرق دمه مع كل عصبيته بس كانت في قمه فرحها انها قدرت ترجع كرامتها تاني
رجعت ولاقت امها واقفه وفجر وبوسي بيتخانقوا علي الريموت
فراحلتلهم
بروج : في ايه يا ست الكل مالك زعلانه ليه
رقيه : تعالي شوفي الهم اللي انا فيه فجر بيتخانق علشان يجيب القط والفار وبوسي بتتخانق علشان تجيب جامبول انا زهقت هما صغيرين للي هما بيعملوه ده
بروج : ولا تزعلي نفسك يا ست الكل
وبصت لفجر وبوسي بغيظ : هاتوا الريموت ده
بروج اخدت الريموت منهم وفجأه ضحكت ضحكه بكل فرحه وغيرت القناه : مفيش غيره هو سبونج بوب وبس
رقيه : يا لهووووووي
فجر وبوسي اتقتلوا ضحك
جات جدتهم : بت يا بروج
بروج : نعم يا رزه.
فيروز : حصليني علي اوضتي
بروج راحت اوضه جدتها وقعدت جنبها علي السرير: نعم يا جدتي
فيروز : انتي حامل يا بت !!!
بروج اتوترت: حامل ايه يا جدتي بس... لا حامل ولا حاجه
فيروز : انا مبسألكيش انا بقولك
بروج : لا مش حامل
فيروز : اومال تعبك ده ليه وكل شويه حطالي ايدك علي بطنك
بروج : ده برد
فيروز : لا وحياه ابوكي اللي ما يستهلش اننا نحلف بحياته ابدا انتي حامل.... قولتي لجسور
بروج : لأ ومش هقوله
فيروز : بس ده حرام
بروج : ومش حرام اللي عمله فيا
فيروز : مانتي مش راضيه تنطقي وتقولي سبب الطلاق ايه تكونيش مستنيانا نشم علي ضهر ايدينا
بروج : مش هقوله يا جدتي وبالله عليكي ما تقوليله للإ هضطر امشي من البيت ده ومتعرفوليش طريق
فيروز : طب هتخبيه شهر اتنين تلاته بس بعد كده هتخبيه ازاي.. دي حاجه متتخباش
بروج : هسافر يا رزه لغايه ما اولدها واقول اني اتجوزت وارجع.
فيروز : تولديها!!!
بروج : اصلي حاسه انها بنت
فيروز : بصي يا بنت علام فكري مره واتنين وتلاته لأن اللي هتعمليه ده مش سهل ده انتي بتخبي ابن عن ابوه.... وعقلك في رأسك تعرفي خلاصك
*******************************************
هو في الشغل وهي قاعده في الشقه لوحدها مرعوبه وخصوصا علشان النور قطع وفي خبط ورزع في الشقه... اول مره تبقي محتجاه جنبها كده اينعم هي مبتطقهوش بس بتحس معاه بالامان... واكيد اللي بيخبط بره ده حرامي لانه لو كان عدي كان سمعت صوت مفاتيحه وهو بيفتح الشقه وفجأه ما بين الرعب ده سمعت صوت مفتاح الشقه فهديت شويه سمعت صوته وهو بيدخل الشقه وبعدين لما لقي النور قاطع حب يطمن عليها فجه عند اوضتها
عدي : داليدا
داليدا : عدي.. ده انت
عدي : اومال هيكون مين يعني
فتحت داليدا الباب واتعلقت في دراعه وقالت بخوف : عدي في حد في الشقه
عدي : ازاي يعني
داليدا شددت علي دراعه : سمعت صوت خبط
وفجأه سمعوا صوت خبط جامد في المطبخ
داليدا : مش قولتلك
عدي شغل كشاف موبايله : خليكي هنا وانا هشوف في ايه
داليدا فضلت ماسكه في دراعه : رجلي علي رجلك متسبنيش
راحوا عند المطبخ وعدي بص لاقاها قطه
عدي بتريقه : فعلا حرامي شرير
داليدا سابت دراعه وبصتله بغيظ : اصلا مكنتش خايفه
عدي بضحك : واضح واضح
عدي خرج من اوضته
داليدا بخوف : رايح فين
عدي : علي اوضتي
داليدا :طيب متسبنيش انا بخاف من الضلمه
عدي : طيب تعالي نقعد في البلكونه. الجو هنا حر
راحوا وقعدوا في البلكونه
دليدا : انا عارفه انك تعبان من الشغل بس معلش انا بخاف من الضلمه
عدي : لا عادي ولا يهمك... اصلا الشغل مش متعب للدرجه بيتقسم علينا الخمسه انا ونادر ويونس وايهاب وسحر
داليدا سابت الكل ومسكت في سحر : سحر مين
عدي : محاميه في الشغل معانا
داليدا : اه طيب
النور جه وكل واحد راح علي اوضته
*********************************************
تاني يوم الصبح
راح جسور لبروج ولاقاها بتتمشي في الجنينه
بروج باستغراب : انت
جسور : كان في حاجه لازماً اقولهالك
بروج : حاجه ايه
جسور : طب ممكن نعقد
بروج وجسور اعدوا علي طرابيزه موجوده في الجنينه
جسور : دلوقتي انا كنت انا ومنذر عاملين شركه كبيره وانتي كنتي شريكه في الشركة وكمان منذر كان عاملك الواصيه من بعده علي فجر علشان كده ليكي نص الشركه
بروج مبقتش تثق فيه واكيد جه يعترفلها بسبب خطه في دماغه
بروج : ومنذر كان عامل شركه معاك ليه
جسور : احنا أصحاب من واحنا صغيرين
بروج : اصحاب قولتلي .... طيب وانا ليا نصيب ازاي في الشركه
جسور : جدك كان ادي فلوس لمنذر باسمك علشان يشغلها
بروج : تمام تمام... طب ليه مقولتليش لغايه دلوقتي
جسور : كان في شويه اجراءات بخلصها... المهم في عقود صفقات مهمه لازما تمضيها ‘لازما نروح القاهره قريب
بروج في نفسها : يعني لولا الصفقات مكنتش عرفتني اصلا
بروج : ابقي بلغني بالميعاد والعنوان وانا هكون هناك ان شاء الله
جه الغفير: ست بروج... حيدر بيه جه
بروج : عن اذنك يا جسور البيت بيتك طبعا
ومشبت وسابته... جسور لقي نفسه هيرتكب جريمه فمشي وهو هيولع
قابلت بروج حيدر واتفقوا بانهم يراقبه جسور ويشتغلوا مع بعض ضده
**********************************************
بعد اسبوع
عاصي وتلا كتبوا الكتاب في الجنينه
عاصي وقف قدام الكل وحضنها.
بلال شاف المنظر ده بقي بيغلي راح لمنه وهي بتجيب صنيه للعصير وحاول يمسك ايديها ضربته بالكف علي وشه
منه : حذرتك قبل كده ان انت تلمسني لان ده مش من حقك ومش معني ان احنا اتخطبنا انك تعمل كده... انا ممكن بسبب حركتك دي انهي الخطوبه دي بس هبقي نكدت علي اختي فحذاري تعمل كده تاني او تتجاوز حدودك لاني مش هسمحلك
بلال : انا اسف
منه : استغفر الله
واقف بروج تتفرج علي تلا بعيون فرحانه
جه اسلام وقف جنبها : اخدتي الدوا ولا نسيتي زي عوايدك
بروج ضحكت : زي عوايدك
اسلام : هو حد قالك اني ممرض حضرتك علشان كل شويه افكرك بالدوا
بروج : وحد قابك تفكرني اصلا
اسلام : يا ساتر عليكي انا لولا خال البت ولا الواد اللي جايين دول مكنتش عبرتك
بروج : خال من قلت الاخوال
وبتبص علي تلا وعاصي لمحت وش بيبصلهم مبين عدم الاهتمام بس عنيه فيها نار غيره كفيله انها تحرقها بس هي بتستمتع جدا لما بتشوفه شايط كدا
********************************************
تاني يوم الصبح
رن موبايل منه
منه : السلام عليكم
بلال : منه انا اسف
منه : طيب
بلال : منه انا بجد عايز اتغير
منه : طيب استغفرت
بلال : بصراحه لا
منه : ايه رايك نتسابق في الاستغفار.
بلال: ازاي
منه : يعني نشوف مين اللي هيقدر يستغفر اكتر من التاني النهارده
بلال بابتسامه : ماشي... ههزمك علي فكره
منه : هنشوف
*******************************************
راحت تلا المحاضره متأخر ففتحت باب المدرج بصلها عاصي بعدم رضا... وكل اللي في المدرج بصولها
عاصي : ادخلي بس متتعدش تاني
الكل بصوا لبعضهم لانهم عارفين ان عاصي مستحيل يدخل حد بعده
عاصي : معلش يا جماعه كان كتب كتابها امبارح وعلشان كده اتأخرت فاعذروها ...... ويشاء القدر ان كتب كتابي برضه كان امبارح..... يعني بصريح العباره هي بقت المدام فمش هقدر مدخلهاش المدرج
اتقلب المدرج لتصقيف وتصفير ومباركات اما تلا فاتكسفت جدا فنامت علي المدرج كعاداتها
*******************************************
رن جسور علي بوسي
بوسي : بص بقولك ايه انت مش طلقت اختي متكلمنيش
جسور : وده علاقته ايه بان احنا اصحاب
بوسي : ما انتا لو كنت عامل حساب للصحوبيه مكنتش طلقتها
وفجأه لاقت الاوضه اتفتحت عليها وكانت بروج فسابت الموبايل يقع علي السرير
بروج : اندهي اسلام يلحقني انا هموت
بوسي بفزع : مالك
بروج : الحقيني هموت
ووقعت من طولها فبوسي صرخت : بروووووج
الحلقة الثامنه والعشرون من هنا
بدل ماتدور وتبحث علي الروايات خليها علي تليفونك وحمل تطبيقنا
