روايه القلب وما يريد
( ارض الانتقام)
الحلقه ال 29
جسور : مين يأختي االي ضربها
بوسي : بدر
حتي استخسرت تقول بابا
جسور : وجدك واسلام كانوا فين
بوسي : كانوا واقفين
جسور : لا والله .... ومتعرفيش هو اتنيل راح فين دلوقتي
بوسي :لسه خارج دلوقتي من عندنا
جسور بشر : تمام
عدي خرج دراسي من السرداب
واتصل بأبوه : تعالي خد مراتك ودي لإما مش هتشوفها تاني
بدر خد الظابط صاحبه وراح علي القصر
عدي استقبلهم وهو نازل علي السلم
عدي : اهلا نورتونا
الظابط : يلا معايا علي القسم
داليدا كانت واقفه
داليدا : يالهوي
عدي نزل ووقف قدامهم : بتهمه ؟!
الظابط : انت لسه متصل بيه وانا كنت موجود
عدي :وايه اللي يثبت انا متصل برقم مجهول مفيش رقم اصلا ومستخدم برنامج مغير صوتي يعني مش صوتي... وان جيت للحق انت اللي المفروض تخاف اقتحمت بيتنا وفتشت من غير اذن نيابه مستخدم سلطتك ايه رأيك بقي
الظابط : لو استخدمت اسلوبك يبقي ايه اللي يثبت اني جيت هنا
عدي : الكاميرات اللي في القصر ... ورجاله الحاج فوزي.... فإما تاخدوا اللي تخصكوا وتمشوا يا إما هأخد اجراء وقانوني ضدكوا
بدر : طب انا عايز مراتي
عدي : هتأخدها متخافش بس خدودها زهرت شويه فمعلش
عدي شاور للغفير وجابها
عدي : خدها ومترجعش هنا تاني
وكمل بتريقه : يا بابا
بدر خدها وهيخرجوا من البلد لقي واحد وقف في طريقهم فضل يشاورله ان يبعد عن الطريق بس فضل واقف فاضطر ان يضغط علي الفرامل
نزل يزعقله
بدر : انت يا متخلف مش قولتلك تبعد
بس بدر خاف لما لاقاه ملثم.... جسور خرج عصايه من ورا ضهره وفضل يضرب فيه ومرتحش غير لما كسرله دراعه واتكوم علي الارض....جسور راح بص في العربيه لقي دراسي مغمي عليها
جسور : لولا رقدتك دي كان زمانك جنبه.
**************************
داليدا : انت رايح فين دلوقتي
عدي : هخرج مع اسلام هنعدي علي الاراضي وهنيجي تاني ومتخافيش هنمشي بالليل
مشي عدي وفجأه دخل الغفير
الغفير : ست رقيه ... حامد واقف بره
رقيه : حامد مين... يالهوي حامد اخو يمني
الغفير : وعمال يزعق بره القصر ولم كل البلد
كله خرج بره وداليدا معاهم
حامد : يا اهالي البلد اسمعوني.... انا بعترف قدامكوا كلكوا ان عدي بن علام مغلطتش مع اختي وان اختي اشرف من الشرف وان في ناس زباله اغتصبتها ولو اعرفهم هقتلهم... وبعترف اهو ان عدي كان عايز يستر عليها
واحد من البلد : وانت عرفت منين بقي مش يمكن هو اللي ضحك عليها
حامد رمي قدامه دفتر : دي مذاكرات اختي هات اخر صفحه هي كاتبه فيها وشوف هي كاتبه ايه
الراجل : فعلا الكلام اللي بيقوله حامد صح يا جدعان
حامد : وبعترف ان انا اللي قتلت اختي ومستعد اني اتعاقب علي كل اللي عملته
داليدا اتصدمت ومبقتش عارفه تنطق كل اللي عملته انها دخلت اوضه عدي وفضلت تعيط بندم انها فكرت فيه بطريقه وحشه
اما بروج واخواتها حضنوا بعض علي فرحه براءه اخوهم
ورقيه وحسنيه فضلوا يزغرطوا
عدي رجع بعد شويه لقي عيلته كلهم.واقفين علي الصفين
عدي باستغراب : فيه ايه ؟!
رقيه : بانت برائتك يا حبيبي
عدي : براءه ايه.
بروج : حامد قال قدام الناس كل حاجه
عدي : عادي انا اللي كان هامنني انكم مصدقيني انما رأي الناس ويصدقوني او لا ميهمنيش
رقيه :،بس يهمنا احنا مبروك يا حبيبي
بعد المباركات والتهاني من العيله طلع عدي اوضته بس اتفاجئ لما ملاقاش داليدا فدخل الاوضه لاقاها قاعده في ركن وبتعيط
نزل علي ركبته
عدي : مالك بس ايه اللي حصل... حد من عيلتي زعلوكي... والله لو حد جرحك بكلمه ما هسكت
ولسه هيقوم مسكت دراعه
داليدا مسحت دموعها : محدش زعلني
عدي : طيب بتعيطي ليه
داليدا انفجرت في العياط تاني : علشان اخدت عنك فكره وحشه من كلام الناس رغم انك ساعدتني
عدي أخدها في حضنه : وده اللي مزعلك اهدي اهدي
داليدا خرجت من حضنه : كنت بتحبها
عدي شاور براسه اه : بحبها لدرجه اني بضايق لما حد يجيب سيرتها بحاجه وحشه... بحبها لدرجه اني كنت بتعصب لما الناس يتهموها بالباطل اكتر ما كنت بتعصب ان الناس بيتهموني
داليدا : ولسه بتحبها
عدي : اه طبعاً هو المفروض ان موت اللي بنحبهم يمحي حبنا ليهم ولا ايه
داليدا عيطت تاني بس مش المرادي علشان ندمانه المرادي علشان انها بتتمني ان كان في حد يحبها ربع حب عدي لخطببته
عدي : بطلي عياط بقي انا مسامحك
وفجأه سمعوا صوت عاصي بينادي علي عدي بصوت عالي جدا
عدي : انا هنزله
داليدا : استني هأجي معاك
**************************
في بيت ولاد فارس
كانت عزه قاعده مع صباح
صباح : شوفتوا اللي حصل قال حامد برأ عدي اخو بروج قدام اهل البلد.
عزه : كلام فاضي
صباح : الله وهو حامد مصلحته ايه انه يعترف ببراءه عدي
عزه : وهو لو برئ كده كان ضحك. علي بنتنا واتجوزها عرفي ولولا جسور كشفهم كان رضي يتجوزها
بيبصوا وراهم لاقوا عاصي اللي اخد بعضه وخرج... جريت صباح علي مكتب جسور وفتحت المكتب
صباح : الحق يابني عاصي سمعنا واحنا بنتكلم عن عدي وداليدا وخرج شكله رايحلهم
جسور جري يلحق اخوه قبل ما يتهور
خرج عدي بره القصر
عدي :ايوه يا عاصي
وملحقش يكمل كلامه لقي عاصي ضربه ووقعه علي الارض ونزل فيه ضرب
داليدا فضلت تصوت وحاولت تبعد عاصي عنه بس زقها وقعها جه جسور وبعده عنه وعيله عدي خرجت.
عاصي فضل يشتم عدي. داليدا حطت ايديها علي ودنها
داليدا : بس بقي بس
عاصي : اخرسي
داليدا : لا مش ههخرس لازم اتكلم... اللي انت بتضربه وتشتمه ده هو اللي ستر علي اختك واتجوزها بعد اما اتعرضت للاغتصاب
الكل في صدمه ومش قادرين يستوعبوا وخصوصا جسور وعاصي ...... جسور بص لبروج فبصتله بقرف... جسور حس بمدي غباءه وتسرعه
عاصي راح ووقف قدام داليدا
عاصي : بجد ولا بتدافعي عنه
داليدا : بجد
عاصي اخدها في حضنه وعيط : يارب ليه اللي عملته متردليش يارب
حست تلا بوجعه ووجع اكبر انا افتكرت الليله بتفاصيلها
راح جسور قدام بروج : انا اسف
بروج : اتأخرت اوي للاسف
**************************
وفي الفجر رن موبايلها واستغربت ان الفجر هيأذن كانت علي طول بتبقي صاحيه قبل الفجر بشويه يمكن علشان احداث يومها كانت كتيره ومتعبه لاقت بلال هو اللي بيتصل
بلال : شوفي غلبتك اهو قومي بقي علشان تصلي
منه : كويس انك صحيتني... جزاك الله خيرا
بلال : يلا بقي متكسليش علشان هتصل بعد الفجر اشوفك صحيتي وصليتي ولا لا
منه : متخافش صحيت
**************************
حاول كتير ان يخليها تسامحه بس موافقتش
وبعد ايام سافرت بروج واسلام علشان يتابعوا شغلها مع جسور وفضلوا في الفندق الايام اللي هي بتشتغل فيها
في قاعه الاجتماعات وقفت السكرتيره جنب جسور وقالت بدلع : اي خدمه تاني يا فندم
جسور من غير ما يبصلها : لأ شكرا
بروج بصتلها بقرف
بعد ما خلصوا الاجتماع.
بروج : ومنذر كان شريكك في الشركه دي بس
جسور : هو كان المفروض انه هيدخل معايا مشروع كبير اوي وارباحه كانت خياليه حتي حيدر كان عايز يدخل في المشروع معايا بأي طريقه بس انا موافقتش وقولتله ان منذر هيدخل معايا شريك بس لما منذر مات ملاقتش غير حيدر وشاركته
بروج : طيب
السكرتيره جات : لو سمحت يا فندم في عميل عايزك في المكتب
جسور : جاي
جسور خرج واسلام طلع لبروج
اسلام قعد قصادها : خدتي دواكي
بروج : اه بس هموت واكل ممبار
اسلام : واجبلك حمو ننوس منين انا دلوقتي
بروج ضحكت اوي
كان نسي ملف في قاعه الاجتماعات رجع لاقاهم بيضحكوا مع بعض كان هيولع
**************************
لقت التليفون الارضي اللي في الشقه بيرن فردت
داليدا : الو
= الو يا فندم مش ده رقم شقه الاستاذ عدي
داليدا: ايوه هو
= طب لو سمحتي ممكن اكلمه
داليدا : اقوله مين
= سحر زميلنه في المكتب... وومكن اعرف حضرتك مين
داليدا : داليدا.. مراته
سحر بصدمه : هو اتجوز
داليدا : ايوه يا عنيا مش تقولي الف مبروك بقي
سحر بحزن : الف مبروك
داليدا بغيظ : استني هندهولك
راحت وخبطت علي اوضه عدي ففتح وهو نعسان
داليدا : في مكالمه علي التليفون الارضي
عدي : مين
داليدا : سحر
عدي : اوبا شكلي اتأخرت علي المكتب وموبايلي نسيته مقفول
راح واتكلم : ايوه ايوه جاي تمام سلام
داليدا : وهي سحر متعوده تتصل بيك كتير
عدي: لا النهارده في شغل مهم
داليدا : انا هنزل الجامعه
عدي : طيب.. خلي بالك من نفسك
**************************
وهي راجعه من الجامعه شافت واحد بيبيع مناديل فمشيت وراه
رانيا زميلتها : بتعملي ايه يا مجنونه
داليدا : ده هو
رانيا : هو مين
داليدا: راضي الساعي
الحلقة الثلاثون من هنا
