روايه القلب وما يريد
( ارض الانتقام)
الحلقه ال 30
رانيا : راضي ايه وساعي مين يا بنتي!!
داليدا : بقولك ايه روحي انتي.. علشان انا ورايا مشوار
رانيا : تمام سلام
داليدا : سلام
داليدا استنت لما راضي قعد علي الرصيف
داليدا : اهلا
راضي بصلها :س س ست د د داليدا... ا ا ازيك
( ارض الانتقام)
الحلقه ال 30
رانيا : راضي ايه وساعي مين يا بنتي!!
داليدا : بقولك ايه روحي انتي.. علشان انا ورايا مشوار
رانيا : تمام سلام
داليدا : سلام
داليدا استنت لما راضي قعد علي الرصيف
داليدا : اهلا
راضي بصلها :س س ست د د داليدا... ا ا ازيك
داليدا : الله يسلمك يا راضي ممكن نتمشي شويه
ومشيوا
داليدا : راضي انا عايزه عنوان حاتم
راضي : ت ت تاني... ال ال مره ال اللي ف فاتت ر ربنا ن نقذك م منه
داليدا : مره ايه وضح كلامك
راضي : ال المره ال اللي ع عمل فففيها ا انه مميت... ا ا انا.. مم مكنتش ها هرضي ا ابدا ا انه يأ يأذيكي ... ل لما ل لاقيته ب بيقرب... مم منك.. و وانتي مم مغمي عليكي ض ضربته ع علي دددماغه و و ششيلته ححطيته فففي ججراج ال ال ال العماره
داليدا : يعني ايه هو مقربش مني ؟!
راضي : للللأ لأ ط طبعا م ملمسكيش ببب بالك ااا انتي ل لو يي يعتر فيا ها ها هيموتني.
داليدا : تعرف انت لو كلامك ده صح هتكون عملتلي خدمه عمري كلها والله.
وطلعت موبايلها واتصلت بجسور
جسور بص للاسم باستغراب بس رد
جسور : ايوه
داليدا : جسور تعلالي دلوقتي
جسور قام من مكانه : مالك في ايه ... داليدا انت بتعيطي ؟!
داليدا : اه
جسور : عدي زعلك
داليدا : مش هتبطل ظنك فيه بالشر كده
جسور : طب انتي فين!!!
داليدا قالتله علي مكانها وفي ظرف دقايق كان قدامها
نزل وراحلها جري
جسور : مالك في ايه انتي كويسه
وبص لراضي فراضي خاف من نظرته ورجع خطوه لورا
جسور : الواد ده ضايقك
ولسه هيروحله فداليدا مسكته وشاورت علي راضي : راضي بيقول انه انقذني من حاتم وضربه
جسور : حاتم مين!!
داليدا بصتله بغيظ
جسور : اه بعد كده تقولي الحيوان متجبيش سيرته علي لسانك تاني... طب لو هو انقذك ازاي قولتي انك اتعرضتي للاغتصاب الا لو لاقيتي علامات علي كده
داليدا اخدته بعيد شويه : قبل ما انزل وقعت في الدم اللي هو كان حاطه علشان يوهمني انه اتقتل فانا علشان كده تقريبا ح اتلغبطت واتوهمت ان الدم اللي علي هدومي ده ليا وكمان لاقيت هدومي متقطعه
جسور شدد علي ايديها لانه مش قادر ولا مستحمل كلام اكتر
جسور : هو بيقولك دلوقتي انك متعرضتيش للاغتصاب وانه نقذك صح ؟!
داليدا : اه
جسور : طيب مش عدي متجوزك علشان ....
داليدا : متكملش فهمت قصدك احنا عايشين مع بعض زي الاخوات
جسور : حلو تعالي هخلي دكتوره تكشف عليكي ونشوف الواد ده كداب ولا لا
جسور راح لراضي : تعالي اركب العربيه
راضي بص لداليدا
داليدا : متخافش
وفي المستشفي خرجت داليدا من عند الدكتوره وهي حاطه رأسها في الارض... جسور جري عليها
جسور بقلق : ها قالتلك ايه ؟!
داليدا فضلت حاطه وشها في الارض ومتكلمتش... جسور ضرب ايده في الحيطه
جسور : كنت عارف انه كداب
داليدا رفعت رأسها وعلي وشها اجمل ابتسامه
داليدا : ربنا حفظني يا جسور... انا محصليش حاجه الحمد لله
جسور وطي علي الارض وسجد وقام وقف وخدها في حضنه. ..... داليدا فضلت تعيط.
جسور باسها من رأسها : الحمد لله الحمد لله
وبص لراضي : اقسم بالله ليبقي عندك شقه يرمح فيها الخيل ومبلغ في البنك مكنتش تحلم بيه وهشغلك كمان معايا
راضي : ا ا انا معملتش ح حاجه.. ا ا اي حد م مكاني ك كان ها ه هيعمل ا ا اللي ا انا عا عملته
جسور : لا مش اي حد
افتكرت داليدا كلمه عاصي لما قال هو اللي انا عملته متردليش ليه يارب
فاتصلت بيه
عاصي : قلبي ايه اخبارك.
داليدا : اللي انت عملته اتردلك يا عاصي
عاصي : مش فاهم
داليدا : فاكر لما قولتلك علي اللي حصلي وقولت اللي انا عملته متردليش ليه يارب... معني كده انك نقذت بنت من الاغتصاب... وانا ربنا باعتلي اللي نقذني يا عاصي
عاصي : انتي بتقولي ايه
داليدا : بقولك ربنا ردلك اللي انت عملته يا عاصي
عاصي بفرحه : انتي بتتكلمي بجد
داليدا :جد الجد كمان
عاصي بقي مش عارف يعمل ايه ولا يقول ايه من فرحته : اقفلي اقفلي
داليدا بضحك : ليه في ايه
عاصي : اقفلي هقوم اصلي ركعتين شكر لله
داليدا : ماشي يا حبيبي
**************************
طول الطريق وهي بتفكر تقول لعدي ازاي... وفجأه وشها قلب لما فكرت ان ممكن عدي يسيبها لأن هو متجوزها علشان يستر عليها فيمكن لو عرف الحقيقه يسيبها لانها معادتش محتاجاله.. مجرد الفكره دي قلبت فرحتها لنكد... طب هي ليه خايفه فراقه... امتي بقي عندها مهم للدرجادي من امتي وهو مش عيزاه يسيبها كده
رجعت البيت وقررت تعمل حاجه جديده وتغير ديكور البيت وتجهز عشا فاخر
**************************
رجع الشغل وهو هيطير من الفرحه... كانت بروج مستنياه في المكتب فزهقت من القاعده فقالت تتمشي في المكتب شويه وبالصدفه شافته وهو واقف مع السكرتيره ومبسوط اوي وعمال يضحك معاها وهي بتتمايل قدامه بدلع... الدم غلي في عروقها وحست ان في دخان هيخرج من ودانها زي توم وجيري
جسور : قولي لكل موظفين الشركه ان عازمهم النهارده علي العشا
السكرتيره بدلع : وانا من ضمنهم ولا ايه
جسور : مش انتي من الموظفين يبقي هتيجي معانا
السكرتيره : انت جنتل مان خالص
لما بروج حست انه هيلتفت راحت وقعدت تاني ومسكت ملف تقيل اوي في ايدها وفضلت تقلب فيه
جسور دخل : بقالك هنا كتير
بروج : ساعه مثلا
جسور : اسف بس كان ورايا مشوار مهم
بروج : نتكلم في الشغل بقي
جسور : نتكلم
ولسه هيتكلموا السكرتيره خبطت ودخلت وجايبه معاها ملف وراحت وقفت جنبه
السكرتيره : الملف اللي حضرتك طلبته
جسور : حطيه عندك يا اسمهان.
حطت اسمهان الملف جنب ايد جسور ولمست ايده عن قصد.. بروج محستش بنفسها الا وهي بترمي الملف التقيل اللي كان في ايديها علي ايد اسمهان.... صرخت اسمهان ومسكت ايديها
جسور بقلق : مالك
بروج : لا بس غصب عني رميت الملف علي ايديها
جسور : فيها حاجه اجبلك الدكتور
بروج في نفسها : يا حنين
اسمهان : بلغت كل الموظفين.
جسور : تمام شكرا يا اسمهان
اسمهان : ده انت تؤمر
قالتها بدلع وده خلي بروج تبصلها بقرف وغيظ كأنها بتقولها متلمي نفسك بدل ما اجيبك مش شعرك
بعد اما خرجت
بروج : بلغت الموظفين بايه بقي
جسور : هخرجهم ونتعشي النهارده .... ايه رأيك تيجي معانا
بروج : لا شكرا اشبع بموظفينك
‘سرحت هي ناويه تنتقم منه ولا لسه بتحبه ولا ايه ولو بتحبه ازاي لسه بتحبه رغم أنها عرفت انه قتل منذر ولو مبتحبوش ليه بتغير عليه
**************************
كان قاعد في عربيته مستني بروج تخلص شغلها فحب يغلس علي بوسي شويه
اتصل بيها.
بوسي : نعم
اسلام : اخبارك ايه
بوسي : احسن منك
اسلام : لمي لسانك ده شويه... بتعملي ايه دلوقتي
بوسي : قاعده
اسلام :بتذاكري
بوسي : اه
اسلام : ولا بتسمعي جامبول
بوسي: والله بذاكر
اسلام : ده انا ادبح عجل علي كده
بوسي : وندبح ليه وانت موجود
اسلام : في ايه يا بت مالك متكلمش كلمه الا لما تردي عليا عشره مالك في ايه
بوسي : علشان تبقي تزهق عليا اوي
اسلام : وانتي شايفه اللي انتي عملتيه ده ميزهقش ازاي تأمنيلها وتبعتيلها صورتك
بوسي : الموضوع خلص ومن غيرك فقفل بقي
اسلام : ومين اللي فتحه مش انتي
بوسي : المفروض ان انت كنت تهديني بدل ما انت قعدت تشخط فيا كدا
اسلام : لو جينا للمفروض من الاول فالمفروض انك مكنتيش بعتيلها صورتك مكنتيش بعتيلهاصورتك ايه مكنتيش كلمتيها من الاصل
بوسي : بتلف تلف وترجع للنقطه اللي انت عايزها
اسلام : طب غيري الموضوع... المهم شدي حيلك علشان ميقولوش خطوبه اسلام وشها وحش عليها
بوسي : لا استني استني خطوبه اسلام بمين
اسلام :بيكي طبعا
بوسي : يا سلام واشمعنا انا يعني
اسلام : اهو يا ستي القلب وما يريد بقي
بوسي : قلب ايه بلا قلب بلا زفت .... يعني انا من دون رجاله العالم كلهم موقعش الا فيك انت.. نجوم السما اقربلك
اسلام : والله اللي يقرب من النجوم يقدر يقرب من القمر ويوصلك ولا ايه
بوسي: محدش قالك انك رخم وبايخ قبل كده
اسلام : اه انتي
بوسي : ده علشان بفهم علي فكره
اسلام : بصي انا بحوشلك واما ارجع هربيكي يا بوسي
بوسي : لا يا اسلام انا بهزر معاك وانت عارف كده كويس
اسلام : طيب لسانك ده يتلم شويه ومش معايا انا وبس مع الكل... خليكي راقيه في كلامك... واعرفي ان الكلام البايخ مش روشنه. وان كل كلمه لازما تخرج منك تبقي بحساب لان كل كلمه هتتحاسبي عليها... وكمان الكلمه بتتفسر بألف معني وبألف اتجاه فعلشان كده احذري كلامك
بوسي : حاضر
اسلام : يلا سلميلي علي اللي عندك وذاكري كويس
بوسي : وانت كمان سلملي علي بروج
اسلام : يوصل ان شاء الله
**************************
فضلت سهرانه مستنياه الاكل برد والساعه خلاص قربت علي 12 بس غلبها النوم ونامت علي الكنبه .. . دخل ولاقها نايمه فقعد علي الكرسي المقابل ليها وفضل يبصلها شويه لحد ما لاقاها بترتعش وكأنها سقعانه فقرر يصحيها
عدي : داليدا اصحي
داليدا صحيت
عدي : قومي يلا علي اوضتك
داليدا : لا... هو انت مش هتتعشي
عدي : لأ انا اتعشيت
داليدا : اتعشيت فين
عدي : في الشغل شاركنا في حق الاكل وكلنا كان اكل تحفه
داليدا : مع مين
عدي : مع زمايلي
داليدا بغيظ : وسحر كانت معاكم
عدي بصلها باستغراب ومش فاهم قصدها : ايوه
داليدا بعصبيه : طيييب
ودخلت وقفلت الباب وراها بقوه
عدي : لا اله الا الله هي مالها كده.. وايه اللي شقلب حال الشقه كده
**************************
وتاني يوم الصبح
في بيت ولاد فارس
قاعده في الجنينه تندب حظها اللي وقعها في إنسان عديم الاخلاق... حتي يوم كتب كتابها اللي اي بنت بتبقي فرحانه بيه اتقلب بنكد معاها لما الفيديو اتبعتلها.. وقتها حست ان كرامتها فوق اي حاجه وانها لازم تأخد موقف واتصلت ببروج.... فجأه لاقت سليمان قدامها فأتخضت.
حسناء : اخص عليك يا سليمان مش تقول احم او دستور كده . خضتني
سليمان : معلش يا ست هانم بس في واحد بره بيقول انه صاحب دكتور عاصي
حسناء : اول مره اعرف ان لعاصي اخويا اصحاب دخله
دخل سليمان ووراه شاب فضلت حسناء تبصله باستغراب لانها اول مره تشوفه
حسناء : مين حضرتك
شهاب : شهاب صاحب الدوك
حسناء : الدوك!!!
شهاب : قصدي الدكتور عاصي
حسناء : متأكد انك صاحبه.
شهاب : لا اله الا الله هكدب عليكي ليه يعني ده انا حتي زميله في السكن في القاهره
حسناء : هو انا قولتلك انك كداب انت هترمي بلاك عليا
شهاب : بلي مين يا ست انتي متحسني ملافظك شويه
حسناء : انا احسن منك ومن عشره زيك
عاصي من ‘وراهم :لأ لأ مينفعش كده امسكوا مطاوي لبعض وحاربوا
الاتنين شاوروا علي بعض وفي نفس الوقت اتكلموا
حسناء : هو اللي غلطان
شهاب : هي اللي غلطانه
عاصي : انا اللي غلطان ليكوا والله
وسلم علي شهاب وحضنه
عاصي : والله واحشني
شهاب : لا يا عم مش هوحشك تاني انا اتنقلت في مستشفي هنا
عاصي : كده والله طب كويس ..... شهاب دي اختي حسناء... حسناء ده صاحبي شهاب
شهاب : صدقتي بقي اني صاحبه.
حسناء : هو انا كدبتك اصلا علشان اصدقك انت اللي كنت داخل علشان تتخانق
شهاب : انا
عاصي بقي يبصلهم وهما بيتكلموا : انتوا هتتخانقوا تاني.. تعالي يا عم شهاب معايا .... وانتي اتخانقي مع دبان.وشك لان الراجل شكله مش غلطانلك
**************************
قامت من النوم تحضر الفطار واستنت لما عدي صحي وقرأ قرآن كعادته وخرج من الاوضه
داليدا بغيظ : ناوي تفطر ولا هتروح تفطر في الشغل مع زمايلك ومع سحر
عدي بص لملامحها اللي بتبين عصبيتها : ده علي حسب انتي هتفطريني ولا هتسميني
داليدا : اقعد افطر
عدي قعد
عدي : داليدا في حفله النهارده في المكتب علشان فوزنا بقضيه مهمه تحبي تيجي معايا المكتب
داليدا : سحر هتبقي هناك
عدي باستغراب : اه
داليدا : جايه
**************************
وبالليل
اتصلت بيه
منه : حفظت 3 اجزاء علشان هتسمعهم النهارده يعني هتسمعهم النهارده ومش هقبل اعذار
بلال : حفظتهم والله وجاي بعد نص ساعه اسمعهم
وقف اتنين في مبني قريب من قصر ولاد علام بيكشف الجنينه كلها بتاعتهم
- هي دراسي قالتلك ايه
= ادتني صور لتلت بنات وقالتلي اقتل اي واحده من دول
- طب وظهرت اي واحده فيهم
= لسه
