حكاية نور والتوام
الفصل الخامس عشر
وجدت وسادتي وقد بللتها الدموع لقد كنت ابكي حقيقة ايضاً وانا نائمة نظرت الى هاتفي وجدته رقماً غريباً رددت بشكل متثاقل وقولت الو مين..
- انا نبيل يا جميل
- قلت بلهجة عصبيه: انت مين الي ادالك نمرتي يا وقح وماتتصلش هنا تاني وقبل ان اقفل الخط قال: استني استني انا مش هضايقك خلاص انا بس عاوز مساعدتك عشان عيلة سراج ترتاح من الي اسمو سامح ده...
- قلت وقد بدأت اخاف من لهجته : يعني ايه مالهم عيلة سراج
- اصل الي اسمه سامح تقريباً ممكن تقولي على بوابة افلاس خسر في البورصة كل فلوسه وما فاضلش غير سراج باشا عنده حتتين ارض حيستثمرهم في مشروعين تلاتة وياخد قرض من البنك بضامنتهم وطبعاً عشان أخته متجوزه مراد وبقيوا عيلة واحدة مش هيرفضوا....
- قولت عندها بغضب: انت عاوز ايه ما تخلص الكلام ولااقفل السكة
- استني شوية الكلام في مصلحتك اسمعي سامح هايبيع الاراضي دول وياخد كل الفلوس ويهرب هو بيخطط لكده ناس من الحبايب عنده وصلولي ده......
- وانا مشكلتي ايه في الموضوع عاوز مني ايه
- راجي بيه عارفاه الي رفضتيه من زمان ..هو الي انا بشتغل عندو دلوقت ليه فلوس عند سامح ومش راضي يدهمله وعاوزين اوراق تثبت ان سامح له صفقات مشبوهه يعني عشان نضغط عليه وما يلعبش بديله ويسافر...
- انا ما معاييش حاجة بوقلك انت مش بتفهم انت...
- لأ معاكي يا نور وانا متأكد من كده عاوزهم وهتاخدي ربع مليون جنيه....
- انا تعرف نفسي في ايه...نفسي افضحك وافضحه واخلص منك ومنه في يوم واحد..
- فكري اذا كان مش عشاني عشان عيلة سراج بيه ولا انتي متعودة تطعني في ضهر الي يمدلك ايدو..
- ربنا ياخدك يا نبيل ابعد عني انت فاهم..
- يومين وعاوز جواب ربع مليون.وانتي فلة ما لكيش دعوة بحاجة بس تدينا الاوراق دي...
اقفلت سماعة الهاتف ورأسي يدور لا اعلم كيف اتصرف....وماذا افعل؟؟
اذا قولت للسيدة وفاء عن ما عرفته هل ستصدقني؟؟؟
ستقول انني اقول ذلك لأنتقم منه لا اكثر...وستسألني اكثر واكثر عن وضعه معي...وسأجلب الفضائح لنفسي ولمراد الذي لايعلم اي شيىء عن اخ زوجته الذي سيكون قريباً خاال لأبنائه..اين انت يا احمد الأن لتحل لي هذه المشكلة وتقف الى جانبي وتساندني يا ليتني قلت لك قصة سامح قبل ان تسافر وتتركني....
يومين عدو وها قد حان لقاء نبيل ومعه ربع مليون جنيه
ولا اعلم تبعاتها وما سيحصل لي ولعائلة سراج...
وان بقيت بعيدة أكون قد خنت عائلة اكلت وشربت لديها ولا تستحق مني ان اعلم ان عملية نصب ستقع فيها واسكت..
يبدو ان سامح قد باع كل مبادئه حتى انه تخلى عن اخته ووالده لأنه حتماً سيضرهم اذا فعل ما فعله مع عائله سراج...
ما احقره من بشر..لن اتركه يصل الى مبتغاه مهما كلفني الأمر...
رغم انني لا املك اية اوراق من التي يقول عنها نبيل كنت استعملها فقط كوسيلة ضغط على سامح كلما اعترضني ليتركني وشأني ولكنني لا املك شيئاً...
..........................
انهيت عملي وانا لم اقم به في هذا اليوم بالشكل التام..
كنت متعبة وشاردة ومشتتة من كل النواحي..حتى انني لم اسلم على الحاجة فايزه قبل ان أغادر.....
عدت الى المنزل لأجد زائرة غير متوقعة ابداً تجلس الى جانب الحاجة فايزة .....
حور !!!!!!!!!!!!!!!!!!!!!!!!!!
انتابتني الصدمة خاصة ان الحاجة فايزه كانت مبتسمة وكأنها علمت الموضوع وانا التي لم اقل لها في يوم أن لي شقيقة توأم.- ابتسمت وقالت: اهلاً يا نور انا والله يا بنتي اول ما شفتها داخلة عندي ومعاها عيل قولت ايه ده نور ايه اللي رجعها بدري من الشغل بس اما عرفت انها اختك الي رجعت من السفر اتبسطت عشان انتي كل اهلك بعاد عنك واهو اختك جات...
- اصطنعت حور السلام وحضنتني ببرود وانا عاجزة عن الكلام وغير مصدقة....
قالت الحاجة فايزه خليكي مع اختك وانا ادخل اعملكم شاي بقي.
- قولت بعد ان دخلت الحاجة فايزة: ما توقعتش اشوفك هنا يا حور..(قلتها مبتسمة).
- تنهدت وقالت: ما جابنيش ا لا الشديد القوي....
- يعني افتكرتي اني ليكي اخت وسامحتيني...(قلتها بلهفة)
- افسدت فرحتي بها وقالت:لا انا عاوزة ابيع البيت ولازم تمضي على الموافقة..
قولت بذهول: تبيعي البيت؟؟؟
- اه انا عاوزة ابيع البيت في حد هايشتري هو وكل بيوت الحارة وانا هابيع....
- تبيعي ليه ده بيت ماما ايه اللي جابرك هتقعدي فين لو بعتيه
- هاشتري شقه صغيرة اعيش فيها انا وابني وبالفلوس افتح محل صغير بدل المصنع الي بشتغل فيه وباخد منه ملاليم وخالي بيبعتلي كل شهر فلوس بس مش ضامناه ....
- تنهدت قائلة: والمبلغ كويس؟؟
- اه كويس وماتخافيش مش هاظلمك نصه لية ونص ليكي...
- انا مش بتكلم عشان كده انا بس حازز في قلبي ابيع بيت ماما
- ضحكت بإستهزاء : لأ بجد حنينة اوي مع اني اعرف انك بتموتي بالفلوس وعشانها دستي على كل حاجة لأ هانبيع احسن ما يوقع علية انا وابني كده كده البيت ايل للسقوط..
- قولت بملل: كفاية ياحور وهاعمل اللي انتي عاوزاه
- يبقى يوم الخميس الي غجي هاخلص كل حاجة وهبعتلك تجيي عندي تمضي وتاخدي فلوسك ..
- قبل ان تغادر قولت: انا مش عاوزة حاجة خدي الفلوس انتي يا حور..
- سرحت وهي تنظر لي وقالت: لأ....اشبعي بيهم انتي لاحسن تقولي في يوم اختي سرقتني انا ما خدش فلوس مش حقي يا نور ولا ابص لغيري....
تركتني وغادرت اتت الحاجة فايزه تحمل في يدها الشاي وقالت...هي اختك فين
- اصلها روحت متسعجله...
- روحت بالسرعة دي بقالها ساعة مستنياكي...
- هترجع ان شاءالله قريب هترجع....
..........................
مر يومين وانا على اعصابي متوترة واشعر بالضعف لا املك اي شيىء افعله جاء اتصال نبيل وبقيت لثوان انظر الى الرقم ولا استطيع ان أرد.....
- الو...
- ايه يا جميل الاوراق فين..
- قولت ببرود: ما فيش اوراق وما فيش حاجة وانت هاتبعد عني ومش عاوزة اعرفك ولا اشوف وشك بعد النهاردة
اقفلت سماعة الهاتف وانتزعت البطاقة منه ورميتها في اقرب صندوق نفايات........
..........................
بقيت امشي لوحدي في الشوارع ...
افكر تارة وابكي تارة واسرح تارة الى ان اصطدمت بأحدهم لأعتذر واواصل الى لا مكان....
الحزن الذي في داخي لا يزول مهما مر الوقت والمشاعر المختلطة بالحزن و الألم لا تنجلي بل تصر دائماً على ان تمزقني....
شعرت ان قوتي اخذها احمد معه عندما سافر هذا ان كانت تسمى قوة بل هي اشلاء ثقة بالنفس وبقايا ايمان تجمعت مع بعضها لتعطيني قوة....
كلما نظرت الى السماء اشعر ان الله معي اكثر لتعود الي ابتسامتي وحبي للحياة وللتوبة التي لن اتراجع عنها ابداً عهداً قطعته على نفسي امام الله ولوالدتي ......
لم اعد املك اي شيىء خسرت عائلتي ومن احب وحيدة مهما حاولت أن أحيط نفسي بأشخاص غرباء عني ....
وقفت امام احد المقاهي انظر الى العشاق الذي يجلسون في من خارج الزجاج دخلت لاشاركهم عشقهم بنظراتي البلهاء لأشعر بخيبة ويأس اكبر ولكن انا بحاجة الى الحب بحاجة لأن أراه لدى غيري لأنه استحالة ان يكون لي في يوم أتنفس من خلاله ضعفي.وقلة حيلتي لأنني بيدي وبإرادتي ضحيت بمن احب لكي لا اخسره بعدها رغماً عني...
شربت فنجان قهوتي وغادرت مررت بجانب احد الملاهي الليلة وجدت سيده اعرفها تخرج منه ما ان لمحتني حتى فررت هاربة لكنها اوقفتني..
-نور ازيك ايه ده انتي بتهربي مني ليه..
- قولت وانا ادير وجهي: عاوزة ايه يا شوشو هانم....
- يا ستي قولي كان بينا عيش وملح...السلام لله
- اه هو لله مش للي زيك
- طيب ماشي يا ستي الحق علية اني كلمتك منتي عاملة فيها الخضرة الشريفة
- ابعدي من سكتي كانت ايام سودة يوم ما عرفتك انتي السبب في كل الي حصلي يارب ينتقم منك ومن الي زييك.....
- قالت بصوت عالي في الشارع: انا لميتك من الشارع ومن الفقر الي كنتي فيه خلي الفقر ينفعك هاتشحتي بكرة وتقولي يا ريتني فضلت زي منا مش زي دلوقتي كده وهترجعي راكعة وتقوليلي عاوزة حتة ابات فيها يا شوشو..
- اقتربت منها والنار تشتعل داخلي وامسكتها من شعرها وضربتها واوقعتها ارضاً وانا اصرخ واقول: حقيرة وسافلة انتي والي زيك ربنا ينتقم منك لو قادرة اخنقك هخنقك.....(امسكت رقبتها بيدي الاثنين)
- قالت بصراخ وهي تحاول الوقوف امام الناس: طول عمرك هتفضلي في نظر كل الي يعرفك بنت ليل يشترو الليلة معاكي بجنيهات...عاوزة تعملي نفسك شريفة اعملي بس ما تبعليش مبادىء اتخليتي عنها بإرادتك ما حدش ضربك على ايدك يا نور لسه هتشوفي ايام سودا ....
ابعدوني الناس عنها وقفت امام كلماتها والجميع ينظر لي بعد ما سمعوها وتركتها لم ارد بعدها عليها غادرت مسرعة وانا ابكي...
هل حقاً انا كما قالت انا اقوم بتمثيل دور الشرف فقط وأنا لست كذلك؟؟؟؟
لم افعل لغاية الأن اي شيىء جيد في حق نفسي ولمن حولي الجبن والضعف دائماً يسيطرون على قلبي وعقلي لأهرب من كل المشاكل والصدمات...
ولكن كفى لن استكين لأي شيىء بعد الأن وسأقوم ولو لمرة بموقف مشرف في حياتي....
اخذت اول سيارة اجرة صادفتها متجهة الى منزل السيد سراج.
دخلت عليهم وألقيت السلام وجدت الجميع في الصالة وقفت امامهم وقولت للسيدة وفاء وللسيد سراج.
عاوزكم في موضوع مهم لو سمحتم متعلق بسامح دلوقتي حالاً....
الفصل السادس عشر من هنا
