#بنات_إبليس 2
شيماء:عمرها 25سنه من عائله متوسطه في الحاله الماديه عندها زوز خوات زهره وندى ❤️
تزوجت محمد تقليدي وكان محمد يعتبر المخرج الوحيد ليها من قسوة بوها ! علاقتها مع عائلة راجلها كانت تحت الصفر !بسبب طول لسانها وعدم احترامها لي عزوزتها وسلفاتها وعندها هلباااا قصص مجهوله !
محمد:راجل شيماء عمره30سنه موصفاته ابيض ونقشه ع الاسود ملامحه كيوت وهادي زي طبعه❤️وحنين هلبااا
زهره:اختها عمرها 23خريجت معهد حاسوب مواصفاتها سمراء ونقشها علي الاسود بس ملامحها حلوه وشعرها طوووويل...طبعها اجتماعيه وتحب تهدرز ومعروفه معندهاش علي الخبث .
معاذ:اخ محمد عمره 28سنه يموت في حاجه اسمها زهره والزوز في علاقة حب تعتبر عميقه هلباا❤️
منال:سلفت شيماء وراجلها اسمه عبدو منال هاذي صحبه قويه هيا وحماتها سلمى وياما مدايرين من حقارع مع بعض وكل وحده تغطي علي التانيه !
________________
في لحضات سريعه مرت علي العيله كلها زي الحلم
جت الاسعاف خذت شيماء للمصحه ع امل ينقذوها !!بس الصدمه ان من اول ما شافوها عرفو انها متوفيه 💔خذوها في الاسعاف ومحدش مستوعب يلي صار!كانت كاااااارثه وفاجعه كبيره للعيله كلها ..راجلها محمد خش في حاله هستيريه
وبنتها جنى يلي مسكرتش شهرين تبكي جعانه💔
الخوف مسيطر علي هلبا ناس من العيله خايفين ينكشفو!!وناس تانيه واجعتهم شيماء وبنتها يلي ماشبعتش من امها 💔
في لحضات ركبت خيمة العزاء وام شيماء وخواتها الاثنين(زهره وندى)قريب يهبلو لان امس بس كانت بينهم مقعمزه تهدرز شن يلي صار!!؟وسط الزحمه والعياط والصدمه كانت فيه نضرات وكلام وهمسات غريبه
منال:ساكته وتراقب بنضرات خايفه
سلمى:بطلي حركاتك منال!
منال:انتي مسمعتيش؟!خش عبدو قال حولوها لي الطبيب الشرعي وقالو انها ماتت بتسمم
سلمى:اوكي ونحنا مدخلناش
منال:شن تقولي انتي منو يلي رح يفهم الكلام هاذا و....
سلمى:اسكتي وبطلي اديري اللقطات هاذي تجيبي في الشبها لينا خلاااااص انسي عاد ماتت الله يرحمها
منال:بلعت ريقها وساكته بس كان واااضح الخوف علي ملامح وجها !!
______________________
الدكتوره:يعنى هما يلي قتلوها؟انتى منو فيهم
البنت:رح تعرفي ليش مستعجله؟؟
الدكتوره:به كمليلي القصه خلاص مش ضروري تحكي لو تبي!
البنت:خذت نفس عميق...وكملت
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
عبدو:شد حيلك محمد قضاء الله هاذا استوعب يلي صار الله غالب
محمد:يشوف لي خوه بعيون حمررر مش قادر يفهم شي !
عبدو:مرتك ماتت منتحره وبيبدو في التحقيقات !
فهمني صارت مشكله بينكم صح؟لان سبب الموت تسمم فهمني شن يلي صار ؟
محمد:قعمز ويديه علي راسه ...منعرفش منعرفش مش فاهم شنو صار
عبدو:يطبطب علي وجه محمد....محمد خلاص اصحى علي روحك وواجه يلي قاعد يصير
محمد:يبكي ووجها احمر 💔صح كانت مرته متبادلش فيه نفس كمية الحب ولا تحترم فيه مرات بس بجد كمية القهر يلي حس بيه كبيررره ولعند توا مش قادر يصدق خبر وفاتها 💔
__________________
محمد كان مش قادر يوقف علي رجليه من يلي صار
بعتو اثنين من الشرطه ومعاهم عبدو يلي هوا اخ محمد وقعدو يفتشو في الحوش ممكن يلقو دليل او اي شي يخليهم يفهمو يلي صار لان شيماء رح تقعد في الثلاجه لعند يفهمو هل هيا انتحار او جريمه قتل؟
ولو كانت جريمة قتل منو يلي مرتكبها؟
زهره:فتحت عيونها وكانت جنى راقده جنبها❤️
ندى:زهره تعالي معاذ يبيك برا
زهره:راسي يوجع فيا مش متحمله نشوفه
ندى:اطلعي لحبيبك كان هاذا بيخش راهو خايف عليك قريب يهبل
زهره:وقفت ساوت وشاحها بتعب وطلعت وسط الزحمه والعياط يلي صاير !
معاذ:اول ما شافها قلبه قريب طلع...زهرتي ربي يرحمها سلامة راسك
زهره:تبكي ومقدرتش ترد عليه
معاذ:تردد هلبا بس في النهايه حضنها ...خلاص اهدي حاس بيك
زهره:بعدت عليه ومسحت دموعها ...مش عارفه شنو يلي رح يصير مع جنى!كيف بتعيش بدون ام 💔
معاذ:اكيد مش رح نخلوها مفيش حد بيخليها بروحها اصلا مستحيل
زهره:خذت نفس عميق
معاذ:باس يدها ...ردي بالك علي روحك كل شوي طمنيني عليك
زهره:هزت براسها ومقدرتش ترد عليه سيباته ومشت
معاذ:يشوفلها من بعيد وخايف يلي في راسه يصير لان وقتها رح يهبللللل!!
___________________
بعد تفتيش طويل عريض لقو السم موجود في درج الحمام وكان نفس النوع يلي قتل شيماء رفعوه للمشفى ولما قاسو كمية السم المؤخوذه وحللوه طلع فعلا نفسه!💔والبصمات يلي علي شيشة السم كانت لي شيماء ....تسكرت القضيه بي اسم انتحار !
وطلعو الجثه غسلوها عشان الدفن 💔
كانت لحضات انهياااار ولحضات صاعبه علي عيلتها وراجلها بجديات !..شنو السبب يلي يخليها تنتحر؟معقول ع شان عركه بسيطه وهيا متعوده علي عركات اكبر بي هلبااااا مع عيلة راجلها؟
شنو يلي تغير المره هاذي !
محمد:دموعه موقفوش وهوا قايم الثابوت وقاعد حاس انه يحلم 💔حتى بعد شاف بي عينه كيف يحطو عليها في التراب مش مصدق!
ضحكتها كلامها فرحتها بي بنتهم كل شي قاعد بين عيونه مش قادر يصدق ان خلاص معش بيشوفها
______________________
منال:نوضي بنتي فرقي الشاهي تحركي
رتاج:اففف ياماما كله عليا انا وبس ...وناضت
منال:هاذا وين تريحت الله يرحمها
سلمى:اي الله يرحمنا كلنا
منال:الله ياخدك علي البرود يلي عندك
سلمى:والله يلي ميدير شي ميجيه شي
منال:زعمى البنت عند منو تقعد؟
سلمى:انا وخواتي مدخلناش فيها تقعد عند خلاتها منتحملش الفروخ
منال:رد بالك يسمعوك الناس هاذا اول يووم عزاء ره
سلمى:والله لو سيرتها كانت كويسه راهو مش هكي استغفر الله متجوزش علي الميت الا الرحمه توا المهم فتكينا منها
منال:استغفر الله وخلاص
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
#تسريع_في_الاحداث
بعد مرور شهر كامل علي وفاة شيماء !
عائلة راجلها بسرعه ما تخطت الموضوع بس محمد مقدرش يطلع من الدائره يلي هوا فيها ..كان شي صعب عليه هلباااااا
كل الناس حايره وتحكي علي شيماء ليش انتحرت وشنو السبب يلي خلاها تسمم نفسها؟!
بس هل هيا فعلا منتحره او مقتوله؟
جنى قعدت مع نعمات(ام شيماء الله يرحمها)وكانت زهره هيا يلي متكفله بيها ودايره بالها عليها من كل النواحي ❤️ومحمد كل يوم يزور فيها ومعاذ قلبه نااااااار خايف يصير يلي في باله 💔🔥
_______________
محمد:زي العاده فتح عيونه في شقته وحيد مفيش صوت💔ناض من نومه طلع بدون مايغسل حتى وجها وكل يلي في راسه يشوف بنته وبس لان مش متحمل فراقها دقيقه وفي نفس الوقت مش قادر يجيبها لان ميعرفش يعتني بيها ولا امه وخواته يتحملوها اصلا...نزل من الدروج تلاقى مع امه
ام محمد:وين علي خير ؟كل يوم نفس القصه ولا شنو
محمد:فتح باب السياره...شنو يعني نعش نشوف بنتي ولا كيف؟
ام محمد:لا شوفها حقك لاكن امتى بترحم روحك شوف حالتك كيف لا حوايج مغسولات ولا ماكله زي الناس امتى بتتزوج وتجيب بنت تربيها قدامك
محمد:مسكرتش ال40يما 💔
ام محمد:والله سكرت ولا مسكرتش مش رح يفيدك في شي لاكن انت وبنتك اهم فكر بي عقلك ومن غضوا نخطبلك احسن بنت
محمد:ركب السياره بدون ما يرد عليها لاكن دماغه موقفش تفكير في يلي سمعه ....شاف لي نفسه في المرايه كان مبهدل !..لحيته طويله وعيونه تعبانات من قلة النوم حتى ملابسه مش مرتبه رغم كان اكتر واحد انيق في العيله كلها 💔...سرح بي فكره وذكرياته لين وصل قدام الحوش
الهادي(اب شيماء):اهلا محمد تفضل تفضل
محمد:خش للمربوعه وقعمز بدون ما يحكي
الهادي:يازهرررره زهره جيبي جنى لي بوها
زهره:من بعيد ...به يا بابا
الهادي:نستأذن منك ولدي نمشي نصلي في الجامع ونجيك
محمد:خود راحتك
الهادي:طلع من الحوش وفي ثواني خشت زهره وبين يديها جنى
محمد:خذي بنته لي حضنه وكانت راقده❤️
زهره؛تهدرز بي عفويه....اليوم ناضت بكري دوشتلها ولعبتها توا بس رقدت❤️بدت تتحرك هلبا
محمد:يشوف لي زهره بنضرات غريبه ..
زهره؛ارتبكت...اححم هاتها من عليك لو اضايقت او شي
محمد:عطاها جنى...محتاجه شي ؟حليبها شمالاتها كملو؟
زهره:لالا يلي جبته اخر مره مكفي وزياده
محمد:كان بيحكي شي لاكن متردد ومش قادر يطلعه من فمه!!
زهره:تمسح في فم جنى وشافت لي محمد لما طلع صوته وبدي يحكي
محمد:معش قادرت نتحمل بنتي بعيد عليا
زهره:شافت بنضرة خوف...شن تقصد؟
محمد:بنتزوج بناخذها ادير بالها علي جنى كويس
زهره:مرتك مسكرتش شهرين لعلمك!😨
محمد:عارف ومنبيش مرا تانيه نبي حد يدير باله علي بنتي وبس
زهره:انا جنى مش مضايقتني ومعتبرتها زي بنتي ومنقدرش نخليها ...عادي تقدر تتزوج وتعيش حياتك محد رح يوقف في طريقك
محمد:يبرم في الذبله علي صبعه ويشوف للارض...بنتي نبيها تكبر بين يديا وانا منتحملش كلام الناس كيف خاش طالع عليكم ليا شهر بطريقه هاذي
زهره:الحل حسب رايك؟الزواج صح!ولو طلعت مرت اب قاسيه كيف بيصير محمد فكر كويس
محمد:بيتكلم بس قاطعه صوت الهادي...السلام عليكم
زهره:وعليكم السلام...خذت جنى ورجعت غرفتها ،
الهادي:كيف صحتك محمد وكيف العايله
محمد:الحمد الله الحمد الله .
الهادي:فتح تالفونه شاف الساعه
محمد:بتوتر ...ععع عمي جيتك بخصوص موضوع
الهادي:ان شاء الله خير ؟
محمد......
_______________
ساره:ماسكه صحن بسبوسه وخاشه لحوش جدها اول ما شافت خطيبها عيونها امعو وابتسمت من قلبها❤️
حازم:جت غزالتي ❤️جت بنت الخاله جت نور عيوني
ساره:كله قلته الا خطيبتي وحبيبتي 😒
حازم:شنو يعني كان انتي خطيبتي معناها حبيبتي؟مرات خطبتك بسيف وادبست فيك ره!
ساره:شنو تقول حازم🥺
حازم:هههههه نبصر ياهبله وانتي قريب تبكي 😂
ساره:الف مره نقولك البصاره هاذي منحبهاش ياحازم الف مرررره 😡
حازم:ضحك وخذي طرف بسبوسه...ياااارب تكوني مدايرتيلي فيها خطين خلي نزيد نحبك اكتر 🤤
ساره:هههههههه
سيف:طالع من حوشهم ويشوف لي ساره
حازم:قرن حواجبه وهوا ياكل...خشي داخل
ساره:منتبهتش لي سيف ...خليني قداش ليا عليك استاحشتك
حازم:خشي قتلك النم هوا يكحل فيك بيزيد شبحه تانيه بنقتلك
ساره:ابتسمت...به حبيبي
حازم:خشي وتقيمي عيونك نقتلك ياساره
ساره:احلا موته بين يديك🤤
حازم:ضحك ورجع قرن حواجبه...اقلبي وجهك داخل
ساره:خشت وبعتت بوسه من بعيد عشان تغيض سيف اكتر واكتر
ساره:من عائلة محمد ❤️بنت ملامحها تجنن😍بيضه ونقشها علي الاسود علاقه هيا وحازم ولد خالتها من الطفوله ولما كبر خطبها طول رغم ان في الف شخص حاول يفرقهم بس كان حبهم اقوا من كل شي🔥
اما حازم اسمر وشعره ولحيته علي القهوي عيونه صغيرات ومسحوبات لاكن جميل🥺❤️
وطبعا نضام العيله هاذي عباره علي حياش جنب بعض ميفضلهمش صور علي بعض !وحوش العيله في الوسط
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ندى:سكرت الكتاب:شن تحكي يابابا😨بجديات ؟
زهره:ساكته وتشوف لي امها
الهادي:اي وعلاش مستغربين؟زهره مش اول وحده تاخذ راجل اختها وتربي بنت اختها ...بعدين هيا خير من الغريب بي الف مره البنت صغيره عمرها شهور ومحتاجه بوها معاها وانا منقدرش نتحمل مسؤليه زي هاذي وبوها موجود !
نعمات:ساكته من اثر الصدمه وتشوف لي زهره
زهره:مدارتش ردة فعل غير انها تشوف للارض ولي بنت اختها بس!!
نعمات:تبي تزوجهم بنت الثانيه باش يركبوها حاله نفسيه وتنتحر حتى هيا زي اختها؟؟شنو يلي تخططله يا هادي البنت صغيره
الهادي:عيط بصوته يلي طوووول عمره مركبلهم الرعب بيه ....اي علميني توااا شنو ندير وكيف نتصررررف
ندى:سكرت عيونها من الخوف
جنى:نخلعت وناضت تبكي ...خدتها زهره في حضنها وطلعت من جنبهم
الهادي:هيا كلمه بي الكتير الاسبوع الجاي لا يلي بعده تكون عند محمد وتمت القصه هاذي
___________________
منال:وين امك انتي
ساره:مشت لي صاحبتها مريضه
منال:ديمه وهيا دايحه برا😒
رتاج:تشوف لي الذبله في يد ساره وقريب تموت
رانيا:طبست عليها وتحكي بهدوء ...شفت حازم برا اكيد جاي علي خاطرها
رتاج:ان شاء الله زي ما تأجل عرسها المره الاولى توا ميصيرش منه مره وحده
ساره:فتحت المسج يلي وصلها من حازم مكتوب فيه ...اطلعي نبيك غضوا عمل من الصبح انا ونبي نشوفك
ساره:ابتسمت وناضت بخطوات سريعه ..
حازم:نفخ الدخان ولوحه ع الارض
ساره:وقف وهوا هاطيها بضهر....حبيبي
حازم:تلف وقرب عليها....الزح استاحشتك
ساره: ضحكت....به بعد من عليا شويه عيب
حازم:باسها علي خدها...امتى بنتزوج. النم تعبت
ساره:حست بي حازم بدي يتخدر وهوا قريب ليها❤️...حبيبي بعد يشوفونا منضرنا بايخ يبدا
حازم:قرب عليها يوشوشلها في وذنها وهيا تضحك
رتاج:ان شاء الله تموت زي شيماء ونفتك منها زي ما فتكت منها ماما الحقيره
رانيا:سارحه تتفرج علي ساره وحازم...المشكله توا حتى لو مشيتي خبرتي فيهم مش رح يديرولك اعتبار زي قبل خلاص هوا خاطبها توا
رتاج:حست بنفسها مكسوووره ...خشت جنب امها وقلبها يغلي
__________________
علي سفرة العشاء :-
عبدو:فرح لما شاف محمد نازل بتعشى معاهم اخيرا
معاذ:عاش من شافك
محمد:بتعب...تعيش وتشوف
ام محمد:تفضلو الخبزه
معاذ:منوره امي
محمد:بنرفعكم الخميس لحوش اهل شيماء الله يرحمها
منال:شافت لي سلمى ع طول
ام محمد:وعلاش؟جيب البنت هنايا اخف مني
محمد:مش عشان البنت رافعكم عشان زهره
معاذ:طاح من يده الكاشيك وقام عيونه بصعوبه
منال:تشوف لي راجلها وتسأل فيه بعيونها محمد شنو يقصد؟
عبدو:ان شاء الله خير؟
محمد:معش متحمل بنتي تقعد بعيده عليا وبنتزوج بسيف ع خاطرها لاكن في نفس الوقت خذيت اقرب وحده ممكن تكون مناسبه ومنلقاش خير من خالتها ادير بالها عليها في النهايه من دمها
معاذ:حس بي الدنيا لفت بيه ....😨😨😨
ام محمد:وعلاش اختها؟قتلك ناخذلك خير منهاااا باش تفهم
محمد:شرب اميه وخذي مفاتيحه...تكلمت فيها البنت وتفاهمت مع بوها تصبحو ع خير....وطلع
طلع محمد وخلاهم مصدومين كلهم في قراره اما معاذ صار يلي كان خايف منه 💔ومنال وسلمى مختطاهم فشلت🤦🏻♀️
_________________
زهره:تمسح في وجها بي الفوطه قلبها قبضها لما شافت رقم معاد يتصل ..فكرت تتهرب بس لا امتى؟
لازم تواجه كل شي مهما كان صعب ..ردت بصوت يرعش ...الو
معاذ:يعيط بصوت عالي ....جااااااايك يازهررره جايك ورحمت امي لما نقتلك قبل ما تكوني لي حد تاني !
خووووووي يازهره؟خووووووي
زهره:مم م معاد
معاذ:سحب سلاحه ...جايك ..وسكر الخط ...
الحلقة الثالثة من هنا
