تزوجت_ملحد
_ أية : انا هعيش حياتي دي كلها تحت رجليك اسمعك و افهمك و هفضل علطول جمبك و في ظهرك ، و مهما الكلام كان قاسي ماتخبيش عليا ، و سكوتك و بعدك عني اكبر عذاب ليا
_ احمد : انا لا عايز حد معايا و لا جمبي و الاحسن تلمي هدومك و تروحي بيت ابوكي
اتصدمت ، للدرجاتي مش طايقني ولا عايزني جمبه ، انا متأكدة اني ماعملتش حاجة تزعله ، طب ليه كل ده ، بس ماستسلمت بردة
_ أية : انا عمري ماهسيب البيت اللي جمعني بيك ياحمد ، حتي لو انت طردني منه
_ احمد بزعيق : مش عايزك غوري من وشي ، غوري من هنا ، ايه مابتفهميش
خلاص مش قادرة استحمل و دموعي نزلت
_ أية بلطف : ماشي. ياحمد ، انا هطلع لحماتي هبات معاها النهاردة بحجة ان ياسين بيصحي و بيعيط بالليل وانت عايز تنام و تعبان من الشغل ، و مش هسيب البيت اللي جمعني بيك بردة لاني عارفة انهم يومين و هيعدو و هترجع احمد حبيبي و جوزي و ابو ابني ، هترجع احمد اللي انا اعرفة
قومت و انا منهارة من العيط و بفتح الباب عشان اخرج و اطلع انام مع ياسين فوق، لقيته مسكني من ايدي و شدني لحضنة و حضني بايدة الاتنين جامد ، و اعد يعيط و يقولي
ماتسبينيش ، انا هموت لو بعدتي عني ، ماقدرش علي بعدك ، عشان خاطري ماتسبينيش حتي لو قولتلك غصب عني امشي ، ماتمشيش و تسبيني ، عايز الحق اشبع منك و من ياسين ، مش عايز اموت و انتي بعيدة عني ، انا عندي كانسر في العظم و في المرحلة الاخيرة و هموت في اي لحظة.... ماتسبنيش وانا بموت ، عايز اموت في حضنك
لأ ، مستحيل ، كانسر!!! ، عقلي و قلبي و احساسي مش معايا ، مش قادرة اعمل حاجة ، حضنته بزيادة و انا بقول لأاااا و اعيط ، مش عايزة اسيب حضنة ، ولا هوه عايز يسيب حضني ، انا وهوه منهارين ، مش مصدقين اللي بيحصلنا ، معقولة في لحظة يروح مني ، لأاااااا ، مستحيل اسيبه يموت و يسبني لواحدي ، مستحيل اخلي الموت يفرق بينا ، هتحدي اي حاجة بس مش هخليه يبعد عني وعن ابنه
فضلنا حاضنين بعض كتير و نعيط و كل واحد فينا مش عايز يسيب التاني ، وجع ، وجع صعب اوي، مش قادرة استحملة ، مش قادرة افكر بمجرد تفكير انه ممكن يسيبنا ، عرفت ليه كان بيبعد عني ،عرفت ليه كان بيعاماني وحش ، كنت عارفة ان فيه حاجة كبيرة مخبيها عني
كان عايزني ابعد و اكرهه عشان مازعلش علي فراقة، كان بيقرب من ابنه عشان يشبع منه ، ماعتش قادر لا يصلي و لا يصوم ، كان بيقضي كل وقته بره عشان ماشفوش و هو موجوع ، كان بيعمل كل الحاجات دي عشاني ، كان بيشاركني كل فرحه و حزنه ، بس مارضاش يشاركني وجعه و مرضه ، ضحي بحاجات كتير عشاني ، بس لأ انا مش هسيبه ولا هسيب الموت يفرق بينا ، هنلف و هنعالج و هنحاول بس مستحيل يبعد عني
خلاص ماعدش حاسة بنفسي ، حاسة اني في كابوس كبير انا مش اده ، مش قادره اواجهه ولا عايزة اواجهه
نمنا و احنا حاضنين بعض ،و ايدينا في ايد بعض و روحنا في النوم علطول مش حاسين بحاجة حوالينا ، تاني يوم لقيت عضمي مكسر و ببص جمبي مالقتش احمد .......
الجزء الثالث من هنا
